Author: webrwanda

Uyu mugore w'ikimero agiye gutaramira abanya-Kigali n'abandi mu bitaramo bibiri azakora mu mpera z'iki cyumweru, ni ukuvuga tariki 21 Kamena 2024 na tariki 22 Kamena 2024. Ni ubwa mbere azaba yiyeretse abakunzi be, nyuma y'igihe ari mu bushabitsi, umuziki n'ibindi binyuranye byatumye amenyekana.

Tanasha Dona azagera i Kigali, ku wa Kane tariki 19 Kamena 2024 saa sita z'ijoro rishyira saa saba z'ijoro. Mu gitondo, cyo ku wa Gatanu tariki 20 Kamena 2024, azagirana ikiganiro n'abanyamakuru saa tanu z'amanywa (Press Conference).

Igitaramo cya mbere azakora ku wa Gatanu tariki 21 Kamena 2024, azagihuriramo na Dj Toxxy guhera saa kumi n’ebyiri z’umugoroba i Nyamirambo kuri B Lounge. Aho kwinjira ari ukwishyura ibihumbi 300 ku meza y’abantu batandatu ugahabwa n’ibyo kunywa bibiri.

Mu myanya isanzwe (Regular) ni ukwishyura ibihumbi 20 Frw ugahabwa n’icyo kunywa. Ku matike ya VIP ni ukwishyura ibihumbi 50 Frw ugahabwa n’icyo kunywa.

Ni mu gihe, ku wa Gatandatu tariki 22 Kamena 2024, igitaramo azakora bisaba kuzishyura ibihumbi 250 Frw ku meza n’abantu batanu, ugahabwa n’amacupa abiri y’ibyo kunywa (Wine).

Ibi bitaramo byombi azabihuriramo na Dj Toxxyk mu gihe cy'iminsi ibiri. Ni ubwa mbere bombi bazaba bahuriye ku rubyiniro.

Tanasha ni umunyamideli w'umunya-Kenya ubarizwa muri Tanzania wabiciye bigacika mu myaka itanu ishize, yanabaye umunyamakuru w'igihe kirekire wa NRG Radio yo muri Tanzania.

Yavukiye muri Kenya, ku wa 7 Nyakanga 1995 kuri Nyina w'umunya-Kenya na Se w'Umutaliyani. Ubwana bwe yabumaze igihe kinini muri Kenya mbere y'uko yimukira mu Bubiligi, afite imyaka 11 ubwo yajyaga kubana na Se wabo.   

Yigeze kuvuga ko guhurira mu Bubiligi byatumye yiyumvamo kumurika imideli ndetse n'umuziki. Uyu mugore kandi ari ku rutonde rw'abakobwa bahataniye ikamba rya Miss World Kenya.

Muri Nzeri 2022, yagaragaye muri filime 'Symphony' yatumye ahangwa ijisho na benshi. Yavuzwe mu rukundo cyane na Mutuma baje gutandukana muri Nzeri 2017, nyuma y'amezi arindwi yari ashize bakundana.

Umwaka wa 2018 wabaye rurangiza kuri we! Yakundanye by'igihe kirekire na Diamond kugeza ubwo banabyaranye umwana bise Naseeb Junior. Ibi byanatumye Tanasha abafasha gukorana indirimbo na Diamond bise 'Gere'.

Mu 2020, bombi barashwanye, buri umwe atangira urugendo rw'ubuzima bwe. Ariko kandi buri umwe yagiye ashinja mugenzi we kuba impamvu yo gutandukana. Kuva icyo gihe ntiyogeye kuvugwa mu rukundo.

Tanasha Dona agiye gutaramira i Kigali mu gitaramo azahuriramo na Dj Toxxyk

Tanasha yavuzwe cyane nyuma yo kujya mu rukundo na Diamond

Tanasha yinjiye mu muziki nyuma y'uko Diamond amubaye hafi 

Kwinjira mu gitaramo cya mbere cya Tanasha ni ukwishyura ibihumbi 300 Frw

Kwinjira mu gitaramo cya kabiri cya Tanasha Dona azahuriramo na Toxxyk ni ukwishyura ibihumbi 250 Frw

KANDA HANO UREBE AMASHUSHO Y'INDIRIMBO 'GERE' YA TANASHAYAKORANYE NA DIAMOND

“>

Uru rubyiruko rwasuye Urwibutso rwa Jenoside rwa Kigali ku itariki 16 Kamena 2024 babanza gusobanurirwa amateka yagejeje kuri Jenoside yakorewe Abatutsi. Banashyize indabo ku mva zishyinguyemo inzirakarengane ndetse barabunamira mu rwego rwo kubasubiza icyubahiro bambuwe.

Harerimana Tito uzwi ku rubuga rwa X nka Tito Hare, yavuze ko nk'abakoresha imbuga nkoranyambaga basanze hari abandi bantu bazifashisha bagoreka amateka ya Jenoside, bityo nka bamwe mu rubyiruko ruzikoresha cyane, biyemeza gusura Urwibutso rwa Jenoside yakorewe Abatutsi kugira ngo bige ayo mateka, maze bajye babasha kuyasobanurira abatayazi no kugaragaza ukuri ku bayagoreka bifashishije izo mbuga.

Harerimana yibukije bagenzi be b'urubyiruko ko Igihugu ari icyabo mu buryo bwose kandi ko nta cyo bahejwemo mu kugiteza imbere.

Ati 'Hari umuntu wambwiye ngo biransetsa iyo mbona abana bivanga muri politike […] Abo ntibumva ko dukwiye kumenya, baragira ngo tube turi aho ngaho tutazi aho tuva birangire tutazamenya n'aho tujya. Iyo utazi ahahise hawe no kumenya ahazaza biba bigoye, uba uri mu cyeragati. Turusheho kumenya amateka yacu no kuyiga, ntabwo gusoma gusa bihagije.'

Nishimwe Solange uzwi ku mazina ya Sol Solange ku mbuga zitandukanye, yavuze ko yihaye umukoro mu myaka 30 iri imbere.

Ati 'Niba ndi urubyiruko ni njye mbaraga z'Igihugu, ni njye bireba kugira ngo mparanire uko iyi myaka 30 yindi tugiye kubamo tuzayibamo. Ni nko guca inzira irwanya ingengabitekerezo ya Jenoside cyane cyane inyuzwa ku mbuga nkoranyambaga. Ibi bimpaye umukoro wo kujya gusoma amateka yose kugira ngo n'abo bayapfobya njye mbasubiza mfite amakuru afatika, mbashe guhangana na bo birushijeho.'

Kwizera Josué uzwi nka Byukavuba kuri X, yavuze ko gusura Urwibutso byabunguye uburyo bwo guhangana n'abagoreka amateka.

Yagize ati 'Ibi bidufasha kubaka ubumwe nk'Abanyarwanda ndetse no kumenya uko duhangana n'ahakana bakanapfobya Jenoside yakorewe Abatutsi. Twamenye uburyo bwose Jenoside ihakanwa ndetse n'uburyo bwa nyabwo bwo gusubiza abayipfobya kugira ngo batagira n'uwo bashuka kuko tuba tugomba kuba twumva neza ibyo tugiye kuvuga mbere y'uko tubasubiza.'

Kwizera yongeyeho ko abarwanyaga igihugu benshi bimukiye ku mbuga nkoranyambaga, bityo ko urugamba rwo guhangana na bo ari ho na rwo rugomba gukomereza kandi ko hari icyizere mu rubyiruko kuko rugenda rubyumva.

Inzobere muri Minisiteri y'Ubumwe bw'Abanyarwanda n'Inshingano Mboneragihugu wari waje kwifatanya n'uru rubyiruko, Kalambizi Oleg Olivier, yibukije urubyiruko ko imbuga nkoranyambaga zaruhaye ijwi rigera kure cyane kurusha iry'abahakana bakanapfobya Jenoside.

Yarusabye kandi gukoresha iryo jwi rigera kure mu gukebura n'urundi rubyiruko rwigira ba ntibindeba kuko amateka y'Igihugu nta muntu n'umwe ukwiye kuyirengagiza.

Bashyize indabo ku mva zishyinguwemo inzirakarengane zishwe muri Jenoside

Akaliza Laurette Annely usanzwe ari umwanditsi w’ibitabo yavuze ko yabitewe no gushaka kugaragaza byinshi urubyiruko rwa nyuma ya Jenoside rwifitemo ariko bitavugwa

Harerimana Tito yibukije bagenzi be b'urubyiruko ko Igihugu ari icyabo mu buryo bwose kandi ko nta cyo bahejwemo mu kugiteza imbere

Bunamiye inzirakarengane zishyinguye mu rwibutso rwa Kigali

Kalambizi Oleg Olivier yabibukije ko imbuga nkoranyambaga zabahaye ijwi rigera kure cyane kurusha iry'abahakana bakanapfobya Jenoside

Urubyiruko rwaganirijwe ku musanzu rukwiye gutanga mu guhangana n’abagoreka amateka

Urubyiruko rukoresha imbuga nkoranyambaga zinyuranye rwari rwitabiriye

Uru rubyiruko rwari rufite inyota yo kumenya byinshi ku mateka n’uruhare rwagira mu kuyavuga uko ari

Basobanuriwe akamaro ko kumenya amateka y’Igihugu no kuyasobanurira abandi

Ubuyobozi bw’Urwibutso busobanurira urubyiruko ibijyanye n’igice kibitse amateka yagejeje kuri Jenoside yakorewe Abatutsi

Harerimana Tito yandika ubutumwa mu gitabo cy’abashyitsi

Amafoto: Habyarimana Raoul

Perezida wa NEC, Oda Gasinzigwa, yagaragaje ko mu hantu hetemewe kwiyamamariza harimo amasoko, amavuriro, amashuri, mu ngoro z'ubutabera n'ahandi.

Yagize ati 'Hari ahemerewe kwiyamamariza. Ntibemerewe kwiyamamariza ku masoko, ntibemewe kwiyamamariza ku mavuriro, mu mashuri no mu ngoro z'ubutabera.''

Yakomeje agira ati 'Ntibemerewe kwiyamamariza ahantu hafite izindi nshingano z'Abanyarwanda bemerewe gukomeza kwisanzura mu buzima busanzwe, ntibagomba kuvangirwa mu mibereho y'indi ya buri munsi.'

Gasinzigwa yagaragaje ko mbere y'uko ibikorwa byo kwiyamamaza bitangira, buri mutwe wa Politiki cyangwa umukandida wigenga baba bagomba gutanga urutonde rw'aho bagomba kwiyamamariza kandi bakabigeza ku nzego z'ibanze.

Ati 'Tuba tugomba kubimenya kugira ngo dukurikire bitazaba ari ahantu hashobora kubangamira bya bindi bishobora kugabanya umutuzo ku Banyarwanda. Hari aho dushobora kubangira ko bakorera kuko hari ahantu hatemerewe kuba bakiyamamariza.'

Ubwo NEC yaganiraga n'abanyamadini n'amatorero kandi yabibukije ko ibikorwa byo kwiyamamaza bitemerewe kuyakorerwamo nubwo abayoboke b'amadini bashobora kwiyamamariza imyanya runaka.

Biteganyijwe ko kuva ku wa 18 Kamena 2024, abakandida bemerewe kwiyamamaza ari bwo bazatanga aho baziyamamariza.

Ibikorwa byo kwiyamamaza bizatangira ku wa 22 Kamena 2024 bisozwe ku wa 13 Nyakanga 2024 mu gihe amatora azaba tariki ya 14 Nyakanga ku Banyarwanda baba mu mahanga no ku wa 15 Nyakanga 2024 ku b'imbere mu Gihugu.

Imbere mu gihugu hateguwe site z'itora 2,441 n'ibyumba by'itora 17,400 mu gihe Abanyarwanda baba mu mahanga hari ibiro by'itora 140 mu bihugu 74.

Perezida wa NEC, Oda Gasinzigwa yagaragaje ko hari ahantu hatemerewe ibikorwa byo kwiyamamaza harimo no ku mashuri

Ni umukino wa nyuma wabaye kuri iki Cyumweru tariki 16 Kamena 2024, kuri Kigali Pele Stadium i Nyamirambo, wari witabiriwe n'abayobozi bakuru mu Ngabo z'u Rwanda no mu nzego z'umutekano barimo, Umugaba Mukuru wa RDF, General Mubarakh Muganga, ndetse n'Umuyobozi Mukuru wa Polisi y'u Rwanda, IGP (CG) Félix Namuhoranye.

Uyu mukino kandi wanitabiriwe n'abayobozi mu nzego nkuru z'Igihugu barimo Minisitiri w'Ingabo, Juvenal Marizamunda, ari na we wari umushyiysi mukuru.

Iyi kipe y'Abasirikare barinda Abayobozi Bukuru, yarimo n'abasirikare bakuru, barimo Umuyobozi w'iri tsinda ry'abasirikare, Maj Gen Willy Rwagasana ari na we wari Kapiteni.

Iyi kipe kandi yarimo Capt. Ian Kagame wanaje kwambara igitambaro cya Kapiteni ubwo Maj Gen Willy Rwagasana yasimbuzwaga muri uyu mukino.

Igice cya mbere cyarangiye ikipe ya RG ifite igitego kimwe ku busa bw'Ikipe ya BMTC Nasho, iza kubona ibindi bitego bibiri mu gice cya kabiri birimo icyatsinzwe ku munota wa 56' ndetse n'icyabonetse ku munota wa 69'.

Muri Sitade nabwo morali yari yose ku basirikare bo mu itsinda ririnda abayobozi bakuru bari baje gushyigikira bagenzi babo, bagaragaje imifanire idasanzwe n'akanyamuneza kenshi.

Mu irushanwa nk'iri ry'umwaka ushize, ikipe ya RG na bwo yari yegukanye iki gikombe, ikaba icyisubije no mu ry'uyu mwaka, ubwo u Rwanda rugiye kwizihiza isabukuru y'imyaka 30 rwibohoye.

Umuyobozi mukuru wa Polisi y’u Rwanda n’Umugaba Mukuru w’Ingabo z’u Rwana mu bayobozi barebye uyu mukino

Abakinnyi ba Republican Guard babanje mu kibuga

Abakinnyi babanje mu kibuga ku ruhande rwa BMTC Nasho

Capt.Ian Kagame yagaragaje ubuhanga muri uyu mukino 

Republican Guard bishimira igikombe begukanye

Fleury yagaragaye bwa mbere muri filime yitwa “Faith in the Storm” cyangwa se “Ukwizera mu bihe bikomeye” yahuriyemo n’umugore we Bahavu Jannet. Ni filime ya Gikirisitu (Gospel) ishingiye ku kugaragaza uburyo umukiranutsi asohoka mu bigeragezo n’ibizazane, binyuze mu kwizera Yesu nk’umwami n’umukiza.

Ni filime y’iminota 57 n’amasegonda 50′. Mu gutangira kuba inkuru y’iyi filime, abakinnyi babo aribo Fleury na Jannet basaba abazayireba bose, kutayireba nka filime bisanzwe, ahubwo bakwiye kwinjira mu butumwa bwanyujijwemo, no gukuramo imbaraga zo gukomera no kwizera ko ibigeragezo uri kunyuramo bishobora kurangira.

Abatanze ibitekerezo barenga 690, bagaragaje ko banyuzwe n’impano ya Fleury, bamusaba ko yashyira imbaraga mu gukina filime kurusha uko agira uruhare mu kuzitunganya. Ariko kandi baragaza ko kuba Jannet amaze igihe kinini muri filime, byafashije Fleury gukabyaza inzozi zo gukina fiime.

Fleury akina mu mwanya w’umugabo watakaje akazi ariko agakomeza kwizeza umugore we ko urugo rw’abo ruzabaho neza uko byagenda kose. Jannet akina mu mwanya w’umugore wihanganisha umugabo we, akamusaba kudatakaza icyizere, akamubwira ko ibyo anyuramo byose ari umugambi w’Imana.

Ndayirukiye Fleury yabwiye InyaRwanda, ko yatangiye urugendo rwo gukina filime ‘ariko za gikirisitu’. Ni umushinga wa filime avuga ko zishingiye ku gufasha abantu kwizera Imana, ndetse hari izo azajya akora azahuriramo n’abakozi b’Imana nka ba Pasiter n’abandi.     

Ati “Ninjiye muri Cinema ariko ku ruhande rwa filime za ‘Gospel’ cyangwa se z’ivugabutumwa. Byaturutse mu kuba njye n’umuryango wanjye twareguriye ubuzima bwacu Kristo. Rero, navuga ko ari urugendo rudasanzwe natangiye, kandi rwiza muri njye.”

Akomeza ati “Mu gihe kiri imbere nabwo nzashyira hanze indi filime ya ‘Gospel’. Mu bo tuzakorana harimo n’abakozi b’Imana, abavugabutumwa n’abandi, ariko tugamije ku kugaragaza ubuhangange bw’Imana, ko Imana ikora, uhereye kuri Zero.”

Zari inzozi! Fleury yavuze ko mu myaka yose yashyize imbere kuyobora amashusho (Directing) ya filime zinyuranye, umugore we yagiye akina n’izindi, ariko kandi yatekerezaga ko igihe kimwe kizagera nawe agatangira gukina filime.

Uyu mugabo yavuze ko yakuze akunda gukina filime n’ubwo atari azi neza igihe azabyinjiriramo. Ati “Zari inzozi, uyu munsi navuga ko natangiye kuzirotora. Ni urugendo rukomeye ariko rushoboka. Uko byagenda kose, nzakomeza kubifatanya no kuyobora izindi filime.”

Ndayirukiye Fleury yatangaje ko kwinjira muri Cinema zari inzozi ze, ahubwo igihe cyari kitagera

Fleury yavuze ko azajya akina muri filime za Gikirisitu akaba ari nawo mwihariko

Fleury yatangiye gukina filime ari kumwe n'umugore we Bahavu Jannet

 

KANDA HANO UREBE FILIME YA MBERE FLEURY YAKINNYEMO ARI KUMWE N'UMUGORE WE

“>

Biravugwa ko APR FC igeze kure ibiganiro na myugariro ukomoka muri Senegal, Aliou Souane.

Amakuru ISIMBI yamenye ni uko uyu mukinnyi wo mu mutima w’ubwugarizi w’imyaka 22 ni uko ibiganiro bisa n’ibyarangiye ategerejwe i Kigali kurangizanya n’iyi kipe y’Ingabo z’Igihugu.

Aliou Souane akaba yakiniraga ASC Jaraaf yo mu cyiciro cya mbere muri Senegal aho yasoje ku mwanya 2 muri shampiyona.

Uyu ni umukinnyi ugomba kuza gufatanya na Niyigena Clement ubuyobozi bwa APR FC irimo gushaka uburyo yakongerera amasezerano kuko yasoje.

Amakuru avuga ko uyu mukinnyi yari kuzana na Etane Junior Aimé Tendeng na we w’Umunya-Senegal ariko akaba yamaze kwerekeza muri Al Hilal yo muri Sudani.

Aliou Souane atagerejwe muri APR FC

Umuhanzi Rukundo Christian wamamaye nka Chriss Eazy yashyize hanze indirimbo nshya yise ‘Sekoma’ yifashishijemo Kayumba Darina wabaye igisonga cya kabiri cya nyampinga w’u Rwanda mu 2022.

Ni indirimbo igaruka ku nkuru y’umusore uba ukunda umukobwa agakora buri kumwe cyose ngo amwereke ko amukunda ariko umukobwa ntabibone.

Iyi ndirimbo ikozwe mu njyana ya ‘Afro Gako’ ikaba yaratunganyijwe mu buryo bw’amajwi na Element ufatwa nka nimero ya mbere mu batunganya amajwi y’indirimbo mu Rwanda, inononsorwa na Bob Pro, ikaba yaranditse na Chriss Eazy afatanyije na Element, Junior Rumaga, Junior Giti na Dylan Kabaka.

Amashusho y’iyi ndirimbo yayobowe na Sammy Switch, Chriss Eazy aba ari we uhuza amashusho aranayatunganya (Edit).

Mu mashusho y’iyi ndirimbo Chriss Eazy yifashishijemo Kayumba Darina wabaye igisonga cya kabiri cya nyampinga w’u Rwanda mu 2022, akaba inshuti magara ya Umuhoza Emma Pascaline umaze igihe avugwa mu rukundo na Chriss Eazy.

Uyu muhanzi avuga ko yahisemo kwifashisha Kayumba Darina mu mashusho kuko yasanze ahuye n’umukobwa yifuzaga gushyiramo kandi ko bitewe n’izina afite bizatuma ikundwa cyane.

Mu ikorwa ry’iyi ndirimbo Chriss Eazy yahuriyemo n’ibizazane birimo no kuba yaribwe Telefoni, ibi byabaye mu minsi yashyize ubwo uyu muhanzi yarimo gutunganya amashusho no kuyanoza mu buryo bw’amabara (Coloring) ngo izasohoke igaragara neza.

Mu gutunganya Amabara y’amashusho y’iyi ndirimbo, Chriss Eazy yiyambaje Uniquo murumuna w’umuhanzi Christopher usanzwe ukora ibikorwa byo gutunganya amashusho y’indirimbo, ubwo bari bari gutunya aya mashusho bibwe imashini ebyiri ndetse na Telefoni ya Chriss Eazy bihageze arenga Miliyoni 3.

Chriss Eazy yifashishije Kayumba Darina mu mashusho y’indirimbo Sekoma

RUKUNDO Sulaiman / ISIMBI.RW

Umuhanzikazi w’indirimbo zo kuramya no guhimbaza Aline Gahongayire yavuze ko ikintu cyamubabaje mu buzima ari ukubona umwana we yari yibarutse adahumeka.

Ni mu kiganiro yagiranye n’ikinyamakuru ISIMBI aho yagarutse ku gitabo yenda gusohora kizagaruka ku buzima bwe.

Aline Gahongayire yavuze ko hari ibihe yanyuzemo byamukomereye ijoro rikamubana rirerire cyane, rikanga gucya.

Ati “Hari amajoro yajyaga atinda gucya y’ubuzima bwanjye, urabona ukuntu hano turi i Burayi bigera saa yine z’ijoro izuba ricyaka, hari amajoro yambereye amajoro yanga gucya y’ubuzima bwanjye, menshi, menshi cyane, wenda abantu bagiye guhita batekereza ngo ni cya gihe byagenze gutya, cya gihe umugabo yagiye.”

Yakomeje avuga ko ntacyo ashinja uwahoze ari umugabo we Gahima Gabriel babonye gatanya muri 2017.

Ati “Ni ukuri ntacyo nshinja uwahoze ari umugabo wanjye, nta na kimwe, nta na kimwe pe, izo ni zo zari inzira ze, singomba kumubyiga kuki se njye ntakoze icyo ngomba gukora? Mu mibanire y’abantu ni bo baba babizi hagati ya bo, uyu munsi ngiye kubimushyiraho mba naba niyibagiwe kuko nanjye ntabwo nabaye shyashya.”

“Rero njyewe amaso yanjye ntabwo agomba kureba uwahoze ari umugabo wanjye kuko afite ubundi buzima agomba kubaka kandi mu kubakika kwe ntabwo ngomba gushyirayo ivumbi, agomba guca aha nanjye nkaca aha. “

Uyu muhanzikazi yavuze ko ikintu cyamubabaje mu buzima bwe ari umwana we w’imfura witabye Imana akivuka muri 2014.

Ati “Nta kintu gishobora kubabaza umuntu nko kubona ikibondo cyanjye cyiza cyane cy’ibiro bitanu ukakibona kidahumeka, bakakigutwara bagashyira hariya, buri mubyeyi wese uri hariya namubwira ngo komera impore ariko nakubwira ngo komera washyingiye ijuru kuko sinjye njyenyine hari n’ababura batatu, batandatu.”

Aline Gahongayire na Gahima Gabriel bakoze ubukwe muri 2013, muri 2014 babyaye umwana w’imfura y’umukobwa ahita yitaba Imana. Muri 2015 ni bwo byatangiye kuvugwa ko aba bombi batakibana, Gahongayire abyemeza muri 2016 ni mu gihe muri 2017 ari bwo babonye gatanya.

Aline Gahongayire yagarutse ku kintu cyamubabaje