Webrwanda Backend

Author: webrwanda

  • Abanyeshuri 62% bagera mu wa gatanu w'amashuri abanza batazi gusoma neza Icyongereza – #rwanda #RwOT

    Kuva mu 2019 Leta y'u Rwanda yafashe icyemezo cy'uko abanyeshuri bose kuva mu mwaka wa mbere w'amashuri abanza kugeza muri Kaminuza bazajya biga mu Cyongereza, nyuma y'igihe biga mu Kinyarwanda.

    Isuzuma ry'ubumenyi abanyeshuri bafite (Learning Achievement in Rwandan Schools) ryakozwe mu 2023 rigaragaza ko abanyeshuri bo mu mashuri abanza bafite ubumenyi bw'ibanze haba gusoma no kumva Ikinyarwanda ari bo benshi ariko byagera mu Cyongereza bakarenga gato 30%.

    Imibare igaragaza ko 38% ari bo isuzuma ryasanganye ubumenyi buhagije mu gusoma no gusobanukirwa Icyongereza, mu Kinyarwanda basanze ari 67% na ho abo basanze bafite ubumenyi buhagije mu Mibare ni 56%.

    Imibare ya Minisiteri y'Uburezi igaragagaza ko amashuri agera kuri 86% yo kuva mu mwaka wa Mbere kugeza mu wa Gatatu w'amashuri abanza biga basimburana mu mashuri, bamwe bakiga mu gitondo abandi nimugoroba, bituma biga amasaha 20 gusa mu cyumweru.

    Hari n'ikibazo cy'ubucucike mu mashuri gikoma mu nkokora uburezi kuko nk'ubu hari aho amashuri arimo abanyeshuri barenga 100 mu ishuri rimwe.

    Hanagaragazwa kandi ikibazo cy'abarimu bafite ubumenyi budahagije mu rurimi rw'Icyongereza bituma banagorwa mu kurwigisha.

    Inyandiko yasohowe na Minisiteri y'Uburezi muri Gashyantare 2024, igaragaza ko 'Abarimu 4% gusa mu basanzwe bigisha bafite ubumenyi kuva ku bwo hagati kugeza ku bwisumbuye mu Cyongereza, ari na rwo rurimi rwifashishwa mu kwigisha.'

    LARS yo inagaragaza ko hari n'abafite ibibazo by'ubumenyi budahagije biturutse ku mibereho y'imiryango yabo, by'umwihariko abana b'abakobwa bagaragayeho ubumenyi buke mu gusoma, kwandika no kubara no abo mu miryango ifite imibereho iciriritse.

    Hirya y'ibyo ariko Guverinoma igaragaza ko izashyira umwihariko ku kunoza imyigire y'amasomo arimo imibare, n'indimi.

    Uburezi bwagenewe arenga miliyari 570 Frw mu ngengo y'imari y'umwaka wa 2024/2025.

    Source : http://igihe.com/amakuru/u-rwanda/article/abanyeshuri-62-bagera-mu-mwaka-wa-gatanu-w-abanza-batazi-gusoma-neza

  • Nyuma y'ibyumweru 2 gereza ya Makala muri Kongo ibaye ibagiro ry'abanyururu, abakomeretse b'abagore basambanyijwe ku ngufu nta buvuzi barahabwa. #rwanda #RwOT

    Mu rukerera rwo ku itariki ya 02 Nzeri uyu mwaka, gereza nkuru ya Makala iri mu mujyi wa Kinshasa muri Kongo, yahinduwe ibagiro, maze abanyururu babarirwa mu magana bicwa n'abashinzwe umutekano, abatabarika barakomereka cyane, abagore benshi bafungiye muri iyo gereza mbi cyane basambanywa ku ngufu.

    Leta ivuga ko hishwe imfungwa 129. Icyakora imiryango yita ku burenganzira bwa muntu n'abatavuga rumwe n'ubutegetsi ntibakozwa uyu mubare, kuko abatangabuhamya bemeza ko biboneye imirambo isaga 500, haba kuri gereza no mu nkengero zayo, haba no mu buruhukiro bw'ibitaro byo muri Kinshasa.

    Umuryango mpuzamahanga 'Human Rights Watch', nyamara ukunze kubogamira kuri Leta ya Kongo, uravuga ko mu gihe cya vuba umubare w'abazize ubwo bwicanyi ushobora kwiyongera, kuko nyuma y'ibyumweru 2 nta butabazi na mba abakomeretse bikomeye ndetse n'abagore basambanyijwe ku ngufu barahabwa, ku buryo ibikomere byatangiye kubora.

    Ubwo gereza yaraswaga maze igatangira kugurumana, bamwe mu banyururu biraye muri bagenzi babo b'abagore barabasambanya, babasigira ibikomere ku mubiri no mu myanya myibarukiro, dore ko ngo umugore umwe yashoboraga gusambanywa n'abagabo 5.

    Kugeza ubu Leta yanze ko abatanga ubutabazi binjira muri gereza, ngo batabona ibyo ubutegetsi bukomeje kugira ubwiru.

    Ahatangirwaga serivisi z'ubuvuzi bw'ibanze muri gereza ya Makala naho haratwitswe.

    Abo mu miryango y'imfungwa nabo ntibashoboye gutabara abantu babo, dore ko hari n'abamaze imyaka myinshi cyane muri gereza ku buryo n'imiryango yabo itari izi ko bakibaho, abandi bakaba bakomoka mu duce twa kure cyane ya Kinshasa, dore ko Kongo ari igihugu kinini bitangaje.

    Human Rights Watch irasaba ubutegetsi bwa Kinshasa kwihutira gushakira ubutabazi abakomeretse n'abagore basambanyijwe ku ngufu, kuko uko bitinda ari ko ubuzima bwabo burushaho kujya aharindimuka.

    Aya marorerwa aributsa andi nk'aya yabaye muri Nzeri 2020 muri gereza ya Kasapa mu mujyi wa Lubumbashi, ubwo igice gifungirwamo abagore cyafatwaga n'inkongi y'umuriro, maze bagahungira ahafungirwa abagabo. Mu gice cy'iminsi 3 abo bagore bamaze mu ruhande rw'imfungwa z'abagabo, hafi ya bose basambanyijwe ku ngufu, benshi bibasigira ibikomere n'ihungabana rikomeye, ndetse bamwe binabaviramo urupfu.

    Imiryango itegamiye kuri Leta n'abatavuga rumwe n'ubutegetsi ntibemera ko ubugizi bwa nabi bwabaye muri gereza ya Makala bwatewe n'abanyururu bagerageje gutoroka, ko ahubwo ari ikinamico ryari rigamije guhitana imfungwa za politiki ziri muri iyo gereza.

    Senateri Edouard Mwangachuchu byahwihwiswaga ko yaba ari mu bishwe, yararusimbutse, kuko ibyabaye muri gereza ya Makala byasanze yarimuriwe mu ya Ndolo nayo iri mu mujyi wa Kinshasa.

    The post Nyuma y'ibyumweru 2 gereza ya Makala muri Kongo ibaye ibagiro ry'abanyururu, abakomeretse b'abagore basambanyijwe ku ngufu nta buvuzi barahabwa. appeared first on RUSHYASHYA.

    Source : https://rushyashya.net/nyuma-yibyumweru-2-gereza-ya-makala-muri-kongo-ibaye-ibagiro-ryabanyururu-abakomeretse-babagore-basambanyijwe-ku-ngufu-nta-buvuzi-barahabwa/?utm_source=rss&utm_medium=rss&utm_campaign=nyuma-yibyumweru-2-gereza-ya-makala-muri-kongo-ibaye-ibagiro-ryabanyururu-abakomeretse-babagore-basambanyijwe-ku-ngufu-nta-buvuzi-barahabwa

  • U Rwanda rusezerewe mu Gikombe cya Afurika cya Basketball y'abatarengeje imyaka 18 nyuma yo gutsindwa na Mali – YEGOB #rwanda #RwOT

    Ikipe y'Igihugu y'u Rwanda y'Abangavu batarengeje imyaka 18 yasezerewe mu Gikombe cya Afurika cya Basketball nyuma yo gutsindwa na Mali ku manota 86-67, mu mukino wabaye ku gicamunsi cyo kuri uyu wa Gatatu, tariki ya 11 Nzeri 2024, muri Kaminuza ya Pretoria muri Afurika y'Epfo.

     

    Muri uyu mukino, ikipe y'igihugu ya Mali yatangiye ifite imbaraga nyinshi, ifashijwe n'abakinnyi bayo bakomeye barimo Oummou Koumare watsindaga amanota menshi yiganjemo 2. Umutoza w'u Rwanda yagerageje gukora impinduka mu kibuga hakiri kare kugira ngo ahindure umukino, ariko biranga, agace ka mbere karangira Mali iyoboye ku manota 19-11.

     

    Agace ka kabiri nako kakomeje kuba inzira y'umusaraba ku bakinnyi b'u Rwanda, nubwo bamwe nka Brigitte Nibishaka bagaragaje imbaraga zidasanzwe ku giti cyabo. Icyakora, Mali yakomeje gushyiramo ikinyuranyo kinini cy'amanota, igace karangira ifite amanota 25-15, bigatuma bajya kuruhuka iri imbere n'amanota 44-26.

     

    Mu gace ka gatatu, u Rwanda rwagerageje kugarura icyizere binyuze ku bakinnyi nka Yvonne Muhawenimana na Rebecca Cyuzuzo bitwaye neza, batsinda amanota 20 nubwo Mali nayo iticaye ubusa yatsinze amanota 21. Nyuma y'aka gace, Mali yakomeje kuyobora n'amanota 65-46.

     

    Agace ka kane ari nako ka nyuma kigaragaje ubudahangarwa bwa Mali, aho yongeye kuganza u Rwanda itsinda amanota 21-11, ikaba yahise yegukana intsinzi y'amanota 86-67.

     

    Nubwo ikipe y'u Rwanda yari yazamutse mu itsinda nk'iyatsinzwe neza , iyi ntsinzi yatumye isezererwa muri iyi mikino y'igikombe cya Afurika. Nyuma yo gusezererwa, u Rwanda ruzahatanira imyanya kuva ku wa Gatanu kugeza ku wa Munani, mu rwego rwo gushaka umwanya mwiza w'indunduro muri iri rushanwa.

     

    Source : https://yegob.rw/u-rwanda-rusezerewe-mu-gikombe-cya-afurika-cya-basketball-yabatarengeje-imyaka-18-nyuma-yo-gutsindwa-na-mali/

  • Banki y'Isi yageneye u Rwanda miliyari 270 Frw yo guteza imbere urubyiruko – #rwanda #RwOT

    Ni amafaranga yateganyijwe muri gahunda yo gufasha urubyiruko guhangana ku isoko ry'umurimo izwi nka ''Priority Skills for Growth and Youth Empowerment:PSGYE).

    Azatangwa binyuze mu Kigo cya Banki y'Isi kigamije Iterambere, IDA.

    PSGYE izibanda ku kongera amahirwe ku rubyiruko ajyanye no guteza imbere ubumenyi bukenewe ku isoko ry'umurimo cyane urubyiruko rudafite akazi.

    Azakoreshwa mu gutanga ubumenyi mu bijyanye n'imyuga n'ubumenyingiro no guteza imbere gahunda ya leta yo kuzamura ubumenyi muri rusange.

    Umuyobozi wa Banki y'Isi mu Rwanda, Sahr Kpundeh ati 'PSGYE izafasha urwo rubyiruko kubona ubumenyi bushobora kubahesha akazi cyangwa bakikorera, ariko n'abasanzwe bafite akazi bazafashwa cyane cyane abafite imishinga mito n'iciriritse kugira ngo ubumenyi bwabo butezwe imbere umusaruro wiyongere.'

    Iyi gahunda iri mu murongo w'u Rwanda yo guteza imbere ubushobozi bw'abaturage barwo haba mu buryo bw'amikoro n'ubumenyi.

    Guhanga akazi ni bimwe mu byo u Rwanda ruri kwitaho cyane mu guhangana n'ubushomeri kuko rwiyemeje ko mu myaka itanu, buri mwaka ruzajya ruhanga imirimo ibihumbi 250.

    Ibyo bizakorwa kandi n'urubyiruko rwubakirwa ubushobozi kuko nk'ubu mu ngengo y'imari ya 2024/2025 gahunda yo guteza imbere urwego rw'abikorera n'imirimo ku rubyiruko yagenewe arenga 218,9 Frw.

    Urubyiruko ibihumbi 200 rugiye kungukira mu mafaranga Banki y'Isi yageneye u Rwanda

    Source : http://igihe.com/amakuru/u-rwanda/article/banki-y-isi-yageneye-u-rwanda-miliyari-270-frw-yo-guteza-imbere-urubyiruko

  • Miliyoni 143 Frw zimaze gukusanywa muri gahunda ya 'Dusangire Lunch' – #rwanda #RwOT

    Ni imibare MINEDUC yatangaje ibinyujije ku X, ko ayo yemerewe muri rusange ari 315.212.372 Frw.

    Iti 'Turabashimira umusanzu wanyu muri gahunda ya Dusangire Lunch. Mu gihe gito gusa, mwatugeneye 315.212.372 Frw ndetse mumaze kutugezaho 143.282.372 Frw. Dukomeze dufatanye kubaka u Rwanda rw'ejo heza twifuza.'

    Muri Kamena 2024 ni bwo hatangijwe 'Dusangire Lunch', hagamijwe ko abana bose bagerwaho n'ifunguro rya saa sita na cyane ko hari ababyeyi birengagizaga uruhare rwabo muri iyo gahunda.

    MINEDUC igaragaza ko ababyeyi 35% badatanga umusanzu wabo muri gahunda ya leta yo kugaburira abana ku ishuri.

    Inkunga yatanzwe muri 'Dusangire Lunch' inyuzwa muri Koperative Umwalimu SACCO ariko hakifashishwa n'uburyo bwa Mobile Money, aho utanga akanda *182*3*10#.

    Abanyeshuri barenga miliyoni 3,9 ni bo bagaburirwa ku mashuri.

    Gahunda ya 'Dusangire Lunch' igamije kugeza amafunguro ku bana bose

    Source : http://igihe.com/amakuru/u-rwanda/article/miliyoni-143-frw-zimaze-gukusanywa-muri-gahunda-ya-dusangire-lunch

  • Batangiye gufasha igihugu mu mishinga ikomeye: Tuganure umusaruro wa Rwanda Coding Academy – #rwanda #RwOT

    Icyakora u Rwanda rwabibonye hakiri kare, kuko izo nzego ubu ni zimwe mu ziri gutezwa imbere uko bwije n'uko bukeye.

    Nko mu mishinga itandukanye yo mu burezi harimo uwa Rwanda Rwanda Coding Academy, RCA, rimwe mu mashuri yihariye rihuza porogaramu y'uburezi rusange na tekiniki n'ubumenyingiro hashingiwe ku ikoranabuhanga rigezweho.

    RCA yafunguwe mu 2019 mu Karere ka Nyabihu, mu Burengerazuba bw'u Rwanda, igamije guha abarangije icyiciro rusange ubumenyi buhagije mu gukora porogaramu za mudasobwa hagabanywa n'umubare w'abanyamahanga babikoraga ahubwo bigakorwa n'Abanyarwanda ubwabo.

    Rifite porogaramu y'imyaka itatu. Gahunda y'amasomo irimo ibijyanye no gukora porogaramu za mudasobwa (software engineering), ubwirinzi kuri internet (cyber security) na porogaramu zishyirwa mu bikoresho (embedded system).

    Imibare itangwa na RCA imaze gusohora abanyeshuri 117 barimo 58 bo mu cyiciro cyatangiye mu 2019 n'abandi 59 batangiye mu 2020.

    Muri abo bo mu cyiciro cya mbere icyenda bahawe Kaminuza muri Leta Zunze Ubumwe za Amerika aho barihirwa buri kimwe cyose, batatu bahabwa buruse na MasterCard Foundation mu Ishami rya Kaminuza y'u Rwanda ry'Ubumenyi n'Ikoranabuhanga, UR-CST, mu gihe abandi 46 bari kwiga muri African Leadership University.

    Abo mu cyiciro cya kabiri, 16 bamaze kubona buruse ibishyurira byose mu mahanga cyane cyane muri kaminuza zo muri Amerika no mu Bushinwa, umwe ajyanwa muri AUCA, abandi 47 bari muri African Leadership University. Abanyeshuri bose biga banakora.

    Ni mu gihe abo mu cyiciro cya gatatu bangana na 59 bakoze ibizamini bya leta bisoza amashuri yisumbuye mu mwaka wa 2023/2024, icyakora umwe yamaze kubona buruse mu gihe abandi bategereje.

    Mu mwaka wa 2024/2025, RCA yari yagenewe abanyeshuri 80 baza mu mwaka wa Kane w'amashuri yisumbuye, ariko ubu abamaze kugera ku kigo ni 73, abo biyongera ku 119 bari mu mwaka wa gatanu n'abandi nkabo bari mu wa gatandatu.

    RCA, ahacurirwa imishinga igira u Rwanda igicumbi cy'ikoranabuhanga

    Kuva RCA igishingwa yahawe n'inshingano zo gutegura no gutunganya imishinga itandukanye, ishobora kugirira sosiyete n'igihugu akamaro mu buryo bumwe cyangwa ubundi.

    Iki kigo kigira imishinga mu byiciro bitatu, birimo iy'imbere mu kigo, iyo kwigisha ikoranabuhanga ibigo bicyegereye kuva mu mashuri abanza kugera mu yisumbuye n'iyo gufasha mu mishinga minini igihugu gifite.

    Nk'imishinga y'imbere mu kigo harimo porogaramu ifasha abagize ikigo kubona za raporo zitandukanye bidasabye ko abazikora bahura.

    Mu byo ikora ni nk'aho mwarimu akosora impapuro hanyuma bakinjizamo amanota, ya porogaramu igahita itanga indangamanota byikoze, n'ababyeyi bagahabwa ubutumwa ha handi bamanura (downlaod) iyo ndangamanota ako kanya bidasabye ko baza ku bigo.

    Hifashihijwe iyo porogaramu n'uwarenganyijwe ku manota ashobora gusaba kurenganurwa byose bikemerezwa ku ikoranabuhanga, umushinga uri kwagurwa ibikorwa by'ikigo byose bigakorerwa kuri iryo koranabuhanga.

    Imirimo yo kuvugurura Rwanda Coding Academy izasiga imeze uko. Iri gukorwa na Guverinoma y'u Rwanda ku bufatanye na KOICA. Mu mezi 18 biteganyijwe izashorwamo miliyari 6,2 Frw

    Indi ni ijyanye n'ubushakashatsi abana bakoraho ku buzima bwa buri munsi muri gahunda yo kwigira ku mishinga.

    Aha umwarimu atanga amasomo umwana akajya ayakorera kuri wa mushinga we, akawukoraho buhoro buhoro noneho umwaka warangira, abana bagahatana bagakosorwa hagatoranywamo imishinga yahize indi.

    Mu mishinga 26 yahize indi mu mwaka ushize biteganyijwe ko izatoranywa mu Ukwakira 2024.

    Imwe muri iyo irimo uwo kuhira imyaka hifashishijwe ikoranabuhanga, aho ubutaka bushyirwamo utwuma (sensors), bwakuma imashini igahita yohereza amazi, no gufumbira bikaba uko imashini zikajya zimenya ahakenewe ifumbire n'ubwoko bwayo n'aho idakenewe.

    Ujyana n'uwo gukusanya imyanda cyane cyane iya purasitiki iba ireremba mu biyaga, hakoreshejwe robots zoga mu mazi nk'amafi, zikayakuramo n'ibinyabutabire byose.

    Harimo kandi uwo gushyiraho laboratwari y'ikoranabuhanga, mu buryo bwo gufasha ibigo bitagira izifatika, aho umwana aba ashobora kwifashisha urwo rubuga agahuza ibinyabutabire, akabona icyo ashaka, bidasabye gufata hydrogène na oxygène ngo bibyare amazi aya afatika, ahubwo bigakorerwa ku ikoranabuhanga.

    Umwarimu w'Ikoranabuhanga muri RCA, unashinzwe kwegereza imishinga y'ikigo abaturage, Rwagaju Aphrodice aganira na IGIHE yagize ati 'Ibyo bijyana no gukora uburyo bw'ikoranabuhanga bwa 'Virtual Reality' aho umwana ajya muri iyo laboratwari agakora ibintu bitandukanye, bidasabye gukoresha imbeba ya mudasobwa.'

    RCA ikora uko ishoboye ngo ubumenyi ifite ibusangize n'ibigo bibakikije.

    Nk'ubu abanyeshuri bayo bari gushyira mu bikorwa gahunda yiswe 'Spring Initiative' yo kwigisha ikoranabuhanga na ryo kubaka porogaramu za mudasobwa abanyeshuri bo mu mashuri abanza n'ayisumbuye mu bigo bikikije RCA.

    Abanyeshuri bo muri RCA kandi bari gukora ku mushinga mugari wo guteza imbere iri koranabuhanga rya za camera zikoreshwa mu gucunga umutekano wo mu muhanda.

    Mu byo bashaka kongera ku risanzwe, ni ukuba imodoka iri kugendera ku muvuduko wo hejuru, yajya iburirwa, ikayifotora yihuta, yakwanga guhagarara ikayihana ndetse ikaba yafata amafaranga nyirayo afite kuri konti ikiyishyura bidasabye ko umushoferi ajya kwishyura kuri banki runaka cyangwa ngo umupolisi yirirwe ahana n'abahanwe.

    RCA iri no gufasha leta mu mishinga itandukanye, irimo uwo iri gufatanyamo n'Ikigo cy'igihugu gishinzwe imyuga n'ubumenyi ngiro, RTB wo kugenzura ibikoresho bigemurwa mu mashuri y'imyuga n'ubumenyingiro yose.

    Hari undi iri shuri riri gufatanya na Minisiteri y'Ubuzima wo guhuriza hamwe ibigo by'ubwishingizi bwo kwivuza, abakiliya babyo n'ibigo by'ubuvuzi kugera ku bigo nderabuzima, kugira ngo umuntu wese ujya kwivuza aho ari ho hose azajye afashwa byihuse, ibitandujanye na bya bindi umurwayi yageraga ku bitaro akabanza kujya gushaka umukozi w'ikigo cy'ubwishingizi akorana na cyo.

    Ni umushinga ugeze kure ndetse Ibitaro Byiririwe Umwami Faisal n'Urwego rw'Ubwiteganyirize, RSSB nk'ikigo cy'umwishingizi ni byo bigomba gukorerwaho igerageza.

    Rwagaju agaragaza ko bashaka ko RCA ishaka gukemura ibibazo biri mu ikoranabuhanga yifashishije abanyeshuri yigisha, hagabanywa n'amafaranga atakara ku bakora bene iyo mishinga bavuye mu mahanga.

    Muri Rwanda Coding Academy abana biga mu ishuri ari na ko bari gukurikirana imishinga yabo batanze

    Yatanze nk'urugero kuri uwo mushinga wa Minisiteri w'Ubuzima avuga ko kugira ngo urangire wose n'amahugurwa ku bazakoresha uwo mushinga bishobora kurenga miliyoni 600 Frw.

    RCA kandi yafashije abunganizi mu by'amategeko, gukora urubuga rubahuza n'abakiliya, uyu munsi umukiliya akaba akurikirana amakuru yose ku kirego cye yibereye iwe mu rugo.

    Ishimwe ry'ibigo by'ikoranabuhanga byaboneye intyoza hafi

    Ikigo cyubaka porogaramu za mudasobwa cya Centrika Ltd gikorera mu Mujyi wa Kigali ni kimwe mu byabonye RCA nk'ahantu heza ho kurambagiriza abakozi bashoboye, aho kujya kubashakira mu mahanga.

    Centrika Ltd ni yo ikora ikoranabuhanga ry'amatike ibigo bitwara abagenzi bikoresha, kigakorana n'ibigo 15 mu gihugu.

    Umuyobozi Ushinzwe Abakiliya no kumenyekanisha ibikorwa bya Centrika Ltd, Winnie Mutabazi yabwiye IGIHE ko guhanga udushya ari byo baba barajwe ishinga bikajyana no guteza imbere Abanyarwanda cyane abakiri bato.

    Ati 'Ni yo mpamvu twagannye RCA kuko abana babo bafite ubumenyi buhambaye. Twavuze ko aho kuzana abo bakozi bo mu mahanga banaduhenda, twafata abo mu Rwanda kandi koko baduhaye umusaruro. Ni abana bazi ubwenge bakiri bato, ku buryo umushinga awumva vuba akawushyira mu bikorwa. Twari tuzi ko ari imenyerezamwuga gusa, ariko byararenze batwereka ibyo tutari twiteze.'

    Abanyeshuri bavuye muri RCA bafashije Centrika Ltd mu mishinga ibiri iyo kugenzura porogaramu ya mudasobwa ikoreshwa mu bwikorezi n'indi yo kugura amatike mu mikino n'imyidagaduro.

    Umwe muri abo banyeshuri ni uwitwa Anselme Irumva Habumugisha watangiranye na RCA. Ubu yiga muri African Leadership University mu bijyanye no gukora porogaramu za mudasobwa (Web Engineering), imirimo afatanya no gukora muri Centrika Ltd.

    Habumugisha yavuze ko bijyanye n'ubuhanga bamubonyemo yatangiye gukora muri Centrika acyiga, aho yakoraga ku mushinga wo kugenzura iriya porogaramu y'ubwikorezi.

    Uretse ubumenyi no gutanga ubufasha mu rwego rw'ikoranabuhanga, ni n'ibintu bimuha agatubutse ku rugero rwe.

    Ati 'Ibintu byacu biba birimo amafaranga menshi cyane. Nkanjye nubwo ntemerewe kuvuga umushahara mpembwa ariko kugira ngo ubyumve neza, nasoje mu 2022 ariko ubu mfite ikibanza kinini mu Mujyi wa Kigali ndetse niyishyurira n'ibindi nkenerwa.'

    Ubu abanyeshuri ba RCA bari guteza imbere ikoranabuhanga mu bigo bitandukanye, nka Irembo, RSSB n'ibindi bikomeye aharusho bakaba bakora biga.

    Guverinoma y'u Rwanda yiyeyemeje guteza imbere ikoranabuhanga mu buryo butomoye, aho mu myaka itanu iri imbere, abantu miliyoni biganjemo urubyiruko bazahabwa amasomo y'ikoranabuhanga ajyanye na coding, abandi ibihumbi 500 bahabwe amahugurwa ahanitse ku ikoranabuhanga.

    Abanyeshuri ba Rwanda Coding Academy bitezweho impinduka mu kuzamura urwego rw’ikoranabuhanga mu Rwanda

    Imbere muri Rwanda Coding Academy ni uko hameze

    Inyubako zo muri Rwanda Coding Academy ziri kongerwa

    Source : http://igihe.com/amakuru/u-rwanda/article/batangiye-gufasha-igihugu-mu-mishinga-ikomeye-tuganure-umusaruro-wa-rwanda

  • Ntwari Fiacre yahishuye inkomoko y'umusaruro w'Amavubi – YEGOB #rwanda #RwOT

    Umunyezamu w'Ikipe y'Igihugu y'u Rwanda, Amavubi, ndetse n'Ikipe ya Kaizer Chiefs yo muri Afurika y'Epfo, Ntwari Fiacre, yatangaje ko umutoza w'ikipe ndetse n'imikoranire myiza hagati ya Federasiyo y'Umupira w'Amaguru mu Rwanda (FERWAFA) n'Ikipe y'Igihugu Amavubi, biri ku isonga mu bituma Amavubi yitwara neza mu mikino mpuzamahanga.

     

    Ntwari Fiacre, umwe mu bakinnyi b'amateka mu Rwanda, yagaragaje uko we na bagenzi be biteguye umukino baherutse gukina ndetse n'uko bishimiye umusaruro bawukuyemo. Yavuze ko ikipe yiteguye bihagije, kandi ko bari bafite icyizere cyo kutazatakaza amanota mu rugo, cyane cyane ko bari bazi ko Perezida Paul Kagame azaba ari muri Stade Amahoro kureba uwo mukino.

     

    Yagize ati: 'Ni umukino twari twiteguye bihagije, ntabwo twari twiteze ko twatakaza mu rugo, cyane cyane ko twari tuzi ko Perezida wacu aza kureba umukino. Twashyizemo imbaraga, kuko Nigeria ni imwe mu makipe akomeye muri Afurika. Twihaye intego yo kutagomba gutakaza kandi twabigezeho kuko twanganyije, ni umusaruro mwiza ku ikipe yacu.'

     

    Ku bijyanye no kwitwara neza ku giti cye, Ntwari yavuze ko gukinira imbere ya Perezida Kagame byamuhaye imbaraga zidasanzwe, akiyemeza kwerekana ko ari umukinnyi ukomeye kuko akinira ikipe ikomeye nka Kaizer Chiefs.

     

    Ati: 'Ikintu cyamfashije ni uko nagombaga kwitera imbaraga no kwerekana ko ndi umukinnyi ukomeye. Twari dufite umushyitsi w'imena, kandi nagombaga kwerekana ko nshoboye, by'umwihariko kuko nagombaga kwitwara neza ku mukino wanjye wa mbere kuri Stade Amahoro. Ndashima Imana ko nabigezeho.'

     

    Ntwari kandi yashimangiye ko umutoza w'Amavubi afite uruhare runini mu musaruro mwiza w'ikipe, ndetse n'imikoranire myiza hagati ya Minisiteri ya Siporo na FERWAFA nayo ikaba ari intambwe ikomeye mu rugendo rw'iterambere ry'ikipe y'igihugu.

     

    Yagize ati: 'Dufite umutoza mwiza udushakira imyanya myiza mu kibuga. Icya kabiri, Minisiteri na Federasiyo biri kutuba hafi haba mu mibereho ndetse no mu byo tugenerwa nk'abakinnyi. Iyi mikoranire myiza ituma tuba mu mutuzo, bityo tukitwara neza mu kibuga.'

     

    Nyuma y'imikino ibiri yo mu itsinda rya Kane ryo guhatanira itike y'Igikombe cya Afurika kizabera muri Maroc muri 2025, Amavubi ari ku mwanya wa gatatu n'amanota abiri, mu gihe Nigeria iyoboye itsinda n'amanota ane, Bénin iri ku mwanya wa kabiri n'amanota atatu, naho Libya ikaza ku mwanya wa kane n'inota rimwe.

     

    Uyu musaruro Amavubi amaze kugeraho urashimangira akamaro k'umutoza mwiza n'imikoranire myiza hagati ya FERWAFA, Minisiteri ya Siporo, n'Ikipe y'Igihugu, mu rugendo rwo kwiyubaka no kwiyerekana ku rwego mpuzamahanga

    Source : https://yegob.rw/ntwari-fiacre-yahishuye-inkomoko-yumusaruro-wamavubi/

  • Gabiro Guitar yajyanwe mu rukiko na Label imw… – #rwanda #RwOT

    InyaRwanda ifite kopi y'ikirego cyatanzwe mu Rukiko rw'Ubucuruzi, ku wa 16 Kanama 2024. Ni mu gihe umwanzuro w'uru rubanza uzasomwa ku wa 1 Ukwakira 2024.

    Ku wa 27 Ukwakira 2021, Gabiro Guitar na Muhaturukundo Eric bahuje imbaraga bashinga sosiyete bise Evolve Music Group Limited, buri wese yiyemeza gutanga imari shingiro ingana n'amafaranga 5,000,000 Frw kugirango buri wese ahabwe imigabane 50 muri iyi sosiyete.

    Kuva ubwo sosiyete yashingwa kugeza ubwo Gabiro Guitar yayisohokagamo ku wa 2 Nzeri 2022 (amaze kugurisha imigabane ye) ntiyigeze yishyura imari shingiro ingana na 5,000,000 Frw yatumye ahabwa imigabane yari afite muri Evolve Music Group Limited.

    Mu rubanza, bavuze ko ibi byateje imikorere mibi iyi sosiyete, ndetse yagiye mu madeni arimo n'ayo ifitiye ikigo cy'igihugu gishinzwe imisoro (RRA) arenga Miliyoni 2 Frw.

    Iyi sosiye yavuze ko n'ubwo bimeze gutya hari ibikorwa by'ubuhanzi bafashijemo Gabiro Guitar bifate agaciro ka Miliyoni 5 Frw, kandi ntiyigeze abyishyura ahanini 'yitwaje ko icyo gihe yari umwe mu banyamigabane b'iyi sosiyete.'

    Evolve Music Group Limited yasabye Urukiko guteka Gabiro Guitar 'kwishyura umwenda w'imari shingiro ungana na 5,000,000 Frw n'umwenda ungana na 5,850,000 Frw ukomoka ku bikorwa Evolve Music Group Limited yakoreye Gabiro Guitar ntabyishyure, inyungu n'indishyi zinyuranye.'

    Gabiro Guitar yabwiye InyaRwanda ko yatunguwe n'iki kirego kuko atigeze akorana n'iriya Label mu gihe cy'umwaka umwe nk'uko byagiye bitangazwa

    Yavuze ko mu bitangazamakuru handitswe byinshi, abanyamakuru bavuga ko abarizwa muri Evolve Music Group nk'umuhanzi kandi bitarigeze bibaho.

    Gabiro yasobanuye ko imikoranire ye n'iriya Label yatumye bafata Album ye barayicuruza 'nyamara nta masezerano dufitanye'. Akomeza ati 'Njyewe nari umunyamigabane, ntabwo nari umuhanzi bafashaga mu muziki, kandi hari inyandiko zigaragaza buri kimwe cyose.'

    Muhaturukundo Sean uhagarariye Evolve Music Group niwe watanze ikirego arega Gabiro Guitar avuga ko 'Gabiro Guitar atishyuye imar shingiro'.

    Gabiro ati 'Yari kompanyi y'abantu babiri. Ariko nanone na Sean nawe ntabwo yishyuye imari shingiro. Ushobora gufungura kompanyi ukavuga ko imigabane yanyu ihwanye na Miliyoni 100 Frw, icyo gihe rero imari shingiro igaragarira mu byo uzana, ushobora kuzana inzu tukayandika kuri 'company' cyangwa ukazana imodoka tukayandika kuri 'Company'.'

    Akomeza ati 'Sinzi impamvu Sean ari gushaka kundega mu nkiko. Kuko n'imigabane yanjye yaguzwe nawe, urumva ko rero ari ubutekamutwe. Mbese, uwandeze ni nawe wanguriye imigabane.'

    Uyu muhanzi wamamaye mu ndirimbo zirimo 'Igikwe' yakoranye na Confy, yasobanuye ko ubwo bageraga mu rukiko, yasanze Muhaturukundo Eric bakoranaga yarahinduye amazina yitwa Rukundo Gilbert. Ati 'Ni ubutekamutwe ari gushaka kunkorera, kandi ari kunsaba ko nishyura arenga Miliyoni 10 Frw.'

    Album ya Gabiro Guitar yarafatiriwe

    Muri Kamena 2023, ni bwo Gabiro Guitar yatangaje isohoka rya Album ye yise 'Girishyaka'. Icyo gihe yavugaga yamaze igihe kinini ayikoraho kugirango izasohoke nk'uko yayishakaga. Ni Album iriho indirimbo 10.

    Yabwiye InyaRwanda ko nta burenganzira yagize kuri Album ye kuko ubwo yiteguraga kuyishyira ku rubuga rwe rwa Youtube yasanze Evolve Music Group yamutanze.

    Ati 'Kubera ko yabaga afite ibintu byanjye, yafashe Album yanjye ayishyira kuri Shene ya Youtube ya Evolve Music Group, bivuze ko njyewe nta burenganzira nyifiteho.' —Igenzura rigaragaza ko iyi Album itari kuri Youtube ya Evolve.

    Kuri iyi album nshya ya Gabiro hariho indirimbo 'Juju' yakoranye n'Umunya-Nigeria Fiokee ndetse na Neza Umunyarwandakazi utuye muri Nigeria.

    Kuri Album ye hariho indirimbo nka 'Imizi' yakoranye na Grey C wo muri Nigeria, 'Akaninja' yakoranye na Bushali, 'Kole' yakoranye na France n'izindi.

    Hari ideni Evolve Music Group ifitiye Gabiro Guitar?

    Ku wa 14 Ukwakira 2022, Muhaturukundo Gilbert uhagarariye Evolve Music Group yanditse ibaruwa ishyirwaho umukono na Noteri Biregeya Muhizi John yemeza ko 'dufitiye Gabiro Gilbert umwenda w'amafaranga 388,000 Frw.'

    Ariya amafaranga yagombaga kwishyurwa tariki 30 Ukuboza 2022 yose yuzuye imbumbe. Ariko, Gabiro Guitar yabwiye InyaRwanda ko atigeze ayabona.

    Gusa, Muhaturukundo Gilber yabwiye InyaRwanda ko ariya mafaranga bayishyuye Gabiro Guitar, ndetse ko hari ibaruwa ibigaragaza.

    Ni ibaruwa yanditse ku wa 6 Werurwe 2024, igira iti 'Njyewe Gabiro Gilbert nakiriye inyishyu ya 388,000 Frw, Muhaturukundo Gilbert yarambereyemo nkaba ntakindi kibazo mfitanye nawe.' — Bombi bashyizeho umukono kuri iyi baruwa.

    Gabiro yagurishijeho imigabane ye

    Ku wa 18 Kanama 2022, Muhaturukundo Gilbert ari nawe muyobozi wa Evolve Music Group yaguze imigabane yose Gabiro Guitar yari afite muri iyi kompanyi.

    Muri kopi yashyizweho umukono na Noteri Biregeraya Muhizi, ku wa 2 Nzeri 2022, bavugamo ko 'Gabiro Gilbert [Gabiro Guitar] ntakibarizwa muri Evolve Music Group, kandi yahariye ububafasha bwose Muhaturukundo Gilbert kuri Evolve Music Gabiro.

    Gabiro yabwiye InyaRwanda, ko akimara kugurisha imigabane ye, Ikigo cy'Igihugu Gishinzwe Iterambere (RDB) cyahaye icyangombwa Muhaturukundo cyemeza ko iyo kompanyi ari iye.

    Yavuze ko yatunguwe n'ikirego cyatanzwe kuko bamushinja kugenda adatanze imari shingiro mbese bimeze 'nk'aho nagiye nabimenyesheje ubuyobozi'.

    Mu rukiko kandi, Muhaturukundo yanagaragaje 'Facture' ya Miliyoni 5 Frw, aho avuga ko Gabiro yavuye muri Label atayishyuye kandi ari amafaranga bamutanzeho bamukorera imiziki igihe bakorana.

    Gabiro ati 'Njyewe ntabwo nari umuhanzi ubarizwamo, ahubwo nari umufatanyabikorwa ku kigero cya 50%.'

    Mu kiganiro cyihariye na InyaRwanda, Muhaturukundo Sean yavuze ko Gabiro Guitar yabarizwaga muri Evolve Music Group nk'umufatanyabikorwa kandi nk'umuhanzi.

    Ati 'Uko wabibonye ni kuriya bimeze ngiye kugira icyo mvuga naba (ndimo kwica amategeko). [Gabiro Guitar] yarimo nk'umufatanyabikorwa kandi tunamufasha mu bikorwa bye by'ubuhanzi.'

    Muhaturukundo yavuze ko arenga Miliyoni 10 Frw bishyuza Gabiro Guitar ari amafaranga yose kompanyi imubaza ayifitiye

    KANDA HANO UREBE AMASHUSHO Y'INDIRIMBO 'DANS LE BON' YA GABIRO GUITAR


    Source : https://inyarwanda.com/inkuru/146770/gabiro-guitar-yajyanwe-mu-rukiko-na-label-imwishyuza-arenga-miliyoni-10-frw-146770.html

  • Umuhanzi PAMANENTO Uzwi nka Pamaa uri gukora kuri ubu injyana ya Afrobeat #rwanda #RwOT

    PAMANENTO Uzwi nka Pamaa
    Umuhanzi uri gukora kuri ubu injyana ya Afrobeats, gusa yatangiye akora hip-hop aza guhindura. Ni Umusore w'imyaka 23 wavukiye mukarere ka Bugesera . Yize amashuri ye mu Indatwa n'Inkesha (G.S.OB ) kuri ubu akaba ari gusoza amasomo ye muri Kaminuza y'u Rwanda.

    Vuba aha aherutse gushyira hanze indirimbo ye ya 4 —OYA iri munjyana ya Afrobeats , amajwi yakozwe na Producer Booster , amashusho atunganywa na Director Parker na One B . Uwambitse abagaragara muri Video ni (Matheo design ). Ubu iri hanze ukaba wayisanga ku rubuga rwe rwa YouTube.

    Iyi ndirimbo ishingiye kunkuru ibaho mubuzima bw'abakundana , aho umwe muri bo atangira kugaragaza impungenge ko ahari batamukunda , akamera nk'udafite ikizere , akagaragaza ko ashidikanya kuhazaza h'urukundo arimo. Hanyuma rero Iyi ndirimbo ni nk'igisubizo umukunzi we amuha amubwira ati ' kukuvaho (Oya) ntibyambaho ,( Oya) Iyi ndirimbo yanditswe na Pamanento ari kumwe n'inshuti ze za hafi.

    The post Umuhanzi PAMANENTO Uzwi nka Pamaa uri gukora kuri ubu injyana ya Afrobeat appeared first on KASUKUMEDIA.COM.

    Source : https://kasukumedia.com/umuhanzi-uri-gukora-kuri-ubu-injyana-pamanento-uzwi-nka-pamaa/

  • Amarangamutima y’umugore wa Meddy nyuma yo kwakira agakiza #rwanda #RwOT

    Mimi Mehfira, akaba umugore w’umuhanzi Nyarwanda, Meddy yabatijwe mu mazi menshi ahamya ko ari bwo yuzuye.

    Mu butumwa yanyujije ku mbuga nkoranyambaga ze yagaragaje ko yuzuye umunezero nyuma yo kwemera kwakira Kristo nk’umwami n’umukiza w’ubugingo bwe.

    Yagize ati 'Yesu ni we nari narabuze mu buzima bwanjye, abantu benshi babaho batazi icyo baremewe, ntitumenye ko turi kwirukana ikintu cyitubereye cyiza (Agakiza), ukuri naje kumenya ni uko tutashobora gusobanukirwa ubuzima twirengagije isoko yabwo. Ntabwo twaremewe kubeshwaho n’ikindi kintu icyo ari cyo cyose uretse Uwatumye tubaho akaduha umwuka w’ubuzima.'

    “Mu bibazo byacu, duhabwa imbaraga, kuko Imana yaduhaye Ibyanditswe Byera ngo nitubisoma bidutegurire kumenya uko twakwitwara mu bitugereraho byose. Icyo navuga ni kimwe: Imana yanjye ni iyo kwizerwa mu nzira zayo zose. Mbeshwaho no kwizera Uwo amahoro ye ari ay’iteka kandi akampesha ayo mahoro kubw’ubuntu bwe, ubu nduzuye kandi ntacyo mbuze.”

    Yifashishije amagambo aboneka mu gitabo cy’Abagalatiya 2:20 aho hagira hati “Nabambanywe na Kristo ariko ndiho, nyamara si jye uriho, ahubwo ni Kristo uriho muri jye, ibyo nkora byose nkiriho mu mubiri, mbikoreshwa no kwizera Umwana w’Imana wankunze akanyitangira.”

    Umugore wa Meddy yabatijwe yakira agakiza

    Source : http://isimbi.rw/imyidagaduro/article/amarangamutima-y-umugore-wa-meddy-nyuma-yo-kwakira-agakiza