Author: webrwanda

Indirimbo nka Waka Waka, Whenever Whenever na Hips Don't Lie uzivuze biragoye kubona umuntu waba atazizi akurikiranira hafi umuziki,izo zose zikaba ari iz'umunyabigwi Shakira.

Bailamos, Bailando, Subeme la Radio na Hero nazo ni izinzi zamaze kwegukana imitima y'abakunda n'abakurikirana umuziki mwiza ku Isi zaririmbwe na Enrique Iglesias.

Kugaruka ku ndirimbo n'aba bahanzi bombi banafite indirimbo bagiye bahuriramo bikaba bishingiye ku makuru yatangajwe na Victoria University yo muri Kampala ko ibi byamamare byombi bigiye guhurira ku rubyiniro muri Uganda.

Mu butumwa banyujije ku mbuga nkoranyambaga zabo bagize bati'Twiteguye kubazanira Shakira na Enrique Iglesias muri Uganda mu birori byacu by’akataraboneka bizasiga amateka atarakorwa.'

Victoria University ikaba isanzwe itegura ibirori n'ibitaramo bitandukanye byumwihariko iserukiramuco ryayo riba mu bihe byo gusoza amasomo kw'abanyeshuri babo.

The Ben ari mu bigeze gutumirwa mu bikorwa byayo ndetse ni nayo iheruka gutegura ihangana mu buryo bw'umuziki ryahuje Cindy Sanyu na Sheebah Karungi mu gitaramo gikomeye cyabereye Kampala.

Shakira ategerejwe mu gihugu cya Uganda aho azataramira mu gitaramo cy’amateka cyateguwe na Victoria UniversityEnrique Iglesias usanzwe anafitanye indirimbo na Shakira bazahurira muri Uganda

Umuyobozi wa APR FC, Col Richard Karasira yavuze ko iyi kipe y’ingabo z’igihugu ubu utayigereranya na Rayon Sports mu bafana kuko yamaze kuyicaho.

Ni nyuma y’umukino w’umunsi wa 19 wa Shampiyona ya 2023-24 APR FC yaraye itsinzemo Musanze 3-1.

Impaka za APR FC na Rayon Sports ntizishobora kubura mu bakunzi b’umupira w’amaguru mu Rwanda mu buryo bumwe cyangwa ubundi.

Aya makipe yombi y’ubukombe mu Rwanda, benshi bemeza ko ari yo afite abafana benshi mu gihugu, gusa Rayon Sports ikemeza ko ari yo irusha izindi.

Ibi si ko Chairman wa APR FC, Afande Richard Karasira abibona kuko yavuze ko ubu urubyiruko rubyiruka ubu ari abafana ba APR FC.

Yakomeje avuga ko ari inshingano za bo nk’ubuyobozi kubashimisha, bubaka ikipe ikomeye ndetse banatsinda.

Ati “Ni abafana benshi ubabona ku bibuga, nanahamya ko urubyiruko rubyiruka benshi ni aba APR FC, nabajya bavuga ko APR FC bayirusha abafana data zirahari, uzabaze ba bandi bagurisha amatike bazababwira ikinyuranyo cy’ayo makipe abiri yombi, data zirahari dufite abafana benshi igisigaye ni twebwe kubashimisha.”

“Ni ikipe kubashimisha ikaba yakwiyubaka, igatsinda ikabashimisha, iyo rero batsishimye na bo mba mbumva ntabwo wava i Kigali ngo uze hano utsindwe utahe wishimye.”

APR FC ubu ni yo iyoboye urutonde rwa shampiyona n’amanota 39, Rayon Sports ni iya 3 n’amanota 33.

Impera z’icyumweru zagendekeye neza bamwe mu banyarwanda bakina hanze yarwo, ni mu gihe abandi amanota 3 yabuze nka Hakim Sahabo yakinaga umukino we wa 3 mu ikipe nkuru ya Standard de Liège ariko amanota 3 bakomeje kuyabura.

Muri iyi nkuru tugiye kurebera hamwe uko abakinnyi b’abanyarwanda bitwaye mu mpera z’icyumweru gishize. Amwe mu makipe ntabwo yakinnye aho ari mu karuhuko.

Kwizera Olivier – Al-Kawkab

Kwizera Olivier yari mu izamu rya Al Kawkab mu cyiciro cya 3 muri Saudi Arabia ku wa Gatandatu w’icyumweru gishize mu mukino iyi kipe yanganyijemo na Al Nojoom ya Rubanguka Steve 2-2.

Nyuma y’umunsi wa 21 Al Kawkab iri ku mwanya wa 12 n’amanota 26, Al Nojoom ya Rubanguka Steve iri ku mwanya wa 13 n’amanota 20.

Hakim Sahabo – Standard Liege

Hakim Sahabo yakinnye iminota 90 mu mukino ikipe ye ya Standard de Liège yanganyijemo na RWD Molenbeek 2-2 ku wa Gatandatu tariki 3 Gashyantare 2024

Nyuma y’umunsi wa 24 iyi kipe iri ku mwanya wa 11 n’amanota 25, Union Saint-Gilloise ya mbere ifite 58.

Maxime Wenssens – Royale Union Saint-Gilloise

Ntabwo umunyezamu w’umunyarwanda, Maxime Wenssens yari muri 18 bifashishijwe n’ikipe ya Union Saint-Gilloise mu mukino w’icyiciro cya mbere mu Bubiligi iyi kipe yatsinzemo Genk 1-0 ku wa Gatandatu. Iyi kipe iyoboye urutonde n’amanota 58 nyuma y’umunsi wa 24.

Emeran Noam – Groningen FC

Groningen yo mu cyiciro cya kabiri mu Buholandi ya Emeran Noam ku wa Gatanu w’icyumweru gishize yatsinzwe Dordrecht 1-0 mu mukino w’umunsi wa 24. Emeran yari ku ntebe y’abasimbura ariko ntiyakinnye. Iyi kipe iri ku mwanya wa 6 n’amanota 38 ku rutonde ruyobowe na Willen II na 51.

Gitego Arthur – AFC Leopards

Gitego Arthur uheruka gusinyira AFC Leopards yo muri Kenya, yari muri 18 mu mukino wa shampiyona ikipe ye yaraye itsinzemo Kariobangi Sharks 2-0.

Nyuma y’umunsi wa 20, iyi kipe iri ku mwanya wa 10 n’amanota 27 ku rutonde ruyobowe na Gor Mahia n’amanota 43.

Sibomana Patrick Papy & Tuyisenge Emeran – Gor Mahia

Ku wa Gatandatu tariki ya 3 Gashyantare 2024 ntabwo byagenze neza kuri Papy na Emery bakinira Gor Mahia muri Kenya aho batsinzwe na Kenya Police 3-1. Gor Mahia iracyayoboye urutonde rwa shampiyona n’amanota 43 ni nyuma y’umunsi wa 20.

Nyuma yo gukorana na Element, Bruce Melodie mu ndirimbo “Fou de Toi”, Umuhanzi Ross Kana yongeye gukora mu nganzo ashyira hanze indirimbo yise “Sesa” yari amaze igihe kirekire ateguza abafana be hirya no hino mu gihugu ndetse no ku Isi hose muri rusange.

Nyuma yo gusohora iyi ndirimbo mu buryo bw’amajwi akayishyira ku rubuga rwa Audiomack, Ross Kana yaje gushyira iyi ndirimbo kuri YouTube mu buryo bw’amashusho ariko bidaciye kabiri iyi ndirimbo iba ivanywe ku rubuga rwa YouTube aho uwajyaga kuyireba bamwerekaga ko iyo ndirimbo atemerewe kuyireba.

Nyuma y’uko ivuye kuri uru rubuga, abantu benshi batangiye kuvuga ko yaba ivanyweho kugira ngo nigaruka abantu benshi bazahite baza kuyireba nka bumwe mu buryo abahanzi benshi bakunze gukoresha kugira ngo indirimbo zabo zirebwe cyane kuko iyo ivanywe kuri YouTube ivugwaho cyane ndetse yagaruka ikavugwa cyane bigatuma umubare w’abayireba wiyongera.

Mu kiganiro yagiranye na InyaRwanda, Umuhanzi Ross Kana yavuze ko impamvu iyi ndirimbo yavanywe kuri YouTube ari uko hari undi muntu batari bamenya wamwinjiriye kuri Channel ye ariko yongera guhumuriza abantu ko kugeza magingo aya, ibyo bibazo byamaze gukemuka isaha n’isaha iyi ndirimbo yagaruka kuri YouTube.

Ross Kana yagize ati “Hari ibibazo byabaye kuri Channel yanjye umuntu tutazi yaratwinjiriye ariko kugeza ubu twamaze kubikemura isaha n’isaha indirimbo irajya hanze.”

Ubwo iyi ndirimbyo yajyaga ku rubuga rwa YouTube, nta muntu washoboraga kuyibona ayishakishije gusa ahubwo byasabaga guhabwa link yo kwinjiriraho hanyuma akaba aribwo uyibona.

Ross Kana yatangaje ko indirimbo Sesa yavuye kuri YouTube kubera umuntu utari wamenyekana wamwinjiriye kuri Channel ye ya YouTube.

“Sesa” niyo ndirimbo ya mbere Ross Kana agiye gushyira hanze kuva yagera muri 1:55 AM.

Ross Kana wanyuze mu biganza bya MI Empire, yamamaye cyane ubwo yakoranaga indirimbo “Fou de Toi” na Element hamwe na Bruce Melodie.

Si ibanga ko abahanzi bakomeye mu njyana ya Afro Beat aribo Burna Boy, Davido na Tems bari bamaze igihe bahabwa amahirwe ndetse banatanga icyizere cy’uko bazegukaba ibihembo muri Grammy Awards 2024 dore ko bose bari banafite indirimbo zitwaye neza ku rwego mpuzamahanga mu 2023.

Kuba Burna Boy yarahatanye mu byiciro bine (4) naho Davido ahatanye mu byiciro bitatu (3) byarushagaho kubaha amahirwe dore ko abafana b’umuziki nyafurika bavugaga bati ”Mu byiciro bahatanyemo ntibabura aho bari butsinde bagatahana igihembo’. Ibi siko byaje kugenda ubwo hatangwaga ibi bihembo byari bitegerejwe na benshi.

Mu ijoro ryo ku Cyumweru tariki 04 Gashyantare 2024 nibwo hatanzwe ibihembo bya Grammy Awards 2024 byari bitanzwe ku nshuro ya 66. Abahanzi nyafurika bari bitezweho gutsinda batashye imbokoboko, maze umuhanzikazi Tyla ahabwa Grammy Award ya mbere mu gihe gito amaze mu muziki.

Abarimo Asake, Ayra Starr, Burna Boy, Tems na Davido batashye amara masa

Mu cyiciro cya 'Best African Music Performance' cyari kirimo Burna Boy, Davido,Ayra Starr, Asake n’abandi banyafurika, banikiwe na Tyla wo muri Afrika y’Epfo maze yegukana igihembo cya Grammy abikesha indirimbo ye ‘Water’ yaciye ibintu mu 2023.

Tyla yanikiye abahanzi nyafurika bandi aba ariwe wegukana igihembo cya Grammy Award 

Mu byiciro bine Burna Boy yari ahatanyemo yatashye ntanakimwe abonyemo igihembo kimwe na Davido wari uhatanye mu byiciro bitatu. 

Ikiciro cya ‘Best Global Album’ bahabwaga amahirwe yo gutsindamo, bakubiswe inshuro n’itsinda rya Shakti ryo mu Buhinde ryataye Grammy babikesha album yabo ‘This Moment’. Album ‘I Told Them’ ya Burna Boy na ‘Timeless’ ya Davido zaviriyemo aho.

Burna Boy na Davido bari bahatanye mu byiciro byinshi ntibabashije kugira na kimwe batsindamo

Mu cyiciro cya ‘ Best Global Music Performance’ na none abahanzi nyafurika banikiwe n’umuhinde Zakir Hussain wahawe Grammy abikesha indirimbo ye ‘'Pashto' yakoranye na Bela Fleck hamwe na Edger Meyer.

Tems nawe yaviriyemo aho mu bihembo bya Grammy Awards 2024

Mu cyiciro cya ‘Song Written for Visual Media’ kirimo indirimbo zandikiwe filime, niho Tems yarahatanye mu ndirimbo yagize uruhare mu kwandika yitwa ‘Lift Me Up’ yaririmbwe na Rihanna aririmbira filime ya Black Panther igice cya kabiri cyiswe ‘Wakanda Forever’ , nawe ntiyabashije gutsinda kuko hatsinze indirimbo yakorewe filime ya ‘Barbie’ iri mu zarebwe cyane mu 2023.

Ibihembo bya mbere bikomeye mu muziki bya Grammy Awards byari bitegerejwe na benshi, bimaze amasa make bibaye ndetse byanatunguye benshi bitewe nuko abahanzi benshi bari bitezweho gutwara ibi bihembo baviriyemo aho naho abatahabwaga amahirwe bagatungurana.

Ibirori byitangwa ry’ibihembo bya Grammy Awards 2024 byabereye muri sitade ya Crypto Arena mu mujyi wa Los Angeles biyobowe n’umunyarwenya Trevor Noah, mu gihe ibyamamare bitandukanye byabyitabiriye mu gihe cy’amasaha arenga 5 byamaze bigasiga bivugishije benshi.

Abahanzi barimo Dua Lipa, Olivia Rodrigo, Burna Boy, Travis Scott, Billie Eillish n’abandi nibo basusurukije abitabiriye ibi bihembo. Abahanzi nka Lana Del Rey, Bebe Rexha, Calvin Harris, Burna Boy, Davido, Ayra Starr na Tems bari mu bahabwaga amahirwe nyamara batashye ntagihembo na kimwe batwaye.

Umuhanzikazi Tyla niwe wahawe igihembo cya Grammy nk’umuhanzi mwiza wo muri Afurika 

Abarimo Aliciya Keys, Victoria Monet, Lil Durk, J.Cole, David Bowie hamwe na Tyla wo muri Afurika y’Epfo bari mu batwaye ibi bihembo bitavuzweho rumwe na benshi.

Umuhanzikazi SZA yongeye kwibikaho igihembo cya Grammy Award 

Taylor Swift nawe yongeye kwibikaho Grammy Award abikesha album ye ‘Midnights’

Miley Cyrus nawe yatahanye igihembo cya Grammy Award

Billie Eillish nawe yatwaye igihembo cy’indirimbo nziza yaririmbiwe filime

Umunya-Canada Allisson Russell yabaye umuhanzi mushya w’umwaka

Dore urutonde rw’abahanzi begukanye ibihembo bya Grammy Awards 2024

Best African Music Performance

'Water' by Tyla

Best Melodic Rap Performance

'All My Life' by Lil Durk ft. J. Cole

Best Alternative Music Performance

'This Is Why' by Paramore

Best Comedy Album

'What’s In A Name?' by Dave Chappelle

Best Musical Theater Album

Some Like It Hot

Best Alternative Music Album

'The Record' by Boygenius

Best Rock Album

'This Is Why' by Paramore

Best Rap Album

'MICHAEL' by Killer Mike

Best R&B Album

'JAGUAR II' by Victoria Monét

Best Rock Song

'Not Strong Enough' by Boygenius

Best Rock Performance

'Not Strong Enough' by Boygenius

Best Traditional Pop Vocal Album

'Bewitched' by Laufey wins the

Best Rap Song

'SCIENTISTS & ENGINEERS' by Killer Mike ft. André 3000, Future & Eryn Allen Kane

Best Rap Performance

'SCIENTISTS & ENGINEERS' by Killer Mike ft. André 3000, Future & Eryn Allen Kane

Best Traditional R&B Performance

'Good Morning' by PJ Morton ft. Susan Carol

Songwriter of the Year, Non-Classical

Theron Thomas

Best American Roots Performance

Eve Was Black by Allison Russell

Best Country Solo Performance

'White Horse' by Chris Stapleton

Best Country Song

'White Horse' by Chris Stapleton

Best Remixed Recording, Non-Classical Wagging Tongue (Wet Leg Remix) – (original Depeche Mode)

Best Immersive Album

'The Diary of Alicia Keys' by Alicia Keys

Best Engineered Album, Non-Classical

'JAGUAR II' by Victoria Monét

Best Music Film

'Moonage Daydream' (David Bowie)

Best Music Video

'I'm Only Sleeping' by The Beatles

Best Song Written For Visual Media

'What Was I Made For?' by Billie Eilish

Best Score Soundtrack for Video Games and Other Interactive Media

'Star Wars Jedi: Survivor'

Best Score Soundtrack For Visual Media

Oppenheimer

Best Pop Duo/Group Performance

'Thousand Miles,' Miley Cyrus featuring Brandi Carlile'

Candy Necklace,' Lana Del Rey featuring Jon Batiste'

Never Felt So Alone,' Labrinth featuring Billie Eilish

'Karma,' Taylor Swift featuring Ice Spice

'Ghost in the Machine,' SZA featuring Phoebe Bridgers -WINNER

Best Pop Dance Recording

'Baby Don't Hurt Me,' David Guetta, Anne-Marie and Coi Leray

'Miracle,' Calvin Harris featuring Ellie Goulding

'Padam Padam,' Kylie Minogue – WINNER

'One in a Million,' Bebe Rexha & David Guetta

'Rush,' Troye Sivan

BEST DANCE/ELECTRONIC MUSIC ALBUM

James Blake — Playing Robots Into Heaven

The Chemical Brothers — For That Beautiful Feeling

Fred again.. — Actual Life 3 (January 1 — September 9 2022) WINNER

Kx5 — Kx5Skrillex — Quest for Fire

BEST MÚSICA MEXICANA ALBUM (INCLUDING TEJANO)

Ana Bárbara — Bordado a Mano

Flor de Toloache — Motherflower

Lila Downs — La Sánchez

Lupita Infante — Amor Como en las Películas de Antes

Peso Pluma — Génesis – WINNER

BEST COMPILATION SOUNDTRACK FOR VISUAL MEDIA

Daisy Jones & The Six — Aurora

Various Artists — Barbie The Album – WINNER

Various Artists — Black Panther: Wakanda Forever

Music From and Inspired By Various Artists — Guardians of the Galaxy, Vol. 3: Awesome Mix, Vol. 3

Weird Al Yankovic — Weird: The Al Yankovic Story

'

Ni nyuma y’uko uyu mutwe wa M23 wongeye gufata abandi basirikare b’u Burundi bari gufatanya na FARDC mu rugamba ihanganyemo na M23.

Uyu mutwe werekanye aba basirikare mu mpera z’icyumweru twaraye dusoje, ku wa Gatandatu tariki 03 Gashyantare 2024, uvuga ko nubwo ubizi ko bitemewe, ariko wabikoze mu nyungu z’aba basirikare.

Abafashwe, barimo Adjudant Chef Ndikumasabo Therence, wavuze ko akomoka i Mwaro, akaba asanzwe ari muri Brigade ya 410 muri Diviziyo ya 4. Yavuze ko ari umugabo wubatse ufiteabana batatu.

Hafashwe kandi Adjudant Chef Nkurunziza, wavuze ko yinjiriye igisirikare i Bururi mu 1996, akaba yakoraga muri Etat major ya diviziyo ya 1 iyoborwa na Gen de Brigade Nyamugaruka.

Undi ni Caporal Chef Nshimirimana Charles winjiriye mu gisirikare i Bururi mu 2001, akaba yayoborwaga na LT. Col. Niyonkindi Joel muri Brigade ya 120, akaba afite umugore n’abana batanu.

Hari na PRemier classe Ndihokubwayo Japhet wo muri Batayo ya 111, Brigade 110, akaba yaratorejwe i Mutukura ndetse afite umugore, hari kandi Premier classe Ndikumana Merence wo muri diviziyo ya 410, na Premier Classe Nzisabira Ferdinand wo muri Mwaro.

Adjudant chef Nkurunziza yasobanuye urugendo rwo kuva mu Burundi baza kurwana muri Congo, aho yavuze ko bahawe impuzankano ya FARDC ndetse n’ibikoresho, ubundi burira indege yabagejeje i Goma.

Avuga ko ubwo bageraga i Goma, bahise bafata imodoka nini z’amakambyo, zahise zibajyana ahitwa Mushaki, ati 'hanyuma duhita tujya ku ma posisiyo ku dusozi dutandukanye kugira ngo turwane n’Abanyarwanda.'

Yavuze ko bahurijwe hamwe n’abandi bagiye bavanwa ahantu hatandukanye, ku buryo bose hamwe bari hagati ya 600 na 700.

Abajijwe icyo basaba, yagize ati 'Twebwe icyo dusaba nuko imiryango yacu na sosiyete sivile mu Burundi n’Umuryango Mpuzamahanga badufasha bakadusabira Leta y’u Burundi ikumvikana na M23 isanzwe idufite kugeza ubu kugira ngo badusabire batuekure dusubire mu Burundi.'

Arongera ati 'Ahubwo tukayisaba ko igihe Leta y’u Burundi yasaba M23 kuturekura kugira ngo dusubire mu gihugu cyacu cy’u Burundi yabyoroshya ikaturekura kuko tuzi ko isanzwe yubahiriza uburenganzira bwa muntu dufatiye ku kuba kuva twafatwa kugeza uyu munsi tubona ko nta kibazo gikomeye twagize hanyuma tukajya guhumuriza imiryango yacu itazi uko turiho… “

M23 kandi yo yatangaje ko idafite ikibazo ku bisabwa n’aba basirikare, kuko uyu mutwe witeguye kuvugana n’ubutegetsi bw’u Burundi, kugira ngo ubusubize aba basirikare babwo.

Hari ibaruwa isaba uyu mugabo gutanga ibisobanuro ku birego ashinjwa n’ishuri akoraho, birimo kuba yaratutse mugenzi we w’umwarimu witwa Ukwisanga Jean de Dieu, aho yamubwiye ko 'Ubwenge bwe bureshya nk’uko areshya.'

Muri iyo baruwa yakiriwe ku wa 2 Gashyantare 2024 na Hakimana Innocent, Umuyobozi wa GS REGA ADEPR, Musabimana Odette, agaragaza ko uyu yasuzuguye mu ruhame bagenzi be , aho ngo yagaragaje ko badashoboye kwigisha.

Ikindi ni ukuzana amacakubiri mu bandi, aho avuga ko 'Umuyobozi yubatse akazu mu kigo cy’ishuri.'

Hakizimana Innocent, mu kiganiro yagiranye n’ikinyamakuru Umuseke dukesha aya makuru, yavuze ko ibyo ashinjwa ari ibinyoma ko ahubwo ari gushyirwaho ibyaha by’amacakubiri nyuma yo gutangaza ko aziyamamaza.

Ati 'Ikibazo banshinja, ntabwo ari hariya cyatangiriye mu karere ka Nyabihu. Ibibazo byatangiye mu kwa karindwi(Nyakanga) 2023, mvuga ko nzatanga kandidatire (candidature), yo kuyobora igihugu, nk’umunyarwanda wigirira ikizere.'

Akomeza ati 'Kubera ko hariya abayobozi bashyirwaho bavuye mu muryango wa FPR,nange nabaga mu muryango wa FPR. Nahise nibasirwa n’ubuyobozi bw’ikigo.

Aba arambajije ngo ese ibintu biri kuvugwa ko uzatanga kandidatire kandi dufite umukandida umwe, Perezida wa Repubulika Paul Kagame, ni gute wavuze ko nawe uziyamamaza ?

Ndamusubiza ngo kwiyamamaza, ni uburenganzira bw’umunyarwanda udafite umuziro.'

Hakizimana Innocent avuga ko yahise abwirwa n’umuyobozi w’ikigo ko ingaruza aza kuzibona.

Ati 'Umuyobozi w’ikigo cya GS Murambi nigishagaho, yahise ambwira ngo ingaruka urazibona mu kanya, bitarenze n’icyumweru.'

Uyu avuga ko uyu muyobozi w’ikigo yahise amurega ku muyobozi w’Akarere, batangira kumuhimbira ibyaha.

Ati 'Icyo gihe Twari turi gusoza umwaka wa 2023, noneho icyo gihe bahita bategura ngo hari abarimu bakoze amakosa, bari gushaka kubahimbira ibyaha, ariko ni jye bari bagamije. '

Hakizimana Innocent avuga ko icyo gihe ubuyobozi bw’Akarere bwamushinje gusuzugura ubuyobozi bw’Ikigo, no gukererwa ku kazi gusa akavuga ko ibyo byaje ari uko amaze gutangaza ko aziyamamaza kuba Perezida wa Repubulika.

Uyu avuga ko mu kwisobanura, yavuze ko ibyo aregwa ari ibinyoma cyane ko nta baruwa n’imwe yigeze yandikirwa yihanangirizwa.
Ati 'Icya mbere, nagaragaze ibaruwa n’imwe yigeze kunyandikira n’imwe anyihanangiriza kuri ayo makosa avuga. Ibaruwa arayibura.'

Uyu uvuga ko umuyobozi w’Akarere ka Nyabihu, ubwe, yasabye imbabazi, agaragaza ko 'Bibaje kuba umwarimu mugenzi we amushinja ibinyoma.'

Hashatswe impamvu zo kumwirukana muri Leta

Uyu avuga ko ubutumwa bwo ku rubuga rwa X bugaragaza ko umuyobozi w’Akarere yahaye umurongo icyo kibazo, bwabaye imbarutso yo gushaka kumwirukana mu bakozi ba leta.

Uyu mwarimu avuga ko yafashe ibyo umuyobozi w’Akarere yari yatangarije mu nama, abishyira ku rubuga rwa X maze bigera ku nzego zindi, bituma Meya w’Akarere yitaba.

Ati 'Noneho ako ka videwo ngashyize kuri X yahoze ari twitter, mu nzego zo hejuru biba ngombwa ko ajya kwisobanura. Kugira ngo yikure mu kimwaro, yahise atumaho dosiye, bahita bansuzuma. Bari barampaye 86% mu manota y’imihigo, twese nta mwarimu wari ufite amanota 80% ku kigo. Ahita ategeka ngo Hakiza mumuhe 69% kugira ngo n’atabijuririra, tumwirukane mu bakozi ba Leta.'

Uyu avuga ko yagiye kujurira muri komisiyo y’abakozi ba leta, komisiyo ije gusuzuma, bimana ibimenyetso by’amafishi.

Uyu avuga ko kandi bahise bamwima amasomo asanzwe akorwa mu kizami cya leta, aho yari asanzwe yigisha icyongereza, gikorwa mu kizami cya leta, bamuha igifaransa, Iyobokamana n’Ikoranabuhanga, bagamije gukomeza kushakira impamvu zo kumwirukana.

Ati 'Ayo masomo rero umusaruro waho upimwa ku mafishi, uko abana bagiye batsinda amasomo, bakaguha amanota y’imihigo, abandi bo bagapimirwa mu kizami cya leta. Icyambabaje, n’uwigishije Physique, abana bakagira 0, yahawe 88%. Abona amafaranga y’imihigo, abona amafaranga y’ishimwe (bonus).'

Uyu avuga ko yaje kwimurirwa gukorera kuri GS REGA ADEPR TTS ndetse ahabwa n’amanota 90% y’imihigo ariko atungurwa no kudahabwa amafaranga angana 120.000frw y’inyongera kimwe n’abandi ariko byose akavuga ko abihuza no kuba yaratangaje ko aziyamamaza.

Ati 'Niba umuntu atanze kandidatire, ntabwo baba babonye umwanya wo kumuhimbira ibyaha.'

Hakizimana avuga ko ibyaha byose ari kugerekwaho ari ibinyoma, ari ibigamije kwangiza isura ye nyuma yo gutangaza ko aziyamamaza kuba Perezida w’u Rwanda.

Ntacyo ubuyobozi bw’Akarere ka Nyabihu buratangaza kuri ibi umwarimu abushyira mu majwi.

Hakizimana Innocent avuga ko agifite umugambi wo kwiyamamaza kuyobora igihugu kandi nta kintu gishobora kumukoma mu nkokora.

Ivomo : Umuseke

Ni umukino wabaye kuri iki Cyumweru saa kumi n’ebyiri n’iminota 30 ubera kuri Emirates Stadium.

Watangiye ikipe ya Arsenal iri hejuru ikinira imbere y’izamu rya Liverpool gusa ba myugariro bakihagararaho.

Ku munota wa 10 gusa Arsenal yarase igitego cyabazwe ku mupira waruzamukanwe na Gabriel Martinelli ageze imbere y’izamu awuhindura kwa Bukayo Saka ahagaze wenyine ashyiraho umutwe ariko uragenda unyura hepfo gato.

Ku munota wa 13 yahise ikibona gitsinzwe na Bukayo Saka nyuma y’uko Gabriel Martinelli yari arekuye ishoti ariko umunyezamu arikuramo.

Umukino wakomeje Liverpool igerageza guhererekanya ngo ishake uko yakwishyura ariko ntibone aho yamenera.

Ku munota wa 45 Arsenal yaribonye igitego cya Kabiri habura gato ku ishoti Gabriel Martinelli yari arekuye ari mu rubuga rw’amahina ariko Trent Alexander Arnold aratabara.

Igice cya mbere kigiye kurangira Liverpool yishyuye ku mupira Luis Díaz yari arekuye awurwanira n’umuzamu maze Gabriel Maghalaes ahita yitsinda.

Igice cya kabiri cyatangiye noneho Liverpool ariyo iri hejuru abakinnyi nka Luis Díaz na Curtis Jones bagerageza no gushaka igitego cya 2 hakiri kare.

Ku wa 57 Liverpool yakoze impinduka mu kibuga havamo Gakpo,Trent Alexander Arnold ndetse na Rayan Gravenberch hinjiramo Darwin Nunez, Robertson na Harvey Elliott.

Ku munota wa 65 Arsenal yabonye igitego cya 2 gitsinzwe na Gabriel Martinelli ku makosa ya Allison Backer na Virgir bari bakoze bananirwa kumvikana ngo bakureho umupira.

Nyuma yo gutsindwa igitego cya 2, Liverpool yagerageje gushaka uko yakwishyura ndetse ikanabona uburyo nkaho Mac Alisster yarekuye ishoti riremeye ariko rinyura hepfo y’izamu gato cyane.

Ku wa 88 Ibrahima Konate wa Liverpool yabonye ikarita y’akabiri y’umuhondo bibyara umutuku ku ikosa yari akoreye Kai Havertz.Umukino ugiye kurangira, Arsenal yabonye igitego cya 3 gitsinzwe na Leandro Trossard wari winjiye mu kibuga asimbuye.

Liverpool yatsinzwe ibitego 3-1 ikomeza kuyobora urutonde rwa shampiyona n’amanota 51 naho Arsenal yo ijya ku mwanya wa 2 n’amanota 49.

Arsenal yatsinze Liverpool ibitego 3-1