Author: webrwanda

Mu ijoro ryo kuri uyu wa Gatanu tariki 21 Kamena 2024, ni bwo umuramyi ukunzwe n'abatari bacye, Uwineza Rachel uherutse kugaragara mu mashusho y'indirimbo ya Israel Mbonyi na Adrien Misigaro bise 'Nkurikira,' yatangaje ko yamaze kwibaruka ubuheta. Ni umwana mwiza w’umuhungu, uje akurikira uw'umukobwa yibarutse mu 2020.

Abinyujije ku rukuta rwe rwa Instagram, Rachel yagize ati: 'Nzahora iteka nshima kuko nakiriye umwana w'umuhungu….urakoze Mana Data ku bwo kumpa umugisha w'umwana w'umuhungu.'

Mu bakiranye yombi uyu mugisha, harimo Tumusiime Juliet wamamye mu kiganiro cy’Iyobokamana cyitwa ‘RTV Sunday Live,’ umuhanzikazi Grace Nyinawumuntu, n’abandi.

Uwineza yatangiye umurimo wo kuririmba ahereye muri 'Sunday school', ababyeyi be ni abakozi b'Imana. Muri 2012 ni bwo yatangiye umuziki byeruye n'abavandimwe be mu itsinda bise 'Pnp Family', muri 2014 bahagaritse iri tsinda, akomeza urugendo rw'umuziki ku giti cye.

Yigeze kubwira InyaRwanda ko umuziki awukora nk'umwuga yiyeguriye n'ubwo asanzwe afite indi mirimo akora. Ati 'Umuziki ni ubuzima bwanjye ntabwo nawuhemukira. Nzakomeza umuziki mpaka igihe cyo guhagarika kigeze.'

Mu gihe amaze muri muzika, amaze gushyira hanze indirimbo zahembuye imitima ya benshi zirimo 'Ndabyiboneye,' 'Baho muri Njye,' 'Ku Bw'imbabazi Zawe' yakoranye na Rene Patrick n'zindi. Mu minsi ishize, aherutse gusubiramo indirimbo yakunzwe cyane y'umuhanzi Alex Dusabe yise 'Uwiteka Niwe Mwungeri Wanjye.'

Umuramyi Uwineza Rachel yibarutse ubuheta

Yibarutse umwana w’umuhungu, avuga ko ari umugisha ahawe n’Uwiteka

Mu 2020 ni bwo we n’umutware we bibarutse imfura y’umukobwa

Bamaze imyaka 5 barushinze

Ni umuramyi uhorana akanyamuneza

Uwineza Rachel akunze kugaragara mu baririmbyi bafasha Israel Mbonyi mu ndirimbo ze 

Ni umuhango wabaye kuri uyu wa kane tariki 20   Kamena 2024, ubera ku murenge wa Kimihurura mu mujyi wa Kigali. Muvara Ronard usanzwe ari n’umukinnyi w’ikipe y’igihugu ya Volleyball, yari amaze igihe gisaga imyaka 7 ari mu rukundo na Umuhoza Mariam, kuko batangiye gukundana ubwo bose bigaga mu kigo cy’amashuri yisumbuye cya Rusumo High School.

Tariki 30 Kamena 2024, ni bwo aba bombi bazakora ubukwe, aho gusaba no gukwa bizabera i Rebero, basezeranire muri EAR Remera, mu gihe abatumiwe bazakirirwa i Rebero.

Muvara arahira ko azabana na Mariam akaramata 

Muvara Ronard uzwiho kurekura ibiro bikomeye cyane, yatangiye gukina umukino wa Volleyball nk’ibizamutunga kuva mu 2013, ubwo yakiniraga ikigo cya Rusumo High School, ahava mu 2017, yerekeza muri APR VC, ayikinira umwaka umwe 2018/19, ahava yerekeza muri Gisaga 2020, ayivamo 2023. Aherutse gusinyira REG VC, aho azaba ari umwe mu bakinnyi bahembwa amafaranga menshi muri shampiyona y’u Rwanda. 

Mariam yemeza ko azabana na Muvara mu bibi n’ibyiza 

Tariki 14 Mutarama ni bwo Muvara yateye ivi asaba Mariam ko yazamubera umufasha 

Aba bombi batangiye gukundana bakiri abanyeshuri 

Muvara asanzwe ari umukinnyi w’ikipe y’igihugu ya Volleyball ndetse na REG VC

Umukinnyi w’Ikipe y’Igihugu ya Volleyball na REG VC, Muvara Ronald yasezeranye imbere y’amategeko n’umukunzi we Umuhoza Mariam bitegura kurushinga.

Ni umuhango wabaye ejo hashize ku wa Gatatu tariki ya 20 Kamena 2024 aho basezeraniye mu Mujyi wa Kigali mu Karere ka Gasabo mu Murenge wa Kimihurura.

Biteganyijwe ko indi mihango y’ubukwe izaba tariki ya 30 Kamena 2024 aho gusaba no gukwa bizabera ku Irebero muri Heaven Garden ndetse n’uw’imbere y’Imana uzabera muri EAR Remera.

Bibaye nyuma y’uko Mutarama 2024 ari bwo Muvara Ronald yasabye Umuhoza Mariam kuzamubera umugore, undi ntiyazuyaza aramwemerera.

Aba bombi bamenyanye ubwo biganaga ku kigo cy’amashuri cya Rusumo High School mu Ntara y’Iburasirazuba, mu Karere ka Kirehe, hagati ya 2013 na 2017.

Muvara w’imyaka 28, yakiniye amakipe atandukanye nka Rusumo High School, APR VC na Gisagara VC aherukamo mbere yo kwerekeza muri REG VC azatangira gukinira muri uyu mwaka w’imikino uteganyijwe gutangira tariki 20 Mutarama 2024.

Muvara na Mariam basezeranye imbere y’amategeko

Uretse no ku bihangano uyu mwaka urihariye, kuko wagaragayemo umubare munini w'abantu batanze Kandidatire bashaka guhatana ku mwanya w'Umukuru w'Igihugu.

Imibare igaragaza ko guhera mu 2003, abantu 23 bamaze gutanga Kandidatire basaba kwemererwa guhatanira kuyobora u Rwanda. Ni mu gihe abantu 2,426 ari bo bagaragaje ubushake bwo kwinjira mu Inteko Ishinga Amategeko y'u Rwanda. Nta mukandida wigenga urabasha kugeza amajwi 5%.

Mu bikorwa byo kwiyamamaza hiyambazwa abahanzi b'ingeri zinyuranye, ababarizwa mu turere bagahuzwa n'ababarizwa mu Mujyi wa Kigali mu rwego rwo gususurutsa abaturage b'aho ibikorwa byo kwiyamamaza bibera.

Ni ibikorwa biteganywa ko bitangira saa moya z'igitondo bikarangira saa kumi z'umugoroba. Imibare igaragaza ko abari hagati y'ibihumbi 20 na 25 bitabira ibi bikorwa.

Muri iki gihe abahanzi benshi bakoze mu nganzo baririmba ku bikorwa bya FPR Inkotanyi ndetse n'Umukandida Paul Kagame, ariko kandi hari n'ibihangano byatangiye gusohoka bivugwa ku gikorwa cy'amatora Abanyarwanda bitegura kwinjira.

Ibi bituma benshi bibaza uko ibihangano bishamikiye ku matora bigenzurwa, cyane ko ari igihangano usanga gikoreshwa muri icyo gihe gusa.

Kuri uyu wa Kane tariki 20 Kamena 2024, Komisiyo y'Igihugu y'Amatora yagiranye ikiganiro n'itangazamakuru cyagarutse ku myiteguro y'amatora, mu gihe habura iminsi 21 kugirango amatora abe, kuko azaba tariki 14 na 16 Nyakanga 2024.

Ni ikiganiro kibanze ku kugaragaza ibyo iyi Komisiyo iri gukora mu rwego rwo kwitegura aya matora, kandi bagaragaza ibyo abakandida bitegura kwiyamamaza bemerewe n'ibyo batemerewe.

Asubiza ikibazo cy'umunyamakuru wa InyaRwanda, Umunyamabanga Nshingwabikorwa wa Komisiyo y'Igihugu y'Amatora, Charles Munyaneza, yagaragaje ko mu gihe nk'iki cy'amatora hari abahanzi bahimba indirimbo zigaruka ku bakandida bashyigikiye, abandi bagahabwa akazi ko guhimba indirimbo z'iyi komisiyo, kandi ibyo ntibibujijwe.

Ati “Komisiyo y’Amatora indirimbo ireba cyangwa yakwemera cyangwa itakwemera ntabwo ari indirimbo z’imitwe ya Politiki.”

Yavuze ko indirimbo ‘z’imitwe ya Politiki zijyanwa mu mitwe ya Politiki, iyo mitwe ya Politiki akaba ari yo izemeza cyangwa ntizemeze cyangwa ngo izikoreshe.’

Munyaneza yumvikanishije ko iyo abahanzi bahisemo gukorana indirimbo zititsa ku gikorwa cy’amatora gusa, ahubwo bakabihuza n’umutwe wa Politiki runaka bashyigikiye, ni na wo bavugana. Icyo gihe ngo ntabwo Kimisiyo y’Igihugu y’Amatora ibirebaho.

Ati “Ni ukuvuga ngo abahanzi iyo ari ibyamamaza imitwe ya Politiki bo bakorana n’imitwe ya Politiki, nta n’aho Komisiyo y’amatora ihurira nabyo.'

Munyaneza kandi yavuze ko hari igihe Komisiyo y’Igihugu y’Amatora ikorana n’abahanzi bakayikorera indirimbo zifashishwa mu matora. Ndetse, avuga ko muri iki gihe hari izatangiye gutambuka.

Ati “Komisiyo y’Igihugu y’Amatora nayo mu rwego rwo kwigisha abaturage no kumenyekanisha amatora binyuze mu nyigisho z’uburere-mboneragihugu nayo ishobora gukorana n’abahanzi runaka bakayihimbira indirimbo nazo zigisha abaturage, zidafite aho zihuriye no kwamamaza abakandida. Ni ibintu bibiri bitandukanye.”

Munyaneza yavuze ko hari indirimbo z’abahanzi bakiriye nka Komisiyo y’Igihugu y’Amatora bari basanzwe bakorana nabo. Ati “Iby’imitwe ya Politiki, Komisiyo y’Amatora ntibijyamo, Komisiyo y’amatora yo ikorana n’abahanzi baduhimbira indirimbo zigisha abaturage zikangurira abaturage ibijyanye n’amatora.”   

Aya matora agiye kuba mu gihe abarenga Miliyoni 9 bamaze kwiyandikisha ku Ilisiti y'itora, barimo urubyiruko bangana n'abarenga Miliyoni 2 bagiye gutora ku nshuro ya mbere.

Muri rusange, iki kiganiro n'abanyamakuru kibanze ku kugaragaza ibyo abagiye kwiyamamaza bemerewe n'ibyo batemerewe. Ariko kandi banibanze kuri Kandidatire za bamwe zatanzwe ntizakirwa, uko Abanyarwanda batuye mu mahanga bazatora, uruhare rw'inzego z'ibanze mu migendekere y'aya matora n'ibindi.

Imibare igaragaza ko Intara y'Uburasirazuba ariyo ifite umubare munini w'abantu bazatora bangana n’abantu 2,220,573, Uburengerazuba abazatora barangana na 2,064,090;

Umujyi wa Kigali barangana na 1,101,517, Amajyepfo barangana na 2,076,918, Amajyaruguru barangana na 1,486,774; ni mu gihe mu mahanga abazatora bangana na 62,917 [Mu 2017 hatoye abagera ku bihumbi 20].

Imibare kandi inagaragaza ko Abagore ari bo bagize umubare munini w’abazatora mu matora y’Umukuru w’Igihugu n’ay’Abadepite ateganyijwe hagati ya tariki 14-16 Nyakanga 2024.

Abagore barangana na 53% bingana n’abantu 4,819,123 ni mu gihe Abagabo ari 47% bingana na 4,193,665. Urubyiruko barangana na 43% bingana n’abantu 3,878,027.

Muri rusange amatora ateganyijwe tariki 14 Nyakanga ku Banyarwanda baba mu mahanga, tariki 15 Nyakanga ku b’imbere mu Gihugu ndetse na tariki 16 Nyakanga 2024, ku bahagarariye ibyiciro byihariye.

  

Umunyamabanga Nshingwabikorwa wa Komisiyo y'Igihugu y'Amatora, Charles Munyaneza yatangaje ko batagenzura indirimbo z'imitwe ya Politike, ahubwo bita cyane ku ndirimbo z'iyi Komisiyo zikorwa n'abahanzi mu rwego rwo gukangurira abaturage kwitabira amatora

Mu 2017, indirimbo zahimbwe n'abahanzi banyuranye zishamikiye ku muryango FPR- Inkotanyi zafashije benshi gususuruka

Mu biganiro byerekeye ubukungu hagarukwa cyane ku bantu benshi bagana banki ariko abahabwa inguzanyo bagakomeza kuba bake.

Ubushakashatsi bwa FinScope 2024 bwatangajwe tariki 20 Kamena 2024, bugaragaza ko Abanyarwanda 24% baka inguzanyo binyuze muri banki no mu bigo by'imari byanditse, 34% baka inguzanyo mu bigo bitanditse, 4% baguza inshuti n'abavandimwe, mu gihe abagera kuri 37% badasaba inguzanyo.

Urubyiruko rwiganjemo abafite ubucuruzi buto kandi bari mu bataka kutabona inguzanyo muri za banki kubera kutagira ingwate.

Guverineri Wungirije wa Banki Nkuru y'u Rwanda, Soraya Hakuziyaremye yatangaje ko hari umushinga bari gukoranaho na TransUnion ushobora kuzarangira mu mezi 12 ari imbere, ku buryo abantu bajya bahagabwa inguzanyo hadashingiwe ku ngwate.

Ati 'Hari umushinga dufite wo kureba ngo ese umuntu akoresheje amakuru, ufashe nk'umuntu ufite ubucuruzi buto, tukareba ibyo yagurishije mu myaka ibiri ishize, bikaba ari ibintu umuntu yashyira mu rubuga ku buryo ushobora kureba amahirwe y'uko ashobora kwishyura inguzanyo neza cyangwa yayisubiza ibyo bikaba ari amakuru yashobora gukoreshwa yizewe hanyuma bikaba byanatuma banki zishobora gutanga inguzanyo zitagombye kwaka ingwate ahubwo byagendeye kuri ayo makuru y'umuntu ugiye kwaka inguzanyo no kureba uko yagiye yishyura inguzanyo zisanzwe.'

Imibare igaragaza ko inguzanyo ku bikorera mwaka wa 2020, yazamutse iva kuri miliyari 1.065,8 Frw, igera kuri miliyari 1.927 Frw mu 2023, bingana n'izamuka rya 81%.

Ni mu gihe abahinzi boroherejwe kubona inguzanyo ku nyungu nto (8%) binyuze mu mushinga wo guteza imbere ubuhinzi bugamije ubucuruzi no kugabanya ibibubangamira (CDAT), aho 262 bahawe arenga miliyari 3 Frw.

Guverineri wungirije wa BNR, Soraya Hakuziyaremye yavuze ko bari kwiga uko amakuru yajya yifashishwa mu gutanga inguzanyo

Guverineri wa BNR, John Rwangombwa ubwo yari akurikiye imurikwa ry’ubushakashatsi bwa FinScope 2024

Cyatangijwe ku mpamvu zo kurema abanyamwuga bahagije bakora mu bijyanye n'ubwikorezi bwo mu kirere, abanyeshuri bagahabwa ubumenyi b wose busabwa bujyanye n'iby'indege.

RCATIC yahawe n'Ikigo cy'Igihugu gishinzwe Indege za Gisivile, RCAA, icyemezo kiyemerera gutanga amahugurwa haba ku Banyarwanda n'abanyamahanga babishaka, icyemezo gishimangira ko ubumenyi iki kigo gitanga bugezweho ku rwego mpuzamahanga.

Byahuriranye no gutanga impamyabushobozi ku banyeshuri 36 binganjemo abasirikare bo mu Ishami ry'Ingabo z'u Rwanda zirwanira mu Kirere, aho bahuguwe ku bijyanye n'uko indege zigenda mu kirere n'ibijyanye n'umutekano mu by'indege.

Aya mahugurwa azajya atangwa ku ngingo zitandukanye zijyanye n'ubwikorezi bwo mu kirere, uko indege zigenda mu kirere, imihanda zikoresha, uko ibibuga by'indege bikora, umutekano w'indege n'abazirimo, umutekano w'ibibuga by'indege n'ibindi.

Nubwo yahawe icyemezo kuri uyu wa 20 Kamena 2024, RCATIC yashinzwe mu 2023, aho imaze gutanga amasomo 40, ku bakozi 461 bo mu bigo n'ibihugu 16.

Ni amahugurwa yajyaga gushakwa mu mahanga nko muri Afurika y'Epfo, mu bihugu by'u Burayi, Amerika n'ahandi, ku buryo nko guhugura abanyeshuri nka babiri byasabaga ingengo y'imari nyinshi cyane.

Umuyobozi ushinzwe ibijyanye gukurikirana ibijyanye n'ireme ry'uburezi butangwa muri RCATIC, Andrew Mutabaruka yavuze ko nk'igihugu gikataje mu iterambere ry'ubwikorezi bwo mu kirere, byabaye ngombwa ko iki kigo gitangizwa mu Rwanda mu kongera abanyamwuga muri ubu bwikorezi.

Yavuze ko ikigo kizajya gitanga amasomo no ku banyamahanga ariko kuri iyi nshuro bashaka kubanza kuziba ibyuho biri muri uru rwego mu Rwanda.

Ku bijyanye n'icyemezo bahawe, Mutabaruka yavuze ko kuko ubwikorezi bwo mu kirere bushingira ku kwita ku mutekano w'abantu n'ibintu, 'uba ugomba kubanza kugaragaza ko wujuje ibisabwa byose, ukabihererwa uburenganziza hirindwa ibibazo byazamo.'

Mu bisabwa birimo kugaragaza uko integanyanyigisho iteye, kuba hari ibikoresho bihagije binyanye no kwigisha, abarimu b'abahanga n'ibindi.

Umwe mu bahawe aya mahugurwa usanzwe ari umukozi wa RCAA ushinzwe kugenzura ubuziranenge bw'indege, Ian Rebero Rutabingwa yavuze ko ntako bisa kubonera aya mahugurwa mu Rwanda na cyane ko byasabaga kujya ibwotamasimbi.

Ati 'Ikindi abantu bari mu nzego zitandukanye zo muri ubu bwikorezi turahura tugasangira ubunararibonye. Abanyarwanda bazahugurwa ari benshi bitume n'abatari muri uyu mwuga bawukunda, ubwikorezi mu Rwanda bukomeze gutera imbere na cyane ko ari urwego ruri gukura.'

Umumyamabanga Uhoraho muri Minisiteri y'Ibikorwaremezo, Abimana Fidèle yavuze ko bidasanzwe kubona ikigo nk'iki kimaze igihe gito kimaze guhugura abarenga 400, ashimira ubwitange bw'abo muri uru rwego bakoze ubutaruhuka.

Ati 'Twizera ko ari intambwe yo kwishimir, tukizera ko tuzakomereza muri uyu mujyo wo guhugura benshi cyane ko hari n'amahirwe menshi cyane.'

Ni amahirwe ajyanye n'uko u Rwanda ruri kuzamura ubwikorezi bwo mu kirere binyuze mu kongera ibikorwaremezo, hubakwa ibishya hakavugururwa n'ibisanzwe, bikazakenera abakozi benshi b'abanyamwuga bo kubikoreramo.

Birimo Ikibuga Mpuzamahanga cy'Indege cya Bugesera kigiye kuzura, ibya Musanze na Rubavu bigiye kuvugururwa, icya Kamembe 'n'andi mahirwe ari muri uru rwego, tukizera ko aba banyamwuga muri kurema bazafasha gutanga serivisi neza.'

Ubwo abasirikare bo mu Ishami ry’Ingabo z’Igihugu zirwanira mu Kirere bahawe amahugurwa na RCATIC bageraga ahagombaga gutangirwa impamyabushobozi

Abasirikare bo mu Ishami ry’Ingabo z’Igihugu zirwanira mu Kirere na bo bahawe amahugurwa na RCATIC

Ingabo z’u Rwanda zirwanira mu Kirere zahawe impamyabushobozi zijyanye n’amahugurwa zahawe yo kumenya uburyo indege zigenda mu kirere n’ibijyanye n’umutekano wazo, uw’abazigendamo n’uw’ibyabo

Ikigo cy'u Rwanda gitanga ubumenyi mpuzamahanga mu bijyanye n'indege za gisivile cyahawe icyemezo gishimangira ko amahugurwa atangwa na RCATIC yemewe ku rwego mpuzamahanga

Umumyamabanga Uhoraho muri Minisiteri y’Ibikorwaremezo, Abimana Fidèle ni we watangije ku mugaragaro Ikigo cy'u Rwanda gitanga ubumenyi mpuzamahanga mu bijyanye n'indege za gisivile

U Rwanda rwamuritse ikigo cyarwo gitanga amahugurwa mu bijyanye n’indege

Amafoto: Mukama Aaron

Uyu mugore w’ikimero yageze ku kibuga cy’indege Mpuzamahanga cya Kigali mu ijoro ryo kuri uyu wa Gatanu tariki 21 Kamena 2024, yakirwa n’inkumi zo muri Kigali Protocol ndetse n’abamutumiye gutaramira i Kigali.

Ni ubwa mbere yari ageze i Kigali kuva yatangira kuvugwa mu itangazamakuru kuva mu myaka 10 ishize. Mu kiganiro n’itangazamakuru yumvikanishije ko afite ishimwe ku mutima, kuko yabashije kugera i Kigali. Ati “Ndiyumva neza! Ni ku nshuro yanjye ya mbere nk’uko ubivuze, rero nishimiye kuba ndi hano.”

Tanasha Donna wamamaye mu ndirimbo zirimo izo yakoranye na Diamond, yavuze ko akigera i Kigali yaganiriye n’inshuti ye Ruth bazanye, amubwira ko yanyuzwe n’uburyo abantu bo mu Rwanda ari beza, kandi ikirere kiracyeye.

Yavuze ko kutagera mu Rwanda mu ijoro ryo ku wa Gatatu tariki 19 Kamena 2024 nk’uko byari biteganyijwe, byatewe n’uko yibeshye ku masaha n’itariki. Ati “Natekerezaga ko ari uyu munsi, ahubwo byari mu ijoro ryashize, none ubu ndahari.”

Tanasha yavuze ko yakoranye n’abantu bamufashije gutaramira i Kigali, kandi yiteguye gutanga ibyishimo ashingiye ku myiteguro amaze igihe ari gukora.

Abajijwe abahanzi bo mu Rwanda azi, yavuze ko azi Mike Kayihura gusa. Ati “Nzi uwo nkunda cyane ni Mike Kayihura gusa, ndetse n’indirimbo ze ziba mu zo numva.”

Yanabajijwe niba hari umuhanzi bashobora gukorana indirimbo asubiza ‘ko bishoboka’, kuko ashaka kubyaza umusaruro uru rugendo yakoreye mu Rwanda. Ati “Nzagerageza kureba uko nakorana indirimbo nabo.” 

Tanasha Donna yavuze ko kuba agiye gutaramira mu Rwanda ku nshuro ye ya mbere byaturutse kuri Jeanine Noach wamuhuje n’abateguye iki gitaramo. Yavuze ko uyu mugore w’ikimero yamubereye umukoresha ubwo yari akiba muri Belgique mu Burayi akiri ku ntebe y’ishuri.

Uyu mugore yavuzwe cyane mu itangazamakuru nyuma y’uko abyaranye na Diamond. Yumvikanishije ko n’ubwo batandukanye ariko bakomeje gusigasira umubano wabo kandi ‘dufitanye umwana’. 

Ati 'Diamond nanjye turacyari inshuti nziza, ndamwubaha cyane, twakomeje kuba inshuti, dufitanye umwana.'

Igitaramo cya mbere Tanasha aragikora kuri uyu wa Gatanu tariki 21 Kamena 2024, azagihuriramo na Dj Toxxy guhera saa Kumi n’ebyiri z’umugoroba i Nyamirambo kuri B Lounge. Aho kwinjira ari ukwishyura ibihumbi 300 ku meza y’abantu batandatu ugahabwa n’ibyo kunywa bibiri. 

Mu myanya isanzwe (Regular) ni ukwishyura ibihumbi 20 Frw ugahabwa n’icyo kunywa. Ku matike ya VIP ni ukwishyura ibihumbi 50 Frw ugahabwa n’icyo kunywa.

Ni mu gihe, ku wa Gatandatu tariki 22 Kamena 2024, igitaramo azakora bisaba kuzishyura ibihumbi 250 Frw ku meza n’abantu batanu, ugahabwa n’amacupa abiri y’ibyo kunywa (Wine).

Ibi bitaramo byombi azabihuriramo na Dj Toxxyk mu gihe cy'iminsi ibiri. Ni ubwa mbere bombi bazaba bahuriye ku rubyiniro. 

Tanasha ni umunyamideli w'umunya-Kenya ubarizwa muri Tanzania wabiciye bigacika mu myaka itanu ishize, yanabaye umunyamakuru w'igihe kirekire wa NRG Radio yo muri Tanzania.

Yavukiye muri Kenya, ku wa 7 Nyakanga 1995 kuri Nyina w'umunya-Kenya na Se w'Umutaliyani. Ubwana bwe yabumaze igihe kinini muri Kenya mbere y'uko yimukira mu Bubiligi, afite imyaka 11 ubwo yajyaga kubana na Se wabo.  

Yigeze kuvuga ko gukurira mu Bubiligi byatumye yiyumvamo kumurika imideli ndetse n'umuziki. Uyu mugore kandi ari ku rutonde rw'abakobwa bahataniye ikamba rya Miss World Kenya. 

Muri Nzeri 2022, yagaragaye muri filime 'Symphony' yatumye ahangwa ijisho na benshi. Yavuzwe mu rukundo cyane na Mutuma baje gutandukana muri Nzeri 2017, nyuma y'amezi arindwi yari ashize bakundana.

Umwaka wa 2018 wabaye rurangiza kuri we! Yakundanye by'igihe kirekire na Diamond kugeza ubwo banabyaranye umwana bise Naseeb Junior. Ibi byanatumye Tanasha abasha gukorana indirimbo na Diamond bise 'Gere'. 

Mu 2020, bombi barashwanye, buri umwe atangira urugendo rw'ubuzima bwe. Ariko kandi buri umwe yagiye ashinja mugenzi we kuba impamvu yo gutandukana. Kuva icyo gihe ntiyogeye kuvugwa mu rukundo.

    

Tanasha Donna yageze i Kigali ku nshuro ye ya mbere atangaza ko yanyuzwe n'ukuntu yakiriwe- Yakiriwe n’abakobwa bo muri Kigali Protocol

Tanasha yavuze ko Jeanine Noach ariwe wabaye imvano yo kuba agiye gutaramira i Kigali

Tanasha yavuze ko asanzwe ari inshuti ya Sacha Kate biri mu mpamvu zatumye agaragara bari kumwe

Tanasha yumvikanishije ko n'ubwo Diamond batandukanye ariko bakomeje kuba inshuti

Tanasha yishimira imibanire ye na Diamond bafitanye umwana

WATCH TANASHA DONNA ARRIVES IN KIGALI FOR THE FIRST TIME
“>

Kanda hano urebe amafoto menshi ubwo Tanasha Donna yari ageze i Kigali

AMAFOTO&VIDEO: Dox Visual- InyaRwanda.com

Ni amakuru iyi Ministeri yatangaje kuri uyu wa 20 Kamena 2024 binyuze mu itangazo yageneye itangazamakuru, inatangaza ko ibyo biri gukorwa mu rwego rwo gukomeza guteza imbere ubuvuzi bufite ireme mu Rwanda.

Leta y'u Rwanda kandi ikomeje gushora imari mu buvuzi bugezweho, ibigaragaza ubushake mu guha Abanyarwanda ubuvuzi buboneye aho inateganya gukwirakwiza ubuvuzi bugezweho mu bitaro hirya no hino mu gihugu.

Minisiteri y'Ubuzima kandi yatangaje ko iyi gahunda izakomeza mu rwego rwo guteza imbere ubuvuzi mu bitaro n'amavuriro haba mu mijyi no mu byaro, abahatuye bakitabwaho hanimakazwa uburyo bwo kwifashisha iryo koranabuhanga mu gutahura indwara hakiri kare, bakavurwa kandi bagakira vuba.

Ibi bikoresho kandi byitezweho kugira uruhare runini mu gufasha inzobere mu buvuzi mu Rwanda, mu mitangire myiza ya serivisi.

U Rwanda rwakiye ibikoresho bigezweho mu buvuzi bupima indwara z'imbere mu mubiri w'umuntu

Ubwo hatangizwaga ubu buryo, Umuyobozi ushinzwe Ubushakashatsi n'Iterambere mu Kigo cy'Igihugu gishinzwe Ikoranabuhanga mu Itumanaho n'Isakazabumenyi, (RISA), Dr Kabalisa René, yavuze ko ubu buryo bwitezweho kuzamura serivisi z'urwego rw'ubuvuzi mu Rwanda.

Yashimangiye kandi ko gukoresha ikoranabuhanga rigezweho mu gushyira serivisi z'ingenzi mu ikoranabuhanga rikoresha murandasi bifasha abatanga serivisi z'ubuvuzi gutanga ubuvuzi bufite ireme ku Banyarwanda bose.

Ubu buryo bwatangijwe butangirwaho serivisi zigera kuri 13 zijyanye no guha impushya ibigo by'ubuvuzi kandi na bwo bukoresha uburyo bwo kwishyura busanzwe bukoreshwa n'Urubuga rwa Irembo.

Umuvugizi wa Minisiteri y'Ubuzima, Mahoro Niyingabira Julien, yagaragaje akamaro ko gufatanya na Irembo mu gutangira serivisi ku ikoranabuhanga kandi zorohereza abakeneye kuzigeraho.

Yagize ati 'Ubu bufatanye bugaragaza uko ikoranabuhanga rishobora gukemura ibibazo by'ingenzi no guteza imbere imibereho. Koroshya inzira bicamo serivisi zibashe kugerwaho na benshi, bigamije kuzamura imikorere y'ubuvuzi no kubunoza kurushaho. Twizeye ko guhanga udushya mu gutanga serivisi za Leta ari intambwe ikomeye iganisha ku buzima bwiza ku banyarwanda bose'.

Muri iki gikorwa kandi RISA yaboneyeho umwanya wo gusobanurira ibigo bya Leta n'ibigo by'abikorera uburyo yatangije bwa 'Public Procurement for Innovation' bugamije guha urubuga abafite ibitekerezo byafasha mu kuzamura iterambere ry'ubukungu kubitanga mu buryo bw'ipiganwa binyuze ku rubuga rw'iki kigo.

Angelos wari uhagarariye Minisiteri y'Ikoranabuhanga na Inovasiyo, yavuze ko itangizwa ry'uburyo bwo guha impushya ibigo by'ubuvuzi binyuze mu ikoranabuhanga ari intambwe ikomeye mu rwego rw'ubuzima mu Rwanda kandi ko biyemeje gukoresha ikoranabuhanga mu gukemura ibibazo by'imibereho y'abaturage binyuze mu bufatanye na Irembo.

Umuyobozi ushinzwe ibikorwa na serivisi mu Irembo, Patrick Ndjientcheu, yavuze ko iki kigo kiri gushyira imbaraga mu ikoranabuhanga ryizewe ry'urwego rw'ubuzima rifasha mu kwita ku buzima bw'Abaturarwanda.

Yagize ati 'Irembo iri gukoresha ikoranabuhanga rishya kwita ku bzuima no kuzamura mu imibereho y'abaturage b'u Rwanda. Irembo yishimiye kuba umufatanyabikorwa muri uru rugendo rugamije impinduka. Ibisubizo byacu by'ikoranabuhanga birizewe kandi bikora neza. Twizeye ko bizateza imbere serivisi z'ubuvuzi mu Rwanda ku buryo bugaragara'.

Kajeneri Noella ushinzwe iterambere ry'ubucuruzi mu Irembo, we yavuze ko uburyo bushya bwatangijwe ari umwe mu mishinga myinshi iki kigo gifite yo gukusanyiriza hamwe serivisi za Leta umuturage ndetse n'abakora ubucuruzi bakenera.

Irembo, ni ikigo cy'Ikoranabuhanga cyatangijwe mu mwaka wa 2014 gitangirwaho serivisi za Leta zikenerwa n'abaturage batagiye gutonda imirongo mu nzego z'ibanze, bakazisaba hifashishijwe ikoranabuhanga.

Iki kigo cyagiye cyaguka, cyongera serivisi gitangirwaho kandi kivuga ko gifatanyije na Leta y'u Rwanda n'abandi bafatanyabikorwa, kizakomeza gutanga ibisubizo bikenewe mu ikoranabuhanga.

Kajeneri Noella ushinzwe iterambere ry'ubucuruzi mu Irembo yavuze ko uburyo bushya bugamije gukusanyiriza hamwe serivisi za Leta umuturage ndetse n'abakora ubucuruzi bakenera

Umuyobozi ushinzwe ibikorwa na serivisi mu Irembo, Patrick Ndjientcheu yavuze ko iki kigo kiri gushyira imbaraga mu ikoranabuhanga ryizewe ry'urwego rw'ubuzima mu rwego gufasha mu kwita ku buzima bw'Abaturarwanda

Minisiteri y'Ubuzima na Irembo binjiye mu mikoranire yo guha impushya ibigo by'ubuvuzi hifashishijwe ikoranabuhanga