Author: webrwanda

Uyu mukobwa wamamaye mu bisigo binyuranye kuva mu mpera za Weekend, yatangiye gutanga ‘Invitation’ y’ubukwe bwe.

Carine yabwiye InyaRwanda ko yatangiye gukundana n’uyu musore kuva mu 2017, bivuze ko imyaka irindwi ishize bari kumwe. Yavuze ko hari byinshi yakundiye uyu musore birimo no kuba yitonda kandi amukunda by’ukuri.

Ati “Ni umusore utangaje cyane! Aritonda kandi aranyumva cyane akumva n’ibyo nkora. Namukundiye ko azi kwiyubaha, akamenya gukunda kandi atuje akamenya kunyitaho no kwita ku nshuti zanjye n’umuryango wanjye muri rusange.”

Uyu mukobwa yavuze ko nyuma yo kurushinga azakomeza ubuhanzi n’ubusizi kuko bagiye kurwubakana ni umuhanzi mugenzi we. Ati “Ubuhanzi nzabukomeza cyane. Kandi nawe ni umunyamuziki (Pascal Rutagengwa), kuko asanzwe acuranga gitari akanaririmba.”

Mu rugendo rwe, Umusizi Carine Maniraguha akoresha icyivugo kigira kiti “Numbona uzanyite umusizi, nunyumva uzanyite igisigo.”

Yamenyekanye cyane binyuze mu gisigo yise “Nasa nk’umusazi” hari aho agira ati 'Ariko uko wasara uko ari ko kose ntabwo ibintu byawe byose biba ari ubusazi.”

Carine Poet asobanura ko yinjiye mu busizi mu rwego rwo gutera ikirenge mu cy’umubyeyi we wakoze ubusizi, ariko ntiyigeze ajya mu ruhame. Ariko kandi agerageza gusingira inganzo ya Nyiraruganzu| Nyirarurama ufatwa nk’uwatangiye ubusizi buriho ubu mu Rwanda.

Uyu mukobwa mu 2018 yitabiriye irushanwa rya ArtRwanda-Ubuhanzi ritegurwa n’umuryango Imbuto Foundation. Yabashije guhatana ahereye ku rwego rw’Umudugudu agera ku rwego rw’Igihugu, ari mu basizi 10, ndetse akoresheje inganzo ye yabashije guhiga bagenzi be aba uwa mbere. 

Muri Werurwe 2022, yabwiye BBC ati “Kugeza ubu igihembo cy’umusizi wa mbere mu Rwanda ni njyewe ugifite.”

Agiye gukora ubukwe, mu gihe afite igisigo yise ‘Nzaba mbukora’ yahimbye ashingiye ku gitutu imiryango ishyira ku bana babo ngo bakore ubukwe.

Ati “Abantu bagahora bakubwira ngo ‘ko udakora ubukwe?’, bakagushyiraho igitutu ugasanga hari ababukora ariko bitanyuze umutima we.”

Muri Werurwe 2024, uyu mukobwa yahawe ishimwe ry'umusizi ukora ubusizi abukunze mu bihembo byatanzwe n’Urugaga rw'Ubuhanzi Nserukarubuga (Rwanda Performing Arts Federation).

Carine Maniraguha [Carine Poet] agiye gukora ubukwe n'umukunzi we Rutagengwa Pascal usanzwe ari umucuranzi wa Gitari

Carine yavuze ko imyaka irindwi ishize ari mu rukundo n'umukunzi we igejeje ku kwiyemeza kubana nk'umugabo n'umugore

Carine yavuze ko azakomeza ubusizi kuko n'umukunzi we asanzwe ari umuhanzi

Carine na Pascal biyemeje kuzereka imiryango ibirori mu muhango uzaba ku wa 27 Ukuboza 2024

KANDA HANO UREBE IGISIGO 'MAWE URI DAWE' CYA CARINE POET

“>

KANDA HANO UREBE IGISIGO 'NZABA MBUKORA' CYA CARINE POET

“>

Gahongayire wamamaye mu ndirimbo zirimo ‘Ndanyuzwe’ yataramiye mu Mujyi wa Brussels mu gihugu cy’u Bubiligi, ku wa Gatandatu tariki 5 Ukwakira 2024. 

Ni cyo gitaramo cya mbere yari ahakoreye mu rugendo rwo kwagura ivugabutumwa rye, kandi yitaye cyane ku kuririmba indirimbo ze zakunzwe mu bihe bitandukanye.

Yagikoze abifashijwemo na Sosiyete ya Team Production isanzwe itegura ibitaramo muri kiriya gihugu. Muri Nyakanga 2024, niyo yafashije Israel Mbonyi kuhakorera igitaramo cye cya kabiri.

Aline Gahongayire yabwiye InyaRwanda ko umutima we unezerewe nyuma yo gutaramira ibihumbi by’Abakristu mu Bubiligi. Ati “Umutima wanjye uranyuzwe, uranezerewe ku rwego ntazi uko nabivuga. 

Mbere na mbere ndashimira Imana kandi icya kabiri nkashima abantu bose bitabiriye igitaramo. Imana yantangaje, Imana yanejeje! Nabonye urukundo mu bantu, nabonye urukundo mu bantu bavuye ahantu hatandukanye.”

Yavuze ko igitaramo cye cyitabiriwe n’abantu bo mu bihugu bitandukanye byo mu Burayi n’abo ku yindi migabane. Kandi ko ahabereye igitaramo huzuye, ku buryo hari ababuze aho kujya. Ati “Nabonye ubwiza bw’Imana. Nabonye abantu bongera guhembuka, mbese Papa w’ibyiza yanejeje umutima wanjye.”

Gahongayire yavuze ko agiye gufata ikiruhuko cy’igihe gito, kuko ari kwitegura gukorera ibitaramo mu bindi bihugu. Yashimye Abanyarwanda baba mu mahanga bamushyigikiye muri iki gitaramo, ndetse n’abandi bagize uruhare kugira ngo abashe gukora igitaramo gikomeye.

Yavuze ko muri iki gitaramo yanaririmbye indirimbo ziri kuri Album ye iri mu rurimi rw’Igifaransa. Kandi azirikana uruhare rwa Moriah Entertainment, Team Production ‘n’abandi bamfashije kugirango igitaramo kigende neza’.

Iki gitaramo cya Gahongayire cyabaye ku munsi umwe n’icya Kitoko ndetse na Sat-B. Aba bombi bakoreye igitaramo gikomeye mu Bubuligi bise “Live Music Party” cyateguwe na Sosiyete ya JC Enterprise isanzwe itegura ibitaramo bikomeye muri iki gihugu.

Ni ibitaramo bisanzwe bihuza abarundi n’Abanyarwanda babarizwa muri kiriya gihugu. Ku rubyiniro, aba bombi babanjirijwe n’abarimo Saido, Elysaa, Mickey, Kebby Boy ndetse na Ami Pro.

Ni ubwa mbere Sat-B na Kitoko bari bataramiye mu Bubiligi. Sat-B yabwiye InyaRwanda ko yishimiye uko iki gitaramo cye na Kitoko cyagenze. Mu mashusho yashyize hanze, Kitoko agaragara ari imbere y’ibihumbi by’abantu anyuzamo bakaganira, ubundi akabona kubataramira.

Ku wa 5 Ukwakira 2024 kandi Massamba Intore yataramiye abanyamuryango ba FPR-Inkotanyi mu Mujyi wa Copenhagen muri Denmark.

Ambasaderi w’u Rwanda muri Suede na Denmark, Dr Diane Gashumba yanditse agaragaza ko uyu mwiherero wahuje Abanyarwanda 800 baturutse mu bihugu bitandukanye by’i Burayi, aho baganiriye hamwe ibyubaka u Rwanda “turahiga, maze turatarama buracya!”

Yavuze kandi ko bishimiye kubana n’inshuti z’u Rwanda ndetse n’abahanzi nka Massamba Intore, Mireille Mukakigeli, Mihigo Chouchou, Aaron Tunga, Sly Buta ndetse na Kayiranga.

Ati “Mwarakoze kudususurutsa no kudukumbuza u Rwanda. Igikurikiraho ni Iserukiramuco mu bihugu by'u Burayi rimenyekanisha umuco wacu, tubifashijwemo n'abahanzi b'abanyarwanda bahatuye.'

Uyu mwiherero witabiriwe kandi n'Umunyamabanga Mukuru wa FPR-Inkotanyi, Gasamagera Wellars, washimye abitabiriye kuba baritabiriye amatora aherutse, bagatora neza FPR-Inkotanyi n'umukandida wayo. Yababwiye ko kugira ngo ibikorwa bikubiye muri manifesto bigerweho, imyaka itanu iri imbere izasaba gukora cyane, neza kandi vuba.

Ku wa Gatanu tariki 4 Ukwakira 2024, umuhanzi Denis Kanaka yataramanye n’umuhanzi w’umurundi Kidum mu gitaramo gikomeye cyabereye mu Mujyi  wa Atlanta muri Leta Zunze Ubumwe za Amerika.

Kanaka Denis yabwiye InyaRwanda ko ariwe wafashije Kidum kongera gutaramira muri uyu Mujyi. Ariko kandi n’igitaramo yahuriyemo na Nicho, kandi cyitabiriwe n’umubare munini wakunzwe Kidum binyuze mu ndirimbo z’urukundo zakunzwe mu bihe bitandukanye.

Ni igitaramo cyateguwe na Sosiyete ya Gorilla Peach ifatanyije na Afro Hub yashinzwe n’abarimo Ernesto Ugeziwe. Kandi nta muntu uri munsi y’imyaka 18 wari wemerewe kwitabirira.

Ibyishimo ni byose kuri Massamba Intore wataramiye ku nshuro ye ya mbere mu Mujyi wa Copenhagern 

Aline Gahongayire yatangaje ko yakozwe ku mutima n’urukundo yeretswe mu gitaramo cya mbere yakoreye mu Bubiligi

Umunyamabanga Mukuru wa FPR Inkotanyi, Gasamagera Wellars ubwo yari mu Inama rusange y'Abanyamuryango ba FPR Inkotanyi mu bihugu by'i Burayi
Nyuma y'iyi nama, Abanyamuryango ba FPR Inkotanyi bataramiwe n'umuhanzi Massamba

Ambasaderi Dr Diane yashimiye abahanzi umusanzu batanze mu gususurutsa abanyamuryango ba FPR-Inkotanyi

Kitoko Bibarwa yataramiye ku nshuro ye ya mbere mu gihugu cy'u Bubiligi

Sat- B ubwo yiteguraga kujya mu Bubiligi ahagurutse ku kibuga cy'indege cyo mu Bubiligi

Sat-B yakoreye ibitaramo bibiri bikomeye mu Bubiligi birimo n’icyo yahuriyemo na Kitoko

Umuhanzi Denis Kanaka ari kumwe na Kidum mu gitaramo cyabereye muri Atlanta

Ibihumbi by’abantu bahuriye muri iki gitaramo cyo kuramya no guhimbaza Imana cyateguwe na Gahongayire

Gahongayire yavuze ko iki gitaramo kitabiriwe n’abandi bantu batabarizwa mu bihugu byo mu Bubiligi

Gahongayire yatangaje ko umutima we unyuzwe nyuma yo gutaramira abakunzi be mu Bubiligi

Abantu banyuranye bahuriye mu birori bizwi nka ‘Gala’ nyuma y’iki gitaramo

Iri tangazo ryashyizwe hanze kuri iki Cyumweru, ryibutsa Abayobozi b'imiryango ishingiye ku myemerere gushyira ahasengerwa ingamba zijyanye no kwirinda indwara iterwa na virusi ya Marburg no gushishikariza abayoboke gukurikiza amabwiriza yashyizweho.

Ingamba zigomba kubahirizwa ahasengerwa zirimo gutanga ubutumwa bukangurira abayoboke kwirinda icyorezo cya Marburg mu nsengero n'imisigiti, gushyiraho uburyo bwo gukaraba intoki hifashishijwe amazi n'isabune cyangwa umuti wabugenewe no gupima umuriro abantu bose binjira mu mu nsengero n'imisigiti.

Harimo kandi gutanga ifunguro ryera mu buryo butuma abantu batagira ibyago byo kwandura Marburg no kwirinda kwegerana n'abantu bagaragayeho ibimenyetso cyangwa kwegera umubiri w'uwo yahitanye.

Birabujijwe gukorera imihango yo gusezera ku witabye Imana mu nsengero no mu misigiti.

RGB ivuga ko Abaturarwanda basabwa kwirinda kwegerana cyangwa se gukora ku bikoresho by'abantu bafite ibimenyetso bya Marburg, kwirinda kwegera umubiri w'uwahitanywe n'iyi virus cyangwa gutegura ikiriyo gihuza abantu ahabaye ibyago biturutse kuri Marburg.

Minisiteri y'Ubuzima igaragaza ko kugeza kuri iki Cyumweru, Virus ya Marburg yari imaze guhitana abantu 12 muri 49 bayanduye. Abantu 29 bari kuvurwa mu gihe abandi umunani bakize.

Marburg ni indwara yandura, itera umuriro mwinshi kandi ishobora guhitana ubuzima bw'uyirwaye. Iterwa n'agakoko ko mu bwoko bwa virusi, ikagira ibimenyetso by'ibanze bisa n'iby'izindi ndwara zitera umuriro nka malaria cyangwa tifoyide.

Ibimenyetso biranga indwara ya Marburg ni ukugira umuriro mwinshi, kubabara umutwe mu buryo bukabije, kubabara imikaya, kugira umunaniro ukabije , kuruka no gucibwamo.

Kugeza ubu aka karere kaza inyuma bwitabire bwo gutanga ubwisungane mu kwivuza. Meya Ntazinda yavuze ko byatumye batekereza uko barushaho kwegera abaturage, maze biyambaza ubukangurambaga bugera kuri buri rugo.

Ati 'Kubera hari abatakishyurirwa mituweli, bamwe muri bo batinze kumva ko ari inshingano zabo. Ibi byatumye imibare yacu itinda kuzamuka, tuza kubona ko twiyambaje urubyiruko rw'abakorerabushake bari hirya no hino midugudu hari icyo byafasha kuko bo bagera henshi kandi mu gihe gito.''

Mu kurushaho kuzamura imyumvire y'abaturage muri Nyanza, hongewe imbaraga mu bukangurambaga bwa mituweli, aho hiyambajwe urubyiruko rw'abakorerabushake.

Bamwe muri bo, bavuga ko bagorwa no kubona hakiri bamwe mu baturage batanga mituweli babyibukijwe n'ubwo bitabaca intege zo gukomeza kubahwitura.

Nshimiyimana Innocent, umuyobozi wungirije rw'ihuriro ry'urubyiruko rw'abakorerabushake mu Karere ka Nyanza, yabwiye IGIHE ko nk'urubyiruko, nabo baba bazi imwe mu mihigo y'akarere icumbagira, bakagira ibyo biyemeza mu bushobozi bwabo batera inkunga kugira ngo bigerweho, nka mituweli n'indi.

Ati 'Hari aho tugera bakatubwira ko dukoze kubibutsa,ariko kandi hari n'abo tugeraho ari bamwe batunzwe na ka kazi gahemba buri munsi, baba bataka ko nta mafaranga bafite kandi byarakomotse ku kutizigama.''

Ishimwe Emmanuel,wo mu Kagari ka Nyanza, Umurenge wa Busasamana, ni umugabo ufite umugore n'abana babiri,akaba umwe mu bagezweho n'izi mpanuro z'urubyiruko.

Yabwiye IGIHE ko nk'umunyabiraka, abona amafaranga agahita ayakemuza utubazo bikamuviramo kutishyura mituweli.

Ati 'Kubona abana nk'aba bakwibutsa kwizigamira ngo uteganyirize uburwayi, ubwabyo bigutera igisa nk'isoni rwose ukavuga uti byibuze reka nishyure. Ubu nahise nishyura.''

Yakomeje avuga ko yahise afata ingamba zo kujya mu itsinda riri mu mudugudu wabo ryitwa 'Nsiga Ninogereze' rihuriyemo abizigama bagamije iterambere.

Umuyobozi bw'Akarere ka Nyanza bwatangaje ko nyuma y'amezi ane ashize umwaka mushya wa mituweli 2024/2025 utangiye, bageze ku mpuzandengo ya 83% mu karere kose, bakaba ku mwanya wa nyuma mu Ntara y'Amajyepfo, ari nayo mpamvu hiyambajwe urubyiruko rw'abakorerabushe ngo bagere kure.

Urubyiruko rw’abakorerabushake rwa Nyanza rugera no mu masoko rwibutsa abaturage kwishyura mituweli

Ahahuriye abantu benshi hose bajyayo gutanga ubutumwa. Aha hari umunsi umwe nyuma y’igitondo cy’isuku

Meya Ntazinda Erasme, uyobora Akarere ka Nyanza, yavuze ko uruhare rw’urubyiruko rw’abakorerabushake mu bukangurambaga butandukanye ari ntagereranywa

Ni gitaramo cyabaye mu ijoro ryo ku wa 4 Ukwakira 2024, cyari cyateguwe n’inzu ifasha abahanzi mu bya muzika ya The Mane Hub Entertainment yashinzwe na Bad Rama, cyabereye ahitwa Glendale muri Leta ya Arizona.

Umuhanzi akaba n’umwanditsi w’indirimbo Niyibikora Safi [Safi Madiba] wamamaye mu ndirimbo zirimo nka 'Kimwe Kimwe' yari yagaragaje ko azataramana na Emmy mu gitaramo kizabera mu Mujyi wa Phoenix muri Leta ya Arizona, ku wa 4 Ukwakira 2024, nyuma y'ibindi azaba yakoreye mu Bufaransa no mu bindi bihugu.

Safi yataramiye abantu mu ndirimbo ze zakunzwe cyane zirimo ‘You Got It’ yakoranye na Meddy, ‘Umwanzuro’ ya Urban Boyz uyu muhanzi hahoze abarizwamo, ‘Ntimunywa’ yakoranye na Dj Marnaud n’izindi nyinshi.

Mu kiganiro na InyaRwanda mbere y’iki gitaramo, Safi Madiba yavuze ko yatumiye Emmy kubera ko ari umuhanzi usanzwe ubarizwa muri Amerika kandi 'ufite indirimbo nziza zakunzwe'.

Yavuze ko bakoranye mu bihe bitandukanye, byatumye amwitabaza muri iki gitaramo. Ati 'Ni umuhanzi mwiza ufite indirimbo zakunzwe cyane. Ikindi kandi nkeka ko abantu bakeneye umuziki muzima, umuziki uryoheye amatwi, abazi Emmy barabizi, agira umuziki mwiza.

Nifuje ko yagaragara mu bitaramo byanjye, kuko ni umuhanzi mwiza, ufite indirimbo nziza, ikindi turi muri gahunda yo kugarura umuziki mwiza w'ubumwe utarimo amatiku.' 

Emmy wataramanye na Safi yakunzwe mu ndirimbo zinyuranye zirimo nka 'Ntunsige'', identite' n'izindi. Uyu muhanzi uherutse kubona ubwenegihugu bwa Canada, yitaye cyane ku ndirimbo ze zakunzwe muri iki gitaramo, ariko kandi anaririmba zimwe mu zigize Album ye nshya. 

Album ye iriho indirimbo nka 'Got it' yakoranye na Meddy, 'Kimwe kimwe', 'Good Morning', 'Nisamehe' yakoranye na Riderman, 'Sound', 'Remember Me', 'I won't lie to you', 'I Love you', 'Kontwari'; 

'Hold me' yakoranye na Niyo D, 'Igifungo', 'In a Million' yahuriyemo na Harmonize, 'My Hero', 'Original', 'Muhe', 'Fine' yakoranye na Rayvanny, 'Ntimunwa' yakoranye na Dj Marnaud ndetse na 'Vutu' yakoranye na Dj Miller. 

Yakozwe na ba Producer barimo Made Beat, Junior Multisystem, Pacento, Devon, Element, Davydenko ndetse na Knox Beat.

Safi Madiba yanyuze abakunzi b’umuziki muri Amerika

Yaririmbye zimwe mu ndirimbo ze zakanyujijeho mu myaka yatambutse

Ni igitaramo yahuriyemo na Emmy afata nk’umuhanzi mwiza

Emmy ari mu bahanzi Nyarwanda bakoze ibihangano bigakundwa cyane

Abitabiriye iki gitaramo bari bizihiwe

 

Indirimbo ‘Plenty’ y’umuhanzi The Ben yashyize hanze kuri iki Cyumweru tariki 6 Ukwakira 2024, yagaragayemo amasura ya bamwe mu byamamare byo mu Rwanda barimo Ruti Joel, Khalfan Govinda n’abandi. Iyi ndirimbo mu buryo bw'amajwi yakozwe na Prince Kiiz wanayigaragayemo, yandikwa na Niyo Bosco afatanije na The Ben.

Ni indirimbo kandi yagaragayemo ababyinnyi bakomeye barimo Titi Brown, Divine Uwa n’abandi. 

Mu masaha atatu gusa imaze igeze hanze, ‘Plenty’ y’iminota itatu n’amasegonda mirongo ine imaze kurebwa n’abantu basaga 59,000 ku rubuga rwa YouTube.

The Ben ashyize hanze iyi ndirimbo mu gihe muri Mutarama 2025 byitezwe ko azakora igitaramo cyo kumurika Album kizabera muri BK Arena.

Uyu muhanzi yaherukaga gushyira hanze indirimbo ye bwite hanze mu Kuboza 2023.

Muri uyu mwaka wa 2024 yatanze umusanzu mu ndirimbo zirimo 'Sikosa' ya Kevin Kade bahuriyemo na Element Eleeeh.

Yakoranye kandi indirimbo na Bensol wo muri Kenya yitwa 'Uno'.

The Ben yashyize hanze amashusho y’indirimbo ye nshya

Umuhanzi Ruti Joel ni umwe mu bagaragara muri iyi ndirimbo

Prince Kiiz wagize uruhare mu ikorwa ry’ndirimbo Plenty na we ayigaragaramo

Umuhanzi Khalfan Govinda uherutse gushyira hanze indirimbo yise ‘I Can Fly’ na we agaragara mu ndirimbo nshya ya The Ben

“>Reba hanze amashusho y’indirimbo ‘Plenty’ ya The Ben

“>

Amakuru avuga ko abagwiriwe n'icyo kirombe bagapfa harimo uw'imyaka 35 n'undi w'imyaka 23, bakaba bakoraga ubwo bucukuzi ariko mu buryo butemewe n'amategeko.

Umunyambanga Nshingwabikorwa w'Umurenge wa Nyarusange, Ndayisaba Aimable, yemeje iby'urupfu rw'aba bantu, anavuga ko igitiza umurindi ubucukuzi butemewe muri aka gace ari uko ibigo bitanu byakoraga uwo murimo byafunzwe.

Ati “Ibi bituma hari abakomeza gukora bya magendu, bagasaba ko hagarurwa ibigo bicukura, kugira ngo abaturage bongere babonemo akazi.”

Ati:''Icyo twifuza ni uko habaho ubuvugizi hakongera hakaboneka ibigo bikora ubucukuzi mu buryo bwizewe, kugira ngo abaturage bongere babone akazi bacike ku bikorwa byo gucukura bihishe.''

Ndayisaba yakomeje avuga ko hagiye kubaho gukurikirana abashora abaturage muri ubu bucukuzi butemwe kuko bibagiraho ingaruka nyinshi.

Bane bagwiriwe n'ikirombe bacukuragamo rwihishwa