Nyuma y’umusaruro mubi, Manchester United yamaze kwirukana uwari umutoza wayo, Michael Carrick.
Michael Carrick yirukanywe kuri uyu wa Kane tariki ya 12 Ugushyingo 2026 nyuma y’inama yahuye abayobozi bakuru b’iyi kipe barimo Umuyobozi Mukuru Omar Berrada, ushinzwe umupira w’amaguru Jason Wilcox na Sir Jim Ratcliffe ufite imigabane muri iyi kipe. Iyi nama yabereye i Monaco ku wa Gatatu.
Uyu mutoza yirukanywe nyuma yo gutsinda umukino umwe mu mikino 10 ibanza ya Shampiyona y’u Bwongereza y’uyu mwaka wa 2026-27.
Umukino washyize iherezo ku kazi ke muri Manchester United ni uwo yanganyijemo na Aston Villa ibitego 4-4 tariki ya 8 Ugushyingo 2026 iguma ku mwanya wa 18 muri Premier League.
Michael Carrick, yinjiye muri Manchester United ari umutoza w’agateganyo mbere yo guhabwa amasezerano y’imyaka ibiri muri Gicurasi, yagombaga kurangira mu 2028. Yari yasimbuye Ruben Amorim muri Mutarama 2026.
Mu mikino 16 yatoje mu gice cya kabiri cy’umwaka ushize w’imikino, Carrick yari yatsinzemo 11, afasha Manchester United gusoreza ku mwanya wa gatatu no kubona itike yo gukina UEFA Champions League.
Umutoza w’Umunya-Argentine, Mauricio Pochettino, utoza Ikipe y’Igihugu ya Leta Zunze Ubumwe za Amerika, ni we uri imbere mu bahabwa amahirwe yo gusimbura Carrick.
Source : http://isimbi.rw/manchester-united-united-yirukanye-michael-carrick.html
Leave a Reply