Author: webrwanda

Bamwe barabyemeza abandi bakabihakana! Amarozi mu mupira w’amaguru mu Rwanda kuba arimo ntiwabihakana ahubwo icyo abantu badahurizaho ni ukuba akora cyangwa adakora.

Iki ni ikibazo cyugarije umupira w’amaguru mu Rwanda ni nacyo cyatumye Perezida Kagame amara imyaka 8 adakandagira ku bibuga by’umupira w’amaguru (yahagarutse ku wa Gatandatu w’icyumweru gishize ku mukino Amavubi yanganyijemo na Nigeria 0-0).

Mu ntangiriro z’uyu avuga impamvu atakiza ku kibuga, yagize ati “Ndabyumva ibyo bansaba ariko nanjye mfite ibyo mbasaba. Icyatumye kenshi ngabanya kujyayo ni bo byaturutseho. Hari ibyo wabonaga badahindura imico. Ni ibintu bigenda bikajyamo ruswa n’amarozi. Ibintu nk’ibyo njye ntabwo nabijyamo.'

Ubaye ukurikiranira umupira w’amaguru hafi ntabwo wakihandagaza ngo uhakane ko nta marozi aba mu mupira w’amaguru, gusa si bose bayakoresha.

Gusa byose bigendana n’imyizerere y’umuntu hari abayizera ndetse bakubwira ko bikora hari n’abandi bakubwira ko babikoresheje bidakora hari n’abavuga ko uburozi bwa mbere ari imyitozo ibindi bidakora aba ari ukwica umuntu mu mutwe.

Nk’ingero nke umuntu yatanga, benshi bibuka muri 2016 ubwo APR FC yahuraga na Espoir FC muri 1/2 cy’Igikombe cy’Amahoro, umukino ubanza wabereye Rusizi amakipe yombi anganya 0-0.

APR FC ngo yaje kwakira amakuru ko hari umuganga (nk’uko babita) wari muri Stade wafashije Espoir ituma idatsindwa, ngo yari umugore ukomoka muri Congo.

Amakuru avuga ko baje gushaka ifoto ye ikaboneka maze mu mukino wo kwishyura wabereye i Kigali, habayeho gahunda yo kumushaka, yaje kuboneka umukino ugeze kure mu gice cya kabiri, bamusanganye urutonde rw’abakinnyi ba APR FC yaruzingiyeho ibindi bintu, barabimwatse barabitwika, bikimara kuba Benedata Janvier yahise atsindira APR FC igitego ari nacyo rukumbi cyabonetse muri uwo mukino, ihita ihera ku mukino wa nyuma.

Mu mwaka w’imikino wa 2016-17 kandi abantu ntibazibagirwa umukino wahuje Mukura VS na Rayon Sports i Huye.

Uyu mukino umunyezamu wa Mukura VS icyo gihe wari Mazimpaka Andre yagaragaye hari ibintu ashyira mu izamu, Rayon Sports yamenye ko hari ibyashyizwemo bituma idatsinda maze rutahizamu Camara amucunga ku jisho abikuramo.

Nyuma y’iminota mike Camara wabikuyemo yahise atsindira Rayon Sports igitego cyo kwishyura mu gihe cyari cyabuze.

Umwaka ushize Mazimpaka André wasezeye umupira yaje kwemera ko yari amarozi kandi yayizeraga.

Ati “Ntabwo ari ibintu byo guhisha, ni ibintu byagaragaye kandi byigisha. Ni kuriya byagenze muri Mukura VS kuko ntabwo wabikora utabyemera. Narabyemeraga ko bikora kuko nakinanye n’abanyezamu bakomeye kandi nabonaga na bo babyemera nanjye ngendera muri uwo murongo.”

Ingero zo ni nyinshi, benshi bibuka ijwi bivugwa ko ari irya Niyonzima Olivier Seif muri ya CHAN 2022 ryashyizwe hanze n’Umuganga Salongo uvuga ko ajya afasha aba bakinnyi, icyo gihe yarimo amubwira ngo amuhe igitego yishimishirize abanyarwanda, abantu barabyibuka ko mu bitego 3-2 Amavubi yatsinze Togo akagera muri 1/4 harimo n’icya Seif.

Hari imigenzo myinshi ijya iba, hari abashyira ibiceri mu kibuga, kumena amazi, amagi, hari amazi aba ateretse ariko nta mukinnyi wayanywaho n’ibindi.

Wumvise cyangwa ugasoma ibi tumaze kwandika, na we ushobora kwemeza ko bikora nta gushindikanya bitewe n’ibyabaye.

Ese ko birakora? Ba nyirabyo bivugwaho babivugaho iki?

Mu minsi ishize ni bwo hagiye uhanze Ubuhamya bw’umukinnyi witwa Patrick wavuze ko yari umukinnyi ufite impano hanyuma aza kugirwa inama yo kujya muri Tanzania gushaka umupfumu utuma azamuka kurushaho.

Yagiyeyo bamuca indasago bamubwira n’imigenzo azajya akora ariko aho gutera imbere yasubiye inyuma cyane.

Umwe mu batoza batoje muri Sunrise, Evariste yabwiye ISIMBI ko amarozi abamo ndetse hari n’abayizera ariko we akaba abona adakora.

Ati “Abamo ariko ntabwo navuga ko akora kubera ko nkanjye ubwanjye sinyemera gusa benshi barabikoresha, sinavuga ko akora 100%, wenda hari ubundi buryo yakoreramo ariko muri rusange ntabwo ari yo akora kuko n’abo batoza b’abahanga muri byo ntibagira umusaruro uruta uw’abandi.”

“Nakoranye n’abatoza babikunda ariko ntabwo bivuze ko iyo babikoze ari ko twatsindaga, hari igihe byakundaga kandi bikanga cyangwa yaba yakennye yabuze amafaranga yo gushora tukaba ari bwo dutsinda.”

Yavuze ko akenshi amafaranga bayakura mu bakinnyi, aho babasaba guteranya ngo babone ayo kwishyura umwarimu.

Ati “umutoza ubikora ntabwo ikipe ibitegura mu ngengo y’imari ya yo, kandi bisaba ubushobozi rero umutoza abwira abakinnyi ngo ngiye gushaka uko dutsinda muzagira icyo mutanga ku gahimbazamusyi.”

Umunyezamu Ntwari Fiacre yavuze ko bidakora ahubwo biterwa n’imyumvire y’umuntu n’uko abitekereza.

Ati “ntabwo navuga ko bikora biterwa na buri muntu imyumvire ye, rero njye ntabwo mbizi niba bikora cyangwa bidakora kuko ntabwo ndabikoresha. Kuva natangira gukina nta muntu uransaba kubikoresha.”

Umwe mu baba mu mupira utifuje ko amazina ye ajya hanze, yavuze ko na we yabikoreshejeho ariko ari imyumvire y’abantu.

Ati “ntabwo navuga ko mu makipe naciyemo bitagiye bikorwa, ni ibintu byakorwaga ukabona rimwe birakunze ubundi biranze, ariko ahanini ntibikora byose biterwa n’imyumvire, amarozi ashoboka ni ayo kukwangiza, kugutega ibintu. “

“Njyewe sinabikoresheje ku giti cyanjye uretse iby’ikipe muri rusange babahaga, nk’imigenzo ariko rimwe na rimwe twaratsindwaga cyane ahubwo.”

Yavuze ko ntacyo bifasha kuko n’abagiye bagerageza kubikoresha ntaho bageze.

Ati “Abantu benshi bagiye bagerageza kubikoresha ubona ko ntaho bagiye bagera, nta kintu gifatika wavuga ngo birabafasha kino kintu.”

Ni ibintu bigoye kuba waca mu mupira w’amaguru mu gihe hari ababyizera ko bikora bakanaguha ingero ukaba wabyumva, gusa na none umupira ntukwiye kubakirwa ku marozi kurusha gutegura, impano n’ibindi. Ni urugamba rugoye kuko hari n’abayobozi b’amakipe ushobora gusanga babyizera.

Mazimpaka yemera ko yizeraga amarozi

Camara yagiye kubikuramo

Camara ikinikuramo induru zaravutse

Ku mukino wa APR FC na Espoir FC umukecuru yatswe urutonde rw’abakinnyi ba APR FC bararutwika maze igitego kiraboneka

Nk'ibisanzwe kizabera muri Kigali Conference and Exhibition Village ahazwi nka Camp Kigali. Abaye umuyobozi wa kabiri ugiye gutanga ikiganiro muri ibi bitaramo biba kabiri mu kwezi, nyuma ya Tom Close, usanzwe ari Umuyobozi Mukuru w'Ikigo Gishinzwe gutanga amaraso muri RBC.

Ariko kandi muri 'Meet me Tonight' hagiye hatumirwamo abahanzi mu ngeri zinyuranye, abashoramari, abacuruzi, abahangamideli n'abandi bitsa cyane ku kubwira urubyiruko uko bakwiye kwitwara muri iyi si y'ikoranabuhanga, ndetse n'uburyo bakishakamo imbaraga zo kwikorera no guteza imbere Igihugu.

Bisaba n'aho Gen-Z Comedy iherekeza Nzeri ya 2024 izaba yihariye, kuko yatumiwemo abanyarwenya bakomeye barimo nka Alex Muhangi wo muri Uganda, Mugisha Emmanuel wamenye nka Clapton Kibonge, Michael Sengazi, Ramjaane Joshua, Manzere na Kampire, Dudu, Clement, Pirate n'abandi.

Fally Merci utegura ibi bitaramo yabwiye InyaRwanda, ko batumiye Meya Samuel kugirango aganirize urubyiruko kuri gahunda zinyuranye Umujyi wa Kigali uri gutegura, ibikorwaremezo biri guhangwa, guteza imbere ubuhanzi n'ibindi binyuranye.

Ati 'Ikiganiro azatanga kizibanda kuri gahunda z'Umujyi wa Kigali mu iterambere ry'ubuhanzi cyangwa mu gufasha abahanzi muri rusange ndetse n'icyo asaba urubyiruko kugirango Umujyi wa Kigali ukomeze gutera imbere. Harimo kandi n'ibijyanye no guhanga imirimo ku bashomeri n'ibindi.'

Ibyavuye mu ibarura rusange rya 2022 bigaragaza ko mu Mujyi wa Kigali hatuye abantu 584,290 bafite imyaka iri hagati ya 16 na 30.

Ubwo yari mu kiganiro Waramutse Rwanda cya tariki 2 Mutarama 2024, Meya Samuel Dusengiyumva, yabwiye urubyiruko rwo mu Mujyi wa Kigali, ko hari amahirwe menshi yo kubona imirimo.

Yagize ati 'Amahirwe burya ugomba kuyakurikirana, cyane cyane ku rubyiruko ni ugushyiramo imbaraga ugashakisha amahirwe udahuga. Ntabwo amahirwe akwizanira, ntabwo ashobora kugusanga ahantu uri. Hari igihe ubona abantu babiri bavukiye ahantu hamwe, umwe atera imbere undi bikanga. Mu by'ukuri iyo ugiye kureba itandukaniro usanga ari imbaraga buri wese yashyizemo.'

'Igihugu cy'u Rwanda ni igihugu kirimo amahirwe menshi, buri wese rero akwiye kureba amahirwe amugenewe akayahiga akayafata. Dufate urugero, urebye inyubako zizamurwa ntabwo zubakwa n'imashini zubakwa n'abantu, urebye ibikorwa bitandukanye, umuntu ukeneye iki cyangwa kiriya, hari amahirwe ataba mu cyaro, ahubwo itandukaniro ni iyo uyabonye uyakoresha ute kugira ngo akugeze ku yandi ejo uzagende uzamuka?'

Minisitiri w’Intebe Dr Edouard Ngirente aherutse gutangaza ko muri gahunda ya Guverinoma ijyanye no guhanga imirimo mishya ibyara inyungu ingana na Miliyoni 1,250,000, ubuhanzi n’imyidagaduro biri mu nzego zizibandwaho kugirango bazabashe kugera ku ntego bibaye mu myaka itanu iri imbere.

Imibare yo muri 2022, yerekanaga ko muri rusange mu Rwanda abagera kuri 21.5% by'abagejeje imyaka yo gukora bugarijwe n'ubushomeri ariko byagera ku rubyiruko icyo gipimo kikagera kuri 33%, aho mu cyaro ubushomeri mu rubyiruko buri kuri 35.1% naho mu mujyi bukaba ari 27%.

Ariko muri gahunda ya NST2, Ngirente yavuze ko nk'Igihugu hifuzwa guhangwa imirimo mishya nibura Miliyoni 1,250,000 mu myaka itanu. Ni ukuvuga ko buri mwaka hazajya hahangwa imirimo mishya ibihumbi 250,000.

Umuyobozi w'Umujyi wa Kigali, Samuel Dusengiyumva yatumiwe kuganiriza urubyiruko muri Gen-z Comedy izaba tariki 19 Nzeri 2024 muri Camp Kigali

Dusengiyumva azatanga ikiganiro kizibanda kuri gahunda ziteganyijwe n'Umujyi wa Kigali harimo guteza imbere ubuhanzi

   

Umutoza Mungo Jitiada, wamenyekanye cyane nka ‘Vigoureux’ mu mupira w’amaguru yitabye Imana azize uburwayi.

Uyu mutoza wari uzwiho kuzamura abakiri bato mu mupira w’amaguru by’umwihariko mu gace ka Rubavu, inkuru y’urupfu rwe yamenyekanye mu gitondo cyo kuri uyu wa Kane tariki ya 12 Nzeri 2024.

Uyu mutoza wazamuye abakinnyi benshi bageze ku gasongero k’umupira w’amaguru mu Rwanda, yari amaze igihe arembeye mu bitaro bya Gisenyi.

Bwa mbere bimenyekana ko arwaye hari muri Mata 2023 ubwo yari arwaye imitsi, kubura amaraso ndetse na hépatite C kugeza ubwo kuva mu nzu byabaye ikibazo gikomeye.

Ubu burwayi kandi bugenda buhindagurika kuko rimwe na rimwe akaguru kamwe kagira 'paralysie’, ikindi gihe kakabyimba.

Ibiganza bye byanyuzwemo n’abakinnyi benshi nka Niyonzima Haruna udafite ikipe ubu, Tuyisenge Jacques na we nta kipe afite, Bizimana Djihad wa Kryvbas muri Ukraine, Hakizimana Muhadjiri wa Police FC, Nizeyimana Mirafa [wakiniye amakipe arimo Police FC na Zanaco FC], Imanizabayo Florence wakiniye Rayon Sports y’Abagore n’abandi benshi biganjemo abakomoka i Rubavu.

Vigoureux wazamuye benshi yitabye Imana

APR BBC yatangiye nabi imikino ya nyuma ya kamarampaka itsindwa na Patriots BBC amanota 83-71.

Ejo hashize ku wa Gatatu ni bwo imikino ya nyuma ya kamarampaka muri Basketball yatangiraga aho amakipe yageze ku mukino wa nyuma ari APR BBC yasezereye REG BBC na Patriots BBC yasezereye Keepler.

Aya makipe akaba agomba gutanguranwa gutsinda imikino 4 muri 7, izayitsinda ni yo izegukana igikombe.

Umukino wa mbere ukaba waraye wegukanywe na Patriots aho yatsinze amanota 83-71.

Iyi ikaba yasoje akazi ka yo mu duce tubiri twa mbere aho abarimo Perry, Gaston bayifashije gushyiramo ikinyuranyo kinini (21-15, 31-13), amakipe yagiye kuruhuka ari 52-28.

Uyu mukino waberaga muri Kigali Arena, APR BBC yagarutse mu gice cya kabiri isa n’aho ari nshya maze abarimo Muller, Nshobozwa bayifasha gutsinda uduce tubiri twa nyuma ariko ikinyuranyo nticyavamo (16-22, 15-21), umukino warangiye Patriots BBC iri imbere na 83-71.

APR BBC ntiyahiriwe n’umukino wa mbere wa kamarampaka