Author: webrwanda

I Huye, umujyi wunganira Kigali usanzwemo urujya n'uruza rw'abanyeshuri biga muri Kaminuza y'u Rwanda, IPRC South n'izindi kaminuza zigenga zibarizwa muri aka gace.

By'akarusho kuri uyu wa 25 Ukwakira 2024, abantu bari uruvunganzoka mu muhanda uva kuri Stade Mpuzamahanga ya Huye ugera kuri Kaminuza y'u Rwanda, uwari wateguye gukora urugendo mu muhanda Kigali-Muhanga we yahuye n'ihurizo ryo kuhakoresha amasaha menshi kubera ibirori byo guha impamyabumenyi abarenga 8000 basoje ibyiciro bitandukanye by'amasomo muri Kaminuza y'u Rwanda.

Abagera kuri 946 bahawe impamyabumenyi y'icyiciro cya gatatu cya Kaminuza, 53 bahawe impamyabumenyi z'ikirenga na ho abo mu cyiciro cya kabiri cya kaminuza ni 6657.

Jean d'Amour Irakoze warangije icyiciro cya kabiri cya kaminuza muri Koleji y'Ubumenyi n'Ikoranabuhanga mu gashami ka Biology, Botany and Conservation (bijyanye no kwita ku rusobe rw'ibinyabuzima) yabwiye IGIHE ko yashimishijwe cyane no kuba mu banyeshuri bane bahize abandi muri CST ndetse yizeye ko yazaba umwe mu bafasha b'abarimu agafasha barumuna be mu kwiga neza amasomo bateganyirijwe.

Uyu musore w'imyaka 22 yavuze ko mu byatumye abasha kugira amanota meza harimo guhoza umutima ku masomo.

Ati 'Iyo batangaga imikoro naharaniraga kuba nayikoze nubwo yaba ari mu itsinda, nkiyumvisha ko ari njye bishobora kugiraho ingaruka mu gihe yaba idakozwe. Ni ugukora cyane no kudasiba ishuri n'iyo cyaba Icyongereza kuko abantu bajya basuzugura isomo bavuga ngo naje kwiga biologie, icyo ni cyo cyatumye nza mu bagize 'first class''

Irakoze avuga ko gukorana n'abandi, kubaha abarimu bamwigisha no kugira inshuti nziza bafatanya muri byose biri mu byamufashije kwesa umuhigo w'ibyo yinjiye muri kaminuza yifuza.

Yavuze ko yiteguye gukoresha ubumenyi yahawe mu guhangana n'ibibazo birimo imihindagurikire y'ibihe byugarije Isi.

Ati 'Ibyo nize iyo mbihuje n'imihindagurikire y'ikirere, nzagira uruhare mu kurengera ibidukikije. Ni ukuvuga ko nzi umumaro w'ibiti bishobora guterwa bikagabanya carbone yagiye mu kirere.'

Mu buzima bwe yifuza kuzaba rwiyemezamirimo uziteza imbere kandi agaha abandi.

Ni mu gihe Niyonsenga Ernest usoje amasomo nderabarezi muri Koleji y'Uburezi yabwiye IGIHE ko ubuzima bwe yabweguriye kuzaba umurezi, uzafasha igihugu kubona abahanga bagikorera.

Ati 'Uyu ni umunsi mwiza cyane kandi usobanuye ibintu byinshi ku buzima bwanjye, nta magambo nabona mbivugamo. Ni urugendo rukomeye guhera mu mashuri abanza twiga, ababyeyi badufasha, dusenga Imana ikatwumva, abarezi bacu badufasha aho ducitse intege bakatugarura ku murongo, bakatugira inama'

'Ngomba gutanga umusanzu wanjye mu kubaka igihugu cyane cyane binyuze mu burezi.'

Minisitiri w'Intebe Dr Edouard Ngirente yasabye abasoje amasomo muri uyu mwaka gushyira imbaraga mu guhanga ibishya bizatuma biteza imbere bakanateza imbere igihugu.

Ati 'Mugombwa gutekereza mu buryo bwagutse, mugahanga ibishya bizana ibisubizo by'iterambere kandi mugakora imishinga ikomeye ibateza imbere kandi ikanateza imbere igihugu. Mugomba guhora mwibuka ko iterambere ry'igihugu rihera kuri mwe. Niyo mpamvu mbasaba kubyaza umusaruro amahirwe yose igihugu kibaha.'

Abahawe impamyabumenyi barimo abagabo 4.959 n'abagore 3.109. Muri Koleji y'Ubugeni n'Ubumenyi Rusange abahawe impamyabumenyi ni 760, abo muri Koleji y'Ubuhinzi, ubworozi n'ubuvuzi bw'amatungo (CAVM) ni 722.

Muri Koleji y'Ubucuruzi n'Ubukungu (CBE) ni 1.453, Koleji y'Uburezi yashyize ku isoko abagera kuri 2308, Koleji y'Ubuvuzi n'Ubumenyi mu by'Ubuzima (CMHS) ni 1.157 mu gihe Koleji y'Ubumenyi n'Ikoranabuhanga yashyize ku isoko abagera kuri 1.663.

Irakoze Jean d’Amour yagaragaje ko ibyo yize bizamufasha gushaka ibisubizo ku mihindagurikire y’ibihe

Abasoje amasomo muri UR bahawe umukoro wo kugira uruhare mu iterambere ry’Abanyarwanda

Radiyo Isano yumvikanira ku murongo wa 92.0FM mu bice bya Rutsiro, Rubavu na Goma, yavuye ku murongo tariki 8 Ukwakira 2024 ubwo umuhesha w'inkiko w'umwuga yafatiraga ibikoresho byose yifashishaga kugira ngo bigurishwe hishyurwe umwenda yari ibereyemo Sabune Olivier wigeze kuyiyobora.

Nyuma y'iminsi itatu, yongeye gusubira ku murongo nyuma yo gukemura ikibazo ba nyirayo bari bafitanye n'uwayiregaga agahabwa amafaranga yari aberewemo nk'uko IGIHE yabihamirijwe n'impande zombi.

Umuyobozi Mukuru wa Radiyo Isano, Niyigena Sano François, yavuye imuzi ibyavugwaga byose ku bibazo byayiteye kuva ku murongo by'igihe gito n'ingamba bafite zo gukomeza gukemura bimwe mu bibazo byayivugwagaho.

Ku bijyanye n'amadeni byavugwaga ko iyi Radiyo ibereyemo abantu batandukanye barimo n'abayikoreye, Niyigena Sano yemeye ko hari abo babereyemo imyenda ariko ko byaturutse ku bihombo batejwe n'abari barahawe kuyiyobora bagakora ibitandukanye n'ibyo bemeranyijwe ari byo byabaviriyemo no kwirukanwa, imanza zigatangira ubwo.

Ati “Yego ariko ntabwo ibikoresho byigeze biva mu kigo. Nifuje ko nasobanura imvo n'imvano y'iki kibazo tukivuye imuzi kuko ni bwo Abanyarwanda baza gusobanukirwa neza ubugome n'ibihombo twatejwe n'abakozi twakoranaga bari bayobowe na Sabune Olivier.'

Yakomeje agira ati 'Twari dufitanye ikibazo na Sabune Olivier aho twari tumaze imyaka irenga ibiri yarirukanywe ku nshingano yari afite mu kigo kubera kunanirwa kwesa imihigo yari yasezeranyije ikigo. Akimara kubona ko birimo kwanga yafashe iya mbere ashyira umwuka mubi mu bakozi nka bane, bishyira hamwe baharabika ikigo na ba nyiracyo kandi bari bagiteje igihombo.'

Uyu Muyobozi yavuze ko hari aho abo bakozi bakoreshaga uburyo bwose bwo guhirika ubuyobozi burimo no guhimba bimwe mu bigize ibyaha ariko inzego zose bageragaho zabamaganiraga kure kuko zasangaga abareze bifuza kucyegukana batari ba nyir'imigabane.

Ati 'Ibi byarabaye, ba nyir'ikigo tumaze kumenya izo nzira ndetse n'umugambi wabo ni bwo twatumije inama y'igitaraganya yabaye tariki 5 Mata, ni bwo twasobanuriye abakozi bose iby'iryo tsinda ryashinzwe mu kigo rigamije kudusenya no kutworeka mu bibazo bikatubana byinshi.'

Yakomeza agira ati 'Twe nk'abantu bakora kinyamwuga twitaye mu kugarura isura y'ikigo no kuva mu bihombo bari bateje ikigo ndetse no kunoza ibyo dukora kugira ngo birusheho kugenda neza. Sabune ibyo avuga ko yadutsinze, ntiyatsinze kuko yaburanaga asaba ikigo kumwishyura miliyoni 40 Frw ngo na we akazakoresha radiyo ye bwite, ariko yahawe miliyoni 2,1 Frw.'

'Twe rero twishimiye imikirize y'urubanza ndetse abari bamuhagarariye mu mategeko twahuye na bo twumvikana uko tugiye kwishyuramo izo mperekeza n'ibindi yakoresheje muri izo manza.'

Umuyobozi Mukuru wa Radiyo Isano, Niyigena Sano François, yijeje abakunzi bayo ko kuri ubu iri gukora neza kandi ko bafashe ingamba zizatuma itongera guhura n'ibibazo yanyuzemo.

Ati 'Twakoze n'igenamigambi ryabyo hanyuma dushyira imbaraga mu bijyanye no kuyicuruza cyane kandi byaraje kuko ubu aho tugeze ibasha kwitunga ndetse no kwishyura ibyo bisigisigi by'ibihombo twatejwe n'uwari umuyobozi wayo. Twamaze gufata icyemezo cyo kwiyoborera ikigo.'

'Kuba twiyoborera ikigo nta kabuza ibintu byose bigenda neza kuko tuzi ingaruka zabyo, ikindi ijoro ribara uwariraye. Ndabizeza ko nta kongera kurangara no kwizera abantu badusubiza mu bihombo. Tubijeje gukomeza kugirana imikoranire myiza ahubwo irushijeho kuko natwe ibyo twisanzemo hari amwe mu masomo byadusigiye.'

Mu zindi ngamba kandi ubuyobozi bwa Radiyo Isano bufite harimo gukomeza gukora cyane kurusha uko bakoraga, kwagura umushinga ndetse no gukomeza guha ibyishimo abakunzi bayo, ibyo byose bikajyana no gukomeza gukemura bimwe mu bibazo igifite.

Ubuyobozi bwa Radiyo Isano bwijeje abakunzi bayo ko yagarukanye ingamba nshya nyuma yo gusubira ku murongo

Ibinyamakuru byo muri RDC byatangaje ko Diongo yageze i Kigali tariki ya 20 Ukwakira 2024, ngo yari muri gahunda yo gushaka kwinjira mu mutwe witwaje intwaro wa M23 ukorera mu Nara ya Kivu y'Amajyaruguru.

Diongo yatangarije ku rubuga nkoranyambaga rwa X ko yagiriye ingendo muri Angola, mu Rwanda, mu Burundi, Uganda na Ethiopia ku cyicaro cy'Umuryango wa Afurika Yunze Ubumwe, yerekana umushinga we wo kugarura amahoro mu Burasirazuba bwa RDC, nyuma y'aho ibiganiro bya Luanda bidatanze umusaruro.

Yagize ati 'Nateye intambwe [njya] muri Angola, mu Rwanda, mu Burundi, Uganda na Addis Abeba (Afurika Yunze Ubumwe], nsobanura umushinga wanjye w'amahoro nyuma y'aho ibya Luanda ntacyo bitanze.'

Uyu munyapolitiki uhamya ko imbaraga z'igisirikare zidashobora gukemura ikibazo cyo mu Burasirazuba bwa RDC, yagaragaje ko kugirira urugendo i Kigali atari ubugambanyi, cyane ko inzira zihuza ibi bihugu zitigeze zifungwa.

Ati 'Niba urugendo i Kigali ari nk'ubugambanyi, ni ukubera iki ishuri ry'Abanye-Congo rikiri i Kigali, aho abana bakora ibizamini bya Leta? Kubera iki Abanye-Congo bagera ku 2000 bajyayo ntibashinjwe ubufatanye? Kubera iki dipolomasi n'u Rwanda itahagaze? Kubera iki imipaka ya RDC n'u Rwanda itafunzwe?'

Diongo yibukije ko Ambasade ya RDC mu Rwanda igifunguye, kandi ko Ambasaderi w'igihugu cyabo atigeze yirukanwa mu Rwanda, amenyesha abamushinje ubugambanyi ko buri wese afite uburenganzira bwo kujya aho ashaka.

Yagize ati 'Buri Munye-Congo afite uburenganzira bwo gukorera ingendo aho ashaka. Ndi mu bukangurambaga bwo gusobanura, guhuza no gukangura umutimanama bugamije amahoro muri RDC. Ndi umuntu utavuga rumwe n'ubutegetsi wamaramaje ariko w'umunyamahoro. Ndwanira demokarasi.'

Diongo uyobora ishyaka MLP (Mouvement Lumumbiste Progressif), yahungiye mu Bubiligi muri Kamena 2024, nyuma y'iminsi 20 afunzwe n'urwego rwa RDC rushinzwe ubutasi.

Umunyamategeko Me Alexis Deswaef yatangaje ko Diongo yakorewe iyicarubozo mu gihe yari afungiwe muri kasho y'urwego rw'ubutasi, asobanura ko bamaze gutanga ikirego mu Bubiligi kugira ngo bukurikirane umuyobozi warwo, Gen Maj Christian Ndanywel, kuko afite ubwenegihugu bwabwo.

Franck Diongo yatangaje ko ari muri gahunda yo gushaka amahoro kandi ko yageze mu bihugu byinshi

Ku wa 02 Ukwakira 2024 ni bwo MINEDUC, yari menyesheje ababyeyi ko igikorwa cyo gusura abanyeshuri bacumbikirwa mu bigo by'amashuri kizwi nka 'visite' cyahagaritswe by'agateganyo mu rwego rwo kwirinda ikwirakwira rya Marburg.

Icyo gihe iyo minisiteri yavuze ko iki gikorwa kizasubukurwa nyuma y'isuzuma izakora ifatanyije n'inzego zishinzwe ubuzima.

Kuri iyi nshuro iyi minisiteri yavuze ko gusubukura ibyo bikorwa byakozwe hashingiwe ku makuru atangazwa na Minisiteri y'Ubuzima ku bijyanye na virusi ya Marburg mu Rwanda.

Mu itangazo bakomeje bati 'Gusura abanyeshuri bacumbikirwa ku mashuri birasubukuwe hagendewe kuri gahunda yashyizweho n'ibigo by'amashuri bigamo. Imikino ihuza ibigo by'amashuri n'ibindi bikorwa byari byarasubitswe byemerewe gusubukura, hubahirijwe amabwiriza yo kwirinda virusi ya Marburg.'

MINEDUC yakomeje isobanura ko uretse igihe byaba bisabwe na Minisiteri y'Ubuzima, ibigo by'amashuri ntibyemerewe gufata icyemezo cyihariye cyo gukoresha abanyeshuri babyigamo ibizamini byo kwa muganga.

Yasabye abo mu burezi gukomeza gukurikiza amabwiriza yo kwirinda Marburg, by'umwihariko himakazwa umuco w'isuku wo gukaraba intoki kenshi kandi neza.

Abayobozi b'ibigo by'amashuri basabwe kandi gukomeza kugenzura igihe haba hari umunyeshuri ufite ibimenyetso bya Marburg bakihutira guhamagara 114 kugira ngo ahabwe ubufasha bukwiye.

Tariki 27 Nzeri 2024 ni bwo umurwayi wa mbere wa Marburg yagaragaye mu bitaro byo mu Rwanda.

Kuva yagaragara yarahashyijwe, aho kugeza ku wa 24 Ukwakira 2024 imibare ya Minisante yagaragazaga ko abantu 64 ari bo bayigaragaweho, batatu bakaba bari kwitabwaho, 15 yarabishe, 46 bamaze kuyikira mu gihe abapimwe kuri uwo munsi ari 5073.

Gusura abanyeshuri bacumbikirwa byafunguwe

Ibi byagaragajwe n'ikusanyabitekerezo ryakozwe n'Ikigo YouGov ryagaragaje ko nibura 27% by'Abanyamerika bafite ubwoba ko intambara ishobora kwaduka nyuma y'amatora azaba mu Ugushyingo uyu mwaka.

Ni ikusanyabitekerezo ryakorewe ku bashyigikiye Kamala Harris na Donald Trump bahataniye umwanya wa Perezida muri Leta Zunze Ubumwe za Amerika.

Mu bantu 1266 babajijwe, nibura 12% bavuze ko bazi neza umuturanyi cyangwa inshuti zabo ziteguye gufata intwaro, mu gihe byaba bigaragaye ko Donald Trump yakwibwa amajwi cyangwa bikanugwanugwa. 

Ni mu gihe 5% by'ababajijwe bari ku ruhande rwa Kamala Harris aribo bavuze ko bazi umuntu byanze bikunze wakwegura intwaro. Iri kusanyabitekerezo rishimangira andi yaribanjirije agaragaza ko abanyamerika bacitsemo ibice cyane ugereranyije n'ikindi gihe.

Iri kusanyabitekerezo ryenda gusa nibyo Barack Obama yatangaje muri Nyakanga uyu mwaka, ubwo yitabiraga inama y'Abademokarate yavuze ko afite impungenge ko Trump nadatorwa hashobora kuba intambara cyangwa imyigaragambyo ikomeye nk'uko byangenze ubushize ubwo yatsindwaga abarwanashyaka be bagateza imvuru mu murwa mukuru.

Drama T yumvikana cyane mu bitangazamakuru byo mu Rwanda muri iki gihe binyuze mu ndirimbo zirimo nka 'Kosho', 'Itamporize' n'izindi. Ni mu gihe Mudra D muri iki giha agezweho binyuze mu ndirimbo zirimo nka 'Hoozambe' yakoranye na D Star imaze kurebwa inshuro zirenze Miliyoni 7.7. 

Ni ubwa mbere bombi bazaba bahuriye mu gitaramo, hagamijwe gutaramira Abanyarwanda. Drama T ariko amaze iminsi mu bitaramo mu bihugu byageze mu bihugu bitandukanye byo ku Isi, byanatumye yiyemeza no gutaramira mu Mujyi wa Kigali. 

Yifashishije konti ye ya Instagram, yagaragaje ko ku wa Gatandatu tariki 2 Ugushyingo 2024, ari kumwe na Mudra D bazasigira abanya-Kigali ibyishimo. Bombi bazataramira Wakanda Villa, kandi SKOl yateye inkunga iki gikorwa binyuze mu kinyobwa cya Skol Malt.  

Ariko kandi Mudra D azanataramana na Alyn Sano mu gitaramo kizaba ku wa 1 Ugushyingo 2024. Alyn Sano amaze iminsi muri Kenya mu bikorwa bigamije kumenyekanisha amashusho y’indirimbo ye nshya ‘Tamu Samu’ aherutse gushyira ku isoko. 

Uyu mukobwa kandi ari ku rutonde rw’abahanzi barenga 15 bategerejwe kuririmba mu iserukiramuco ‘Twaje Fest’ rizaba kuri uyu wa Gatandatu tariki 26 Ukwakira 2024 kuri BK Arena.

 Drama T yatangiye guhangwa amaso muri Kigali nyuma y'uko ashyize hanze indirimbo 'Madamu' yakunzwe mu buryo bukomeye.

Muri Nzeri 2023, yegukanye igikombe cy’umuhanzi mwiza mu Burundi mu bihembo bya East African Arts Entertainment. Kandi muri Nyakanga 2023 yakoreye igitaramo gikomeye mu Mujyi wa Dubai muri Leta Zunze Ubumwe z’Abarabu.

Ni umwe mu bahanzi bo mu Burundi bagaragaza bashyize imbere gukora umuziki wubakiye ku mudiho wa Afrobeat.

Ssebunya Alfa [Mudra D Viral yinjiye mu muziki ashyira imbere gukora cyane injyana ya Afro Pop. Bimwe mu binyamakuru byo muri Uganda, bivuze ko ariwe uri inyuma y'indirimbo zose zikunzwe muri Uganda zubakiye ku mudiho wa Dancehall nyuma ya Afro Pop.

Uyu musore yatangiye umuziki ari Producer akorera indirimbo abahanzi banyuranye, ariko igihe kimwe cyageze yiyemeza kuba umuhanzi.

Yigeze kuvuga ko n'ubwo yakoreye indirimbo abahanzi banyuranye ariko ntiyigeze azibagurisha.

Uyu musore w'imyaka 25 amaze gushyira ku isoko indirimbo nka “Bwotyo,” “Bar Love,” “Boss ft. Cindy,” “Nkuwulira' yakoranye na Karole Kasiita,” “Onzinya,” “Kimuli kyange,” n'izindi.

Drama T yatangaje ko ari mu myiteguro yo gukorera igitaramo cya mbere i Kigali

Mudra yakunzwe mu ndirimbo zinyuranye zituma atumirwa mu bitaramo binyuranye hirya no hino 

Alyn Sano azahurira ku rubyiniro na Mudra D ugezweho muri Uganda muri iki gihe

  

KANDA HANO UREBE AMASHUSHO Y'INDIRIMBO 'KOSHO' YA DRAM T

“>

KANDA HANO UREBE AMASHUSHO Y'INDIRIMBO YA MUDRA D NA D STAR

“>

Ni mu muhango wabereye kuri Televiziyo y'u Rwanda, kuri uyu wa Gatanu tariki 25 Ukwakira 2024. Juno Kizigenza yiyongereye mu mubare w'ibyamamare bikorana na Tecno, kuko muri Gicurasi 2024 The Ben n'umugore we Uwicyeza Pamella basinye amasezerano nabo yo kwamamaza telefoni za Tecno. 

Uretse uruhererekane rwa telefoni nshya za 'Tecno Spark 30 Series' yashyizwe ku isoko, Tecno yanamuritse ibindi bikoresho by'ikoranabuhanga bishya birimo nk'amasaha agezweho, écouteurs, Lap Top n'abandi. 

Izi telefoni zikoze mu ishusho ya 'Transformers' kandi zirimo ikoranabuhanga rigezweho rya AI rifasha buri wese uyikoresha kubasha kugera ku cyo ashaka kandi mu gihe cya vuba- Muri rusange, zakozwe mu rwego rwo kworoshya ubuzima bwa benshi.

Ikoranabuhanga ry’ubwenge buremano [AI] ryubakiye ku buhanga bwa ‘algorithm’. Ni urutonde rw'amategeko akurikizwa mu murongo nyawo wo gusubiza cyangwa gukora umurimo runaka, cyane cyane bikozwe na mudasobwa cyangwa se Telefoni.

Iri koranabuhanga ni ryo ituma imbuga nkoranyambaga nka YouTube, Spotify, TikTok, Snapchart n'izindi zigezweho muri iki gihe ziguha amahitamo y'ibindi bintu wareba igihe uri kuri internet.

Juno Kizigenza yabwiye InyaRwanda ko yishimiye kuba yagizwe 'Brand Ambassador' wa ‘Spark 30 Series’ kandi 'ni telefoni nziza nanjye ntewe ishema no kuba mfite.' Ati 'Ndishimye kuba ndi gukorana na Tecno.'

Yavuze ko ibiganiro byari bimaze amezi abiri hagati ye na Tecno byagejeje ku masezerano y'igihe kirekire. Uyu muhanzi yavuze ko yifashishije imbuga nkoranyambaga n'ahandi afite ijambo, azaharanira kubwira abafana be impamvu zo kugura telefoni yo mu bwoko bwa 'Spark 30'.

Ati 'Ni telefoni nziza ihendutse, waba uri urubyiruko, waba ufite akazi karenze cyane, cyangwa se akaguhagije mu buzima bwawe, ni telefoni nziza wabasha gutanga, kandi nziza.'

Umukozi Ushinzwe Iyamamazabikorwa muri Tecno Rwanda, Mucyo Eddie yabwiye InyaRwanda ko telefoni zose bashyize ku isoko zirimo Tecno AI. Ati 'Twamuritse telefoni imwe, ariko twamuritse n'indi porogarame (gahunda) irimo muri telefoni zose. 

Ni ukuvuga ngo Tecno AI ntabwo iri muri iyi telefoni twamuritse gusa, ahubwo Tecno AI iri muri zose, yaba Camon, yaba Phantom, ariko iyi telefoni ya Spark 30 twamuritse ifite umwihariko wo kuba ifite uburambe cyane.'

Mucyo Eddie yavuze ko iyi telefoni bashyize ku isoko ifite uburambe bw'imyaka itanu, ndetse ifite ikoranabuhanga rya AI ku buryo ushobora kuvugana n'umuntu mutavuga ururimi rumwe AI ikajya igufasha kumva ibyo ari kuvuga cyangwa se ibyo ari kwandika.

Ati 'Ishobora kugufasha kumenya amagambo udasobanukiwe. Ishobora no gufasha gukora neza 'Video' uko uyishaka. Ibyo byose byiyongera kuri Camera zayo, 'Battery' imara igihe kinini, ni ukuvuga ngo twongereye ibindi mu byorohereza abanyarwanda mu byo twari dusanzwe dufite, cyane cyane ko Leta yacu ishishikariza iterambere.'

Eddy Mucyo yavuze ko bahisemo gushyira ku isoko telefoni zikoranye ikoranabuhanga rya AI kubera ko bashakaga kujyana n'umuvuduko w'iterambere ry'u Rwanda. 

Ati 'Twaravuze ngo ntabwo Abanyarwanda bakwiye gusigara inyuma. Twamuritse izi telefoni, ariko twanamuritse Tecno AI kugirango buri munyarwanda wese abashe kugendana n'ibigezweho.'

Izi telefoni Tecno yashyize ku isoko harimo ufite ububiko bwa 128GB na RAM ya 4, hari n'indi ifite ububiko bwa 128GB na RAM ya 8. Ni mu gihe Battery ya buri imwe ifite ububiko bw'umuriro bungana na 500 mAh, bivuze ko ishobora kubika umuriro mu gihe cy'iminsi itatu.

Mu bijyanye no kwinjiza umuriro, iyi telefoni ishobora kuba yuzuye umuriro hagati y'iminota 15 na 30'. Ikoranabuhanga rya AI rikoranye n'iyi telefoni kandi rituma ibasha guhagarika umuriro igihe telefoni yuzuye, ibi birinda ko 'Battery' yakwangirika.

N'iyo ituzuye umuriro ntacyo byangiza kuri 'Battery'. Ikindi ni uko mu gihe igiye gushiramo umuriro, AI iyizimya mbere kugeza igihe ushyiriramo undi muriro.

Izi telefoni zashyizwe ku isoko zifite uburambe bw'imyaka itanu nta kwangirika kubayeho. Mu igeragezwa ryakozwe mbere y'uko zishyirwa ku isoko, habayeho kureba niba ahinjirira umuriro hatazangirika mu gihe gito, bakora igerageza inshuro ibihumbi Magana abiri, ahinjirira umuriro ntihagira icyo haba. 

Eddy Mucyo ati 'Ni ukuvuga ngo ifite ubushobozi bwo kumara imyaka itanu, ucomeka, ucomokora itaragira ikibazo.'

Hanakozwe igerageza, mu gihe yaba ihanutse ahantu hangana na 1/5m basanga ntacyo yaba. Ndetse, bateretseho ibiro 20 basanga nabwo ntakibazo yagira. 

Iyi telefoni kandi ifite ubushobozi bwo kuba wayikoresha no mu gihe cy'imvura, ndetse n'igihe yaba yaguye mu mazi ugahita uyikuramo ako kanya.

Umukozi Ushinzwe ibijyanye na Telefoni zigezweho, Edwin Vita yabwiye InyaRwanda, ko bashyizeho 15GB kuri buri wese uzagura telefoni ya 'Spark 30'.

Ati 'Ku ukubitiro umuntu akiyigura azajya abona 15GB azakoresha mu gihe cy'amezi atatu. Ni ukuvuga ziriya GB dutanga ni nko kuguha ikaze, koresha telefoni utubwire, hanyuma noneho tuguhe n'ibindi bigufasha gukoresha ya telefoni neza.'

Yavuze ko kuva batangira gukorana na Tecno mu gufasha Abanyarwanda kubona telefoni zigezweho, bishimira ibitekerezo bahabwa n'abaguzi baziguze, kandi bazakomeza muri uyu murongo mu rwego rwo gufasha abafatanyabikorwa babo ba buri munsi.

Edwin avuga ko bagiye bongereye umubare wa GB batanga bashingiye ku bitekerezo by'abaguzi. Ati 'Ubundi twatangaga GB nkeya, noneho dusanga mu by'ukuri telefoni na GB bidahura, ni bwo twafashe gahunda yo kuzamura tugeza kuri 15GB, ku buryo umuntu ayikoresha akishimira n'izindi serivisi.'

Ibyishimo ni byose kuri Juno Kizigenza wagizwe Brand Ambassador wa Tecno

Juno Kizigenza yavuze ko yahisemo gutunga Tecno Spark 30 Series kubera ko imworohereza mu kazi ke ka buri munsi  

  

Umukozi Ushinzwe Iyamamazabikorwa muri Tecno Rwanda, Mucyo Eddie yavuze ko telefoni zose bashyize ku isoko zirimo ikoranabuhanga rya AI

Umukozi Ushinzwe ibijyanye na Telefoni zigezweho, Edwin Vita yatangaje ko bashyizeho 15GB kuri buri wese uzagura telefoni ya 'Spark 30'  

Juno Kizigenza yatangaje ko azifashisha imbuga nkoranyambaga mu kumenyekanisha telefoni za Tecno

Tecno yanamuritse telefoni ya ‘Phantom’ irimo AI iri mu zikundwa n’abantu benshi ku isoko 

Leo Pierre, umukozi muri Tecno yagaragaje ko AI yashyizwe muri telefoni za TECNO ije koroshya ubuzima bwa benshi, kandi izi telefoni zifite uburambe bw’imyaka 5 umuntu ayikoresha

Umunyamakuru Gitego wakiriye mu kiganiro ubuyobozi bwa Tecno na MTN bamurika telefoni nshya ku isoko

     

Kanda hano urebe amafoto menshi yaranze umuhango wo kumurika telefoni nshya te Tecno ku isoko

AMAFOTO: Dox Visual

VIDEO: Murenzi Dieudonne

Ni itsinda ry'abashoramari mu ngeri zitandukanye biganjemo abahagarariye ibigo byashinze imizi muri Afurika, bageze mu Rwanda bagamije kureba amahirwe ahari babyaza umusaruro.

Umuyobozi Mukuru wa Equity Bank Rwanda, Hannington Namara, yagaragaje ko bahisemo kuzana aba bashoramari kuko bashyize imbere gahunda zifasha guteza imbere ubucuruzi n'ishoramari mu Rwanda no muri Afurika.

Yahamije ko bahuza abashoramari b'ibihugu bitandukanye ngo barusheho gusangira amakuru n'ubunararibonye kandi banashore imari mu bikorwa bihari.

Ati 'Equity Group yahisemo kuba umusemburo w'iterambere ry'ishoramari n'ubucuruzi ku mugabane wose, tunawuhuza n'Isi yose muri rusange ari na yo mpamvu tugira uruhare muri gahunda nk'izi. Twifuza guhuza akarere n'Isi yose.'

Namara yagaragaje ko bamaze kugera mu bihugu byose bigize Afurika y'Iburasirazuba no muri 25 bya Afurika yose ku buryo mu bihe biri imbere bashobora no kugera ku isoko ry'u Buhinde bagakomeza kugira uruhare mu iterambere ry'ishoramari.

Urwego rw'Igihugu rw'Iterambere RDB, rwaberetse ko icyerekezo igihugu gifite cyo kugira ubukungu buciriritse mu 2035 no kuba kimwe mu bihugu bikize mu 2050 bizagirwamo uruhare n'ishoramari ry'abikorera barimo n'abakora ishoramari mvamahanga.

Imwe mu mishinga migari bagaragarijwe ishobora gushorwamo imari harimo uwa Gabiro Agri-Business Hub ukorerwa mu Karere ka Nyagatare, Kigali Innovation City n'ibindi bikorwa bigamije kwihutisha iterambere ry'igihugu.

Kamlesh Samaliya ushinzwe iterambere ry'ubucuruzi muri Ecozen yabwiye IGIHE ko bageze mu Rwanda kugira ngo barebe niba batangira kugeza ku isoko ibikoresho bikonjesha umusaruro ukomoka ku buhinzi n'ubworozi hifashishijwe imirasire y'izuba.

Ati 'Ubu naje kureba uko twatangira kuzana ububiko bw'ibintu bukonjesha hifashishijwe imirasire y'izuba ndetse na moteri zikogota amazi zikoresha imirasire y'izuba ku isoko ry'u Rwanda.'

Kamlesh yahamije ko mu gihe hazaba habonetse abantu benshi bifuza gukoresha ububiko bwabo mu kubungabunga umusaruro ukomoka ku buhinzi n'ubworozi nta kabuza bashobora kwagurira ibikorwa byabo mu Rwanda.

Abahinde bafite imishinga 3000 mu Rwanda. Ibyo bigo byose bikururwa n'ubushake bw'abayobozi b'ibihugu byombi n'uburyo u Rwanda rworohereza ishoramari kuko ruza mu bihugu bya mbere ku mugabane wa Afurika.

Raporo y'Urwego rw'Igihugu rw'Iterambere mu Rwanda, RDB igaragaza ko mu 2023 u Buhinde bwayoboye ibindi bihugu byashoye imari nini mu Rwanda, aho yabarirwaga agaciro ka miliyoni 175.2$.

Bamwe mu bakozi ba Equity Bank Rwanda bafashije abashoramari gusobanukirwa ubucuruzi bukorerwa mu Rwanda

Abahagarariye ibigo by’ubucuruzi byo mu Buhinde bari mu Rwanda bareba amahirwe y’ishoramari ahari

Umuyobozi Mukuru wa Equity Bank Rwanda, Hannington Namara yagaragaje ko bashyize imbere kuzamura ishoramari n’ubucuruzi muri Afurika no ku Isi

Buri wese yafashe umwanya wo gusobanuza neza ku byerekeye ishoramari n’ubucuruzi mu Rwanda

Abayobozi muri RDB batanze umusanzu mu gufasha abashoramari bo mu Buhinde kumva neza ibisabwa ngo umuntu ashore imari mu Rwanda

Amafoto: Herve Kwizera