Author: webrwanda

Mu mpera z’iki cyumweru biraba ari ibicika aho muri Basketball mu bagabo n’abagore aho bagiye guhatanira igikombe kiruta ibindi mu gihugu “Super Cup”.

Iki gikombe kizaba kiba ku nshuro ya kabiri, gihuza ikipe yatwaye Shampiyona ndetse n’iyatwaye Rwanda Cup, mu bagore kizahuza REG WBBC yegukanye ibikombe byombi na APR WBBC bahuriye ku mukino wa nyuma.

Mu bagabo kikaba kizakinwa n’ikipe ya APR BBC yegukanye igikombe cya Shampiyona ya 2024-25 ndetse na RSSB Tigers yegukanye Rwanda Cup 2025.

Iyi mikino ikaba izaba ku munsi w’ejo ku wa Gatanu tariki ya 6 Gashyantare 2026 ikaba izabera muri BK Arena.

Umwaka ushize ubwo cyabaga ku nshuro ya mbere, mu bagabo cyegukanywe na APR BBC itsinze REG BBC ni mu gihe mu bagore cyegukanywe na REG WBBC yatsinze APR WBBC.

Kwinjira ni ibihumbi 20 muri ‘Front Row’, 15 muri ‘Court Side’, ibihumbi 5 muri ‘CIP’, muri VIP ndetse n’ahasigaye hose ni ibihumbi 3.

Ibihangange muri Basketball bigiye guhangana

Umukinnyi w’Umunyarwanda, Noam Emeran wakiniraga FC Groningen mu cyiciro cya mbere mu Buholandi yamaze gutizwa mu ikipe yo mu cyiciro cya kabiri, Emmen FC.

Uyu mukinnyi wageze muri iyi kipe muri 2023 avuye muri Manchester United, yayisanze mu cyiciro cya kabiri barazamukana mu cyiciro cya mbere.

Ntabwo uyu mukinnyi yahiriwe muri iyi kipe cyane ko atigeze abona umwanya uhagije wo gukina nubwo yagiye agira ibibazo by’imvune ariko n’igihe yari muzima ntabwo yifashishijwe cyane, n’umwanya yahawe ntiyawubyaje umusaruro.

Uyu rutahizamu usatira anyuze ku mpande uhanzwe amaso n’Abanyarwanda kuba yaza kuzahura ubusatirizi bw’ikipe y’igihugu, yakiniye FC Groningen imikino 20 ayitsindira igitego kimwe.

Noam Emeran, umuhungu wa Emeran Fritz Nkusi wakiniye Amavubi, yamaze kuba yatizwa mu ikipe ya FC Emmen ikina mu cyiciro cya kabiri mu Buholandi. Ayisanze ku mwanya 14 n’amanota 29 mu gihe Den Haag ya mbere ifite 53.

Nta gihindutse ni uko uyu mukinnyi wagiye winangira gukinira u Rwanda, mu kwezi kwa 3 ashobora kuzagaragara mu bakinnyi bashya bashobora kuzakinira u Rwanda.

Noam Emeran yamaze kwerekeza muri FC Emmen

Ntabwo muri FC Groningen yahiriwe

Nyuma yo gukatirwa igihano cy’igifungo cy’umwaka umwe, umunyamideli Turahirwa Moses yahisemo kwitabaza Urukiko Rukuru asaba ko rwongera rugasesengura icyemezo cyafashwe n’Urukiko Rwisumbuye rwa Nyarugenge cyamuhamije icyaha cyo gukoresha ibiyobyabwenge.

Uyu munyamideli wamenyekanye cyane binyuze mu nzu y’imideli ya Moshions, yari yarezwe ibyaha birimo gukoresha urumogi ndetse no kurutunda no kurubika.

Mu cyemezo cy’urukiko cyafashwe mu Ukuboza 2025, Urukiko rwaje gusanga ku cyaha cyo gutunda ibiyobyabwenge nta bimenyetso bifatika byatanzwe, bityo agirwa umwere kuri icyo cyaha.

Ku rundi ruhande ariko, urukiko rwemeje ko yakoze icyaha cyo gukoresha ibiyobyabwenge byo mu bwoko bw’urumogi, rumukatira igihano cy’igifungo cy’umwaka umwe, ariko rumukuriraho amagarama y’urubanza.

Nubwo yakatiwe igihano, ntiyanyuzwe n’icyo cyemezo, ahita ajuririra mu Rukiko Rukuru ku wa 28 Ukuboza 2025. Ikirego cye cyakiriwe ku wa 29 Ukuboza 2025, akaba ategereje ko urubanza rwe ruhabwa itariki yo kuburanishirizwaho.
Mu iryo buranisha, yari yagaragaje ko yicuza ku byabaye, asaba imbabazi sosiyete nyarwanda.

Yasobanuye ko yari amaze igihe ahanganye n’ibibazo by’ubuzima bwo mu mutwe byamugizeho ingaruka mu myitwarire ye, bigatuma yishora mu biyobyabwenge atabitekerejeho bihagije.

Yanongeyeho ko yamaze gufata icyemezo cyo kwisubiraho, aho yatangiye kwitabwaho n’abaganga b’inzobere kuva muri Gashyantare 2025.

Yavuze ko afashwa n’umuganga wo muri Leta Zunze Ubumwe za Amerika umuha ubujyanama, agamije kumufasha kwitandukanya n’ibiyobyabwenge no gusubira ku murongo muzima w’ubuzima.

Turahirwa Moses yajuririye

APR FC yasoje umukino ari abakinnyi 10, yafashe umwanya wa mbere ku rutonde rwa Shampiyona y’icyiciro cya mbere mu Rwanda umwaka w’imikino wa 2025-26 nyuma yo gutsinda Gasogi United 3-0.

APR FC yakinaga umunsi wa 18 wa shampiyona aho yari yasuye Gasogi United kuri uyu wa Kane kuri Kigali Pelé Stadium.

APR FC yatangiranye imbaraga ishaka igitego hakiri kare, ku munota wa 2 Hakim Kiwanuka yacomekewe umupira ariko awuteye umunyezamu awukuramo.

Ku munota wa 7 Kiwanuka yongeye kubona amahirwe ariko aho gutsinda ashaka kuwuha Ouatara ariko abakinnyi ba Gasogi United bawukuraho utaramugeraho.

Hakim Kiwanuka wari wakomeje gushaka igitego yaje gufungura amazamu ku ruhande rwa APR FC ku munota 12 ku mupira yari ahawe na William Togui Mel.

APR FC yakomeje gushaka ikindi gitego Ouatara na Togui babona amahirwe menshi ariko kuyabyaza umusaruro bibaza kugorana.

Memel Dao yaje gutsindira APR FC igitego cya kabiri ku munota wa 39 ku mupira wari ucometswe na Dauda, Ouatara ashaka gucenga umunyezamu awukuramo ariko usanga Dao wahise ashyira mu izamu. Amakipe yombi yagiye kuruhuka ari 2-0.

Ku munota wa 57, Seidu Yussif Dauda yahawe ikarita itukura nyuma yo gukubita inkonji umukinnyi wa Gasogi United.

Cheikh Djibril Ouatara yaje gutsindira APR FC igitego cya gatatu kuri penaliti ku ikosa ryari rikorewe Bugingo Hakim. Umukino warangiye ari 3-0.

Gutsinda uyu mukino APR FC yahise ifata umwanya wa mbere n’amanota 36, Al Hilal ifite 35 mu gihe Police FC ifite 34.

Rutahizamu wa APR FC, Cheikh Djibril Ouatara yavuze ko gutera penaliti ari icyemezo gikomeye rero akaba yarumvaga atameze neza ku buryo yayitera.

Ni nyuma y’uko uyu rutahizamu yanze gutera penaliti ku mukino wa nyuma w’igikombe cy’Intwari warangiye Police FC ibatwaye igikombe kuri penaliti 7-6.

Ubwo amakipe yari ageze mu bihe byo gutera penaliti, Cheikh Djibril Ouatara usanzwe atera penaliti za APR FC yanze kuyitera burundu, baramwinginga aranga.

Nyuma yo gutsinda 1 muri 3 batsinze Gasogi United muri Shampiyona uyu munsi nacyo cya Penaliti, ISIMBI yamubajije impamvu yayiteye kandi kuri finali yarabyanze.

Muri iki kiganiro cy’umwihariko yahaye ikinyamakuru ISIMBI, Cheikh Djibril Ouatara yavuze nta mpamvu ihari yatumye atayitera uretse kuba yarumvaga atameze neza ku buryo yayitera.

Ati “Nta mpamvu ihari uretse kuba narumvaga ntari mu bihe byiza byatuma ntera penaliti kubera ko penaliti mu mukino ntabwo biba byoroshye kuyitera ndabizi kuko buri gihe ndazitera, ni iyo mpamvu nariyumvaga. Nta kindi.”

Uku kwanga gutera penaliti yari asanzwe azitera, byibajijweho na benshi bibaza icyo yabaye hari n’abari batekereje ko yaba afite ikindi kibazo cyangwa hari uwo bashwanye.

Ouatara yavuze ko impamvu atateye penaliti yumvaga atari mu bihe byiza byo kuyitera

Umunyarwenya 5k Etienne yambitse impeta ya fiançailles umukunzi we bitegura kurushinga, Uwizeyimana Josiane bamaze igihe bakundana.

Mu mafoto yanyujije ku rukuta rwe rwa Instagram, mu gitondo cyo kuri uyu wa Gatatu tariki ya 4 Gashyantare 2026, umunyarwenya 5k Etienne yasangije abamukurikira amafoto yambitse umukunzi we impeta iherekezwa n’amagambo agira ati “yavuze ngo yego.”

Amwambitse impeta nyuma y’iminsi mike amwerekanye ko ari we yahisemo. Biteganyijwe ko bazasezerana imbere y’amategeko tariki ya 5 Gashyantare 2026 ni mu gihe n’indi mihango izaba vuba.

Bagiye kubana nyuma y’imyaka ibiri bakundana, akaba yaravuze ko bahuriye mu bukwe bari batashye bahana nimero, batangira kugenda bavugana kugeza bivuyemo urukundo.

5k Etienne yari amaze imyaka 2 akundana na Josiane

Yamwambitse impeta y’urukundo