Author: webrwanda

Umubyinnyi umaze kwandika izina mu Rwanda, General Benda yasanzwe n’ibyishimo ubwo umuhanzi Bruce Melodie yari amaze kumukurikira ‘follow’ kuri Instagram maze ariruka akuramo imyenda.

Ni mu mashusho yasangije abamukurikira ku mbuga nkoranyambaga ze, aho yagaragaje ibyishimo bidasanzwe.

Uyu mubyinnyi aba agira ati “yebaba data we, Bruce Melodie atangiye kunkurikiria (follow), sinabyizera.”

Yahise ajya mu muhanda yiruka agira ati “ndasaze we, ndasaze, sinabyizera Bruce Melodie yatangiye kunkurikira, Yesu we, Mana we ndasaze.”

Yageze ahantu arahagarara akuramo imyenda asigara yambaye akenda k’imbere maze agira ati “iyi myenda ninshaka nyijugunye.”

Amakuru akaba avuga ko uyu mubyinnyi, mu buzima busanzwe ari umufana ukomeye cyane w’umuhanzi Bruce Melodie.

Ibyishimo by’uko Bruce Melodie yamukurikiye

Yakuyemo imyenda asigarana uw’imbere gusa

General Benda yasazwe n’ibyishimo

Bruce Melodie yatumye General Benda akuramo imyenda

Moha Bader umugore wa Dr Adel Zrane watozaga APR FC uheruka witaba Imana, yavuze ko umugabo we yakundaga cyane u Rwanda ndetse bari bafite gahunda yo kuzahimukira bakaza kuhatura bakaba ari ho barera abana ba bo.

Uyu mutoza wari ushinzwe kongerera imbaraga abakinnyi b’Ikipe y’Ingabo z’Igihugu, yazize urupfu rutunguranye aho yitabye Imana ku wa Kabiri w’iki cyumweru tariki ya 2 Mata 2024, RIB yahise itangira iperereza ku cyamwishe.

Mu mugoroba wo kwizihiza ubuzima bwe wabaye kuri uyu wa Gatanu tariki ya
5 Mata 2024 mbere y’uko umubiri ujyanwa muri Tunisia gushyingurwayo kuko ari ho akomoka, umuyobozi wa APR FC, Col Richard Karasira agaruka ku cyamwishe yagize ati “yitabye Imana ku mpavu zitunguranye z’uburwayi, ari umusore agenda ariko umutima ugira utya urahagarara, ni ibyo kwakira twese, ni byo tubamo twese, ni ho tugana twese.”

Ni umuhango kandi witabiriwe n’abasiporutifu batandukanye nk’umutoza wa Mukura VS, Afahamia Lofti, Umuyobozi Nshingwabikorwa wa Mukura VS, Musoni Protais n’uwigeze kuba Chairman wa Police FC, Rtd ACP Rangira Bosco, umuyobozi wa League Hadji Mudaheranwa, Team Manager wa AS Kigali, Bayingana Innocent n’abandi.

Hari kandi na Niyonkuru Zephanie, umunyamabanga uhoraho muri Minisiteri ya Siporo na we wari waje kwifatanya na APR FC.

Murumuna wa Dr Adel Zrane, Amini Zrane yavuze ko bigoye kubyakira ariko na none ari ukwihangana, yavuze ko yakundaga u Rwanda ndetse anashimira APR FC ibyo bakoreye umuvandimwe we.

Ati “Ndihanganisha abantu bose mpereye ku muryango wa Zrane, umuryango w’abanyarwanda, nyakubahwa muyobozi wa APR FC, ikipe yose, abatoza n’abafana ba APR FC, baturage b’u Rwanda, Perezida wa Repubulika y’u Rwanda, Adel yakundaga cyane igihugu cyanyu, yakundaga abaturage ndetse n’ikipe ye, nkanjye urimo kuvuga mu izana rye n’umuruango wa Zrane, turabashimira ibyo mwakoreye umuvandimwe wanjye ndetse natwe.”

Yakomeje kandi avuga ko ikintu kigaragaza cyane ko yakundaga u Rwanda ari uko yahisemo no gupfira mu Rwanda.

Moha Bader, umugore wa Dr Adel Zrane yavuze ko umugore we yakundaga cyane u Rwanda kugeza aho bari barahisemo no kuzahatura akaba ari ho barerera umwana wa bo w’umuhungu wujuje imyaka 2.

Ati “Adel yakundaga cyane u Rwanda, abaturage ba rwo hari harabaye nko mu rugo ha kabiri, aho twitegurira kuzaba mu minsi iri imbere, u Rwanda ni cyo gihugu twari twarahisemo gutuza tugaturamo tukarera umuhungu wacu wagize isabukuru y’imyaka ibiri uyu munsi.”

Yakomeje kandi avuga ko uyu mutoza yari afite intumbero n’imishinga myinshi kandi yagutse kuri APR FC.

Ati “Adel yari ifite intumbero ndende ku ikipe ya APR FC, atari ku ikipe nkuru gusa ahubwo n’amakipe y’abato. Nyuma ya Tanzania u Rwanda rwakoze ku mutima we.”

Yahaye umugabo we isezerano ko azishakamo imbaraga zose arere umwana wa bo ndetse n’undi atwite utaravuka, yizeye ko bazakura bazi uwo se yari we.

Ati “Nshuti yanjye Adel wari usobanuye byose kuri njye, wari umuntu mwiza nifuzaga mu buzima bwanjye, wari byose kuri njye. Urwibutso wansigiye ruzahorana nanjye kugeza mvuye kuri iyi si, nzashaka imbaraga ku bw’umuhungu wacu ndetse n’umwana wacu ugiye kuvuka, bazakura bazi se uwo yari we.”

Umuyobozi wa APR FC, Col Richard Karasira yavuze ko uyu mutoza yatumye APR FC imera neza ndetse bari bafitanye imishinga myinshi.

Ati “Twari dufitanye imishinga, umugore we ni ‘Senior therapist’ naho murumuna we ni muri urwo rwego. Hari ibyo twashakaga kuzakorana kuko ni ibintu ubona bitaba inaha.”

Yakomeje asaba uyu muryango ko nibabyemera iyo mishinga bazayikomeza bakayikorana.

Umunyamabanga uhoraho muri MINISPORTS, Niyonkuru Zephanie, yavuze ko cyari icyumweru kitoroshye kuri Siporo y’u Rwanda.

Ati “Iki cyabaye icyumweru kigoye mu mikino yacu. Ejo twapfushije undi mukinnyi [w’amagare]. Turabihanganisha mu izina rya Minisiteri [ya Siporo] na Leta y’u Rwanda. Kuri Chairman wa APR, twababwira ngo mwihangane, uburyo mwabyitwayemo ni bwo Bunyarwanda.”

Na we yasabye umugore wa Zrane ko imishinga yari afitanye na APR FC yayikomeza kuko ari kimwe mu bizamushimisha aho ari.

Nyuma yo kumusezeraho bwa nyuma mu Rwanda, umubiri we urahita ujyanwa muri Tunisia kugira ngo n’umuryango we umusezere ndetse anashyingurwe.

Umugore we yavuze ko bari bafite gahunda yo kwimukira mu Rwanda

Umuvandimwe wa Adel Zrane, Amini Zrane yavuze ko mukuru we yakundaga cyane u Rwanda

Abakinnyi ba APR FC bari bafite agahinda ku bwo kubura umutoza wa bo

Chariman wa APR FC yavuze ko bari bafitanye imishinga migari

Abatoza bakoranaga na Adel

Abakunzi ba APR FC bari baje kumusezeraho bwa nyuma

Dr Adel Zrane yasezeweho bwa nyuma

Kuri uyu wa Gatanu Tariki 05 Mata 2024 nibwo Mukangarambe Yunia, nyirakuru w’abahanzi The Ben na Green P yasezeweho n’umuryango we haba mu rugo ndetse no ku rusengero mbere y’uko ashyingurwa.

Ku munsi w’ejo tariki 04 Mata nibwo Mukangarambe Yunia, yibutswe ubuzima yabayemo mbere yo kwitaba Imana.

Ni umuhango wabereye i Remera ahabereye ikiriyo kuko uyu mubyeyi yari atuye mu Karere ka Kayonza mu Ntara y’Iburasirazuba. Ni umugoroba wa nyuma wo kumwibuka witabiriwe n’abarimo Tom Close, Alliah Cool n’izindi nshuti za The Ben.

Kuri uyu wa Gatanu nibwo uyu mubyeyi yasezeweho mu rusengero rwa Anglican Church Remera. Ni umuhango witabiriwe n’inshuti n’abandimwe.

Nyuma yo kuva ku rusengero, inshuti n’abavandimwe bahise berekeza i Rusororo aho uyu mubyeyi agiye gushyingurwa.

Mukangarambe Yunia yasezeweho mu rusengero 

Inshuti n’abavandimwe basezeyeho bwa nyuma kuri Mukangarambe Yunia 

The Ben n’umugore we Uwicyeza Pamella basezeye kuri nyirakuru 

Mama wa The Ben yasezeye ku mubyeyi we  

Mu gihe bigoye ko mu Rwanda wapfa kubona indirimbo abahanzikazi bahuriyemo, muri Afurika hari abagiye bahuza imbaraga bigatanga umusaruro ufatika.

Ibi bikaba byararushijeho gushimangira  ko hari icyo bashoboye mu ruhando mpuzamahanga,  tukaba twabegeranyirije zimwe murizo ziza imbere yaba izo muri ibi bihe n’izo mu myaka yatambutse ariko n'ubu uzumvise yumva zirimo akantu.

1.Adua (Remix)-Liya&Simi

Liya yiyambaje Simi bakorana indirimbo yo kuramya no guhimbaza Imana, ubuhanga n'amajwi yabo bombi yihariye bikaba byaratumye igihangano bahuriyemo kigira uburyohe bwo hejuru.

2.Shekere-Yemi Alade&Angelique Kidjo

Indirimbo yasohotse ku muzingo wa Yemi Alade yise 'Woman Of Steel' yo mu 2019, ikaba yaragaragaje ko ubuhanga buhuye n'uburambe bitanga umusaruro ukomeye bitewe n'uburyo Angelique Kidjo yatanze umusanzu ufatika ndetse ikaba yarakozwe ifatiwe kuri 'Wombo Lombo' y'uyu munyabigwi.

3.Tales By Moonlight-Tiwa Savage&Amaarae

Bwa mbere aba bahanzikazi bahuriye kuri imwe mu ndirimbo zigize EP ya Tiwa Savage aherutse gushyira hanze yise 'Water&Garri', kwihuza kwabo bikaba byaravuyemo indirimbo y'iminota 3.

4.Sad Girls Luv Money-Amaarae&Moliy

Iyi ndirimbo ikaba ikoze mu njyana ya Afropop, igaruka ku buryo amafaranga ari ikintu cy’ibanze mu buzima, igaruka kandi ku buryo nta kintu kiba gikwiye kwitambika umuntu ku ntego ye  kandi ko iyo ubyiyemeje ukabasha no kubigeraho bitanga umunezero.

5.Selense-Yemi Alade&Chidinna

Mu mwaka wa 2014 ni bwo Yemi Alade na Chidinna bahuje amaboko bakora igihangano gifutse kinabyinitse, ibintu byashimangiye imbaraga z'ubufatanye ndetse iyi ndirimbo iracyafite uburyohe kugeza n'ubu.

6.Girl Next Door-Tyla&Ayra Starr

Iyi  indirimbo ikoze mu buryo bukomatanije injyana ebyiri arizo Amapiano na Afrobeat, Tyla ukomeje kongera uduhigo ku tundi na Ayra Starr bagaragaje ko igisekuru gishya cy'umuziki wa Afurika gifite imbaraga zo hejuru dore ko bombi bagifite imyaka mike.

7.I Lay-Kaien&Xenia Mannaseh

Ku muzingo wa mbere, Kaien Cruz yifashishije Xenia Mannaseh mu ndirimbo 'I Lay' uburyo bahuje amajwi n'injyana iy'indirimbo ikozemo, byakuruye abakunzi b'umuziki n'abafana babo.

8.I Swear-Guchi&Yemi Alade

Mu 2022 ni bwo Guchi yitabaje Yemi Alade bakorana igihangano cy'amateka gishingiye ku nkuru y'urukundo rwa babiri, aba bombi nubwo batari mu bisekuru bimwe ariko ubufatanye bwabo bwakoze ku mitima ya benshi bakunda injyana zirimo imitoma zinavuga ku nkuru z'urukundo.

9.Disturbing U-Darkoo&Ayra Starr

Aba bahanzikazi bakoze indirimbo igaragaramo kwirekura ndetse kugeza n'ubu iracyafasha benshi uburyo kandi babashije guhuza mu buryo bwihuse nka Darkoo na Ayra Starr byarafashije.

10.Loyal-Simi&Fave

Aba bombi bakaba barahuriye mu ndirimbo yanditse neza kandi banakora iyo bwabaga mu buryo bwo kuyiririmba byose byayihaye igisobanuro cyakoze ku marangamutima ya benshi.

11.Seasons-Nana Fofie&Zuchu

Nana Fofie yitabaje Zuchu mu ndirimbo baririmbye mu ndimi zirimo Yoruba na Swahili, ubuhanga bombi bafite n'igikundiro bamaze kugwiza bikaba byarabashije gutuma igera kure.

12.Mind Game-Amakarh&Dunnie

Ifite inkuru yihariye igaruka ku mbaraga z'urukundo ikaba kandi yagaragaje ubushobozi budasanzwe, aba bahanzikazi bafite n'uburyo bahuza mu kubara ibiba mu rukundo.Xenia Manasseh amaze imyaka itari mike mu muziki akaba ari mu batanga icyizere mu muziki wa Afurika y’Iburasirazuba afite imyaka 22Ku myaka 29 Amaarae igera kuri 14 ayimaze atangiye umuziki by’umwuga Liya amaze imyaka igera kuri 4 yinjiye mu muziki ku myaka 25 akaba amaze kwerekana icyo ashoboye mu muzikiChidinma ku myaka 32 igera kuri 13 ayimaze akora umuziki by’umwuga Imyaka igera kuri 7 ayimaze mu muziki Darkoo ari mu bakobwa bari imbere muri rapKu myaka 21 igera kuri 7 ayimaze atangiye umuziki ndetse yamaze kugwiza ibigwi mu Isi yose y’umuzikiAgize 44 gusa aracyafite igikundiro cyo hejuru mu 28 agiye kumara atangiye gukora umuzikiAgiye kumara imyaka 18 muri 35 afite atangiye gukora umuziki by’umwuga Tyla ku myaka 22 igera kuri itandatu agiye kuyimara yinjiye mu muziki by’umwuga

KANDA HANO WUMVE I LAY YA KAIEN CRUZ NA XENIA MANNASEH

“>

KANDA HANO UREBE GIRL NEXT DOOR TYLA NA AYRA STARR

“>

KANDA HANO UREBE SAD GIRLS LUV MONEY AMAARAE NA MOLIY

“>

KANDA HANO UREBE SHEKERE YEMI ALADE NA ANGELIQUE KIDJO

“>

KANDA HANO UREBE ADUA SIMI NA LIYA

“>

Mu gihe u Rwanda n’inshuti z’u Rwanda zitegura kwinjira mu cyumweru cy’icyunamo n’iminsi 100 yo Kwibuka Jenoside yakorewe Abatutsi muri Mata 1994, umuhanzi Cyusa Ibrahim yasohoye indirimbo yo kwibuka.

Cyusa Ibrahim usanzwe uririmba mu Njyana Gakondo, yashyize hanze indirimbo yo Kwibuka yise ‘Amateka’, ni mu gihe ku Cyumweru tariki ya 7 Mata ari bwo hazatangira icyumweru cyo Kwibuka ku nshuro ya 30 Jenoside yakorewe Abatutsi.

Ni indirimbo yakoreye ku Rwibutso rwa Jenoside rwa Kamonyi akaba ari na ho na we yarokokeye.

Ni indirimbo yumvikanamo amateka y’ibyabaye mu rwego rwo gufasha n’abakiri bato kumenya amateka yo u Rwanda rwanyuzemo hato atazavaho yibagirana.

Muri iyi ndirimbo yagaragajemo uburyo u Rwanda rwiyubatse nyuma y’ibihe bikomeye rwanyuzemo, ubu umutekano akaba ari wose.

Yasabye kandi Abarokotse gukora cyane bakiteza imbere kuko ari bwo bazaba batsinze uwashakaga kubavutsa ubuzima bazira uko bavutse.

Yabwiye urubyiruko n’abanyarwanda bose muri rusange kwirinda Ingengabitekerezo ya Jenoside no kurwanya bivuye inyuma uwo ari we wese ushaka kuzana amacakubiri mu banyarwanda.

Jenoside yakorewe Abatutsi muri Mata 1994, yatwaye ubuzima bw’inzirakarengane zazize uko zavutse aho mu minsi 100 gusa abarenga miliyoni bari bamaze kwicwa.

Cyusa Ibrahim yasohoye indirimbo yo Kwibuka

Shakira Mebarak, umuhanzikazi akaba n'umwanditsi w'indirimbo ukomoka muri Colombia, ni umwe mu bagore bamaze igihe mu muziki ndetse byanahiriye dore ko kuva mu 1990 kugeza ubu Shakira agihagaze neza.

Asubiza amaso inyuma, Shakira yagarutse kuburyo kera yakoresheje uburanga bwe nk'intwaro yo kugera aho ashaka mu muziki. Ibi yabigarutseho mu kiganiro yagiranye n'ikinyamakuru cy'imideli Allure Magazine cyanashyize hanze amafoto ye mashya.

Yavuze ko akigirwa inama yo gukoresha ubwiza bwe atahise ayakira neza

Shakira yagize ati: 'Kera hari inama nagiriwe mbanza kuyifata nabi ariko nyuma nza gusanga ni nziza. Bambwiye ko ubwiza bwanjye bushobora kumfasha, gusa sinahise mbyumva neza. Maze kubona rero uburyo abantu bitaga ku miterere yanjye, nahise ntangira kubikoresha'.

Shakira yavuze ko yageze aho agatangira gukoresha ubwiza bwe nk'intwaro mu muziki

Yakomeje agira ati: 'Nabonye abantu bataritaga cyane ku mpano yanjye bakirebera ubwiza gusa. Kuva ubwo nakoraga amashusho y'indirimbo nambaye imyenda igaragaza imiterere yanjye nkanakunda kuririmba nitaka. Abantu barabikunze'.

Shaki yavuze ko kugaragaza cyane imiterere ye abantu babimukundiye

Uyu muhanzikazi w'imyaka 47, akaba n'umubyeyi w'abana babiri yasoje avuga ati: 'Ntabwo nicuza ko nakoresheje ubwiza bwanjye kugira ngo mbashe kugera kure mu muziki. Ese iyo ntabikoresha mwari kuba mwaramenye? Hari abahanzikazi bafite impano batamenyekana kuko ariyo gusa bakoresha kandi batazi ko ubwiza bwabo bwabageza kure'.

Shakira umaze imyaka irenga 30 mu muziki yavuze ko iyo adakoresha uburanga bwe atazi ko yari kugera aho ageze ubu

Imbere y'abayobozi batandukanye bo mu nzego za Leta bayobowe na Minisitiri w'Urubyiruko n'Iterambere ry'Ubuhanzi, Dr Utumatwishima Abdallah, abikorera, abayobozi ba za kaminuza zo mu Rwanda, abarimu ndetse n'abandi banditsi, abanyeshuri 11 barangajwe imbere na Mutoni Clairia wiga muri kaminuza ya ULK-Kigali wegukanye igihembo gikuru kingana n'amafaranga Miliyoni 1Frw ku manota ye 84.2%, bahatambukanye umucyo.

Uwabaye uwa kabiri, ni Cyiza Joseph wa UNILAK wahembwe mudasobwa watsinze ku kigero cya 83%. Mu bandi babashije kuza muri 11 ba mbere bahembwe ku rwego rw'igihugu, harimo uwitwa Ihirwe Metode Emmanuel wa INES-Ruhengeri, Niyoyita Georgette wa ULK-Gisenyi, Nshuti Esther nawe wa ULK-Gisenyi; 

Iradukunda Jean Pierre wa ULK- Kigali, Bintunimana Reverien wa EAUR-Nyagatare, Kayiranga Mbonigaba Elie wa ULK-Kigali, Uwineza Joyeuse wa ULK-Kigali, Habarurema Philibert wa Ines-Ruhengeri, hamwe na Mushimiyimana Bishobokaninkindi Jeannette wa ULK-Kigali.

Nyuma y'uko aba bose bashyikirijwe ibihembo byabo, Minisitiri Utumatwishima yabahaye ubutumwa bukomeye anabemerera kuzabakira kuri Minisiteri y'Urubyiruko n'Iterambere ry'Ubuhanzi, bakagirana ibiganiro byihariye mu kwezi gutaha kwa Gicurasi.

Minisitiri yagize ati: 'Ntabwo icya ngombwa ari amafaranga bahembye. Ndetse kugira ngo tuzabiganire neza, nagira ngo nsabe abo tui kumwe muri Minisiteri bashinzwe ubuhanzi, mbabwire ngo tuzashake umwanya mu kwezi kwa 5 twakire bariya bana batsinze. 

Ntabwo tuzabongerera amafaranga icyo cyo kibe kivuyemo ariko tuzabakira, dusangire, tuganire, kubera ko buriya icyo watsinda cyose, aho watsinda hose n'aho watsindira hose uba watsinze. 

Hanyuma kubera ko bifite aho bihuriye n'ubwenge no gusoma ibitabo n'ibijyanye no gushaka ubumenyi, ni intambwe idasanzwe mwateye kandi muri abantu bo muri kaminuza. Numva icyo mwakabaye mwari mugamije, atari amafaranga menshi, ahubwo ari ukugira umugisha wo kuza nk'aha ngaha ugatsinda muri benshi.

Hanyuma, wenda ku wo bahaye miliyoni we agomba no gutekereza umushinga akayibyaza umusaruro, ariko abandi bo wenda ariya mwahawe muyanywemo akantu. 

Ariko nagira ngo rwose mbabwire ko twe icyo twakora nka Minisiteri, tuzabakira kuri Minisiteri tumenyane, tuganire, tubereke andi mahirwe ari muri Minisiteri y'Urubyiruko n'Iterambere ry'Abahanzi, ndetse tube twanafatanya kubaka niba mushaka kuba abanditsi, uru rugaga rurimo n'amaraso y'abatoya.'

Minisitiri Utumatwishima kandi, yashimangiye ko Minisiteri ifunguye kugira ngo yakire buri wese ushobora kubaha uburyo bwo gufasha iterambere ry'abanditsi ndetse n'iterambere ry'abahanzi muri rusange, ariko hibandwa cyane ku cyateza urubyiruko imbere. 

Uyu muyobozi, yanakomoje ku rubyiruko rusigaye rutekerwa imitwe n'abatubuzi, abasaba kujya babanza gushishoza mbere yo kugira icyo bakora, avuga ko nka Minisiteri bakomeje gushaka ikintu icyo aricyo cyose cyafasha urubyiruko rw'u Rwanda kubona umurimo aho bishoboka.

Yanasabye za kaminuza kongera ubumenyi baha urubyiruko bigisha kugira ngo nibagera ku isoko biborohere gutsinda no kubona akazi.

Hategekimana Richard uyobora Urugaga rw'Abanditsi mu Rwanda, yafashe umwanya asaba inzego za Leta zari zitabiriye iki gikorwa kukigiramo ubufatanye bwisumbuye, avuga ko bibaye byiza cyaba icya Minisiteri haba iy'Urubyiruko n'Iterambere ry'Ubuhanzi, iy'Uburezi, ndetse n'izindi bifite aho bihuriye, ku buryo bajya bagishyigikira mu buryo bukomeye cyane cyane mu bijyanye no guhemba abana.

Umuyobozi Mukuru w'Inama Nkuru y'Amashuri Makuru na Kaminuza, Dr Rose Mukankomeje, yasabye kaminuza zo mu Rwanda zitaritabira aya marushanwa guhaguruka zigatangira kwitabira, asaba n'abanyeshuri gutangira kwandika ibitabo byanditswe mu rurimi rw'Ikinyarwanda kandi bakamenya no kubifata neza.

Mutoni Clairia wahawe miliyoni, yashimiye Urugaga rw'Abanditsi rwateguye iki gikorwa, avuga ko amafaranga yabonye agiye kumufasha gukomereza aho yari ageze mu rugendo rwo kwandika ibitabo bye yari yaratangiye ndetse n'ibindi yitegura gushyira ahagaragara.

Mu magambo ye yagize ati: 'Icya mbere ndabyishimiye cyane nanashimira ababashije gutegura iki gikorwa na buri wese wagiteye inkunga. Icyo numva ngiye gukoresha iyi miliyoni, ntabwo amafaranga nabonye nubwo ari menshi yahita akora umushing munini cyane, ahubwo ndakomereza ku ho nari ngeze kuko bntije imbaraga ngiye gukomereza ho nari ngeze mu bitabo byanjye ibyo nari ndi gukora, ndetse n'ibindi nteganya gusohora.'

Clairia yavuze ko mu gihe usanga hari abakobwa benshi binubira kuguma mu rugo cyane, we yabifashe nk'ikintu cyiza cyamuteye n'imbaraga zo gukunda gusoma no gukora ubushakashatsi, bimufasha gutangira kwandika ibitabo ashingiye ahanini ku byo yasomye mu byanditswe n'abandi.

Ati: 'Mbere na mbere ndanabishimira Imana kuko niyo mugenga wa byose, niyo yampaye kuba ngeze aha ngaha aka kanya, ntabwo ari uko ndusha abandi ubwenge, nta n'ubwo ari uko nanarusha abandi gukoresha imbaraga, gusa nabishyizemo umutim wanjye wose. 

Icyo nashishikariza abantu bose by'umwihariko urubyiruko, njyewe nabagira inama yo kujya bagaburira ubwonko bwabo nk'uko dukenera kugaburira imibiri yacu kugira ngo ikomere, bagaburire n'ubwonko bwabo kugira ngo bakure bamenye uko bakwiteza imbere.'

Umuyobozi w'Icyubahiro w'Uurugaga rw'Abanditsi mu Rwanda akaba n'Umuyobozi wungirije wa kaminuza ya East African University Rwanda, Prof Kabera Callixte, yavuze ko rwari urugendo rurerure abanyeshuri bamazemo igihe kitari gito hakorwa amarushanwa yahereye ku rwego rw'Intara kugera ku rwego rw'igihugu.

Akomoza ku gikurikiyeho nyuma y'aya marushanwa, uyu muyobozi yagize ati: 'Urugendo rurakomeza kuko turi kubaka umuco kwandika no gusoma dutoza urubyiruko cyane cyane ururi muri kaminuza ariko n'amashuri yisumbuye ndetse n'abanza bizagerwaho, kugira ngo tubashe kubaka abantu bafite umuco wo gukunda kwandika no gusoma mu rwego rwo kurema uruganda rw'abanditsi bazatuma ubukungu burushaho gushingira ku bumenyi. Rero ubumenyi buri mu bitabo, ubumenyi buranditse, icyo dusaba ni ukugira ngo abantu bagire uwo muco, bashake ubwo bumenyi, hanyuma ubwo bumenyi babashe kuba babukoresha aho bari hose.'

Mutoni Clairia wiga muri ULK-Kigali ashyikirizwa ibihembo bye na Ambasaderi wa Pakisitani mu Rwanda

Mutoni yegukanye miliyoni imwe y’amafaranga y’u Rwanda

Cyiza wa UNILAK ashyikirizwa ibihembo bye birimo na mudasobwa

Methode wabaye uwa gatatu ashyikirizwa ibihembo bye 

 

Kaminuza ya ULK niyo yegukanye igikombe mu marushanwa yo kwandika no gusoma ibitabo ku rwego rw’igihugu

Umuyobozi wa ULK, Dr Prof Rwigamba Balinda yambikwa umudali w’ishimwe na Minisitiri Utumatwishima

Dr Ignace Niyigaba umwanditsi unafite ikigo cy’ishuri, ahabwa igikombe na Minisitiri Utumatwishima

Dr Ignace ni umuyobozi wungirije w’Urugaga rw’Abanditsi mu Rwanda

Kaminuza zose zitabiriye zashimiwe

Dr Rose Mukankomeje yavuze kuri kaminuza zititabira amarushanwa yo kwandika no gusoma ibitabo

Urubyiruko rwitabiriye rwishimiye gufata ifoto y’urwibutso na Minisitiri Utumatwishima urufite mu nshingano

Kanda hano urebe amafoto menshi yaranze igikorwa cyo guhemba abanyeshuri 11 batsinze ku rwego rw’igihugu ndetse na za kaminuza baturukamo

AMAFOTO: Freddy RWIGEMA – InyaRwanda

Umuhanzi The Ben yagaragaje agahinda gakomeye yatewe n’urupfu rwa Nyirakuru ubyara nyina, Mukangarambe Yoniya uheruka kwitaba Imana.

Ku mugoroba w’ejo hashize ni bwo uyu mubyeyi witabye Imana tariki ya 28 Werurwe 2024 yasezewe bwa nyuma.

Yoniya wari utuye Kayonza akaba yasezeweho bwa nyuma mu muhango wabereye i Remera mu Karere ka Gasabo.

Ni umuhango witabiwiriwe n’abavandimwe n’inshuti, aho benshi mu byamamare bari baje gufata mu mugongo uyu muhanzi.

The Ben yari yatabawe n’abarimo Muyoboke Alex, David Bayingana, Israel Mbonyi, Okkama, Alliah Cool, Uncle Austin, Tom Close n’umugore we n’abandi.

Mu ijambio rye The Ben yavuze ko nta magambo menshi yabona yo kuvuga, gusa ngo yari umubyeyi mwiza amwizeza ko bazamubera aho atari.

Ati “Warakoze kumbera inshuti nziza. Sinzi aho nakura amagambo yasobanura uko meze mu mutima, reka nkwizeze ko icyo wabibye muri twe kizatanga umusaruro kandi tuzaba aho utari. Wabaye umubyeyi waranzwe n’urukundo, impuhwe n’ubugwaneza. Imana igihe iruhuko ridashira mubyeyi!”.

Mukangarambe Yoniya yitabye Imana tariki ya 28 Werurwe 2024 aho yari afite afite imyaka 89, akaba asize abana 10, abazukuru 32 n’abazukuruza 39.

Yoniya yitabye Imana ku myaka 89

The Ben yari yatabawe n’abarimo ibyamamare