Author: webrwanda

Mu kiganiro yagiranye na IGIHE, yagarutse ku mvano y'igitekerezo cyo gushinga iri soko, uko riri gufasha abarikoresha ndetse n'uburyo yifuza kuryagura rikaba isoko nyafurika.

IGIHE: Kubaka isoko rya BuySellorRent.com wari ufite iyihe ntego?

Niyigena: Iri soko naritekereje ndanaryubaka ndi mu Bwongereza kuko ari ho nari ntuye, bitewe n'ubushakashatsi nari maze kubona n'icyerekezo igihugu kirimo.

Numvise mfite ishema ryo kuba hakubakwa isoko rya Afurika yose, abanyafurika bakabona iryo bazajya baguriraho bakanagurishirizaho, bakanakodesherezaho ryaratangiriye mu Rwanda kandi rikaba rinini nk'andi tujya twumva nka Amazon.

Igitekerezo cy'ibyo ubwo cyavuye he?

Ngira amahirwe ko hari ibintu byinshi byanyubatse mu buzima, mbere y'uko njya i Burayi mu kigo nigagamo naracuruzaga mu banyeshuri bagenzi banjye, byaba ari ibikoresho by'ishuri n'utundi.

Ntabwo ibyo nabikoraga kubera ari uguhangana n'ubuzima gusa ahubwo ni wa muhate wo guhanga imirimo uba watangiye nyuma y'igihe runaka ukazabikurikirana, ukanayigira ukiga ibijyanye nabyo.

Byatangiye ndi muto, nyuma y'aho ku bw'amahirwe naje kujya hanze, icyo gihe uwari umubyeyi wanjye byinshi ni we mbikesha yari umwe mu bahagarariye Banki Nkuru y'Igihugu.

Nagiye mu Bwongereza ndanatura, ariko maze kuhagera duca mu buzima bwinshi.
Ubundi ngenda nari mfite intego yo kuba dogiteri, nakoze mu bitaro kugira ngo icyo nashakaga kugeraho ndebe ko nagikora, gusa naje kubona ko atari wo muhamagaro wanjye kuko nyuma yo gukora mu bitaro naje kubona ko nkwiye kuba rwiyemezamirimo.

Nagize amahirwe yo gukora ibijyanye no gucuruza no kumenyekanisha mu gihe cy'imyaka itanu, nyuma rero naje kwireba nza kubona ko umurongo ari uwo gukurikirana impano yo kuba rwiyemezamirimo, njya kwiga ubukungu muri Kaminuza ya Buckingham University.

Hanze twakoze imirimo inyuranye, byonyine no kwishyura amafaranga y'ishuri byansabaga ko nkora indi mirimo hari nk'aho umuntu yashakaga permit yo gutwara bus ukaba wabifatanya no kwiga.

Nyuma yo kwiga rero nari maze kugira ubumenyi bwo kuba rwiyemezamirimo ariko ntarabona ibyo uzakora n'aho uzabikorera. Kuba mu bihugu byateye imbere buriya ikintu tubyigiramo ni ukureba serivisi n'ibicuruzwa hariya bafata nk'ibisanzwe ariko hano tubikeneye.

Nabaye umushoferi nkorana n'ikigo gitwara abantu UBER nkirangiza Kaminuza kandi kuba we nakoraga nk'uwikorera aho rero niho urugendo rwanjye rwari rutangiye.

Icyo kigo ukorana nacyo ariko uba umeze nk'uwikorera kuko ushobora gukora amasaha abiri cyangwa 12, aho rero niho igitekerezo cya Buysell or Rent.com cyaturutse.

Twararebye turavuga duti niba hari amasoko muri ibi bihugu by'i Burayi, hari isoko rihuza utwara imodoka n'uyishaka, twebwe dukeneye nk'iri soko ryaba rinini ryagutse ryatanga n'akazi ku bantu benshi.

Nakoze muri icyo kigo ariko bimeze nk'urugendo shuri ndimo, ntangira gutekereza uko yaguka, niga umushinga wafashe imyaka itanu, ndeba izina rizakoreshwa n'ibindi.

Kuki wahisemo kuza gukorera mu Rwanda kandi wari uri mu Bwongereza?

Igitekerezo cyo kuza mu Rwanda cyaturutse kuri Perezida Kagame unadushishikariza kuba ba rwiyemezamirimo rero niho nakuye kuba naza gushora Imari mu Rwanda.

Hari inkingi eshatu zamfashije guhitamo kuza gukorera mu Rwanda zirimo Rwanda day, nagiye mu yabereye mu Buholandi n'iyo mu Budage. Mu biganiro Perezida yatuganirije byo kubaka igihugu no gutekereza aho dukomoka izo Rwanda day zaranyubatse cyane. Ndanashimira umukuru w'igihugu kuba yarashyizeho Rwanda day bituma abari hanze twiyumvamo igihugu.

Indi mpamvu ya kabiri ni Visit Rwanda, iyo natwaraga abantu bambaye imyenda iriho Visit Rwanda numvaga ntewe ishema no kuba umunyarwanda, ndavuga nti kuki najya gutangirira mu kindi gihugu kandi mbona u Rwanda ruri kujya mu murongo wo kuba igicumbi cy'ikoranabuhanga.

Inkingi ya gatatu ni Rwanda Air, yari isigaye ijya London hafi buri munsi, ku buryo mu bushakashatsi bwo kwiga ku ibyo nakora, nakoraga hari aho byageze nkajya nza mu Rwanda buri byumweru bitatu nko muri 2019.

Iri soko ryanyu rikora rite?

Ni isoko ryoroshye cyane rikora nk'uko ayandi akora, yaba ari iritwegereye hano hafi cyangwa ku yandi yo ku Isi yose, ibiriranga ni uko abantu bagura binjira ku isoko ku buntu.

Ku isoko rya BuySellorRent.com uhasanga ikintu cyose cyagurwa, icyagurishwa n'icyakodeshwa ukakibona ku buntu.

Ushobora kuba uri muri Canada ukabona inzu iri mu Rwanda, ukabonaho nimero ya telefoni ya nyirayo ukamwandikira ku buryo ushobora mu gihe gito mu kaba mushobora gutangira kuganira.

Kuri iri soko ushobora kuhasanga ho amazu ukavugana na banyirayo, ushobora kuhasangaho ibibanza, imodoka zigurishwa, intebe zo mu nzu, ibikoresho bikoreshwa mu nzu, ibikoresho by'ikoranabuhanga birimo laptop na telefoni ukivuganira n'abashaka kubigurisha.

Ibintu dushyira ku isoko byose tubiranga mu Kinyarwanda no mu cyongereza kuko ni isoko mpuzamahanga, izina rya BuySellorRent.com ntirizahinduka nubwo twaryagurira mu bindi bihugu nk'uko tubyifuza.

Abagurisha kugira ngo bacururize ku isoko ryacu barishyura kandi bakabikora mbere, aho niho usanga hakiri imbogamizi ariko abantu bakwiye kubimenyera ko muri serivisi z'ikoranabuhanga abantu bishyura mbere.

Ubwo umuntu ugurira kuri internet bigenda bite ngo ibyo yaguze bimugereho hatabayeho amananiza?

Tugira amahirwe ko tuba mu gihugu cyashyizeho ingamba zijyanye n'ubwo bucuruzi. Nkiba mu Bwongereza nanjye byajyaga bingora, ahubwo uzanasanga abantu benshi bubaka amasoko baba barahuye n'iyo mbogamizi.

Nka UBER nakubwiraga nyirayo yagiye mu Bufaransa ashaka imodoka biramugora aravuga ngo ngomba gushyiraho isoko rizajya rituma abantu babona imodoka aho baba baherereye bose.

Natwe twaje kubona ko kubona ko narashakaga kugura ikibanza umukomisiyoneri usanzwe akakubwira ngo ubanze umuhe amafaranga mbere yo ku kwereka twasanze harimo ikibazo.

Icyo iri riza gukemura ni uko umuntu ashobora kubona ibintu byose bisanzwe bicururizwa mu Rwanda cyangwa muri Afurika akabibona amasaha 24 kuri 24 ntacyo yishyuye kuko twese duhurira kuri internet.

Kuba umuntu yaba yashimye ibyo ashaka binyuze mu mucyo ntabwo hazaho undi muntu ubanza kukubwira ngo urongera amafaranga ye, akubeshye se.

Icya mbere iri soko ntabwo rifite urubuga rumwe, ubu dufite imbuga esheshatu zifite intego yo kugera muri Afurika yose kandi zifite amateka akomeye mu bucuruzi.

Inkingi ya mbere y'icyizere ni uko ari isoko riri ahantu heza, horoshye kumva cyangwa kugera, iyo rero riri ahantu heza ukaba ubyizeye, wibaza niba abantu barizi, ese ni nshyiraho ibicuruzwa bizasurwa.
Aho rero niho dufatanya n'abandi bafatanyabikorwa kugira ngo isoko rimenyekane. Icyo cyizere gishingiye ku kuba dukorana n'ibigo 10 bikomeye, ibigo by'imbere no hanze y'igihugu.

Iyo umaze kumvikana n'ugurisha hari uburyo bwinshi ushobora gukurikiza inzira zinyuranye ziteganywa n'amategeko ukaba waza mu Rwanda cyangwa ukohereza uguhagarariye kugira ngo ibyo waguze bikugereho.

Niyigena afite intego yo kugira BuySellorRent isoko nyafurika

Niyigena yasobanuye ko igitekerezo cyo gushinga BuySellorRent ari uko yabonaga ko harimo amahirwe kandi agomba kubyaza umusaruro

Ni ikigo kimaze kuba ubukombe, cyahaye akazi benshi

Niyigena avuga ko ubwo yari mu Bwongereza ari bwo yagize igitekerezo cyo gushora imari mu gihugu cye cy’u Rwanda

[email protected]

Ni impanuka yabaye kuri uyu wa Kabiri tariki ya 10 Nzeri 2024, ibera mu Mudugudu wa Kigarama mu Kagari ka Rubona mu Murenge wa Rukumberi ahari gukorwa umuhanda wa kaburimbo uhuza Akarere ka Ngoma n'aka Bugesera.

Umwe mu bahawe akazi mu kubaka uyu muhanda waganiriye na IGIHE, yavuze ko bafite ahantu bajya basuka ibitaka mu isambu y'umuturage, munsi yaho hari ahantu hasi cyane ngo hariyo ikirombe cy'umucanga.

Uwari utwaye imashini yasanzaga rya taka ageze hepfo asa nk'uwubuze feri iyi mashini iramanuka igonga umuturage we arayisimbuka imunyura hejuru iramwica mu gihe undi bari kumwe we yakomeretse cyane.

Umunyamabanga Nshingwabikorwa w'Umurenge wa Rukumberi, Mugabo Daniel yabwiye IGIHE ko hapfuye umuntu umwe mu gihe abandi bajyanywe kwa muganga.
Umuvugizi wa Polisi y'u Rwanda mu Ntara y'Iburasirazuba, SP Twizeyimana, yabwiye IGIHE yavuze ko kugeza ubu batari bamenya neza icyateye iyi mpanuka kuko uwari utwaye iyi mashini bivugwa ko yakatiraga mu muhanda.

Ati 'Ni umugabo w'imyaka 43 yari ari kumwe n'umutekenisiye wabo. Ntabwo turamenya neza icyateye impanuka ariko imodoka yamanutse hasi cyane umushoferi arayisimbuka imuca hejuru, uwo mutekenisiye we yajyanywe ku bitaro bya Kibungo niho ari kuvurirwa mu gihe umujyanama w'ubuzima nawe bagonze we yahawe imiti ubundi agataha.'

SP Twizeyimana yasabe abatwara ibinyabiziga bose kujya babanza kubisuzuma mbere yo kubitwara bakamenya nib anta kibazo na kimwe bifite. Yasabye kandi abatwara ibinyabiziga kwirinda ibisindisha, uburangare n'ibindi bibi byose byatuma bakora impanuka.

Imashini iri kwifashishwa hakorwa umuhanda yakoze impanuka, umwe ahasiga ubuzima

Ibi byabaye kuri uyu wa 11 Nzeri 2024 mu masaha y'igitondo. Abaturage batuye muri uyu mudugudu babwiye IGIHE ko batunguwe no kubona uwo murambo ubwo bari mu bikorwa byabo bisanzwe ariko ko batazi uwabikoze uwo ari we.

Kazeneza Ange yagize ati 'Nari ngiye kugura amakara kuri boutique mbura icyo nyatwaramo nsohoka hanze mbona agakarito ngiye kugafata mbona harimo agatwe k'uruhinja. Nahise mbwira ababyeyi bari kuri iyo boutique na bo ngo baze barebe basanga koko ni uruhinja rurimo'.

Hakuzweyezu Dieudonne we yagize ati 'Nari nzamutse mvuye mu rugo nka saa tanu ngeze hano mpabona ikarito ndebye mbona harimo umwana. Hashize umwanya hahise haza abashinzwe umutekano mu mudugugu ariko ntiharamenyekana uwabikoze'.

Umuvugizi w'Umujyi w'Umujyi wa Kigali, Ntirenganya Emma Claudine, yahamije ayo makuru avuga ko ubu inzego zishinzwe kugenza ibyaha zamaze kwinjira muri icyo kibazo.

Yagize ati 'Ahagana nko mu ma saa tatu cyangwa saa yine ni bwo umwe muri ba bagore bagenda batoragura ibintu ngo barebe niba hari icyo bishobora kubamarira yabonye ikarito agiye kuyitoragura asangamo uwo mwana atabaza ubuyobozi bw'akagari'.

Yakomeje ati 'Ni umwana wasanzwe mu gakarito yapfuye bigaragara ko yavutse uyu munsi cyangwa se habayeho gukuramo inda kuko ababonye ishusho ye bavuga ko bigaragara ko yavutse adashyitse. Ntabwo turamenya uwamushyize muri ako gakarito. Ubu RIB imaze kuhagera ni yo igiye gukomeza n'akandi kazi k'iperereza noneho ifate n'umwanzuro w'aho baba bashyize uwo murambo'.

Ntirenganya yasabye abaturage kwirinda kwambura abana ubuzima bitwaje impamvu izo ari zo zose kuko abo bana baba bafite uburenganzira bwo kubaho. Yavuze ko ufite ibizabo by'ubushobozi buke aho gukuramo inda cyangwa kwica umwana wavutse yakwegera inzego z'ubuyobozi zikamufasha.

Kugeza ubwo twavaga ahabereye iyi nkuru, umurambo w'urwo ruhinja wari ukiri mu ikarito aho wasanzwe mu gihe inzego zigenza ibyaha zari zimaze kuhagera.

Iyi karito ni yo yasanzwemo uwo murambo w’uruhinja

RIB na Polisi bageze aho iki cyaha cyabereye

Uwo murambo wagaragaye hafi y’amaduka acururizwamo

Abaturage bagombwa ingurane ni abatuye mu mirenge yegereye iyo parike, cyane cyane abo mu Murenge wa Nyabirasi uhafite ubuso bunini.

Abagombaga guhabwa ingurane bose bari 174 icyakora hishyurwa 23 gusa abandi 151 imyaka ikaba igiye kuba ibiri amaso yaraheze mu kirere.

Umwe mu baganiriye na RBA ati 'Icyo gihe twabasabye ko tujya gutemamo ibiti bike wenda ngo twibesheho badusaba ko twagana banki, turazigana [ku bwo kutishyura] hazamo ibihano. Ayo mafaranga n'iyo yaza uyu munsi ntacyo azatumarira kuko azaza ari gutwarwa na banki.'

Mugenzi we ati 'Batatwishyuye badusubiza ibyacu tukajyana ibyangombwa muri SACCO tugasaba amafaranga ariko ntitwicwe n'inzara cyangwa ngo abana bacu babure kujya ku ishuri.'

Umuyobozi w'Akarere ka Rutsiro Wungirije Ushinzwe Ubukungu n'Iterambere, Uwizeyimana Emmanuel yavuze ko hari ikibazo cy'abantu 57 babariwe imitungo ariko ntibemera gaciro imitungo yabo yagenewe.

Ati 'Turi kureba uburyo Akarere na RDB duhuza abagenagaciro bombi. Harimo abaturage 23 babonye ingurane zabo n'abandi 36 dosiye zabo ziri gusuzumwa na RDB kugira ngo ibishyure. Mu cyumweru gishize hari dosiye 12 zemejwe n'Inama Njyanama [y'Akarere].'

Uyu muyobozi yavuze ko bafite abaturage 45 batujuje ibya ngombwa nkenerwa kugira ngo bahabwe ingurane, icyakora akavuga ko batatereye agati mu ryinyo ahubwo bari gukurikirana umunsi ku wundi ndetse biri kugenda neza.

Pariki ya Gishwati Mukura ikora ku turere twa Nyabihu, Rubavu na Ngororero. Iri ku buso bwa hegitari zirenga 5000, ikaba icumbi by'amoko y'ibiti arenga 60, amatsinda 20 y'inguge n'amoko y'inyoni 395.

Muri Mata 2019, RDB yagiranye amasezerano y'imyaka 25 n'ikigo Imizi Eco-Tourism Development Ltd, yo gutunganya no gucunga Pariki y'Igihugu ya Gishwati-Mukura, ku buryo ihinduka igice gikorerwamo ubukerarugendo mu gihugu.

Icyo gihe hatangiye ibikorwa bitandukanye birimo kujya kurira imisozi igize iyo parike, gusura no gushakisha izo nguge n'inyoni ndetse n'amasumo abarizwamo.

Mu 2020 Parike ya Gishwati Mukura yashyizwe mu rutonde rw'ibyanya cyimeza byo kubungabunga urusobe rw'ibinyabuzima (World Network of Biosphere Reserves), rukorwa n'Ishami ry'Umuryango Mpuzamahanga ryita ku Burezi n'Umuco (UNESCO).

Parike ya Gishwati-Mukura ikora ku turere twa Nyabihu, Ngororero na Rubavu

Kugeza ubu urwego rw'ubuhinzi ni rumwe mu zifatiye runini ubukungu bw'u Rwanda kuko nko mu gihembwe cya mbere cy'uyu mwaka rwari rwihariye 25% by'umusaruro mbumbe, mu gihe mu gihembwe cya kabiri cy'uyu mwaka, rwatanze akazi ku bakozi bagera kuri 39,6% ku Banyarwanda bakoraga bose.

Umuyobozi Mukuru wa I&M Bank Rwanda, Benjamin Mutimura, yavuze ko uretse kuba imwe muri banki za mbere mu gihugu zitanga inguzanyo ku nyungu nto ku bari mu buhinzi, hari na gahunda zihariye zagiye zitangizwa kugira ngo uru rwego rutere imbere.

Ni ingingo yagarutseho mu mpera z'icyumweru gishize aho ubuyobozi bwa I&M Bank (Rwanda) Plc bwahuriye mu mwiherero, hagamijwe gusuzumira hamwe imikorere ya banki no kureba uko yarushaho guhuzwa n'ibyifuzo by'abakiliya.

Ubusanzwe abakozi ba I&M Bank Rwanda bahura rimwe mu mwaka mu mwiherero umara iminsi irenga itatu. Inshuro iheruka bahuye muri Nzeri 2023.

Benjamin Mutimura, yabwiye IGIHE ko 'Ku bijyanye n'ubuhinzi ntabwo twasigaye inyuma, twashatse n'abantu badufasha kwishingira abahinzi bataba bafite ingwate kugira ngo tubashe kubateza imbere.'

'Ubu turi muri gahunda yo gushyiraho ishami rireba uru rwego by'umwihariko kugira ngo twongere ubukangurambaga n'ubujyanama. Hari ukuntu abakiliya baza bakabura amafaranga atari uko banki itayafite ahubwo ari uko imishinga itanoze, ubu turi kwegera abakiliya bacu ngo tubafashe kunoza imishinga yabo.'

Yakomeje avuga ko 'Icyo turi gukora hagati aha ni ukongerera ubushobozi abakozi kugira ngo na bo babashe kumva ubuhinzi kuko butandukanye n'ubucuruzi kuko burihariye. Dufite gahunda yo gutanga amafaranga cyane mu bijyanye n'ubuhinzi.'

Muri gahunda ya Guverinoma yo kwihutisha iterambere, NST2, byitezwe ko uru rwego ruzajya ruzamuka ku kigero cya 6% ku mwaka, umusaruro ukaziyongeraho 50% mu myaka itanu iri imbere.

Banki ikomeje kwaguka

Benjamin Mutimura, yavuze ko kuva mu mwaka ushize iyi banki yagutse mu buryo bugaragara nk'aho babashije kongera bakiliya ku rugero rwa 20%, hongerwa serivisi zigenerwa ibigo cyangwa abantu ku giti cyabo n'ibindi.

Yavuze ko kuva mu mwaka ushize amafaranga abitswa yiyongereyeho hafi 100%, n'inguzanyo zitangwa na yo zariyongereye.

Yagize ati 'Ariko igishimishije muri byose ni uburyo abakiliya batwereka ko bishimiye serivisi tubaha.'

Benjamin Mutimura, yavuze ko bitarenze uku kwezi hari serivisi nshya iyi banki abereye umuyobozi izashyira hanze, 'Tuzakora ubukangurambaga bukomeye buzamara amezi ane.'

'Turakangurira abakiliya bacu gukomeza gukoresha ikoranabuhanga kugira ngo bakomeze kubona serivisi byihuse mu buryo butabahenze.'

Imwe mu nkingi z'iterambere rirambye za I&M Bank (Rwanda) Plc, harimo guhindura imibereho y'abaturage bangana na miliyoni 2 mu myaka itatu iri imbere.

Ubuyobozi bwa I&M Bank Rwanda PLC bwahuriye mu mwiherero, hagamijwe gusuzumira hamwe imikorere ya banki no kureba uko yarushaho guhuzwa n'ibyifuzo by'abakiliya

Imwe mu nkingi z'iterambere rirambye za I&M Bank Rwanda PLC, harimo guhindura imibereho y'abaturage bangana na miliyoni ebyiri mu myaka itatu iri imbere

Umwe mu bahuguraga aba bakozi, Lanre Olusola, yatangaga amasomo anyuranye

Umuyobozi Mukuru wa I&M Bank Rwanda, Benjamin Mutimura, yavuze ko iyi banki ari imwe mu za mbere mu gihugu zitanga inguzanyo ku nyungu nto ku bari mu buhinzi

Abari bafite ibibazo bahabwaga umwanya bakabaza

Abari mu buyobozi bwa I&M Bank batandukanye bari bitabiriye uyu mwiherero

I&M Bank yiyemeje kuba ikiraro gihuza urwego rw'ubuhinzi n'imari

Abakozi ba I&M Bank bahura rimwe mu mwaka mu mwiherero umara iminsi irenga itatu

Aha abakozi ba I&M Bank Rwanda bari bari gushyira mu bikorwa ibijyanye n’umukino w’itumanaho

Ubwo abakozi ba I&M Bank Rwanda bahabwaga amabwiriza ku migendekere y’umukino w’itumanaho

The Ben yataramiye bwa mbere muri iriya nyubako, ku wa 7 Kanama 2022, bivuze ko imyaka ibiri irenzeho iminsi micye ahakoreye igitaramo cy'amateka. Icyo gihe yari yatumiwe mu gitaramo cyiswe 'Rwanda Rebirth Celebration Concert'- Yahuriye ku rubyiniro n'abahanzi barimo Bwiza, Chriss Eazy, Marina, Bushali n'abandi.

Uyu muhanzi wamamaye mu ndirimbo zirimo 'Habibi', aherutse kubwira InyaRwanda ko ageze kure ibiganiro biganisha ku kuba yakorera igitaramo muri BK Arena. Yavuze ko buri kimwe akeneye nikijya ku murongo 'nzabitangaza mu gihe kiri imbere'.

Umuhanzi kugirango akorere igitaramo muri BK Arena bisaba kwishyura amafaranga ari hagati ya Miliyoni 24 Frw na Miliyoni 27 Frw. Ariko kandi hari amafaranga angana na Miliyoni 8 Frw wishyura ku munsi igihe ushaka gushyiramo ibyuma mbere y'uko umunsi w'igitaramo ugera.

Bivuze ko usabye gushyiramo ibyuma mbere y'iminsi ibiri, iyo minsi ibiri wishyura arenga Miliyoni 16 Frw. Ibi ni nako byagenze kuri umwe mu bantu bahakoreye igitaramo muri Werurwe 2024, kuko amafranga yari yateguye yongeyeho Miliyoni 16 Frw.

Umuyobozi Ushinzwe Ubucuruzi muri BK Arena, Sharangaho aherutse kubwira RBA ko igiciro gisabwa umuntu kugira ngo akorere igikorwa muri iriya nyubako kidahanitse cyane, ashingiye ku kuba hari ishoramari ryakozwe kugira ngo iriya nyubako yubakwe.

Ati “Ibihakorerwa byose bifite uko bikorwa. Niyo mpamvu rero ikintu nk’icyo iyo abantu bavuze ngo kirahenze, birumvikana kuri bamwe na bamwe ariko biterwa nabyo. Iyo ikintu kiremereye cyangwa gihenze biterwa n’ukikoreye.”    

Sharangabo yavuze ko bagira umubare munini w’abantu baba bakeneye gukorera ibikorwa byabo muri BK Arena, bitewe nuko haba hatabayeho kubitegura kare kugira ngo batange gahunda yabo yagutse n’igihe bazayikorera, bamwe uko bagomba kubafasha.

1.The Ben akumbuwe mu gitaramo cye bwite

Mu myaka ibiri ishize, The Ben yagaragaye cyane mu bitaramo yabaga yatumiwemo n'abandi bantu banyuranye ariko nta gitaramo cye bwite yigeze akora.

Uhereye kuri kirya gitaramo cyo muri Kanama 2022 yagikoze yatumiwe na East Gold. Mu Ukwakira 2023 yataramiye mu Burundi nabwo yatumiwe na sosiyete yahoo.

Mu minsi ishize nabwo yataramiye mu Karere ka Musanze ari kumwe na Rema Namakula wamamaye muri Uganda. Ndetse, ku wa 7 Nzeri 2024, yataramiye muri Kigali Convention Center, ari kumwe na Kevin Kade na Element mu birori bya Sherrie Silver.

Bivuze ko mu myaka ibiri ishize nta gitaramo cye bwite yigeze akora. Ndetse iyo unyujije amaso mu mashakiro, kuva mu myaka 10 ishize ibitaramo byose yakoreye mu Rwanda yabaga yatumiwe.

2.Igitaramo ashobora guhuza n'ishyirwa hanze rya Album ye

Kimwe mu bintu bitegerejwe na benshi bari mu muziki, harimo n'isohoka rya Album ye. Kuva mu 2018, yumvikanye mu itangazamakuru avuga ko ari kugana ku musozo w'ikorwa rya Album ye, kandi iriho indirimbo yakoranyeho n'abahanzi banyuranye nka Sauti Sol, Tiwa Savage n'abandi bakomeye muri Afurika.

Ariko kandi uyu muhanzi aherutse kubwira InyaRwanda ko bidatinze iyi Album ye izajya hanze kandi ko mbere y'isohoka ryayo azabanza kuyitegurira. Ati “Album yanjye izasohokera igihe, izasohoka muri uyu mwaka uko byagenda kose! Ariko ndakomeza gushyira hanze indirimbo imwe imwe kugira ngo abantu bishime. Ni muri uyu mwaka, bishobora kuba byahinduka, ariko ndizera ko ari muri uyu mwaka.”

Umwe mu bazi neza iby'iyi Album, aherutse kubwira InyaRwanda ko uyu muhanzi yarenze urwego rwo gusohora indirimbo buri kwezi. Yavuze ko ibikorwa yakoze mu myaka itambutse bituma agira amakenga mbere y'uko asohora indirimbo.

Ati 'Umuhanzi nk'uriya aba ageze ku rwego rw'aho asohora indirimbo yabanje kuyitondera. Nk'ubu hari indirimbo ze tuba tuzi ko zarangiye, ariko ashobora kugaruka muri studio akavuga ati ‘iri jambo reka turihindure, buriya mwe murabona rikwiye’? Cyangwa se akavuga ati ‘buriya twiyambaje 'Producer' runaka agashyiramo akandi kantu byaba byiza kurushaho.'

3.Ni igitaramo ashobora kuzahuza n'uburyo yashyigikiye abahanzi bato

Ushingiye ku kuntu The Ben asobanura uburyo ari gutegura iki gitaramo cye, yumvikanisha ko azaha umwanya abahanzi bashya cyane cyane abo bakoranye indirimbo mu bihe bitandukanye.

Mu gihe yabarizwaga muri Amerika, bamwe mu bantu bagiye bamushinja kudakorana indirimbo n'abahanzi bakizamuka mu rwego rwo kubafata akaboko.

Ariko ko mu gihe cy'imyaka ibiri ishize ari mu Rwanda, yashyize imbere cyane mu gukorana indirimbo n'abahanzi bashya barimo nka Kevin Kade, Element n'abandi.

Mu gihe ari kwitegura iki gitaramo, birashoboka ko azaha umwanya munini abahanzi bakoranye ndetse n'abandi yagiye yumvikanisha ko batanga icyizere mu muziki.

4.Abafana baranyotewe

The Ben agarukwaho cyane ku mbuga nkoranyambaga na bamwe mu bantu bavuga ko adashyira imbaraga cyane mu rugendo rwe rw'umuziki.

Abavuga ibi bashingira ku kuba adasohora indirimbo mu buryo buhoraho, mu gihe bizwi ko Album ye yarangiye, indirimbo yakoranye na Israel Mbonyi zarangiye n'ibindi.

Bisa n'aho iki gitaramo cyaba ari icy'ubwiyunge n'abafana be, ahanini biturutse mu kuba kuva mu myaka ibiri ishize baramubonye cyane mu bitaramo by'abandi.

Ariko kandi The Ben yigeze kuvuga ko gutinda gusohora indirimbo ahanini biterwa n'uko hari ibindi aba ahugiyemo. Ati “Kimwe mu byo abakunzi bacu birengagiza ni uko nyuma y’umuziki, n’iy’isi tubamo y’umuziki harimo n’ubundi buzima bwite. Mfite ‘Business’ nkora muri Amerika aho mba. Rero hari igihe biguhuza.”

5. Abafana be bameze nk’ab’amaraso

Uyu muhanzi yatangiye umuziki mu 2008 ari gusoza amashuri yisumbuye. Nyuma y’umwaka umwe, ubwo ni ukuvuga mu 2009 atangira guhatanira ibihembo bya Salax Awards byari bigezweho kiriya gihe.

Asobanura ko imyaka irenze 15 ari mu muziki kubera ko yashyigikiwe. Ati “Nta nzira itagira inzitane. Ugereranyije muri rusange, iyo ntangira Abanyarwanda ndetse n’abafana bagiye baguka impande z’Isi ntabwo byari kuba byoroshye.

Nubwo bwose muri urwo rugendo, hari ibyo uhangana nabyo ku giti cyawe. Hari ibyo uhura na byo udakenera kugira abo ubibwira, hari ibiguhungabanya byawe bwite ariko mu ishusho ngari bagiye batuba hafi, ndetse baradukomeza. Ntabwo byari byoroshye ariko byari bikwiriye.'

The Ben yumvikanisha ko nubwo azi neza ko adahozaho mu gukora imiziki, ariko yishimira ko afite abafana bameze nk’abavandimwe, ku buryo babasha kumwihanganira kugeza igihe yemereje isohoka ry’indirimbo ze.

Ati “Dufite abafana bameze nk’aho harimo isano y’amaraso. Ni abafana bafite umusingi ukomeye cyane. Ndamutse ncitse intege, naba mbahemukiye cyane. Nanone hari igihugu kidushyigikiye, mbese ni abafana bakomeza kutubwira ngo ntuhagarike, komereza aho.”

The Ben ni umwe mu bahanzi bamaze igihe kinini mu muziki wagiye ugaragaza ko gushyira hanze indirimbo bisaba ibintu byinshi birenze ibyo abantu batekereza. Mbere y'ubukwe yasohoye 'Ni Forever' yagiye hanze tariki 16 Ukuboza 2023, mu gihe haburaga iminsi micye ngo ahamye isezerano rye na Uwicyeza Pamella, mu birori by’ubukwe byabaye tariki 23 Ukuboza 2023 muri Kigali Convention Center.

Ariko kandi yasohotse hashize umunsi umwe, akoze umuhango wo gusaba no gukwa wabereye mu busitani bwa Jalia Garden hafi ya Intare Conference Arena.

The Ben aherutse kubwira InyaRwanda ko ari mu biganiro biganisha ku kuba yakorera igitaramo muri BK Arena 

Mu 2022, The Ben yataramiye muri BK Arena binyuze mu gitaramo ‘Rwanda Rebirth Celebrations’

AMEZI UMUNANI ARASHIZE THE BEN ASOHOYE AMASHUSHO Y’INDIRIMBO YISE ‘NI FOREVER’

 “>

Tariki ya 24 Kanama 2024 yabereyeho igitaramo cyerekanye imbaraga zikomeye za Hip Hop nyarwanda, akaba ari nayo ntego nyamukuru Riderman na Bull Dogg bari bafite.

Mu kiganiro yagiranye na InyaRwanda, Bull Dogg yavuze ko ashimira Riderman wemeye ko bakorana kuri uyu mushinga, gusa agira isomo yumva abantu bakwiye gusigarana.

Ati: 'Twakoze iriya Album nta n'abaterankunga dufite, ariko twanze kubihagarika kugira ngo abantu babone ko ibyo batekereza kuri Hip Hop n'abakozi bayo atari byo.'

Yagaragaje ko abakora Hip Hop ari kimwe n'abandi bahanzi nabo bakwiriye ibyiza. Ati: 'Kugira ngo n’abo bashoramari n'abandi bose babone ko gukorana n'abaraperi atari uguta iyo ngiyo cyangwa guta inyuma ya Huye, ahubwo ari ubucuruzi.'

Yongeraho ati: 'Ari abanyamuziki nk'abandi bashobora kugira icyo binjiriza uruganda cyangwa se bakamamariza abantu muri rusange ntibumve ko abakora indi miziki aribo bagomba kugirirwa icyizere.'

Avuga uko igitaramo cyagenze byakabaye igihamya gifatika ko Hip Hop ari umuziki nk'iyindi. Ati: 'Niba mwaraje mu gitaramo cyabaye kirarangira nta muntu wahangirikiye, nta muntu bigeze bafata ngo baramusohoye kubera ko yanyweye ibiyobyabwenge.'

Yakomeje avuga ko ari yo ntego nyamukuru y'igitaramo, kwereka abaterankunga n'abashoramari ko muri Hip Hop naho umuntu yashoramo. Ati: 'Twashakaga kubaremamo icyizere, babone ko ibyo abandi bakora n'abaraperi babishobora cyangwa bakanarenzaho.'

Yagize icyo asaba abanyarwanda ku bwa none n'ejo hazaza h'umuziki. Ati: 'Icyo nsaba abanyarwanda ni uko muri rusange bashyigikira umuziki nyarwanda, nibadushyigikira tuzakora ibintu byiza kandi birenze.'

Bull Dogg avuga ko gushyigikira umuziki n'abawukora ari ingenzi. Mu magambo ye yagize ati: 'Umuziki nyarwanda na wo wajya uba ikintu kizamura idarapo ry'igihugu nk’uko tubona ahandi bigenda.'Igitaramo cya Riderman na Bull Dogg ni ijoro ry’amateka muri Hip Hop nyarwanda Riderman na Bull Dogg bongeye kwerekana ko umuziki wa Hip Hop ufite imbaraga kandi abashoramari n’abaterankunga bakawurebyehoSkol yamaze kwizerera mu bitaramo bya Hip Hop aho yateye inkunga igitaramo cya Riderman na Bull DoggAbakunzi b’umuziki nyarwanda biganjemo aba Hip Hop bitabiriye ku bwinshi igitaramo cya Riderman na Bull DoggIbyamamare mu ngeri zitandukanye byitabiriye igitaramo cya Riderman na Bull Dogg

Iki kiganiro mpaka cyabereye mu mujyi wa Philadelphia muri Leta ya Pennyslvaniya cyayobowe n'abanyamakuru ba televiziyo ABC. Cyabereye mu nzu yitiriwe itegeko nshinga, barimo bonyine n'abanyamakuru bayoboye iki kiganiro.

Impaka z'aba bakandida mu kiganiro cyabo cya mbere zibanze ku ngingo z'ubukungu, uburenganzira bwo gukuramo inda ibijyanye n'abimukira bambuka umupaka na Megisike binjira muri Amerika n'ububanyi n'amahanga.

Ni ku nshuro ya mbere aba bategetsi bahuriye hamwe mu kiganiro, no mu ruhame, ntibaranavugana na rimwe. Visi Perezida Harris yari amaze igihe muri iyi leta ya Pennyslvaniya yitegura iki kiganiro mpaka. 

Ku ruhande rwa Donald ni ku nshuro ya gatatu yitabiriye ibi biganiro mpaka bihuza abakandida ku mwanya wa Perezida . Dore ko ari ku nshuro ya gatatu agiye kwiyamamariza umwanya w'umukuru w'igihugu.

Ku ikubitiro abakandida bombi babajijwe imigambi yabo ku bijyanye n'ubukungu mu gihugu.Visi Perezida Kamala Harris yahise ashinja uwo bahanganye Donald Trump kuba yarasize yubitse ubukungu bw'igihugu ubwo manda ye yari irangiye. 

Yagize ati: 'Reka tuvuge ku byo Donald Trump yadusigiye. Donald Trump yadusigiye ubushomeri bukabije, Donald Trump yadusigiye icyorezo cyatikije imbaga mu buryo butarabaho mu myaka ijana ishize. Donald Trump yasize agabye igitero gikomeye kibasiye inzego z'igihugu na demokarasi yacu kuva igihugu kivuye mu ntambara yo gusubiranamo y'abanyamerika. Icyo twakoze tugeze ku butegetsi n'ugukubura uwo mwanda yadusigiye'

Mu kumusubiza, Donald Trump yashinje Ubutegetsi Kamala Harris abereye visi perezida gusubiza inyuma ubukungu bw'igihugu.

Avugira muri icyo kiganiro Trump yagize ati: 'Buri muntu arabizi ko mu by'ingezi nzakora ni ukugabanya imisoro, nkubaka ubukungu budadiye butajegajega nk'uko nabikoze bwa mbere. 

Twari dufite ubukungu bukomeye bwakubiswe hasi n'icyorezo. Icyorezo kitigeze kibaho kuva mu 1917 cyaguyemo abantu 100. Igihugu cyari kitarahura n'ibibazo nk'ibyo. Ariko twabyitwayemo neza tubasigira ubukungu buhagaze neza'

Bagaruka ku bijyanye n'uburenganzira bwo gukuramo inda,Trump yavuze ko hagomba kubanza kugenzura neza iri tegeko kuko hari abagore basama mu nzira mbi bikaba ngombwa ko bazikuramo.

Ku ruhande rwa Kamala Harris we yavuze ko atowe yahita yemeza iri tegeko ndetse avuga ko ubuzima bw'imyororokere y'abagore budakwiye gufatwaho imyanzuro n'abanyapolitiki ahubwo ko buri mugore wese akwiye kugira uburenganzira ku mubiri we.

Ikiganiro mpaka cyahuje Harris na Trump, kibaye hasigaye amezi atagera kuri abiri ngo amatora abe. Cyarangiye Trump akosowe inshuru 33 aho yavugaga ibitari byo, mu gihe Harris yakosowe inshuro imwe gusa.

Bwa mbere Trump na Kamala Harris basuhuzanije mbere yo gutangira ikiganiro mpaka