Author: webrwanda

Byasabwe na Ephrem Musonera, Umuyobozi wa Rwanda Polytechnic wungirije ushinzwe amasomo n'ubushakashatsi, mu gikorwa kiswe 'Carrier Fair Day' cyo guhuza abanyeshuri bakiri ku ntebe y'ishuri, abarangije kwiga na ba rwiyemezamirimo kugira ngo babagire inama, cyabereye muri RP Huye ku wa 24 Ukwakira 2024.

Abanyeshuri biga muri Rwanda Polytechnic(RP), bakunze kugaragaza ko bahura n'ibibazo, ari nayo mpamvu baba bifuza ikibuga gihagije ngo bakuze imyuga yabo bari mu kazi.

Mushimiyimana Marie Louse, ni umunyeshuri muri RP Huye, wiga ICT, yavuze ko ubumenyi yahawe bwamugeje ku rwego rwo gukora porogaramu ya mudasobwa ifasha abashoferi kwirinda impanuka za hato na hato zo mu muhanda.

Ati “Nakoze 'software' ikorana na 'camera' ishyirwa imbere mu kinyabiziga, mu gihe umushoferi yasinziriye cyangwa se afite umunaniro cyangwa akaba yibagiwe kwambara umukandara irasona cyane, iyo asinziriye iramukangura, iyo atambaye umukanda nabwo irasona ikamwibutsa ko atawambaye.''

Furaha Jean de Dieu nawe wo muri RP, Ishami rya Huye, yakoze 'robot' yifashishwa mu guterura imizigo iremereye mu nganda n'ahandi.

Ati “Njye nakoze robot yifashishwa mu guterura imizigo, igakoreshwa 'Bluetooth' cyangwa ubundi buryo budasabye ko uyikoraho, ushyira 'application' muri telefone yawe bikorana cyangwa muri mudasobwa, ubundi ukajya uyikoresha utayegereye, icyo igufasha ni ukugabanya umubare w'abakozi bagusaba amafaranga badatanga umusaruro, kandi igakora akazi umuntu atashobora.”

Musonera yasabye abikorera korohereza ababanyeshuri mu gihe baje babagana, kuko ari bwo babasha kwagura impano zabo nyakuri.

Ati'' Icyo tubasaba ni ubufatanye kuko urabona hari ibintu bishimishije bamaze kugeraho, iyo dukoze igikorwa nk'iki tukabona kompanyi zigera kuri 50 zitabiriye, biba bigaragaza ko ubwo bufatanye buhari. Turasaba guha amahirwe aba bana kuko bemeza ko bashoboye, kandi n'ubugenzuzi dukora turabibona, bityo babe igisubizo ku isoko ry'umurimo.''

Abahagarariye ibigo bitandukanye bikenera abatekinisiye bakomoka muri RP bavuze ko batahanye indi myumvire, bahamya ko bagiye gushyara mu migambi guha urubuga abana bakiga kugira ngo babashe gukura mu myuga bahisemo.

Iki gikorwa kigamije kumurika udushya abanyeshuri bakoze no kubahuza n'abikorera bo hirya no hino mu gihugu hagamijwe kubereka amahirwe ahari no kubatyariza guhangana ku isoko ry'umurimo.

Abiga amashuri y’imyuga bamuritse ibyo bakora

Iki gitaramo cyabaye mu ijoro ryo kuri uyu wa Gatandatu tariki 26 Ukwakira 2024, cyahoze mu nzozi za Yvan Buravan wifuzaga gutaramira muri iyi nyubako kibaye nyuma y'imyaka ibiri yitabye Imana. 

N’ubwo yatabarutse atageze ku nzozi ze yasigiye abakunzi b'umuziki album yise ‘Twaje’ ari nayo yacuranzwe cyane muri iki gitaramo cyashyizwe mu bikorwa n'umuryango YB Foundation ndetse n'abandi bafatanyabikorwa batandukanye.

Ubwo igitaramo cyari kigeze ku musozo ababyeyi ba Yvan Buravan bahamagawe ku rubyiniro  bashyikirizwa ifoto ishushanyije ya Yvan Buravan yashushanyijwe  ubwo igitaramo cyari gitangiye.

Impakanizi na Ruti Joel nibo babimburiye abandi bahanzi muri iki gitaramo cyahurijwemo abahanzi 15 basanzwe bakunzwe mu Rwanda barimo Jules Sentore,Andy Bumuntu, Juno Kizigenza, Ish Kevin, Alyn Sano, France Mpundu, Impakanizi, Mike Kayihura, Nel Ngabo, Mani Martin na Boukuru. 

Burabyo azwiho kuba ari we muhanzi nyarwanda wakoze amateka mu mpera z'umwaka wa 2018, ubwo yegukanaga igihembo cyitwa 'Prix Découvertes' gitangwa na Radio y'Abafaransa RFI.

Kuva icyo gihe yashyize imbere gukora ibihangano gakondo, kandi abakiri bato bagerageza umunsi ku munsi gutera ikirenge mu cye.

Urukundo benshi bakundaga uyu muhanzi rwagaragaje ko ari uw’agaciro ku wa 23 Kanama 2022, mu muhango wo kwizihiza ubuzima bwe kuko yavuzwe ibigwi birimo gukunda abantu, guca bugufi, gushyigikirana n’ibindi byaranze ubuzima bwe.

Imyaka irindwi atangiye umuziki mu buryo bw'umwuga yari ihagije ngo Yvan Buravan asezerweho nk'intwari mu muhango utarigeze ukorerwa undi muhanzi uwo ari we wese mu Rwanda.

Yvan Buravan yasezeweho nk'intore, nk'umwana w'igihugu ari nayo mpamvu uyu muhango wabereye ahasanzwe habera ibitaramo bikomeye ndetse akaba ariho yamurikiye Album ye ya mbere muri Camp Kigali.

Ihema risanzwe rijyamo abantu ibihumbi bitatu ryari ryuzuye ndetse n'abandi benshi cyane ntibabashije kwinjira, basubira mu ngo zabo babikurikirana kuri Televiziyo na YouTube.

Yvan Buravan wakuranye inzozi zo kuba umukinnyi wa ruhago avuga ko umuziki waje kumira umupira w'amaguru bityo abona aho aganisha ubuzima bwe.

Mu 2009 ubwo yari yujuje imyaka 14 y'amavuko Yvan Buravan yitabiriye irushanwa ry'ikigo cya Rwandatel yifuzaga abanyempano bashoboraga kubakorera indirimbo, icyo gihe yitwara neza mu guhatana aba uwa kabiri.

Nyuma yo guhembwa miliyoni 1,5 Frw byatumye abona ko umuziki aricyo kizamutunga aho kuba ruhago nk'uko yari yarakuze abitekereza.

Kuva mu 2009 Yvan Buravan yatangiye urugendo rwo gutekereza uko yakwinjira mu muziki ariko nanone yagiye agorwa no kubona aho amenera.

Uyu musore yagiye akora indirimbo zinyuranye ariko zitakunzwe cyane, kugeza mu 2015 ubwo yahuraga n'abagize sosiyete ya New Level yamuhaye ikaze mu muziki nk'umuhanzi wabigize umwuga.

Yvan Buravan na New Level batangiye urugendo mu 2016 basohora indirimbo nka Bindimo, Urwo ngukunda yakoranye na Uncle Austin, Malaika, Ninjye nawe, Just a dance, This is love, Oya, Garagaza, Si belle, Canga Irangi yakoranye na Active n'izindi nyinshi.

 

 

Igitaramo “Twaje Fest” cyari kibaye ku nshuro ya mbere cyasize ibyishimo ku mitima y’abakunzi ba muzika nyarwanda

Abagize umuryango wa Yvan Buravan bafashe ifoto y’urwibutso bari kumwe n’abahanzi bahuriye muri iki gitaramo

Umuryango wa Yvan Buravan wishimiye impano waherewe muri iki gitaramo cyatuwe umwana wabo

Aimable Twahirwa aganira n’umubyeyi wa Yvan Buravan  Burabyo Micheal

Massamba (ubanza ibumoso) yagaragaje ko Buravan yamubereye umunyeshuri mwiza 

Iki gitaramo kitabiriwe n’umubare munini w’Urubyiruko n’abandi bamenye Buravan mu bihe bitandukanye 

Kanda  hano urebe amafoto yaranze iserukiramuco ‘Twaje Fest’ ryabaye ku nshuro ya mbere

AMAFOTO: Ngabo Serge- InyaRwanda.com

 

 

 

Abakunzi b'umuziki nyarwanda cyane cyane w'umvikanaho umudiho w'injyana gakondo bageze muri BK Arena ahabereye igitaramo 'Twaje Fest' gisigasira ibigwi n'amateka by'umuhanzi Buravan, witabye Imana mu 2022 azize 'Cancer y'impindura.

Abageze kuri BK Arena mbere y'uko iki gitaramo gitangira bapimwe kanseri y'impindura bakagirwa inama zabafasha kwirinda iyi kanseri hacurujwe imyenda 'iriho amafoto ya Yvan Buravan igura yaguraga ibihumbi 30 Frw.

Iki gitaramo cyatangiye ku isaha ya saa mbiri z'umugoroba cyari kiyibowe na Massamba Intore cyateguwe mu rwego rwo kuzirikana, ibikorwa n'amateka ya Yvan Buravan wavutse tariki 27 Gicurasi 1995, yitabye Imana tariki 17 Kanama 2022 (yari afite imyaka 27 y'amavuko).

Yvan Buravan yahoranye inzozi zo gukorera igitaramo muri BK Arena nkuko yagiye abigarukaho mu biganiro yagiye agirana n'abantu batandukanye ndetse album 'Twaje' yifuzaga kuzayimurikira muri iyi nyubako.

Iki gitaramo yari afite mu nzozi kibaye nyuma y'imyaka ibiri uyu muhanzi yitabye Imana, ibitekerezo bye bishyizwe mu bikorwa n'umuryango YB Foundation ndetse n'abandi bafatanyabikorwa batandukanye bagiye kumurikira abanyarwanda n'abakunzi ba muzika ibikorwa Yvan Buravan yasize birimo ibihangano bishya atashyize hanze ndetse n'ibindi byahurijwe kuri Album 'Twaje Deluxe'.

Impakanizi na Ruti Joel nibo babimburiye abandi bahanzi muri iki gitaramo cyahurijwemo abahanzi 15 basanzwe bakunzwe mu Rwanda barimo Jules Sentore, Andy Bumuntu, Juno Kizigenza, Ish Kevin, Alyn Sano, France Mpundu, Impakanizi, Mike Kayihura, Nel Ngabo, Mani Martin na Boukuru.

Abakunzi ba muzika nyarwanda batunguwe no kubona igitaramo kirangiye ku isaha ya saa ine nyamara bumvaga aribwo batangiye kujya mu mujyo w'igitaramo dore ko bumvaga bagishaka kuririmba indirimbo za Yvan Buravan ndetse n'abahanzi bahuriye muri iki gitaramo.

1.Abahanzi bagiye babisikana ku rubyiniro

Abahanzi bose banyuze ku rubyiniro birimbanye n'itsinda ry'ababyinnyi ba Ishami Talent babyinnye indirimbo zose zacuranzwe muri iki gitaramo.

Alyn Sano na Jules Sentore bahuriye ku rubyiniro, Alyn Sano aririmba indirimbo, 'Rumuri', ubwo bari bageze ku ndirimbo 'Ni Yesu' ya Yvan Buravan gusa Impokanizi yabasanze ku rubyiniro barayiririmbana. 

Mani Martin yaririmbye indiirimbo ze ndetse n'izindi zirimo 'Tiku Tiku' ya Yvan Buravan ayibyinana na France Mpundu.

2.Andy Bumuntu yaserukanye na France Mpundu mu mbyino zanyuze benshi

Abahanzi Andy Bumuntu na France Mpundu batunguranye mu mbyino zanyuze benshi bari muri iki gitaramo baririmbana indirimbo zirimo 'Darling' ya France yakoranye na Yvan Buravan bakurikirzaho 'On Fine' mubyino zidasanzwe abyinana na France Mpundu.

3.Ish Kevin, umuraperi rukumbi waririmbye muri Twaje Fest

N’ubwo abahanzi barengaga 15, ariko bamwe batunguwe n’uburyo iki gitaramo cyaririmbyemo Umuraperi.

Ish Kevin afitanye indirimbo ‘VIP’ na Buravan. Ariko iyo usubije amaso inyuma ukareba, Buravan mu bihe bitandukanye yatanze umusanzu we mu baraperi.

Kuva iki gitaramo cyakamwamamaza, hari abatekerezaga ko kizaririmbamo abandi baraperi ariko siko byagenze, kuko Ish Kevin ariwe gusa waririmbye.

Uyu musore yagaragaje imbaraga zidasanzwe, arishimirwa mu buryo bukomeye, kugeza ubwo yaririmbye ipantalo igacika hagati ya maguru. Yihutiye kujya kuyihindura yambara ikabutura.      

4.Iki gitaramo cyasize ishusho y’ubufatanye

Ni gacye mu Rwanda haba ibitaramo bihuriza hamwe abahanzi bagafatanya mu ndirimbo nk’uko byagaragariye benshi muri ‘Twaje Fest’.

Alyn Sano yaririmbye indirimbo ye ‘Rumuri’ afashijwe na Jules Sentore, ‘Sakwe Sakwe’ yafatanyije na Boukuru ndetse na France Mpundu.

Ni mu gihe Juno Kizigenza yaririmbye ‘Yaraje’ afatanyije na Nel Ngabo- Abahanzi bamwe bo mu kiragano gishya cy’umuziki.

Umuhanzikazi Boukuru yaririmbye Mike Kayihura ariwe umucurangira indirimbo. Ni mu gihe Andy Bumuntu yaririmbanye na France Mpundu indirimbo zirimo nka ‘On Fire’ ndetse na ‘Darlin’.

5.Nta mushyashyuragamba…. Alyn Sano yagaragaye kenshi kurusha abandi

Mu Rwanda abakurikira ibitaramo bamenyereye ko ibitaramo biba bifite abashyushyarugamba (MC) bayoboye igitaramo kuburyo baza buri nyuma y'umuhanzi bakaganiriza abitabiriye cyangwa bakavuga umuhanzi ukurikiyeho.

Muri iki gitaramo siko byagenze kuko nyuma ya Massamba Intore watanze ikaze ku bitabiriye abahanzi bakurikiranye umwe k'uwundi abandi bazira rimwe bakaririmbana mu buryo ubona ko bwari bateguwe neza ntawabusanyije na mugenzi we.

Buri muhanzi yamenyaga iminota akoresha akavaho agakurikirwa n'undi nawe akabigenza uko kugeza igitaramo kirangiye.

Mu bahanzi banyuze ku rubyiniro inshuro nyinshi Alyn Sano niwe waje ku rubyiniro inshuro nyinshi ndetse ahindura imyenda inshuro eshatu, akurikirwa na Ruti Joel na Impakanizi abandi zari inshuro zitarenze ebyiri.

Nel Ngabo na Juno Kizigenza bahuriye ku rubyiniro baririmbana indirimbo “Yaraje”

Juno Kizigenza yinjiriye mu ndirimbo “Yaraje” yitiriye album ye ya mbere

Imbyino za Andy Bumuntu na France Mpundu biri mu byishimwe cyane muri iki gitaramo

Alyn Sano aririmba indirimbo “Mama”

Mani Martin yagaragaje ubuhanga mu myitwarire yamuranze ku rubyiniro

Alyn Sano aririmba indirimbo “Rumuri” imwe muzigize album ye ya mbere

Jules Sentore aririmba indirimbo “Urabaruta bose”

Massamba Intore niwe watangije igitaramo “Twaje Fest”

Impakanizi aririmba indirimbo “Ingabe” imwe muzishimiwe cyane

Nel Ngabo yahaye icyubahiro Yvan Buravan

DJ Marnaud yatunguranye muri iki gitaramo Twaje Fest

Ish Kevin yanjiriye mu ndirimbo VIP yakoranye na Yvan Buravan



Ariel Wayz yishimiwe binyuze mu ndirimbo “Shayo”


Nel Ngabo ubwo yari ageze ku ndirimbo “Mutualle”

Abahanzi bahuriye ku rubyiniro baha icyubahiro Yvan Buravan

Alyn Sano yakoresheje imbaraga nyinshi ku rubyiniro ari kumwe n’ababyinnyi Ishami Talent

Mike Kayihura na Boukuru bahuriye ku rubyiniro bahuza imbaraga mu ndirimbo “I will be your light”

Ijwi rya Mike Kayihura ryanyuze benshi binyuze mu ndirimbo yise “I just want to be There”

Juru, umwe mu bashinze sosiyete y’umuziki ya “Agura” ifasha abarimo Ruti Joel

Ku rubyiniro hari hateguwe amashusho agaragaza uko Yvan Buravan yari amerewe mu bitaro aherekejwe n’amagambo agira ati “Intore ntipfa ivuna umugara”

DJ Ira ni umwe mu bitabiriye iki gitaramo

Abakunzi ba muzika bishimiye ibirori byaranze igitaramo “Twaje Fest”

Ababyeyi ba Yvan Buravan bishimiye urukundo beretswe muri iki gitaramo

Umubyeyi wa Yvan Buravan (Burabyo Michel) yanyuzwe no kubona ibirori byateguriwe umuhungu we

Abarimo Umuyobozi Wungurije w’Ikigo cy’Igihugu cy’Itangazamakuru (RBA), Isheja Butera Sandrine bitabiriye iki gitaramo

Uyu musore akigera muri BK Arena bamwe bamubwiye ko asa na Yvan Buravan

Ubwo igitaramo cyari kigeze ku musozo bahanzi bose bahuriye ku rubyiniro baririmbana indirimbo “Twaje”

Abakunzi ba muzika nyarwanda bakurikiye igitaramo bahagaze kuva ku munota wa mbere kugeza kirangiye

Kanda hano urebe amafoto yaranze iserukiramuco “Twaje Fest” ryabaye hizihizwa ubuzima bwa Buravan

AMAFOTO: Ngabo Serge- InyaRwanda.com

Yabivugiye mu Karere ka Nyamasheke ku wa 25 Ukwakira 2024, ahizihirijwe Umunsi Mpuzamahanga w'Ibiribwa.

Nyamasheke ni kamwe mu turere dufite ingo nyinshi zitihagije kuko izigera ku 34.282 zihwanye na 36% zitihagije mu biribwa, mu gihe ku mpuzandengo mu Rwanda ingo zitihagije mu biribwa ari 20,6%.

Ibi ni byo byatumye Guverinoma y'u Rwanda ihitamo kwizihiriza uyu munsi mu Karere ka Nyamasheke mu rwego rwo gukangurira abaturage bako kongera umusaruro w'ubuhinzi n'ubworozi.

Nyamasheke ifite abaturage benshi batunzwe n'ubuhinzi n'ubworozi kuko 95% by'abantu 434,221 batuye aka Karere ari abahinzi.

Musabyimana Théophile, umuhinzi mworozi wo mu Murenge wa Nyabitekeri, yavuze ko mu mbogamizi bahura na zo zituma batihaza harimo kutabona imashini zuhira no kuba ifumbire mvaruganda itinda kubageraho.

Ati 'Iyo imvaruganda itinze hari ubwo dupfa gutera cyangwa tugateza ifumbire itariyo. Ibyo bituma tutabona umusaruro uhagije'.

Abahinzi basaba Leta ko yabafasha kugura ifumbire mvaruganda ku buryo igihe cyose umuhinzi ayikenereye yayibona.

Igiraneza Berthe yavuze ko kugira ngo babashe kwihaza mu biribwa bakeneye imashini zivomerera imyaka.

Ati 'Iwacu i Nyabitekeri ntabwo turabona imvura y'umuhindo, dufite ikibazo ko inzara izatwica. Turasaba Leta ko yadufasha tukabona imashini zuhira kuko imvura yaguye rimwe ndetse n'abateye imyaka iri kumira mu mirima'.

Nyabyenda Jean Paul uhagarariye Hinga Wunguke mu Karere ka Nyamasheke na Nyamagabe, yavuze ko mu busesenguzi bakoze basanze kimwe mu bituma abaturage ba Nyamasheke batihaza mu biribwa harimo kutabona inyongeramusaruro nyinshi kandi hafi.

Ati 'Usanga umuntu w'i Nyamasheke umwe ajya gushaka inyongeramusaruro i Kamembe, Karongi cyangwa i Kigali. Mu rwego rwo gusubiza iki kibazo tugiye kububakira ikigo cy'icyitegererezo mu nyongeramusaruro'.

Iki kigo kizaba gifite inshingano yo kubegereza inyongeramusaruro, gutanga amahugurwa y'ubuhinzi no kuvura amatungo n'ibihingwa igihe byarwaye.

Minisitiri w'Ubuhinzi n'Ubworozi, Dr. Mark Cyubahiro Bagabe, yavuze ko Umunsi Mpuzamahanga w'Ibiribwa usanze u Rwanda ruhagaze neza ariko avuga ko bidahagije. Yatanze urugero ku kuba 40% by'ibiribwa mu Rwanda bitumizwa mu mahanga.

Ati 'Ntidushonje, ntabwo dusuhuka ariko ntabwo bihagije. Ingo 20,6% mu Rwanda ntizifite ibiribwa bihagije, ni yo mpamvu tugifite akazi kenshi ko gukora'.

Minisitiri Dr Bagabe yibukije abaturage ba Nyamasheke ko bafite amahirwe arimo Ikiyaga cya Kivu, na nkunganire Leta ishyira kuri serivisi zirimo imashini zuhira, ku bwishingizi bw'imyaka n'amatungo no ku nyongeramusaruro, bityo ko bakwiye kuyabyaza umusaruro bakava mu turere dufite ikibazo cy'ibiribwa.

Imiryango 14 yorojwe muri Girinka, na yo yoroje abandi

Umuhinzi w’i Nyamasheke ubikora kinyamwuga yamuritse igitoki cy’ibilo 150 yejeje

Minisiti Dr. Marc Cyubahiro Bagabe yavuze ko hari intambwe yatewe mu kwihaza mu biribwa ariko ko idahagije

Ni igikorwa cyatangiye mu myaka ya 2021, aho abagize ihuriro rya koperative eshanu z'abarobyi ryitwa IKOA Muhazi ibumbiye hamwe abarobyi 248, biyemeje kujya bigomwa rimwe mu cyumweru ku musaruro w'amafi bakura mu kiyaga cya Muhazi bakagenera imiryango 100, buri rugo ruhabwa ikilo kimwe kugeza kuri bitatu by'indagara zitwa indugu, kugira ngo batekere abana babo bakomeze kugira imirire myiza.

Perezida w'Ihuriro rya Koperative z'abarobyi, IKOA Muhazi, Gatete Alphonse yavuze ko buri kwezi bafatanya n'abajyanama b'ubuzima ndetse n'inzego z'akagari n'umudugudu, bakagenzura niba abana bagenewe iryo funguro batangiye kuva mu mirire mibi.

Nsengiyumva Emmanuel, Umunyamabanga Nshingwabikorwa w'Akagari ka Nyarubuye, kamwe mu tugize Umurenge wa Munyiginya, yabwiye IGIHE ko ibi bikorwa byatanze umusaruro mu kurwanya imirire mibi mu bana.

Bamwe mu bagenerwabikorwa bakiriye iyi nyunganiramirire, bavuga ko byazamuye urugero abana babo bakuragamo, bituma bongera ibiro.

Nyirabagisha Venantie wo Mu mudugudu wa Buyanja, Akagari ka Nyarubuye, Umurenge wa Munyiginya, yavuze ko indugu ahabwa,azicamutsa akajya atekera umwana we nkeya kuri buri funguro afashe ntiziburemo .

Ati “Kumuha indugu ni nko kumuha igi cyangwa inyama. Byaradufashije haba ku mwana haba no kuri twe ababyeyi n'umuryango wose, batugiriye neza. Umwana wanjye bazihaye yarakuze rwose, ubu arakina, ndetse yanatangiye kwiga ubu namusize mu ishuri ry'incuke.''

Nsanzumuhire Jean Claude, na we utuye muri aka gace, yavuze ko iki gikorwa cy'abarobyi cyabakanguye ubwonko bakamenya akamaro k'indugu mu mirire ku buryo byatumye barenga n'urwego rwo gutegereza iz'impano gusa nabo bagatangira kujya baza kuzigurira ku kiyaga.

Ati “Iyi Muhazi yamye hano, ariko ubumenyi buke ntibwatumaga dutekereza gukurikirana ngo tugaburire abana bacu aya mafi, none ubu twarakangutse, tuza no kuzigurira hano, tukagenda tugasekuramo ifu, buri funguro zikajyamo, kandi ubona birimo bizamura imirire iboneye rwose.''

Nambajimana Phocas, Umukozi w'Ikigo cy'Igihugu Gishinzwe Ubuhinzi n'Ubworozi (RAB) mu Ntara y'Iburasirazuba n'Umujyi wa Kigali, yavuze ko iki ari igikorwa cyo gushima, kuko aba barobyi bagize uruhare mu kuzamura agace batuyemo binyuze mu byo bakora.

Yagaragaje umwihariko w'imyama z'amafi n'intungamubiri zihariye zirimo, asaba abaturage kurushaho kwitabira kuzirya.

Ati “Amafi afite umwihariko ugereranije n'izindi nyama zitukura turya zaba inka, ihene. Ni inyama y'umweru itagira ikinyamavuta bita 'cholesterol', gitera indwara yitwa 'goute'. Afite n'indi ntungamubiri yitwa Omega-3 igira uruhare mu gukuza uturemangingo tw'ubwonko bw'umwana, ikanasigasira utw'abageze mu zabukuru, ari ho havuye imvugo ko amafi atera ubwenge.''

Yasoje akangurira n'abandi barobyi bo hirya no hino mu gihugu, kugaragaza uruhare rwabo mu kuzamura imirire myiza y'aho batuye begereza abaturanyi babo amafi nk'uko aba b'i Munyiginya babikoze.

Mu mwaka wa 2022/2023, mu Rwanda, habonetse umusaruro w'amafi ungana na toni 46.495, RAB ikavuga uyu mwaka wa 2023/2024, imibare yakomeje kuzamuka.

Indugu zafashije mu kurwanya imirire mibi muri Rwamagana no mu bindi bice byegereye Muhazi.

Byubura ibiro 100 by’indugu bihabwa imiryango 100 buri cyumweru bifite abana bari mu mirire mibi ngo bayivemo.

Ubworozi bw’amafi bukorerwa ku kiyaga cya rwamagana bugira uruhare mu kurwanya imirire mibi mu bahaturiye

Aba mbere bageze kuri  BK Arena guhera saa kumi z'umugoroba ababishaka bapimwa kanseri y'impindura abandi babanza kuramukanya n'inshuti n'abandimwe bazanye muri iki gitaramo mbere y'uko imiryango ifungurwa ku isaha ya saa moya z'ijoro.

Iki gitaramo kiyibowe na Massamba Intore cyateguwe mu rwego rwo kuzirikana, ibikorwa n'amateka ya Yvan Buravan wavutse tariki 27 Gicurasi 1995, yitabye Imana tariki 17 Kanama 2022 (yari afite imyaka 27 y'amavuko).

 Ni igitaramo cyiganjemo amashusho ya Yvan Buravan yafashwe mu bihe bitandukanye akiriho ari kunyuzwa ku nsakazamashusho ziri muri BK Arena mu rwego rwo kurushaho kwibukiranya ibihe byaranze Yvan Buravan.

Yvan Buravan yahoranye inzozi zo gukorera igitaramo muri BK Arena nkuko yagiye abigarukaho mu biganiro yagiye agirana n'abantu batandukanye ndetse album 'Twaje' yifuzaga kuzayimurikira muri iyi nyubako.

Iki gitaramo yari afite mu nzozi kibaye nyuma y'imyaka ibiri uyu muhanzi yitabye Imana, ibitekerezo bye bishyizwe mu bikorwa n'umuryango YB Foundation ndetse n'abandi bafatanyabikorwa batandukanye bagiye kumurikira abanyarwanda n'abakunzi ba muzika ibikorwa Yvan Buravan yasize birimo ibihangano bishya atashyize hanze ndetse n'ibindi byahurijwe ku cyiswe 'Twaje Deluxe'

Impakanizi na Ruti Joel nibo babimburiye abandi bahanzi muri iki gitaramo cyahurijwemo abahanzi 15 basanzwe bakunzwe mu Rwanda barimo Jules Sentore, DJ Pius, Andy Bumuntu, Juno Kizigenza, Ish Kevin, Alyn Sano, France Mpundu, Impakanizi, Mike Kayihura, Nel Ngabo, Mani Martin na Boukuru.

Burabyo azwiho kuba ari we muhanzi nyarwanda wakoze amateka mu mpera z'umwaka wa 2018, ubwo yegukanaga igihembo cyitwa 'Prix Découvertes' gitangwa na Radio y'abafaransa RFI.

Urukundo benshi bakundaga uyu muhanzi rwagaragaje ko ari uw’agaciro kuwa 23 Kanama 2022, mu muhango wo kwizihiza ubuzima bwe kuko yavuzwe ibigwi birimo gukunda abantu, guca bugufi, gushyigikirana n’ibindi byaranze ubuzima bwe.

Imyaka irindwi atangiye umuziki mu buryo bw'umwuga yari ihagije ngo Yvan Buravan asezerweho nk'intwari mu muhango utarigeze ukorerwa undi muhanzi uwo ari we wese mu Rwanda.

Yvan Buravan yasezeweho nk'intore, nk'umwana w'igihugu ari nayo mpamvu uyu muhango wabereye ahasanzwe habera ibitaramo bikomeye ndetse akaba ariho yamurikiye alubumu ye ya mbere. Ni muri Camp Kigali.

Ihema risanzwe rijyamo abantu ibihumbi bitatu ryari ryuzuye ndetse n'abandi benshi cyane ntibabashije kwinjira, basubira mu ngo zabo babikurikirana kuri Televiziyo na YouTube.

Yvan Buravan wakuranye inzozi zo kuba umukinnyi wa ruhago avuga ko umuziki waje kumira umupira w'amaguru bityo abona aho aganisha ubuzima bwe.

Mu 2009 ubwo yari yujuje imyaka 14 y'amavuko Yvan Buravan yitabiriye irushanwa ry'ikigo cya Rwandatel yifuzaga abanyempano bashoboraga kubakorera indirimbo, icyo gihe yitwara neza mu guhatana aba uwa kabiri.

Nyuma yo guhembwa miliyoni 1,5Frw byatumye abona ko umuziki aricyo kizamutunga aho kuba ruhago nk'uko yari yarakuze abitekereza.

Kuva mu 2009 Yvan Buravan yatangiye urugendo rwo gutekereza uko yakwinjira mu muziki ariko nanone yagiye agorwa no kubona aho amenera. 

Uyu musore yagiye akora indirimbo zinyuranye ariko zitakunzwe cyane, kugeza mu 2015 ubwo yahuraga n'abagize sosiyete ya New Level yamuhaye ikaze mu muziki nk'umuhanzi wabigize umwuga. 

Yvan Buravan na New level batangiye urugendo mu 2016 basohora indirimbo nka Bindimo, Urwo ngukunda yakoranye na Uncle Austin, Malaika, Ninjye nawe, Just a dance, This is love, Oya, Garagaza, Si belle, canga Irangi yakoranye na Active n'izindi nyinshi.

Iki gitaramo cyitabiriwe n’abakunzi ba muzika nyarwanda batandukanye

Darest yishimiye kugera ahabereye iki gitaramo

Juno Kizigenza akigera muri BK Arena

Ruti Joel na Ariel Wayz bakigera muri BK Arena

Andy Bumuntu yinjira muri BK Arena

Ababyeyi ba Yvan Buravan mu gitaramo Twaje Fest

Akanyamuneza kari ku maso y’abitabiriye iki gitaramo

Ubwo yari afashe ijambo, Minisitiri w'Ubukerarugendo, siporo,ubuhanzi n'umuco mu Bwami bwa Lesotho Motlatsi Maqelepo nyuma y'umuganda batereyemo ibiti, yashimiye abawitabiriye ahamya ko u Rwanda ari igihugu cy'icyitegererezo muri Afurika.

Ati 'Twishimiye kubana namwe muri iki gikorwa rusange cy'abaturage cyo kurengera ibidukikije, turabashimira ku bw'urukundo mwatweretse, tuzataha duhamya ko twahuye n'abaturage beza cyane.'

Uyu muyobozi yavuze ko yishimiye uburyo abaturage b'u Rwanda bagaragaza ko bafitiye icyizere ubuyobozi bwabo, ibitari kugaragara henshi muri Afurika.

Ati 'Reka mbivuge nshize amanga abaturage benshi bo ku Mugabane wa Afurika bagaragaza ko bamaze gutakariza icyizere ubuyobozi bwabo, twishimiye ko abaturage b'u Rwanda bafitiye icyizere ubuyobozi bwabo kandi ni ibintu byigaragaza kuko u Rwanda ni inyenyeri kuri uyu mugabane.'

Yakomeje ahamya ko Ubwami bwa Lesotho n'ubuyobozi bw'u Rwanda bakomeje inzira bahisemo y'umubano mwiza hagati y'ibihugu byombi, bityo yizeza abari bitabiriye uyu muganda ko utazigera usubira inyuma.

Si Minisitiri w'Ubukerarugendo, siporo, ubuhanzi n'umuco mu Bwami bwa Lesotho Motlatsi Maqelepo gusa wari witabiriye uyu muganda, kuko hari na mugenzi we akaba Minisitiri w'amashyamba n'ibidukikije Adontsi John Letsema.

Ni umuganda ariko kandi wanitabiriwe n'abarimo Umunyamabanga wa Leta muri Minisiteri y'Ubutegetsi bw'Igihugu Marie Solange Kayisire, Visi Perezida w'Umutwe w'Abadepite Harerimana Mussa Fazil n'abandi badepite barimo Speciose Mukandanga, Marie Therese Uwubutatu.

Aba ariko kandi bifatanyaga n'ubuyobozi bw'Akarere ka Bugesera bwari burangajwe imbere n'Umuyobozi wako Richard Mutabazi.

Visi Perezida w'Umutwe w'Abadepite Harerimana Musa Fazil, yashimiye abanya-Bugesera babagiriye icyizere bakabatora nyuma yo gutora umukuru w'Igihugu Perezida Kagame yongeraho ko abaturage bakwiye kumva ko bakwiye kumushyigikira.

Ati 'Ntabwo dukwiye kumutererana kuko twamutoye ngo dufatanye, kandi mu bufatanye bwacu ahora atwibutsa ko umuturage ari ku Isonga.'

Harerimana yavuze ko nk'Umutwe w'Abadepite ushinzwe kugenzura ibikorwa bya Guverinoma kandi biba mu baturage ariyo mpamvu bahitamo kujya kubasura aho batuye kugira ngo bagenzure ko bari ku isonga.

Abayobozi batandukanye babanje kuganira mbere y’uko umuganda utangira

Bwiza ubwo yateraga igiti mu Karumuna ho mu Bugesera ari naho iwabo

Umunyamabanga wa Leta muri Minisiteri y’Ubutegetsi bw’Igihugu, Marie Solange Kayisire yari mu bitabiriye uyu muganda

Harerimana wari umushyitsi mukuru niwe wahaye ikaze abashyitsi bitabiriye uyu muganda

Abaturage bo mu Karere ka Bugesera bitabiriye umuganda ari benshi

Muri uyu muganda uretse gutera ibiti banasibuye umuhanda worohereza abaturage mu migenderanire

Ubwo abayobozi baturutse muri Lesotho bari bageze ahabereye umuganda rusange

Minisitiri w'Ubukerarugendo siporo ubuhanzi n'umuco mu Bwami bwa Lesotho Motlatsi Maqelepo yitabiriye umuganda rusange ari kumwe na mugenzi we ushinzwe amashyamba n'ibidukikije Adontsi John Letsema

Nyuma y’umuganda abaturage basabanye n’abayobozi bitabiriye umuganda rusange