Author: webrwanda

Yabigarutseho mu butumwa yanditse ashima uburyo abahanzi barimo Massamba Intore, Kipeti, Mihigo Chouchou, Aaron Tunga, Sly Buta, Kayiranga n'abandi basusurukije abanyamuryango basaga 800 ba FPR-Inkotanyi bahuriye mu mwiherero wari ugamije kurebera hamwe uko bakomeza kugira uruhare mu rugendo rw'iterambere rw'u Rwanda.

Ambasaderi Diane Gashumba yumvikanishije ko umwiherero wahuje aba banyamuryango wagenze neza, kandi baganiriye ibyubaka u Rwanda, barahiga kandi baratarama biratinda. Ati 'Mu majyaruguru y'u Burayi, hamwe n'Abanyarwanda 700 baturutse kuri uwo mugabane, twaganiriye ibyubaka u Rwanda, turahiga, maze turatarama buracya! Moteri yari FPR-Inkotanyi.'

Yavuze ko nyuma y'uyu mwiherero bagiye gutegura iserukiramuco rizahuza abahanzi bo mu bihugu by'u Burayi, hagamijwe gusigasira umuco.

Ati 'Igikurikiraho ni iserukiramuco mu bihugu by'u Burayi rimenyekanisha umuco wacu, tubifashijwemo n'abahanzi b'abanyarwanda bahatuye.'

Ibihugu by'u Burayi bituwemo n'abahanzi benshi b'Abanyarwanda, kandi mu bihe bitandukanye bagiye batumirwa gutaramira mu Rwanda n'ahandi. Ndetse, bamwe bagiye bategura ibitaramo byabo bwite bagamije kumenyekanisha ibihangano byabo n'ibindi.

Ni abahanzi bubakiye inganzo yabo ku gukundisha Abanyarwanda u Rwanda, uburere mboneragihugu, ingingo zirimo ubuzima busanzwe nk'urukundo n'ibindi.

Biriya bihugu bituyemo abahanzi nka Teta Diana, Auddy Kelly n'abandi babarizwa muri Suede, hari kandi abarimo Ben Kayiranga na Daniel Ngarukiye babarizwa mu Bufaransa, Itorero Ingangare ribarizwamo Charles Uwizihiwe na Lionel Sentore babarizwa mu Bubiligi;

Hari kandi i Kapito Loyito ukorera umuziki mu Bubuligi na Nikhan usanzwe ari Producer, Didier Touch,

Ni ibwa mbere iri serukiramuco rizaba ribaye. Ariko mu bihe bitandukanye, abahanzi bamwe na bamwe bagiye batumirwa mu kwizihiza no guteza imbere umuco.

Umuhanzikazi Teta Diana abarizwa muri Suede, kimwe mu bihugu bigize u Burayi

Umuhanzi Audy Kelly abarizwa muri Suede aho akurikirana amasomo ye, akaba ari naho akorera umuziki

Umukirigitananga Daniel Ngarukiye abarizwa mu Bufaransa, ari naho akorera ibihangano bye byinshi

Ben Kayiranga wamamaye mu ndirimbo ziirmo 'Freedom' atumirwa mu bitaramo bitandukanye

Massamba aherutse kwifatanya n’abahanzi barimo Ben Ngabo, Sly Buta, Mihigo, Maron na Kayiranga basanzwe babarizwa i Burayi mu gitaramo “Umuco wacu, Ubumwe bwacu”

Abahanzi barimo Ben Kayiranga, Lionel Sentore, Daniel Ngarkiye, Charles Uwizihiwe n’abandi bashobora kuzaririmba muri iri serukiramuco ryatangajwe na Ambasaderi Diane Gashumba

Umuhanzi Selamani Dicoz [Ubanza iburyo] ari mu babarizwa mu gihugu cy’u Bufaransa bashyize imbaraga mu muziki wabo

Si ubwa mbere iri tsinda ryamamaye mu ndirimbo zirimo 'Mpa Amavuta' rigiye gutaramira muri Amerika, ndetse kenshi bagiye batumirwa guhembura imitima y'ibihumbi by'abantu.

Bamaze iminsi babarizwa muri kiriya gihugu, biri mu mpamvu zatumye bamwe batekereza ko bagiye guturayo, akaba ari ho bakomereza urugendo rw'umuziki wabo.

Mu kiganiro cyihariye na InyaRwanda, James yavuze ko batagiye gutura muri Amerika nk'uko byagiye bivugwa, ahubwo baragenzwa n'ibikorwa by'umuziki. Ati 'Gutura muri Amerika si ko bimeze.'

Ari kumwe n'umugore we Daniella, bari kwitegura gutaramira mu Mujyi wa Seattle muri Leta ya Washington mu gitaramo kizaba ku wa 24 Ugushyingo 2024.

Kandi kwinjira ni ubuntu. Ni igitaramo basobanura ko kizabera ahitwa Belpres New Hope Revival. James yavuze ko uretse iki gitaramo bafite n'ibindi bazahakorera mu rugendo rugamije kwiyegereza abakunzi babo no gufatanya kuramya no guhimbaza Imana.

Ati 'Ibi bitaramo tugiye gukorera muri Amerika, tugiye kubikora hagamijwe kuramya mu buryo burambuye mu ndirimbo Imana igenda idushyira ku mutima.'

Arakomeza ati '(Harimo kandi) no kubonana n'abakunzi bacu hamwe n'abakunzi b'umusaraba muri rusange.'

Muri Nyakanga 2023, iri tsinda ryakoreye ibitaramo bikomeye mu Burayi. Ndetse banataramiye mu bindi bihugu birimo u Burundi.

Imyaka ine irashize iri tsinda riri mu muziki w'indirimbo ziramya no guhimbaza Imana. Iherekejwe n'indirimbo zomoye imitima ya benshi, binyuze mu bihangano bagiye bakubira kuri album zitandukanye zirimo na 'Ibyiringiro'. 

James yigeze kubwira InyaRwanda ko imyaka ine ishize bari mu muziki irimo amasomo menshi. Ati 'Imyaka yo irimo amasomo menshi ku buryo twasaba ko twafata n’undi mwanya umuntu agafata n’ikaramu cyangwa se ingwa akajya ku kibaho akandika ibintu byinshi. Imana yatwigishijemo ibintu byinshi, yatwigishirijemo abantu…

Iyi myaka rero twatangiye gukora twahuye n’abantu benshi, ntitwari tumenyereye guhura n’abantu benshi, twagiye dutangazwa n’ukuntu abantu bateye, ukuntu abakristo bamwe bateye…'

Yungamo ati 'Imbogamizi tugira ni iz’abantu, wa mugani wa wa mugabo, abantu niyo nyamaswa igoye ku Isi. Kwiga ku bantu, kumenya ibibarimo, umuntu wa nyawe, ibyo kubihuza, kubihuza n’imbuto ukagerageza kwerera imbuto ababi n’abeza, ni ikintu kiba kigoye cyane ariko turizera n’abandi bose ari kimwe ku bakristo muri rusange n’abantu basanzwe bose.'

Uyu mugabo avuga ko nubwo bimeza uko, bakomeje gushikama mu murimo w'Imana, kandi kugira ngo byose bigende neza we n'umufasha bahora bafata igihe cyo kwihererana n'Imana, kugira ngo ibashoboze ibyo bo batakwishoboza nk'abantu.

Uyu mugabo avuga ko we n’umugore we nabo ari abantu bafite intege nke, ariko ‘bafite ibyiringiro muri Kristo’. Ati 'Turasengana buri munsi, nijoro na mu gitondo, turi mu mudoka, ahantu hatandukanye. 

Turasengana na Madamu wanjye, turakomezanya, turigishanya. Nta bundi [buryo] bwo kugira ngo mutsinde iyi Si, ni ugufatanya hanyuma mukarambiriza muri Kristo Yesu…'

James avuga ko mu rugendo rw'imyaka itatu ishize kandi babonyemo abantu babashyigikira barimo n'abagiye babatumira mu bitaramo binyuranye.

James na Daniella batangiye gukundana hagati ya 2008 na 2009. Bombi mu 2012 bagiye kwiga muri Uganda, aho Umugabo yize ibijyanye n'Ububanyi n'amahanga, ni mu gihe umugore yize ibijyanye n'Ibarura mari.

Mu 2015 ni bwo biyemeje kubana nk'umugabo n'umugore, kuva icyo gihe  bakora umuziki bari kumwe ndetse bamamaye mu ndirimbo zinyuranye.

James na Daniella batangaje ko bagiye gukorera igitaramo muri Leta ya Washington, ku wa 24 Ugushyingo 2024

James yatangaje ko we n'umugore we Daniella batagiye gutura muri Amerika ahubwo bajyanye n'ibikorwa by'umuziki

James na Daniella bamaze imyaka ine mu muziki, bamamaye mu ndirimbo zinyuranye zirimo nka 'Umwami ni mwiza pe ' bakoranye na True Promises

KANDA HANO UREBE AMASHUSHO Y'INDIRIMBO 'RUTUMA NDIRIMBA' YA JAMES NA DANIELLA

Mu gushaka umuti urambye w'iki kibazo, abakuru b'ibihugu byo mu muryango wa Afurika y'Iburasirazuba mu 2022 bafashe icyemezo cy'uko imitwe yo mu mahanga iba muri RDC igomba gusubira mu bihugu ikomokamo, bitaba ibyo ikarwanywa.

Gusubira muri ibyo bihugu, bivuze gushyira intwaro hasi, niba ari abagize FDLR bakinjira mu Rwanda, bagashyirwa muri gahunda zigenewe abahoze mu mitwe yitwaje intwaro. Gusa ibyo ntibikuyeho ko abakoze ibyaha, baba bagomba kubiryozwa.

Muri rusange, RDC ikoreramo imitwe yitwaje intwaro irenga 250, yiganjemo ifite ibirindiro bihoraho mu burasirazuba bw'iki gihugu. Muri yo harimo umunani y'inyamahanga, ikorera mu Ntara ya Kivu y'Amajyaruguru n'iy'Amajyepfo.

Nyuma yo gusoma raporo zitandukanye zirebana n'umutekano wo mu Burasirazuba bwa RDC no kuzisesengura, tugiye kugaruka kuri imwe muri iyo mitwe ibangamiye umutekano w'u Rwanda.

FDLR/FOCA

FDLR/FOCA (Les Forces Démocratique de Libération du Rwanda / Forces Combattantes Abacunguzi) ni umwe mu mitwe yitwaje intwaro ifite imbaraga muri RDC, ndetse ufatwa nk'intandaro y'umutekano muke mu Burasirazuba bw'iki gihugu no mu karere k'ibiyaga bigari.

Uyu mutwe washinzwe mu 2000 n'Abanyarwanda barimo abagize uruhare muri Jenoside yakorewe Abatutsi mu 1994 bari mu mutwe w'Interahamwe no mu ngabo zatsinzwe (Ex-FAR). Ukomoka kuri ALiR, na yo ikomoka kuri RDR; imitwe yombi yavugaga ko iharanira gucyura Abanyarwanda bahungiye muri RDC.

Abarwanyi ba FDLR nk'uko izina ryayo ribisobanura, bavuga ko bafite umugambi wo gufata u Rwanda baturutse mu Burasirazuba bwa RDC; igihugu bakoreyemo ibyaha bitandukanye byatumye imiryango mpuzamahanga ifatira ibihano abayobozi bayo.

FDLR iyobowe na Ntawunguka Pacifique alias 'Gen Omega' ku rwego rwa gisirikare. Ubu yifatanya n'Ingabo za RDC mu ntambara yo kurwanya undi mutwe wa M23 mu Ntara ya Kivu y'Amajyaruguru. Ihabwa kandi ubufasha na Leta ya RDC burimo imyitozo ya gisirikare, intwaro n'amafaranga.

CNRD-Ubwiyunge

Conseil National pour le Renouveau et la Démocratie (CNRD), ni umutwe witwaje intwaro urwanya Leta y'u Rwanda washinzwe na Wilson Irategeka, ubwo yiyomoraga kuri FDLR muri Gicurasi 2016, nyuma yo kutumvikana n'abayobozi ba FDLR.

Abarwanyi ba CNRD Ubwiyunge bafite ibirindiro mu Ntara ya Kivu y'Amajyepfo bumvikanaga bahanganye na bagenzi babo bo muri FDLR bayoborwaga na Sylvestre Mudacumura mu minsi yakurikiye gutandukana kwabo.

Hari abarwanyi ba CNRD bari barasigaye muri Kivu y'Amajyaruguru ariko ubwo bashyirwagaho igitutu n'Ingabo za RDC na FDLR, basanze bagenzi babo muri teritwari ya Kalehe na Fizi muri Kivu y'Amajyepfo.

Ibikorwa by'Ingabo za RDC mu 2019 byiswe 'Sokola' byashegeshe bikomeye umutwe wa CNRD, abarwanyi bayo benshi bafatwa mpiri, boherezwa mu Rwanda, abandi baricwa. Irategeka we icyo gihe yaburiwe irengero.

Nyuma yo gusa n'iyasenyutse, abarwanyi bake ba CNRD barokotse ibitero by'ingabo za RDC biyunze ku mutwe wa FLN umaze igihe mu ishyamba rya Kibira mu Burundi, ubu bakorera mu bihugu byombi.

RUD-Urunana

RUD-Urunana (Rassemblement pour Unité et Democratie-Urunana) ni umutwe washinzwe n'abarwanyi biyomoye kuri FDLR-FOCA mu 2007, nyuma y'amakimbirane bagiranye n'ubuyobozi bwa FDLR-FOCA, ashingiye ku kugabana amafaranga yinjiza.

Ndibabaje Jean-Damascène alias Musare ni we washinze uyu mutwe. Icyo gihe yari afite abarwanyi babarirwaga mu magana, bagenzuraga Sheferi ya Bwisha na Bwito muri teritwari ya Rutshuru.

Intege za RUD Urunana zaracitse, yiyunga kuri FDLR-FOCA, bitangira gukorana hamwe n'indi mitwe ya Nyatura igizwe n'Abanye-Congo b'Abahutu mu bikorwa byibasira abasivili muri Kivu y'Amajyaruguru.

Muri Gashyantare 2016, Musare yapfuye urupfu rw'amayobera, asimburwa na Afurika Jean Michel. Icyakoze Abanye-Congo basobanura ko ari umusaruro w'amakimbirane yatutumbye hagati y'imitwe y'Abahutu niy'Aba-Nande

Ubwo Afurika yayoboraga ni bwo RUD Urunana yagabye igitero mu Karere ka Musanze mu Ukwakira 2019, cyatwaye ubuzima bw'Abanyarwanda 14, abandi benshi barakomereka.

Mu Ugushyingo 2019, Afurika yiciwe mu bitero by'Ingabo za RDC byiswe Sokola, Nshimiyimana Cassien alias Gavana na we wari mu bayobozi bakuru ba RUD Urunana yicwa mu Ukuboza 2022.

RUD Urunana ivugwaho gukorana n'Umutwe wa RNC washinzwe na Kayumba Nyamwasa na FLN ifite ibirindiro mu ishyamba rya Kibira mu Burundi.

Umutwe wa RUD-Urunana wagize uruhare mu bitero byagabwe mu Rwanda mu Karere ka Musanze mu 2019

Nyatura CMC

Imitwe ya Nyatura ivuga ko irwanirira uburenganzira bw'Abanye-Congo bo mu bwoko bw'Abahutu. Ikomoka ku mutwe wa PARECO, na wo ukomoka ku ishyirahamwe ry'abahinzi ryamenyekanye nka MAGRIVI (La Mutuelle des Agricultureurs de Virunga).

Nyatura na FDLR bihuje ingengabitekerezo yo kwanga Abatutsi bose aho bava bakagera, ndetse iyi mitwe ikunze kwifatanya mu bikorwa bigamije guhungabanya umutekano wo mu burasirazuba bwa RDC n'akarere.

Mu gihe imitwe ya Nyatura ikomeje kwifatanya n'ingabo za RDC mu kurwanya M23, yagiye yumvikana yigamba ko ifite umugambi wo gutera u Rwanda, irushinja kwinjira ku butaka bw'Abanye-Congo.

Nyatura igize ihuriro Wazalendo kuva mu 2022, aho bifatanya n'ingabo za Leta kurwanya M23.

FDC-Guides

Izina ry'uyu mutwe rituruka ku ruhare abarwanyi bawo bagize nk'abahigaga ingabo z'u Rwanda n'iza Congo mu 2011 mu bitero byo guhashya FDLR.

Abarwanyi bawo, ntibashakaga ko umutwe wa FDLR urwanywa.

Uyu mutwe waje guhinduka uwitwaje intwaro wihariye ufata izina ry'Ingabo zo kurinda Congo 'Forces de défense du Congo (FDC), uyoborwa na Butu Luanda, Charles Mbura, n'undi uzwi nka Madragul. Bakoranaga n'abarwanyi baturuka mu ba Tembo n'aba-Hunde bari bafite ibirindiro hagati ya teritwari ya Masisi na Walikale.

Mu 2013, bamwe mu barwanyi b'uyu mutwe bariyomoye bashinga uwitwa Mouvement acquis au changement (Guides-MAC) uyoborwa na Mbura. Uyu mutwe wa FDC-Guides uyobowe na Butu Luanda ukaba uri mu bikorwa byo gucukura amabuye y'agaciro muri teritwari ya Masisi.

P5/RNC

P5 ni ihuriro ry'imitwe yitwaje intwaro y'Abanyarwanda ifite umugambi wo guhungabanya umutekano w'u Rwanda. Ikomoka ku mashyaka nka RNC (Rwanda National Congress), Amahoro PC, FDU-Inkingi na PS-Imberakuri igice cya Ntaganda Bernard. PDI -Imanzi yo yitandukanyije na ryo mu 2019.

Iri huriro ryatangiye ibikorwa mu burasirazuba bwa RDC mu 2017, rishakisha abarwanyi mu nkambi z'impunzi zitandukanye mu karere k'ibiyaga bigari kugira ngo zirifashe kugera ku mugambi waryo.

Mu Ukuboza 2017, Polisi ya Uganda n'iya Tanzania zataye muri yombi impunzi 40 ziganjemo urubyiruko zari zijyanywe mu myitozo ya P5 muri RDC, abarimo Maj (Rtd) Habib Mudathiru bari mu bayobozi bakuru bayo bafatwa mu 2019, ariko ibikorwa by'iri huriro ntibyahagaze.

Amakuru agera kuri IGIHE avuga ko muri Nzeri 2024, Kayumba yagiye i Kinshasa guhura n'abayobozi bakuru ba FDLR, kugira ngo bifatanye mu mugambi wo guhungabanya umutekano w'u Rwanda.

Bamwe mu bafatiwe muri P5, umutwe washinzwe ushamikiye kuri RNC n’indi igamije guhungabanya umutekano w’u Rwanda

ADF

ADF (Allied Democratic Forces) ni umutwe w'iterabwoba washinzwe n'abarwanya ubutegetsi bwa Uganda mu 1995, nyuma y'umwaka umwe uza kwimukira mu burasirazuba bwa RDC ubwo warushwaga imbaraga n'ingabo za Uganda.

Ibikorwa by'iterabwoba bya ADF byumvikana cyane muri teritwari ya Irumu mu ntara ya Ituri no muri teritwari ya Beni muri Kivu y'Amajyaruguru.

Raporo ya Loni igaragaza ko mu bantu 663 biciwe muri Ituri na Kivu y'Amajyaruguru hagati ya tariki ya 20 Kamena kugeza ku ya 19 Nzeri 2024, ADF yishemo 342.

Kuva mu Ugushyingo 2021, ingabo za Uganda n'iza RDC zatangiye ibikorwa bihuriweho byo kurwanya ADF, ariko bigaragara ko ugifite imbaraga, ukesha inkunga ukusanyirizwa n'umutwe wa Islamic State uzwi ku rindi zina rya Daesh.

Mu Ukwakira 2021, Urwego rw'Igihugu rw'Ubugenzacyaha rwemeje ko ku bufatanye n'inzego z'umutekano hafashwe abantu 13 muri Kanama na Nzeri, bakekwaho gukorana n'umutwe w'iterabwoba wa ADF mu mugambi wo gutera ibisasu ahantu hatandukanye mu mujyi wa Kigali.

Icyo RIB yanafashe ibintu bitandukanye byagombaga kwifashishwa mu gukora ibisasu birimo imisumari, insinga, intambi na za sim card.

Ibi byashimangiwe na raporo y'impuguke z'Umuryango w'Abibumbye, yagaragaje ko uyu mugambi wari uyobowe na Meddie Nkalubo wari mu barwanyi bakomeye muri ADF, wohereje mu Rwanda uwitwa Omar Farouk alias Adam Nyange.

Uyu Nyange ngo yagombaga kwifatanya n'Umunyarwanda Ismael Niyonshuti winjiye muri ADF muri Werurwe 2021, bagashyira mu bikorwa uyu mugambi.

FDLR ifatwa nk’intandaro y’umutekano muke mu karere

Ku gicamunsi cyo ku wa 02 Ukwakira 2024, nibwo abana icyenda barimo batandatu bagaragaye bafashe ibendera mu mvura. Hari bagenzi babo batatu babujijwe na mwarimu wabo ubwo bashakaga kujya gufasha bagenzi babo kurishyigikira. Iki gukorwa aba bana bakoze cyafashwe nk'ubutwari ndetse abantu benshi bagatangira kubasabira ishimwe.

Umwe muri abo bana witwa Gisubizo Ernest, uri mu bahembwe, yabwiye itangazamakuru ko yumvishe abanyeshuri biyamira cyane bavuga ko ibendera rigiye kugushwa n'umuyaga, agahita asohoka ngo arishyigikire ritagwa.

Yagize ati 'Bagenzi banjye bahise baza turafatanya mu mvura nyinshi cyane.'

Gisubizo yavuze ko mu nyigisho bahawe mu ishuri bababwiye ko ahari ibendera ry'Igihugu haba hari ubwigenge, kandi ko riramutse riguye hasi igihugu kiba gitaye icyizere, ari nayo mpamvu bagize umuhate wo kurirwanaho.

Umuyobozi wa EP Cyobe, Mugirwanake Aaron, yavuze ko mu isomo ry'uburere mboneragihugu bigisha abana, harimo gukunda Igihugu no kurinda ibirango by'Igihugu birimo n'ibendera, ari nayo mpamvu ahamya yatumye aba bana bakora ibi, agasaba ko byaba isomo no ku bandi.

Komiseri wa Polisi y'u Rwanda Ushinzwe Guhuza Ibikorwa bya Polisi n'abaturage, ACP Teddy Ruyenzi, yavuze ko aba banyeshuri bakoze igikorwa cy'ubutwari batitaye ko bashoboraga kuhasiga ubuzima, ari nayo mpamvu bashimiwe.

Ati 'Baranyagiwe ndetse bakubitwa n'umuyaga, ariko ntibabyitaho bakomeza gufata Ibendera ry'Igihugu ngo ntirigwe. Ni yo mpamvu tubashimiye twese.'

Umuyobozi w'Akarere ka Ruhango, Habarurema Valens, yavuze ko ibyo aba bana bakoze bifite aho bihuriye n'uburere bahawe, yibutsa ko ubutwari budategereza imyaka myinshi.

Ati 'Harimo n'icyizere, urukundo rw'igihugu ubutwari ubumwe n'ubudaheranwa bigenda bizamuka mu Banyarwanda. Isomo ririmo hano ni uko ubutwari butagombera umukuru gusa, ubutwari ntabwo bugombera ibintu binini cyane, ahubwo abantu bakwiye gutekereza icyo bakora kiganisha ku gukunda igihugu kigahererekanya n'icy'undi yakoze, bityo igihugu n'abacyo bakabaho neza.'

Ishuri Ribanza rya Cyobe ryigaho abana basaga 750, rikaba ryaratangiye gukora mu 2021, mu gihe cya COVID-19.

Iyi mvura yagushije ibendera rigafatwa n'abana, yanasenye bimwe mu byumba by'amashuri bibiri n'ibiro by'Umudugudu wa Cyobe, ndetse inangiza imyaka myinshi yiganjemo urutoki.

Ibihembo aba bana bagenewe birimo amakayi, amakaramu, imyenda y'ishuri ndetse n'inkweto.

Indi nkuru bijyanye: https://www.igihe.com/amakuru/u-rwanda/article/ruhango-abana-bagaragaye-bafashe-ibendera-mu-mvura-batangiye-gushimirwa

Abanyeshuri ba EP Cyobe basabwe kurebera urugero rwiza kuri bagenzi babo, bakarushaho gukomeza gukunda igihugu cyababyaye

Abana icyenda bagaragaje umuhate mu kurengera Ibendera ry’Igihugu ryari rizamuye muri EP Cyove, bahembwe ibikoresho by’ishuri birimo amakaye, imyenda y’ishuri, inkweto n’ibindi

ACP Theddy Ruyenzi, ubwo yafatanyaga na Meya wa Ruhango, Habarurema Valens guhemba Gisubizo Ernest

Umuyobozi wa EP Cyobe, Mugirwanake Aaron, yavuze ko abana bo kuri iri shuri babigisha indangagaciro zitandukanye zirimo no kubaha ibirango by’igihugu

Gisubizo Ernest watabaye mu ba mbere Ibendera ry’Igihugu ryari rigiye kugushwa n’umuyaga, yavuze ko yabwiwe mu ishuri ko igihugu gifite ibendera kiba cyigenga

Abayobozi n’abarezi ba EP Cyobe bahawe icyemezo cy’ishimwe, basabwa gukomeza kurerera neza u Rwanda

Bahagurutse ku kibuga cy'Indege Mpuzamahanga cya Kigali i Kanombe ku mugoroba wo kuri uyu wa Mbere tariki 7 Ukwakir 2024, aho bari kumwe na Nel Ngabo abaherekeje.

Rubaye urugendo rwa kabiri Knowless akoreye hanze y'u Rwanda muri uyu mwaka, nyuma y'urugendo yakoreye mu bihugu bitandukanye mu Burayi muri Kanama 2024.

Ategerejwe mu gitaramo kizabera muri Leta ya Colorado muri Amerika ku wa 10 Ukwakira 2024. Yatumiwe kubera ubufatanye uriya muryango usanzwe ufitanye n'inzu ifasha abahanzi mu bya muzika ya Kina Music asanzwe abarizwamo, ndetse bakoranye igihe kinini mu bitaramo bya 'Tour du Rwanda Festival'.

Iki gitaramo agiye kuririmbamo cyateguwe hagamijwe gukusanya inkunga uyu muryango ukoresha mu bikorwa bitandukanye ukorera mu bihugu bitandukanye byo ku Isi, cyane cyane muri Afurika.

Basanzwe bafite icyicaro i Kigali, muri Uganda, Kenya n'ahandi. Mu kiganiro na InyaRwanda, Butera Knowless yavuze ko yiteguye gutaramira abakunzi be muri Amerika.

Ati “Ndiyumva neza! Ni byiza ni ibintu byiza kuri njye. Ni abantu tudakoranye ubwa mbere ariko ni ubwa mbere tugiye gukorana hariya. 

Ni abantu bafite intego nziza, nishimiye kuba ngiyeyo, nishimiye nikizaba kigiye kuhabera, ariko by’umwihariko ni umuryango munini ku rugendo rwanjye rw’umuziki, kuko ngiye kugaragaza impano yanjye n’ibyo nkora abazaba bahari cyane ko abenshi ari abanyamahanga.”

Yavuze ko mu bijyanye n’imyiteguro y’iki gitaramo, yajyanye n’abazamufasha mu gucuranga n’imiririmbire ariko ‘hari n’abo tuzasangayo, ubwo rero urumva ko ikipe yuzuye kugirango tuzakore igitaramo twateguye gukora’.”

Knowless yavuze ko ibiganiro yagiranye na Global Institute byafashe igihe gito kugirango bemeze ko ajya kubataramira, ahanini bitewe n’uko ari abantu bakoranye igihe kinini, kandi banubatse ubushuti n’ubufatanye.

Yasobanuye ko Global Institute ifite umwihariko mu guteza imbere abahanzi ndetse n’urubyiruko ‘yaba mu Rwanda no muri Uganda’. 

Ati “Ntabwo ari ibikorwa by’ubuhanzi gusa, ahubwo no gufasha mu buryo bw’ibifatika. Hari ikintu bafasha cyangwa se hari itafari bashyira, haba ku rubyiruko rwa Afurika by’umwihariko muri ibyo bihugu bibiri, yaba mu Rwanda ndetse no muri Uganda, ndetse no mu bahanzi kubo bakorana nabo.”

Bite bya Album ikurikira Inzora?

Knowless yavuze ko yashyize imbaraga mu gukora ibihangano bishya, ari nayo mpamvu muri aya mezi abiri ari imbere ategashya gusohora indirimbo cyangwa se Album nshya.

Yasobanuye ko nta gitutu ariho kuko ‘hari ibikorwa byinshi yateguye’ kandi yizera ko ibikorwa yakoze n’ibindi bituma yizera ko igihe bizagira hanze abantu bazabikunda.

Ati “Mba nshaka guha abantu ikintu nanjye nakunze. Numvise ko ari cyo kigomba gushyirwa hanze, ariko byanze bikunze muri aya mezi abiri asigaye hari ibizaza.”

Knowless yavuze ko mu gihe agiye muri Leta Zunze Ubumwe za Amerika ari kumwe n’umugabo we usanzwe ari Producer, abantu bakwiye kwitega ko ashobora kuzahakorera indirimbo. Ati “Byanze bikunze (Gukorerayo indirimbo) ariko bitanabaye ibikorwa byo bigomba kuhaba. Birashoboka cyane.”

Ishimwe Karake Clement ari kumwe na Butera Knowless berekeje muri Leta Zunze Ubumwe za Amerika, ku mugoroba wo kuri uyu wa Mbere tariki 7 Ukwakira 2024 

Knowless yatangaje ko yishimiye gutumirwa mu gitaramo muri Amerika cyateguwe n'umuryango Global Institute bakoranye mu bihe bitandukanye 

KANDA HANO UREBE IKIGANIRO TWAGIRANYE NA KNOWLESS MBERE Y’UKO AJYA MURI AMERIKA

KANDA HANO UREBE AMASHUSHO Y’INDIRIMBO ‘UZITABE’ YA BUTERA KNOWLESS

VIDEO: Iyakaremye Emmanuel/Marvin Pro- InyaRwanda.com

Imirongo y'ubutabazi itishyurwa yashyizweho na Polisi y'u Rwanda, yagiyeho kugira ngo yihutishe ubutabazi bwayo, kugira ngo polisi ibone amakuru ku gihe itabare hataraba ibyago cyangwa ngo hangirike byinshi cyangwa ngo hatakare ubuzima bw'abantu.

Mu 2020 Polisi y'u Rwanda yatangaje ko ifite ubushobozi bwo kwakira abantu 10.000 ku munsi binyuze ku mirongo yo guhamagaraho [call centers] irimo uwa 114 wari warashyiriweho gutanga ubufasha kuri Coronavirus n'indi irimo 112 washyiriweho ubutabazi bwihutirwa.

ACP Mberabagabo yavuze ko hari abahamagara bibeshye bazi ko ari sosiyete z'itumanaho n'abandi bahamagara bashaka serivisi zindi za leta zitari iz'ubutabazi, ariko hakaba n'abandi bacuruza amatelefoni bashaka gusa kugira ngo barebe ko telefoni ari nzima.

Ati 'Ndatanga nk'urugero, nk'abantu bacuruza amatelefoni hano mu Mujyi, iyo arimo kuyigurisha [iyo hatarimo simcard muri telefoni ugahamagara umurongo wa 112 ucamo] akawuhamagara nk'uburyo bwo kureba niba telefoni ari nzima.”

Yavuze ko kandi mu bihe byashize hari abitiranyanga umurongo w'ubutabazi bwihutirwa wa Polisi y'u Rwanda [112] n'umurongo wo 'kwa Satani' bigatuma bawuhamagara bakavuga ko bashaka ubukire.

Ati 'Mbere hariho abahamagaraga batukana, umuntu yabashimira ntibagitukana. Hari abari baziko umurongo wa 112 ari umurongo wa satani bagahamagara bashaka amafaranga no kububakira ingo no kubashakira abagore, ariko twakomeje kugenda tubakangurira kureka kuwukoresha bagenda babicikaho.'

ACP Mberabagabo yagaragaje ko muri benshi bahamagara batahuye n'ikibazo haba harimo cyane cyane abana, 'Ugasanga ababyeyi bahaye abana telefoni no ku mashuri amwe n'amwe basigaye bakangurira abana gukoresha uyu murongo.'

'Hari abahamagara uyu murongo ntibagire icyo bavuga bakicecekera ugasanga muri uwo mwanya birabuza amahirwe undi muntu urimo kudukenera kandi afite impamvu nyazo.'

ACP Mberabagabo, yavuze izo mpamvu enye ziza imbere mu kubangamira abashaka guhamagara umurongo w'ubutabazi wa Polisi y'u Rwanda bashaka ubutabazi.

Polisi y'u Rwanda itangaza ko iyi mirongo y'ubutabazi atari uwo gukiniraho ndetse ko hagiye kubaho ibikorwa byo guhugura abantu ku mikoreshereze yayo, nyuma nta yindi nteguza ufatwa anyuranya n'amategeko ahanwe nk'uwabangamiya akazi ka polisi n'abaturage bakeneye kugaragaza ibibazo byabo.

ACP Elie Mberabagabo yavuze ko hari abahamagaraga umurongo wa telefone wa polisi bazi ko ari kwa Satani, bashaka amafaranga

Ni mu gitaramo cyiswe 'True Worship Live Concert' giteganyijwe kubera muri Kigali Conference and Exhibition Village ahazwi nka Camp Kigali, tariki ya 01 y'ukwezi k'Ukuboza 2024. Hari hashize myaka 5 aba baririmbyi badakora igitaramo cyagutse.

True Promises Ministries yateguye iki gitaramo ‘True Worship’ yamamaye mu ndirimbo zitandukanye zirimo “Umwami ni Mwiza Pe”, “Mana Urera”, “Mfashe Umwanya”, “Ni Umukiza”, “Ni Bande”, “Watubereye Ibyiringiro”, “Tuzaririmba”, “Uri Uwera” n’izindi.

Iri tsinda rizafatanya n'abandi baramyi batandukanye bazatangazwa mu minsi iri imbere nk'uko tubikesha ubuyobozi bw'iri tsinda. Iki gitaramo kandi kigamije gutaramira Abanyarwanda bafashwa kwitegura impera z'umwaka wa 2024 bahimbaza Imana.

True Promises Ministries yatangaje iki gitaramo nyuma y'ibihe byayo ngaruka mwaka by'iminsi 21 yo gusenga. Muri iyi minsi 21 y'amasengesho kandi True Promises yakozemo ibitaramo by' ivugabutumwa byahembuye benshi.

Ibindi bikorwa byakozwe muri iyi minsi harimo abahugurwa ku banyamuryango bose ba True Promises kuri street evangelism ndetse n'amahugurwa yihariye ku byiciro bigize iri tsinda abagore, abagabo, abasore n'abakobwa. Ibi bikorwa byakozwe ku bufatanye n'imiryango y'ivugabutumwa nka Haven Partners na Eagle Ministry.

Tariki ya 10 Ugushyingo 2023 kuri Intare Arena ya Gisozi, True Promises ni bwo yari iherutse gukora igitaramo cyagutse cyo gufatiramo amashusho (Live recording) y’indirimbo 11 zo kuri album ya 5. Zimwe muri izi ndirimbo ni Ndashimira Yesu, Imana yacu, Igicaniro, Ni irihe Shyanga n'izindi.

Muri uyu mwaka wa 2023 kandi iri tsinda ryafunguye Ishami rishya muri America. Kugeza ubu True Promises imaze gufungura amashami mu Burundi, Kenya no muri America.

Uburyo bwo gushyigikira iyi concert ni ukugura amatike ari mu byiciro bikurikira: Imeza y'abantu 6 ni amafaranga 200,000 n'ibihumbu 25 Frw ku myanya y'icyubahiro kisumbuye (VVIP).

Ku bindi byiciro, abazagura amatike mbere y'umunsi w'igitaramo bazishyura 10,000 mu myanya y'icyubahiro (VIP), na 5,000 Frw ahasanzwe.

Ku munsi w'igitaramo itike yo mu mwanya w'icyubahiro izazamuka kuri 15,000 mu gihe ahasanzwe tike izacuruzwa ku bihumbi birindwi (7,000 Frw).

Ushobora kugura itike yawe ukoresheje kode ya *797*30 # cyangwa ugaca ku rubuga rwa www.ishema.rw

True Promises yaherukaga gukora igitaramo gikomeye mu 2019

True Promises bateguje igitaramo gikomeye mu Ukuboza 2024

Amatike yo kwinjira muri ‘True Worship Live Concert’ yageze hanze

REBA INDIRIMBO “IMANA YACU” YA TRUE PROMISES MINISTRIES

Mu karere Kamonyi, Umurenge wa Rugarika, Akagari ka Kigese, Umudugudu wa Kirega, hatuye umuryango uvukamo abana batanu, Hakizimana Tumusifu David w'imyaka 17 y'amavuko, akaba imfura muri bo.

Ni umunyeshuri uri mu mwaka wa gatatu mu cyiciro rusange cy'amashuri yisumbuye, ku ishuri rya GS Masaka riherereye mu Murenge wa Rugarika.

Yihebeye ikoranabuhanga dore ko ku myaka ye mike hari byinshi amaze gukora bitangaje.

Iyo urebye umuhate, umurava n'ubushake afite akabifatanya n'ubushobozi buke aba afite, wavuga ko na we hari byinshi ashobora kuzageraho n'ubwo yatangiriye hasi.

Byatangiye hagati ya 2020 na 2021 aho yashushanyaga ibikoresho bitandukanye by'ikoranabuhanga. Akenshi abyuka mu ijoro agahita atangira gushushanya ibyo atekereje.

Uretse kuba aryama agatekereza ikintu runaka agahita abyuka akagishushanya, ahita anashaka uburyo agikora. Byinshi mu bikoresho akora ntaho aba yarabibonye.

Yakoze utudege tutagira abapilote, robot ziterura zikanatwara imizigo, microscope, indege, n'ibindi bitandukanye.

Kurikira ikiganiro kirambuye twagiranye na Tumusifu David:

Uyu musore afite impano yo gukora ibikoresho by’ikoranabuhanga

Hakizimana Tumusifu David w'imyaka 17 y'amavuko akora ibikoresho bitandukanye

Hakizimana Tumusifu David w'imyaka 17 y'amavuko afite inzozi zo gukora ibintu bitandukanye

Ibyavuye mu ibarura rusange rya 2022 bigaragaza ko 65% by'abaturage b'u Rwanda batarengeje imyaka 30.

Uretse AIMS yigisha Imibare na siyansi mu rubyiruko, u Rwanda runashyize imbere gahunda yo kwigisha ikoranabuhanga ryo gukora imbuga za internet na porogaramu za mudasobwa abarenga miliyoni mu myaka itanu iri imbere.

Umuyobozi Mukuru w'Ikigo Gishinzwe Ikoranabuhanga mu Itumanaho n'Isakazabumenyi (RISA), Innocent Bagamba Muhizi yagaragaje ko urubyiruko rwa Afurika rwatangiye guhanga ibisubizo ku bibazo bitandukanye byugarije umugabane.

Ati 'Ni bo bagira uruhare mu iterambere rya none n'ejo hazaza ha Afurika kuko urubyiruko ruri ku isonga mu guhanga ibishya. Ingufu, ubudaheranwa n'umuhate w'urubyiruko rwacu ni byo zingiro ry'iterambere n'impinduka mu mikorere y'inganda n'iterambere rusange.'

Muhizi yagaragaje ko byinshi mu bisubizo biri guhindura ubuzima mu bice bitandukanye by'Isi byiganjemo ibyahanzwe n'abakiri bato.

Yatanze urugero ku mwana w'imyaka 15 wo muri Ethiopia wakoze isabune ishobora kwifashishwa mu kwirinda kanseri z'uruhu zitandukanye no kuzivura.

Umuyobozi wa AIMS Network mu Rwanda, Prof. Sam Yala yagaragaje ko aba ari bo igihugu gitezeho kuzagiteza imbere no kucyubaka mu buryo burambye.

Ati 'Ahazaza h'iki gihugu hari mu biganza byabo. Urubyiruko rwa Afurika ni umutungo ukomeye w'umugabane. Muri AIMS ku bufatanye na Guverinoma y'u Rwanda tuzi ko urubyiruko rw'u Rwanda rufite amahirwe yo kuzagira uruhare rukomeye mu kuzana impinduramatwara mu iterambere rya siyansi, ikoranabuhanga n'ubukungu bw'umugabane wa Afurika.'

Yahamije ko bakora ibishoboka ngo abari kwiga bazamukane ubushobozi bukenewe buzabafasha kugira uruhare mu iterambere ryabo bwite n'iry'igihugu.

Umujyanama mu by'Ubukungu mu Ishami ry'Umuryango w'Abibumbye ryita ku Iterambere mu Rwanda (UNDP), Osten Chulu yatangaje ko urubyiruko rukwiye kureba mu ntego z'iterambere rirambye rugahanga ibishya bigamije gukemura ibibazo bya Afurika muri rusange.

Ati 'Dukwiye gutekereza ngo ni iki nakwikorera, nkagikorera umuryango mugari n'igihugu muri rusange hanyuma nkabonamo inyungu nanjye?…Nimwitegereze neza, urebe ngo ni iki nshobora gukora neza, ni ibihe bibazo bitwugarije n'uburyo nakoresha ubumenyi bwanjye ngo nkemure ibibazo nshingiye ku Ntego z'Iterambere rirambye?'

Yahamije ko Leta iba ifite ibikorwa byinshi bigamije gushyigikira iterambere ry'urubyiruko n'abaturage bose muri rusange ariko batagomba gukomeza gutegereza ko ari yo igomba kubafasha gutangira ibikorwa bibateza imbere.

Umuyobozi Mukuru wa RISA, Innocent Muhizi yagaragaje ko urubyiruko ari rwo mizero y’igihugu

Prof Sam Yala yagaragaje ko urubyiruko rw’u Rwanda rugaragaza ubushobozi bwo kuzayobora abandi mu iterambere rya Afurika

Urubyiruko rwasoje amasomo muri siyansi n’ikoranabuhanga ruri kurebera hamwe umusanzu rwatanga mu gufasha u Rwanda kugera kuri SDGs