Author: webrwanda

Mu minsi ishyize ikipe ya APR FC yatanze ubusabe muri Rwanda Premier League, isaba ko umukino bafitanye na Rayon Sports wakwimurwa ahubwo ibirarane byayo ikabikina ikurikije uko imikino yari ipanze ku ingengabihe. Kuri iyo mpamvu APR FC yasabye ko umunsi yari gukinano na Rayon Sports yakina na Gasogi United, umukino wayo na Rayon Sports ugashakirwa indi tariki.

Ubwo ubusabe bwa APR FC bwatangiye kurikoroza mu mupira wo mu Rwanda, benshi batangira kuvuga ko igira ijambo ryihishe mu mupira w’u Rwanda kuko kuko ngo igeze aho isaba ko ibyo ishaka aribyo bikorwa.

Rayon Sports yo ubusabe bwa APR FC yarabwirengagije iguma kwitegura nk’izakina ku itariki 19 Ukwakira 2024, kandi ikipe bizakina yarasabye gukina ba Gasogi United.

Urwo rungabangabo rwo kwibaza niba ku itariki 19 Ukwakira 2024  APR FC izakina na Gasogi United cyangwa Rayon SPORTS, InyaRwanda yavugishije umuyobozi w’ibikorwa bya Rwanda Premier League, Niyitanga Desire, avuga ko nta mwanzuro urafatwa niba Rayon izakina na APR ku itariki 19 cyangwa APR izakina na Gasogi.

Niyitanga Desire yagize Ati” Turateganya ko umwanzuro ushobora kuboneka muri iki Cyumweru.

InyaRwanda yahise igira amatsiko ku makuru avugwa ko ikipe y’igihugu mu gushaka itike y’Igikombe cya Africa CHAN iramutse ikinnye hagati y’itariki 25 na 26 Ukwakira nabyo byagira ingaruka kuri uyu mukino.

Yakomeje ati ” Ntekereza ko ibyo ari ibyo abantu bavuga bagendeye ku byo babona, tombora ntabwo iraba ku makipe y’ibihugu, ariko twe kwa Rwanda Premier League tugomba gufata umwanzuro wacu tugendeye ku bitureba, ubwo uwo mukino w’Amavubi waza ukazaza uzanye ibyawo.

Nka RPL nitwe dufite ububasha bwo gupanga imikino no guhindura mu gihe bibaye ngombwa. Kuva twabaho nka RPL ni ubwa mbere ikipe isabye ko imikino yayo yagenda mu buryo ibyifuza, tugiye guterana tubifateho umwanzuro ndakuka.”

Nka Rwanda Premier League twakiriye ubusabe bw’umunyamuryango, iyo yasabye ubusabe bugomba kwakirwa bukigwaho hari icyo amategeko avuga muri Shampiyona y’iwacu ku nyungu z’umupira muri rusange, hari ukureba abanyamuruango bombi, ugasesengura impande zose ugakuramo umwanzuro ubereye siporo muri rusange.

Uyu mukino nudakinwa ku itariki 19, ni ubwa Gatatu uzaba usubutswe. Bwa mbere wari kuba ku itariki ya 14 Nzeri 2024 ariko urasubikwa kuko APR FC yari gukina na Amaz FC muri CAF Champions League. Gutsinda Azam byabaye intandaro yo kongera gusubika umukino wa APR na Rayon Sports kuko itariki zari gukiniraho APR yacakiranye na Pyramids

Bikomeje kugorana kumenya niba ku tariki 19 Ukwakira 2024 bAPR FC izakina na Gasogi cyangwa Rayon Sports

Uru rubuga rwashinzwe kandi ruyoborwa na Ahmed Pacifique, Umuyobozi Mukuru wa Ahupa Business Network Ltd, rukaba rugamije korohereza abantu kubona abaganga, abavoka, ba noteri, abaheshabinkiko, abapima ubutaka, abagenagaciro abatanga serivisi z'ukodesha imodoka, abajyanama mu by'ubuzima, abatanga serivisi zo kubaka, iz’umutekano n’ubwikorezi, n'abandi benshi.

Uyu muyobozi yagize ati: 'Muri iyi si igenda ihinduka vuba, kugira uburyo bwo kubona serivisi zizewe ni ingenzi cyane.'

Yakomeje agira ati: 'Duhuza Abanyarwanda na serivisi bakeneye, tugamije guteza imbere iterambere n'imiyoborere myiza mu baturage bacu.'

TopInfo ni urubuga rutanga uburyo bworoshye bwo kubona no kugera ku serivisi zitandukanye, kuva ku mirimo yo mu rugo kugera ku makuru y'umwuga.

Abatanga serivisi bose bari kuri TopInfo basabwa kubanza ku iyandikisha, kandi hagasuzumwa ko bemerewe gutanga izo serivisi byemewe n'amategeko mu Rwanda, bityo abashaka serivisi bakabasha kugira icyizere.

Uru rubuga rugira uburyo bwo gutanga ibitekerezo no gusuzuma serivisi, bifasha abarukoresha gufata ibyemezo bikwiye. Rutanga kandi uburyo bwihuse bwo guhana amakuru hagati y'abashaka serivisi n'abazitanga, bigatuma haba itumanaho ryihuse.

Nubwo TopInfo ishyira imbere serivisi z'imbere mu gihugu, yita no ku guhanga udushya no gutanga serivisi ziri ku rwego mpuzamahanga.

Mu Rwanda haje urubuga ruhuza abakeneye serivisi n’abazitanga

Batanga serivisi zinoze kandi mu buryo bwihuse

Atangaje ibi mu gihe bamwe mu bantu bazwi ndetse n’abandi Internet yahaye ijambo bamaze iminsi rwambikanye ku mbuga nkoranyambaga, aho umuntu yifata akandangaza mugenzi we ahanini bitewe n’uko hari inyungu z’ako kanya amushakaho cyangwa se kubera ko yabyishyuriwe.

Ni ibintu byahagurukije inzego zinyuranye zirimo n’Urwego rw’Igihugu rw’Ubugenzacyaha (RIB), ruvuga ko buri wese ukoresha imbuga nkoranyambaga akwiye no kumenya amategeko azigenga

Umuvugizi w’uru rwego, Dr Murangira B. Thierry aherutse kubwira RBA ko amakosa menshi bakorera ku mbuga nkoranyambaga birengagiza ko ashobora gutuma bafungwa imyaka 10, bityo buri wese akwiye kwitonda mu byo atangaza.

Ati 'Niba ari ugutangaza ibihuha hari amategeko ahari abihana, niba ari ukwiyitirira umwirondoro w'undi, niba ari ugukwirakwiza ingengabitekerezo ya Jenoside, niba ari uguhamagarira abantu kwanga abandi, niba ari ugukoresha imvugo zivangura abantu cyangwa gukwirakwiza ibikorwa by'urukozasoni, ibyo byose hari amategeko abihana kandi hazamo n'ibihano by'igifungo kuva ku myaka itanu kugeza ku myaka 10.'

Yungamo ati 'Abo bantu bose bakoresha imbuga nkoranyambaga nabi baba bazi neza 100% ko ibyo bakora ari icyaha. Iyo babikora bihisha inyuma y'utuzina biyita ariko barafatwa kandi bagahabwa ibihano bitewe n'ibyo bakoze.'

Mu kiganiro na InyaRwanda, Butera Knolwess yavuze ko imbuga nkoranyambaga zagakoreshejwe nk’urubuga rwo kwiyubaka no guteza imbere Sosiyete binyuze mu nzira zinyuranye.

Ati “Ndatekereza ko twakazikoresheje mu kwiyubaka, twubaka na Sosiyete, ndavuga Nyarwanda kuko ahandi nabo bazi ibyabo. Hari byinshi byiza zizana, ariko hari n’ibindi byinshi bibi zizana, biturutse ku kuba dushaka kwigana abandi…”

Yavuze ko buri wese ukoresha imbuga nkoranyambaga akwiye kwibuka ko ku Isi ‘turi abagenzi, ari nayo mpamvu akwiye kugerageza kubaho ‘tworoherana, tugasiga inkuru nziza imusozi’.

Knolwess uri gukora kuri Album ye nshya, avuga ko buri wese uharabika abandi cyangwa se ukoresha nabi imbuga nkoranyambaga, akwiye kongera gutekereza ku murage azasiga ku Isi, cyangwa se inkuru nziza yifuza ko abantu bazamwibukiraho, bityo byamufasha guhora buri gihe akora ibikorwa bidakomeretsa abandi.

Ati “Cyane cyane noneho ibintu byo kuri murandasi biragukurikirana niyo waba utakirihiko. Nibaza ko twese dushaka kwibukirwa ku bintu byiza kurusha amatiku, kwangizanya, gusebanya, gutukana, kutiha agaciro, ibintu nk’ibyo. Ntabwo ariwo murage ababyeyi bacu bakwifuza kubona turiho. Ntabwo ariwo murongo, nta nubwo ariwo igihugu cyacu gishaka.'

RIB ivuga ko mu myaka 5 ishize imaze kwakira no gukurikirana ibirego 136 birimo abagera ku 113 barezwe icyaha cyo kubuza abantu amahwemo hakoreshejwe mudasobwa cyangwa uruhererekane rwazo.

Icyaha cyo kubuza abantu amahwemo hakoreshejwe mudasobwa cyangwa uruhererekane rwazo, kibarirwa mu byaha mbonezamubano, ugihamijwe ahanishwa igifungo kiri hagati y’amezi 6 n'imyaka 2 hakiyongeraho n’ihazabu y’amafaranga y'u Rwanda ari hagati ya miliyoni imwe na miliyoni 2.

Knowless yatangaje ko buri wese akwiye gukoresha imbuga nkoranyambaga nk'ahantu ho kungukira

Knowless yavuze ko abakoresha nabi imbuga nkoranyambaga bakwiye guhindura umuvuno

Butera yavuze ko ibyo wandika kuri Internet bizagira ingaruka nziza cyangwa mbi kuri wowe mu gihe kizaza

KANDA HANO UREBE IKIGANIRO CYIHARIYE TWAGIRANYE NA BUTERA KNOWLESS

“>

Imirongo y'ubutabazi itishyurwa yashyizweho na Polisi y'u Rwanda, yagiyeho kugira ngo yihutishe ubutabazi bwayo, kugira ngo polisi ibone amakuru ku gihe itabare hataraba ibyago cyangwa ngo hangirike byinshi cyangwa ngo hatakare ubuzima bw'abantu.

Mu 2020 Polisi y'u Rwanda yatangaje ko ifite ubushobozi bwo kwakira abantu 10.000 ku munsi binyuze ku mirongo yo guhamagaraho [call centers] irimo uwa 114 wari warashyiriweho gutanga ubufasha kuri Coronavirus n'indi irimo 112 washyiriweho ubutabazi bwihutirwa.

ACP Mberabagabo yavuze ko hari abahamagara bibeshye bazi ko ari sosiyete z'itumanaho n'abandi bahamagara bashaka serivisi zindi za leta zitari iz'ubutabazi, ariko hakaba n'abandi bacuruza amatelefoni bashaka gusa kugira ngo barebe ko telefoni ari nzima.

Ati 'Ndatanga nk'urugero, nk'abantu bacuruza amatelefoni hano mu Mujyi, iyo arimo kuyigurisha [iyo hatarimo simcard muri telefoni ugahamagara umurongo wa 112 ucamo] akawuhamagara nk'uburyo bwo kureba niba telefoni ari nzima.”

Yavuze ko kandi mu bihe byashize hari abitiranyanga umurongo w'ubutabazi bwihutirwa wa Polisi y'u Rwanda [112] n'umurongo wo 'kwa Satani' bigatuma bawuhamagara bakavuga ko bashaka ubukire.

Ati 'Mbere hariho abahamagaraga batukana, umuntu yabashimira ntibagitukana. Hari abari baziko umurongo wa 112 ari umurongo wa satani bagahamagara bashaka amafaranga no kububakira ingo no kubashakira abagore, ariko twakomeje kugenda tubakangurira kureka kuwukoresha bagenda babicikaho.'

ACP Mberabagabo yagaragaje ko muri benshi bahamagara batahuye n'ikibazo haba harimo cyane cyane abana, 'Ugasanga ababyeyi bahaye abana telefoni no ku mashuri amwe n'amwe basigaye bakangurira abana gukoresha uyu murongo.'

'Hari abahamagara uyu murongo ntibagire icyo bavuga bakicecekera ugasanga muri uwo mwanya birabuza amahirwe undi muntu urimo kudukenera kandi afite impamvu nyazo.'

ACP Mberabagabo, yavuze izo mpamvu enye ziza imbere mu kubangamira abashaka guhamagara umurongo w'ubutabazi wa Polisi y'u Rwanda bashaka ubutabazi.

Polisi y'u Rwanda itangaza ko iyi mirongo y'ubutabazi atari uwo gukiniraho ndetse ko hagiye kubaho ibikorwa byo guhugura abantu ku mikoreshereze yayo, nyuma nta yindi nteguza ufatwa anyuranya n'amategeko ahanwe nk'uwabangamiya akazi ka polisi n'abaturage bakeneye kugaragaza ibibazo byabo.

ACP Elie Mberabagabo yavuze ko hari abahamagaraga umurongo wa telefone wa polisi bazi ko ari kwa Satani, bashaka amafaranga

Uyu muryango ugamije kugira uruhare mu gukemura ibibazo by'ihohoterwa rikorerwa abagore n'abakobwa ndetse no kuzamura imyumvire.

Uretse ibyo kandi hari itangwa rya serivisi ku bijyanye n'ubuzima bw'imyororokere n'ibindi bitandukanye bifasha abagore. Ni umuryango ukorera mu bice bitandukanye by'igihugu ndetse no mu ntara zose z'u Rwanda.

Uyu muryango uherutse gukorera ibi bikorwa mu murenge wa Musheri ndetse n'uwa Rwimiyaga mu karere ka Nyagatare mu Burasirazuba bw'u Rwanda.

Mu guhangana n'ibi bibazo, Afro Ark muri aka karere yahuguye abagore b'abafashamyunvire mu bijyanye na politike igenga ubuzima bw'imyororokere, amategeko ahana ihohoterwa rishingiye ku igitsina; uburenganzira bw'umugore kurinda umubiri we ndetse n'ihame ry'uburinganire mu Rwanda.

Aba bafashamyunvire bigisha bagenzi babo bakanabatinyura mu kurwanira uburenganzira bwabo, no kubona ubutabera igihe bahohotewe.

Umwe mu batangabuhamya witwa Tuyisenge ufite imyaka 22 ufite n'ubumuga, yavuze ko igihe umugabo we yamwirukanaga mu nzu nyuma yo kubyarana na we abana babiri, yaje kubona ubutabera abifashijwemo na Afro Ark.

Yakomeje avuga ko abafashamyunvire bahuguwe n'uyu muryango batumye atinyuka kuregera ubuyobozi bw'umurenge wa Musheri bagategeka uwari umugabo we gutanga umugabane wo gutunga abana babyaranye.

Ati 'Nibura nishimiye ko ubuyobozi bw'umurenge bwatugabanyije umutungo twashakanye mu buryo buteganywa n'amategeko agenga abatandukanye.'

Patience Iribagiza, uyobora Afro Ark, ashimangira akamaro ko gukanguria abaturage guhindura imyumvire bagashyigikira uburenganzira bw'umukobwa n'umugore kubona serivisi zikenewe ku buzima bw'imyororokere ndetse n'ubutabera igihe yahohotewe.

Ati 'Tuba dushaka ko umugore ahindura imyumvire, akumva ko afite uburenganzira ku mubiri we ndetse no ku mitungo y'uwo bashakanye. Bityo mu gihe yarenganijwe akaba yabasha kwegera ubuyobozi, akarenganurwa.'

Uretse abagore kandi bakoresha ibiganiro mpaka mu baturage, inama n'abayobozi n'itangazamakuru kugira ngo umugore n'umukobwa asigasire uburenganzira bwe mu bikorwa byose bimureba.

U Rwanda, mu bufatanye n'imiryango itari iya leta, rukomeje gufata ingamba zikarishye mu guhangana n'umuvuduko w'abangavu batwara inda zidateganijwe, ndetse n'ihohoterwa rikorerwa abagore n'abakobwa.

Afro Ark ya Iribagiza ifite intego yo kugira uruhare rukomeye mu kugarurira agaciro umugore n'umukobwa mu rugendo rwo kugira uruhare, rugaragara mu bikorwa bireba akarere ka Nyagatare muri rusange kuko kuri iyi nshuro ariho berekeje amaso.

Mu 2018 nibwo Iribagiza Patience yagize igitekerezo cyo gushinga umuryango yise Afro Ark. Atangira yahereye ku guhangana na Virusi itera SIDA, aganiriza abakora uburaya ababyemeye bagapimwa ndetse n'abandi biganjemo urubyiruko.

Umuryango wa Iribagiza umaze imyaka itandatu

Iribagiza arajwe ishinga no guteza imbere umugore

Mu Mudugudu wa Kadobogo ni ho higanje ibigo by'amashuri y'incuke amwe usanga akorera mu nyubako zitabereye uburezi ndetse atari yahabwa ibyangombwa byo gutanga uburezi.

Hari rimwe muri aya mashuri rikorera mu nyubako zahoze zikodeshwa n'abantu batandukanye bakazibamo, nyuma ziza guhindurwa ikigo cy'amashuri ubu cyigamo abana 200.

Umuyobozi ushinzwe amasomo muri iri shuri, Manishimwe Eric yemereye Flash FM ko izi nyubako zabanje gukodeshwa abaturage bakazibamo ariko nyuma ziravugururwa, zihindurwa amashuri.

Ati 'Twaravuguruye wabibonye dushyiramo ibyumba by'amashuri ariko tubonye ibyangombwa twavugurura akaba amashuri. Hari agace kamwe kabagamo abantu n'ikindi cyari kibereye aho ngaho.'

Muri iri shuri ryigamo abana bo mu mashuri y'incuke n'abanza hari imiryango itatu y'ubwiherero gusa, bukoreshwa n'abana 200.

Manishimwe yemera ko ishuri ryabo ribura byinshi kuva ku nyubako kugeza no ku bikoresho, akiha amanota 50% agereranyije n'uko ryakabaye rimeze.

Ati 'Twakwiha nka 50% kuko wenda mu ishuri ibisabwa biba birimo, ariko 60% turabifite.'

Uyu muyobozi avuga ko bagorwa no kubona ibyangombwa byo kuvugurura amashuri.

Aha kandi higanje ibigo bitagira integanyanyigisho zifashishwa n'abarezi mu kumenya ibyo bigisha umunyeshuri, abatagira ibitabo bihagije ndetse henshi nta masomero bagira abana bashobora kwifashisha basoma cyangwa batira ibitabo kuko nabyo ubwabyo nta bihari.

Inzego zishinzwe uburezi ziherutse gutangaza ko hagiye gukorwa igenzura ku mashuri yose hakazasohoka urutonde rw'ayemerewe gukora n'atemerewe, ku buryo atujuje ibisabwa azafunga.

Ikigo cy'Igihugu gishinzwe Ibizamini n'ubugenzuzi bw'Amashuri, NESA gikora ubugenzuzi bw'amashuri harebwa ibisabwa birimo inyubako, abarimu, ibikoresho bikenewe ngo hatangwe ireme ry'uburezi n'ibindi aho batabisanze bagahabwa igihe cyo kubikosora byananirana bagafunga imiryango.

Kugeza ubu buri mwaka hasohoka urutonde rw'amashuri y'imyuga, tekinike n'ubumenyi ngiro yemerewe kwigisha amasomo runaka n'atayemerewe, hakagaragaramo n'atagira inyubako zo kwigishirizamo.

Hari ishuri ryo mu murenge wa Kinyinyi rikorera ahahoze ‘ghetto’ kandi ritaruzuza ibisabwa

Abazajya bapimwa ni abari mu Rwanda nibura mu minsi 21 ishize, aho izi ngamba zizatangira gushyirwa mu bikorwa ku itariki ya 14 Ukwakira.

Mu itangazo bashyize hanze bagize bati “Kuva ku itariki ya 14 Ukwakira, abagenzi bose bari mu Rwanda nibura mu minsi 21 ishize bazaihndurirwa ibyerekezo byabo muri Amerika.”

Ibi bivuze ko aba bagenzi bagomba kuzajya bururukira ku bibuga by'indege bitatu muri Amerika, birimo icya Chicago O'Hare, icya JFK kiri i New York ndetse na Washington Dulles kiri i Virginia.

Aba bagenzi bazajya bapimwa umuriro ndetse n'ibindi bimenyetso bya Marburg kugira ngo harebwe neza uko bahagaze. Ku rundi ruhande, iki kigo cyagiriye inama Abanyamerika yo kudakorera ingendo zitari ngombwa mu Rwanda.

Amerika yafashe ingamba zo gupima Marburg ku bagenzi bose baturutse mu Rwanda

Amakuru avuga ko byabereye mu nama ya Komite Nyobozi y'Akarere ka Nyamagabe yateranye ku wa 07 Ukwakira 2024, ikanenga imikorere yabo kuko bagaragaweho gushora akaboko mu mafaranga y'abaturage babagezaho ngo babatangire ubwisungane mu kwivuza.

Umunyamabanga Nshingwabikorwa w'Umurenge wa Musebeya, Nkurikiyimana Pierre,yemereye IGIHE iby'aya makuru, avuga ko aba bayobozi bose banditse amabaruwa yo gusezera ku bushake bwabo.

Ati 'Ni byo koko abo bayobozi bose banditse basezera ku bushake bwabo.''

Gitifu Nkurikiyimana yakomeje avuga ko ubuyobozi bw'Akarere bugiye kureba uko buhita butanga abandi bakozi basimbura abagiye, hirindwa kudindiza serivisi zigenewe abaturage muri uyu Murenge.

Ati 'Twizeye kubona abandi bakozi vuba kuko benshi bakoze ibizamini bategereje amabaruwa abashyira mu nshingano.''

N'ubwo ubuyobozi buvuga ko aba basezeye babikoze ku bushake, hari andi makuru avuga ko baba bategetswe kwandika basezera kuri iyi myanya bakoragaho.

Ubusanzwe, uyu murenge wa Musebeya ufite utugari datandatu, bivuze ko ufite n'abakozi 12 ariko ukaba wari ufite 11 kuko hari akagari kamwe katagiraga SEDO.

Si ubwa mbere uyu Murenge uvuzwemo ibibazo bidindiza abaturage, kuko no mu minsi yashize wagaragayemo amakosa y'abayobozi muri Gahunda ya Girinka, aho bamwe mu bayishinzwe bakekwagaho ruswa mu kugeza inka ku bazigenewe.

Abakozi icumi b’utugari two muri Musebeya basezeye akazi

Mu gushaka umuti urambye w'iki kibazo, abakuru b'ibihugu byo mu muryango wa Afurika y'Iburasirazuba mu 2022 bafashe icyemezo cy'uko imitwe yo mu mahanga iba muri RDC igomba gusubira mu bihugu ikomokamo, bitaba ibyo ikarwanywa.

Gusubira muri ibyo bihugu, bivuze gushyira intwaro hasi, niba ari abagize FDLR bakinjira mu Rwanda, bagashyirwa muri gahunda zigenewe abahoze mu mitwe yitwaje intwaro. Gusa ibyo ntibikuyeho ko abakoze ibyaha, baba bagomba kubiryozwa.

Muri rusange, RDC ikoreramo imitwe yitwaje intwaro irenga 250, yiganjemo ifite ibirindiro bihoraho mu burasirazuba bw'iki gihugu. Muri yo harimo umunani y'inyamahanga, ikorera mu Ntara ya Kivu y'Amajyaruguru n'iy'Amajyepfo.

Nyuma yo gusoma raporo zitandukanye zirebana n'umutekano wo mu Burasirazuba bwa RDC no kuzisesengura, tugiye kugaruka kuri imwe muri iyo mitwe ibangamiye umutekano w'u Rwanda.

FDLR/FOCA

FDLR/FOCA (Les Forces Démocratique de Libération du Rwanda / Forces Combattantes Abacunguzi) ni umwe mu mitwe yitwaje intwaro ifite imbaraga muri RDC, ndetse ufatwa nk'intandaro y'umutekano muke mu Burasirazuba bw'iki gihugu no mu karere k'ibiyaga bigari.

Uyu mutwe washinzwe mu 2000 n'Abanyarwanda barimo abagize uruhare muri Jenoside yakorewe Abatutsi mu 1994 bari mu mutwe w'Interahamwe no mu ngabo zatsinzwe (Ex-FAR). Ukomoka kuri ALiR, na yo ikomoka kuri RDR; imitwe yombi yavugaga ko iharanira gucyura Abanyarwanda bahungiye muri RDC.

Abarwanyi ba FDLR nk'uko izina ryayo ribisobanura, bavuga ko bafite umugambi wo gufata u Rwanda baturutse mu Burasirazuba bwa RDC; igihugu bakoreyemo ibyaha bitandukanye byatumye imiryango mpuzamahanga ifatira ibihano abayobozi bayo.

FDLR iyobowe na Ntawunguka Pacifique alias 'Gen Omega' ku rwego rwa gisirikare. Ubu yifatanya n'Ingabo za RDC mu ntambara yo kurwanya undi mutwe wa M23 mu Ntara ya Kivu y'Amajyaruguru. Ihabwa kandi ubufasha na Leta ya RDC burimo imyitozo ya gisirikare, intwaro n'amafaranga.

CNRD-Ubwiyunge

Conseil National pour le Renouveau et la Démocratie (CNRD), ni umutwe witwaje intwaro urwanya Leta y'u Rwanda washinzwe na Wilson Irategeka, ubwo yiyomoraga kuri FDLR muri Gicurasi 2016, nyuma yo kutumvikana n'abayobozi ba FDLR.

Abarwanyi ba CNRD Ubwiyunge bafite ibirindiro mu Ntara ya Kivu y'Amajyepfo bumvikanaga bahanganye na bagenzi babo bo muri FDLR bayoborwaga na Sylvestre Mudacumura mu minsi yakurikiye gutandukana kwabo.

Hari abarwanyi ba CNRD bari barasigaye muri Kivu y'Amajyaruguru ariko ubwo bashyirwagaho igitutu n'Ingabo za RDC na FDLR, basanze bagenzi babo muri teritwari ya Kalehe na Fizi muri Kivu y'Amajyepfo.

Ibikorwa by'Ingabo za RDC mu 2019 byiswe 'Sokola' byashegeshe bikomeye umutwe wa CNRD, abarwanyi bayo benshi bafatwa mpiri, boherezwa mu Rwanda, abandi baricwa. Irategeka we icyo gihe yaburiwe irengero.

Nyuma yo gusa n'iyasenyutse, abarwanyi bake ba CNRD barokotse ibitero by'ingabo za RDC biyunze ku mutwe wa FLN umaze igihe mu ishyamba rya Kibira mu Burundi, ubu bakorera mu bihugu byombi.

RUD-Urunana

RUD-Urunana (Rassemblement pour Unité et Democratie-Urunana) ni umutwe washinzwe n'abarwanyi biyomoye kuri FDLR-FOCA mu 2007, nyuma y'amakimbirane bagiranye n'ubuyobozi bwa FDLR-FOCA, ashingiye ku kugabana amafaranga yinjiza.

Ndibabaje Jean-Damascène alias Musare ni we washinze uyu mutwe. Icyo gihe yari afite abarwanyi babarirwaga mu magana, bagenzuraga Sheferi ya Bwisha na Bwito muri teritwari ya Rutshuru.

Intege za RUD Urunana zaracitse, yiyunga kuri FDLR-FOCA, bitangira gukorana hamwe n'indi mitwe ya Nyatura igizwe n'Abanye-Congo b'Abahutu mu bikorwa byibasira abasivili muri Kivu y'Amajyaruguru.

Muri Gashyantare 2016, Musare yapfuye urupfu rw'amayobera, asimburwa na Afurika Jean Michel. Icyakoze Abanye-Congo basobanura ko ari umusaruro w'amakimbirane yatutumbye hagati y'imitwe y'Abahutu niy'Aba-Nande

Ubwo Afurika yayoboraga ni bwo RUD Urunana yagabye igitero mu Karere ka Musanze mu Ukwakira 2019, cyatwaye ubuzima bw'Abanyarwanda 14, abandi benshi barakomereka.

Mu Ugushyingo 2019, Afurika yiciwe mu bitero by'Ingabo za RDC byiswe Sokola, Nshimiyimana Cassien alias Gavana na we wari mu bayobozi bakuru ba RUD Urunana yicwa mu Ukuboza 2022.

RUD Urunana ivugwaho gukorana n'Umutwe wa RNC washinzwe na Kayumba Nyamwasa na FLN ifite ibirindiro mu ishyamba rya Kibira mu Burundi.

Umutwe wa RUD-Urunana wagize uruhare mu bitero byagabwe mu Rwanda mu Karere ka Musanze mu 2019

Nyatura CMC

Imitwe ya Nyatura ivuga ko irwanirira uburenganzira bw'Abanye-Congo bo mu bwoko bw'Abahutu. Ikomoka ku mutwe wa PARECO, na wo ukomoka ku ishyirahamwe ry'abahinzi ryamenyekanye nka MAGRIVI (La Mutuelle des Agricultureurs de Virunga).

Nyatura na FDLR bihuje ingengabitekerezo yo kwanga Abatutsi bose aho bava bakagera, ndetse iyi mitwe ikunze kwifatanya mu bikorwa bigamije guhungabanya umutekano wo mu burasirazuba bwa RDC n'akarere.

Mu gihe imitwe ya Nyatura ikomeje kwifatanya n'ingabo za RDC mu kurwanya M23, yagiye yumvikana yigamba ko ifite umugambi wo gutera u Rwanda, irushinja kwinjira ku butaka bw'Abanye-Congo.

Nyatura igize ihuriro Wazalendo kuva mu 2022, aho bifatanya n'ingabo za Leta kurwanya M23.

FDC-Guides

Izina ry'uyu mutwe rituruka ku ruhare abarwanyi bawo bagize nk'abahigaga ingabo z'u Rwanda n'iza Congo mu 2011 mu bitero byo guhashya FDLR.

Abarwanyi bawo, ntibashakaga ko umutwe wa FDLR urwanywa.

Uyu mutwe waje guhinduka uwitwaje intwaro wihariye ufata izina ry'Ingabo zo kurinda Congo 'Forces de défense du Congo (FDC), uyoborwa na Butu Luanda, Charles Mbura, n'undi uzwi nka Madragul. Bakoranaga n'abarwanyi baturuka mu ba Tembo n'aba-Hunde bari bafite ibirindiro hagati ya teritwari ya Masisi na Walikale.

Mu 2013, bamwe mu barwanyi b'uyu mutwe bariyomoye bashinga uwitwa Mouvement acquis au changement (Guides-MAC) uyoborwa na Mbura. Uyu mutwe wa FDC-Guides uyobowe na Butu Luanda ukaba uri mu bikorwa byo gucukura amabuye y'agaciro muri teritwari ya Masisi.

P5/RNC

P5 ni ihuriro ry'imitwe yitwaje intwaro y'Abanyarwanda ifite umugambi wo guhungabanya umutekano w'u Rwanda. Ikomoka ku mashyaka nka RNC (Rwanda National Congress), Amahoro PC, FDU-Inkingi na PS-Imberakuri igice cya Ntaganda Bernard. PDI -Imanzi yo yitandukanyije na ryo mu 2019.

Iri huriro ryatangiye ibikorwa mu burasirazuba bwa RDC mu 2017, rishakisha abarwanyi mu nkambi z'impunzi zitandukanye mu karere k'ibiyaga bigari kugira ngo zirifashe kugera ku mugambi waryo.

Mu Ukuboza 2017, Polisi ya Uganda n'iya Tanzania zataye muri yombi impunzi 40 ziganjemo urubyiruko zari zijyanywe mu myitozo ya P5 muri RDC, abarimo Maj (Rtd) Habib Mudathiru bari mu bayobozi bakuru bayo bafatwa mu 2019, ariko ibikorwa by'iri huriro ntibyahagaze.

Amakuru agera kuri IGIHE avuga ko muri Nzeri 2024, Kayumba yagiye i Kinshasa guhura n'abayobozi bakuru ba FDLR, kugira ngo bifatanye mu mugambi wo guhungabanya umutekano w'u Rwanda.

Bamwe mu bafatiwe muri P5, umutwe washinzwe ushamikiye kuri RNC n’indi igamije guhungabanya umutekano w’u Rwanda

FLN

Umutwe wa FLN watangiye kugaba ibitero mu Majyepfo y'Uburengerazuba bw'u Rwanda mu 2018, uturutse mu ishyamba rya Kibira ndetse wanavuzweho gukorana na Leta y'u Burundi.

Uyu mutwe uyoborwa na Hakizimana Antoine alias Jeva wacitse intege ubwo abayobozi bakuru bawo barimo Paul Rusesabagina na Major Callixte Sankara batabwaga muri yombi, wiyungura inama yo kujya gukorana na CNRD muri Kivu y'Amajyepfo.

Ubu bufatanye bwatangiye mu gihe CNRD na yo yari imeze nk'iyasenyutse, nyuma y'ibitero bikomeye yagabweho n'ingabo za RDC mu mpera za 2019, byatumye abenshi mu bari bayigize bataha mu Rwanda.

FLN iracyakorera mu ishyamba rya Kibira i Burundi no muri teritwari ya Kalehe na Fizi muri Kivu y'Amajyepfo. Umugambi wayo ni ugutera uguhungabanya umutekano w'u Rwanda.

ADF

ADF (Allied Democratic Forces) ni umutwe w'iterabwoba washinzwe n'abarwanya ubutegetsi bwa Uganda mu 1995, nyuma y'umwaka umwe uza kwimukira mu burasirazuba bwa RDC ubwo warushwaga imbaraga n'ingabo za Uganda.

Ibikorwa by'iterabwoba bya ADF byumvikana cyane muri teritwari ya Irumu mu ntara ya Ituri no muri teritwari ya Beni muri Kivu y'Amajyaruguru.

Raporo ya Loni igaragaza ko mu bantu 663 biciwe muri Ituri na Kivu y'Amajyaruguru hagati ya tariki ya 20 Kamena kugeza ku ya 19 Nzeri 2024, ADF yishemo 342.

Kuva mu Ugushyingo 2021, ingabo za Uganda n'iza RDC zatangiye ibikorwa bihuriweho byo kurwanya ADF, ariko bigaragara ko ugifite imbaraga, ukesha inkunga ukusanyirizwa n'umutwe wa Islamic State uzwi ku rindi zina rya Daesh.

Mu Ukwakira 2021, Urwego rw'Igihugu rw'Ubugenzacyaha rwemeje ko ku bufatanye n'inzego z'umutekano hafashwe abantu 13 muri Kanama na Nzeri, bakekwaho gukorana n'umutwe w'iterabwoba wa ADF mu mugambi wo gutera ibisasu ahantu hatandukanye mu mujyi wa Kigali.

Icyo RIB yanafashe ibintu bitandukanye byagombaga kwifashishwa mu gukora ibisasu birimo imisumari, insinga, intambi na za sim card.

Ibi byashimangiwe na raporo y'impuguke z'Umuryango w'Abibumbye, yagaragaje ko uyu mugambi wari uyobowe na Meddie Nkalubo wari mu barwanyi bakomeye muri ADF, wohereje mu Rwanda uwitwa Omar Farouk alias Adam Nyange.

Uyu Nyange ngo yagombaga kwifatanya n'Umunyarwanda Ismael Niyonshuti winjiye muri ADF muri Werurwe 2021, bagashyira mu bikorwa uyu mugambi.

FDLR ifatwa nk’intandaro y’umutekano muke mu karere

Umutoza wa Manchester United Eric Ten Hag akomeje kugorwa n’ibihe bibi byiganjemo kubura umusaruro ku ikipe kandi umutoza yarahawe ibyo yasabye byose mbere y’uko uyu mwaka w’imikino utangira.

Nubwo ibihe bitamworoheye, Eric Ten Hag yatangiranye uyu mwaka w’imikino kongera amasezerano y’umwaka yasanze undi mwaka yari agifite, nuko imyaka iba ibiri.

Igikomeje kurakaza abakunzi ba Manchester United ni uko ikipe yabo iri kwitwara nabi muri Shampiyona, kuko mu mikino 7 imaze gukina ibanza muri English Premier League, ubu Manchester United imaze gukusanya amanota umunani gusa, ubu ni iya 14 ndetse ubusatirizi bwayo burakennye kuko ikipe irimo umwenda w’ibitego bitatu.

Eric Ten Hag  ni muntu ki ?

Umutoza Eric Ten Hag, yavutse ku itariki 2 Gashyantare mu 1970, yavukiye mu gace ka Haaksbergen mu Buholandi.

Nubwo benshi bamuzi nk’umutoza wabiciye bigacika muri Ajax na Manchester United, Eric Ten Hag yanabaye umukinnyi aho yakinaga inyuma ku ruhande rw’iburyo ahazwi nko kuri kabiri.

Eric Ten Hag ari umukinnyi, yamenyakanye cyane mu ikipe ya Twente yo mu Buholandi kuko yayizengurutsemo inshuro eshatu, ayivamo akongera akayigarukamo.

Mu mikino Eric Ten Hag yakiniye ikipe ya Twente mu nshuro zose yayizengurutsemo, ni imikino 221, yanayitsindiye ibitego bitanu.

Uwari myugariro Eric Ten Hag, yanakiniye amakipe nka De Graafschap, ayikinira imikino 51, ayitsindira igitego bitandatu.

Ten Hag yakiniye ikipe ya RKC Waarwijk, ayikinira imikino 31, ayitsindira ibitego bibiri.

Indi kipe Eric Ten Hag yakiniye ni Utrecht, yayikiniye imikino 30 ayitsindira ibitego bibiri.

Mu rugendo rwa Eric Ten Hag nk’umukinnyi wabigize umwuga, yarutangiye mu 1989, arusoza muri 2002. Yakinnye imikino 336 atsinda ibitego 15 mu rugendo rwo guconga ruhago.

Eric Ten Hag wari warabaye myugariro w’agatangaza, mu 2012 yatangiye umwuga wo gutoza. Icyo gihe yahereye muri Go Ahead Eagles, aho yayitoje umwaka umwe kuko yayivuyemo muri 2013.

Kuva mu 2013 kugera mu 2015, Ten Hag yagiriwe icyizere cyo kuba umutoza wa Bayern Munich ya kabiri, aho amasomo amwe yo gutoza yayigiraga kuri Pep Guardiola watozaga Bayern Munich.

Kuva mu 2015 kugera mu 2017, yagiye gutoza Utrecht, aho yayivuyemo yerekeza muri Ajax.

Akigera muri Ajax yabaye umutoza udasanzwe kuko ku gihe cye, yayimuritse mu marushanwa akomeye ku Mugabane w’u Burayi. 

Muri 2022 yatandukanye na Ajax, ajya gutoza Manchester United akaba ari nayo atoza kugeza ubu.

Akigera muri Manchester United, Eric Ten Hag yaranzwe no kutavugirwamo, ahera ku bakinnyi bakomeye barangajwe imbere na Cristiano Ronaldo arirukana.

Mu mwaka we wa mbere muri Manchester United, Ten Hag yatwaye igikombe cya Clabao Cup, ndetse yafashije Manchester United gusoreza ku mwanya wa Gatatu muri English Premier League, ndetse anayifasha kugera muri kimwe cya Kane muri Europa League.

Impamvu yatumye Erik Ten Hag ajya mu ikipe ya Manchester United ni imibare myiza yari afite i Burayi mu ikipe ya Ajax aho yari asanzwe atoza kandi nta bakinnyi b’ibitangaza n’amazina akomeye yari afite icyo gihe. 

Aha buri wese yamubonagamo ubushobozi buhambaye kuba yashobora guhangana mu ikipe ikomeye imuha byose yifuza.

Ten Hag yabaye myugariro w’akataraboneka mu ikipe ya Twente

Ten Hag yaciye uduhigo tubi mu ikipe

Mu gihe yari yitezweho gukuraho ibigwi bya Jurgen Kloop wa Liverpool na Pep wa Manchester City, Erik Ten Hag yakirijwe no guca uduhigo tubi tutigeze tubaho mu ikipe ya Manchester United kuva yabaho cyangwa se hakaba hari haciyeho igihe kirekire cyane.

Ikipe ya Galatasaray ntabwo yigeze itsindira mu Bwongereza mu myaka 117 yari ishize kugeza ubwo Erik Ten Hag ageze muri Manchester United ikamunyagira ibitego bitatu.

Galatasaray yaherukaga gutsinda igitego hanze y’ikibuga cyayo mu mikino ya Champions League mu mwaka wa 2015 kugeza ubwo ihuye na Manchester United iyirasa ibitego bitatu byose muri 2023.

Manchester United ntabwo yari yarigeze mu mateka yayo itsindwa imikino ine mu mikino irindwi ibanza ya shampiyona y’u Bwongereza kugeza Erik Ten Hag ahageze.

Manchester United ntabwo yari yarigeze itsindwa imikino ibiri ifungura irushanwa rya Champions League, ariko Ten Hag ahageze yaciye ako gahigo kabi.

Manchester United ntabwo yari yarigeze itsindwa ibitego birenze bitatu mu mikino yikurikiranya mu irushanwa rya Champions League kugeza Ten Hag ageze Old Trafford.

Manchester United yeherukaga gutsindwa ibitego bine mu mikino y’amatsinda mu irushanwa rya Champions League mu myaka 28 ishize. Erik Ten Hag yongeye kubyibutsa abafana ba Manchester United ko byigeze kubaho.

Manchester United ntabwo yigeze itakaza umukino n’umwe kuri sitade ya Tottenham Hotspurs ariko Ten Hag yanga gukatira ako gahigo aba agakuyeho agashyira mu tundi duhigo.

Manchester United ntabwo yari yarigeze itsindwa ibitego bibiri mu minota ine y’umukino bakiniye ku kibuga cya Old Trafford kugeza aho Erik Ten Hag abikoreye.

Nta wundi mutoza wigeze uhombya nyiri ikipe ya Manchester United nk’uko Ten Hag amaze kubikora mu gihe gito. Sir Ractliffe amaze guhomba arenga Miliyari 1.5 y’amayero kubera ikipe iri mu bihe bitameze neza.

Manchester ntabwo yari yarigeze iterwa amashoti 23 mu mukino bakiriye mu irushanwa rya Shampiyona y’u Bwongereza kugeza aho Ten Hag agaragaje ko byose bishoboka.

Brighton ntabwo yari yarigeze itsinda ikipe ya Manchester United mu mikino ibiri yikurikiranya kugeza aho ifatiranye Ten Hag.

Ikipe ya Manchester United yaherukaga gutsindwa imikino 5 mu mikino 10 bakiriye mu mwaka wa 1930. Ten Hag yongeye gusogongeza abafana ba Manchester United ibyo bihe bya cyera.

 

Eric Ten Hag yuje uduhigo tubi mu ikipe ya Manchester United

Ten Hag ni muntu ki hanze y'ikibuga ?

Eric Ten Hag mu buzima bwo hanze y'ikibuga ni umugabo utuye mu gace ka Overjissel mu mujwi wa Twente mu Buhorandi akaba ari na ho yavukiye.

Muri ako gace ka Twente aho Ten Hag atuye abana n’umugore we Bianca, aba bombi bakaba baranze gushyira umuryango wabo ku mbuga nkoranyambaga cyane ko ngo basanze ari ukwishyira hanze cyane.

Bianca uri hagati y’imyaka 45 na 50, Ikinyamakuru Express cyemeza ko yatangiye gukundana na Eric Ten Hag ubwo yakiniraga ikipe ya Twente ari abana bato cyane, kugeza ubu bakaba bafitanye abakobwa babiri n’umuhungu umwe.

Uretse gutoza umupira w’amaguru, Eric Ten Hag iyo yagiye ku ivuko muri Twente akunda kugaragara akina Golf ndetse anyonga igare hamwe n’abagize umuryango we.

Ikinyamakuru Daily Mail kivuga ko Eric Hag afite abavandimwe babiri ari bo Michael Ten Hag na Rico Ten Hag, aba bakaba bita ku mikurire y’umuhungu wa Ten Hag witwa Nigel uri gusatira kuba inzobere mu gusesengura imikino mu kigo cya Sports and Entertainment Group gifitwemo imigabane na Eric Ten Hag.

Umuryango wa Eric Ten Hag ubayeho neza mu Buhorandi cyane ko ari umutoza wa gatatu uhembwa neza mu Bwongereza nyuma ya Mikel Arteta na Pep Guardiola.

Uretse kuba anatoza umupira w’amaguru kandi Eric Ten Hag n’abavandimwe be Michel Ten Hag na Rico Ten Hag bafite Super Market mu mujyi wa Twente ndetse bakaba banakorana na Kompanyi zicuruza amabuye y’agaciro.

Eric Ten Hag yishimanye n’umuryango we mu gace ka Ibiza 

Eric Ten Hag numugore we Bianca banyonga amagare muri Twente