Author: webrwanda

Umurenge wa Rukara wose nta kusanyirizo ry'amata na rimwe ririmo nyamara hari aborozi bamwe bahafite inzuri, hakaba abenshi bororera mu ngo zabo n'abandi bacuruza amata bagorwa no kubona aho bayagura ku giciro cyiza.

Kayiraba Evanise utuye muri uyu Murenge wa Rukara, yavuze ko kuba badafite ikusanyirizo bituma bagura amata abahenze kuko ngo aborozi bayajyana ku ikusanyirizo rya Buhabwa riherereye mu Murenge wa Murundi.

Ati ' Amata ava Buhabwa akagera hano muri Rukara aduhenze. Litiro tuyigura 550 Frw hakaba n'abayagurisha 600 Frw ariko ku ikusanyirizo Litiro igura 400 Frw. Icyifuzo cyacu rero ni uko hano Rukara natwe twabona ikusanyirizo ryatuma tugura amata ataduhenze.'

Kanzayire Jeanette usanzwe ucuruza amata mu isantere ya Karubamba, yavuze ko mu myaka yashize higeze kuza umuntu ahashyira ikusanyirizo rito ariko ngo yagowe n'ibibazo by'umuriro muke kuko amata yakundaga kumupfana.

Ati ' Ubu abacunda bayatuzanira bagira amasaha bayazanira, iyo udahari ntabwo uyabona kandi litiro bayitugurisha 600 Frw kandi nawe uba ugiye gucuruza, rero tubonye ikusanyirizo byadufasha cyane kuko buri wese wajya ukenera amata yajya ayabona hafi.'

Umuyobozi w'Akarere ka Kayonza, Nyemazi John Bosco, yavuze ko iki kibazo bakizi kandi ko bitarenze umwaka utaha abaturage ba Rukara bazubakirwa ikusanyirizo ryiza.

Yagize ati ' Nibyo hariya mu Murenge wa Rukara tuhafite ibikorwa by'ubworozi nubwo bitari ku rwego rumwe no mu yindi mirenge nka Murundi na Mwiri ariko icyo twavuga ni uko ikusanyirizo biri muri gahunda ko twayibubakira ikabafasha gushyira hamwe umukamo w'aborozi bo muri Rukara, turabiteganya bitarenze umwaka utaha ku kuba yabonetse.'

Umurenge wa Rukara hakunze kuva umukamo wa litiro 3700 z'amata mu gihe cy'izuba, mu gihe cy'imvura ziriyongera zikagera kuri litiro 6000 z'amata.

Aborozi bavuga ko abenshi bagenda bayagurisha mu baturage ariko ko babonye ikusanyirizo ribasha kuyakira byanabatera imbaraga mu kongera umukamo.

Urugaga rw'Abanditsi mu Rwanda, RWF (Rwanda Writers Federation) rufatanyije n'Umuryango Uharanira ukwigenga kwa Afurika, Pan African Movement ishami ry'u Rwanda, bateguye amarushanwa yo gusoma no kwandika ibitabo mu mashuri makuru na za kaminuza zo mu Rwanda agiye kuba ku nshuro ya gatatu.

Ni amarushanwa agamije gufasha abanyeshuri kugira umuco wo gusoma no kwandika ibitabo hibandwa cyane ku bitoza ishyaka ry'u Rwanda na Afurika no kuzamura ubukungu bushingiye ku bumenyi.

Kuri ubu, hamaze kumenyekana kaminuza 27 zujuje ibyangombwa byose kandi zizitabira amarushanwa yo ku nshuro ya gatatu yo gusoma no kwandika ibitabo.

Muri izo kaminuza harimo, Rwanda Polytechnic – Kitabi College, University of Kigali – Kigali Campus, University of Kigali – Musanze Campus, Kigali Independent University – Kigali, Kigali Independent University – Gisenyi, East Africa University Rwanda – Kigali Campus, East Africa University Rwanda – Nyagatare Campus, Catholic University of Rwanda, Kibogora Polytechnic, Mount Kigali University, Kepler College;

University of Rwanda – Rukara Campus, University of Rwanda – Gikondo Campus, University of Rwanda – Nyarugenge Campus, University of Rwanda – Remera Campus, Adventist University of Central Africa, University of Rwanda – Huye Campus, Rwanda Polytechnic – Tumba College, University of Technology and Arts of Byumba, Rwanda Polytechnic – Huye College;

University of Rwanda – Busogo Campus, Rwanda Polytechnic – Musanze College, Ines – Ruhengeri, Rwanda Polytechnic – Ngoma College, Rwanda Polytechnic – Gishari College, Rwanda Polytechnic – Karongi College na University of Rwanda – Nyagatare Campus.

Umuyobozi w'Urugaga rw'Abanditsi mu Rwanda, Hategekimana Richard, yavuze ko bafatanya na PAM-Rwanda gutegura aya marushanwa bashingiye ku mpanuro za Perezida wa Repubulika y'u Rwanda wasabye Abanyarwanda n'Abanyafurika muri rusange kwimakaza umuco wo kwiyandikira amateka.

Yasobanuye ko amarushanwa y’uyu mwaka azafasha igihugu kwimakaza ubukungu bushingiye ku bumenyi (Knowledge Based Economy), kubera ko abanyeshuri bazandika ibitabo byiza bizabafasha gutera imbere mu rwego rw’ubukungu cyane cyane igitabo kizabona amanota 80%.

Akarusho gahari uyu mwaka, ni uko abitabiriye bose bazahabwa ibihembo, ariko by'umwihariko 'abazahiga abandi bazahabwa ibihembo bihindura ubuzima bwabo.' Hitezwe ko kandi aya marushanwa, azarema abandi banditsi benshi bitewe n'uko ubwitabire bwiyongereye cyane.

Mu byo kaminuza zizahatana zisabwa harimo, guhugura abanyeshuri bakagira ubumenyi bwo kwandika ndetse no gusoma ibitabo, no gufasha abanyeshuri kubona ibitabo bihagije basoma.

Richard yavuze ko kuba kaminuza zitabiriye ari nyinshi cyane ari ikimenyetso cy'uko umuco wo gusoma no kwandika ibitabo noneho wahagurukiwe n’abato, kandi ari ingenzi cyane ku gihugu.

Ati: 'Bizafasha igihugu kubona abana b’u Rwanda benshi bandika ibitabo, cyane ko ari umurongo mwiza twese twahawe na Nyakubahwa Perezida wa Repubulika Paul Kagame.'

Urugaga rw'Abanditsi kandi rwamaze kugaragaza urutonde rw'ibitabo abanyeshuri bazasoma bategura amarushanwa birimo icyitwa Kagame Paul Imbarutso y'Ubudasa bw'u Rwanda, Imbaraga z'ubushishozi; Hon Dr. Tito Rutaremara Inkotanyi cyane Ntatezuka; Imitekerereze ya muntu; Home Grown Solution na Rwanda and China n'ibindi.

Umwihariko w'iki cyiciro cy'amarushanwa 2024-2025, ni uko azakorwa mu ndimi ebyiri. Abarushanwa bazajya bihitiramo ururimi babazwamo hagati y'Ikinyarwanda n'Icyongereza ndetse n'abanyamahanga biga mu Rwanda bemerewe kuyitabira.

Abanyeshuri bitabiriye amarushanwa yabanje bagaragaje ko ari amahirwe meza babonye yo kongera ubumenyi bubafasha kwandika ibitabo mu iterambere ry'Igihugu cyabo ndetse na Afurika bifuza.

Biteganyijwe ko kurushanwa ku rwego rwa kaminuza bizatangira tariki 08 Mutarama 2025. Buri kaminuza izitabira irushanwa izakoresha ibizami bizatangwa na'Urugaga rw'Abanditsi, hatoranywemo 20 bazahiga abandi bazabahagararira ku rwego rw'Igihugu.

Umuhango wo guhemba Indashyikirwa 20 zahize abandi mu marushanwa ku rwego rw'Igihugu uzaba kuwa 27 Gashyantare 2025.

Amarushanwa yo gusoma no kwandika y’uyu mwaka azahuza kaminuza 27

Uko gahunda yose y’amarushanwa iteye

Ibitabo bizifashishwa mu marushanwa

Insanganyamatsiko zizandikwaho

Ibihembo bizatangwa

Umuyobozi w’Urugaga rw’Abanditsi mu Rwanda, Hategekimana Richard yavuze ko amarushanwa y’uyu mwaka yitezweho kurema abanditsi benshi

Police FC yatsindiwe muri Algeria na CS Constantine 2-0 muri CAF Confederation Cup.

Wari umukino ubanza w’ijonjora rya mbere muri CAF Confederation Cup aho Police FC yari muri Algeria.

Police FC yagerageje kwihagararaho ariko iza gutsindwa igitego cya mbere kuri penaliti yatsinzwe na Brahim Dib ku munota wa kabiri w’inyongera w’igice cya mbere.

Mu gihe Police FC yari yizeye kwishyura yaje guhura n’ikibazo cyo kubona umutuku ku munota wa 79 wahawe Msanga Henry ku munota wa 79.

Ibi byaje gukurikirwa n’igitego cya kabiri cya Costantine cyo ku munota wa 80 cyatsinzwe Tosin Omoyele. Umukino warangiye ari 2-0.

Umukino wo kwishyura uzaba tariki ya 25 Kanama 2024 i Kigali, Police FC ikaba isabwa gutsinda 3-0.

Police FC yatsindiwe muri Algeria

Gisanintwari Rameck ni umusore ubona ko kuba bamwe muri bagenzi be bafite ubwoba bw'urushako, ari uko batarisobanukirwa ngo banamenye icyo bashaka, ibyo uwo bashaka gushingana urugo agomba kuba yujuje ndetse n'aho bakwiye kumushakira kuko utaba uhora mu kabari ngo wizere ko uzashyingiranwa n'umukobwa wo mu rusengero.

Ati ''Abasore ntabwo barisobanukirwa ngo bamenye icyo bashobora kuba bakora mu gihe baba bakiri mu buzima bwo kuba ingaragu […] ntabwo abasore bari basobanukirwa ngo bamenye uwo bashaka, aho bashobora kumukura n'icyo akwiriye kuba afite.''

''Tugira nk'ikibazo ugasanga umusore wenda aracyari ingaragu, aravuga ati 'Ndashaka umukobwa w'Umukirisitu ukujijwe, utaha kare […] ikibazo kiza kuko umuntu arashaka umukobwa ukijijwe ariko we ntabwo akijijwe, we yibereye nko mu Gisimenti ari aho arimo arinywera 'konyagi' ari mu Gisimenti, ariko arashaka umukobwa ukijijwe. Ntabwo ari aho azamukura!''

Gisanintwari kandi yakomoje ku kuba no mu rusengero usangamo abasore bahugira mu gusenga gusa ntibite ku bindi byabafasha kuba mu buzima bwiza bari mu bugaragu ku buryo byanabageza ku kuzagira urushako rwiza, ibituma batinda mu bugaragu kuko nta mukobwa wakwifuza kuzagira umugabo usenga gusa ntakore.

Ikindi yavuze ni ukuba bamwe mu basore bafite ubwoba bwo gushaka kubera guhora babona ubwiyongere bw'ingo bitangazwa ko zasenyutse nyamara ntihatangazwe n'umubare w'izubatse neza, bikaba bitabaha ishusho nziza ku rushako bamwe muri bo bagafata umwanzuro wo kuba baretse gutekereza ibyo kurujyamo.

Ku ruhande rw'abakobwa, Sindayigaya Patience yabwiye IGIHE ko biteye ubwoba mu gihe cya none kubona abagabo bakuze kandi bubatse bareshya abakobwa, bigatuma abakobwa bagira ubwoba ko bashobora gushinga ingo nyuma abagabo babo nabo bagatangira kuba muri ubwo buzima.

Ikindi kandi yanenze abakobwa bicara bakitwaza ko ari beza ntibakore bagashaka kubaho mu buzima bworoshye bibwira ko bazatungwa n'abasore batunze agatubutse bazabashaka, yibutsa abakobwa ko mu gihe cya none nta musore wakwifuza kugira umugore udafite uruhare rwe rwiza mu rushako.

Ati ''Ugasanga umusore ahembwa nka miliyoni 400 Frw ku mwaka wowe nta kintu ukora, uri guhahira i Dubai ariko uri Kigali. Noneho ako kantu tukakirengagiza ugashaka kubaho ubuzima 'Nara Smith' abayeho kandi ntabwo uri we. […] urashaka kwiberaho mu buzima bworoshye, intangiriro yabwo ni uyu munsi.''

''Ntabwo umugabo ufite imodoka uzamusanga mu cyumba uzamusanga aho waparitse iyawe! Rero rekera kwiringira iby'ibyumurengera, noneho nawe ushyire umupira hasi […] dukwiye gushyira mu gaciro. Ibintu byo kwizera ibirenze, ibyo kwifuza tugakabya, ese ubundi ibyo bintu ushaka papa wawe arabifite?''

Sindayigaya kandi yakomoje ku kintu ingaragu cyane cyane abakobwa bakunda kwirengagiza, ugasanga nk'umukobwa akundana n'umusore umuca inyuma, w'umusinzi cyangwa umutendeka akibwira ko azamuhindura, abibutsa ko umuntu umeze gutyo aba adashobora guhinduka yageze mu rushako.

Inzobere mu mibanire, Hategekimana Hubert Sugira, yavuze ko andi makosa akorwa n'ingaragu kandi zitegura gushyingirwa, ari ukwigaragaza uko utari imbere y'umuntu muteganya kubana nk'umugabo n'umugore, mwagera mu rushako agatangira kukubonamo undi muntu utandukanye n'uwo yakubonyemo ajya kugukunda, ndetse ko nta kabuza urwo rugo ruba rufite ibyago byinshi byo kuzasenyuka.

Ati ''Kimwe mu bimenyetso kigaragaza ko umuntu murimo muraganira atari we, icya mbere ni ukuba hari ikintu ujya kumubwira ukwifata. Icyo ni ikimenyetso cy'uko umubiri wawe urimo urakubwira ngo uyu muntu ntabwo wakamwizeye. Niba umuntu utamwizera ku buzima bwawe ntuzamwambarire ubusa.''

Sugira kandi aherutse kuvuga ko 75% by'ingo zisenyuka bituruka ku kuba abazubatse baba batariteguye, yibutsa ko ari byiza kujya mu rushako witeguye utagendeye ku gitutu cy'imiryango n'amadini, ikigare cyo kuvuga ngo 'Naka yashatse reka nanjye nshake', ndetse abagiye gushinga ingo bakabanza kuganira ku bintu byose birimo uko bazakoresha umutungo, uruhare buri wese akwiye kugira mu rugo, uko bazarera abana mu gihe babyara ndetse n'ibindi.

Yasobanuye ibyo yifashishije urugero rw'amashusho yakwirakwiye ku mbuga nkoranyambaga mu Rwanda agaragaza abagiye gusezerana mu mategeko umukobwa akavuga ko basezerana ivangamutungo ariko umugabo we akavuga ko ashaka ivanguramutungo, Sugira avuga ko ibyo abantu baba bakwiye kubiganiraho mbere kuko usanga bagera mu rugo ugasanga hari byinshi batumvikanye byanabageza kuri gatanya kandi byari kugenda neza iyo babiganiraho mbere.

Umunsi ku wundi, isura y'Umujyi wa Kigali irahinduka. Inyubako zizamurwa ubutitsa ndetse magingo aya, hari nyinshi ziri kuzamuka mu buryo budasanzwe zigiye guhindura isura y'umujyi.

Mu nyubako zitezwe mu minsi ya vuba, harimo nk'iri kubakwa hafi y'Umujyi wa Kigali izakoreramo Equity Bank, harimo iri kubahwa ahohoze hitwa kwa Venant, izakorerwamo ibikorwa by'ubucuruzi n'izindi nyinshi.

Inyubako ya Kigali Financial and Business Square

Ni inyubako izaba yubatse mu buryo butangiza ibidukikije, izaba ifite igice kimwe cy'amagorofa 24 ashobora gukoreshwa nk'ibiro, n'ikindi gice kigizwe na hotel n'inzu zo guturamo ifite amagorofa 20.

Ni mushinga wa miliyoni 100$ w'inyubako ebyiri ndende ziteye kimwe (Twin Tower).

Inyubako ya Kigali Financial and Business Square iri kubakwa mu Mujyi wa Kigali, izuzura itwaye miliyoni 100$

Ni inyubako izaba yubatse mu buryo butangiza ibidukikije, izaba ifite igice kimwe cy'amagorofa 24 ashobora gukoreshwa nk'ibiro, n'ikindi gice kigizwe na hotel n'inzu zo guturamo ifite amagorofa 20

Kigali Financial and Business Center izagira uruhare runini mu guhindura isura y’Umujyi wa Kigali

Izaba ari imiturirwa ibiri (Twin Tower)

Ibikorwa byo kubaka iyi nyubako biri gukorwa ku muvuduko uri hejuru

Abakozi bari gukora cyane bagamije kuyisoza vuba

Kigali Financial Square yashyizweho ibuye ry’ifatizo muri Kamena 2022

Iyi nyubako ifite umwihariko wo kuzaba iri mu nyubako ndende mu Mujyi wa Kigali

Byitezwe ko ibigo bikomeye mu by’imari ku mugabane wa Afurika bizafungura ibiro muri iyi nyubako

Iyi nyubako izakorerwamo ibikorwa byiganjemo ibijyanye n’imari

Iyi nyubako ya Kigali Financial Square iri kubakwa mu kibanza kigari kiri hagati y'Ibiro by'Umujyi wa Kigali n'inyubako ikoreramo Ecobank. Ni hagati ya Minisiteri y'Imari n'Igenamigambi (MINECOFIN) na Imbuga City Walk

Inyubako iri iruhande rwo kwa Kanimba

Iyi nyubako yuzuye mu Mujyi ku muhanda uva kuri Peyaje

Mu minsi mike iraba yatangiye gukorerwamo

Inzovu Mall

Ni inyubako iri kubakwa ku buso bwa metero kare 40 000, izaba irimo hotel y'inyenyeri enye ifite ibyumba 95, igice kinini cyahariwe ibiro, ahantu hashobora gukodeshwa, amaguriro agezweho, ahantu hacururizwa ibinyobwa n'ibiribwa, za restaurants, ahakorera za banki, amavuriro, ahantu h'imyidagaduro n'ibindi.

Inzovu Mall iri kubakwa hafi ya Kigali Convention Centre

Ni inyubako izaba irimo ibikorwa by’ubucuruzi hamwe na hotel y’inyenyeri enye

Imirimo yayo iri kwihutishwa ku buryo izaba yarangiye mu 2025

Inyubako ya Inzovu Mall iri kubakwa

Iimrimo yo kubaka iyi nyubako irarimbanyije

Inyubako iri iruhande rwa KBC

Inyubako ya Landmark One

Inyubako ya Landmark One ni uku izaba iteye

Iyi nyubako isa n’iyuzuye n’ubwo hari imirimo ya nyuma igikorwaho

Inyubako ya Catch up Mixed-use Center

Iyi nyubako y’ubucuruzi iri kubakwa mu kibanza giteganye n’amasangano yo mu mujyi rwagati

Irikubakwa ahahoze hitwa kwa Venant hafi ya Rond Point

Irikubakwa ahahoze hitwa kwa Venant hafi ya Rond Point

Imirimo yo kubaka iyi nyubako iracyari mu ntangiriro

Inyubako ya Catch up Mixed-use Center ni uku izaba imeze, iri kubakwa hafi na MIC

Inyubako ya Norrsken Kigali

Iherereye mu Mujyi rwagati ahasanzwe hakorera Norrsken

Ni inyubako yubatswe mu buryo butangiza ibidukikije

Ni imwe mu zizatuma isura y’Umujyi wa Kigali ihinduka bitewe n’ubwiza bwayo

Ni inyubako ifite umwihariko wo kurengera ibidukikije

Inyubako nshya ya Norrsken Kigali iri kugana ku musozo

Inyubako iri iruhande rwa Sanlam

Iyi nyubako iri mu Mujyi wa Kigali rwagati

Uku ni ko iyi nyubako igaragara iyo uyirebye uturutse munsi

Iyo uyirebeye imbere ni uku igaragara

Ni inyubako iri kugana ku musozo

Mövenpick Hotel

Ahari Hotel Umubano hari guhindurwa, hubakwa hotel nshya igezweho izaba ifite izina rya Mövenpick Hotel. Biteganyijwe ko iyi mirimo yose izarangira mu 2025 ari nabwo iyi hoteli izongera gufungura imiryango.

Iyahoze ari Hotel Umubano irimo kuvugururwa

Iyi Hoteli izaba iri ku rwego mpuzamahanga

Iyi Hoteli izaba iri ku rwego rwo hejuru

Ikigo cya Kasada Capital Management nicyo kizaba kigenzura iyi Hoteli

Iyi Hoteli yahoze ifite izina rikomeye cyane mu Rwanda

Mövenpick Hotel izafungura imiryango mu 2025 iri ku rwego rwa hotel y'inyenyeri eshanu

Miliyoni 30$ zizakoreshwa mu kuvugurura iyahoze ari Umubano Hotel ibe hotel ijyanye n’igihe

Izaba ifite ibyumba byiza, ibice bifasha abantu kuruhura umubiri ndetse n'ahantu bashobora gukorera batuje

Umuyenzi City Center

Umuyenzi City Center izaba ifite amagorofa 15, iherereye mu Kiyovu hafi ya I&M Bank. Izaba ikoreshwa mu bikorwa by'ubucuruzi, ibiro ndetse ifite n'aho abantu bashobora gukoresha nk'amacumbi. Amagorofa atandatu ya nyuma azakoreshwa nka apartments.

Igishushanyo mbonera cya Umuyenzi City Center

Ibikorwa byo kubaka iyi nyubako biri kwihuta

Iyi nyubako iri kubakwa mu Mujyi wa Kigali hafi na I&M Bank

Ni inyubako izaba ibereye ijisho niyuzura

Ibikorwa byo kuyubaka birarimbanyije

Iyo uyirebeye inyuma ubona izaba ari inyubako ngari

Iyi nyubako iracyarimo kuzamurwa

Iyi nyubako izaba ikorerwamo ibikorwa bitandukanye

Abakozi bakora imirimo inyuranye kugira ngo iyi nyubako yuzure barakataje

Zaria Courts

Zaria Court Kigali ni umushinga w'iterambere ukubiyemo ahantu hazajya habera imikino, ibikorwa by'umuco n'amacumbi arimo hoteli ndetse n'ihahiro rigezweho.

Iki gikorwaremezo kizatahwa mu ntangiriro za 2025, kigiye kubakwa i Remera mu gace kahariwe ibikorwaremezo bya siporo kazwi nka 'Kigali Sports Hub' karimo Stade Amahoro na Petit Stade ziri kwagurwa ndetse na BK Arena yubatswe mu 2019.

Byatangajwe kuri uyu wa Gatandatu tariki 17 Kanama 2024, mu gihe hashize imyaka ibiri uyu munyamuziki wamamaye mu ndirimbo zitandukanye yitabye Imana.

Itariki nk'iyi buri mwaka, yabaye urwibutso rubi ku bakunzi b'umuziki by'umwihariko buri wese wumvise ijwi rya Buravan, yaba binyuze mu bihangano, mu biganiro n'itangazamakuru ku mbuga nkoranyambaga n'ahandi hatumye aganza mu mutima ye.

Yitabye Imana afite byinshi ashaka gukorera umuziki Nyarwanda mu rwego rwo kuwuteza imbere, biri mu mpamvu zatumye hashingwa umuryango YB Foundation kugirango ibikorwa bye n'inzozi yari afite bikomeze gusigasirwa uko ibihe bisimburana.

Umuryango YB Foundation utangaza ko iki gitaramo cy'iserukiramuco cyitiriwe Album ye 'Twaje' kizabera muri BK Arena, ku wa 26 Ukwakira 2024.

Album ya Buravan iriho indirimbo nka 'Bwiza' yakoranye na Andy Bumuntu, 'Impore' yakoranye na Dj Marnaud na Ruti Joel, 'Twaje', 'Tiku Tiku', 'VIP' yakoranye na Ish Kevin feat Pro Zed, Gusaakara', 'Ye ayee', Ituro', 'I Love you yoo' na 'Ni Yesu'.

Buravan yari afite inzozi zagutse birimo no kuzashyiraho ishuri ritoza abakiri bato kubyina Kinyarwanda. Binyuze mu muryango wamwitiriwe, iri shuri ryarafunguwe.

Umutoni Raissa, Mushiki wa Buravan aherutse kubwira InyaRwanda ko iri serukiramuco bariteguye mu rwego rwo gushyira mu bikorwa inzozi za Buravan no kumuha icyubahiro.

Ati 'Ni iserukiramuco twise 'Twaje Fest' rizaba rishingiye kuri Album ye ya 'Twaje' ariko turacyari kubitegura ku buryo mu minsi iri imbere tuzatangaza gahunda yose.'

Buravan yari umuhanzi w'impano zikomatinyije, watanze ibyishimo kuri benshi binyuze mu bitaramo yaririmbyemo, ibihangano byuzuye za Album yagiye ashyira hanze n'ibindi.

Yavukiye i Gikondo mu mujyi wa Kigali, yari bucura (umuhererezi) mu bana batandatu bava inda imwe nawe. Impano ya Buravan yamenyekanye ubwo yabaga uwa kabiri mu marushanwa ya muzika ku rwego rw'igihugu afite imyaka 14.

Ku munsi nk'uyu, inshuti, abavandimwe, umuryango we n'abandi bifashishije imbuga nkoranyambaga bagaragaza icyuho n'urukumbuzi bafitiye uyu munyamuziki.

Buravan yari afite intego zo gukora umuziki ariko kandi akubakira ku gukorana n’abandi kugeza umuziki w'u Rwanda ku rwego mpuzamahanga.

Imyaka ibiri irashize Buravan yitabye Imana – Ibikorwa yasize byakomeje gusigasirwa 

YB Foundation yatangaje ko iserukiramuco ryitabiriwe Album ya Buravan rizaba tariki 26 Ukwakira 2024 muri BK Arena

KANDA HANO WUMVE INDIRIMBO  ZIGIZE ALBUM ‘TWAJE’ YA BURAVAN

Rayon Sports yari yakiriye Marines FC mu mukino wa mbere wa Shampiyona y’u Rwanda. Mbere y’u mukino, amakipe yombi yari ari gukubita agatoki ku kandi, ashaka gutangirana intsinzi.

Mbere y’umukino, abakunzi ba Rayon Sports, bari bategerezanyije amatsiko kongera kubona ikipe yabo ibaha Ibyishyimo, cyane ko iri mu ahabwa amahirwe yo kwegukana iki gikombe. 

Abakinnyi 11 babanje mu kibuga ku ruhande rwa Mariners FC ni

VALLY IRAMBONA (GK)

RUGIRAYABO HASSAN

BIGIRIMNANA ALFANI

ILUNGA NGOYI ALVIN

NKUNDIMANA FABIO (C)

MUKIRE CONFIANCE

SANDA SOULEY

MBONYUMWAMI THAIBA

USABIMANA OLIVIER

MENYAME VINGILE NDOMBE

SIBOMANA SULTAN BOB0

Ku ruhande rwa Rayon Sports, abakinnyi babanje mu kibuga ni Ndikuruyo Patient,  Ombolenga, Bugingo Hakim, Omar Gning, Nsabimana Emable, Aruna Musa Majariwa, Niyonzima Olivier Sefu, Charles Baale, Prince Elenga Kanga, ISHIMWE Fiston na Muhire Kevin.

Umukino watangiye saa kenda n’iminota ibiri, utangizwa na Rayon Sports, aho Muhire Kevin yatangiye akinana na Majariwa. Marines FC ubwo yakoze ku mupira, yatangiye gukinana imbaraga zidasanzwe, inyuzamo ikotsa igitutu izamu rya Rayon Sports.

Iminota 15 yamaze kurangira Rayon Sports yatangiye kwigarurira umupira, ibinyujije mu bakinnyi bo mu kibuga hagati aribo Aruna Musa, Muhire Kevin na Niyonzima Olivier Sefu. 

Ku munota wa 20, Umunya Congo Brazzaville Prince Elenga, yacenze ba myugariro ba Marines FC, umupira awutanze kwa Muhire Kevin, umuzamu wa Marines FC VALLY IRAMBONA, umupira awukuramo, aho benshi bari bazi ko uza kuvamo igitego. 

Ku munota wa 38, Aruna Musa yongeye kuzamukana umupira imbere y’izamu rya Marines FC, ateye ishoti umupira uca hejuru y’izamu.

Ku munota wa 41, Rugirayabo Hasan yakoze akazi gakomeye cyane, ubwo umupira yawukuye mu birenge bya Muhire Kevin wari witeguye gushota mu izamu rya Marines, kandi yari mu rubuga rwamahina.

Igice cya mbere cyarangiye nta kipe ibashije kubona igitego, abakinnyi ku mpande zombi bajya kuruhuka baku bita agatoki ku kandi. 

Igice cya mbere cyarangiye ari Ubusa ku busa hagati ya Marines FC na Rayon Sports 

Abakinnyi babanje mu kibuga ku ruhande rwa Rayon Sports 

Abakinnyi babanje mu kibuga ku ruhande rwa Mariners FC 

Ku munota wa 62 Rayon Sports yahisemo kongera imbaraga za Haruna Niyonzima, yinjira mu kibuga asimbuye Aruna Musa Majariwa. 

Ku munota wa 76, Marines FC yabuze uburyo bukomeye bw’igitego, aho amashoti abiri yari akomeye ya Marines FC yakuyemo n’umuzamu Ndikuruyo Patient. Na Rayon Sports yahise izamukana umupira yiruka cyane, ugeze kwa Prince Elenga biranga, ujya ku ruhande. 

Ku munota wa 86, ISHIMWE Fiston yazamukanye umupira, nuko akorerwa ikosa rikomeye na Myugariro wa Marines Gikamba Ismaël, umusifuzi atanga kufura. Kufura yari uburyo bwiza bwo kubona igitego ku ruhande rwa Rayon Sports, ariko byarangiye Haruna Niyonzima ayitaye hanze.

Umukino warangiye nta kipe ibashije kubona igitego, nuko Rayon Sports na Marines FC zitangirana inota rimwe ku munsi wa mbere wa Shampiyona y’u Rwanda 2024-25.