Rayon Sports yasinyishije rutahizamu mushya #rwanda #RwOT

Rayon Sports yatangaje ko yamaze gusinyisha rutahizamu ukomoka muri Cameroun, Junior Kameni.

Uyu rutahizamu w’inyaka 25 akaba yakiniraga ikipe ya Khor Fakkan FC yo muri Leta Zunze Ubumwe z’Abarabu.

Ibinyujije ku mbuga nkoranyambaga zayo, yemeje ko uyu rutahizamu ari umukinnyi wayo uzayofasha mu mwaka w’imikino wa 2026-27.

Junior Kameni yakiniye amakipe nka Union Touarga na FUS Rabat zo muri Maroc, Naestved BK yo muri Denmark, Sharjah FC na Khor Fakkan zo muri Leta Zunze Ubumwe z’Abarabu.

Junior Kameni aje muri Rayon Sports asanga abandi bakinnyi iheruka gusinyisha nka Muderi Akbar, Issa Djiguiba, Charles Tchouplaou, Nshuti Didier, Ndayishimiye Didier, Matumona Wakonda Kanda, Muhoza Daniel, Nkundimana Fabio, Nizeyimana Moubarak, Nisingizwe Christian Bebeto.

Junior Kameni yasinyiye Rayon Sports

Rayon Sports yatangaje rutahizamu mushya