Tag: featured

Ku rubuga rwa Polisi y’u Rwanda baravuga ko uwo muturage yafashwe nyuma y’amakuru yatanzwe n’abaturage.

Umuvugizi wa Polisi mu Ntara y’Iburengerazuba, Chief Inspector of Police (CIP) Bonaventure Twizere Karekezi, yavuze ko Segahutu yari yarakoze igisa nk’uruganda iwe mu rugo, kuko ni naho ziriya nzoga zafataiwe.

Yagize ati “Tumaze kumenya ayo makuru twateguye igikorwa cyo kujya iwe kureba, twasanze ahafite igisa nk’uruganda kuko twasanze amaze gukora litiro 1000 ategereje abakiriya be baza kuzirangura. Hari kandi n’ibindi bikoresho bitandukanye yifashisha akora iyo nzoga”.

CIP Karekezi yavuze ko Segahutu iyo akora iriya nzoga yifashisha ibintu bitandukanye birimo isukari ndetse n’umusemburo wa Pakimaya. Yakomeje avuga ko uruvange rw’ibintu yifashisha bitizewe, bikaba ari byo bitera imyitwarire itari myiza ababinyoye.

Yagize ati “Nk’uko inzoga ubwayo yitwa (Dunda Ubwonko) abayinyweye iyo bamaze gusinda bararwana bagakora ibyaha bitandukanye birimo gukubita no gukomeretsa, amakimbirane mu miryango ndetse n’urundi rugomo rutandukanye.

Iriya nzoga kandi ishobora kugira ingaruka ku buzima bw’uwayinyoye akaba yakwitaba Imana cyangwa ikamutera uburwayi kubera umwanda bayikorana”.

Umuvugizi wa Polisi yakanguriye abaturage kwirinda izo nzoga bakajya bihutira gutanga amakuru, anashimira abakomeje gufatanya na Polisi mu kurwanya izo nzoga ndetse n’ibindi byaha batangira amakuru ku gihe.

Inzoga zahise zimwenwa, naho nyirazo Segahutu Yotam ashyikirizwa ubuyobozi bw’inzego z’ibanze acibwa amande hakurikijwe amategeko.

Si ubwa mbere mu Karere ka Nyabihu hafatirwa abantu bakora inzoga zitemewe, kuko mu kwezi gushize kwa Nzeri, Polisi yakoze igikorwa cyo kurwanya abakora inzoga zitujuje ubuziranenge hafatwa litiro zirenga 1,900.

Ingingo ya 5 y’Iteka rya minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo, rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni 20, ariko atarenze miliyoni 30, ku byerekeye ibiyobyabwenge bihambaye.

Isoko ry’igura n’igurisha ryaraye rifunze amakipe yiguriye abakinnyi andi biranga

Ku i Saa Sita z’ijoro zo kuri uyu wa Mbere tariki 05/10/2020, ni bwo isoko ry’igura n’igurisha ku mugabane w’I Burayi ryari rifunzwe, rirangira ikipe ya Arsenal na Manchester United ari zo zisinyishije abakinnyi mu minota ya nyuma.

Abakinnyi batanu bavuzwe cyane mu basinyishijwe ku munsi wa nyuma

1. Thomas Partey muri Arsenal

Nyuma y’imyaka 8 akinira ari mu ikipe ya Atletico Madrid, umunya-Ghana Thomas Partey w’imyaka 27 yamaze gusinyira ikipe ya Arsenal amasezerano y’imyaka ine, akazajya yambara numero 18 nyuma yo gutangwaho Miliyoni 45 z’amapounds.

Thomas Partey azajya yambara numero 18 muri Arsenal

Uyu mukinnyi ukina mu kibuga hagati yasinyishijwe nyuma y’aho ibiganiro hagati y’amakipe yombi byasaga nk’ibyananiranye bijyanye n’igiciro cy’umukinnyi, biba ngombwa ko Arsenal ifata umwanzuro wo kwemera kwishyura amafaranga yari ari mu masezerano y’uyu mukinnyi.

2. Edinson Cavani muri Manchester United

Ku myaka ye 33 nyuma yo gutandukana na Paris Saint-Germain, umunya-Uruguay Edinson Cavani yamaze gusinyira ikipe ya Manchester amasezerano y’umwaka umwe ushobora kongerwa, akaba yahise anahabwa numero 7 isanzwe ihabwa ibihangange.

3. Eric Maxim Choupo-Moting muri Bayern Munich

Ni rutahizamu w’imyaka 31 ukomoka mu gihugu cya Cameroun, akaba yasinyiye ikipe ya Bayern Munchen amasezerano y’imyaka ibiri avuye muri Paris Saint-Germain, akaba yitezweho kunganira ubusatirizi bw’iyi kipe busanzwe buyobowe na Robert Lewandowski.

4. RafinhaAlcantra muri Paris Saint-Germain

Uyu ni umwe mu bakinnyi batunguranye ku munsi wa nyuma, aho uyu munya-Brasil wari umaze imyaka icyenda muri FC Barcelone, ariko akaba yaragiye atizwa mu makipe arimo Celta Vigo na Inter de Milan, ubu yamaze kugurishwa bidasubirwaho mu ikipe ya Paris Saint-Germain

5. Bouna Sarr wavuye muri Olympique de Marseille yerekeza muri Bayern

Ni myugariro w’imyaka 20 ukomoka i Conakry muri Côte d’Ivoire, akaba yasinyiye ikipe ya Bayern Munchen atanzweho asaga Miliyoni z’amapounds, akazajya yambara numero 20.

Abandi bakinnyi bahinduye amakipe ku mugabane w’I Burayi muri iyi minsi ya nyuma

Chris Smalling – Man Utd > AS Roma

Tiemoue Bakayoko – Chelsea > Napoli

Lucas Torreira – Arsenal > Atletico Madrid

Matteo Guendouzi – Arsenal > Hertha Berlin

Ryan Sessegnon – Tottenham > Hoffenheim

Davy Klaassen – Werder Bremen > Ajax

Eric Maxim Choupo-Moting > PSG to Bayern Munich

Douglas Costa – Juventus > Bayern Munich

Justin Kluivert – Roma > RB Leipzig

Sofiane Boufal – Southampton > Angers

Gerard Deulofeu – Watford > Udinese

Aleix Garcia – Man City > Dinamo Bucharest

Sandro Ramirez – Everton > SD Huesca

Saido Berahino – Zulte Waregem > Sporting de Charleroi

Ku gicamunsi cyo kuri uyu wa Mbere kuri stade ya Kigali i Nyamirambo, habereye umuhango wo gupima Coronavirus abakinnyi, abatoza ndetse n’abandi bakozi ba AS Kigali, mu rwego kwitegura umwaka w’imikino 2020/2021.

AS Kigali ikaba ibaye ikipe ya kabiri ikoze iki gikorwa nyuma y’ikipe ya APR Fc yo yahise inatangira imyitozo ku Cyumweru tariki 04/10/2020, izi zombi zikaba ziri gutegura amarushanwa nyafurika zizahagarariramo u Rwanda.

As Kigali Players and Staff tested Covid-19 to Day.@CityofKigali @FERWAFA@PudenceR @UmutoniNadine@FabriceFshema@FrancisGasana pic.twitter.com/w8elVQ7Isb

— As Kigali (@AsKigali1) October 5, 2020

Nyuma yo gupimisha aba bakinnyi, bagombaga guhita bajya mu mwiherero nyuma bakazatangira imyitozo kuri uyu wa Gatatu tariki 07/10/2020, imyitozo izajya ibera kuri stade ya Kigali i Nyamirambo.

Ako Karere kabinyujije kuri Twitter kagize kati “Abashaka ikigage cyujuje ubuziranenge tubahaye ikaze iwacu muri Kamonyi.”

Guverineri w’Intara y’Amajyepfo Madame Alice Kayitesi ari kumwe n’inama y’ubutegetsi y’Uruganda rw’Ikigage rwubatse muri Runda, ndetse n’ubuyobozi bw’Akarere ka Kamonyi, basuye urwo ruganda tariki 05 Ukwakira 2020 bagamije kureba uko imirimo yo gutunganya ikigage ihagaze.

Ako Karere karavuga ko biteganyijwe ko nyuma y’ukwezi kw’igerageza iki kinyobwa kizaba cyatangiye kugezwa ku isoko mu buryo bwagutse.

Uru ruganda rwitezeho kugeza ikigage ku bagikunda, dore ko hari bamwe batakinywaga nyamara atari uko bacyanga, ahubwo ari ukubera ko babaga batizeye ubuziranenge bw’uburyo gitunganywamo.

Uru ruganda rwitezweho kandi guteza imbere igihingwa cy’amasaka, kimwe mu bihingwa gakondo cyasaga n’ikigenda kizimira. Ibi bizateza n’imbere abahinzi b’amasaka kuko umusaruro wabo uzaba ufite isoko.