Author: webrwanda

Ni ubwa mbere iki gitaramo kigiye kuba. Mu myaka yatambutse, ku munsi nk’uyu, hategurwaga ibitaramo byo kwizihiza Pasika ariko ntibyari bigifite imbaraga muri iki gihe.

Iki gitaramo kigiye kubera muri BK Arena, kizaririmbamo amatsinda akomeye mu Rwanda ndetse n’abanyamuziki ku giti cyabo bakora umuziki w’indirimbo zubakiye ku guhimbaza Imana.

Mu minsi iri imbere ni bwo hazatangazwa abahanzi bose bazaririmba muri iki gitaramo cy’ivugabutumwa cyatewe inkunga n’abarimo Samsung 250.

Iki gitaramo cya Pasika cyiswe “Ewangelia Easter Celebration Concert”, cyateguwe ku bufatanye n’Umuryango wa Bibiliya mu Rwanda (BSR).

BSR imaze iminsi mu bukangurambaga bwo gushyigikira Bibiliya ngo itazabura, akaba ari gahunda yafunguwe n’Umuvugizi Mukuru w’Umuryango wa Bibiliya mu Rwanda, Antoine Karidinali Kambanda.

Umwe mu bagize itsinda riri gutegura iki gitaramo, Nicodeme Nzahoyankuye, yabwiye InyaRwanda ko bateguye iki gitaramo mu rwego rwo gufasha Abakristu kwizihiza Pasika.

Yagize ati “ki gitaramo kigamije gufasha abantu kwizihiza Pasika. Abantu bazahabwa umwanya mwiza wo gutaramana n’amatsinda n’abahanzi bakomeye mu ndirimbo zo kuramya no guhimbaza Imana.”

Hari inkoranyamagambo yasobanuye ko Pasika ari 'Umunsi Mukuru w'ingenzi Abakristo bizihiza, bibuka izuka rya Yesu Kristo' 

Iki gitaramo cyo kwizihiza Pasika kizaba tariki 31 Werurwe 2024 muri BK Arena

Uyu mugabo uharanira guteza imbere umukino wa Basketballl, yabigarutseho mu kiganiro yatanze gishakimiye ku Nama ya Rwanda Day yabereye i Washington DC muri Leta Zunze Ubumwe za Amerika, kuri uyu wa Gatandatu tariki 3 Gashyantare 2024.

Iyi nama yitabiriwe n'ibihumbi by'Abanyarwanda batuye muri kiriya gihugu no mu bindi bihugu mu rwego rwo kurebera hamwe urugendo rw'u Rwanda mu myaka 30 ishize.

Mu kiganiro yatanze, Masai Ujiri yavuze ko Afurika ifite abakinnyi bakomeye ndetse n'abahanzi bakomeye ku Isi. Yagarutse ku rugendo rwe rwo gukina Basketball, amashuri yanyuzemo kugeza ubwo yiyemeje kubigira umwuga.

Masai yavuze ko mu 2016 yatumiye Perezida Kagame n’umuryango we mu mukino wabereye i Toronto, icyo gihe hari Abakinnyi rurangiranwa ku Isi.

Yavuze ko Perezida Kagame ‘yitabiriye uyu mukino’. Ati ‘Yarambajije ngo Masai wambwira Arena bisaba amafaranga angahe kuyubaka’.

Uyu mugabo yavuze ko yamuganiriye amubwira icyo bisaba kuba Arena, kandi ko ubu yamaze kuzura mu Rwanda. Ati 'Arena mwabonye mu mashusho ni iriya.”.

Masai Ujiri yavuze ko hejuru y’ibyo, ubuyobozi bureba kure bwanatekereje uko hakubakwa Sitade, ndetse n’ikigo kinini kirimo ibikorwa byose ushobora gukenera.

Masai Ujiri yavuze ko bitangaje ukuntu Arena yubatse mu Rwanda, nyamara mu bihugu bikomeye birimo n’abahanzi bakomeye muri Afurika ‘nta hantu hari Arena’

Masai yavuze ko iyo umuhanzi w'Umunyarwanda cyangwa undi wo muri Afurika agiye gukora igitaramo mu kindi gihugu bituma hari ababona akazi kandi abenshi baba ari urubyiruko.

Ati 'Ndashaka kubona Bruce Melodie ajya muri Uganda akuzuza Arena, yajya muri Tanzania akuzuza Arena, i Nairobi akuzuza Arena, kandi bizahanga akazi, bihange ubukire kuri twe.'

Yavuze ko igihe Arena yakubakwa mu bihugu bitandukanye byo muri Afurika byatanga akazi ‘kuri njye ndetse n’abandi bose bazabona akazi’.

Uyu mugabo yagaragaje amashusho y’ibikorwa binyuranye amaze gukorera mu Rwanda, birimo ibitaramo bya Giants of Africa, umushinga Zaria Court ari kubaka i Remera n’ibindi.

Yavuze ko kuba ibikorwaremezo no guteza imbere Igihugu bidasaba amafaranga menshi, ahubwo bihera ku bitekerezeho bizima.

Uyu mugabo yavuze ko Perezida Kagame ari guhindura u Rwanda na Afurika muri rusange mu rugendo rw’iterambere. Ati “Dukeneye izindi Arena ebyiri ku Mugabane wa Afurika. Ni amahirwe kuri twe Gushyigikirana… '

Yashimye umuryango we ku bwo kumufasha kugera ku nzozi ze. Yavuze ko buri gihe iyo mu nzira ataha iwe ‘ntekereza Impamvu Imana yampisemo”. Ati ‘Ariko Twese Imana yaduhisemo. Imana ihe umugisha u Rwanda, Imana ihe umugisha Afurika.”

 

Masai Ujiri yatangaje ko kubaka BK Arena byaturutse ku buyobozi bureba kure burangajwe imbere na Perezida Kagame 

Masai Ujiri yatanze ikiganiro cyagarutse ku guteza imbere Siporo n'imyidagaduro muri rusange 

Masai Ujiri yahuriye mu kiganiro na Bruce Melodie, umunyamuziki waririmbye mu bitaramo by'umuryango we Giants of Africa mu 2023

Yabigarutseho kuri uyu wa Gatandatu tariki 3 Gashyantare 2024, muri Rwanda Day yabereye i Washington DC muri Leta Zunze Ubumwe za Amerika.

Ikiganiro yatanze cyabimburiwe n'ijambo ry'Umuyobozi wa Giants of Africa akaba na Perezida wa Toronto Raptors, Masai Ujiri.

Bruce Melodie yahuriye mu kiganiro n'abarimo Umuyobozi wa NBA Africa, Clare Akamanzi ndetse n'Umuyobozi wa Molson Coors, Eugène Ubalijoro.

Uyu munyamuziki wamamaye mu ndirimbo zirimo nka 'Katapila' yabanje kugaruka ku rugendo rwe rw'umuziki, kugeza ku ndirimbo 'When she's around' aherutse gukorana na Shaggy.

Bruce Melodie wakuriye i Kanombe, yavuze ko ari ku nshuro ya kabiri ageze muri Amerika, kuko ahaheruka mu 2023 ubwo yari mu bitaramo na Shaggy.

Yavuze ko ari umuhamya w'uburyo mu myaka 30 u Rwanda rwiyubatse, kandi ruteza imbere ibikorwaremezo by'ubuhanzi byanamufashije ubwo yakoraga igitaramo cyo kwizihiza imyaka 10 yari amaze mu muziki.

Ati 'Nk'uko nabivuze, navutse mu 1992, najyaga mvuga ko nshobora kuba naravutse mu gihe kitari icya nyacyo ariko nanone nishimira ko nabonye igihugu cyanjye gikura, kigenda gitera imbere mu nzego zose.'

Uyu muhanzi yagaragaje ko mu myaka ishize byari bigoye kubona umuhanzi ku giti cye yitegurira igitaramo, ariko afite urwibutso ku gitaramo yakoreye muri BK Arena mu 2020.   

Akomeza ati 'Ariko muribuka ubwo nateguraga igitaramo cyo kwizihiza imyaka 10 maze muri uyu mwuga muri BK Arena, ni bwo natekereje ko imyidagaduro yacu yamaze igihe kirekire itegereje iki kintu. Ibikorwaremezo by'imyidagaduro bishyira igihugu cyacu ku ruhando mpuzamahanga.'

Bruce Melodie yabwiye urubyiruko ko ari bo Rwanda rw'ubu, bityo buri wese afite uruhare mu guteza imbere u Rwanda, binyuze mu bushobozi bwe.

Ati 'Ndashaka kubwira abato hano; turi bato twajyaga twumva ijambo Rwanda rw’ejo. Icyo gihe natekerezaga ko hari igihe kinini tuzaba dukura. Ariko ubu ni twe Rwanda, ejo harageze ubu noneho na twe dufite ubushobozi bwo gutekereza ku Rwanda rw’ejo, tukaruha ingero z’uko u Rwanda rukwiye kuba rumeze”.

Mu ijambo rye, Umuyobozi wa Giants of Africa akaba na Perezida wa Toronto Raptors, Masai Ujiri yagaragaje ko iyo ubuhanzi butejwe imbere, inyungu zigera kuri buri wese.

Ati 'Ndashaka kubona Bruce Melodie abasha kujya muri Uganda agakinira muri Arena, muri Tanzaniya agakinira muri Arena, i Nairobi agakinira muri Arena. Njyewe nawe na buri wese tuzabasha kubona akazi. Bizazamura urujya n’uruza, ubukungu n’ubushobozi bwacu bitere imbere mu buryo budasanzwe.'

Muri iki kiganiro, Umuyobozi w'Ishami rya Afurika rya Shampiyona ya Basketball muri Leta Zunze Ubumwe za Amerika (NBA Africa), Clare Akamanzi, ko ibikorwaremezo by'imikino n'imyidagaduro bifasha igihugu mu iterambere.

Ati 'Iyo ufite ibikorwaremezo nka biriya, ushobora gukorera amafaranga, ariko ntabwo ari amafaranga gusa ahubwo ni no guhanga akazi. Ntiwabireba nk'ibikorwa byifashishwa mu mikino n'imyidagaduro gusa, ahubwo ni ibifasha mu bukungu.' 

Bruce Melodie yavuze ko imyaka 30 ishize ibikorwaremezo byubakwa hatezwa imbere ubuhanzi ndetse n'Igihugu muri rusange

Bruce Melodie yabwiye urubyiruko kugira uruhare mu kugenda u Rwanda rw'ubu n'ejo hazaza

Bruce Melodie yavuze ko mu 2020 yakoreye igitaramo gikomeye muri BK Arena nk'umusaruro w'ibikorwa by'ubuhanzi byubatswe

Rwatubyaye Abdul yaciye amarenga ko yamaze gutandukana na Rayon Sports asubira muri FC Shkupi yo muri Macedonia.

Uyu myugariro usanzwe ari kapiteni wa Rayon Sports yari yayigarutsemo muri Kanama 2022 ayisinyira imyaka 2 avuye muri FC Shkupi.

Ubwo yari agarutse yavuze ko ari we wasabye iyi kipe ya FC Shkupi kuba yamurekura akajya gushaka aho akina kugira ngo agaruke mu bihe bye, hari nyuma y’amezi 6 abazwe imvune y’agatsintsino ku kirenge cy’ibumoso.

Abinyujije ku rukuta rwe rwa Instagram, Rwatubyaye Abdul yaciye amarenga ko yaba yatandukanye na Rayon Sports asubira muri FC Shkupi.

Ni amagambo yari aherekejwe n’amafoto ye ari mu myitozo y’iyi kipe iri muri Turikiya aho irimo gukorera imyitozo.

Ati “ndumva nishimiye cyane kuba hano i Burayi kongera gutangira ibyo ntarangije.”

Rwatubyaye Abdul yagize imvune muri Mutarama 2022 (ari na yo yatumye agaruka mu Rwanda) ubwo ikipe ye yo muri Macedonia ya FC Shkupi yari yakinnye umukino wa gicuti na na Sumqayit FK mu mukino wabereye muri Turikiya mu mujyi wa Antalya.

ISIMBI yagerageje kuvugana n’ubuyobozi bwa Rayon Sports kuri iyi ngingo ariko ntibyakunda kuko umunyamabanga wa yo, Patrick Namenye atitabaga telefoni ye ngendanwa.

Gusa amakuru avuga mbere ko y’uko igice kibanza cya shampiyona ya 2023-24, Rwatubyaye Abdul yari yasabye Rayon Sports ko muri Mutarama 2024 yamurekura agasubira i Burayi.

Abdul Rwatubyaye yakiniye Rayon Sports imyaka 3 kuva 2016-2019 ari nabwo yavaga mu Rwanda yerekeza mu ikipe ya Kansas City ikaza kumutiza muri Swope Park Rangers, nyuma yagiye muri Colorado Rapids na yo imutiza muri Colorado Switchbacks, yayivuyemo yerekeza muri FC Shkupi atandukana na yo muri 2022 agaruka muri Rayon Sports.

Rwatubyaye Abdul yagaragaye mu myitozo y FC Shkupi muri Turikiya

Yaciye amarenga yo gutandukana na Rayon Sports

Uyu munyamuziki wamamaye mu ndirimbo zirimo 'Marebe' yinjiye mu muziki mu mwaka wa 2015, ariko yamenyekanye cyane muri 2019, mu bitaramo yagiye akora byateguwe n'abandi, kuririmba mu bukwe ari kumwe n'itorero rye 'Cyusa n'Inkera' n'ibindi.

Cyusa Ibrahim ariko agaragaza ko gukurira mu itorero afite imyaka 5 y'amavuko, ndetse no kumva ibiganiro byibanda ku muco byatambukaga kuri Radio Rwanda, byabaye imvano yo gukora umuziki wubakiye kuri gakondo y'Abanyarwanda kugeza n'uyu munsi.

Mu kiganiro na InyaRwanda, Cyusa Ibrahim yavuze ko ari kumwe n'ikipe bari gukorana mu gutegura iki gitaramo, bamaze kwanzura ko kizaba tariki 1 Kamena 2024, kandi ko azaba ari kumwe n'abahanzi bagenzi be.

Ati 'Ni cyo gitaramo cya mbere ngiye gutegura nk'umuhanzi. Kandi kizaba ari igitaramo kigari, ubundi ibyo nakoraga kenshi byabaga ari muri za Hotel n'ahandi, wenda abantu bakaza kundeba, ariko ubu nzatumira n'abahanzi bandi, batari benshi cyane bose ba gakondo.'

Iki gitaramo yacyise 'Migabo Live Concert.' Cyusa avuga ko yacyitiriye iriya ndirimbo kubera ko idasanzwe mu buzima bwe, kuko ishingiye ku butwari wa Perezida Paul Kagame.

Ati 'Nacyitiriye izina 'Migabo' kubera indirimbo nakoze yo kurata Perezida Kagame, kandi tuninjira no mu gihe cyo kwiyamamaza mu matora y'Umukuru w'Igihugu. Ni igitaramo kibimburira kwamamaza umukandida.'

Akomeza ati 'Nabikoze muri ubwo buryo kugirango urubyiruko rwose rwifuza guttera ikirenge mu cya Perezida Kagame bacyiyumvemo. Kandi ni umuntu twese dukunda, tureberaho intambuko, tureberaho ingendo, rero niyo mpamvu nashatse kuyita 'Migabo Live Concert'.

Inteka rya Perezida ryasohotse ku wa 11 Ukuboza 2023, ryemeje ko Amatora ya Perezida wa Repubulika azabera rimwe n'ay'Abadepite, ku wa 15 Nyakanga 2024. Ku banyarwanda baba hanze y'u Rwanda amatora azaba, ku wa 14 Nyakanga 2024.

Mu bakandida bamaze kwemeza ko baziyamamariza umwanya w'Umukuru w'igihugu harimo Perezida Paul Kagame wemeje ko azahagararira umuryango wa FPR-Inkotanyi. Dr Frank Habineza nawe yatangaje ko azahagararira ishyaka rya Democratic Green Party of Rwanda.

Mu gitero cya cyuma cy'iyi ndirimbo 'Migabo', Cyusa Ibrahim yahimbiye Perezida Kagame aririmba agira ati 'Twiririmbire umuvunyi; koko atwara umuronko wananiye abaswa. Komeza utsinde nyagutsinda komeza ugabane nyakugabana; Twagurire amarembo dukomeze Kwanda; abatunenaga ubu badutira icyansi!!'

Cyusa ni umutaramyi wa cyane wisanzuye mu Kinyarwanda akaba umuhanzi watwawe n'injyana Gakondo. Yabonye izuba ku wa 13 Nyakanga 1989.

Ni mwene Rutare Pierre, se w'umuhanzi w'umubiligi 'Stromae' usigaye ubifatanya no kumurika imideli. Stromae avuka kuri nyina w'Umubiligikazi Miranda Marie Van Haver mu gihe Cyusa avuka kuri nyina w'umunyarwandakazi. 

Cyusa yavuze ko mu gitaramo cye azita ku ndirimbo nshya abantu batarumva, ndetse azaririmba nyinshi mu ndirimbo ziri kuri album ze zabanje. 

Cyusa Ibrahim yatangaje ko tariki 1 Kamena 2024 azakora igitaramo yise 'Migabo Live Concert'

Cyusa yavuze ko iki gitaramo yakitiriye indirimbo yahimbiye Perezida Kagame kubera ko idasanzwe mu buzima bwe

Cyusa yavuze ko muri iki gitaramo cye bwite azifashisha abahanzi bagenzi be

KANDA HANO UREBE AMASHUSHO Y’INDIRIMBO ‘MIGABO’ CYUSA YAHIMBIYE PEREZIDA KAGAME

KANDA HANO UREBE AMASHUSHO Y'INDIRIMBO 'UMUTONI' YA CYUSAIBRAHIM

 

Niba warakurikiraniye hafi ukwezi kwa Mutarama 2024 wabonye ko ari ukwezi kwatangiranye amatwara anyuranye n’ayari asanzwe aho wasangaga abantu bamaze kumenyera ko bahurira mu gitaramo ngarukamwaka cya East African Party.

Nyamara mu matariki ya nyuma y'Ukuboza 2023 byatangajwe ko iki gitaramo kitakibaye. Uvuze ko ihagarara ry’iki gitaramo ryateje icyuho mu muziki n'imyidagaduro nyarwanda, ntabwo waba ubeshye.

Gusa nyuma ya byose ubuzima burakomeza abantu bakidagadura. Mu bundi buryo wavuga ko ukwezi kwa mbere k’umwaka wa 2024 kwarimo ibirori n'ibitaramo bicye cyane.

Imyidagaduro ariko yarakomeje Miss Nishimwe Naomie afungura umwaka yambikwa impeta na Michael Tesfay, hari kuwa 01 Mutarama. Bahise bajyana mu biruhuko muri Zanzibar banakomeza guhererekanwa amagambo y'urukundo banizihiza isabukuru.

Uwase Muyango Claudine na Kimenyi Yves bakoze ubukwe basezerana imbere y'amategeko kuwa 04 Mutarama maze kuwa 06 Mutarama bakora umuhango wo gusaba no gukwa ndetse basezerana imbere y'Imana.

Umunsi wabo w'amateka bawusozanyije ibirori byitabiriwe n'ibyamamare bitandukanye byabereye Romantic Garden.

Kuwa 08 Mutarama mu Karere ka Bugesera ni bwo Kate Bashabe abinyujije muri Kabash Cares yafashishije abana 660 kubona uburyo bwo gusubira ku ishuri.

Yabahaye ibikoresho anaborohereza kubona ifunguro ryo ku manywa mu gikorwa yashyigikiwemo na Bruce Melodie na Christopher.

Kuwa 05 Mutarama ni bwo kandi Kenny Sol yasezeranye mu mategeko n'umukunzi we. Kuwa 10 Mutarama yahise atangazwa nka ‘Brand Ambassador’ wa telefone za Infinix.

Alyn Sano yashyize umukono ku masezerano yo kwamamariza Tecno, Meddy yongera gutangiza abantu umwaka mu ndirimbo isingiza Imana yahuriyemo na Adrien Misigaro bise 'Niyo Ndirimbo'.

Bruce Melodie yasoje ukwezi kwa mbere kwa 2024 yinjiye mu bushabitsi bushingiye ku mikino ya Basketball aho hamwe n’itsinda bakorana ririmo Coach Gael baguze imigabane muri UGB.

Byinshi byisumbuye birimo amakuru yandi yagarutsweho, ubusesenguzi ku buhanzi n'imyidagaduro, ibirebana n'Inama y'Igihugu y'Umushyikirano, gahunda ya Rwanda Day n'ibindi bitandukanye urabisanga mu kiganiro kihariye kigaruka kuri Mutarama mu myidagaduro kiri kuri YouTube ya inyaRwanda.

KANDA HANO UREBE IKIGANIRO CYAGARUTSE KURI KATE BASHABE, NAOMIE, YOLO NA BRUCE

Kate Bashabe yafashishije abana 660 kubona uburyo bwo gusubira ku ishuri neza barimo 60 bari bararitaye i BugeseraMuyango yatangiranye umwaka akanyamuneza yiyemeza kubana mu buryo bwemewe kandi buzwi na Kimenyi Yves bafitanye umwana w’umuhunguKenny Sol yasezeranye mu mategeko na Kunda Alliance Yvette bari bamaze igihe bakundanaBruce Melodie n’itsinda rimufasha bashoye imari muri UGB ikipe yatangiye muri 1998 muri LDK iri mu zihagaze neza muri Basketball

Kuri uyu wa Gatandatu saa cyenda ni bwo hakomeje gukinwa imikino yo ku munsi wa 19 wa shampiyona y’icyiciro cya mbere mu Rwanda.

Kuri Kigali Pelé Stadium, ikipe ya Kiyovu Sports yari yakiriye Gasogi United nyuma yuko Perezida wayo Kakooza Nkuliza Charles atangaje ko ayisheshe ariko nyuma akaza kwisubiraho.

Ni umukino warangiye amakipe yombi anganya igitego 1-1, Kiyovu Sports niyo yakibonye mbere ku munota wa 12 gusa gitsinzwe na Tuyisenge Hakim naho Gasogi United iza kwishyura nyuma y’iminota 5 gitsinzwe na Niyongira Danny. 

Kuri sitade y’akarere ka Bugesera naho ikipe ya Bugesera FC yahakiriraga ikipe ya Sunrise FC basangiye Intara y’Iburasirazuba.

Byarangiye iyi kipe ya Sunrise FC itsinze ibitego 2-0, byatsinzwe na Nzabonimpa Prosper kuri penariti ndetse na Yafes Mubiru .

Ikipe ya Bugesera FC nyuma yo gutsindwa uyu mukino ikomeje kujya ahabi kubera ko imikino ikomeje kuruta amanota aho iri ku mwanya wa 15 n’amanota 17 mu mikino 19 ikomeje gukina.

Undi mukino nawo wabaga ni uwo ikipe ya Etoile de l’Est yakiriyemo Mukura VS Sitade y’akarere ka Ngoma. Ni umukino ikipe ya Mukura VS yitwayemo neza itsinda ibitego 2-0 bya Elie Tatou ku munota wa 64 ndetse na Bruno Ronie ku munota wa 86.

Indi mikino iteganyijwe ku cyumweru, Musanze FC izakira APR FC, Muhazi United yakire Amagaju FC, Police FC yakire Etincelles FC naho Rayon Sports yakire Marine FC.

Abakinnyi 11 ba Kiyovu Sports babanje mu kibuga 

Abakinnyi 11 ba Gasogi United babanje mu kibuga

Kakooza Nkuliza Charles waherukaga gusesa Gasogi United yarebye uyu mukino, aha yari kumwe na Munyakazi Sadate na Visi Perezida wa Kiyovu Sports, Mbonyumuvunyi Abdul Karim

Mbonyumuvunyi Abdul Karim kuri ubu niwe muyobozi mukuru wa Kiyovu Sports nyuma yuko uwari Perezida wayo yeguye

Abakinnyi ba Gasogi United bishimira igitego batsinze 

Abakinnyi ba Kiyovu Sports bishimira intsinzi 

Nyuma y’iminsi ibiri itandukanye na USM Khenchela yerekeje gukina muri Iraq.

Tariki ya 1 Gashyantare 2024 ni bwo iyi kipe yo mu cyiciro cya mbere muri Algeria yatangaje ko yatandukanye n’abakinnyi barimo na Manishimwe Djabel wari wayinjiyemo muri Nzeri 2023.

Uyu mukinnyi akaba yamaze kwemezwa nk’umukinnyi mushya wa Quwa Al Jawiya ikina mu cyiciro cya mbere muri Iraq.

Quwa Al Jawiya ni imwe mu makipe afite amateka akomeye muri Iraq aho ifite ibikombe 7 bya shampiyona.

Manishimwe Djabel abaye umunyarwanda wa kabiri ugiye gukina muri Iraq nyuma ya Usengimana Faustin usanzwe ukinayo.

Manishimwe Djabel yanyuze muri SEC mbere yo kwerekeza mu Isonga baje gutandukana muri 2014 ubwo yerekezaga muri Rayon Sports, batandukanye 2019 yerekeza muri APR FC yakiniye kugeza mu 2023 ari nabwo batandukanaga agahita ajya muri Mukura VS yakiniye igihe gito ahita yerekeza muri USM Khenchela yakiniraga kugeza uyu munsi.

Yamaze kumvikana n’iyi kipe

Manishimwe Djabel agiye gukina muri Iraq