Author: webrwanda

Kuwa Gatanu ni bwo ikipe ya AFC Leopards ikina shampiyona y’icyiciro cya mbere muri Kenya yatangaje ko yasinyishije uyu mukinnyi w’ikipe y’igihugu y’u Rwanda, Amavubi, amasezerano y’imyaka 2 azamugeza muri 2026.

Uyu mukinnyi w’imyaka 22 wakinaraga ikipe ya Marine FC, Gitego Arthur yabwiye InyaRwanda ko atari ibintu byoroshye kuba wasohoka ariko nanone bisaba no gukora cyane iyo ugezeyo.

Yagize ati: “Ni ikintu cyiza kuba wasohoka ukajya gukina hanze y’igihugu cyawe ariko nanone ntabwo ari ibintu biba byoroshye, bisaba kumenya ikikujyanye bigatuma ukora cyane ukaba wabona n’ahandi hisumbuyeho”.

Ku bijyanye ni uko AFC Leopards yamubonye yagize ati: “Ikipe yari isanzwe inkurikirana binyuze mu mutoza wayo no mukureba amashusho, ntabwo byari byoroshye kuba nasohoka mu ikipe ya Marine kandi nkifite amasezerano.  

Nari nkifite byinshi byo kubafasha ariko abareberera inyungu zanjye bakoze akazi kabo. Ndifuza gukina amezi 6 hano muri Kenya ubundi nkajya ku mugabane w’Iburayi, ubwo ni ahanjye, ni umukoro ngomba gushakira ibisubizo”.

Gitego Arthur yavuze ko bwa mbere ahamagarwa mu Amavubi makuru byamushimishije nk’uko byashimisha Umunyarwanda uwo ariwe wese ugiye guhagararira igihugu cye ndetse anavuga ko kuba yaragiye mu kibuga agakina n’icyizere yagiriwe ari intangiriro nziza kuri we.

Ku bijyanye n’uko ubwo yashyirwaga mu kibuga ku mukino Amavubi yakinaga na Mozambique mu gushaka itike y’igikombe cy’Isi cya 2026, abantu batarabivuzeho rumwe, yavuze ko atari cyo areba ahubwo we areba ibyo umutoza amusaba.

Yagize ati: “Ibyo kuba abantu batarabivuzeho rumwe, ibyo ntabwo ari ikibazo kuko si na cyo ndeba cyane kuko ni ibintu bisanzwe ntabwo abantu bakira ibintu kimwe. Icyo ndeba ni cyo umutoza ambwira gushyiramo imbaraga kuruta guha umwanya ibyo abantu bamvugaho. Ibyo ntabwo ari akazi kanjye kuko njye ndi umukinnyi w’umupira w’amaguru”.

Gitego yavuze ko hari abakinnyi bajya gukina hanze bagahita bagaruka ariko we atariko bimeze agiye gukora cyane agira ati “Yego hari ingero nyinshi z’abakinnyi bagiye bajya hanze bagahita bagaruka ariko abo bakinnyi ntabwo ari njye.

Rero ntekereza ko ntakwicara nkatuza nkumva ko nagezeyo kuko hari ibindi nifuza kugeraho birenze ibyo nagezeho kandi ibyo byose kubigeraho biraharanirwa. Rero nta rindi banga nzakoresha ritari ugukora cyane no gukomeza kubyereka Nyagasani akamfasha kubigeraho”.

Gitego Arthur mu Rwanda yanyuze no mu yandi makipe arimo Kiyovu Sports, Gicumbi FC ndetse na Heroes akaba yaranakiniye Amavubi y’abatarengeje imyaka 23. Anaheruka guhamagarwa mu Amavubi makuru ubwo yakinaga imikino yo gushaka itike y’igikombe cy’Isi cya 2026.

Gitego Arthur wamaze gusinyira ikipe ya AFC Leopards yo muri Kenya 

Yasinye amasezerano y’imyaka 2 muri AFC Leopards

Gitego Arthur mu Amavubi makuru

Gitego Arthur ari mu bakinnyi b’Amavubi bakomera amashyi abafana 

Gitego yasinyiye ikipe yo muri Kenya

Bruce Melodie wamamaye mu ndirimbo zirimo nka 'Katapila', 'Saa Moya' n'izindi yageze muri Leta Zunze Ubumwe za Amerika mu ijoro ryo kuri uyu wa Gatanu tariki 2 Gashyantare 2024, yakirwa na bamwe mu banyarwanda batuye muri iki gihugu.

Yifashishije imbuga nkoranyambaga ze, yavuze ko yiteguye kurema ibihe by'urwibutso imbere y'Abanyarwanda n'inshuti z'u Rwanda bitabiriye Rwanda Day ya 11 mu rwego rwo kurebera hamwe urugendo rw'imyaka 30 ishize u Rwanda rwibohoye n'aho igihugu kigana.

Uyu muhanzi witegura gushyira hanze Album ye nshya iri mu rurimi rw'Icyongereza, kuri uyu wa Gatandatu tariki 3 Gashyantare 2024, aratanga ikiganiro ahuriramo n'abarimo Masai Ujiri washinze umuryango Giants of Africa, Eugene Ubalijoro uri mu bashinze Moison Coors ndetse na Clare Akamanzi, Umuyobozi Mukuru wa NBA Africa, ikigo cya Shampiyona ya Amerika muri Basketball.

Mu bandi bazavuga ijambo kandi harimo Yehoyada Mbagukira uhagarariye Komite y'Abanyarwanda batuye muri Amerika, Umuvugabutumwa w'Umunyamerika washinze Saddleback Church ndetse n'Umuryango Peace Plan, Richard Duane Warren [Rick Warren], ndetse na Sen. Jim Inhofe, Ambasaderi w'u Rwanda muri Leta Zunze Ubumwe za Amerika, Mathilde Mukantabana.

Umunsi wa mbere wa Rwanda Day, kuri uyu wa Gatanu tariki 2 Gashyantare 2024, waranzwe n'ibiganiro byateguwe n'Urwego rw'Igihugu rw'Iterambere (RDB), byahuje ba rwiyemezamirimo, abayobozi mu nzego zinyuranye mu rwego rw'imari n'abashoramari.

Iyi nama yagarutse ku mikorere y’urwego rw’abikorera mu Rwanda n’amahirwe y’ishoramari arurimo.

Umuyobozi wa RDB, Francis Gatare, yabwiye abitabiriye iriya nama ko ubukungu bw'u Rwanda bukomeza kuzamuka neza, biturutse ku ishoramari rishyirwa mu bikorwaremezo.

Hanatanzwe kandi ikiganiro cyagarutse ku bukungu n'urugendo rwo kubaka ubushobozi, hagati y'abanyarwanda baba mu mahanga n'ababa mu Rwanda (Business Careers, between Diaspora and Home).

Iki kiganiro cyatanzwe n'umwe mu bashinze 'Entrepreneurial Solutions Partners', Charity Kabango, Umuyobozi Mukuru wa Norrsken House Kigali, Pascal Murasira, Umuyobozi Mukuru w’Urugaga rw’Abikorera, Mubiligi Jeanne ndetse na Shawn McCormick.

Rwanda Day iri kubera mu nyubako ya Gaylord National Resort & Convention Center iherereye ahitwa National Harbor muri Leta Zunze Ubumwe za Amerika.

Iyi nyubako yafunguwe ku mugaragaro tariki 1 Mata 2008, yuzura itwaye Miliyoni 870$. Inyandiko ziyivugaho, zigaragaza ko ifite ibyumba 2000, birimo ibyumba 95 bikorerwamo inama n'ibindi binyuranye.

Rwanda Day isobanurwa nk’igikorwa gihuza abanyarwanda batuye mu mahanga n’ababa mu Rwanda. Abitabira iri huriro, babona amahirwe yo kuganira na Perezida wa Repubulika ku ngingo zitandukanye z’iterambere ry’Igihugu n’ibindi.

Ni umunsi kandi urangwa n’ibikorwa byo kwidagadura, abanyarwanda n’abandi bagasabana bijyanye n’umuco Nyarwanda.

Imibare igaragaza ko kuva Rwanda Day yatangira mu 2011, yagiye yitabirwa n’abari hagati ya 2000 na 3000. Intego ya Rwanda Day ni uguteza imbere ubumwe, ibiganiro n’ubufatanye bw’Abanyarwanda aho batuye hose ku Isi.

Insanganyamatsiko ya Rwanda Day 2024 ni 'U Rwanda: Umurage Wacu Twese Aho Turi Hose'. Rwanda Day yagiye ibera mu mijyi itandukanye ku Isi irimo Bruselles, Chicago, Paris, Boston, London, Toronto, Atlanta, Dallas, Amsterdam, San Francisco, Ghet na Germany.

Bruce Melodie yamaze kugera i Washington DC aho yitabiriye inama ya Rwanda Day

Biteganyijwe ko kuri uyu wa Gatandatu tariki 3 Gashyantare 2024, Bruce Melodie atanga ikiganiro kigaruka ku guteza imbere Siporo n'imyidagaduro

Ni ku nshuro ya kabiri Bruce Melodie yitabiriye Rwanda Day

Biteganyijwe ko Bruce Melodie aza kuririmbira abitabiriye Rwanda Day

Rutanga Eric yavuze ko umukobwa we amutera ishaba kuko nta mukino n’umwe araza kumushyigikira ngo bawutakaze.

Ni nyuma yo kwegukana igikombe cy’Intwari cya 2024 batsinze APR FC 2-1 ku wa Kane tariki ya 1 Gashyantare 2023.

Nubwo atakinnye ariko umukobwa we akaba imfura ye na Umunyana Shamsi Sultan, Isimbi Rutanga Taaliah yari yaje kumushyigikira.

Nyuma y’uyu mukino, Rutanga Eric yabwiye ISIMBI ko umukobwa we amutera amahirwe kuko nta mukino araza kumushyigikira ngo bawutakaze ndetse ahita anamutura igikombe.

Ati “ni ikintu cyiza cyane kuko umukobwa wanjye antera amahirwe kuko iyo yaje ku mukino turatsinda, ni gake aza ariko buri gihe iyo aje turatsinda, urumva rero ni bwo bwa mbere ntwaye igikombe azi ubwenge kuko ubundi nagitwaye ari muto ndi muri Rayon Sports, iki ndakimutuye.”

Tariki ya 24 Ukwakira 2019 ni bwo Rutanga Eric na Umunyana Shamsi basezeranye imbere y’amategeko mu muhango wabereye ku Murenge wa Rwezamenyo wo mu Karere ka Nyarugenge mu Mujyi wa Kigali.

Tariki ya 3 Werurwe 2022 ni bwo bakoze indi mihango yose yari isigaye y’ubukwe ni mu gihe bwagombaga kuba ku wa 25 Ukuboza 2021, ariko barabusubika kubera amabwiriza yo kwirinda COVID-19 yariho, asaba ko ababwitabira batagomba kurenga 75 kandi bo barifuzaga ko bwitabirwa n’inshuti n’abavandimwe.

Rutanga Eric yavuze ko umukobwa we amutera ishaba buri iyo yaje kumushyigikira batsinda

Umukinnyi w’umunyarwanda ukinira ikipe ya Standard de Liège mu cyiciro cya mbere mu Bubiligi, Hakim Sahabo yatowe nk’umukinnyi w’ukwezi kwa Mutarama muri iyi kipe.

Sahabo ukina mu kibuga hagati ariko afasha abashaka ibitego, nta gihe kinini gishize azamuwe mu ikipe nkuru avuye mu batarengeje imyaka 19.

Ukwezi kwa Mutarama 2024 ni bwo yatangiye gukinira ikipe nkuru, umwanya yabonye akaba yarawubyaje umusaruro aho yahise aba umukinnyi ntasimburwa.

Kwitwara neza kwe bikaba ari na byo byamuhesheje kwegukana igihembo cy’umukinnyi w’ukwezi kwa Mutarama 2024 muri iyi kipe ya Standard de Liège.

Yegukanye iki gihembo ahigitse bagenzi be bane barimo Marlon Fossey ukomoka muri Leta Zunze ubumwe za Amerika, William Balikwisha ukomoka muri Repubulika Iharanira Demokarasi ya Congo, Umunyezamu w’Umubiligi Arnaud Bodart n’umunya-Guinea, Moussa Djenepo.

Muri Kamena 2023 ni bwo Hakim Sahabo yatandukanye n’ikipe ya Lille yo mu Bufaransa ahita ajya gusinyira Standard de Liège.

Hakim Sahabo w’imyaka 18, yahamagawe bwa mbere mu ikipe y’Igihugu Amavubi muri Nzeri 2022, hari mu kwitegura u mukino wa gicuti u Rwanda rwari rufitanye na Guinée Équatoriale.

Sahabo Hakim yavutse tariki ya 16 Kamena 2005, avukira i Bruxelles mu Bubiligi. Nyina umubyara ni Umunyarwandakazi na ho se akaba Umurundi, aba bombi bahuriye mu Bubiligi ari na ho Sahabo yakuriye.

🥇 baloise 𝐏𝐥𝐚𝐲𝐞𝐫 𝐎𝐟 𝐓𝐡𝐞 𝐌𝐨𝐧𝐭𝐡 January 👉 Hakim Sahabo 🔴⚪

📋 Top 5⃣
1. @HakimSahabo22 🇷🇼🇧🇪
2. Marlon Fossey 🇺🇸
3. William Balikwisha 🇨🇩🇧🇪
4. @bodart_arnaud 🇧🇪
5. @MoussaDjenepo2 🇲🇱#RSCL #StandardApp 📲 pic.twitter.com/BlvcxYExQW

— Standard de Liège (@Standard_RSCL) February 2, 2024

Hakim Sahabo yatowe nk’umukinnyi w’ukwezi muri Standard de Liège

Okkama yamurikiye abakunzi b'umuziki nyarwanda EP ye ya mbere yise Ahuii mu birori byabereye kuri KASO, Kicukiro. Uwahageraga wese yakiranwaga urugwiro n'abarimo abavandimwe ba Okkama kimwe n'umukunzi we Teta Trecy.

Uwazaga afite ubutumire cyangwa itike yabyerekanaga, ubundi agahita yinjira. Uwabaga atabifite hari hashyizweho uburyo bumworohereza guhita agura itike.

Saa tatu z'umugoroba ni bwo abantu bari bamaze kuhagera maze umwe mu bahanga mu gucuranga Saxophone asusurutsa abitabiriye mu ndirimbo nka You Are The Reason ya Calumn Scott.

Niko kandi imwe muri Band zihagaze neza ya umuriri bishyushyaga saa tatu n'igice nibwo Okkama yatangiye kuririmba ahereye ku ndirimbo yashyize hanze ifite amashusho agaragaramo umukunzi we.

Avuga ku mpamvu yahisemo gukoresha Teta banafitanye umwana yavuze ko ari indirimbo igaruka ku bakunzi by'umwihariko b'ibyamamare byari ngombwa korero ari we akoresha nkuwe.

Uyu musore wakoze ibintu bitamenyerewe kumurika EP ukanaririmba mu buryo bwa Live yanubahirije igihe bituma asoza hafi saa yine zirengaho nyamara ni bwo bamwe mu bindi byamamare barimo bahagera.

Nyuma yo kubona ko kubahiriza igihe cye bitumye benshi mu bamenyereye ko igihe cyatangajwe kitubirizwa mu birori n'ibitaramo batuma ibyo yateguye yongeye gusubiramo.

Maze rwagati afatanya na Kenny Sol gususurutsa abitabiye arimo gusoza aha umwanya Ross Kana waririmbye Fou De Toi agace gato anasogongeza abakunzi be bakomeje kwiyongera kuri Sesa yashyize kuwa 02 Gashyantare 2024.

Benshi mu bafite amazina azwi mu myidagaduro nyarwanda baje gushyikira Okkama barimo Shaddyboo wanahageze mu ba mbere hakaza kandi Pince Kiiiz umaze kwandika izina mu gutunganya indirimbo z'amajwi.

Hari kandi Coach Gael, Platini P, Phil Peter, Rocky Kimomo, Fayzo Pro, Mistaek, DJ Theo, Umujyanama wa Bwiza binyuze muri Kikac n'abandi benshi.

Okkama akaba yashimiye buri umwe waje kwifatanya na we avuga ko byamunyuze kandi bimwongerera imbaraga zo gukomeza gukora ibirenze kurushaho.

Uretse indirimbo Aba Baby yashyize hanze mu buryo bw'amajwi n'amashusho izindi nazo zigize EP Ahuii, Okkama yamaze kuzishyira hanze mu buryo bw'amajwi.

Izindi ziri kuri iyi EP zirimo Nasinze, Akanyoni, Romance yatuye abakundana bose, Blessing yagezeho agasabira abantu bose kuba abanyamugisha, Pandemi, Ahuii n'Umukapo.

Aba-Producers bakomeye bakaba aribo bayishyize akaboko kuri EP ya mbere ya Okkama nka Santana, Prince Kiiiz, Pope Yeah na Pastor P.

Okkama yasusurukije mu buryo bwa Live amurika indirimbo zigize EP ya mbere zigera ku 8Kenny Sol yasanze ku rubyiniro Okkama bafatanya kuririmba bakaba bose ari imbuto za Nyundo MusicRoss Kana yaririmbye Fou De Toi anaririmbira bwa mbere mu ruhame SesaUmukunzi wa Okkama, Teta Trecy yafashishije uyu mu gukurikirana iki gikorwa Shaddyboo usanzwe ari inshuti ya Okkama ari mu bahageze mbere mu gikorwa gisobanuye byinshi kuri uyu muhanzi Kenny murumuna wa Coach Gael ari kumwe na Okkama bari baje gushyigikiraRocky Kimomo umusobanuzi wa filimi ubifatanya n’ubushabitsi bushingiye ku myidagaduro burimo no gufasha abanyempano n’abahanzi yitabiye ibirori bya OkkamaKadaffi Pro uzwiho kugira urwenya rudasanzwe akaba numwe mu bafotozi bahagaze neza yashyigikiye OkkamaPhil Peter uri mu bafite impano z’uruhurirane akanaba n’umunyamakuru na rwiyemezamirimo yifatanije n’abandi mwimurikwa rya EP ya Okkama

Abakunzi ba Okkama bari babucyereye bakurikira umuziki mwiza w’uyu muhanzi banasangira ibinyobwa n’ibiribwa bitandukanyeHari abantu b’ingeri zitandukanye bari baje gushyigikira Okkama twongereho n’umukunzi we Teta mu gikorwa bateguranye babifashijwemo n’inshuti mu gihe kitagera ku cyumweru kikaba cyagenze neza

AMAFOTO:DOXVISUALS-INYARWANDA

Iki gitaramo bise 'Afro Opera Gala Dinner' kizaba tariki 17 Gashyantare 2024, ni mu gihe Umunsi wahariwe w'Abakundana 'Saint Valentin' usanzwe uba buri tariki 14 Gashyantare buri mwaka.

Kuri Maurix Baru ni igitaramo kidasanzwe kuko 'gihamije urwego rwiza kandi rwo hejuru ngezeho kandi nishimiye mu rugendo rwanjye rw'umuziki'.

Uyu munyamuziki uherutse gushyira hanze indirimbo zirimo 'Donne-moi ta main', yabwiye InyaRwanda ko gukorana igitaramo na Cécile Kayirebwa byaturutse ku biganiro bagiranye mu gihe gishize.

Yavuze ati 'Kayirebwa ni umuhanga n'umunyamateka akomeye muri muzika ndetse wamamaye mu Rwanda no mu mahanga, gukorana nawe igitaramo twabanje kubiganira arabyemera ndetse ambwira ko indirimbo zanjye azikunda, azibonamo ubuhanga kandi zihariye. Ntiyashidikanyije kwemera kuza kuririmba muri 'Afro Opera Concert' yanjye.'

Maurix yavuze ko iki gitaramo 'kizaba kirimo muzika yo hejuru iri ku manota ndetse na Violin'. Iki gitaramo kizabera ahitwa Atelier du Vin guhera saa kumi n'ebyiri z'umugoroba, aho kwinjira ari ibihumbi 35 Frw ku muntu umwe.

Cécile Kayirebwa uzaririmba muri iki gitaramo ni umuvukarwanda wa mbere werekanye ko umuziki utazanywe mu Rwanda n'abazungu.

Yamenyekanishije ubwiza bw'umuziki gakondo w'u Rwanda mu mahanga kandi kugeza n'ubu ntawe uramuhiga, ariganwa ariko ntarashyikirwa.

Uyu mubyeyi azwi mu ndirimbo nka Rwanamiza, Tarihinda, Kana, Inkindi, Mundeke Mbaririmbire, Urusamaza, Rubyiruko, Umulisa, Cyusa, Ndare, Umunezero n'izindi.

Yitabiriye ibitaramo birimo nk'iserukiramuco rya 'Fespad' ya mbere i Kigali, 'Robben Island Event' I Cap yo muri Afurika y'Epfo n'ibindi bitandukanye.

Mbarushimana Maurice Jean Paul [Maurix Baru] ni umuririmbyi akaba n'umuhanga mu gucuranga ibicurangisho byinshi by'umuziki wa kizungu.

Izina rye ryagize ubukana mu myidagaguro ubwo yarambikaga ibiganza ku mishinga y'indirimbo zakunzwe bukomeye.

Abinyujije muri studio ye yise 'Maurix Music Studio' yashyize ku isoko indirimbo nka 'Mbwira Yego' y'umuhanzi Tom Close imaze imyaka 10.

'Sindi indyarya' y'itsinda rya Urban Boys, 'Nakoze iki' y'umuraperi Riderman, 'Amahirwe ya nyuma' ya Mugisha Benjamin [The Ben] n'izindi nyinshi.

Ni indirimbo yakoze akiri ku ntebe y'ishuri, biturutse ku rukundo rw'umuziki yakuranye rwakomotse ku babyeyi be bari abanyamuziki.

Akiri muto Se wari umucuranzi wa gitari yakundaga kumujyana mu bitaramo by'umuhanzi Kagambage witabye Imana, kureba ibitaramo by'amakorali, abasaza baririmba ururimi rw'ikiratini n'abandi.

Yagize n'amahirwe akomeye yo kwiga gucuranga piano yiga mu iseminari, acurangira korali ndetse anahahimbira indirimbo zitandukanye.

Maurix yari umwe mu basore bakinaga umupira w'amaguru, ariko yaje gufata umwanzuro wo kwihebera umuziki, ibindi abishyira ku ruhande.

Yakoze umuziki mu buryo bwagutse ubwo yigaga muri Kaminuza y'u Rwanda i Butare, aho yayoboye Orchestre ya Kaminuza y' i Butare mu mwaka wa 2007-2008.

We n'abandi yatozaga kuririmba bagiye batwara ibikombe bitandukanye, ndetse Orchestre yari ayoboye yahagarariye u Rwanda muri Algeria.

Mu 2008 yatorewe kuyobora uruhando rw'abahanzi bo muri Kaminuza (Forum des artistes musiciens – UNR), anashinga studio ye yitwa Maurix Music Studio.

Umunyamuziki Cécile Kayirebwa ategerejwe mu gitaramo cyo kwizihiza Saint Valentin

Maurix Baru yatangaje ko iki gitaramo ari umwanya mwiza wo gushimangira intera ari kugeraho mu rugendo rwe rw'umuziki 

Kayirebwa na Maurix Baru basanzwe bafitanye indirimbo bakoranye bise 'Abasangiragendo' 

Iki gitaramo cyo kwizihiza umunsi wa ‘Saint-Valentin’ kizaba tariki 17 Gashyantare 2024

KANDA HANO UREBE AMASHUSHO Y'INDIRIMBO YA KAYIREBWA NA MAURIX

“>