Author: webrwanda

Yagaragaje ko ibikorwa byo kwamamaza umukandida wabo bikomeje hirya no hino bitanga icyizere bitewe n'uko abanyamuryango mu bice bitandukanye baba bitabiriye ku bwinshi kandi biteguye ku mwakira.

Gasamagera Wellars wagiranye ikiganiro na Radio TV10 ku mugoroba wo kuri uyu wa 10 Nyakanga 2024, yagaragaje ko ibyo bituma bizera ko umukandida wabo ku mwanya w'Umukuru w'Igihugu Paul Kagame azatorwa ku kgero cyiza.

Ati 'Bigaragarira mu buryo abaturage bakira umukandida wacu kandi wabo, uko bamwakira, uko bavugana uko bitabira ari benshi bigaragaza ko tuzatsinda kandi dufite icyizere gisesuye. Ntabwo navuga imibare ariko amatora ni amatora muzareba ikizavamo.'

Yagaragaje ko Umuryango wa FPR Inkotanyi uba wifuza ko abanyamuryango batora 100% nubwo mu matora aba ahanganye n'abandi

Ati 'Abavuga ko gutorwa ku kigero cyo hejuru ya 90% ari ikibazo ni uko batazi u Rwanda n'Abanyarwanda. Bajya batubwira ngo turagenda tugakoranya abapolisi bakajya guhamagara abantu ngo baze mu bikorwa byo kwiyamamaza, bakabivuga batarahagera ariko bahagera bakabyibonera bakavuga ibindi . Biriya rero nta gihe bitazabaho kuko baba babigereranya n'ibyo babona iwabo.

Yavuze ko abakunze kunenga uko amatora y'u Rwanda agenda aho umukandida ashobora kugira amajwi 98% biterwa n'uko bigereranya n'ibyo babona iwabo.

Ati 'Iyo ubonye bakubwira ko amatora yitabiriwe n'abantu 30% utsinze agatsinda abonye 15% cyangwa16% ubwo se iyo demokarasi niyo twagenderaho? Ababivuga rero baba bazi u Rwanda, abanyarwanda n'ubuyobozi bwabo nabo babona ko nta kindi bakongeraho.

Yagaragaje ko umwihariko wo kuba mu Rwanda Umukandida Paul Kagame ashobora gutorwa ku majwi ari hejuru ya 98% bishingiye ku budasa mu miyoborere myiza n'icyizere bamugirira.

Ati 'Icyo kinyuranyo giterwa n'imiyoborere myiza n'icyizere ntabwo u Rwanda utaybowe neza byakorwa. Icyo abaturage bamubonamo ni uko baciye mu bihe bibi babona abavanye muri ibyo bihe, abereka inzira barayikurikiza babona burije buracyeye ubu tumaze imyaka 30,”

“Muzi ko tutajyaga tumara imyaka irindwi, umunani hatabaye uimvururu, imyaka 30 irarangiye nonese umuturage ubna ibyo akabigereranya n'ibyo yanyuzemo n'ibyo abona mu bindi bihugu ni ibiki.'

Gasamagera yashimangiye ko abakomeza kugaragaza ko amatora y'u Rwanda adakorwa mu mucyo baba bigiza nkana cyane ko ahari n'abandi bungukira mu kuba igihugu cyabamo intambara n'umwiryane.

Paul Kagame watanzwe n'Umuryango wa FPR Inkotanyi n'indi mitwe ya Politiki umunani imushyigikiye ahanganiye umwanya w'Umukuru w'Igihugu na Dr Habineza Frank watanzwe n'Ishyaka rya Green Party ndetse na Philippe Mpayimana umukandida rukumbi wigenga.

Biteganyijwe ko abanyarwanda baba mu mahanga bazatora ku wa 14 Nyakanga mu gihe abari imbere mu gihugu bazatora ku wa 15 Nyakanga 2024.

Mu bice Umuryango wa FPR Inkotanyi wamamarizamo umukandida wawo abaturage bakunze kugaragaza ko itariki yo gutora ibatindiye kandi bakemeza ko bazamutora 100%.

Paul Kagame akunze kwakirwa n’abanyamuryango ba FPR Inkotanyi benshi

Iki gitaramo cyiswe 'Afro Beats Weekend' cyateguwe n'itsinda risanzwe ritegura ibitaramo bikomeye ku Isi bizwi nka Afro Nation bihuza abanyamuziki bagezweho. Bigaragara ko cyateguwe n'ibigo binyuranye, ndetse kizaba ku wa Gatandatu tariki 20 Nyakanga 2024.

Davis D yabwiye InyaRwanda ko gutumirwa muri iki gitaramo byaturutse ku bagiteguye bamwegereye bamusaba ko bakorana. Ni ubwa mbere azaba ataramiye muri Poland, ndetse avuga ko afitiyo abakunzi be yiteguye guha ibyishimo.

Ati 'Abategura kiriya gitaramo twaraganiriye, nyuma rero nibwo twemeranyije gukorana, yaba ari amafaranga nasabye n'ibindi byose narabihawe, igisigaye ni uko umunsi ugera nkajya gutaramira muri kiriya gihugu ku nshuro yanjye ya mbere.'

Uyu musore wamamaye mu ndirimbo zirimo 'Biryogo' yavuze ko guhurira ku rubyiniro na Ruger 'biri mu bizamfasha kwaguka mu rugendo rwanjye rw'umuziki'.

Ruger ni umunyamuziki w'umunya-Nigeria wataramiye i Kigali mu bihe bitandukanye. Yamamaye cyane binyuze mu ndirimbo zirimo nka 'Bounce' yatumye asinya amasezerano yamutangije imikoranire n'inzu ifasha abahanzi ya 'Jonzing World' mu 2021.

Uyu musore w'imyaka 24 y'amavuko akora umuziki wubakiye ku njyana ya Afrobeats, Afro-pop, Afrobeat, ndetse na Dancehall

Davis D asobanura iki gitaramo nk'umwanya wo guhura no kuganira n'abahanzi bagenzi be, kandi 'niteguye kuzahungukira inshuti'.

Bizagenda gute ko itariki yo mu Bubiligi, ihuye n'iyo muri Poland?

Davis D amaze iminsi atangaje ko agiye gutaramira mu Bubiligi binyuze mu gitaramo cyiswe 'AfroXtravaganza' kizaba nacyo ku wa Gatandatu tariki 20 Nyakanga 2024.

Ni igitaramo azahuriramo n'abarimo Moses Turahirwa washinze inzu y'imideli ya Moshions ndetse n'umunyarwenya Michael Sengazi wamenyekanye mu bihangano binyuranye.

Davis D yabwiye InyaRwanda, ko yatangiye ibiganiro n'abamutumiye mu Bubiligi kugirango bigize imbere kiriya gitaramo cyangwa se inyuma kugirango bitazahurirana.

Ati 'Ndi kureba uko navugana n'abantumiye mu Bubiligi, birashoboka ko babyigiza imbere cyangwa se bakabishyira inyuma, ariko byose bizava mu biganiro.'

Uyu muhanzi muri iki gihe ari kubarizwa mu Budage mbere y'uko afata icyemezo cyo kwerekeza mu Bubiligi kuri iriya tariki cyangwa se mu Bubiligi.

Davis D agiye gutaramira ku nshuro ye ya mbere muri Poland mu gitaramo azahuriramo n’abarimo Ruger 

Davis D aherutse gutangaza ko agiye gutaramira mu Bubiligi tariki 20 Nyakanga 2024

Ruger ari mu bahanzi bakomeye muri Afurika bigaragaje cyane mu ndirimbo zirimo nka ‘Dior’, ‘Bounce’, ‘POE’, ‘Bae Bea’ n’izindi 

Davis D yavuze ko kuririmba muri iki gitaramo bizamufasha kunoza ibiganiro na bamwe mu bahanzi ashobora kuzatumira i Kigali

Ruger agitaramira muri Poland mu gihe aherutse gutangaza uruhererekane rw’ibitaramo azakorera muri Canada

Itsinda rya Titom&Yuppe rigezweho muri iki gihe binyuze mu ndirimbo ‘Tshwala Bam’ ritegerejwe muri Poland 

Davis D anategerejwe mu Bubiligi, tariki 20 Nyakanga 2024 mu gitaramo azahuriramo na Michael na Moses Turahirwa

KANDA HANO UREBE AMASHUSHO Y’INDIRIMBO ”TSHWALA BAM’

KANDA HANO UREBE AMASHUSHO Y’INDIRIMBO ‘DIOR’ YA RUGER

“>KANDA HANO UREBE AMASHUSHO Y’INDIRIMBO ‘MY DREAM’ YA DAVIS D NA MELISSA

“>

PS Imberakuri ivuga ko kuva yashingwa mu 2009, yaharaniye kwerekana ibitagenda neza byerekeranye n'imibereho myiza y'abaturage harimo ubuzima, uburezi, ubukungu n'ubutabera, rikanatanga kandi umuti n'ibisubizo.

Mu 2018, PS Imberakuri yabashije gutsinda amatora ndetse igira abadepite babiri bayihagarariye mu Nteko barimo Mukabunani Christine uriyoboye.

Mu gihe imitwe ya Politiki ikomeje urugendo rwo kwiyamamariza imyanya itandukanye, PS Imberakuri yo yahisemo gutanga abakandida ku mwanya w'abadepite gusa, yemeza ko mu byo bari bijeje abanyarwanda muri 2018 nibura 80% byabyo byashyizwe mu bikorwa.

Ishyaka PS Imberakuri rigaragaza ko igihe hari impamvu yo kwimura abaturage, hajya habanza gutangwa ingurane yabazwe neza hakurikije agaciro k'ibikorwa n'ubutaka bya nyir'umutungo, kandi Leta ikereka umuturage wimuwe aho yerekeza.

Mu birebana n'ubutabera kandi rishimangira ko ibihano biteganyirizwa ibyaha byoroheje byaba nsimburagifungo nk'imirimo ifitiye igihugu akamaro bityo gufunga abantu bikajya bibaho ari uko bahamwe n'ibyaha bikomeye.

Risaba ko ahari gereza z'abana hashyirwa amashuri ya kaminuza ku masomo yose kugira ngo uwakatiwe gufungwa igihe kirekire ahabwe amahirwe yo kwiga nazasohokamo azagirire igihugu akamaro.

Ubwisungane mu kwiga

Mukabunani yavuze ko uko habayeho ubwisungane mu kwivuza kandi bukomeje gutanga umusaruro habaho na gahunda nk'iyo mu burezi, bigamije gufasha abatishoboye kandi bafite amanota meza kujya bafashwa kwiga kugeza ku rwego rwa Kaminuza.

Yavuze ko baharanira ko umwana w'umwarimu yajya yigira ubuntu amashuri yose, mwarimu akigisha.

Ati 'Duharanira ko umwana wa mwarimu yiga atishyura kugeza arangije kaminuza kugira ngo agaciro ke n'uruhare rwe abishimirwe muri sosiyete. '

Mukabunani yemeza ko mu mashuri y'u Rwanda hari hakwiye kwigishwa indimi zirimo Icyongereza, Igifaransa, Igiswayire, Ikidage, Igishinwa n'izindi zafasha abanyarwanda guhangana ku isoko ry'umurimo.

PS Imberakuri kandi ibona ko amashuri yisumbuye yigisha ubuforomo yasubijweho akwiye kwiyongera kugira ngo ikibazo cy'ubuke bwabo gikemuke burundu.

Iri shyaka kandi riharanira ko hajyaho uburyo bwa 'Mobile TVET Wing' imara amezi atandatu igamije kwigisha abanyeshuri batize imyuga, bakigishwa ubumenyi ngiro hagendewe ku bikenewe aho batuye.

Umushara w'abaforomo uzongerwa

Mu buzima, PS Imberakuri igaragaza ko abaforomo bakwiye kongererwa umushahara kuko ari muto cyane ugerereranyije n'ibiciro biri ku isoko.

Iri shyaka rivuga kandi ko hakwiye kandi kujya hitabwa ku masaha y'ikirenga bakora bakayahererwa agahimbazamusyi.

Ikindi PS Imberakuri izashyiramo imbaraga ni ugusaba ko Leta izafasha abakoresha ubwisungane mu kwivuza bagakorana n'amafarumasi yigenga kugira ngo bajye bashobora kugura imiti batishyuye 100%.

Hari kandi kongerera ibigo nderabuzima n'ibitaro abakozi bashoboye kugira ngo servisi z'ubuvuzi zihute, ndetse no kongera imbangukiragutabara no kwita ku mihanda zinyuramo kugira ngo abazigendamo batabarirwe igihe.

Mu ngeri y'ubukungu PS Imberakuri igaragaza ko Banki Nkuru y'Igihugu ikwiye gukurikirana imikorere y'amabanki, abayagana ntibakomeze kujya bacibwa inyungu z'umurengera.

Iri shyaka kandi ngo rirangajwe imbere no kugabanya imisoro bityo abayitanga bakiyongera kuko aho kugira bake batanga menshi, igihugu cyagira benshi batanga make kandi nabo bakiteza imbere.

Mukabunani yemeza ko abakora umurimo w'ubuhinzi bakwiye gushishikarizwa no gufashwa guhinga ibihingwa ngandurarugo ku buryo buhagije.

Avuga ko abahinzi kandi bagomba gukora uwo murimo kinyamwuga kugira ngo biteze imbere mu bukungu babifashijwemo na Leta.

Mukabunani kandi yavuze ko Abanyarwanda bagomba guhabwa uburenganzira bwo guhinga ibihingwa bishobora kwera mu gace batuyemo, kandi bakajya bahabwa umwanya wo gutanga ibitekerezo ku mishinga ibakorerwa yerekeye ubuhinzi n'ubworozi.

Ishyaka rya PS Imberakuri kandi rivuga ko ubuhinzi bukwiye gukorwa mu buryo bugezweho hakajya hakoreshwa imashini n'ibimasa bihinga kugira ngo abahinzi boroherezwe imvune zo guhingisha isuka isanzwe hagamijwe guhinga hanini kurushaho.

Ni ishyaka rigaragaza ko hakwiye kujyaho banki zifite inshingano zo gutanga inguzanyo mu buhinzi n'ubworozi gusa, ndetse hakajyaho no gukangurira no gufasha abaturage gufata amazi y'imvura bakayabyaza umusaruro nko kuhira imyaka n'amatungo

Hari kandi gukangurira abaturage gukoresha ifumbire y'imborera, kuko iy'imvaruganda ihenda cyane kandi ikagundura ubutaka.

Mu rwego rw'ibikorwa remezo PS Imberakuri igaragaza ko hakwiye gutunganywa ahantu hose h'amanegeka hadashobora guhingwa, gushyiramo ibikorwa remezo by'imihanda, amashanyarazi n'amazi, akaba ariho hagirwa imiturire kugira ngo ubutaka bwo guhingamo bukoreshwe neza.

Ku birebana n'imiturire iri shyaka bisanga bikwiye gukorwa neza kandi hakoreshejwe amazu ageretse.

Rishyize imbaraga kandi mu guhuranira ko udukiriro twubatswe tugirira abaturage akamaro kuko ubu usanga tudatanga umusaruro kuko twubatswe nta nyigo zikozwe.

Mukabunani Christine uyobora PS Imberakuri yemeza ko bifuza ko amajwi menshi kugira ngo bazabashe gushyira mu bikorwa manifesto yabo

PS Imberakuri yemeza ko Abanyarwanda bazayigirira icyizere

Abaturage bumva imigabo n’imigambi ya PS Imberakuri ubwo yiyamamarizaga mu Karere ka Rubavu

Uwera agaragaza ko naramuka atowe azashyira imbaraga mu kubaka umuryango ushoboye kandi utekanye, gutoza abakiri bato kwikorera bakiteza imbere, iterambere rirambye himakazwa umuco wo gukorera hamwe ndetse no guharanira iterambere ry'umugore nk'umusingi w'iterambere ry'igihugu.

Ati 'Nakoze ubushakashatsi mbona iyo umugore yateye imbere mu ngeri zose z'ubuzima bituma igihugu na cyo gitera imbere ndetse kikagira amahoro. Umugore utinyutse akabasha kubaka umuryango atanga uburere bwiza, abana akabafasha mu mikurire y'ibitekerezo, kandi ntiyatera imbere akimbirana n'umugabo.'

Yongeyeho ati 'Iyo uteje imbere umugore uba uteje imbere igihugu cyawe kuko umugore ufite amahoro atanga ubuzima ku muryango, ubwo buzima buba bwubatse ejo hazaza h'igihugu.'

Uwera yagaragaje ko kubaka umuryango ushoboye ari umusingi ukomeye w'iterambere ry'igihugu kuko ari wo cyubakiyeho iterambere ry'ahazaza.

Yahamije ko iterambere ry'umuryango rituma abato bakurana indangagaciro na kirazira z'umuco Nyarwanda, bikagabanya abana bata ishuri, abajyanwa mu bigo ngororamuco n'abishora mu biyobyabwenge.

Uyu mugore ufite icyiciro cya Gatatu cya Kaminuza 'Masters' mu birebana n'iterambere rirambye asanga harakozwe byinshi mu kuzamura ubushobozi bw'umugore haba mu miyoborere n'ishoramari ariko ngo hari ahagikeneye kongerwa ingufu.

Ati 'Dukurikije aho tuvuye kure kure, aho tugeze ni heza. Twasubijwe agaciro kubera ko uyu munsi nanjye ndatinyuka nkiyamamaza. […] Icyo tuzakora ni ukurushaho kunononsora uburyo bufatika butuma umugore wujuje ibisabwa ateza imbere iki gihugu cyacu.'

Yasabye abagore kurangwa n'indangagaciro nzima, n'ibitekerezo byiza bigamije iterambere ry'igihugu.

Uwera ari mu bakandida depite bari kwiyamamariza mu Mujyi wa Kigali. Asanzwe ari Umuhuzabikorwa w'Inama y'Igihugu y'Abagore mu Murenge wa Jabana mu Karere ka Gasabo, n'Umujyanama muri Njyanama y'uwo Murenge.

Uwera uri guhatanira kwinjira mu Nteko Ishinga amategeko y’u Rwanda arajwe ishinga no guteza imbere umugore

Mpayimana yabwiye ab'i Huye ko ari umwana wabo, ndetse akaba n'umufana ukomeye w'ikipe y'umupira w'amaguru ya Mukura Victory Sports, kuko ngo yatangiye kuyifana yiga mu mashuri yisumbuye mu Karere ka Gisagara, i Save.

Kandida Perezida Mpayimana, yavuze ko kuba yiyamamaza atabikora kuko ubuyobozi buriho bunaniwe,ahubwo ari uko ashaka kugaragaza ko u Rwanda rumaze kugera aheza muri demokarisi, ndetse akaba yifuriza igihugu wifuriza gutera indi ntambwe muri byose.

Uyu mukandida, yavuze ko atifuza ko Abanyarwanda bakomeza kubwirwa ko ibintu byose ari 100% gusa, kuko ngo byabasinziriza.

Yababwiye ko imigabo n'imigambi yiyamamazanya ikubiye mu ngingo 52 zose zigamije iterambere ry'igihugu.

Mpayimana Philippe yikije cyane ku ngingo yo kuvugurura umurimo w'ubukomisiyoneri, aho yavuze ko kuri ubu bukorwa mu kajagari, yavuze ko ashaka kuvugurura umwuka w'ubukomisiyoneri.

Yavuze ko abakomisiyoneri babikora nabi bakica n'ibiciro ku isoko bityo ko azawuteza imbere akawuha umurongo.

Ati “Umurimo w'ubukomisiyoneri ni umwe mu mirimo itunze Abanyarwanda nifuza ko uhabwa gahunda. Kuri ubu, ubukomisiyoneri buteje akajagari mu bucucuzi. Ni ngombwa ko umuntu ufite igicuruzwa ashyiraho igiciro yifuza bidasabye ko umukomisyoneri yiyongereraho ibyo yishakiye.''

“Uyu mwuga kandi numara guhabwa gahunda, bazagira icyo bashingiraho bashyiraho ibiciro kugira ngo bahembwe, kandi banamenye ko bagomba gutanga imisoro, cyane cyane ko umurimo udatanga umusoro ntukwiye no gukomeza gutera akajagari mu bucuruzi.''

Usibye ubukomsiyoneri, Kandida Perezida Mpayimana yavuze ko anafite umugambi wo kuzamura itangazamakuru aho yifuza ko habaho umunyamakuru byibura muri buri murenge, ibyo avuga ko bizatuma nabyo byongera imirimo mu gihugu.

Akarere ka Huye kabaye aka 25 Kandida Perezida Mpayimana agezemo, ageza ku banyarwanda imigabo n'imigambi ye abahishiye igihe yaba atorewe kuyobora u Rwanda, nyuma yaho akaba yakomereje mu Karere ka Gisagara.

Mpayimana Philippe yavuze ko atifuza ko azazahura umwuga w’ubukomisiyoneri

Abaturage bari baje kumva imigabo n’imigambi y’umukandida Mpayimana

Mpayimana yiyamaririje mu Matyazo i Huye

Amasezerano hagati y'u Bwongereza n'u Rwanda yo kurwoherezamo abimukira yashyizweho umukono bwa mbere mu 2022, aza kuvugururwa mu Ukuboza 2023 hongerwamo zimwe mu ngingo zari zigamije kuziba ibyuho byagaragajwe n'Urukiko rw'Ikirenga mu Bwongereza.

Gusa kuva habaho impinduka muri Guverinoma y'iki gihugu ku wa 5 Nyakanga 2024, Minisitiri w'Intebe mushya, Sir Keir Starmer, yavuze ko ibyo kohereza abimukira mu Rwanda bigomba guhagarara hagashakwa ibindi bisubizo.

Kuri ubu ikibazo cyibazwa na benshi ni uko bizagenda ku mafaranga agera kuri miliyoni 270 z'ama-pound u Bwongereza bwari bumaze guha u Rwanda mu rwego rwo gushyira mu bikorwa iyi gahunda.

Dr. Uwicyeza yavuze ko u Rwanda rudategetswe kuyishyura, ati “Nta tegeko ryo gusubiza amafaranga. Tuzakomeza ibiganiro. Gusa birumvikana ko nta tegeko kuri buri ruhande, ryo gusaba cyangwa gusubiza amafaranga.”

The Telegraph yatangaje ko aya masezerano akubiyemo ingingo ivuga ko mu gihe cyo kuyasubika, u Bwongereza bugomba kubimenyesha u Rwanda mbere y'amezi atatu, ikintu kitari cyakorwa magingo aya.

Gusa Dr. Uwicyeza yavuze ko u Rwanda rwakurikiranye impinduka muri Guverinoma y'u Bwongereza, ati “Twamenye icyemezo cy'u Bwongereza cyo kwikura mu masezerano.”

Yashimangiye ko u Rwanda rwumva neza ko politiki z'ibihugu zishobora guhinduka bitewe n'imiterere ya za Guverinoma, gusa ashimangira ko aya masezerano yari yasinywe mu izina ry'ibihugu byombi.

Ibitangazamakuru byo mu Burengerazuba bw'Isi byandika kuri iyi ngingo bikoresha imvungo 'Rwanda Deal' ndetse Dr. Uwicyeza yavuze ko ibi byateye urujijo, abantu bagakeka ko aya yari amasezerano y'u Rwanda kandi atari ko bimeze bityo bamwe bakabiheraho baruvuga nabi.

Yasobanuye ko ibi atari byo kuko u Rwanda rwinjiye muri iyi mikoranire n'u Bwongereza mu gukemura 'ikibazo cy'u Bwongereza.'

Dr. Uwicyeza yahamije ko u Rwanda rwashoye imbaraga nyinshi mu kubahiriza aya masezerano, rukora ibisabwa byose ku ruhande rwarwo.

Amakuru avuga ko iyo bigenda neza, abimukira ba mbere bashoboraga kugera mu Rwanda mu mpera z'uku kwezi.

Yanenze Ishami ry'Umuryango w'Abibumbye ryita ku Mpunzi, UNHCR ryahereye kera rirwanya amasezerano yo kohereza abimukira mu Rwanda nyamara ryo risanzwe rikorana n'u Rwanda mu gufasha abimukira n'impunzi baturuka muri Libya.

Ati 'Dukorana n'imiryango itandukanye ngo tuvane abantu mu bihugu nka Libya bagahabwa amahirwe y'imibereho mu Rwanda. Ntibyumvikana ukuntu u Rwanda rwaba igihugu gitekanye ku bimukira bamwe [mu gihe] ku bandi ruba rudatekanye bitewe n'igihugu baturutsemo.'

Leta y'u Bwongereza ivuga ko kwikura muri aya masezerano bizatuma izigama miliyoni 75 z'ama-pound, ayo akaba azakoreshwa mu gushaka ibisubizo by'abimukira, birimo kongera imbaraga inzego zishinzwe kurinda umupaka, gukaza ibihano ku bagira uruhare mu kugeza abimukira mu Bwongereza, kongera imbaraga z'urwego rw'ubutasi rushinzwe gushakisha aba bantu n'ibindi bitandukanye.

Iyi Leta kandi yatangaje ko hagiye gukorwa igenzura ku mafaranga yagombaga gukoreshwa muri iyi gahunda, aho byitezwe ko ibizarivamo bizashyirwa hanze mbere y'uko uku kwezi kurangira.

Guverinoma y'u Bwongereza kandi ishobora gutanga indishyi ku bimukira 200 bari barateguwe kuzanwa mu Rwanda, nyamara iby'iyi gahunda bitari byakagiye mu buryo neza, aba bakaba baratangiye gutegurwa muri Gicurasi uyu mwaka.

Dr Doris Uwicyeza Picard yatangaje ko u Rwanda rudakwiye kureberwa mu ndorerwamo y’amasezerano kuko ari igihugu gifite abaturage na politike zacyo

Ibi yabigarutseho mu buhamya yatanze kuri uyu wa Kabiri tariki ya 9 Nyakanga 2024, ubwo hamamazwaga abakandida depite b'Umuryango FPR-Inkotanyi mu Murenge wa Ruramira mu Karere ka Kayonza.

Mukandayisenga ufite abana bane, yatanze ubuhamya bw'ukuntu yari afite ibiro 45 kandi ari umugore. Icyo gihe ngo yagaragaraga mu mirire mibi kimwe n'umwana we yari yaribarutse.

Ubuyobozi bwiza buyobowe na FPR-Inkotanyi ngo bwarabibonye bumufasha kuyivamo neza.

Ati 'Ubuyobozi bwiza bwarabirebye bumpa inka ikamwa ntangira kunywa amata njye n'abana banjye, twese twari mu mirire mibi ariko aho tuboneye inka tukanigishwa gutegura indyo yuzuye twayivuyemo njye ndazamuka mva ku biro 45 ngira ibiro 88. Ndashimira rero ubuyobozi bwiza buyobowe na Perezida Kagame bwankuye mu mirire mibi.'

Mukandayisenga yakomeje avuga ko bitarangiriye aho kuko ya nka yabahaye ifumbire batangira guhinga bareza, ava ku guhingira 700 Frw mu baturanyi ahubwo nawe atangira kweza neza abikesha ifumbire yakuye kuri ya nka ndetse n'ubundi bujyanama yahawe n'ubuyobozi.

Ati 'Ubu ndi umugore ukoresha abandi aho nahingiraga 700 Frw nanjye ubu nsigaye mpingisha abakozi batanu bahoraho buri umwe aba ahembwa 1500 Frw ku munsi byaba ari mu bihe byiza nkanakoresha abakozi icumi byose nkaba mbikesha imiyoborere myiza yatumye mbona inka ikamwa, impa amata, ifumbire nanabasha gukirigita ku ifaranga nakuraga mu mata.'

Mukandayisenga yavuze ko kuri ubu ajya mu bandi bagore yizihiwe, yemye kandi yifitiye icyizere mu gihe mbere yatinyaga kujya mu bandi kuko nta mwenda yagiraga usa neza ahubwo yahoranaga ibibazo no kwitinya kubera ubukene.

Ati 'Ikindi nishimira ni uko twegerejwe ubuyobozi, ubu uragira ikibazo buri muyobozi wese akabimenya, akakuba hafi ku buryo tumeze neza kubera imiyoborere myiza ya FPR-Inkotanyi na Paul Kagame wacu.'

Yasabye abanyamuryango ba FPR-Inkotanyi n'Abanyarwanda bose muri rusange gukomeza kugirira icyizere uyu muryango kugira ngo buri wese agerweho n'iterambere. Yavuze ko inzira y'ubukire yatangiye atenda kuyireka ahubwo yifuza gufasha abandi baturage bakiri inyuma nk'aho yahoze kugira ngo nabo bagere ku iterambere.

Akanyamuneza ni kose kuri Mukandayisenga wahoranye ibilo 45 kubera imirire mibi

Bitewe n’uburyo nabo baba bifuzwa n’abagabo benshi babirukaho bituma nabo biborohera kubahinduranya, dore ko ibyo kubona umukunzi biba byoroshye kuburyo adashobora kwicara atamufite. Ibi kandi ntibabikora mu bwihisho kuko banabishyira ku muragaragaro.

Usanga nk’umuhanzikazi runaka uyu munsi yafotowe asomana n’umusore runaka, bwacya ugasanga afotowe yishimanye n’undi bitewe n’uko ubuzima bwabo buba bushyirwa hanze cyane. 

Benshi muri bo barimo nka Jennifer Lopez, Taylor Swift, Kim Kardashian bagiye biyemerera ko badashobora gutuza badafite abakunzi kuburyo niba yatandukanye n’umwe uyu munsi, mu minsi itarambiranye araba amaze kubona undi umusimbura.

InyaRwanda yaguteguriye urutonde rw’ibyamamarekazi ku rwego mpuzamahanga byagiye bihinduranya abagabo ku bwinshi:

1. Drew Barrymore

Drew Blyte Barrymore ni umukinnyi wa filime, umwanditsi w’ibitabo ndetse akaba anafite ikiganiro kuri televiziyo ya CBS cyitwa ‘The Drew Barrymore Show’ atumiramo ibyamamare. Uyu mugore w’imyaka 49 yatangaje ko amaze gukundanaho n’abagabo 30 barimo 3 barushinze ntibirambe. Yavuze ko mu 2012 ubwo yarushingaga na Will Kopelman yaramaze gukundanaho n’abagera kuri 22, gusa kuva batandukana mu 2016 yakundanye n’abagabo 8 bityo bose hamwe ni 30.

2. Britney Spears

Uyu muhanzikazi benshi bita ‘Princess of Pop’, amakuru ye aheruka gutangazwa ni uko yavuze ko yazinutswe ibyo gukundana n’abagabo nyuma y’agatanya zegera kuri 3. Gusa nubwo bimeze bityo Britney Spears yaciye ibintu i Hollywood n’abagabo batandukanye ndetse bose bagera kuri 17 barimo n’uwo baherutse gutandukana bamaranye amezi atanu gusa.

3. Halle Berry

Uburanga bw’umukinnyi wa filime Halle Berry wanigeze kwitabira irushanwa rya Miss World mu 2000, bwirahirwa na benshi barimo n’abahanzi bakunze kumuririmbaho barimo n’umuraperi Kendrick Lamar wagize ati:”Umugore mwiza ni usa nka Halle Berry gusa Imana nayo ntiyaremye abandi nkawe niwe gusa yaremye’. Halle w’imyaka 57 amaze kukanyuzaho n’abagabo 15 barimo Van Hunt bari mu rukundo ubu.

4. Jennifer Lopez

Mu batarahiriwe n’urukundo n’umuhanzikazi Jennifer Lopez arimo. Amaze guhana gatanya eshatu yewe n’umugabo we wa Kane Ben Affleck nawe baherutse gutandukana n’ubwo batarasinya gatanya. J-Lo utarigeze ahisha ko atabasha kubaho atarikumwe n’umugabo, amaze kukuanyuzaho n’abagabo 14 barimo 3 bagiye barushinga bagatana, 7 bagiye bibanira nk’umugabo n’umugore, n’abandi 4 bakundanyeho ntibimare kabiri.

5. Rihanna

Icyamamarekazi mu muziki, Rihanna, wakanyujijeho n’abasore benshi barimo n’ibyamamare nka Chris Brown, Drake, Travis Scott, Leonardo DiCaprio n’abandi, kuri ubu asigaye yarabaye umubyeyi w’abana 2 ndetse abanye neza n’umugabo we A$AP Rocky. Gusa mbere y’uko Rihanna akundana n’uyu muraperi yabanje kukanyuzaho n’abagabo 13.

6. Sandra Bullock

Ni umwe mu bagore bubatse izina muri Sinema, wamamaye muri filime nka ‘The Proposal’, ‘The Blind Side’, ‘Bird Box’ n’izindi. Sandra Bullock yakanyujijeho n’abagabo 12 barimo Jesse James barushinze mu 2005 bagatandukana mu 2010. Hamwe na gafotozi Bryan Randall uherutse kwitaba Imana bari bamaranye imyaka 11. Mbere y’uko Sandra akundana na Bryan yaramaze kukanyuzaho n’abagabo 11, Bryan aza ari uwa 12, icyakoze kuva yakwitaba Imana Sandra Bullock ntawundi mugabo arongera gukundana nawe.

7. Scarlett Johansson

Ni icyamamarekazi mu gukina filime benshi bita ‘Black Widow’ kubera filime za ‘Avengers’ zatumye amenyekana. Scarlett yatangaje ko yakundanyeho n’abagabo 13 barimo Colin Jost barushinze mu 2020. Mbere akaba yarakanyujijeho n’abarimo Ryan Reynolds babanye imyaka 4 gusa.

8. Taylor Swift

Umuhanzikazi w’icyamamare Taylor Swift, azwiho kuba akunze gukundana n’ibyamamare bigenzi bye gusa ntibarambane. Ni kenshi yakundanyeho n’abahanzi n’abakinnyi ba filime barimo Harry Styles, Calvin Harris, Tom Hiddleston n’abandi. Yakanyujijeho n’abagabo 11 kugeza kuri Travis Kelce bari kumwe ubu wujuje umubare wa 12.

9. Katy Perry

Umuhanzikazi w’icyamamare, Katy Perry, nawe ari mu bakundanyeho n’abagabo benshi. Yivugiye ko yakundanye n’abagabo 11 barimo n’uwo barikumwe ubu Orlando Bloom bamaze kubyarana umwana w’umukobwa. Muri aba bagabo 11 kandi harimo umunyarwenya w’umwongereza Russell Brand barushinze mu 2010 bagatandukana mu 2012.

10. Natalie Portman

Umukinnyi wa filime Natalie Portman ukomoka muri Israel, yagiye akundwa muri filime nka ‘Leon’, ‘Black Swan’, ‘No String Attached’ n’izindi. Natalie yakanyujijeho n’abagabo 10 barimo na Benjamin Millepied baherutse guhana gatanya bari bamaranye imyaka 12 barushinze.

Tariki 09 Nyakanga 2024 ni umunsi utazibagirana ku rubyiruko rwo mu Rwanda rukoresha imbuga nkoranyambaga kuko ari bwo bakabije inzozi zabo bahura ndetse baganira na Perezida Paul Kagame. Ni ikiganiro cyabaye mbere y’amasaha macye ngo yiyamamarize mu Karere ka Gicumbi mu Majyaruguru y’u Rwanda.

Ni ikiganiro kibanze ku kugaragaza uko Urugamba rwo kubohora Igihugu rwatangiye n’impamvu rwatangijwe kugeza ubwo imyaka 30 ishize u Rwanda rubohowe. Iki kiganiro cyabereye ku Mulindi w’Intwari i Byumba mu Karere ka Gicumbi, kibanda ku rugamba rwo kubohora igihugu- Aho urugamba rwo kubohora u Rwanda rwatangiriye.

Mu bitabiriye iki kiganiro harimo abanyamakuru barimo Lucy Nzeyimana wa RBA, Scovia Mutesi wa Mama Urwagasabo, Jean Luc Imfurayacu wa B&B Fm, Rusine Patrick wa Kiss Fm, ba Nyampinga barimo Miss Nishimwe Naomie, umunyarwenya akaba n’umukinnyi wa Filime Clapton Kibonge, n’urubyiruko rutandukanye rukoresha imbuga nkoranyambaga.

Mu bajijije ibibazo harimo Nishimwe Naomie wegukanye ikamba rya Miss Rwanda 2020. Uyu mukobwa yabanje kubwira Umukuru w’Igihugu, ko ari umwe mu bakoresha imbuga nkoranyambaga, maze Paul Kagame amubwira ko asanzwe amuzi, kuko amubona kenshi. Ati “Ndatekereza njya nkubona kenshi.'

Nishimwe yabajije Umukuru w’Igihugu ati “Ni gute twaba Intare mu gihe twamenyereye amahoro n’iterambere gusa mu gihugu cyacu.” Perezida Kagame yamusubije ati “Mukwiriye kubyumva, mukwiye no kubimenya. Mukamenya ngo ibi byiza ntabwo ari uku byari bimeze imyaka 30 ishize, hanyuma ukibaza ngo byagenze gute kugirango tube dufite ibi byiza.”

Umukuru w’Igihugu yavuze ko kurinda ibyagezweho harimo no kugaragaza ukuri gukwiye, ari nawo mukoro ufitwe na buri wese cyane cyane abavuga rikijyana ku mbuga nkoranyambaga. avuze ko no mu gutanga ibitekerezo harimo intambara, ari nayo mpamvu buri wese akwiriye gushungura mu byo atangaza. 

Perezida Paul Kagame akomeza agira ati “Kubaho uri umbwa, ni ukubaho nta bitekerezo, utagira…umuntu yagutuka ukamusaba imbabazi […] Kuba Intare mvuga ni uguhangana n’ikibazo cyaba icyawe ku giti cyawe, cyaba icy’umuryango wawe, cyangwa icy’iki gihugu ukakigira icyawe.”

Mugisha Emmanuel [Clapton Kibonge] wamamaye muri filime Seburikoko na filime ye y’uruhererekane yise “Umuturanyi”, yagaragaye afata ifoto na Perezida Kagame, yo mu bwoko bwa ‘Selfie’. Ni ibintu byamukoze cyane ku mutima, avuga ko yishimiye cyane guhura na Perezida Kagame afatiraho icyitegererezo.

Mu kiganiro na InyaRwanda, Clapton Kibonge umwe mu bagiranye ikiganiro na Perezida Kagame, yavuze ko hari amasomo akomeye yamwigiyeho arimo kumenya ko intambara zose atari iz’amasasu, ahubwo ko nawe yarashisha imbuga nkoranyambaga mu kubaka u Rwanda. Yamushimiye umutima mwiza agirira abanyarwanda bose.

Ati “Ni inshuti y’abanyarwanda bose, nangiye mbona aganira n’abazasa ku ma site atandukanye, twamubonye ahobera, aterura abana aho yageraga, twahuye nawe nk’urubyiruko atwereka guca bugufi, kuganira.

Ikindi nize ni uko intamba zose atari iz’amasasu, namenye ko nanjye narashisha ibyo mfite nk’imbuga nkoranyambaga mparanira ko amateka mabi atazigera agaruka ahubwo nkakomeza kubaka u Rwanda, nkakomereza aho abakuru bacu bageze”.

Rukunda Patrick uzwi nka Patycope, ni umwe mu bakoresha imbuga nkoranyambaga bagize amahirwe yo kuganira na Perezida Kagame. Abigezeho nyuma y’imyaka 16 amaze akoresha imbuga nkoranyambaga kuko yatangiye kuzikoresha mu 2008. Afite umwihariko wo gukoresha imbuga nyinshi yaba Facebook, X [Twitter] na Instagram.

Patycope ukoresha imbuga nkoranyambaga nk’akazi ke k’umwuga, yagize uruhare rukomeye mu kumenyekanisha umuziki nyarwanda, ndetse byagorana kubona umuhanzi wo mu Rwanda atafashije kwamamaza umuziki we ku mbuga nkoranyambaga. Agira uruhare mu kwamamaza ibitaramo by’abahanzi ndetse n’ibikorwa bya kompanyi zitandukanye.

Mu butumwa bwe nyuma yo guhura na Perezida Kagame, yagaragaje akari ku mutima we. Ati “2008 ni bwo igitekerezo cyanjemo cyo gufunguza Facebook account, 2011 ni bwo natangiye kubyaza umusaruro imbuga nkoranyambaga nzikoresha mu buryo bwiza, none uyu munsi nagize amahirwe yo gufata ifoto na H.E President Paul Kagame.

Iyi foto ivuze byinshi kuri njyewe kuko uyu munsi yambwiye ko nkwiye kwiha agaciro sinzemere kuba imbwa, ahubwo ko ngomba kuba INTARE kuko ibyo abandi bakora nanjye nabikora neza kandi nkanabarusha. Niko Gukotana Nyabyo”.

Harerimana Tito ukoresha cyane urubuga rwa X akurikirwaho n’ibihumbi 93, aho azwi nka Tito Hare, akaba yagaragaye ari kumwe neza n”Umukuru w’Igihugu, yavuze ko guhura na Perezida Kagame ari inzozi zibaye impamo. Yanditse ati “Birangiye inzozi zanjye impamo, ifoto nziza cyane hamwe na Nyakubahwa Paul Kagame”.

Yabwiye urubyiruko rugenzi rwe ko bafite umubyeyi, at “Simfite amagambo yasobanura uko niyumva, ndi umunyamugisha. Rubyiruko, dufite umubyeyi”. Lydie Mutesi Mwambali yamusubije ati “Ubanza uri muri ba bantu bavugwa bakoze ku mutima w'Imana, ndakwishimiye cyane uyu mugisha urawukwiye, uri muto utari gito, komeza utsinde!”

Kwizera Josue wamamaye nka Byukavuba [Sir.Uracyaryamye] kuri X, byamurenze na cyane ko Perezida Kagame yavuze ko amuzi ndetse akaba amukurikira kuri X. Uyu musore yavuze ko atabona uburyo agaragaza umunezero wuzuye umutima we.

Ati: “Itariki 09.07.2024 sinzayibagirwa. Ntabwo nabona uko nandika uburyo nishimye muri aka kanya kuba ‘nzwi’ na Nyakubahwa Paul Kagame, Papa w’u Rwanda, ntabwo bigira uko bisa. Ni ukuri H.E akunda urubyiruko”.

Yashimiye cyane Umukuru w’Igihugu ku bwo kuzirikana no guha umwanya abakoresha imbuga nkoranyambaga. Yongeyeho ati Ni iby’agaciro gakomeye kugira umuyobozi na Guverinoma igenera umwanya urubyiruko kugira ngo rutange ibitekerezo”.

Yanashimiye bagenzi be bakoresha imbuga nkoranyambaga, abibutsa ko ibyo batangaza bigera kure cyane kurenza uko babitekereza. Yanavuze ko abaharabika u Rwanda akabo kashobotse, ati “Ahubwo ba bandi barajya he ko twaje”.

Luckyman Nzeyimana ukorera Ikigo cy’Igihugu cy’Itangazamakuru, akaba n’umwe mu bakoresha cyane imbuga nkoranyambaga, ari mu bahuye n’Umukuru w’Igihugu anafata ifoto y’urwibutso yo mu bwoko bwa ‘Selfie’. Byamurenze cyane ati “Turinzwe n'Intare kandi Intare ihora ari Intare! […] Mu Biryogo ndaje mbabwire uko gahunda ziteye Bavandimwe”.

Minisitiri Utumatwishima Abdallah ufite urubyiruko mu nshingano ze, yabwiye abakoresha imbuga nkoranyambaga ko Perezida Kagame akurikira ibyo batangaza kandi akanda akunda “Content zacu” [Ibyo batangaza ku mbuga nkoranyambaga]. Yabibukije kuzatora Paul Kagame mu mu matora ya Perezida azaba kuwa 14-15 Nyakanga 2024.

Yifashishije ifoto y’abanyamakuru n’abakoresha imbuga nkoranyambaga bari kumwe na Perezida Kagame, Minisitiri Utumatwishima yanditse ati “Umusaza ngo aba adukurikira wallah. Za mpaka nagiranye na ba Luckyman Nzeyimana, Eeeeh, ‘content’ ya Urinde Wiyemera, Caguwa 2, Museco, arazibona. 

Wa muhungu w’i Gasanze Robert Cyubahiro McKenna, kandi ngo twese adukunda uko turi, na ‘content yacu’ uko iri. #Ndambungenge #ToraKagame24″.

Luckyman Nzeyimana yashimiye Minisitiri w’Urubyiruko n’Iterambere ry’Ubuhanzi, Dr Utumatwishima Abdallah, amubwira ko Perezida Kagame yababwiye ko ibyo batangaza byose “abikurikira kandi ngo abibona, gusa icyo ari gukunda cyane ni ukuntu urubyiruko n'abanyarwanda bashishikajwe no gushaka icyakomeza guteza imbere u Rwanda. Ati ‘Social media namwe muzikomereho, dukomeze dutere imbere’! Amahitamo yacu”.

Buri umwe yatahanye ifoto ya Selfie hamwe na Perezida Kagame

Clapton Kibonge na Tito Hare mu bakoresha imbuga nkoranyambaga bahuye na Perezida Kagame 

AMAFOTO: Village Urugwiro