Ikipe ya Etincelles FC yatsinze Rayon Sports ibitego 3-1 mu mukino w'umunsi wa 26 wa shampiyona y'Icyiciro cya Mbere.
Ikipe y'i Rubavu yatsindiwe na Gedeo Bendeka Molollia watsinze bibiri na Jordan Nzau Dimbumba watsinze kimwe, iyo mu Nzove itsindwa na Charles Baale.
Etincelles FC itsinze Rayon Sports iyisanze i Nyarugenge kuri Kigali Pelé Stadium.
Nyuma y'umukino wa Etincelles FC yatsinzemo Rayon Sports ibitego bitatu kuri kimwe, abafana ba Rayon Sports bagaragaje kababaro n'agahinda ku mazo batewe no gutsindwa na Etincelles FC ibasanze i Kigali.
Gutsinda uyu mukino kwa Etincelles FC byatumye ishimangira ko itari mu makipe amanuka mu cyiciro cya kabiri kubera ko yahise ijya ku mwanya wa 12 n'amanota 29.
Uwari myugariro w'ikipe ya Kaizer Chiefs yo muri Afrika y'Epfo witwa Luke Fleurs yaraye yishwe arashwe n'abajura bashakaga imodoka yari atwaye.
Uyu musore wari ufite imyaka 24 yakiniye ikipe ya SuperSport United ndetse n'ikipe y'igihugu ya Africa Y'Epfo U17 na U23.
Byabaye ejo tariki 3 Mata 2024, aho uwamurashe yahise atwara iyo modoka yashakaga n'ubundi. Polisi ikaba iri gukora iperereza.
Source : https://yegob.rw/rip-luke-myugariro-wikipe-yigihugu-ya-africa-yepfo-wari-ukiri-muto-yishwe-arashwe/
 Rayon Sports yari yakiriye Etincelles mu mukino w’umunsi wa 26 wa shampiyona y’u Rwanda, National Primus Premier league.
Mbere y’umukino Rayon Sports yari ku mwanya wa kabiri n’amanota 48, ariko ikaba idatekereza igikombe kuko yarushwaga na APR FC amanota 11.
Ku ruhande rwa Etincelles yo mbere y’umukino yari ku mwanya wa 13 n’amanota 26, ikaba yari mu myanya irwana no kutamanuka kubera ko amanota ari amwe na Sunrise.
 Umukino watangiye abakinnyi ba Etincelles bashaka gutungura Rayon Sports, nuko Cyiza Husein arekuye ishoti, umupira awushota Muhire Kavin ujya muri Koruneri.
Koruneri yongeye guterwa na Cyiza Husein, nuko Mitima Issac umupira awukuramo n’umutwe.
Ku munota wa Karindwi, Rayon Sports yabonye uburyo bwari buvuye ku ishoti rya Serumogo, nuko Aman Rutayisire akora akazi gakomeye umupira arawugarura.
Rayon Sports yongeye kubona uburyo ku munota wa cumi, ubwo Arsène Tuyisenge yazamukanye umupira yiruka cyane, maze ku bufatanye bwa ba myugariro n’umuzamu Arakaza Marc Arthur umupira bawushira muri Koruneri. Koruneri byarangiye ntacyo imariye Rayon Sports kubera ko ba myugariro ba Etincelles bahise bakuraho umupira batuje.
Umukino wagumye gukinirwa mu kibuga hagati, Etincelles ikubakira kuri Kakule Mukata Justin, naho rayon Sports igakina yubakiye kuri Muhire Kavin.
 Ku munota wa 21 Arsène Tuyisenge yongeye gucisha umupira imbere y’izamu rya Etincelles, umupira ubura uwushyira mu izamu, nuko ugarurwa na ba myugariro ba Etincelles.
Bitihise, Arsène Tuyisenge yongeye kurekura inkuba y’ishoti mu izamu rya Etincelles, nuko umuzamu Arakaza Marc Arthur arikuramo.
 Abafana ba Rayon bari bari kuri Kigali Pele Stadium, bari bafite icyizere cyo kubona amanota atatu, kubera uko ikipe yabo yakinaga neza.
Arakaza Marc Arthur yongeye kurokora Etincelles ku munota wa 29, ubwo yari akuyemo urutambi rwa kufura yari itewe na Iraguha Hadji, aho benshi bari bagize ngk aguye mu izamu afite umupira.
Etincelles FC yahise izamukana umupira umupira ikorerwaho ikosa rya kufura. Kufura ya Etincelles yatewe na Gedeo Bendeka, nuko Habimana Hussein ashizeho umutwe umupira unyura ku ruhande.
Arakaza Marc Arthur wari wiyemeje kurokora Etincelles, yongeye gukuramo ishoti rikomeye rya Arsène Tuyisenge, ku mupira mwiza wari uzamukanwe na Iraguha Hadji.
Iminota 45 y’igice cya mbere yarangiye amakipe yombi anganya ubusa ku busa, umusifuzi wa kane ahitamo kongeraho iminota ibiri kugira ngo igice cya mbere kirangira.Â
Iminota ibiri y’inyongera yarangiye nta kipe yinjije igitego nuko amakipe yombi ajya ku ruhuka anganya ubusa ku busa.
Abakinnyi babanje mu kibuga ku ruhande rwa EtincellesÂ
Umutoza wa Etincelles yaje yakaniye gutsinda Rayon SportsÂ
Abakinnyi babanje mu kibuga ku Ruhande rwa Rayon SportsÂ
Umutoza wa Rayon sports akazi ke kari mu mazi abira
Abasimbura ku ruhande rwa Etincelles FCÂ
Abakinnyi ba Rayon Sports babanje ku ntebe y’abasimburaÂ
Kakule Justin wa Etincelles ni umwe mu bakinnyi bazonze Rayon SportsÂ
Mu gice cya kabiri Etincelles yamanutse mu kibuga yariye amavubi, ubwo yahise itera ishoti rikomeye mu izamu rya Rayon Sports, nuko umuzamu Ndiyae Khadime wari mu izamu rya Rayon akora akazi gakomeye.
Etincelles yari itangiranye imbaraga zidasanzwe, ku munota wa 52 Gedeo Bendeka yatsinze igitego cya mbere maze abafana ba Rayon Sports bagwa mu kantu.
Ibyo bidahagije, Kakule Justin yongeye kuzamukana umupira asiga ba myugariro ba Rayon nuko atanze umupira kwa Gedeo Bendeka, ahita atsinda igitego cya kabiri cya Etincelles.
Ku munota wa 58, Etincelles yakoze ibyo bose batatekerezaga nuko Jordan Nzau Simbumba atsinda igitego cya gatatu ku ruhande rwa Etincelles.
 Etincelles FC ikimara gutsinda ibitego bitatu byahise bica intege abakunzi ba Rayon Sports, yagumye gucurika ikibuga, ukagira ngo niyo yahindutse Rayon.
Ku munota wa 74 Muhire Kevin yongeye kurekura ishoti rikomeye kugira ngo arebe ko yabonera Rayon Sports igitego cy’impozamarira, nuko Arakaza Marc Arthur wagize umukino mwiza, umupira arawurenza awushira muri Koruneri.
Rayon yongeye kubona kufura ku munota wa 80, nuko Iraguha Awad umupira awukuramo n’umutwe, Etincelles iguma gusugira mu izamu ryayo.
 Rayon Sports yagumye kwataka ishaka igitego nuko ku munota wa 83, abataka ba Rayon Sports barekura amashoti abiri umufiririzo mu izamu rya Etincelles, nuko ayo mashoti akagarurwa na myugariro Kwizera Emable.
Abakinnyi ba Rayon Sports bagumye gukanira, nuko Muhire Kevin azamura umupira kwa Charles Baale, nuko umupira awusunikira mu izamu rya Etincelles.
Rayon Sports ikimara kubona igitego cya mbere cy’impozamarira abafana ntabwo bishimiye kubera ko bari bazi ko hakirimo umwenda w’ibitego bibiri.
Iminota 90 isanzwe yarangiye Etincelles ifite ibitego bitatu kuri kimwe cya Rayon Sports nuko umusifuzi yongera iminota irindwi.
Mu minota y’inyongera Rayon Sports yagumye kwataka bidasanzwe, gusa ba myugariro ba Etincelles baguma kuba ibamba. Ni nako Etincelles FC nayo yanyuzagamo ikataka kugira ngo irebe ko yabona igitego cya Kane.
Umukino warangiye Etincelles FC ibonye intsinzi y’ibitego bitatu kuri kimwe cya Rayon Sports.
Gutsinda uyu mukino ku ruhande rwa Etincelles FC yahise ishimangira ko itari mu makipe amanuka mu cyiciro cya kabiri kubera ko yahise ijya ku mwanya wa 12 n’amanota 29.
Arakaza Marc Arthur yakoze akazi gakomeye ubwo yakuragamo amashoti y’abakinnyi ba Rayon SportsÂ
Ba myugariro ba Etincelles nabo bakoze akazi katoroshe ubwo bakinaga na Rayon SportsÂ
Arakaza Marc Arthur wari mu izamu rya Etincelles, ni umwe mu bakinnyi bazonze Rayon SportsÂ
Etincelles FC ikimara gutsinda ibitego bibiri, yacuritse ikibuga aba Rayon Sports baribura
Abakinnyi ba Etincelles FC bari kwishyimira igitego cya gatatuÂ
Amarira yari yose ku bafana ba Rayon Sports ubwo bari bamaze gutsindwa na EtincellesÂ
Etincelles FC ikimara gutsinda Rayon Sports yahise ishiraho umuncyo igarahaza ko yo itari mu Makipe amanuka mu kiciro cya kabiriÂ
📷 AMAFOTO: Ngabo SergeÂ
💻 Umwanditsi: ISHIMWE WalterÂ
Inyarwanda.com
Mu gutangira k’umuziki w'uruzungu wazamukanye n'abahanzikazi bakomeye kandi bagize uruhare ntashidikanywaho mu kuwugeza aho uri, muri abo twavuga nka Miss Jojo, Miss Shanelle, Oda Paccy na Liza Kamikazi.
Uko kandi wagendaga ukura niko hagendaga hiyongeramo n'abandi nka Young Grace, Princess Priscillah, Teta Diana, Butera Knowless, Marina Queen Cha, Charly na Nina.
Ndetse mu bihe bya vubaha hajemo Fifi Raya, Angell Muthoni, Kaya Byinshi, Alyn Sano, Bwiza na Ariel Wayz.
Ntabwo wavuga kandi kw’ihererekana ry'ibisekuru by'umuziki mu bari n'abategarugori ngo wiyibagize France Mpundu, Kellia, Utah, J Sha, Nana n'abandi.
Nyamara ariko ubufatanye hagati y'aba bahanzikazi bwagiye bukomeza kugenda gake, ibintu bitari kure cyane yo kuba n’abisanga muri uru ruganda bakiri bake ugereranije n'abasaza babo.
Birumvikana burya kugira ngo abantu bisange mu kibuga ni uko akenshi babona ko hari abaza kubakira ariko mu gihe cyose bakiri bake n’abagana iyo nzira bakomeza kuba bake.
Kugeza ubu ubwo twakoraga iyi nkuru, twari tumaza kubona uburyo bigoye kuba wabona indirimbo yahuriyemo abahanzikazi babiri nk’uko biba bikorwa mu bahanzi bisanzwe.
Mu ndirimbo twabonye nabwo bigoranye zahuriyemo abahanzikazi harimo Rimwe ya Oda Paccy na Butera Knowless, Ndabizi ya Kellia na Alyn Sano kimwe na Do Me Marina na Queen Cha.
Kuba byonyine gushakisha indirimbo abahanzikazi bagiye bahuriramo bigasaba gutekereza inshuro nyinshi kugira ngo byibuze ugire iyo ubona, bigaragaza imbaraga zikiri nkeya mu mikoranire.
Kuri ubu kandi biragoye kuba wabona umuhanzikazi wasohoye indirimbo ugasanga bagenzi be bamushyigikiye, bakaba bagira icyo bayivugaho cyangwa bakayisangiza ababakurikira.
Kugeza ubu ntawakirengagiza kandi ko abahanzikazi babasha gutegura ibitaramo yaba ibito n’ibinini babifashijwemo na bagenzi babo no muri rusange ari bake.
Ibi bikaba bigaragaraza icyuho kigikomeye mu iterambere ry'umuziki nyarwanda dore ko mu bahanzi usanga batanga ibyishimo, banakomeye kugeza ubu ku Isi, abagore benshi nibo bari mu bushorishori.
Binagendana n'uburyo bahagaze mu buryo bw'ubushobozi aho bamwe bamaze kwigwizaho abarirwa muri za Miliyari z'Amadorali nka Tylor Swift ubarirwa muri Miliyari 1.1 y'amadorali na Rihanna wa Miliyari 1.4 y'amadorali.
Kellia ari mu bahanzikazi bashya barikuzamuka banabashije guhuza imbaraga n’abagenzi babo bakorana indirimbo
Oda Paccy ari mu bakora injyana ha Hip Hop bamaze iminsi gusa uregendo ruracyari rurerure ku bari n’abatagerugori mu Rwanda mu buhanzi
Butera Knowless ari mu bahanzikazi bihagazeho gusa amaze igihe kinini nyamara nubwo yagiye yumvikana kugira ubushake bwo gufasha barumuna be biracyari mu mishinga
Kuba abahanzikazi bakiri bake n’abarimo guhuza imbaraga bigoye bituma nabinjiyemo bigorana kuguma kugasongero
Queen Cha ari mu bahanzikazi bake babashije guhuza imbaraga na bagenzi be  bagakora igihangano gifatika
Alyn Sano aheruka kugaragaza ko ubuhanzi busaba kwihangana kandi abari n’abategarugori bakugira ari bakeÂ
KANDA HANO UREBE DO ME YA MARINA NA QUEEN CHA IRI MURI NKE ABAHANZIKAZI BAHURIJEMO AMABOKO
KANDA HANO UREBE NDABIZI KELLIA YAHURIYEMO NA ALYN SANO
Ibitego 3 Etincelles FC yanyagiye Rayon Sports byayifashije kuva mu makipe arwana no kutamanuka mu cyiciro cya kabiri.
Hari mu mukino wa shampiyona y’icyiciro cya mbere mu Rwanda umwaka w’imikino wa 2023-24, umunsi wa 26 wo Rayon Sports yari yakiriyemo Etincelles FC kuri Kigali Pelé Stadium.
Rayon Sports yamaze gutakaza igikombe cya shampiyona, yari ifite umukoro ukomeye wo kwikura imbere ya Etincelles FC yakinaga byo gupfa no gukira kuko yashakaga kuva mu makipe arwana no kutamanuka.
Igice cya mbere wabonaga Rayon Sports ikina ariko nta mahirwe afatika yabonye, ni mu gihe Gedeo Bendeka wa Etincelles yahushije amahirwe 2. Amakipe yagiye kuruhuka ari ubusa ku busa.
Rayon Sports yagowe bikomeye n’intagiriro z’igice cya kabiri aho iminota Etincelles FC yayitsinze ibitego 3.
Ku munota wa 52, Gedeo Bendeka yatsinze igitego cya mbere, ku munota wa 55 yongeramo icya kabiri ni mu gihe ku munota wa 58 Jordan Nzau Dimbumba yashyizemo icya 3.
Rayon Sports yakoze impinduka Mucyo Junior Didier winjiyemo igice cya kabiri kigitangira asimbura Serumogo. Ganijuru Elie na Iradukunda Pascal baje kujyamo basimbura Mugisha François Master na Tuyisenge Arsene.
Rayon Sports yagerageje kwishyura maze Charles Baale ayitsindira impozamarira ku munota wa 85. Umukino urangira ari 3-1.
Etincelles FC ikaba yamaze kugera ku mwanya wa 10 ivuye ku wa 14, ifite amanota 29 inganya na Gasogi na Gorilla FC ziyikurikiye, Marines FC ifite 28, Sunrise FC 26, Bugesera FC 24, Etoile del’Est ikagira 22.
Undi mukino wabaye uyu munsi Mukura VS yatsinze Muhazi United 2-0. Iyabaye ejo hashize Musanze FC yatsinze Gasogi United 2-1, Sunrise itsindwa na Kiyovu Sports 4-0. Kuwa Kabiri, Gorilla FC yatsinze Etoile del’Est 1-0, Police FC itsinda Amagaju 2-0.
Umunsi wa 26 uzasozwa ejo, Marines izakira Bugesera FC, ni mu gihe umukino wa AS Kigali na APR FC wasubitswe kubera umutoza wa APR FC ushinzwe kongerera ingufu abakinnyi Dr Adel Zrane yitabye Imana.
Source : http://isimbi.rw/siporo/article/etincelles-fc-yanyagiye-rayon-sports-iva-mu-murongo-utukura-amafoto
Nyuma y'umunsi umwe gusa yeguye ku mwanya w'umukuru w'inteko ishinga amategeko y'Afrika y'Epfo, kuri uyu wa kane Madamu Nosiviwe Mapisa Nqakula yishyikirije Polisi, kubera ibyaha bya ruswa akurikiranyweho.
Madamu Mapisa Nqakula aregwa kuba, ubwo yari Minisitiri w'ingabo hagati ya 2014 na 2021, yarakiriye ruswa y'ibihumbi byinshi by'amadolari, maze atanga isoko mu buryo bufifitse, abizi ko rwiyemezamirimo agiye guhangika leta ibikoresho bya gisirikari bitujuje ubuziranenge.
Abanenga icyemezo cya Perezida Cyril Ramaphosa cyo kohereza ingabo z'Afrika y'Epfo muri Kongo, bavuga ko bimwe muri ibyo bikoresho ari byo izo ngabo zifashisha ku rugamba, ngo ikaba imwe mu mpamvu intambara ikomeje kuzigora.
Amakuru akomeje kugarukwaho cyane n'ibitangazamakuru bikomeye, birimo n'urubuga 'National Security News' rwibanda cyane ku makuru y'umutekano muri Afrika y'Epfo, aravuga ko mu cyumweru gishize hari abasirikari b'icyo gihugu barambitse intwaro hasi, maze bishyira mu maboko y'umutwe wa M23 bahanganye ku rugamba.
Leta y'Afrika y'Epfo yabihakanye, nubwo hari abasanzwe batanga amakuru yizewe bakomeza kwemeza ko abo basirikari koko ubu ari imfungwa za M23.
Mu minsi ishize ubuyobozi bw'ingabo z'Afrika y'Epfo bwemeye ko hari abasirikari bayo 2 biciwe muri Kongo, ariko bikavugwa ko umubare w'abamaze kwicwa, abakomeretse n'abafashwe bugwate, uruta kure uwatangajwe n'Afrika y'Epfo.
Ibi byose biraba mu gihe aho muri Afrika y'Epfo hateganyijwe amatora rusange mu kwezi gutaha, abakurikiranira hafi politiki y'icyo gihugu bakemeza ko bishobora gutuma ishyaka ANC riri ku butegetsi, rihura n'ingorane muri ayo matora.
The post Ingaruka zo kohereza ingabo muri Kongo zikomeje kwisukiranya ku butegetsi bw'Afrika y'Epfo appeared first on RUSHYASHYA.
Ikipe y'igihugu y'u Rwanda Amavubi, yazamutse imyanya ibiri, igera ku wa 131 ku rutonde rw'Ishyirahamwe ry'Umupira w'Amaguru ku Isi, FIFA, rwerekana uko amakipe y'ibihugu akurikirana.
Argentine ni yo ya mbere ku Isi mu gihe ikipe y'igihugu ya Maroc iyoboye ibindi kipe z'ibihugu muri Afurika.
U Rwanda ruzamutse nyuma yo kwitwara neza mu mikino 2 ya gicuti rwitwayemo neza muri Madagascar aho yanganyije na Botswana ndetse itsinda na Madagascar ibitego 2-0.
Ishyirahamwe ry'umupira w'amaguru mu Rwanda, FERWAFA ryemereye APR FC gusubika umukino wa shampiyona yari ifitanye na AS Kigali kuri uyu wa 5.
Uyu mukino wasubitswe ku busabwe bwa APR FC nyuma y'urupfu rw'uwari umutoza wayo Dr Adel Zrane witabye Imana kuwa 2 w'iki cyumweru.
Source : https://yegob.rw/ferwafa-yemereye-apr-fc-gusubika-umukino-wa-shampiyona-yari-ifitanye-na-as-kigali/
Manizabayo Étienne wakiniraga Ikipe y'Abato ya Benediction Club yitabye Imana nyuma yo kugongwa n'imodoka ubwo we na bagenzi be bo mu makipe atandukanye, barimo n'abakuru, bari mu myitozo kuri uyu wa Kane, tariki ya 4 Mata 2024.
Iyi mpanuka yabereye mu muhanda uva mu Byangabo ubwo bamanukaga berekeza mu Gataraga.
Source : https://yegob.rw/rip-manizabayo-wakiniraga-ikipe-yabato-ya-benediction-club-yitabye-imana/