Author: webrwanda

Ibi yabigarutseho mu kiganiro yagiranye n'Ikigo cy'Igihugu cy'Itangazamakuru mu Rwanda, RBA, kuri uyu wa 17 Kamena 2024.

Perezida Kagame yagaragaje ko amaze iminsi abona iby'abashaka guharabika u Rwanda ndetse anakomoza ku itsinda ry'abanyamakuru 50 mu cyiswe Rwanda Classified.

Ati 'Maze iminsi mbona itsinda ry'abanyamakuru bubuye intwaro ngo baturwanye ariko bari gutakaza umwanya wabo. Bakabaye barakosheje ayo mafaranga n'ingufu zabo mu bindi. U Rwanda rurahari, ruri gutera imbere buri mwaka badahari.'

Perezida Kagame yavuze ku banenga u Rwanda bashingiye kuri demokarasi yarwo, birengagije ibibazo bafite iwabo cyangwa se ibyo u Rwanda rufite bagizemo uruhare.

Ati 'Icyo ntemera, kuba uri mu bateje ibibazo na we ubwawe wifitiye ibibazo byawe, kuza ngo unyigishe uburyo ngomba guhangana n'ibibazo byanjye, ibibazo byanjye wagizemo uruhare kuko bimwe byaguturutseho. Twamenye kwiga guhangana n'ibitureba kubw'inyungu z'abaturage bacu. Twumva ibyo batunenga nubwo tutabiha umwanya munini uretse ufite ibyo uvuga ubifitiye ibimenyetso, hanyuma tukabirebeho.'

Perezida Kagame yagaragaje ko hari abanenga abantu bashaka guteza ibibazo birenze ndetse banagambiriye gushwanyaguza igihugu ashimangira ko adashobora gushwanyaguzwa n'ibivugwa.

Ati 'Turabyumva ibyo batunenga ubuzima bugakomeza. Rimwe na rimwe abanenga bashaka kurengera ngo bagutere ibibazo birenze bagushwanyaguze. Ntabwo ushobora kunyangiza cyangwa kwangiza umurava wanjye, ibyifuzo byanjye ibyo ntekereza ko ari ukuri kubikora […] ntabwo dufite ubwoba bw'icyo ari cyo cyose twize byinshi.'

Yagaragaje ko hari ibirebana n'ibihugu bimwe na bimwe bishaka kwigira ko bishakira ibisubizo ibabazo byugarije Isi nyamara ugasanga bifite ukuboko mu mizi y'ibyo bibazo.

Perezida Kagame kandi yagaragaje ko ibyo abona ko bitagenda neza cyangwa bibangamiye abaturage yabikora ariko bitavuze ngo hari umuntu runaka wabimuhatiye.

Ati 'Ibyo mbona ari ikibazo ibyo nabikoraho kubera ko nabonye ko ari ibibazo biri kungiraho ingaruka ntabwo nabikora kuko bari kunsaba kubikora. Kukunenga ukabona ko abantu bakomeje kubigenderaho nkaho hari agaciro muri byo […] ariko turabyakira kuko ari yo si dutuyeho. Tureba ibyo batunenga tukikomereza ubuzima bwacu.'

Yagaragaje ko hari ubwo ushobora gushaka gushwanyaguza umuntu mu bigaragara inyuma ariko umutima n'ibitekerezo ntibishobora gushwanyaguzwa uko ubonye kuko Abanyarwanda bahisemo kumenya guharanira ukuri.

Yakomeje ati 'Twize guca bugufi, kubaha ariko iyo bigeze ku kudusuzugura turakwirengagiza ntabwo dufite guhangana nawe turakureka. Igihugu cyacu gishobora kuba ari igito ariko ntabwo turi bato.'

Perezida Kagame yagaragaje ko n'ubwo u Rwanda ari igihugu gito ariko abaturage bacyo atari gito bityo ko nta cyabasha kubashwanyaguza kuko n'ubikoze birwanaho.

Ati 'Igihugu cyacu gishobora kuba ari gito ariko ntabwo turi abaturage bato. Ntabwo wabasha kudushwanyaguza, nubikora tuzirwanaho utungurwe. Niyo mpamvu twavuye ku busa, nuko twanze gushwanyaguzwa n'abashakaga ko duhera hasi.'

Paul Kagame kandi yagaragaje ko Demokarasi ijyanye n'uburenganzira bwo kwihitiramo itagenda neza kubera ko hari uwagendeye ku mahame yategetswe.

Perezida Kagame yagaragaje ko abanyamakuru bibumbiye hamwe ngo basebye u Rwanda bataye umwanya w’ubusa

Kuri uyu wa Mbere ni bwo Perezida Kagame yagiranye ikiganiro n'Ikigo cy'Igihugu cy'Itangazamakuru, RBA, agaruka kuri byinshi bitandukanye bijyanye.

Muri iki kiganiro ariko hanabayeho guha umwanya abaturage binyuze ku murongo wa telefone kugira ngo nabo batange ibitekerezo byabo.

Uwitwa Nshimiyimana Adrien wo mu Ntara y'Amajyaruguru, mu Karere ka Burera mu murenge wa Butaro hafi y'ibitaro mpuzamahanga bya Butaro yahamagaye ashimira Perezida Kagame ku kuba yaratangije Urugamba rwo kubohora igihugu anavuga ko abasebya u Rwanda ari ipfunwe riba ribibateye ry’ibyo basize bakoze.

Ati: “Ndabanza kubashimira cyane ko mwatangije urugamba rwo kubohora igihugu none igihugu kikaba kigeze aheza kandi mugahagarika Jenoside yakorewe Abatutsi mu 1994.

Ibyo byose ndabibashimira kandi ndabamenyesha ko abangaba birirwa bavuga hirya no hino kuri za radiyo, abongabo ni ipfunwe ry’ibyo bakoze.

Ni umujinya kuko igihugu cyacu barakishe murakizura none kubera ipfunwe baba bafite ry’ibyo bakoze baba bashaka kujya kwishyira hamwe ngo batuyobye.

Ariko abaturage, abanya Burera cyane cyane turi maso kuko ntabwo tuzabemerera kuko ntabwo twakongera kwemera ko igihugu cyacu cyongera gupfa, kandi ndashimira Imana yabaduhaye Nyakubahwa Perezida wa Repubilika.”

Nshimiyimana Adrien yakomeje ashimira Perezida Kagame ko yabakuye muri nyakatsi y’amazu ndetse niyo ku buriri.

Ati” Nyakubahwa Perezida wa Repubulika, Abanya-Burera hano i Butaro mu mirenge 17 igize akarere ka Burera turagushimira cyane ko wadukuye muri nyakatsi y'amazu n’iyo ku buriri ku buryo cya gishanga kitwa Kamiranzovu na Rwarugezi twahiragamo ibikangaga byo kuryamaho, ubu dusigaye turyama kuri matera.

Cya gishanga cya Kamiranzovu waragitunganyije neza ari na byo bitera ipfunwe n’ishyari abo bicanyi, urangije kugitunganya ubu gisigaye cyera gukuba inshuro 10. “

Yavuze ko hari n’ibindi byinshi yabagejejeho birimo no kubakiza amavunja ndetse akaba yaranabubakiye Kaminuza.

Undi muturage nawe wahamagaye witwa Habineza Fidele wo mu Karere ka Nyaruguru akaba Umuyobozi wa Koperative y’abahinzi b’icyayi ifite abanyamuryango bagera ku bihumbi bibiri n'amagana atandatu, yashimiye Perezida Kagame avuga ko yabubakiye uruganda none bakaba bamaze kwiteza imbere.

Ati” Nshimiye Perezida wa Repubilika cyane bihebuje mu izina ryabo banyamuryango ku gitekerezo yagize cyo kudushyira hamwe tugahinga icyayi cyaduteje imbere, akatwubakira uruganda ubungubu rwose twiteje imbere.

Icyayi cyagize umuturage wa Nyaruguru umuntu uhora akorakora ku ifaranga ku buryo bworoshye. Icyo ngicyo turakimushimiye mu buryo bworoshye.

Turamushimira ku muhanda wa kaburimbo yubatse uva i Huye ukagera ku Munini, turashima kandi uburyo kwivuza byoroheye abaturage ba Nyaruguru bitewe n’imishinga itandukanye Umukuru w’Igihugu yagiye ashyira mu karere kacu ka Nyaruguru”

Yakomeje avuga ko mbere akarere ka Nyaruguru kari karishwe n’inzara abaturage basuhukira i Burundi, gusa kuri ubu bikaba byaravuyeho ndetse anavuga ko yabubakiye ibitaro byiza byo ku Munini.

Perezida Kagame muri iki kiganiro yavuze ko ibyiza ku banyarwanda biri imbere, ko bazabona ibindi byiza kurushaho. Ni ikiganiro yagiranye na RBA kuri uyu wa Mbere tariki 17 Kamena 2024.

Perezida Kagame yongeye kubyitsaho mu kiganiro yagiranye n'Urwego rw'Igihugu rw'Itangazamakuru, RBA, kuri uyu wa Mbere tariki 17 Kamena 2024.Iki kiganiro cyanyuze ku bitangazamakuru bya Leta n'iby'igenga hafi ya byose bikorera mu Rwanda.

Perezida Kagame yasabye Umuyobozi Mukuru wa RBA, Barore Cleophas gushaka uko ururimi rw'Ikinyarwanda rwasigasirwa n'umuco nyarwanda ukabugwabugwa.

Ati: “Nsigaye mbivuga kenshi n’ubu ndabisubiramo, Barore mushake ukuntu umuco w’ururimi rwacu udacika ukaba ikiraro cy’imvange. Uvuga icyongereza avuge icyongereza, uvuga igifaransa avuge igifaransa nubwo babivuga nabi. Ngira ngo muzashyireho porogaramu.

Buriya kera nkiri umwana ndi impunzi mba mu buhungiro, uko nize ikinyarwanda kenshi usibye ababyeyi batubwiraga Ikinyarwanda kuko ni na cyo bari bazi. 

Dutangira amashuri abanza na bwo twigaga ikinyarwanda ariko icyatumye menya Ikinyarwanda nubwo kitari kinshi cyane ariko kirumvikana ,hari ikiganiro najyaga nkurikirana kuri Radio Rwanda”.

Yakomeje agaragaza ko bidakwiriye kubona abantu batazi ikinyarwanda, noneho bikagora kurushaho kusanga bavuga n'indimi z'amahanga nk'icyongereza n'igifaransa nabyo batabizi.

Perezida Kagame yavuze nubwo atari ari mu Rwanda, yize Ikinyarwanda agikuye ku kuba ababyeyi be ari cyo bavugaga, ariko na none akabifashwamo n'itangazamakuru.

Yavuze ko binyuze mu kiganiro kitwa 'Ese wari uzi ko?', yabashije kwiyungura ubumenyi mu rurimi rw'Ikinyarwanda, kandi si rwo gusa ahubwo yabashije no kumenya imiti gakondo ya Kinyarwanda.

Yavuze ko yamenye ko inyarabarasanya yomora igisebe kandi ikifashishwa bigakunda, aho atabashaga kubona ubundi buvuzi muri za 1983 kubera urugamba rwo kubohora u Rwanda.

Perezida Kagame ati: 'Urubyiruko rwacu wumva ikinyarwanda bavuga kikakuyobora, niba ari ukujya mu Kiliziya buri kintu cyose cyabaye guhereza.'

Yavuze ko hari igihe wumva umuntu avuga ngo ‘yampereje inka’, ibintu bifutamye kuko ubundi mu Kinyarwanda kiboneye baravuga ‘yampaye inka’.

Yagaye kandi abantu bazi Ikinyarwanda ntibakivuge neza ahubwo bakakigoreka bibwira ko ari ‘ubusitari’, ati: 'Abantu bibwira ko kubigoreka ukabivuga gutyo ari ubusitari.'

Yavuze ko niba binasaba amafaranga yashakwa bigakorwa hakigishwa Ikinyarwanda binyuze mu bitangazamakuru bitandukanye, ariko na none avuga ko utakangura umuntu wisinzirije. Ati: 'Ariko ntabwo nakwishyura umuntu ngo ye kugoroka.'

Perezida Kagame yavuze ko hari abanyamakuru nabo bakabaye batanga urugero rwiza ariko nyamara usanga nabo ubwabo badakoresha Ikinyarwanda uko bikwiriye.

Perezida Kagame yavuze ko itangazamakuru rifite uruhare rukomeye mu guteza imbere ikinyarwanda n’umuco

Abera Martina na Barore Cleophas Umuyobozi w’Urwego rw’Igihugu rw’Itangazamakuru ni bo bayoboye ikiganiro, aha bari kumwe na Perezida Kagame

Yabitangaje kuri uyu wa 17 Kamena 2024 mu kiganiro yagiranye n'Urwego rw'Igihugu rw'Itangazamakuru (RBA), ikiganiro cyayobowe na Cléophas Barore, usanzwe ari n'Umuyobozi Mukuru w'uru rwego afatanyije na Abera Martina.

Umukuru w'Igihugu yagize ati 'Abandi baza bagira ibyo batubwira ko ari byo dukwiriye, ibyo bazajye babyibwira, babibwire ababo cyangwa ab'ahandi, abo si Imana yaturemye. Barabivuga n'ejo uzabisanga nibucya turabisanga.'

Perezida Kagame yavuze ko u Rwanda rwahuye n'ibibazo biturutse hanze yarwo, bigasanishwa n'imibereho y'Abanyarwanda, ibyaje kurangira bivuyemo akaga.

Ati 'Urebye amateka mabi y'u Rwanda [ya Jenoside yakorewe Abatutsi] mu 1994, ntabwo ari Abanyarwanda gusa, ahubwo bashyizwe muri iyo nzira yo kwangana, kwibonamo ko batandukanye igihugu gihera aho ngaho kiradindira.'

Perezida Kagame yavuze ko nubwo ari ko Isi iteye, Abanyarwanda badakwiriye kwemera ibibagiraho ingaruka mbi.

Yavuze ko umurongo wafashwe nyuma ya Jenoside yakorewe Abatutsi ari na wo Igihugu kiganishamo, ha handi Abanyarwanda bagomba kumva ko batabaho babeshejweho n'abandi.

Ati “Ayo ni amahitamo ashingiye kuri ibyo. Ikindi ni ukubaka ubuzima bwacu bujyanye n'ayo mahitamo. Ntabwo wahitamo gusa ngo nurangiza wicare utegereze icy'Imana izagushyira mu biganza. Ibyo biganza yabiguhaye ngo ubikoreshe, ushobore kuba umuntu muzima nk'uko yabigennye.”

Yavuze ko ibyo ari byo bikwiriye guha Abanyarwanda urugendo n'icyerekezo baganamo, nk'uko amateka yahindutse ngo abantu barusheho gutera imbere bigakurikizwa.

Perezida Kagame yavuze ko Abanyarwanda bagomba kwishimira ibyo bagezeho kandi bagaharanira kugera ku byo bifuza, 'inkunga abantu badutera mu gufatanya natwe ikiyongera kuri ibyo.'

perezida kagame yavuze ko ntawe ukwiriye kugenera u Rwanda uko rubaho

Ibi byagarutsweho mu gikorwa cyateguwe na Mr Roof ifatanyije n'Ihuriro ry'Ibigo bikora ibijyanye n'Ubwubatsi mu Rwanda (RPDN), ibigo by'imari n'Umujyi wa Kigali. Ni igikorwa cyari kigamije kungurana ibitekerezo ku buryo bwo guteza imbere imiturire muri Kigali, kunoza imikoranire y'ibyo bigo na Leta ndetse n'uko bahangana n'imbogamizi zikigaragara muri urwo rwego.

Umuyobozi w'Umujyi wa Kigali, Dusengiyuma Samuel, yagaragaje uburyo Kigali ari Umujyi uri gutera imbere mu buryo bwihuse aho mu myaka 10 ishize hari inyubako nyinshi zitari zihari izindi zikiri kubakwa nyamara zikaba zarahinduye isura y'umujyi. Yatanze urugero ku nyubako nka Kigali Convention Centre, Kigali Height n'ahakorera Marriot Hotel ya Kigali.

Yavuze kandi ko iterambere ryihuta ry'Umujyi wa Kigali rinajyana n'ubwiyongere bw'abawutuye kandi ko ibyo ari mahirwe akomeye cyane ku bakora ibjyanye n'ubwubatsi n'imiturire.

Yagize ati 'Ubu muri Kigali, dufite abaturage bagera kuri miliyoni 1.2 cyangwa 1.3 kandi Loni iteganya ko mu 2050 tuzaba turi miliyoni 3.8. Igihe kirihuta hasigaye imyaka 25 gusa kandi abaturage bazaba barikubye gatatu ugereranyije n'abo dufite ubu,'

'Ayo ni amahirwe akomeye cyane mu bijyanye n'ubwubatsi.Tugomba kuzaha amacumbi abo bantu bose ndetse hazakenerwa n'ibiro ibigo bizagenda bivuka byose bizakoreramo'.

Uyu muyobozi yabwiye abakora mu by'ubwubatsi ko hari amahirwe anyuranye muri Kigali harimo ibibanza biri hafi y'agace kagenewe ubucuruzi (Centarl Business District) bikeneye kubakwa, kuvugurura cyangwa kwagura amazu asanzwe akorerwamo ubucuruzi n'ibindi. Yasabye abafite imishinga kwegera ubuyobozi bw'umujyi bakaganira ku kuyishyira mu bikorwa.

Umuyobozi Mukuru wa Mr Roof, Fatima Soleman, yavuze ko igikorwa cyateguwe mu rwego rwo kurushaho kwegera abakora mu bwubatsi kuko bakorana na bo cyane mu kububakira ibisenge bigezweho kandi byujuje ubuziranenge.

Yagize ati 'Navuga ko abakora mu bwubatsi bagize hejuru ya 50% by'abakiliya bacu kandi twiyemeje ko ubwubatsi bukorwa neza kurushaho. Dushaka gushakira ibisubizo hamwe muri urwo rugendo rw'ibyo bakora kandi ibi bituma dukorana, tugafatanya mu kumenya amahirwe ari muri uru rwego, ariko nanone tukareba n'imbogamizi zigihari n'uburyo twazishakira umuti dufatanyije n'inzego za Leta'.

Umuyobozi Wungirije wa RSSB, Kanyonga Louise yavuze ko iki kigo gifite imishinga ijyanye n'ubwubatsi ifite agaciro ka miliyari 450 z'amadolari harimo kubaka amazu yo guturamo, amahoteli, amashuri n'ibiro.

Yavuze ko kandi ku mazu yo guturamo batekereje ku kijyanye n'amikoro ku buryo abaturage benshi bazabasha kuyigondera.

Ati 'Hari imishinga dufite nk'uwa Heza Estate uzaba uri i Batsinda, uzaba urimo inzu ziciriritse kandi hari n'izindi dufite muri gahunda aho tuzareba uko inzu ziciritse nyazo twazubaka'.

Kanyonga yongeyeho ko RSSB yatangiye kuvugana n'abafatanyabikorwa kugira ngo bagirane imikoranire yo kubaka inzu ziciriritse ndetse ko hari gutekerezwa n'uburyo bwo korohereza Abanyarwanda kugura ayo mazu nko kujya bishyura mu byiciro ku batabonera amafaranga rimwe.

Umuyobozi Mukuru wa Mr Roof, Fatima Suleiman yavuze ko igikorwa cyateguwe mu rwego rwo kurushaho kwegera abakora mu bwubatsi kuko bakorana na bo cyane

Kanyonga Louise yavuze ko RSSB ifite imishinga ijyanye n'ubwubatsi ifite agaciro ka miliyari 450$ harimo n’imishinga y’inzu ziciriritse

Meya Dusengiyumva yavuze ko iterambere ryihuta ry'Umujyi wa Kigali rinajyana n'ubwiyongere bw'abawutuye kandi ko ibyo ari mahirwe akomeye cyane ku bakora ibjyanye n'ubwubatsi

Abakora mu by’ubwubatsi bunguranye ibitekerezo

Hagaragajwe ubwiza bw’igishushanyombonera cy’Umujyi wa Kigali

Itangazo rigaragaza ko itangizwa ku mugarago ry'ikorwa ry'ibizamini rizaba ku wa 18 Kamena 2024 mu Kigo cya Saint Joseph Integrated College giherereye i Nyamirambo mu Karere ka Nyarugenge no mu Karere Rwamagana.

Biteganyijwe ko Umunyamabanga wa Leta muri Minisiteri y'Uburezi, Irere Claudette ari we uzatangiza ku mugaragaro ikorwa ry'ibyo bizamini ku biga amashuri yisumbuye y'imyuga n'ubumenyi ngiro kuri Saint Joseph Integrated College Nyamirambo.

Ku rundi ruhande Umunyamabanga wa Leta muri Minisiteri y'Ubuzima azatangiza ibizabimini bijyanye n'ubuforomo (Associate Nursing Program, ANP) bizakorerwa mu Bitaro bya Rwamagana aho abiga muri GS St. Aloys Rwamagana bazakorera ibizamini byabo.

Ibizamini ngiro (practical) biba bigamije gusuzuma ubumenyi n'imyitwarire y'abanyeshuri mu rwego rwo gukomeza kubaka umunyeshuri ushoboye no kugaragaza ko ashobora gukoresha ubumenyi yahawe mu ishuri.

Abanyeshuri biga mu mashuri yisumbuye ya tekinike imyunga n'ubumenyi ngiro bagiye gukora bangana na 26,482 barimo abakobwa 11,976 n'abahungu 14,506 biga mu bigo 330.
Bitaganyijwe ko ibyo bizamini bizabera kuri site 203 zatoranyijwe hirya no hino mu gihugu.

Ku ruhande rw'abiga ubuforomo abanyeshuri bazakora ibizimani bisoza amashuri yisumbuye ni 203 barimo abahungu 100 n'abakobwa baturuka mu bigo by'amashuri birindwi.

Biteganyijwe ko ibizamini byabo bizabera mu Bitaro bya Gahini, Ibitaro bya Kabutare, Kibogora, Kigeme, Remera Rukoma, Ruhengeri Referral Hospital na Rwamagana.

Mu mpera za 2021 ni bwo Leta y'u Rwanda yatangije Porogaramu y'Amasomo y'Ubuforomo mu mashuri yisumbuye, hagamijwe kuvuguta umuti w'ibibazo by'ubuke bw'abakozi bo mu nzego z'ubuvuzi barimo abaforomo n'ababyaza.

Abiga ubumenyi ngiro bagiye gukora ibizamini bisoza ayisumbuye

Mu kiganiro n'itangazamakuru cyayobowe n'Umuyobozi w'Urwego rw'Igihugu rw'Itangazamakuru, RMC, akaba n’Umuyobozi w’Ikigo cy’Igihugu cy’Itangazamakuru, RBA, Barore Cléophas na Abera Martina cyabaye kuri uyu wa 17 Kamena 2024, Perezida Kagame yagarutse ku ngingo zitandukanye zirebana n'ubuzima bw'igihugu.

Yahereye ku ngingo yo kuba Abera uri mu bayoboye ikiganiro ari ubwa mbere agiye gutora, agaragaza ko abakiri bato b’u Rwanda bakwiriye gukura batekereza ku cyerekezo bashaka guha ubuzima bwabo.

Ati: 'Ugiye gutora bwa mbere, warakuze ujya mu mashuri abanza, ukomeza mu yisumbuye n'ayandi, ibyo wize byose wakabaye wibaza gute nabishyira mu bikorwa, gute nabikora ngo bingirire akamaro umuryango wanjye ariko n'igihugu muri rusange.'

Yavuze ko kugira ngo urubyiruko rugire uruhare mu kubaka igihugu, byakabaye bijyana n’uko biga. Ati: 'Ibi byakabaye bijyana n’ibyo twize, nzaba iki? bikajyana ariko n'impamvu ukora ibyo.'

Perezida Kagame yagaragaje ko bigoye gutsinda uri wenyine, ahubwo bisaba gutsinda ariko unafasha abandi kubigeraho, kuko biba byiza kubaho uzengutswe n'abatsinzi, akaba ari byo byubaka igihugu.

Yavuze ko kugera kuri ibyo byose bijyana no kwiremamo icyizere. Ati: 'Kandi ugomba kwigirira icyizere, abantu ntibagira ubushobozi bumwe, ntukazajye ukora ibintu ushingiye ku bandi bantu, ahubwo reba wowe ukwiriye kuba nde.'

Ibi bishimangira ingingo y'ibyo aheruka kubwira urubyiruko ko utagira abandi abatsinzi na we utsindwa.

Yagaragaje ko hari ibyo urubyiruko rwakoze kugera aho u Rwanda rugeze ubu, avuga ko rwagize uruhare mu Kubohora igihugu ndetse n'ubu hari ibikorwa bari kugiramo uruhare, icyakora ntabwo baragera ku rwego rwifuzwa. 

Nubwo hari urubyiruko rutekereza ko byahita bigerwaho ako kanya, Umukuru w’Igihugu yavuze ko guha ubuzima igisobanuro cyawe n'igihugu ni ibintu bifata igihe.

Yagaragaje ko nko muri Guverinoma benshi ari urubyiruko kandi bari gukora neza, ariko atanga inama ko nta kwirara niba ukoze neza ati: 'Abantu na rimwe ntibazigere bumva ko byarangiye, bagomba guhora iteka batekereza ku cyakorwa.'

Nk'umubyeyi wuzukuruje, Perezida Kagame yavuze ku Rwanda yifuriza abakiri bato. Yavuze ko uburere ababyeyi baha abana none ari bwo buzagena ahaza h'igihugu ati: 'Uko tubarera ubu bivuze ejo hazaza.'

Yavuze ahazaza yifuriza abakiri bato ati: 'Ejo hazaza tubifuriza ni uko bazagira uruhare muri ejo hazaza.'

Perezida Kagame yavuze ko ibikorwa none ari byo abakiri bato bazubakiraho, mbega bazagendera mu birenge by'abakuze.

Yatanze igisobanuro cy'amatora, ati: 'Amatora ni nko kuvuga ngo ibyacu birambe uko bagenda barutana buri wese agende agera ikirenge mu cyundi.'

Yavuze ko nubwo bombori bombori ari yose, ariko u Rwanda rwiteguye neza igikorwa cy’amatora. Yabisobanuye ahereye ku bihe byo kwiyamamaza byeregereje.

Perezida Kagame ati: 'Ndibwira ko ntakizahinduka murabizi Tora Tora, Ndandambara yantera ubwoba, ntabwo nshidikanya ko igihugu cyiteguye kandi ntakizadutera ubwoba, kandi nubwo hari bombori bombori hirya no hino ariko iyo ngiyo dufite umuti wayo.'

Ibi yabitangaje mu kiganiro yagiranye na InyaRwanda ku murongo wa Telephone mu gitondo cyo kuri uyu wa mbere.  Kuri uyu wa gatandatu nibwo ikipe ya Rayon Sports yacakiranye na APR FC mu mukino wo gusuzuma Sitade Amahoro, amakipe yombi akaba yarashoje nta nimwe irebye mu izamu.

Ni umukino wasize amakuru menshi harimo abakinnyi bashya bari mu igerageza ku ruhande rwa Rayon Sports, abatoza b’ikipe y’abagore bagaragaye kuri uyu mukino ndetse n’ibindi.  Aganira na InyaRwand, Ngabo Roben Umuvugizi wa Rayon Sports yatangiye agaruka ku itandukana n’umutoza wayo waburaga iminsi mike ngo asoze amasezerano.

Yagize Ati ‘Yego umutoza Julien Mette yatandukanye na Rayon Sports kuko yari afite amasezerano azarangirana n’uku kwezi ndetse ku mugoroba washize yari afite itike y’indege imusubiza mu biruhuko.

Icyatumye adatoza umukino ni uko yagaragaje ko arwaye mu nda mbese umubiri we utameze neza bituma hafatwa umwanzuro ko Rwaka Claude ari we mutoza uri buyitoze cyane ko imitegurire y’uyu mukino Julien Mette yafatanyaga na Rwaka. Kugeza kuri ubu Rayon Sports nta mutoza mukuru Ifite ubu hagiye gutangira guhunda yo gushaka umutoza, bigenze neza ubwo Rayon Sports izatangira imyitozo (Tariki ya 01/07/2024) twakabaye dufite umutoza Mukuru.'

Kubijyanye n’abakinnyi bashya, Roben yavuze ko hari abakinnyi bashimye. Yagize Ati” Abakinnyi Rayon Sports yakoresheje ku wa 6 bari biganjemo abari mu igeregeza. Harimo abatsinze igerageza Rayon Sports yifuza kugumana harimo n’abandi batatsinze tuza gushimira. Yaba abakinnyi basinye n’anatarasinya bose igihe nikigera tuzababatangariza.”

Agaruka kuri Niyonzima Olivier Saif, Roben yavuze ko ari umukinnyi mwiza wabaye muri Rayon Sports mu gihe yari mu bihe byiza bitazibagorana, avuga ari umukinnyi kuri ubu udafite ikipe ndetse aba Rayon Sports benshi baramwifuza kandi ari mu biganiro n’ikipe nibikunda azasinya.”

Abatoza batoza ikipe y’abagore ya Rayon Sports nibo bari abatoza bakuru ku mukino wo ku wa 6

Ngabo Roben yashoje asaba abafana ko bakumva gahunda y’ikipe kuko nta handi ikura. Ati” Nk’uko Perezida yabivuze ikipe ya Rayon Sports ni iy’abafana ntabwo ari ikipe ifite ikigo yegamiyeho. Iyo umufana abonye ikipe idatanga abakinnyi we yumva yifuza ntakagire ngo n’ubuyobozi buba bwishimye. Gusa kuri ubu twamaze gufata umurongo tugendeye ku bushobozi kuko ntabwo tuzigera dusinyisha umukinnyi tutazabasha guhemba. Ikindi kandi abafana baze hafi twubake ikipe nk’uko basanzwe babigenza mu gikorwa cyo kugurira umukinnyi Rayon Sports ikipe yabo.”

Abakinnyi bakinnye ku wa 6 harimo abo Rayon Sports yashimye 

Rayon Sports hari haciye icyumweru ivugwamo amazina y’abakinnyi bakomeye barimo Hakizimana Muhadjri wongereye amasezerano muri Police FC, Ombolenga Fitina na Ishimwe Christian bavuye muri APR FC Haruna Niyonzima, gusa aba bose nta wasinyiye iyi kipe yambara umweru n’ubururu.

Frank Murangwa yari Umuyobozi mu Kigo cy'Igihugu gishinzwe gutegura Inama, Rwanda Convention Bureau, ndetse yanabaye Umuyobozi w'Agateganyo wacyo guhera muri Mutarama 2016 kugera mu Ugushyingo 2017.

Murangwa afite inararibonye mu bijyanye n'imenyekanishabikorwa mu bukerarugendo ndetse akaba yaranize ibirebana nabwo.

Afite icyiciro cya kabiri cya Kaminuza yakuye muri Kaminuza ya Makerere muri Uganda n'Icyiciro cya gatatu cya Kaminuza yakuye muri Breda University of Applied Science mu Buholandi aho yize ibijyanye n'imicungire y'icyekerekezo cy'ubukerarugendo.

Ubuyobozi bwa ICCA bwatangaje ko imyaka 15 y'uburambe afite muri urwo rwego izafasha iri huriro gukomeza kunoza inshingano zaryo by'umwihariko ku Mugabane wa Afurika.

Umuyobozi Mukuru wa ICCA, Senthil Gopinath, yagaragaje ko bishimiye kwakira Murangwa Frank ku buyobozi bw'Ishami ry'iryo huriro ku rwego rw'Afurika.

Ati 'Buri umwe muri ICCA ahaye ikaze Frank. Ubunararibonye bwe bumugira umuntu ukwiye inshingano yahawe zo kuyobora Ishami rya ICCA Africa kandi twishimiye kuba tumufite. Itsinda rya ICCA ubu rikomeye kurusha mbere kandi turaharanira ko twagura imikorere yacu ku isoko rya Afurika dufatanyije na Frank uduhagarariye mu karere.'

Ku rundi ruhande Murangwa Frank yagaragaje ko yishimiye kuba yagiriwe icyizere n'ubuyobozi bwa ICCA bwo kumuha inshingano nk'izo ziremereye.

Ati 'Nishimiye kwinjira mu muryango udasanzwe kandi nshaka kuzamura ubumenyi n'ubunararibonye bwanjye mu gutanga umusaruro ukwiye.'

Mu 2017 Ikigo Street of Gold Foundation cyahaye Murangwa igihembo cy'umuntu wateje imbere ubukerarugendo bushingiye ku nama [MICE], cya MICE ICON 2017.

Murangwa yagizwe Umuyobozi w’Ishami rya ICCA muri Afurika

Ibyishimo ni byose mu muryango w’umuhanzi Rusanganwa Norbert wamamaye nka Kenny Sol n’umufasha we Kunda Alliance bibarutse imfura ya bo.

Ejo hashize ku wa 16 Kamena 2024, umunsi wahariwe abayeyi b’aba Papa, nibwo Kenny Sol yagaragaje ibyishimo n’umunezero yatewe no kuba umubyeyi.

Kenny Sol abinyujije ku mbuga nkoranyambaga ze yasangije abamumurikira amafoto agaragaza ko we n’umufasha we bibarutse umwana w’umukobwa, atangaza ko yishimiye kwizihiza umunsi w’ababyeyi b’aba papa yibaruka imfura ndetse ko atewe ishema no kwitwa Papa.

Yagize ati “Umunsi mwiza w’ababyeyi b’aba papa mwese mutewe ishema no kuba papa nkanjye.”

Ni amafoto abiri harimo imwe igaragaza Kenny Sol ashyiriye umufasha we indabo nyuma yo kwibaruka n’indi imwe ari mu cyumba babyarizamo (Delivery room) ateruye umwana ubona ko ibyishimo ari byose.

Kenny Sol n’umufasha we Kunda Alliance Yvette basezeranye imbere y’amategeko ku wa 5 Mutarama 2024, mu muhango wabereye ku Murenge wa Nyakabanda.

Ku wa 14 Mata 2024, nibwo Kenny Sol yashyize hanze amafoto agaragaza ko we n’umufasha we bitegura kwibaruka, icyo gihe yari arimo no gutegura indirimbo ‘2 in 1’ aheruka gusohora. Ubu aba bombi bamaze kwibaruka umwana w’umukobwa.

Kenny Sol ubwo yari agiye kureba umugore we amaze kwibaruka

Kenny Sol yishimiye kwibaruka

RUKUNDO Sulaiman / ISIMBI.RW