Kuri uyu munsi tariki ya kane Gashyantare shampiyona y'icyiciro cya mbere hano mu Rwanda yakomeje ku munsi w'ayo wa 19.
Ikipe ya APR FC ikuye amanota agoye i Musanze gusa birangira APR FC itsinze Musanze FC ibitego 3-1, igira amanota 39 ku mwanya wa mbere.
Kubera ko i Musanze, aho abakinnyi basimbura bicara ari hato, Shaiboub yahisemo kwitwikira intebe ubwo imvura yari nyinshi.
Kuri iki Cyumweru tariki 04 Gashyantare 2024 nibwo umubiri wa Pastor Ezra Mpyisi wasezeweho ndetse unashyingurwa mu irimbi rya Rusororo.
Ni umuhango watangiriye iwe mu rugo ku isaha ya saa mbili za mu gitondo hanyuma ukomereza kuri ku rusengero rwa Adventist University of Central Africa (Auca) ruri i Masoro.
Pastor Ezra Mpyisi yasezeheweho bwa mu rusengero mu marira menshi y’abakirisitu b’Abadivantisiti b’umunsi wa karindwi ari nabo yasengeragamo ubusanzwe.
Munzu y’Imana hatanzwe ubuhamya hibandwa ku buryo yakundaga Imana n’abantu ndetse akayikorera atiganda.
Ibi byashimangirwa n’abanyamahanga baje kumuherekeza basanzwe ari abakozi b’Imana mu bihugu bitandukanye.
Umuhungu we Edsoni Mpyisi, umutoya mu bahungu, yashimangiye ko Se yabanaga neza na buri umwe, akarangwa no gufasha rubanda, ibintu bitamusabye gutohoza kuko bivugwa na buri umwe wamubaye iruhande.
Uyu mubyeyi wa benshi yaherekejwe n’abayobozi mu ntego zitandukanye za Leta ndetse n’abikorera bo mu ngeri zitandukanye. Muri abo bayobozi, barimo Dr.Charles Murigande wabaye Minisitiri w’Uburezi, Bernard Makuza wabaye Minisitiri w’Intebe ndetse akaba na Perezida wa Sena y’u Rwanda n’abandi.
Pastor Ezra Mpyisi yasezeheweho ku rusengero hanyuma umubiri ujyanwa ku irimbi I Rusororo aho yashyinguwe.
Ku isaha ya saa munani zirengaho iminota mike nibwo abamuherekeje berekeje i Rusororo kumushyingura, igikorwa cyiganjemo amarira menshi no gutanga Bibiliya.
Mbere yo gushyingurwa yabanje arasabirwa n’abakozi b’Imana Pastor Byiringiro n’abandi.
Mu isengesho ryasenzwe, ryari ryiganjemo ko uyu mugabo agiye mu bwami bw’Ijuru cyane ko benshi bemeza ko ariryo yakoreye.
Umubiri wa Pastor Ezra Mpyisi umaze kururutswa, umukuru w’umuryango, Gerald Mpyisi, umuhungu wa Pastor Ezra Mpyisi yasabye ko ababaherekeje bahabwa Bibiliya nk’uko Papa we yabisabye mbere yo kwitaba Imana.
Gerald Mpyisi yavuze ko ubwo Se yari arwariye mu gihugu cya Kenya aribwo yazanye igitekerezo cyo gutanga Bibiliya ndetse asaba uyu muhungu we wari umurwaje ko umunsi azitaba Imana, buri muntu uzamushyingura azahabwa Bibiliya.
Gerald Mpyisi yatekereje ko aho kuzana indabo mu gusezera Papa we, abantu bazajya bagura Bibiliya kugirango zizahabwe abantu bazaba bashyinguye Papa we.
Ni nako byagenze rero, hatanzwe Bibiliya ku bantu baherekeje Pastor Ezra Mpyisi ndetse kuko amasaha yari arimo gukura, Gerald Mpyisi yavuze ko abatarazibona bari buzihererwa aho bari bukomereze gukarabira.
Umwuzukuru wa Pastor Ezra Mpyisi yahawe inka. Ezra Mpyisi witiranwa na Sekuru, umuhungu wa Gerald Mpyisi yahawe inka nk’uko mu muco Nyarwanda bigenda iyo umwana muto aherekeje umuntu.
Gerald Mpyisi yavuze ko ajya kwita umuhungu we, Ezra Mpyisi, byari ukugirango ibyo we atagezeho uyu mwana azabigereho.
Gerald Mpyisi yashimiye ababafashe mu mugongo kuva umunsi wa mbere bagira ibyago ku wa 27 Mutarama kugeza 04 Gashyantare 2024 bashyinguye umubyeyi wabo.
Gerald Mpyisi, umuhungu mukuru wa Pastor Ezra Mpyisi yashimiye ababafashe mu mugongo
Mbere yo gushyingurwa, Ezra Mpyisi yabanje gusezerwaho mu rusengero rwa Adventist University of Central Africa (AUCA)
Pastor Ezra Mpyisi yashyinguwe mu Cyubahiro, abuzukuruza baramuherekeza
Pastor Ezra Mpyisi yashyinguwe mu cyubahiro
“>Hatanzwe Bibiliya nyuma yo gushyingura Pastor Ezra Mpyisi nk’uko yari yarabisabye
Edson Mpyisi, umuhungu muto wa Pastor Ezra Mpyisi yagize ikiniga ubwo yasezeraga kuri Papa we bwa nyuma
Manishimwe yabonye ikipe mu gihugu gitanga amafaranga menshi
Manishimwe Djabel uheruka kwirukanwa n'ikipe yo mu gihugu cya Algeria, yamaze kubona ikipe nshya.
Ku munsi wejo nibwo hasakaye amakuru avuga ko Manishimwe Djabel wanyuze mu makipe akomeye hano mu Rwanda yatandukanye na USM Khenchela yo mu gihugu cya Algeria.
Uyu rutahizamu nyuma y'igihe gito yari amaze mu gihugu cya Algeria agahita asezererwa yahise abona ikipe nshya yo mu gihugu cya Iraq.
Ikipe Manishimwe Djabel yerekejemo yitwa Quwa AlJawiya ikina shampiyona yitwa Iraq premier league.
Source : https://yegob.rw/manishimwe-yabonye-ikipe-mu-gihugu-gutanga-amafaranga-menshi/
• Umukinnyi w'umufaransa ukina asatira izamu w'imyaka 25 Kylian Mbappe ikinyamakuru 'Le Parisien' kivuga ko yamaze gufata umwanzuro wokwerekeza muri Real Madrid mumpera ziyi sezo avuye muri Paris saint Germain.
     Kylian Mbappe
• Umukinnyi w'umudage w'imyaka 28 Leroy sane bivungwa ko yifunzwa n'amakipe arimo Liverpool FC, Chelsea na Barcelona ariko we akaba yifuza kongera Amasezerano muri Bayern Munich.
         Leroy SaneÂ
• Kapiteni wa Manchester united w'imyaka 29 Bruno Fernandes yanze ubusabe bwa Al-Hilal yo muri Saudi Arabia mu kwezi tuvuyemo kwa Mutarama 2024.
        Bruno Fernandes
• Ikinyamakuru 'Mirror' cyatangaje ko ahazaza ha Erik ten Hag muri muri Manchester united hazagenywa n'amafaranga bazamuha yo kugura abakinnyi muri kamena 2024.
.       Erik ten Hag
• umuyobozi ushinzwe ibikorwa bya siporo muri Borussia Dortmund yo mu Budage Sebastian Kehl avuga ko bigoye guha amasezerano y'igihe kirekire Jadon Sancho mu gihe akiri intizanyo ya Manchester united.
.        Jadon Sancho
• Umutoza wa Manchester City Pep Guardiola yohereje abashinzwe kurebera iyi kipe abakinnyi ngo bamukurikiranire Umusore ukiri muto w'umwongereza Tyrese Hall w'imyaka 18 ukina hagati mu kibuga.
Tyrese Hall
• Arsenal yiteguye kugurisha umukinnyi ukina hagati mu kibuga Albert Sambi yatije muri Luton Town ikongerera Amasezerano umuyapani Takehiro Tomiyasu ukina nka myugariro.
    Albert Sambi
.       Takehiro Tomiyasu
Umuhanzi Platini ari kureba umukino uri guhuza ikipe ya Manchester United na West Ham United.
Umuhanzi ukomeye cyane hano mu Rwanda Platini bakunze kwita Baba uzwiho gukunda ruhago bikomeye cyane ndetse wigeze no kuyikinaho ariko bikarangira adahiriwe nayo yifashishije imbuga nkoranyambaga ze yagaragaye ari mu Bwongereza ku kibuga cy'ikipe ya Manchester United mbere y'uko yinjira muri sitade ngo ajye kureba umukino uri guhuza iyi kipe na West Ham United.
Igice cya mbere cy'uyu mukino uri guhuza Manchester United na West Ham United kirangiye Man U itsinze igitego 1-0 cyatsinzwe na rutahizamu Rasmus Højlund.
Ifoto ya Platini ari ku kibuga cy'ikipe ye ya Manchester United aho ari gukurikirana umukino uri guhuza Man U na West Ham United:
Amakuru ya siporo: APR FC ikubise itababarira ikipe ya Musanze FC yari mbere y'abakunzi bayo.
Ikipe ya APR FC iyoboye urutonde rw'agateganyo rwa shampiyona y'u Rwanda itsindiye Musanze FC ku kibuga cyayo ibitego 3-1 mu mukino waberaga kuri sitade ya Karere ka Musanze Ubworoherane Stadium.
APR FC ihise ikomeza kuyobora urutonde rw'agateganyo rwa shampiyona y'u Rwanda n'amanota 39 ni mu gihe Musanze FC iyikurikiye ifite amanota 33 naho Police FC iri ku mwanya wa 3 ikaba ifite amanota 32.
Abakinnyi batsindiye ikipe ya APR FC ni Kwitonda Alain Bacca watsinze ibitego bibiri hamwe na Taiba.
Â
Source : https://yegob.rw/apr-fc-ikubise-itababarira-ikipe-ya-musanze-fc-yari-mbere-yabakunzi-bayo/
Muri Miliyoni 47 zatanzwe n'ikigo cy'Igihugu gishinzwe guteza imbere ibikorwa by'iterambere mu nzego z'ibanze(LODA), Abaturage n'Ubuyobozi bw'Umurenge wa Nyamiyaga wo mu Karere ka Kamonyi bishatsemo andi bagera kuri Miliyoni 185 biyubakira Sitade ya Ngoma yatashywe ku mugaragaro tariki ya 01 Gashyantare 2024 k'Umunsi mukuru w'Intwari z'Igihugu. Mu kwishimira iki gikorwa no kugitaha, Umuyobozi mukuru wa LODA yavuze ko ibike bahawe babikoresheje neza bakora ibikomeye. Ati' Mwahereye kuri bike byashobokaga igiti kiba inganzamarumbo. Uwatabara, yatabarana namwe'.
Nyinawagaga Claudine, Umuyobozi mukuru wa LODA yabwiye Abanyamayaga ati ' Mwagiye inama Imana Irabasanga. Ni mutekereze izi Miliyoni 47 gusa ariko uyu munsi tukaba dufite igikorwa gifite agaciro gasaga Miliyoni 185. Ni ibintu byo kwishimirwa cyane'.
Avuga kuri zimwe mu ndangagaciro z'Ubutwari yahuje n'igikorwa cyo kwiyubakira Sitade ku baturage ba Nyamiyaga, yagize ati' Ni igikorwa cy'indashyikirwa. Kigaragaza ubutwari bw'Abaturage b'Akagari ka Ngoma, Umudugudu wa Kivugiza, Umurenge wa Nyamiyaga w'Akarere ka Kamonyi. Kuba Indashyikirwa mu byo ukora, Gukunda Igihugu, kugira ubushishozi, Kwitanga, Kwirinda Amacakubiri, Kwihesha Agaciro, Umurimo unoze, mbigarutseho kugira ngo mbabwire ko nta hantu numvise kuba warize amashuri adasanzwe, nta hantu numvise kuba waravutse uri umuhungu cyangwa se uri umukobwa, nta hantu numvise kuba waravukiye nko mu mujyi wa Kigali muri izo ndangagaciro z'Ubutwari. Ni ukuvuga ko buri wese ashobora kuba Intwari'.
Agira kandi ati' Uyu munsi igikorwa twatashye kirabigaragaza. Kiragaragaza ko ubwo butwari aha mu Mudugudu wa Kivugiza, mu Kagari ka Ngoma mu Murenge wa Nyamiyaga, mu Karere ka Kamonyi Ubutwari buhari. Kuko nkuko nabigaragaje, Miliyoni 47 zikabyara 185 ni ubutwari. Mu nama y'ubutaha, Meya arayizi iyo tujya duhuriramo n'abandi bayobozi b'Uturere nzamusaba njye ntanga urugero rw'Iyi Sitade y'aha ngaha kubera ko ni urugero rw'uko abaturage bashyize hamwe, bafite ubuyobozi bwiza, bitanga, bafite urukundo rw'Igihugu, batekereza birenze gusa kwitekereza havamo ibintu by'akataraboneka'.
Ashimangira ko impamvu ashaka kuzajya atanga urugero rw'iyi Sitade ya'Ngoma' yo mu Karere ka Kamonyi mu Murenge wa Nyamiyaga ari uko hari aho nka LODA bagira VUP bakahatanga amafaranga ariko ugasanga nta gikorwa gifatika kandi nyamara barahatanze amafaranga angana n'ayo batanze aha ndetse rimwe na rimwe ayaruta. Ati' Mwebwe mwabaye wa mwana mwiza usiga akinogereza, niyo mpamvu ibyishimo byansabye'.
Dr Nahayo Sylvere, Umuyobozi w'Akarere ka Kamonyi ashimangira ko abaturage b'Uyu Murenge wa Nyamiyaga Akagari ka Ngoma bagaragaje Ubutwari budasanzwe aho bahereye ku mafaranga make bahawe na LODA mu mushinga wa VUP, bo bakishakamo imbaraga, bakishakamo ubushobozi, bagatanga ibishoboka byose bakubaka Sitade ifite agaciro gakubye hafi inshuro 5 z'ubushobozi bari bahawe.
Akomeza avuga ko agaciro k'amafaranga yubatse iyi Sitade( Miliyoni zisaga 185) bitari korohera Akarere kubikora mu ngengo y'imari isanzwe y'Akarere. Ati' Kubibona mu ngengo y'imari isanzwe y'Akarere ntabwo ari ikintu cyoroshye. Kuba rero haherwa ku mafaranga make nkuko mwabyumvise, abaturage bakazana ubushobozi bwabo kugeza kuri uru rwego ni urugero rw'ibishoboka. Ni ikimenyetso cy'uko ubushobozi buke bwaboneka twabuheraho tugakorana n'abaturage tukaganira nabo, cyane ko ari igikorwa baba bishimiye nk'iki ng'iki bitanga batizigamye kuko babona ko kibafitiye akamaro'.
Uretse amafaranga Miliyoni 47 yatanzwe na LODA, mu bushobozi bw'Abaturage mu buryo butandukanye bishatsemo ibisubizo bivuye mu mirimo y'amaboko yabo. Ufite amafaranga yaritanze, ubashije gukora araza atanga umubyizi, ufite umucanga arawutanga, ufite amabuye, ibiti n'ibindi atanga uko yifite kandi yishoboye.
Mu gutaha iyi Sitade, Ingabo z'u Rwanda zibarizwa muri Burigade ya 411 ikorera mu Ntara y'Amajyepfo bakinnye umukino w'Umupira w'Amagu n'ikipe ya Kamonyi FC, aho Igikombe cyatwawe n'Ikipe y'Ingabo z'u Rwanda. Umukino utari woroshye kuko iminota isanzwe y'umukino yarangiye amakipe yombi anganya igitego 1-1 bagakizwa na Penaliti.
Icyo wamenya kindi ni uko Gitifu Mudahemuka Jean Damascene uzwi ku izina rya NZIRUBUGWARI, iyi Sitade yubatse i Nyamiyaga ni iya Kabiri kuko mbere yo kuzanwa muri uyu Murenge, aho yabanje i Nyarubaka yasigiye abaturage baho Sitade. Ni nawe kandi Gitifu wenyine ufite uwo mwihariko mukubaka Sitade muri aka karere. Afite kandi undi mwihariko wo kuba ariwe Gitifu wajyanye Abaturage n'abayobozi(haba aho yabanje n'aha ari) ku Mulindi w'Intwari ahari Amateka y'Urugamba rwo kubohora Igihugu, bakaba kandi baranasuye Ingoro y'Amateka y'Urugamba rwo guhagarika Jenoside. Ibyo nta wundi muri bagenzi be aha Mukarere urabibasha.
Munyaneza Theogene
Amakipe ari gukina umupira udashamaje nk’uko abantu bari babyiteze, kuko amakipe antabwo ari kugera imbere y’izamu
17″ Musanze FC ibonye kufura hafi y’izamu, ku ikosa ryari rikorewe Nijyinama ariko ikosa barihannye umupira barawamurura.
Musanze FC yambaye imyenda yayo y’imituku mu gihe APR FC yambaye imyenda y’umukara ariko ifite amaboko y’umweru.
nk’umukino w’ikipe ya mbere ndetse n’iya kabiri, twavuga ko abafana barumbye kuko muri sitade haracyarimo imyanya
Abakinnyi 11 Musanze FC yabanje mu kibuga
Muhawenayo Gad
Ntijyinama Patrick
Kwizera Tresor
Muhire Anicet
Bakiki Shafik
Nduwayo Valeur
Kokoete Udo Ibior
Nshimiyimana Clement
Sulley Mohammed
Lethabo Mathabo
Solomon Adeyinka
05″ Lethabo Mathabo abonye ikarita y’umuhondo ku ikosa akoze ku bwende, kuko umukinnyi amuhaye umupira abonye atawugeraho, awufata n’intoki.
15:08″ Umukino uratangiye: Reka rwongere tubahe ikaze nshuti bakunzi ba InyaRwanda, tigoye kubagezaho umukino wa Musanze FC vs APR FC ku buryo bwa Live, umukino ukaba uri kubera mu karere ka Huye.
Abakinnyi 11 APR FC yabanje mu kibuga mu kibuga
Pavelh Ndzila
Niyomugabo Claude
Ombolenga Fitina
Ishimwe Christian
Niyigena Clement
Nshimiyimana Yunussu
Taddeo Lwanga
Niyibizi Ramadhan
Ruboneka Bosco
Kwitonda Alain
Bizimana Yannick
15:00″ Amakipe yombi avuye mu rwambariro
14:44″ Abakinnyi ku ruhande rwa APF FC na Musanze FC basubiye mu rwambariro, bakagaruka umukino utangira
14:00 PM” Amakipe yombi yinjiye mu kibuga ahe kwishyushya, yitegura itangira ry’umukino.
13:30″ APR FC igeze ku kibuga. APR FC iherutse gutsinda Musanze FC mu mikino y’igikombe cy’Intwari, ikaba ishaka no kubishimangirira i Musanze
Abafana b’abana batangiye kwinjira hakiri kuko umufana wa mbere yageze muri sitade habura amasaha atatu ngo umukino utangire
Imodoka z’abafana ba APR FC zikigera mu mujyi wa Musanze, zabanje kuwuzenguruka zibona kujya kuri sitade
Ki isaha ya saa 12:00 PM nibwo imodoka 2 zari zitwaye ikipe ya APR FC zageze mu mujyi wa Musanze. Ku isaha ya saa 13:03″ igikundi cy’abafana ba APR FC bari bafite imodoka zirenga 5 cyari kigeze mu mujyi wa Musanze FC.
Ni umukino ugiye kubera kuri sitade y’Ubworoherane, sitade ikipe ya Musanze FC isanzwe yakiriraho imikino yayo. Ku isaha ya saa 15:00 PM, umukino uraba utangiye. APR FC iri ku mwanya wa mbere n’amanota 36, mu gihe Musanze FC iri ku mwanya wa kabiri n’amanota 33, gusa APR FC ifite ibirarane 2 mu gihe Musanze FC ifite ikirarane kimwe.
Muri shampiyona, aya makipe amaze guhura imikino 24, Musanze FC imaze gutsinda imikino 2, itakaza 18 banganya 4. Musanze FC iheruka gutsinda APR FC tariki 16 Gashyantare, nabwo ikaba yarayitsindiye i Musanze. Mu mukino ubanza wa Shampiyona, APR FC yatsinze Musanze FC ibitego 2-1 uyu mukino ukaba wari ikirarane.
Iki gitaramo cyabaye mu ijoro ryo kuri uyu wa Gatandatu tariki 3 Gashyantare 2024, nyuma y’uko Umukuru w’Igihugu, Perezida Paul Kagame yari amaze kuganiriza abitabiriye Rwanda Day ya 11.
Ijambo ry’Umukuru w’Igihugu ryibanze ku kugaragaza u Rwanda mu myaka 30 ishize. Yavuze ko iriya myaka ishize yaranzwe n'urugendo rutoroshye, ariko Abanyarwanda babashije kurunyuramo, kandi bari aho bifuza kuba.
Yagize ati 'Urugendo rwacu rwari rurerure, rukomeye ariko ni bwo bwiza bwarwo. Ariko turi aho turi, muri ibyo bikomeye twarihanganye, twararokotse, dushaka gukora byinshi bishoboka kugira ngo tube abantu beza, tube aho dushaka kuba.'
Umukuru w'Igihugu, yavuze ko ibyago byagwiriye u Rwanda bitazongera kubaho ukundi. Ati 'Ibi ni byo twavuze kuva mu ntangiriro, imyaka 30 nyuma y'amakuba yagwiriye igihugu cyacu, ariko twarizeye. Twashakaga kubaho ubuzima bwacu nubwo benshi babuze ubwabo, turiyemeza, murabizi hari ukuntu abantu bajya bavuga ngo umurabyo ntujya urabya ahantu hamwe inshuro ebyiri.'
Akomeza ati 'Wenda ni byo ariko kuri njye ndashaka kuba ku ruhande rwiza, nahitamo ko ngomba kwitegura mu gihe u Rwanda rwakubiswe rimwe n'inkuba mu 1994, rutazongera gukubitwa n'umurabyo ukundi. Ndashaka ko tutagira ibyo dusuzugura, ahubwo tujye tureba ko tutazongera gukubitwa bwa kabiri.'
Nyuma y'ijambo rye, habaye igitaramo cyahekereje Rwanda Day cyaririmbyemo abahanzi The Ben, Bruce Melodie, Ruti Joel ndetse na Teta Diana. Muri iki gitaramo, The Ben yaririmbye indirimbo ze zirimo nka ‘Lose Control’ yakoranye na Meddy, ‘Ni Forever’ yahimbiye umukunzi we n’izindi.
Si ubwa mbere The Ben ataramiye abitabiriye Rwanda, ndetse yagiye anyuzamo akaganiriza abafana be bari muri iki gitaramo, harimo n’abana bagiye bamusanga ku rubyiniro bagafatanya nawe kuririmba. Yanaririmbye indirimbo ye yamamaye yise ‘Habibi’.
Ibintu byahinduye isura ubwo Bruce Melodie yahamagarwa ku rubyiniro. Uyu munyamuziki wakuriye i Kanombe yaririmbye mu buryo bwa Live indirimbo ze zirimo nka ‘Henzapu’, ‘Saa Moya’, ‘Katerina’ n’izindi zinyuranye.
Uyu muhanzi yaririmbye muri iki gitaramo nyuma y’amasaha make yari ashize atanze ikiganiro cyagarutse ku rugendo rw’iterambere ry’u Rwanda mu guteza imbere ibikorwaremezo byubakiye kuri Siporo ndetse no ku myidagaduro muri rusange.
Yavuze ko ari ku nshuro ya kabiri ageze muri Amerika, kuko ahaheruka mu 2023 ubwo yari mu bitaramo na Shaggy.
Yavuze ko ari umuhamya w'uburyo mu myaka 30 u Rwanda rwiyubatse, kandi ruteza imbere ibikorwaremezo by'ubuhanzi byanamufashije ubwo yakoraga igitaramo cyo kwizihiza imyaka 10 yari amaze mu muziki.
Ati 'Nk'uko nabivuze, navutse mu 1992, najyaga mvuga ko nshobora kuba naravutse mu gihe kitari icya nyacyo ariko nanone nishimira ko nabonye igihugu cyanjye gikura, kigenda gitera imbere mu nzego zose.'
Uyu muhanzi yagaragaje ko mu myaka ishize byari bigoye kubona umuhanzi ku giti cye yitegurira igitaramo, ariko afite urwibutso ku gitaramo yakoreye muri BK Arena mu 2020.
Akomeza ati 'Ariko muribuka ubwo nateguraga igitaramo cyo kwizihiza imyaka 10 maze muri uyu mwuga muri BK Arena, ni bwo natekereje ko imyidagaduro yacu yamaze igihe kirekire itegereje iki kintu. Ibikorwaremezo by'imyidagaduro bishyira igihugu cyacu ku ruhando mpuzamahanga.'
Bruce Melodie yabwiye urubyiruko ko ari bo Rwanda rw'ubu, bityo buri wese afite uruhare mu guteza imbere u Rwanda, binyuze mu bushobozi bwe.
Ati 'Ndashaka kubwira abato hano; turi bato twajyaga twumva ijambo Rwanda rw’ejo. Icyo gihe natekerezaga ko hari igihe kinini tuzaba dukura. Ariko ubu ni twe Rwanda, ejo harageze ubu noneho na twe dufite ubushobozi bwo gutekereza ku Rwanda rw’ejo, tukaruha ingero z’uko u Rwanda rukwiye kuba rumeze”. 
The Ben yatanze ibyishimo ku bitabiriye igitaramo cyahekereje Rwanda Day i Washington muri Leta Zunze Ubumwe za Amerika 
Nyuma yo gutanga ikiganiro, Bruce Melodie yataramiye abitabiriye Rwanda Day yisunze indirimbo ze zakunzwe 
Teta Diana waririmbye ku munsi wa mbere wa Rwanda Day, yanaririmbye mu kuyisoza 
Ruti Joel yaririmbye ku nshuro ya mbere muri Rwanda-Yisunze indirimbo zirimo nka 'Igikobwa', 'Cunda' atanga ibyishimo
Perezida Kagame yavuze ko imyaka 30 ishize u Rwanda rwiyubaka, ari urugendo rutari rworoshyeÂ
Madamu Jeannette Kagame yitabiriye Rwanda Day yabereye i Washington Dc
Abanyamuziki barimo Kitoko Bibarwa, Massamba Intore, Teta Diana na Ally Soudy bitabiriye Rwanda DayÂ
Bruce Melodie ari kumwe n’Umuvugizi wa Guverinoma y’u Rwanda, Yolande Makolo
Umuhangamideli Sonia Mugabo [Uri iburyo] ari mu bitabiriye Rwanda Day
AMAFOTO: Village Urugwiruko
Kuri uyu wa Gatandatu (Isabato) mu mahema ya Kaminuza ya UNILAKE nibwo imiryango, inshuti n’abavandimwe b’umuryango wa Pastor Ezra Mpyisi bari bateranye kugirango hizihizwe bwa nyuma ubuzima bwaranze Pastor Ezra Mpyisi witabye Imana ku wa 27 Mutarama 2024.
Kuva yakwitaba Imana, mu ihema rya Paromoma niho haberaga ibitaramo byo kwizihiza ubuzima bw’uyu mubyeyi kugeza uyu wa 03 Mutarama aho bwizihirijwe bwa nyuma muri Kaminuza UNILAKE, ishuri ari mu barishinze mu 1997.
Uyu mugoroba wa nyuma wo kwizihiza ubuzima bwa Pastor Ezra Mpyisi waranzwe n’ubuhamya bw’ababanye nawe biganjemo abo basenganye kuva muri 1997 nyuma y’uko agarutse mu Rwanda ahungutse.
Uyu mugoroba kandi wavuzwemo uko uyu mugabo yakundaga abantu bose adatoranyije.
Umuhungu we Gerard Mpyisi yavuze ko mbere yo kwitaba Imana ubwo yari arwariye muri Kenya, yasabye ko niyitaba Imana, buri umwe uzamushyingura azahabwa Bibiliya ndetse ko kuva icyo gihe yatangiye kugura Bibiliya atangira kuzitanga ndetse ko yitabye Imana amaze gutanga Bibiliya 1300.
Gerald Mpyisi yavuze ko Papa we atangira umushinga wo gutanga Bibiliya, atawumvaga kugeza abonye atangira kuwushyira mu bikorwa ndetse nawe akavuga ko kuri ubu yawukomeza.
Pastor Ezra Mpyisi watabarutse ku wa 27, yavutse ku wa 19 Gashyantare 1922.
Yavukiye i Nyanza mu Majyepfo ku Ngoma y'Umwami Yuhi 5 Musinga ndetse yabaye mu Nama Nkuru y'Igihugu yagiraga inama Umwami Mutara III Rudahigwa.
Umwami Rudahigwa amaze gutanga, Pastor Ezra Mpyisi yabaye umujyanama wa Kigeli V Ndahindurwa wamusimbuye.
Uyu mugabo muri 1960 yahunze igihugu kubera ubutegetsi bubi, agaruka mu 1997.
Pastor Ezra Mpyisi yasezeheweho bwa nyumaÂ
Gerald Mpyisi, umuhungu wa Pastor Ezra Mpyisi yavuze ko kuri ubu atakibabaye kuko yabonye ko Papa we yabanye nezaÂ
Abantu bo mu ngeri zitandukanye basezeye bwa nyuma Pastor Ezra MpyisiÂ
Abantu babanye na Pastor Ezra Mpyisi bya hafi batanze ubuhamyaÂ
Source : https://inyarwanda.com/inkuru/139330/pastor-ezra-mpyisi-yasezeweho-bwa-nyuma-amafoto-139330.html
