Author: webrwanda

Ibiganiro byahuje abayobozi bombi byabaye kuri uyu wa 21 Kamena 2024.

Umuyobozi Mukuru w'Ishami ry'Umuryango w'Abibumbye rishinzwe ishyirwa mu bikorwa ry'imishinga (UNOPS), Jorge Moreira Da Silva yagaragaje ko ari ishema bafite gukorana n'u Rwanda mu bijyanye no gushyira mu bikorwa imishinga ifitanye isano n'ibikorwa remezo.

Yavuze ko politike n'amafaranga ari ingenzi ariko iyo habuze ubushobozi bwo kurangiza imishinga yatangiwe urugamba rw'iterambere rutagerwaho uko bikwiye.

Ati 'Twari dufite inyota yo gukorana n'u Rwanda, igihugu kimaze iminsi gifite ijambo muri Afurika no ku Isi haba mu biganiro mpuzamahanga ariko no mu bijyanye n'ubufatanye bugamije inyungu z'impande zombi kandi twizeye ko no kuri UNOPS bizaba ari amahirwe akomeye.'

Iri shami rishya rya Loni rikorana n'ibihugu 85, ndetse hari aho ryafashije mu gukurikirana imirimo yo kubaka amashuri, ibitaro, imihanda, imiyoboro y'amashanyarazi n'ibindi rigahamya ko byagenze neza.

Minisitiri w'Ububanyi n'Amahanga n'Ubutwererane, Olivier Nduhungirehe yagaragaje ko u Rwanda rusanga UNOPS yafasha mu kwihutisha imishinga ihari kimwe n'indi izatangira mu bihe biri imbere.

Ati 'Bavuze ku byerekeye ubufatanye n'ukuntu UNOPS yakomeza ubufatanye n'u Rwanda kugira ngo imishinga ihari ndetse n'indi mishinga twakwifuza bayigiramo uruhare.'

Yanavuze ko mu mishinga UNOPS ishobora gufashamo u Rwanda harimo ijyanye n'ubuzima, amashuri n'ibindi.

Amashami y'umuryango w'Abibumbye menshi afite ibiro mu Rwanda ndetse afatanya na Leta mu bikorwa bitandukanye bigamije iterambere ry'igihugu n'abaturage muri rusange.

Abayobozi ku mpande zombi baganiriye ku bufatanye mu gushyira mu bikorwa imishinga

Umuyobozi Mukuru w'Ishami ry'Umuryango w'Abibumbye rishinzwe ishyirwa mu bikorwa ry’imishinga (UNOPS), Jorge Moreira Da Silva yagaragaje ko bari banyotewe gukorana n’u Rwanda

Minisitiri w’Ububanyi n’Amahanga n’Ubutwererane Olivier Nduhungirehe yavuze ko ubufatanye buzerekeza mu mishinga irimo uburezi n’ubuzima

Nyuma y’ibiganiro bakomeje kungurana ibitekerezo

Muri iki cyumweru kiri kugana ku musozo, abahanzi nyarwanda biganjemo abahimbye izijyanye n'ibihe by'amatora abanyarwanda bari hafi kwinjiramo, abakora umuziki wo kuramya no guhimbaza Imana ndetse n'abakora usanzwe ntibahwemye gushyira hanze indirimbo nshya kandi zinogeye amatwi.

Mu ndirimbo zagiye ahagaragara muri iki cyumweru, InyaRwanda yaguhitiyemo 10 muri zo ziyoboye izindi zagufasha gusoza neza icyumweru, ari nako witegura kwinjira mu gishya kizatangira tariki 24 Kamena 2024.

1.     Ogera — Bwiza ft Bruce Melodie

“>

Iyi ndirimbo aba bahanzi bombi bahuriyemo bise 'Ogera' ivuga ibigwi Perezida Kagame, Umukandida wa FPR-Inkotanyi wemerewe na Komisiyo y'Igihugu y'Amatora (NEC) kwiyamamariza kuyobora u Rwanda mu matora y'Umukuru w'Igihugu n'ay'Abadepite ateganyijwe muri Nyakanga uyu mwaka.

Ikorwa ry'iyi ndirimbo 'Ogera' ni igitekerezo cyashibutse kuri Bwiza wifuzaga gukora indirimbo igaruka kuri Perezida Paul Kagame mu rwego rwo kugaragaza bimwe mu bikorwa yakoreye u Rwanda n'Abanyarwanda mu myaka 30 ishize.

2. Igikumwe — Khalfan Govinda ft Tom Close, Massamba Intore, Marina,Uncle Austin, Fireman,The Nature

“>

Muri iki cyumweru, umuraperi uri mu bakomeye Khalfan Govinda yashyize hanze indirimbo ‘ikomeye kuri we’ yise 'Igikumwe' yahurijemo abahanzi b’ikiragano gishya ndetse n’abamaze igihe mu muziki, yitsa cyane ku kwamamamza Perezida Paul Kagame mu matora ateganyijwe, kandi yabikoze kubera umubyeyi we.

Yabwiye InyaRwanda ko ashingiye ku rugendo rw’imyaka 30 ishize, aho Perezida Kagame yakuye u Rwanda, iterambere Abanyarwanda bagezeho byamugejeje ku gukora iyi ndirimbo yise ‘Igikumwe’.

3.     Injyana — Ariel Wayz ft Juno Kizigenza

“>

Kwizera Bosco [Juno Kizigenza] na Uwayezu Arielle [Ariel Wayz] bari mu bahanzi bamaze imyaka itari micye batigisa imihanda ya Kigali n’imyidagaduro muri rusange binyuze mu buhanga bagaragaza mu byo bakora, ariko na none izina ry'umwe iyo rivuzwe ryumvikanamo iry'undi biturutse ku nkuru z'urukundo rwabo.

Nyuma y'igihe ibyabo bicecetse, aba bombi bongeye guhurira mu ndirimbo bise 'Injyana' yakozwe nk'ishimwe kuri Perezida Kagame nk’uko Ariel Wayz yabivuze ati: 'Twayikoreye umugabo wakuye igihugu cyacu mu ivu.'

4.     Sekoma — Chriss Eazy

“>

Christian Rukundo Nsengimana [Chriss Eazy] nawe muri iki cyumweru yashyize hanze indirimbo yari amaze iminsi ateguza, ikoze mu buryo bwihariye burimo udushya twinshi.

Uyu muhanzi ubihuza no gutunganya amashusho amenyereweho, igaragaramo kandi umukobwa mushya mu birebana n'amashusho y'indirimbo, Kayumba Darina. Mu kiganiro na InyaRwanda, Chriss Eazy yasobanuye impamvu yo guhitamo uyu mukobwa harimo kuba barabonye ari we uhura n'inkuru ikindi n'izina afite bumvise rizarushaho kuyizamura.

5.     Yeriko — Israel Mbonyi

“>

Umuhanzi ufatwa nka nimero ya mbere mu muziki mu bakora indirimbo zubakiye ku ivugabutumwa ry'Imana, yashyize ahagaragara amashusho y'indirimbo yo gushima Imana iri mu rurimi rw'Igisawahili n’Ikinyarwanda yise 'Yeriko.'

Hari aho agira ati: 'Muze murebe Yeriko, inkike ziraguye ngizo ziraguye, mutere hejuru, muririmbe ngizo ziraguye, twinjiranye amashimwe mu masezerano.'

6.     Abagenzi – Ben & Chance

“>

Abaramyi Mpuzamahanga Ben na Chance bamaze amasaha macye bashyize hanze indirimbo bise ‘Abagenzi,’ ikaba ari indirimbo ishimangira ko uwizera igitambo Imana yatanze (Yesu Kristo) azabona ijuru nubwo yaba ari umwana muto.

7.     Ikipe Itsinda – Nsengiyumva ft Agnès

“>

Umuhanzi Nsengiyumva François nka Gisupusupu, yongeye gukoza mu nganzo ahuza imbaraga n'umuhanzikazi Niyorukundo Agnès bahuriye mu inzu ifasha abahanzi mu bya muzika ya 'The Boss Papa', bashyira hanze indirimbo bise 'Ikipe itsinda' mu rwego rwo kwamamaza Perezida Kagame mu matora y'Umukuru w'Igihugu.

Mu nyikirizo y'iyi ndirimbo baririmba bagira bati 'Ikipe itsinda nta muntu uyihindura, ikipe itsinda n''iyo gusigasirwa, nicyo gituma nzatora Kagame Paul, kuko ariwe mutoza w'iyo kipe itsinda.'

8.     Zembela — Mulix

“>

Murumuna wa TMC, Mulix yashyize hanze indirimbo nshya yise “Zembela” yakorewe na Prince Kiiz muri Hybrid Music inzu nshya itunganya imiziki ya Prince Kiiiz, akaba yarifashishije muri iyi ndirimbo General Benda na Shakira Kay bombi bagezweho mu gisata cyo kubyina.

Mulix watangaje ko intego ye nyamukuru ari ugukorera mu ngata mukuru we TMC watanze ibyishimo mu gihe, aririmbira umukobwa avuga ko ari we wenyine akunda gusa, kandi ko atamufite atabaho ndetse ko ariwe mpamvu y’ibyo akora byose. 

9.     Satisfait — Jean Christian Irimbere

“>

Umuramyi Jean Christian Irimbere yakoze ku mitima y'ibyamamare binyuranye muri iki cyumweru, ashyira hanze indirimbo yise 'Satisfait.' Iyi ndirimbo “Satisfait” ni Igisobanuro cy'indirimbo yo gushima isobanura ko muri Yesu anyuzwe.

10. Everybody Ku Gipfunsi – Babo Ekeight

“>

Umuhanzikazi Babo uri mu bahanzi nyarwanda bagiye gutora ku nshuro ya mbere mu matora y’Umukuru w’Igihugu n’ay’Abadepite azaba muri Nyakanga, kuri uyu wa Gatanu tariki 21 Kamena 2024 yashyize hanze indirimbo nshya yise ‘Everybody Ku Gipfunsi’ nyuma y’umwaka urenga adashyira hanze indirimbo.

Mu bandi bashyize hanze indirimbo muri iki cyumweru harimo Papi Clever & Dorcas basohoye indirimbo iri mu rurimi rw’Icyongereza bise ‘How Beautiful Heaven Must Be,’ Angell Mutoni witambaje Kivumbi King mu ndirimbo yise ‘Bounce,’umuramyi Vumilia wasohoye iyitwa ‘Munyamibabaro we!’ n’abandi banyuranye.

   

Uyu mukobwa ufite Nimero 30 imuranga muri iri rushanwa yageze kuri uyu wa Gatanu tariki 21 Kamena 2024 ayoboye, mu gihe habura amasaha macye kugirango iri rushanwa risozwe.

Akurikiwe na Isaro Rosine Utezeneza ufite Nimero 36 uri ku mwanya wa Kabiri n’amajwi 3,464- Uyu mukobwa yari amaze igihe kinini ari we uri kuri uyu mwanya nyuma yo kuwusimburaho Rutayisire.

N’ubwo bimeze gutya ariko kuri uyu wa Gatandatu tariki 22 Kamena 2024, ni bwo hazamenyekana uwahize abandi mu majwi. Ariko kandi 10 ba mbere mu majwi bazagira amahirwe yo gukomeza mu kindi cyiciro.

Ku mwanya wa Gatatu hariho Prechia Kamikazi ufite amajwi 2,163, uyu mukobwa yari amaze igihe ari ku mwanya wa Kane. Ku mwanya wa Kane hajeho Tuyizere Justine ufite Nimero 4, uyu mukobwa agejeje amajwi 2,101.

Ni mu gihe ku mwanya wa Gatanu [Nimero 20] hariho Diana Benegusenga ufite amajwi 2,000. Ni ubwa mbere uyu mukobwa abonetse muri batanu ba mbere. Yasimbuye Clarisse Dusenge ndetse na Eddy Yakin Mugisha bari bamaze igihe basimburana kuri uyu mwanya.

Aya matora ari kubera ku rubuga rwa www.noneho.com kuva ku wa 17 Gicurasi 2024, azasozwa kuri uyu wa Gatandatu tariki 22 Kamena 2024, ari nabo hazamenyekana abasore n'inkumi bakomeza mu cyiciro cya nyuma.

Umuyobozi uhagarariye Embrace Africa itegura amarushanwa ya Rwanda Global Top Model, Ndekwe Paulette, aherutse kubwira InyaRwanda ko hari hiyandikishije abantu 162, nyuma y'isuzuma ryakozwe n'Akanama Nkemurampaka kemeza ko 101 aribo binjira mu cyiciro cy'amatora yo kuri Internet.

Ati 'Twahisemo 101 tubona bajyanye n'ibyo twashingiyeho ubwo ndavuga ko ibyo bagombaga kuba bujuje. Dukorana n'amarushanwa atandukanye yo ku Isi, ku buryo ugize amahirwe yo gutsinda muri Rwanda Global Top Model tumufashe kwitabira ariya marushanwa mpuzamahanga dukorana nayo.'

Akomeza ati 'Dushingira cyane ku kureba umukobwa/umusore wujuje iby'amarushanwa Mpuzamahanga y'imideli dukorana nayo (ibyo) adusaba, hanyuma tugahitamo ababikwiriye kurusha abandi. Ariko bitavuze ko atabashije gukomeza batabikwiye, ahubwo ni uko batahiriwe. Turabifuriza kuzageragera ku yindi nshuro.'

Ndekwe Paulette avuga ko ashima Leta “idufasha mu gushyigikira impano z'urubyiruko” kuko bibafasha muri byinshi, aho guta umwanya mu biyobyabwenge n'ibindi byabangiriza ejo hazaza.

Ndekwe Paulette yavuze ko iyi nshuro uzegukana umwanya wa mbere azahabwa amafaranga ataratangazwa umubare, ndetse bazamufasha kwitabira amarushanwa mpuzamahanga akomeye ku isi.

Uzegukana umwanya wa Kabiri azahembwa ibihumbi 500 Frw, uzegukana umwanya wa Gatatu azahembwa ibihumbi 300 Frw.

Ni mu gihe uzahiga abandi mu gutorwa cyane kuri internet azahembwa ibihumbi 300 Frw. Mu bindi biteganyijwe ni uko abazatsinda bose, bateguriwe kuzatemberezwa ahantu nyaburanga hihariye.

30 bazagera mu cyiciro kibanziriza icya nyuma bazahatana mu matora yo kuri internet azaba guhera tariki 25 Kamena 2024 kugeza tariki 12 Nyakanga 2024.

Abanyamideli 30 bazatorwamo 5 bazaba bahize abandi mu kugira amajwi menshi mu itora ryo kuri internet (Most Voted), 5 bazaba bahize abandi mu kwishimirwa n'abatoye (Public Choice). 

KANDA HANO UBASHE GUTORA UWO USHYIGIKIYE MURI AYA MATORA

Rutayisire Saluwa yisubije umwanya wa mbere mu matora yo muri iri rushanwa 

Saluwa Rutayisire yagiye asimburana ku mwanya wa mbere na Rosine

 

Ni igikorwa cyabaye ku wa 20 Kamena 2024, ubwo BK yari yasuye aba bakiliya barimo abafite ibigo by'ubucuruzi, abanyamahoteli, abafite ibigo by'ubwubatsi, n'abashoramari mu buhinzi n'ubworozi.

Abakiliya basobanuriwe ko mu rwego rwo kubarinda gutonda imirongo ahari amashami yayo, ubu serivisi zose umukiliya wayo yakenera, kuva ku gufungura konti kugera ku kubitsa no gusaba inguzanyo ashobora kubikorera kuri telefone atavuye aho ari.

Mu bindi abakiliya basobanuriwe harimo inguzanyo nshya banki itanga, zigenewe abagore itabasabye ingwate.

Mbere yo gusabana n'abakiliya no kungurana ibitekerezo, abayobozi bakuru ba BK basuye bimwe mu bikorwa by'abakiliya bayo mu karere ka Rusizi na Nyamasheke barimo Kivu Choice Ltd, ikora ubworozi n'ubucuruzi bw'amafi, RUMEAT iri kubaka ibagiro rigezweho mu Karere ka Rusizi, Diyoseze Gatolika ya Cyangungu ikora ibikorwa birimo ivugabutumwa, ubuhinzi n'ubworozi no kwakira no gucumbikira abakiliya, na SOTRACOGE icuruza ibinyobwa bya Bralirwa.

Umuyobozi Mukuru wa Banki ya Kigali, Dr. Diane Karusisi yavuze ko guhura n'abakiliya bayo, igasura ibikorwa byabo bakanungurana ibitekerezo bituma iyi banki iguma ikomeye kandi n'abakiliya bayo bagakomeza gutanga umusanzu ukomeye mu guteza imbere igihugu.

Ati 'Nta rindi banga dukoresha ni ukwegera abakiliya bacu. Twazanye n'ikipe nini kugira ngo tubegere kuko iyo tubegereye tukamenya ibibagoye cyangwa ibyo bashaka tubashyiriraho serivisi zibanogeye, ku buryo batugirira icyizere tugakomeza imikoranire. Mu bucuruzi bwose iyo wegera abakiliya bawe mukamenyana ukamenya ibyo bakeneye mukorana neza'.

Mukankaka Verena, umucuruzi wo mu Karere ka Rusizi ukorana na BK yavuze ko nk'abacuruzi iki gikorwa bacyakiriye neza kuko hari ibintu byinshi bamenye batari bazi.

Ati 'Iriya nguzanyo y'abagore idasaba ingwate ntabwo nari nyisobanukiwe, ngiye gushishikariza bagenzi banjye kwitabira gufata iriya nguzanyo babashe kwiteza imbere'.

Umucangamutungo wa koperative y'abamotari ba Rusizi yashimye iki gikorwa avuga ko cyatumye bamenya serivisi nziza BK ifite batari bazi.

Ati 'Ibiganiro byatanzwe n'abakozi ba BK bashinzwe servisi zitandukanye hari byinshi tutari tuzi byatumaga hari abantu batinya BK bakayumva ko ari banki y'abantu bakomeye gusa ariko twasanze ari banki buri Munyarwanda wese yageramo akabona serivisi nziza'.

BK ni banki y'ubucuruzi yashinzwe na Repubulika y'u Rwanda mu 1966, itangirira mu Mujyi wa Kigali ariko yaje kugenda yaguka igaba amashami hirya no hino mu gihugu.

Abakiliya ba BK basobanuriwe amahirwe ari mu gukorana n'iyi banki arimo no kuba igiye gutangira gutanga inguzanyo izajya ihabwa abagore nta ngwate

Abitabiriye ibi biganiro basanze kuba umukiliya wa BK bidasaba kuba uri umunyemari nk'uko bamwe babitekereza

Shanelle Umuraza yasabye abakiliya ba BK gutinyuka gukoresha ikoranabuhanga rya BK kuko ritagoye

Mu bakiliya ba BK bo muri utu turere harimo n’abanyamahanga

Abayobozi ba BK begereye abakiliya babo bo mu Karere ka Rusizi na Nyamasheke kugira ngo bungurane ibitekerezo ku mikorere n’imikoranire

Umuyobozi Mukuru wa Banki ya Kigali, Dr Diane Karusisi yasuye ibikorwa by’abakiliya

Banki ya Kigali yasabanye n’abakiliya bayo bo mu Karere ka Rusizi na Nyamasheke

Ni ingingo yagarutseho mu biganiro byateguwe n'Urugaga rw'Abikorera mu Rwanda, PSF, byahurije hamwe inzego zitandukanye z'ubucuruzi bw'ibyinjira n'ibisohoka mu gihugu ndetse n'abahuza babo ku byambu ibyo bicuruzwa binyuraho.

Byari bigamije kurebera hamwe ahazaza n'iterambere ry'urwego rw'ubwikorezi bw'ibyoherezwa n'ibitumizwa mu mahanga cyane hashingiwe ku mihindagurikire y'Isi ya none.

Dr Ngabitsinze, yavuze ko ibibazo byibasiye Isi mu myaka ishize byatumye ikiguzi mu bwikorezi kizamuka, hakaba hakwiye guhuriza hamwe imbaraga kw'ibihugu no gutegura imishinga ihuriza hamwe inzego zinyuranye igamije iterambere ry'uru rwego.

Ati 'Abantu bagomba gukorana neza bakumvikana mu buryo bwa politiki, ikindi ni ugushyiramo amafaranga menshi kuko hari inzira nyinshi zigomba kubakwa, nka twe mu Rwanda ntituri ku mazi magari kandi bisaba ko izo nzira tuzigeraho kandi bisaba amafaranga n'ubwumvikane bw'ibihugu dukorana nabyo.'

Kuri ubu mu Rwanda huzuye icyambu gishya cyubatswe ku kiyaga cya Kivu mu Karere ka Rubavu, gitwaye asaga miliyoni $9. Iki cyambu cyitezweho kuzoroshya ubuhahirane hagayi y'u Rwanda na Repubulika Iharanira Demokarasi ya Congo n'ibindi bihugu.

Dr Ngabitsinze, yavuze ko ku bufatanye n'abafatanya bikorwa bandi, n'imirimo yo kubaka ibyambu bya Rusizi, Rutsiro, na Karongi nayo irimbanyije.

Umuyobozi w'Urwego rwa Kenya rushinzwe Ibyambu [Kenya Ports Authority, KPA], Cpt William Ruto, yavuze ko bimwe mu byo u Rwanda rwakigira kuri Kenya mu rwego rw'ubwikorezi harimo gukoresha neza igihe cy'abakiliya, kwimakaza imikoreshereze y'ikoranabuhanga ndetse no gushora imari mu bikorwaremezo byaba ibya gali ya moshi, imihanda yo ku butaka n'ubwikorezi bwo mu mazi.

Ati 'Twasabwe na Guverinoma y'u Rwanda gushyiraho ikoranabuhanga ryakoroshya ubucuruzi bw'iya kure ku buryo n'Abanyarwanda babasha kwishyura bidasabye kuvunjisha amafaranga yabo, ikindi kwari ugutanga serivisi z'amasaha 24/24 kuri ubu tukaba dutanga izo serivisi.'

Kuri ubu muri Kenya hari ubutaka iki gihugu cyashyikirije u Rwanda mu cyanya cyahariwe Inganda cya Naivasha. Rwahawe hegitari 4,047, zo kwifashisha mu koroshya itwarwa ry'ibicuruzwa bivanywe ku cyambu cya Mombasa bigana i Kigali.

Umuyobozi w'Ishami ry'ubucuruzi ku rwego rw'Igihugu mu Rugaga rw'Abikorera, PSF, Twagirumukiza François, yavuze ko ku bufatanye na Leta, hashyizweho ingamba zo gukumira ingaruka urwego rw'abikorera rwahura nazo mu gutumiza no kohereza ibicuruzwa mu mahanga mu bihe bya Covid-19.

Ati 'Habayeho kugerageza gukomeza amashyirahawe y'ubucuruzi, kuko abacuruzi bose mu nzego barimo twagiye gushaka kubashyira hamwe ndetse habaho no kwimakaza gukorera kuri murandasi cyane, habaho no gutanga ibyanya by'aho ibicuruzwa byahurira bikozwe na Leta.'

Kugeza ubu mu Rwanda umusaruro w'ibyoherezwa mu mahanga wikubye inshuro zirenga gato ebyiri, uva kuri miliyoni 761 z'Amadorali ya Amerika mu 2020, ugera kuri miliyoni 1582 z'Amadolari ya Amerika mu mwaka wa 2023.

Minisitiri w'Ubucuruzi n'Inganda, Dr Ngabitsinze Jean Chrysostome, yavuze ko hakwiye ubufatanye bw’ibihugu na politiki ikwiye mu gutera imbere urwego rw’ubwikorezi bw’ibyinjira n’ibyoherezwa mu mahanga

Umuyobozi w'Urwego rwa Kenya rushinzwe Ibyambu [Kenya Ports Authority, KPA], Cpt William Ruto, yavuze ko KPA yashyize ibiro i Kigali, mu rwego rwo kwegereza Abanyarwanda serivisi z’icyambu

Hakenewe ishoramari rifatika mu guteza imbere urwego rw'ubwikorezi bw'ibyoherezwa n'ibitumizwa mu mahanga

Ibi biganiro byahurije hamwe inzego zitandukanye z'ubucuruzi bw'ibyinjira n'ibisohoka mu gihugu ndetse n'abahuza babo ku byambu ibyo bicuruzwa binyuraho

Darko Nović ukomoka muri Serbia ni we wemejwe nk’Umutoza mushya wa APR FC mu gihe cy’imyaka itatu iri imbere.

APR FC yabyemeje ibinyujije ku mbuga nkoranyambaga za yo aho yamuhaye ikaze ivuga ko yasinye imyaka3.

Darko Nović akaba ageze mu Rwanda mu ijoro ryakeye ryo ku wa Kane rishyira ku wa Gatanu tariki 21 Kamena 2024.

Nyuma yo gusinya amasezerano akaba yanahise atangira akazi aho yakurikiye imyitozo ya APR FC yo kuri uyu wa Gatanu i Shyorongi.

Uyu mutoza ni we wari umutoza mukuru wa US Monastir muri 2022-23 ubwo iyi kipe yo muri Tunisia yasezereraga APR FC muri CAF Champions League.

Nović w’imyaka 5, yanyuze mu makipe arimo ES Sétif yo muri Algérie, US Monastir yo muri Tunisie n’Ikipe y’Igihugu ya Libya.

Darko Nović ni we mutoza mushya wa APR FC

Yasinyishijwe na Chairman wa APR FC, Col Richard Karasira