Webrwanda Backend

Author: webrwanda

  • Amarangamutima ya Niyomugabo Claude nyuma yo kugirwa kapiteni wa APR FC #rwanda #RwOT

    Niyomugabo Claude avuga ko yishimiye cyane icyizere yagiriwe n’ubuyoozi bw’ikipe cyo kuba umuyobozi w’abakinnyi bagenzi be.

    Ni inshingano yahawe mu Kuboza 2023 mbere y’uko APR FC ihaguruka yerekeza muri Zanzibar gukina irushanwa rya Mapinduzi Cup.

    Hari nyuma y’uko Omborenga Fitina wari usanganywe izi nshingano azambuwe kubera ikibazo cy’imyitwarire, aho yatinze gutangira imyitozo yanasabwa ibisobanuro ntabitange, byamuviriyemo kutajyana n’abandi muri iri rushanwa aho yahanwe ndetse anamburwa izi nshingano.

    Niyomugabo Claude wagiye ari we kapiteni w’iyi kipe, yamenyeshejwe n’ubuyobozi ko azakomeza gukora izi nshingano.

    Mu kiganiro yahaye ikinyamakuru ISIMBI, mu magambo make Niyomugabo Claude yavuze ko yishimiye guhabwa izi nshingano zo kuba kapiteni wa APR FC.

    Ati 'narabyakiriye, narabyishimiye kuba abayobozi barangiriye icyizere, ni ibintu byo guha agaciro nanjye ubwanjye narabyishimiye.'

    Yakomeje avuga ko yakwishimira kwegukana ibikombe muri APR FC ku nshuro ye ya mbere ari kapiteni wa yo. Ati 'intego nk’umuryango wa APR FC ni ukwegukana ibikombe yaba shampiyona n’icy’Amahoro.'

    Niyomugabo Claude abaye kapiteni wa gatatu wa APR FC muri uyu mwaka w’imikino wa 2023-24. Shampiyona yatangiye Buregeya Prince ari we kapiteni aza gutanga iki gitambaro agiha Omborenga Fitina na we wasimbuwe na Niyomugabo Claude.

    Niyomugabo Claude yishimiye kugirwa kapiteni wa APR FC

    Source : http://isimbi.rw/siporo/article/amarangamutima-ya-niyomugabo-claude-nyuma-yo-kugirwa-kapiteni-wa-apr-fc

  • Beyonce, Rihanna na Lady Gaga bakorewe ibibum… – #rwanda #RwOT

    Inzu ndangamurage yitwa Madame Tussauds imenyereweho gukora ibibumbano by'abantu bafite izina rikomeye mu myidagaduro no muri politiki, niyo yakoze ikibumbano cy'umuhanzikazi w'icyamamare Beyonce. 

    Iyi nzu yashinzwe n'umunyabugeni kabuhariwe Madame Marie Tossauds ukomoka mu Bufaransa, ayishinga mu 1835, kuri ubu imaze gufungura amashami 24 mu mijyi itandukanye.

    Kuri ubu iyi nzu ndangamurage ishami riri mu mujyi wa Orlando muri leta ya Florida ho muri Leta Zunze Ubumwe z’Amerika, yamuritse kumugaragaro ibibumbano 3 bya Beyonce, Rihanna hamwe na Lady Gaga mu rwego rwo kubaha icyubahiro.

    Benshi banenze ikibumbano cya Beyonce ngo ntaho gihuriye n’uyu muhanzikazi

    Ikibumbano cyakorewe Beyonce ntabwo cyavuzweho rumwe na benshi dore ko bavuga ko kidasa n’uyu muhanzikazi, mu gihe icyakorewe Rihanna basa neza ndetse bacyambitse imyambaro itukura imeze nkiyo yari yambaye mu gitaramo cya ‘Super Bowl Half Time Show’ yakoze muri Gashyantare ya 2022.

    Ikibumbano cyakorewe Lady Gaga nacyo cyakiriwe neza n’aabakoresha imbuga nkoranyambaga bavuze ko iki kibumbano gisa neza na Gaga gusa basaba ko icyakorewe Beyonce cyakosorwa. Si inshuro ya mbere aba bahanzikazi bakorewe ibi bibumbano dore ko Beyonce na Rihanna bamaze gukorerwa ibi bibumbano inshuro eshatu. 

    Mu mafoto reba ibibumbano byakorewe Beyonce, Rihanna na Lady Gaga:

    Ikibumbano cyakorewe umuhanzikazi Rihanna

    Utitegereje neza ushobora kwibeshyako ari Rihanna wa nyawe

    Ikibumbano cya Beyonce kitavuzweho rumwe

    Ubwo basigaga ibirungo by’ubwiza ikibumbano cya Beyonce

    Ikibumbano cyakorewe umuhanzikazi Lady Gaga

    Iki kibumbano cya Lady Gaga nacyo kirasa neza nkawe

    Source : https://inyarwanda.com/inkuru/139510/beyonce-rihanna-na-lady-gaga-bakorewe-ibibumbano-byashyizwe-nzu-ndangamurage-amafoto-139510.html

  • Ibitaravuzwe ku itandukana rya Mr Kagame na H… – #rwanda #RwOT

    Mu 2020 nibwo umuhanzi Mabano Eric uzwi nka Mr Kagame n'ikipe ye bashinze Sosiyete ifasha abahanzi ikanareberera inyungu zabo ya Hi5 Mzee, izina uyu musore yari akunze kuvuga mu ndirimbo ze kuva 2016.

    Usibye Mr Kagame, nta wundi muntu wagaragaye ngo avuge ko ariwe nyiri iyi kompanyi ndetse amakuru akavuga ko ari iy'uyu muhanzi ariko akaba ayifatanyije n'abandi bantu bamushoyemo imari.

    Binyuze muri iyi sosiyete, bashinze studio itunganya imiziki bayita Hi5 studio. Iyi studio yatangiye ikoreramo Santana Sauce na X on the Beat.

    Mr Kagame yahakoreye indirimbo zitandukanye zakunze zirimo 'Amadeni, Sembela, Mpa Power' n'izindi zakunzwe.

    Gusa nyuma y'imyaka itatu hatangiye kuvugwa amakuru ko Mr Kagame yaba yavuye muri Hi5 Mzee byavugwaga ko ari muri ba nyirayo.

    Uyu muhanzi yamaze igihe kinini ntaho ahurira n'itangazamakuru ngo abe yabibazwaho ndetse akajya acishamo agakorera indirimbo zimwe na zimwe ariko yarasezeye.

    Kuri ubu Umunyamakuru wa InyaRwanda yafashe urugendo agera ku biro na studio bya Hi5 Muzee kugirango amenye byimbitse ibya Mr Kagame wavuye muri lebal yashinze.

    Ubwo umunyamakuru wa InyaRwanda yageragayo, yahasanze umugabo witwa Leo, umuyobozi  wa Hi5 Mzee. Uyu mugabo yavuze ko atari umushoramari ahubwo ari umuyobozi w'ibikorwa bya Hi5 Mzee.

    Leo abajijwe ku byavuzwe ko Mr Kagame yaba yaratandukanye na Hi5 kandi ari mu binkingi byayishinze, yavuze ko uyu muhanzi yari yarasinye imikoranire nabo ariko amasezerano yarangiye bagatandukana.

    Yagize ati ' Nawe yari umuhanzi wasinye muri label nk'uko abanda bahanzi basinya amasezerano yabo yarangira bakagenda, nawe twaratandukanye. Ubu ngubu dufite abandi bahanzi bashya twasinyishize, murabamenya vuba aha'.

    Leo abajijwe ku kuba izina Hi5 Mzee ryarakoreshwaga na Mr Kagame bityo ko hari icyo baba bamugomba mu buryo bwa gihanzi, yavuze ko iri riza ryamaze kwandikwa mu kigo cy'Igihugu cy'iterambere RDB ariko bagiranye ubumvikane.

    Yagize ati 'Mu gushingwa kwayo nawe yabigizemo uruhare, niwe muhanzi twari dufite kandi umuhanzi aba akeneye ahantu yisanzura akorera ibikorwa bye, rero mu kwita izina studio, nawe abigiramo uruhare tuyita Hi5. Ni uko byarangiye'.

    Umunyamakuru wacu yahise abaza ikibazo cyibaza niba iyi sosiyete yanditswe kuri Mr Kagame ku buryo yaba yarishyuwe akayigurisha cyangwa se niba baratoraguye ingoma mu giteme ku buryo baba barasanze iryo zina ritabarujwe.

    Leo yagize ati 'Habayeho kumvikana, iyo kompanyi ibayeho, irandikishwa muri RDB, rero yaduhaye ubwo burenganzira [Twarabyumvikanye]. Urumva nawe hari ibikorwa bye byakorewemo hano kandi n'ubu Mr Kagame iyo ashatse gukora indirimbo hano, araza rwose!'.

    Uyu mugabo yakomoje ku mushinga wo gusimbuza Mr Kagame bageze kure cyane ko bari hafi gutangaza abahanzi bashya baherutse gusinyisha.

    Ubwo umunyamakuru wa InyaRwanda yandikaga iyi nukuri, yahamagaye Mr Kagame ubugira kabiri ku murongo wa telefone ariko ntiyabasha kwitaba. Icyakora uyu musore yahise aboneka [ahamagaye].

    Uyu musore yumvikanaga nk'uri muri studio ku buryo kumvikana byamusabye gusohoka hanze gato.

    Abajijwe ku byo gutandukana na label ye, yavuze ko byaba byiza abivizeho mu minsi iri imbere kuko atavuga nta bikorwa afite.

    Yagize ati 'Ibyo bintu ndumva nabivugaho mu minsi iri imbere kuko nibwo nzaba nanashyize hanze imishinga maze iminsi nkoraho. Ntekereza ko aribyo byaba byiza'.


    Leo, umuyobozi wa Hi5 yahozemo Mr Kagame


    Leo avuga ko Mr Kagame yari yarasinye nk'abandi bahanzi basinya muri label, amasezerano yabo yarangira bakagenda

    Muri Hi5 hakoreramo producer X on Beat


    Mr Kagame yirinze kuvuga cyane ku itandukana rye na Hi5 icyakora aracyakoresha iri zina ku mbuga nkoranyambaga ze


    Mr Kagame aherutse gushyira hanze indirimbo yise “Sinzagaruka”

    Reba ikiganiro InyaRwanda yagiranye n’umuyobozi wa Hi5

    “> 

    Source : https://inyarwanda.com/inkuru/139499/ibitaravuzwe-ku-itandukana-rya-mr-kagame-na-hi5-video-139499.html

  • Zeo Trap yifatiye ku gahanga Coach Gael udako… – #rwanda #RwOT

    Ubusanzwe amazina ye ni Byiringiro Francois ariko amaze kwamamara mu njya ya HipHop yo mu bwoko bwa Trap nka Zeo Trap. Ni umwe mu batanga icyizere mu muziki Nyarwanda kuva yatangira urugendo rwa muzika wenyine atandukanye na Byina Trap, itsinda yamenyekaniyemo.

    Muri 2021 nibwo itsinda Byina Trap yabarizwagamo ryatandukanye nyuma yo gukora indirimbo zitandukanye zakunzwe zirimo 'Amazi y'Abasoda, Byina Dril ' n'izindi.

    Nyuma yaho Zeo Trap yafashe umwanzuro wo gutangira urugendo rwa wenyine, akora indirimbo zirimo 'Akaradiyo [Dior freestyle], Si sawa ndetse na Elee' yamubereye ikiraro akamenyekana ndetse kuri ubu akaba ari umwe mu baraperi bahagaze neza muri muzika nyarwanda.

    Uyu musore aherutse kugaragaza ko atemeranya n'umunyemari Gael Karomba uvuga ko abaraperi bagira imyitwarire itari myiza rwose ku buryo yakorana nabo.

    Zeo Trap ati 'Nabonye Coach Gael avuga ko atakorana n'umuhanzi, abantu bamubajije kiriya kibazo nibo bakoze amakosa. Umuntu nk'uriya {Uri smart} ntumubaza iby'abaraperi kuko ntabyo aba azi rwose!'.

    Zeo Trap yavuze ko kuba umujyanama w'umuhanzi bisaba kuba ubifiteho ubumenyi bitandukanye no kuba ufite amafaranga gusa.

    Ati ' Mu Rwanda noneho ikibazo cyaho, umuntu ufite amafaranga ahita aba ntakorwaho kandi ntago aba abifiteho ubumenyi. Byonyine kuba uri umujyanama w'abahanzi, ukwiriye kuba wumva buri muziki wose. Ariko we yavuze ko atajya awumva'.

    Zeo Trap yavuze ko uko yari yiteze Coach Gael atariko yamubonye bitewe n'ibyo yavuze ndetse avuga ko nta gishya Coach Gael yavuze kuko n'ubundi iyo myumvire ariyo isanzwe mu Banyarwanda.

    Zeo Trap avuga ko Coach Gael atari akwiriye kuvuga kuriya kuko yaciye intege abantu benshi basanzwe bafasha abaraperi  kuko bitewe n'amafaranga afite bituma abantu benshi bamufatiraho urugero.

    Uyu muraperi avuga ko n'abaririmbyi bagira imyitwarire mibi ariko bahishirwa ariko umuraperi wakoze ikosa agasamirwa hejuru.

    Coach Gael yavuze ko atakorana n’abaraperi ubwo yari abajijwe impamvu 1:55 am itabarizwamo umuraperi n’umwe. 

    Coach avuga ko bitashoboka kubera imyitwarire itari myiza yabo, ibintu byarakaje Zeo Trap.


    Zeo Trap avuga ko Coach Gael nta makuru afite ku njyana ya HipHop bityo adakwiriye kuvuga ko Abaraperi badashobotse

    Coach Gael aherutse kuvuga ko atabasha gukorana n’abaraperi kubera imyitwarire yabo idahwitse bagira

    Reba ikiganiro yagiranye na Inyarwanda

    “>

    Source : https://inyarwanda.com/inkuru/139493/zeo-trap-yifatiye-ku-gahanga-coach-gael-udakozwa-abaraperi-video-139493.html

  • Kamonyi: Moto zahawe ba Gitifu b'Utugari aho kuba igisubizo zabereye benshi umuzigo w'ibibazo #rwanda #RwOT

    Abanyamabanga Nshingwabikorwa b'Utugari tugize Akarere ka Kamonyi hashize igihe bahawe Moto zo kubafasha mu koroshya urugendo igihe bari mu kazi. Ntabwo baziherewe ubuntu kuko hariho amafaranga(Nkunganire) Leta ibishyurira n'ayo ubwabo biyishyurira. Guhabwa izi Moto nta ruhushya rwo gutwara bagira, byabereye benshi umuzigo, zishyira ubuzima bwa bamwe mu kaga, bake bahitamo kuzibika mu nzu, abandi bazitwara bwiyahuzi.

    Bamwe muri aba Banyamabanga Nshingwabikorwa(Gitifu) b'Utugari baganiriye na intyoza.com bavuga ko bishimiye guhabwa izi Moto ariko ubu abatari bake bakaba bafite umutwaro kuri zo kuko ntacyo zibamariye uretse kubashyira mu bibazo.

    Kimwe mu byo bahurizaho, bavuga ko ku batagira uruhushya rwo kuzitwara ndetse bakaba baraziparitse bahomba kabiri kuko bagira kwishyura ayo bazisabwaho(Credit) bakabaye bakenuza ibibazo bafite, bakongeraho no gukomeza kwishyura ay'ingendo( Transport) bakora kandi byitwa ko bahawe Moto zibafasha mu ngendo z'akazi.

    Bamwe ntabwo batinya no kugaragaza ko izi Moto zibagejeje habi mu bukene ndetse zikaba zikururira bamwe mu kurya ruswa kuko ayo bahembwa ashirira mu ngendo bishyura batakangombye, akanashirira kandi mu kwishyura uruhare rwabo kuri izi Moto zicaye, batanashobora gushora mu muhanda ngo zibinjirize.

    Bamwe muri aba ba Bagitifu baganiriye na intyoza.com ariko bakaba batifuje ko imyirondoro yabo ijya hanze, basaba Ubuyobozi ko bwabemerera mu gihe batarabona impushya, bagashaka aba Motari bazitwara zikaziba icyuho barimo guhura nacyo ariko kandi bakaba banabakoresha mu kubatwara igihe bari mu ngendo z'akazi.

    Intyoza.com ifite ingero zitari nke za bamwe muri aba ba Bagitifu bazi gutwara Moto ariko batarabibonera urushushya, bamwe bazitwara nta ruhushya ndetse hari abagiye bafatwa na Polisi inshuro zitari nke. Bemera ko ibyo bakora bazi neza ko ari amakosa, ariko ko nta mahitamo yandi kuko kwishyura ingendo bari mu kazi basize Moto mu nzu banishyura uruhare rwabo kuri zo(Credit) batabibasha n'umushahara wabo bita muto.

    Dr Nahayo Sylvere, Umuyobozi w'Akarere ka Kamonyi avuga kuri iki kibazo gikomereye ba Gitifu b'Utugari, yabwiye intyoza.com ko abazihawe aribo kibazo ku kuba batabona uruhushya rwo kuzitwara kuko nk'Akarere ngo kabasabye ko bakora uruhare rwabo rwo kuziga hanyuma kagakorana n'inzego bireba bagahabwa ibizamini.

    Ati' Harimo abazitwara badafite Perimi, twarabasabye tuti mwebwe ni mwige muzimenye, ni mu mara kuzimenya twebwe turakorana n'inzego zibishinzwe babashakire uburyo mushobora gukora ibizamini. Abo nibo dutegereje ahubwo!'. Akomeza avuga ko batasabira abantu 2 cyangwa 3 ikizamini, ko bategereje umubare ufatika bakabona kubasabira gukoreshwa ibizamini, ko rero aribo bikerereza ndetse bakanakerereza bamwe muri bagenzi babo bashyize umuhate mu kuziga.

    Meya Dr Nahayo Sylvere avuga ko izi Moto ku bazihawe atari izo gukoresha Bizinesi( Business) zabo bwite, ko baziherewe kubafasha mu kazi ari nayo mpamvu Leta ibunganira mu kuzishyura.

    Ati' Ntabwo byemewe ko umuntu afata Moto yahawe muri buriya buryo ngo abe yajya kuyikoresha muri Bizinesi ye. Impamvu yayihawe ni ukugira ngo imufashe mu kazi abashe kuzuza inshingano ze! Icyo rero iyo kidahari, icyo yayiherewe ntabwo aba aricyo iri mu gukoreshwa'.

    Imibare intyoza.com ifite kugeza ubu, igaragaza ko mu Banyamabanga Nshingwabikorwa (Gitifu) b'Utugari 59 tugize Akarere ka Kamonyi, abafite Kategori 'A' yo gutwara Moto ni 3 gusa. Abafite izindi Kategori ni 6, Abafite impushya z'agateganyo( Provisoire) ni 11, abandi bose nta nakimwe.

    intyoza

    Source : https://www.intyoza.com/2024/02/09/kamonyi-moto-zahawe-ba-gitifu-butugari-aho-kuba-igisubizo-zabereye-benshi-umuzigo-wibibazo/

  • Myugariro Bindjeme wakiniraga Apr Fc yasize atanze umucyo avuga umuntu wigize virus muri Apr fc ndetse ko ari nawe watumaga yicazwa – YEGOB #rwanda #RwOT

    Myugariro Bindjeme wakiniraga Apr Fc yasize atanze umucyo avuga umuntu wigize virus muri Apr fc ndetse ko ari nawe watumaga yicazwa

    Ku munsi wejo hashize nibwo myugariro mpuzamahanga Salomon Bindjeme wakiniraga ikipe ya Apr Fc yasezewe ku mugaragaro n'umuryango wa Apr fc ndetse n'abafana ,kuko  yamaze kubona indi kipe muri Iraq .

    Uyu mukinnyi ubwo yasezeraga ,yatangaje ko impamvu itumye agenda ari uko yabuze umwanya wo gukina muri Apr fc kandi mu byukuri ari umukinnyi mpuzamahanga kandi w'umuhanga .

    Bindjeme yatangaje ko ikibazo cyo kudakina kwe kitatewe n'umutoza mukuru Thierry Froger ahubwo ko cyatewe n'umutoza wungirije Khouda Karim , ngo kuko niwe watumaga adakina.

    Bindjeme yakomeje avuga ko uyu mutoza atari umuntu mwiza mu ikipe ngo kuko ntiyumvikana n'abakinnyi benshi , ndetse ngo ntazi icyo yamuzizaga kandi akanya gato ko gukina yabonaga yarigaragazaga.

    Ibi si Bindjeme gusa ubibona ko atakoranaga neza n'umutoza wungirije ,ahubwo byamaze kugaragarira buri umwe , bitewe nuko igihe abandi basuhuzaga  Bindjeme bamusezera  , Khouda Karim we yatinye kumusuhuza kubera isoni zibyo yamukoreye.

    Source : https://yegob.rw/myugariro-bindjeme-wakiniraga-apr-fc-yasize-atanze-umucyo-avuga-umuntu-wigize-virus-muri-apr-fc-ndetse-ko-ari-nawe-watumaga-yicazwa/

  • Abizigamira bakoresheje SPENN bashyiriweho in… – #rwanda #RwOT

    Ikigo cya SPENN kigiye kumara imyaka itandatu kigeza ku banyarwanda serivisi z'imari bakoresheje ikoranabuhanga, nko kohererezanya amafaranga bifashishije telefone za 'smart phone', gusaba inguzanyo, kohereza amafaranga kuri konti za banki, kwishyura amazi n'umuriro, kwishyura ibicuruzwa, kwizigamira, kwishyurira icyarimwe abakozi ukoresha (umushahara) n'ibindi.

    Mu rwego rwo kurushaho kwimakaza umuco wo kwizigamira mu banyarwanda, iki kigo cyahaye abakiriya bacyo bazajya bizigamira hanyuma bakongererwaho 12% y'inyungu binyuze mu bukangurambaga batangije bwiswe 'SuperSaver Campaign.'

    Aya mahirwe yatangiye gutangwa kuva mu ntangiriro z'umwaka wa 2024 tariki 24 Mutarama, bikaba biteganijwe ko azashyirwaho akadomo mu cyumweru gitaha tariki 14 Gashyantare 2024.

    Iyi gahunda, igamije kuzamurira ubushobozi abizigamira bakoresheje SPENN, aho bazajya bahabwa inyungu ya 12% akajya kuri konti zabo z'ubucuruzi bageneye ubwizigamire buri mwaka.

    Hejuru yo kubitsa amafaranga kuri konti yawe ya SuperSaver no kuyifunga amezi 12, uyikoresha asabwa  kuyikoresha mu bikorwa bigera kuri 36 mu mezi 12 yikurikiranya, harimo kwishyura fagitire cyangwa kugura amayinite n'ibindi.

    Nyuma yayo mezi 12, uwubahirije ibisabwa azabona inyungu ya 12% kuri konte ye yiyongera ku mafaranga yizigamiye mu gihe cyari cyashyizweho cya poromosiyo.

    Umuyobozi ushinzwe iyamamazabikorwa muri SPENN mu Rwanda, Julius Karake ashimangira ko iyi ntambwe igamije kwigisha abanyarwanda akamaro ko kuzigama, kuzamura ubukungu bwabo, no kugera ku ntego zabo zijyanye no kwiteza imbere.

    Uyu munsi, abakiriya ba SPENN bashobora gukoresha konti zabo babitsa amafaranga banyuze muri porogaramu ya NOKANDA, ku ishami iryo ari ryo ryose rya I&M ribegereye, Banki, cyangwa babinyujije ku bakozi ba SPENN babegereye.

    Kuva mu mwaka wa 2018, Ikigo cy'imari giteye imbere cya SPENN cyatangiye gufatanya na I&M gufasha abanyarwarwanda mu bikorwa bigamije iterambere binyuze mu buryo bw'ikoranabuhanga bwa porogaramu igendanwa.

    Kugeza ubu, SPENN ifasha kubona konte zo kwizigamira ku buntu, inguzanyo yihuse y'iminsi 14, n'izindi serivisi zifasha abakiriya bayo kugira uruhare mu bikorwa bigezweho bigamije kuzamura ubukungu bwabo.

    SPENN ni kimwe mu bigo bikorera mu nyubako ya Norrsken iherereye mu Mujyi wa Kigali ikoreramo ibigo bya ba rwiyemezamirimo, n'abandi bafite imishinga y'ikoranabuhanga.


    SPENN igeze kure ubukangurambaga bugamije kuzamura umuco wo kwizigama mu banyarwanda


    Urizigamira mu gihe cy’iyi poromosiyo azahabwa inyungu ya 12%

    Serivisi za SPENN ni nziza kandi zirahendutse   

    Source : https://inyarwanda.com/inkuru/139498/abizigamira-bakoresheje-spenn-bashyiriweho-inyungu-ya-12-139498.html

  • Safi Madiba yakoreye muri Brazil indirimbo yo… – #rwanda #RwOT

    Ariko kuri uwo munsi wa Saint Valentin (Valentine's Day) hari ibintu byinshi bitandukanye bikunze kuvugwa, ariko si ko byose ari byo, kandi si na ko abantu bose babyumvikanaho.

    Kuri uwo munsi, abasore n'inkumi bakundana bahana impano zitandukanye ziganjemo impapuro zanditseho imitoma, n'indabo z'amaroza atukura ubusanzwe avuga urukundo rugurumana.

    Aha bivugwa ko buri mwaka, kuri Saint Valentin hoherezwa amakarita agera kuri miliyari imwe n'igice, muri yo 83.6% akaba atangwa n'abagore bayaha abo bakunda.

    Iyi ndirimbo ya Safi Madiba yasohotse kuri uyu wa Kane tariki 8 Gashyantare 2024, nyuma y’igihe cyari gishize ayiteguje abafana be n’abakunzi b’umuziki we.

    Safi ubarizwa muri Canada, yabwiye InyaRwanda, ko amaze umwaka n’igice akora kuri iyi ndirimbo, kandi ko amashusho yayo yayafatiye muri Brazil na Canada.

    Yavuze ko yaguye imbago z’umuziki ari nayo mpamvu iyi ndirimbo yayikoreye mu bihugu bibiri bituranye.

    Ati ‘Ni indirimbo nakoze nitondeye kuko ntureba neza urasanga maze umwaka n’igice ndi kuyikoraho. Rero kuyikora muri Brasil byari mu rwego rwo kwagura umuziki wanjye.”

    Safi Madiba avuga ko iyi ndirimbo yayikoze mu rwego rwo kwibutsa abantu gukundana urukundo rwa nyarwo, bikarenga ibyo benshi bapfa.

    Yavuze ko Isi iri mu bihe bitoroshye muri iki gihe by’intambara za hato na hato, ari nayo mpamvu asaba abantu kunga ubumwe.

    Ati “Abantu bunge ubumwe, bakundana urukundo rwa nyarwo, ndashaka ko abakundana cyane cyane abitegura kwizihiza Saint-Valentin kugaragarizanya urukundo muri iki gihe n’ikindi gihe.”

    Uwitirirwa St Valentin ni Valentin w’i Roma, bivugwa ko ku ngoma y’umwami w’abami Claude w’Umugome (Claude Le Cruel), Roma yari mu ntambara batakundaga, maze umwami Claude afata umwanzuro ko nta musirikare uzongera gushaka. Gusa Valentin yakomeje gusezeranya abakundanye rwihishwa harimo n’abasirikare.

    Byaje kumenyekana ibukuru ni uko Valentin arafungwa ndetse aza kunyongwa ku itariki 14/02. Uwo munsi yoherereje agapapuro k’urukundo umukobwa wari ufite Se wacungaga gereza yari afungiyemo kanditseho ngo “biturutse kuri Valentin wawe”. Bivugwa ko uwo mukobwa yakundanaga na Valentin.

    Kuva icyo gihe itariki 14/02 Valentin yapfiriyeho yahise igirwa umunsi w’abakundana. Uyu mugabo akaba afatwa nk’umurinzi w’abakundana (Le Patron des Amoureux).

    Iyi ndirimbo ayishyize hanze nyuma y'uko ku wa 30 Ukuboza 2023 yakoreye igitaramo gikomeye muri Canada cyabereye ahitwa Library Square mu Mujyi wa Vancouver BC yamurikiyemo Album ye ya mbere yise 'Back to Life'.

    Safi aherutse kubwira InyaRwanda ko nyuma y'iki gitaramo, ari gutegura uruhererekane rw'ibitaramo ashaka kuzakorera muri Leta Zunze Ubumwe za Amerika, Canada, i Burayi, mu Rwanda n'ahandi.

    Kuri we, asanga igihe kigeze kugira ngo amenyekanishe iyi album binyuze muri ibi bitaramo azakorera ahantu hatandukanye.

    Album ye yamuritse iriho indirimbo na “Got it” yakoranye na Meddy, ‘Kinwe kimwe’, ‘Good Morning’, ‘Nisamehe’ yakoranye na Riderman, ‘Sound’, ‘Remember me’, ‘I wont lie to you’, ‘I love you’, ‘Kontwari’, ‘Hold me’ na Niyo D, ‘Igifungo’, ‘In a Million’ na Harmonize, ‘My Hero’, ‘Original’, ‘Muhe’, ‘Fine’ na Rayvanny, ‘Ntimunywa’ na Dj Marnaud ndetse na ‘Vutu’ na Dj Miller.

    Asobanura iyi album nk'idasanzwe mu buzima bwe, kuko yayihaye umwanya kandi ikaba ari iya mbere iranga urugendo rwe rw'umuziki nk'umuhanzi wigenga.

    Safi anavuga ko muri ibi bitaramo atekereza kuzaha umwanya abahanzi bakizamuka mu rwego rwo kubatera ingabo mu bitugu.

    Ati 'Kugira ngo ngere hano hari abamfashije, rero guha umwanya abahanzi batanga icyizere ni byiza, ntekereza ko hari abo tuzakorana mu gihe kiri imbere.'   


    Safi Madiba yashyize ahagaragara amashusho y'indirimbo ye nshya yise 'Valentina'

    Safi yavuze ko yakoze iyi ndirimbo mu rwego rwo gukangurira abakundana gukundana urukundo ruhamye

    Safi yavuze ko muri uyu mwaka yihaye intego yo gushyira hanze zimwe mu ndirimbo amaze iminsi ari gukoraho

    KANDA HANO UREBE AMASHUSHO Y'INDIRIMBO 'VALENTINA' YA SAFI MADIBA

    “>

    Source : https://inyarwanda.com/inkuru/139491/safi-madiba-yakoreye-muri-brazil-indirimbo-yo-kwizihiza-saint-valentin-video-139491.html

  • Ni imfashanyigisho ku babyeyi! Ngarambe Fran… – #rwanda #RwOT

    Ni Album iriho indirimbo icumi yakoze kugira ngo abana b'Abanyarwanda bajye babona indirimbo z'abo ziri mu Kinyarwanda kandi zikoze mu buryo bushimisha amaso yabo.

    Mu ndirimbo ye ya mbere yise 'Ngukunda uko uri' yashyize hanze, agaragariza umwana urukundo ruzira ikiguzi. Ni ukuvuga urukundo rw´ubuntu, rudashingiye ku byo umwana afite, ashoboye, ku bitego yinjije, ku ntsinzi yagezeho.

    Mu kiganiro na InyaRwanda, Ngarambe agaruka kuri iyi ndirimbo yagize ati 'Hari igihe nshobora kuvuga nti “uriya mwana mukundira iki ngiki.” Icyo kintu se akibuze, namwanga? Yakigira atakigira, ni uwo gukundwa.'

    'Hari ababyeyi bazagarariza urukundo umwana wabo yabonye amanota meza, yagira amabi, ntagaragarizwe urukundo.' Kuri we avuga ko 'nta gihe, umwana atakagombye gukundwa no kubigaragarizwa.'

    Mutagatifu Don Bosco we yavugaga ko “Birahagije ko uba muto kugira ngo ngukunde.” Yaranavugaga ati “Ntibihagije gukunda umuto, ahubwo ni ngombwa ko yumva ko akunzwe.”

    Ngarambe akomeza ati 'Gukunda (umwana) ku buntu bizatuma yizera umurera, maze umurera nawe amufashe gukura, kwiyungura, gutera intambwe agana imbere. Bizatuma umwana na we yumva yifitemo icyizere, ko aho yaba ageze hose, uko yaba ameze kose, ashobora gukura, no gutera imbere.

    Muri rusange ubutumwa bukubiye muri iyi ndirimbo yasohoye bugenewe abita ku bana, baba ababyeyi, baba abarimu n´abandi barezi, kugira ngo bakunde umwana ku buntu, nta mibare.

    Ubutumwa bukubiye muri iyi ndirimbo, kandi, bugenewe umwana kugira ngo yumve ko ari uwo gukundwa, ko akunzwe. 

    Uyu muhanzi anavuga ko “Ngukunda uko uri” ikubiyemo amagambo aha umwana agaciro.  Umwana, n´ubundi ni imbuto y´urukundo, kandi urukundo ni rwo rwagakwiye kumurera, ni rwo yakagombye konka, ni rwo yakagombye kubona, kumva, yarakwiye koga mu nyanja y´urukundo. Kugira ngo na we azashobore gukunda. 

    Ati 'Ntawe utanga icyo adafite.  Utarakunzwe bimugora gukunda. Kandi urukundo ni rwo soko y´amahoro, y´ibyishimo, y´ubumwe.'

    Imvano ya Album yageneye abana:

    Imyaka 37 irashize ahimbye indirimbo 'Umwana ni umutware' yakiriwe neza kandi n'ubu iracyakirwa neza n´abantu bo mu bisekuru bitandukanye.

    Ngarambe avuga ko iyo asubije inyuma amaso asanga guhimba iriya ndirimbo atari impanuka, ahubwo yumvise ko ari umuhamagaro n'ubutumwa afite: Kubera ijwi abana.

    Nyuma y'iriya ndirimbo, hari izindi ndirimbo nyinshi yahimbye z'abana, zibavuganira cyangwa zibyinirira.

    Ibi byatumye atekereza gukora indirimbo z’abana gusa akazita 'Bana Dukine' nk´uko handikwa igitabo kivuga ku ngingo imwe.

    Atekereza ko iyi Album izifashishwa nk'imfanshanyigisho. Akomeza ati 'Natekereje ko ari ababyeyi, ari abarezi babone imfashanyigisho mu butumwa bwiza bafite, abana nabo bagaragarizwe ko bitaweho, bakunzwe. Natekereje ko kuzihuriza hamwe bizatuma ijwi ry´abana ryumvikana n´imbaraga.'

    Akomeza ati 'Ikindi nko mu tubyiniriro, biba byiza ushyize hamwe indirimbo yakira umwana uvutse, n´imuhoza n´imusinziriza n’imukangura.'

    'Umubyeyi aba aboneye icyarimwe igaburo rihagije aha umwana. Niba we adafite amagambo n’ijwi byo kuririmbira umwana ngo amuhoze cyangwa ngo amusinzirize, azifashisha indirimbo ziri kuri album. Ashobora no kwiga izo ndirimbo akazigira ize. N’izivuganira abana zizafasha kumenya no kwita ku byo akeneye, maze ntihagire icyo umwana abura mu byo akeneye.'

    Ngarambe avuga ko iyi Album ayitezeho umusanzu mu gushyigikira ubukangurambaga ku burenganzira bw'umwana.

    Kandi abashinzwe uburere n’uburezi by’abana bazibutswa inshingano zabo mu kurengera umwana. Ati 'Kuko kurengera umwana ni ukurengera ejo hazaza, ni ugutera mu mwana imbuto nziza, uzakomeza kuhirisha urukundo n’ineza.  Icyo wifuza ko cyazasarurwa ejo hazaza, gitere none. Uburenganzira b’umwana buhinduka inshingano ze.' Izi ndirimbo anazitezeho gufasha umwana gukura neza, yumva afite umutekano. 

    Ngarambe ati 'Hari igihe kubera kubura urukundo ni ibyo arya bitamunyura, mu ishuri ntakurikire neza, kuko agahinda kaba kamwuzuye, ukugwingira kukabaho mu turere tunyuranye tumugize. Nakundwa, akubahwa, akubahirizwa, byanze bikunze, azabaho yishimye, nawe abe isoko y´ibyishimo ku bandi.'

    Mu kiganiro na InyaRwanda, Kananura Didier, Umuyobozi Mukuru wa Kanan Connection 'Label' irebera inyungu za Ngarambe, yavuze ko iyi Album bayiteguye mu rwego rwo 'gukangurira ababyeyi uburenganzira bw'abana, gutsura umuco wo gukina ndetse n'ubusabane bwigisha hagati y'abana n'ababyeyi'. 

    Umuhanzi Ngarambe François-Xavier yatangaje ko agiye gushyira hanze indirimbo 10 zigize Album ye yise 'Bana Dukine' 

    Ngarambe yavuze ko imyaka 37 ishize ahimbye indirimbo 'Umwana ni umutware' ariyo yamuhaye imbaraga zo gukora Album yagenewe abana

    Ngarambe yavuze ko indirimbo zigize Album ye zizaba imfashanyigisho ku babyeyi, abarezi n'abandi bafite mu nshingano guteza imbere abana 

    KANDA HANO WUMVE INDIRIMBO 'NGUKUNDA UKO URI' YA NGARAMBE

    “>

    KANDA HANO WUMVE INDIRIMBO ‘UMWANA NI UMUTWARE’ YA NGARAMBE

    “>

    Source : https://inyarwanda.com/inkuru/139481/ni-imfashanyigisho-ku-babyeyi-ngarambe-francois-xavier-yavuye-imuzi-album-yindirimbo-zigen-139481.html

  • Mutesi Jolly arifuza kuzayobora ibirori bya G… – #rwanda #RwOT

    Miss Mutesi Jolly wabaye Nyampinga w'u Rwanda mu 2016, yatangaje ko yifuza kuyobora ibirori byo gutanga ibihembo bya Grammy Awards nibiramuka bitangiwe mu Rwanda umwaka utaha, aboneraho no kubaza ababitegura icyo bisaba kuba umuntu runaka yabiyobora.

    Mu butumwa yashyize ku rubuga rwa X [Twitter], Miss Jolly udakunze kugaragara mu birori by'imyidagaduro yagize ati: 'Ntabwo nsanzwe ndi umunyabirori cyane ariko numvise ko u Rwanda rufite amahirwe yo kwakira #Grammys 2025. Ntabwo nzi neza icyo bisaba ngo umuntu ayobore cyangwa afatanye n'undi kuyobora iki kirori ariko ndi mu myiteguro.'

    Yakomeje avuga ko naramuka ahawe aya mahirwe cyangwa akayabura azaba yiteguye kuko uko byagenda kose natayobora ibi birori ateganya ko azatambuka ku itapi itukura izaba yateganyijwe.

    Jolly kandi, yongeyeho ko yatangiye no gutekereza ku ikanzu azaserukana kuri uwo munsi nubwo mu by'ukuri ibiganiro ku mpande zose bitaremeza niba koko u Rwanda aricyo gihugu kizakira Grammy Awards mu 2025.

    Ati'Nindamuka ntatumiwe kandi, nzakomeza mbikire ikanzu yanjye ikindi kirori. Insh Allah.'

    Ubu butumwa bwe bwazamuye amarangamutima ya benshi bashyigikiye ko ibi bihembo byatangirwa mu Rwanda umwaka utaha, yabusoje avuga ko ubuzima bw'abakunzi b'imyambarire nawe arimo, ari uguhora bategura imyambaro yo kwambara mu birori biri imbere.

    Mutesi Jolly atangaje ibi, mu gihe umuyobozi Mukuru Wungirije w'Ikigo cy'Igihugu Gishinzwe Iterambere (RDB), Nelly Mukazayire yatangaje ko yagiranye ibiganiro byihariye na Perezida wa Recording Academy itegura Grammy Awards, Bwana Panos Panay bigamije gukomeza urugendo rwo guteza imbere impano z'abari mu Inganda Ngandamuco mu rwego rwo kurema akazi, hahangwa imirimo.

    Nelly Mukazayire ari mu bihumbi by'abantu bitabiriye itangwa ry'ibi bihembo mu muhango wabaye mu ijoro ryo ku Cyumweru tariki 4 Gashyantare 2024, mu Mujyi wa Los Angeles muri Leta Zunze Ubumwe za Amerika.

    Uyu mwaka, ibirori by’itangwa ry’ibihembo bya Grammy Awards 2024 byabereye muri sitade ya Crypto Arena mu mujyi wa Los Angeles biyobowe n’umunyarwenya Trevor Noah. Ibi bihembo byatangwaga ku nshuro ya 66, byatanzwe mu byiciro 94 byihariwe n'ab'igitsina-gore.

    Mu Ukwakira 2023, urubuga 'Africa Intelligence' rwasohoye inkuru ivuga ko umugabane wa Afurika ugiye kujya wakira ibirori bya Grammy Awards binyuze mu mushinga wa Recording Awards uzatangira hagati ya 2025 na 2026.


    Miss Mutesi Jolly yiteguye kuyobora Grammy Awards bivugwa ko ishobora kwakirwa n’u Rwanda mu 2025


    Yatangaje ko ari gutegura ikanzu azambara muri ibi birori

    Miss Jolly agaragaje icyifuzo cye nyuma y’uko hatangajwe ko ibiganiro birimbanije hagati ya RDB na Recording Academy itegura Grammy Awards

    Hari icyizere ko ibihembo bya Grammy Awards bishobora gutangirwa mu Rwanda ibiganiro nibiramuka bigenze neza

    Source : https://inyarwanda.com/inkuru/139472/mutesi-jolly-arifuza-kuzayobora-ibirori-bya-grammy-awards-bishobora-kubera-mu-rwanda-139472.html