Webrwanda Backend

Author: webrwanda

  • Rayon Sports na Skol bahembye abakinnyi bitwa… – #rwanda #RwOT

    Kuri uyu Wagatatu nibwo ikipe ya Rayon Sports yagiye gusura Amagaju FC kuri sitade mpuzamahanga ya Huye mu mukino w’ikirarane cyo ku munsi wa 18 wa shampiyona y’ikiciro cyambere mu Rwanda.

    Ni umukino warangiye Rayon Sports ibonye amanota 3 ku gitego 1-0 cyatsinzwe na Muhire Kevin ku munota wa 53 nyuma yo guhabwa umupira na Bugingo Hakim.

    Nyuma y’uyu mukino,Murera yakurikijeho igikorwa cyo guhemba abakinnyi bayo bitwaye neza mu mezi 3 ashize mu bagabo no mu bagore.

    Umukinnyi wahawe igihembo cy’ukwezi ku Gushyingo mu bagabo ni Bugingo Hakim ahigitse Kanamugire Roger na Muhire Kevin bari bagihanganiye naho mu bagore cyegukanwe na Dorothee Mukeshimana ahigitse Claudine Itangishaka na Joselyn Mukantaganira.

    Uwahawe icy’ukwezi ku Kuboza mu bagabo ni Muhire Kevin ahigitse Heltier Luvumbu Nzinga na Bugingo Hakim mu gihe mu bagore cyegukanwe na Jeannine Mukandayisenga agitwaye Alice Kalimba na Jeannette Mukeshimana.

    Heltier Luvumbu Nzinga niwe wegukanye igihembo cy’umukinnyi mwiza w’ukwezi kwa Mutarama mu bagabo agitwaye Ally Serumogo na Khadime Ndiaye naho mu bagore ni Merry Gibby Chavinda agitwaye Djamila ndetse na Libelle Nigwire.

    Ibi bihembo byatanzwe ku bufataye n’uruganda rwa Skol rusanze n’ubundi ari umufatanyabikorwa mukuru wa Rayon Sports y’abagabo n’abagore.

    https://youtu.be/taYCB1WSWjQ?si=86V3EQS3Uf5SXTS0

    Amashusho agaragaza uko byari byifashe hatangwa ibi bihembo 

    Heltier Luvumbu Nzinga na Merry Gibby begukanye ibihembo by’ukwezi kwa Mutarama

    Muhire Kevin na Jeannine Mukandayisenga begukanye igihembo cy’Ukuboza 

    Muhire Kevin na Dorothee Mukeshimana begukanye igihembo cy’Ugushyingo 

    Source : https://inyarwanda.com/inkuru/139455/rayon-sports-na-skol-bahembye-abakinnyi-bitwaye-neza-mu-mezi-3-ashize-139455.html

  • APR FC yatsinze Marines igumya kwanikira Rayon Sports yashimangiye umwanya wa kabiri #rwanda #RwOT

    APR FC yatsinze Marines FC ibitego 5-2 igumya kwanikira Rayon Sports yashimangiye umwanya wa kabiri itsinda Amagaju.

    Uyu munsi nibwo hakinwe imikino 3 muri 4 y’ikirarane cy’umunsi wa 18 cya shampiyona y’icyiciro cya mbere mu Rwanda umwaka w’imikino wa 2023-24.

    Musanze FC yari yasuye Sunrise FC kuri Golgotha Stadium ndetse amakipe yombi aza kunganya ubusa ku busa.

    Rayon Sports yari yasuye Amagaju ku mukino wabereye Huye Stadium, ni umukino utoroheye Rayon Sports nubwo yaje kuwutsinda 1-0.

    Iki gitego cy’intsinzi cyatumye Rayon Sports iguma ku mwanya wa 2, cyatsinzwe na Muhire Kevin ku munota wa 53.

    Undi mukino wabaye APR FC yari yakiriye Marines FC, ni umukino utoroheye iyi kipe y’ingabo z’igihugu kuko ku munota wa mbere Marines yari yamaze gutsinda igitego cyatsinzwe na Byamungu.

    APR FC yagowe cyane no kwishyura iki gitego kuko wabonaga Marines irimo iyirusha ndetse ikanahusha ubundi buryo.

    Gusa ku munota wa 44, Kwitonda Alain Bacca yaje kwishyurira APR FC, bajya kuruhuka ari 1-1.

    Ku munota wa 62, Ruboneka Bosco kuri kufura ku ikosa ryari rikorewe Mugisha Gilbert yatsindiye APR FC igitego cya 2 ni mu gihe ku munota wa 65 Sharaf Eldin Ali Shiboub Abdelrahman.

    Ku munota wa 76, Shiboub yaje gutsindira APR FC igitego cya kane. Ishimwe Jean Rene yatsindiye Marines FC igitego cya kabiri ku munota wa 85.

    Ku munota wa mbere w’inyongera, Omborenga yateye mu izamu maze abakinnyi ba Musanze FC baritsinda. Umukino warangiye ari 5-2.

    Undi mukino w’ikirarane, ejo Police FC izakina na Mukura VS kuri Stade ya Huye.

    Ubu APR FC ni yo ya mbere n’amanota 42 ni mu gihe Rayon Sports ya kabiri ifite 36, Musanze FC 34 n’aho Police FC ikagira 32.

    APR FC yatsinze Marines FC

    Source : http://isimbi.rw/siporo/article/apr-fc-yatsinze-marines-igumya-kwanikira-rayon-sports-yashimangiye-umwanya-wa-kabiri

  • Agezweho mu mikino: Ikipe ya AS Kigali yirukanye umutoza wayo mukuru  – YEGOB #rwanda #RwOT

    Agezweho mu mikino: Ikipe ya AS Kigali yirukanye umutoza wayo mukuru.

    Ikipe ya AS Kigali y'abagore yirukanye umutoza wayo mukuru Mukamusonera Theogenein nyuma yo kunanirwa guhuza na bamwe mu bakinnyi b'iyi kipe y'abanyamujyi yaherukaga guhesha igikombe shampiyona.

    Mukamusonera Theogenein wamaze gusezererwa n'ikipe ya AS Kigali inshingano ze zasigaranye umutoza wa Fitness Saida mu gihe bagishaka umusimbura we.

    Source : https://yegob.rw/agezweho-mu-mikino-ikipe-ya-as-kigali-yirukanye-umutoza-wayo-mukuru/

  • M23 yemeje ko yafashe ibindi bice birimo umusozi wari watumye FARDC iyizengereza #rwanda #RwOT

    Byatangajwe n’Umuvugizi wa M23, Lawrence Kanyuka kuri uyu wa Gatatu tariki 07 Gashyantare 2024 mu butumwa bugaragaza uko urugamba ruhanganishije uyu mutwe wa M23 na FARDC, ruhagaze.

    Muri ubu butumwa, Lawrence Kanyuka yavuze ko imirwano yubuye mu gitondo cyo kuri uyu wa Gatatu saa kumi n’imwe za mu gitondo, aho uruhande bahanganye rugizwe na FARDC, FDLR, abacanshuro, inyeshyamba za Wazalendo, ingabo z’u Burundi n’iza SADC, babyukaga bagaba ibitero mu bice bituwemo n’abaturage birimo Mushaki na Negenero n’ibice bibikikije.

    Yakomeje avuga ko ibi bitero 'byahitanye inzirakarengane z’abana. Abagore n’abageze mu zabukuru, ndetse abandi benshi bava mu byabo.'

    Kanyuka yakomeje avuga ko kubera ibi bitero, byatumye M23 yiyemeza kwamurura abo bahanganye mu rwego rwo kurinda abaturage bugarijwe.

    Yavuze ko ibi byatumye M23 ifata agace ka Nturo ndetse n’umusozi wa Chez Madimba, witegeye ahantu heza ho kurwana urugamba.

    M23 yongeye gusaba Umuryango Mpuzamaganga ndetse n’imiryango itabara imbabare gusaba ubutegetsi bwa Tshisekedi n’igisirikare cye guhagarika ibi bikorwa bikomeje guhitana abaturage benshi.

    IYUMVIRE BYINSHI BYA M23

    UKWEZI.RW

    Source : http://www.ukwezi.rw/Mu-mahanga/article/M23-yemeje-ko-yafashe-ibindi-bice-birimo-umusozi-wari-watumye-FARDC-iyizengereza

  • Umuvugizi wa Congo yagaragaje aho umugambi wa Tshisekedi wo gutera u Rwanda ugeze #rwanda #RwOT

    Mu minsi ishize ubwo Perezida Felix Tshisekedi yiyamamarizaga kongera kuyobora Repubulika Iharanira Demokarasi ya Congo, yavuze ko naramuka atowe azateranya Imitwe yombi y’Inteko Ishinga Amategeko, akayisaba gutera u Rwanda.

    Muri ibyo bihe, Perezida Tshisekedi wumvikanye mu mvugo yumvikanamo ubwishongozi, yavuze ko afite ubushobozi bwo kurasa i Kigali atiriwe ava mu Congo.

    Patrick Muyaya usanzwe ari na Minisitiri w’Itumanaho n’Itangazamakuru muri Guverinoma ya Congo Kinshasa, ubwo yaganiraga n’Itangazamakuru kuri uyu wa Kabiri tariki 06 Gashyantare 2024, yabajijwe impamvu Perezida Tshisekedi adasohoza umugambi we wo gutera u Rwanda.

    Muyaya yavuze ko Igihugu gifite byinshi gihugiyemo birimo n’ibikorwa by’intambara aho igisirikare cy’iki Gihugu gihanganye n’umutwe wa M23, ndetse n’ubuyobozi bukaba bushyize imbere gushyiraho inzego nyuma y’amatora aherutse kuba.

    Yagize ati 'Turi mu bikorwa ariko hari ibigenderwaho. Ntabwo intambara yatangazwa. Murabizi ko turi mu cyiciro cyo gushyiraho inzego nshya. Perezida wa Repubulika yarabyifuje ariko hashingiwe ku Itegeko Nshinga ntabwo twabikora. Icy’ingenzi cyane, ibyo ntabwo byaba muri iki gihe.'

    Patrick Muyaya kandi yaboneyeho kwizeza ko igisirikare cy’iki Gihugu kiri kwitwara neza mu rugamba gihanganyemo n’umutwe wa M23.

    Abitangaje nyuma y’igihe gito Minisitiri w’Ingabo, Jean Pierre Bemba, we avuze ko bakurikije uko urugamba ruhagaze ubu, FARDC ifite imbaraga nke imbere ya M23.

    Jean Pierre Bemba kandi nyuma y’Inama Nkuru y’Umutekano yateranye hirya y’ejo hashize ku wa Mbere, yavuze ko iyi nama yiyemeje gukora ibishoboka byose kugira ngo umutwe wa M23 udafata umujyi wa Goma usumbirijwe n’uyu mutwe, dore ko wamaze kuwugota.

    UKWEZI.RW

    Source : http://www.ukwezi.rw/Mu-mahanga/article/Umuvugizi-wa-Congo-yagaragaje-aho-umugambi-wa-Tshisekedi-wo-gutera-u-Rwanda-ugeze

  • Minisitiri Musabyimana yigaramye iby’uko yabujije abo mu nzego z’ibanze kuvugana n’itangazamakuru #rwanda #RwOT

    Mu minsi ishize, byavuzwe ko Abanyamabanga Nshingwabikorwa b’Imirenge, babujijwe kongera gutanga amakuru bayaha itangazamakuru.

    Kuri uyu wa Kabiri, Depite Frank Habineza yagaragaje impungenge zihari mu gihe aba bayobozi babuzwa kuvugana n’itangazamakuru ndetse no kuba hari abaturage babuzwa kurivugisha.

    Yagize ati 'Ibyo bivamo ko namwe mutayamenya n’abaturage ntibisanzure ku itangazamakuru ntirivuge ibibazo byabo.'

    Yakomeje ati 'Iyo abaturage babivuze usanga umuyobozi w’urwego rw’ibanze, ari Gitifu cyangwa nde, amugendaho amubaza ati 'kuki wavuganye n’itangazamakuru ?’, ugasanga bibaye ikibazo umuturage agatinya.'

    'Ndetse n’undi wabyumva ko kanaka yavuganye na radiyo runaka cyangwa umunyamakuru runaka, akavuga ati 'nanjye sinzogera kuvugana n’itangazamakuru’.'

    Minisitiri w’Ubutegetsi bw’Igihugu, Musabyimana Jean Claude yateye utwatsi ibi byo kubuza abayobozi mu nzego z’ibanze akuriye gutanga amakuru.

    Yagize ati 'Mbivugiye n’aha ntabwo ari byo. Ni nanjye bavugaga. Nta hantu na hamwe nigeze mvugira muri uru Rwanda ko umuyobozi atagomba gutanga amakuru.'

    Yakomeje agira ati 'Ubivuga muzamubaze aho yabikuye ariko njye ntabyo navuze, n’ahantu byavugiwe ntabwo nari mpari. Nabyumvise nanjye ku mbuga nkoranyambaga nk’abandi bose. Gutanga ibindi bisobanuro ntabwo nabishobora.'

    Arongera ati 'Nanze no kubyitaho kuko numvaga bitandeba, sinabivuga ndetse sinzigeze mbivuga, uwabivuze azababwire aho yabyumvise ntabwo mpazi.'

    Bamwe mu baturage bo mu bice binyuranye bakunze kuvuga ko baterwa ubwoba na bamwe mu bayobozi, iyo hari uwavugishije itangazamakuru ku buryo hari bamwe babicikaho burundu.

    Source : http://www.ukwezi.rw/Mu-rwanda/article/Minisitiri-Musabyimana-yigaramye-iby-uko-yabujije-abo-mu-nzego-z-ibanze-kuvugana-n-itangazamakuru

  • AMAFOTO : Umubano wa RDF na UPDF byagaragaye ko ukiri ntamakemwa #rwanda #RwOT

    Ibi birori by’isabukuru y’imyaka 43 ya 'Tarehe Sita’, bisanzwe byizihizwa tariki 06 Gashyantare, bigamije kuzirikana igihe hatangirijwe urugamba rwo kubohora Uganda mu 1981.

    Ni urugamba rwatangijwe na Yoweri Kaguta Museveni unayoboye Uganda kugeza ubu, akaba ari na we wayoboye ibi birori byabereye mu Karere ka Bugweri, byaranzwe n’ibikorwa binyuranye birimo imyiyerekano ya gisirikare.

    Umugaba Mukuru wa RDF, General Mubarakh Muganga, n’itsinda ayoboye rigizwe n’abarimo Umuvugizi wa RDF, Brig Gen Ronald Rwivanga, bitabiriye ibi birori.

    Aba basirikare bakuru mu ngabo z’u Rwanda, kandi banaramukanyije na Perezida Yoweri Kaguta Museveni, wagaragaye yishimiye kuba babyitabiriye.

    Igihe Umubano w’u Rwanda na Uganda, warimo igitotsi, byanavuzwe ko n’uwo hagati y’Ingabo z’ibi Bihugu byombi utari wifashe neza.

    Gusa aho wuburiwe bigizwemo uruhare na General Muhoozi Kainerugaba umuhungu wa Museveni, yakunze kuvuga ko 'RDF na UPDF bongeye kuba umwe' nk’uko n’ubundi Abanyarwanda n’Abanya-Uganda ari abavandimwe.

    UKWEZI.RW

    Source : http://www.ukwezi.rw/Mu-rwanda/article/AMAFOTO-Umubano-wa-RDF-na-UPDF-byagaragaye-ko-ukiri-ntamakemwa

  • Rayon Sports yatsindiye Amagaju FC i Huye – #rwanda #RwOT

    Uko umukino wagenze umunota ku munota:

    Umukino urangiye Rayon Sports itsinze Amagaju FC igitego 1-0

    Amagaju FC ari gukina yirwanaho ngo ashake igitego cyo kwishyura ariko byanze 

    Umukino wongeweho iminota 6

    84′ Paul Gomes arase igitego abafana bahita biyamira muri sitade,ni ku mupira yarazamukanye acenga ariko ageze mu rubuga rw’amahina ari wenyine arekura ishoti rinyura impande y’izamu

    75′ Rayon Sports ikoze impinduka mu kibuga havamo, Charles Bbaale na Tuyisenge Arsene hajyamo Paul Gomes na Ishimwe Ganijuru Elie

    73′ Ikipe ya Rayon Sports yongeye kurata igitego cyabazwe ku mupira waruhinduwe na Serumogo ally maze Youssef Rharb agiye gushota arawuhusha usanga Hertier Luvumbu arekura ishoti ariko rinyura hejuru y’izamu kure

    71′ Umusifuzi atanze akaruhuko ko kunywa amazi ku bakinnyi kubera ubushyuhe( Cooling break)

    68’  Amagaju FC akoze impinduka mu kibuga havamo Sebagenzi Cyrille na Bizimana Ibutihadji hinjiramo  Dusabimana Christian ndetse na Nkurunziza Seth

    67′ Rayon Sports ikoze impinduka mu kibuga havamo, Iraguha Hadji hajyamo Youssef Rharb

    63′ Umunyezamu wa Rayon Sports, Khadime Ndiaye ari kwitabwaho n’abaganga nyuma yo kugongana na Rukundo Abdoul Rahmani w’Amagaju FC

    58′ Amagaju FC akoze impinduka mu kibuga,havamo Ndizeye Innocent na Shaban Rachid hajyamo Niyonkuru Claude na Irumva Justin

    57,Rayon Sports nyuma yo kuboan igitego ikomeje gusatira,Charles Bbale arase igitego cyabazwe ku mupira yarahawe na Serumogo Ally i

    52′ Rayon Sports ibonye igitego cya 1 gitsinzwe na Muhire Kevin nyuma yo gucenga ba myugariro b’Amagaju FC arahindukira arekura ishoti mu nguni ya ruguru  ku mupira yarahawe na Bugingo Hakim

    46′ Iigice cya kabiri gitangiye Rayon Sports ibona uburyo buremereye ku ishoti Luvumbu yararekuye ariko umunyezamu w’Amagaju FC aratabara arikuramo

    Igice cya mbere kirangiye amakipe anganya 0-0

    45+1′ Serumogo Ally yarazamukanye umupira yiruka ageze imbere y’izamu awuhindura mu rubuga rw’amahina ashaka Charles Bbale ariko ba myugariro b’Amagaju FC baba maso baratabara

    Igice cya mbere cyongeweho iminota 3

    39′ Bizimana Ibutihadji azamukanye umupira ku ruhande rw’ibumoso awuhindurira Malande Destin afungira Ndizeye innocent arekura ishoti riremereye ariko rinyura hejuru y’izamu gato cyane



    35’Myugariro w’Amagaju FC,Tuyishime Emmanuel yari yatsinze igitego ku mupira waruhinduwe na Serumogo Ally ariko umunyezamua aratabara ashyira umupira murin koroneri itewe na Muhire Kevin ntihagira ikivamo

    30′ Iraguha Hadji wa Rayon Sports aryamye mu kibuga ari kwitabwaho n’abaganga nyuma yo kugongana n’umukinnyi w’Amagaju FC

    Muri iyi minota nta kipe iri kumarana umupira kabiri ngo ihererekanye

    22’Kapiteni,Masudi Narcise ahawe ikarita y’umohomdo nyuma yo kwitambika Heltier Luvumbu Nzinga warugiye guhana ikosa

    15′ Rayon Sports irase igitego cyabazwe ku mupira Iraguha Hadji yarahaye Charles Bbale ahagaze wenyine ariko gutereka mu izamu biramunanira umupira uramucika

    11′ Amagaju FC abonye uburyo bwa mbere imbere y’izamu rya Rayon Sports kuri koroneri yarizamuwe na Matomona Abedel ariko Ndizeye Innocent agiye gushyiraho umutwe aba aba akojeje intoki ku mupira

    6′ Amagaju FC yabuze umupira ukomeje kwiharirwa na Rayon Sports

    3’Ikipe ya Rayon sports ikomeje gusatira ishaka igitego hakirikare,ibonye koroneri itewe na Muhire Kevin ba myugariro b’Amagaju FC baratabara

    1’Umukino utangiye ikipe Rayon sports isatira ,Muhire Kevin arekura ishoti ku mupira yarahawe na Charles Bbale ariko umunyezamu ahita arikuramo


    Abakinnyi 11 b’Amagaju FC babanje mu kibuga:

    Ndikuriyo Patient

    Masudi Narcisse

    Matomona Abedel 

    Tuyishime Emmanuel

    Bizimana Ibutihadji

    Dusabimana Jean Claude

    Sebagenzi Cyrille

    Rukundo Abdoul Rahmani

    Marande Exauce Destin

    Ndizeye Innocent

    Shaban Rachid

    Abakinnyi 11 Rayon Sports yabanje mu kibuga:

    Khadime Ndiaye 

    Serumogo Ally 

    Bugingo Hakim 

    Aimable Nsabimana

    Mitima Isaac 

    Kanamugire Roger

    Muhire Kevin 

    Hertier Luvumbu

    Charles Bbaale

    Tuyisenge Arsene 

    Iraguha Hadji

    14:15’Amakipe yombi atangiye kwishushya

    Ni umukino uri kubera kuri sitade mpuzamahanga ya Huye guhera saa kenda. Impamvu utabereye ku gihe ni ukubera ko ikipe ya Rayon Sports yagomba gukina imikino y'igikombe cy'Intwari cya 2024  byarangiye cyegukanwe na Police FC itsinze APR FC ku mukino wa nyuma mu gihe Murera yo yari yasezerewe rugikubita.

    Amagaju agiye gukina uyu mukino ari ku mwanya wa 9 n'amanota 23 naho Rayon Sports iri ku mwanya wa 2 n'amanota 33. Umukino ubanza wari wari wakiriwe na Rayon Sports kuri Kigali Pele Stadium wari warangiye amakipe yombi anganyinje igitego 1-1.

    Mu mikino 21 imaze guguza aya makipe yombi,Rayon Sports yatsinzemo imikino 14,Amagaju FC atsindamo imikino 4 banganya imikino 3.Muri 2019 nibwo Amagaju FC yaherukaga kwakira Rayon Sports ariko uwo mukino warangiye atsinzwe ibitego 2-1 ahita anamanuka mu kiciro cya 2.  

     

    Source : https://inyarwanda.com/inkuru/139438/live-amagaju-fc-yakiriye-rayon-sports-139438.html

  • Imibare n’amateka byagufasha gusobanukirwa To… – #rwanda #RwOT

    Kuva tariki 18 kugera tariki 25 Gashyantare 2024, u Rwanda rugiye kongera kwakira irushanwa ngarukamwaka rya Tour du Rwanda, rizaba ribaye ku nshuro ya 16 kuva rigizwe mpuzamahaganga, ikazaba ari inshuro ya 6 riri ku kigero cya 2,1.

    Irushanwa Mpuzamahanga ryo kuzenguruka ibice bitandukanye by’u Rwanda yakoreshejwe igare (Tour du Rwanda) ni kimwe mu gikorwa cya siporo gikomeye mu Rwanda ndetse no muri Afurika kubera urwego rigezeho ndetse n’imitegurire yaryo. Iyi Tour du Rwanda mureba imara icyumweru yaciye ibintu mu Rwanda no muri Afurika, ntabwo ari iya vuba aha kuko yatangiye kugeragezwa ahagana mu 1970.

    Ahagana mu 1977 Karemera Pierre wakoraga muri Minisiteri y’umuco na siporo afatanyije na bagenzi be, bashinze ishyirahamwe ry’umukino wo gusiganwa ku magare ndetse banaryandikisha muri Afurika. Umukino watangiye uko ku ruhande rw’abanyarwanda watangiye uko, ndetse hatangira n’amarushanwa mato mato yahuzaga uduce tw’u Rwanda nka Tour de L’Est, Tour de Volcano ndetse n’irindi ryajyaga mu Majyepfo.

    Mu 1987, u Rwanda twitabiriye imikino nyafurika yabereye muri Kenya, ndetse bituma abayobozi b’uyu mukino mu Rwanda bahakura igicekerezo cyo gushinga isiganwa rinini rizenguruka u Rwanda rwose.

    Mu 1988, ni bwo habayeho isiganwa rwa mbere rya Tour du Rwanda aho abasiganwa bazengurutse igihugu cyose, riza kwegukanwa na Celestin Ndengeyingoma. Tour du Rwanda yarakinwe kugera mu 1990, gusa kubera ibihe bigoye u Rwanda rwanyuzemo, kuva mu 1991 kugera 2000 ntabwo iri rushanwa ryabaye.

    Nsengiyumva Bernard niwe wegukanye Tour du Rwanda ya mbere nyuma ya Jenoside yakorewe Abatutsi mu 1994

    Mu 2001 ni bwo Tour du Rwanda yagarutse, yabaye yegukanwa na Nsengiyumva Bernard. Mu 2009 ni bwo Tour du Rwanda yaje kugirwa mpuzamahanga ndetse ijya mu cyiciro cya 2.2, kuva ubwo Tour du Rwanda ikaba yarabaye ikimenyabose ku Isi yose. 

    Reka turebe hamwe amwe mu mateka n’imibare ya Tour du Rwanda kuva ibaye mpuzamahanga mu 2009

    Tour du Rwanda imaze kwegukanwa n’abakinnyi 13 mu nshuro 15 imaze gukinwa, abo akaba ari: Jelloul Adil (2009), Teklehaimanot Daniel (2010), Reijnen Kiel (2011), LillDarren (2012), Girdlestone Dylan (2013), Ndayisenga Valens (2014,2016), Nsengimana Jean Bosco (2015), Areruya Joseph (2017), Mugisha Samuel (2018), Kudus Merhawi (2019), Testatsion Natnael (2020, 2022), Rodriguez Cristian (2021), na Mulubrhan Henok.

    Abakinnyi bamaze kwegukana uduce twinshi twa Tour du Rwanda

    Restrepo Jhanatan ukomoka muri Colombia ni we umaze kwegukana uduce twinshi twa Tour du Rwanda tugera kuri 6, akaba akurikirwa na Ndayisenga Valens Eyob Metkel na Nsengimana Jean Bosco. Aba bakinnyi bose ukuyemo Ndayisenga Valens, bazaba bari muri Tour du Rwanda y’uyu mwaka.

    Testatsion Natnael na Ndayisenga Valens nibo bakinnyi bafite Tour du Rwanda nyinshi (2) abandi bakaba bafite imwe.

    Abakinnyi 3 bamaze kugera kuri Podium inshuro nyinshi mu duce twa Tour du Rwanda, ni Restrepo Jhonathan (8) wabaye uwa mbere inshuro 6 aba uwa kabiri inshuro 2, ndetse aba uwa gatatu inshuro 1. 

    Eyob Metkel (12), yegukanye uduce 5, aba uwa kabiri inshuro 4 aba uwa gatatu inshuro 3. Ndayisenga Valens (10), yegukanye uduce 5, aba uwa kabiri inshuro 4 aba uwa gatatu inshuro 1.

    Restrepo niwe mukinnyi ufite uduce twinshi twa Tour du Rwanda tugera kuri 6

    Merhawi Kudus ukomoka muri Eritrea, niwe wegukanye agace ka Tour du Rwanda ari muto, akaba yari afite imyaka 18 n’iminsi 301, aha bikaba byari mu gace ka mbere ka Tour du Rwanda ya 2012, ubwo abakinnyi bavaga Kigali bajya Nyagatare. 

    Umunyarwanda uza hafi ni Ndayisenga Valens uza ku mwanya wa 5, kuko yabikoze mu 2013, afite imyaka 19, iminsi 322 mu gace ka kabiri ka Tour du Rwanda Rwamagana Musanze.

    SMET Guy niwe mukinnyi wegukanye agace ka Tour du Rwanda akuze, akaba yarabizikoze mu 2011, mu gace ka ka Gatanu Gitarama Butare, aho yari afite imyaka 39 n’iminsi 293. 

    Biziyaremye Joseph niwe mukinnyi w’umunyarwanda wegukanye agace ka Tour du Rwanda akuze aho yari afite imyaka 26 n’iminsi 325, mu 2014 mu gace ka gatanu kavaga Rubavu kajya i Nyanza.

    Agace ka Tour du Rwanda kakinwe gafite umuvuduko wo hejuru

    Agace ka gatatu ka Tour du ya 2010, niko kabayeho abakinnyi bihutaga aho abakinnyi bavuye i Byumba bajya i Kigali ku Ntera ya Kirometero 62.5, icyo gihe abakinnyi bakaba baragenderaga ku muvuduko wa Kirometero 53 ku isaha.

    Gakurikirwa n’agace ka 8 ka Tour du Rwanda ya 2012 ka Kigali Kigali, Kari gafite intera ya Kirometero 124, abakinnyi bakaba barasiganwaga ku muvuduko wa Kirometero 49.571 ku isaha.

    SMET Guy ukomoka mu Bubiligi, niwe wegukanye agace ka Tour du Rwanda akuze aho yabikoze mu 2011 afite imyaka 39

    Ndayisenga Valens niwe mukinnyi wambaye imyenda myinshi y’abakinnyi beza muri Tour du Rwanda (Most leader Jerseys in Tour du Rwanda) igera kuri 12, akaba arusha Nsengimana Jean Bosco ufite 10. Ndayisenga ibi yabikoze hagati ya 2014 na 2016 gusa.

    Nsengimana Jean Bosco niwe mukinnyi umaze gukina Tour du Rwanda inshuro nyinshi (13), ndetse zose akaba yarazisoje. Akurikirwa na Byukusenge Patrick umaze kubikora inshuro 10 nawe zose akaba yarazisoje.

    Mugisha Samuel niwe mukinnyi wegukanye Tour du Rwanda ari umwana (afite imyaka mike) akaba yarabikoze yegukana Tour du Rwanda ya 2018, ubwo yari afite imyaka 20 n’iminsi 250. Lill Darren niwe wegukanye Tour du Rwanda akuze aho yabikoze muri Tour du Rwanda ya 2012, afite imyaka 30 n’iminsi 97.

    Amateka agaragaza ko Ndayisenga Valens ariwe mukinnyi ufite ibingwi byinshi bya Tour du Rwanda bigendanye n’igihe yakinnye 

    U Rwanda na Eritrea ni byo bihugu bifite Tour du Rwanda nyinshi zigera kuri 5, ariko u Rwanda rukaza imbere kuko rwabaye urwa kabiri muri Tour du Rwanda inshuro nyinshi 4, Eritrea ikagira 3. Afurika y’Epfo ifite Tour du Rwanda 2, USA, Maroc na Espagne bakagira Tour du Rwanda 1.

    Eritrea niyo imaze kwegukana uduce twinshi twa Tour du Rwanda tungana na 27, u Rwanda 20, u Bufaransa 11, u Bubiligi, Namibia, Poland, Kazakhstan na Ukraine bikaba bifite inshuro imwe.

    U Bufaransa nicyo gihugu kimaze kugira abakinnyi benshi muri Tour du Rwanda, 72, u Rwanda 61, Afurika y’Epfo 53, Eritrea 42.

    Imijyi imaze kwakira/gusorezwamo na Tour du Rwanda inshuro nyinshi

    Umujyi wa Kigali umaze kwakira Tour du Rwanda inshuro 16 bivuze ko ari buri mwaka, Huye inshuro 15, Musanze inshuro 12, Rubavu 11, Rwamagana 9. Nyamagabe na Kibungo, zimaze kwakira Tour du Rwanda inshuro imwe gusa hose ikaba yarahageraga ihasorezwa.

    Agace kanini kabaye ka Tour du Rwanda ni agace ka gatatu ka Tour du Rwanda ya 2019, kavaga Huye kajya i Rubavu, ku ntera ya Kirometero 213, kagakurikirwa n’agace ka 4 ka Tour du Rwanda ya 2020, kavaga Rusizi kerekeza Rubavu. Agasozi ko kwa mutwe niko kamaze kuzamukwa inshuro nyinshi muri Tour du Rwanda, inshuro zigera ku 9 muri Tour du Rwanda 6. 

    Mugisha Samuel niwe mukinnyi wegukanye Tour du Rwanda ari muto, kuko mu 2018 abikora, yari afite imyaka 20 n’iminsi 250 

    Nsengimana Jean Bosco niwe mukinnyi umaze gukina Tour du Rwanda inshuro nyinshi kuko kuva mu 2012 atarasiba umunsi n’umwe, ndetse uyu mwaka niyitabira azaba ashyizeho agahigo gashobora kuzagorana kugakuraho 

    Tour du Rwanda ni isiganwa warebera ubuntu ariko ugataha unyuzwe 

    Abanyarwanda bakunda Tour du Rwanda kandi mu bice byose by’igihugu

    Source : https://inyarwanda.com/inkuru/139432/imibare-namateka-byagufasha-gusobanukirwa-tour-du-rwanda-139432.html

  • Guteza imbere ubuhanzi na Siporo- Imyanzuro y… – #rwanda #RwOT

    Kuva ku itariki ya 23 kugera ku ya 24 Mutarama 2024, i Kigali hateraniye Inama y'Igihugu y'Umushyikirano ya 19; yayobowe na Nyakubahwa Paul Kagame, Perezida wa Repubulika y'u Rwanda.

    Iyo nama yitabiriwe n'Abanyarwanda bahagarariye ibyiciro bitandukanye: Abayobozi, Abanyarwanda baba mu mahanga, abahagarariye ibihugu n'Imiryango Mpuzamahanga, abafatanyabikorwa mu iterambere hamwe n'abahagarariye ibitangazamakuru bitandukanye harimo ibyo mu karere u Rwanda ruherereyemo n'ibyo ku rwego mpuzamahanga.

    Mu ijambo ritangiza inama, Nyakubahwa Perezida wa Repubulika y'u Rwanda yagaragarije Abanyarwanda aho Igihugu kigeze cyiyubaka nyuma y'imyaka 30 u Rwanda ruvuye mu icuraburindi rya Jenoside yakorewe Abatutsi, yibutsa ko urugendo rwo kubaka Igihugu rukomeje ndetse anagaragaza uko Igihugu gihagaze.

    Yagaragaje ko Igihugu gihagaze neza mu nzego zose.

    Ibiganiro byatangiwe muri iyi Nama byibanze ku ngingo zikurikira: 

    1.Kugaragaza iby'ingenzi bimaze kugerwaho mu ishyirwa mu bikorwa rya Gahunda y'Igihugu yo Kwihutisha Iterambere (NST1).

    2. Guharanira kwigira mu bukungu: Ingamba n'ibisubizo bishingiye ku nkingi  zisanzwe z'ubukungu n'inkingi nshya.

    3. Urugendo rw'ubumwe n'ubudaheranwa by'Abanyarwanda.

    4. Uruhare rw'urubyiruko mu kugena ejo hazaza heza h'u Rwanda.

    Nyuma yo kungurana ibitekerezo kuri ibi biganiro, Guverinoma yagaragaje ko hafashwe imyanzuro ikurikira:

    UBUKUNGU:

    Kwihutisha ingamba zo kongera umusaruro w'ubuhinzi no kwihaza mu biribwa harimo:

    ” Kongera ingano y'ubutaka buhingwa, ubutabyazwa umusaruro bugahingwa;

    ” Kongera ibishanga bitunganyijwe hibandwa ku bice bitandukanyeb y'Igihugu;

    ” Kongera ingano y'ubuso bwuhirwa;

    ” Kunoza ibikorwa byo guhunika umusaruro.

    2. Gukomeza kwihutisha gahunda yo kubaka udukiriro mu Gihugu hose, cyane cyane aho tutaragera no kubyaza umusaruro utwamaze kubakwa.

    3. Gukomeza gukora imihanda y'imigenderano no gusana iyangiritse kugira yorohereze abahinzi n'aborozi kugeza umusaruro ku isoko.

    4. Gushyiraho ihuriro ry'Abanyarwanda baba hanze kugira ngo bashobore gushora imari mu Gihugu, kandi bagahabwa amakuru ku mahirwe y'akazi aboneka mu Gihugu.

    5. Gukomeza gukwirakwiza amazi mu bice by'icyaro no mu bindi bice Abaturarwanda bataragezwaho amazi meza.

    6. Kuvugurura gahunda ya BDF kugira ngo icyo Kigega kirusheho gufasha abafitei mishinga mito n'iciriritse kubona inguzanyo, hibandwa ku mishinga yerekeranye n'ubuhinzi n'ubworozi.

    IMIBEREHO MYIZA

    7. Gukomeza kunoza imikorere y'urwego rw'ubuvuzi, hongerwa umubare w'amavuriro aho bikenewe ndetse hongerwa umubare w'abakora muri urwo rwego ku ngeri zose, hanongerwa ibikorwaremezo n'ibikoresho by'ubuvuzi no gukemura imbogamizi izo ari zo zose zishobora kubuza ibigo by'ubuvuzi gutanga serivisi nziza.

    8. Gukomeza guteza imbere uburezi bw'imyuga hongerwa umubare w'amashuri yigisha imyuga no kuyashakira ibikoresho bigezweho kandi bikwiye.

    9. Gukomeza guteza imbere no gufasha urubyiruko rw'Abanyarwanda biga ubumenyi bw'imbonekarimwe (rare skills) no kubashishikariza gutaha mu gihe barangije amasomo kugira ngo bagire uruhare mu iterambere ry'Igihugu.

    10. Guteza imbere Urwego rwa siporo hibandwa ku: Gushyiraho uburyo bunoze bwo kuzamura impano z'urubyiruko rw'Abanyarwanda mu mikino itandukanye.

    IMIYOBORERE

    11. Gukomeza gushishikariza Abanyarwanda by'umwihariko urubyiruko kwimika umuco w'ubumwe n'ubudaheranwa, kubigisha amategeko yerekeye kurwanya ihakana n'ipfobya bya jenoside, guhangana n'uwo ariwe wese washaka guhembera ingengabitekerezo ya Jenoside, no gushyikiriza Ubutabera abagize uruhare muri Jenoside yakorewe Abatutsi mu mwaka wa 1994. 

    12. Kwihutisha kongera umubare wa serivisi zitangwa hakoreshejwe ikoranabuhanga ry’irembo.

    13. Kurushaho kwerekera no gufasha urubyiruko uburyo bwo kwiteza imbere, harimo:

    Kurumenyesha amahirwe yo kwihangira imirimo ari mu nzego zitandukanye no gukomeza kurwongerera ubumenyi;

    ” Guteza imbere ubuhanzi buteza imbere ababukora kandi bwubaka umuryango nyarwanda;

    ” Gushyiraho ibigo by'amahugurwa y'urubyiruko aho bikenewe. 

    Perezida Kagame yayoboye Inama y’igihugu y’Umushyikirano tariki 23-24 Mutarama 2024 muri Kigali Convention Center 


    Imyanzuro y’Inama y’igihugu y’Umushyikirano yasohotse kuri uyu wa Gatatu tariki 7 Gashyantare 2024

    Inama y’Igihugu y’Umushyikirano yafatiwemo imyanzuro irimo guteza imbere ubuhanzi na siporo

    Source : https://inyarwanda.com/inkuru/139443/guteza-imbere-ubuhanzi-na-siporo-imyanzuro-yinama-yigihugu-yumushyikirano-139443.html