Blog

Yabigarutseho ubwo yari mu nama y'Umuryango Mpuzamahanga uhuza ibigo by'Indege za Gisivile (ICAO) yabereye i Abu Dhabi, kuva kuwa 10-12 Gashyantare 2025.

Udahemuka yatangaje ko u Rwanda rufite intego yo guteza imbere urwego rw'ubwikorezi bwo mu kirere muri Afurika binyuze mu kigo cy'u Rwanda gitanga ubumenyi mpuzamahanga mu bijyanye n'indege za gisivile (Rwanda Civil Aviation Training & Innovation Center: RCATIC).

Ati 'RCATIC ifite intego yo kuzaba kimwe mu bigo bikomeye bitanga amahugurwa mu by'indege muri Afurika, binashimangira intego y'u Rwanda yo guteza imbere uru rwego.'

Iki kigo cyatangiye muri Kamena 2024, mu Ugushyingo 2024 gihabwa icyemezo cy'umunyamuryango wa ICAO wujuje ibisabwa byose ngo atange amasomo.

Kugeza ubu abantu 25 baturutse mu bihugu bitandukanye bya Afurika bahugurirwa muri RCATIC buri kwezi.

Udahemuka yahamije ko guhorana ibishya no gukoresha ikoranabuhanga rigezweho ari ngombwa kugira ngo ibigo by'ubwikorezi bwo mu kirere bitere imbere.

Ati 'Igihe cyiza ni iki ngo dushyireho gahunda yo guhanga ibishya mu masomo yacu ari na yo mpamvu ikigo cyacu cyitwa RCATIC. Duhamya tudashidikanya ko kugira ngo buri kigo cy'ingendo zo mu kirere kigere ku ntego kigomba gukoresha ubwenge buhangano n'ikoranabuhanga rigezweho harimo n'ikoranabuhanga ritwara indege nta bapilote.'

TimesAerospace yanditse ko hateganyijwe amasezerano azasinywa hagati ya RCATIC na ICAO muri iyi nama, nyuma hakazabaho andi n'ibindi bigo byo mu bice bitandukanye by'Isi bitanga amahugurwa ku byerekeye gutwara indege.

Umuyobozi Mukuru wa RCAA Silas Udahemuka yavuze ko ikoranabuhanga ari ingenzi mu bwikorezi bwo mu kirere

Ku mugoroba wo ku wa 11 Gashyantare 2025, ni bwo Perezida Kagame yageze i Doha muri Qatar, mu ruzinduko rw'akazi yakirwa n'Umunyamabanga Mukuru muri Minisiteri y'Ububanyi n'Amahanga y'icyo gihugu, Dr. Ahmad bin Hassen Al-Hammadi, ku Kibuga cy'Indege Mpuzamahanga cya Hamad.

U Rwanda na Qatar ni ibihugu by'inshuti ndetse bifitanye ubufatanye mu nzego zitandukanye zigirira umumaro impande zombi.

Ibi bihugu bifatanya mu bijyanye n'umutekano, guteza imbere ishoramari n'ubufatanye mu bijyanye n'ubukungu, ubucuruzi n'ikoranabuhanga, ubukerarugendo, kurwanya ruswa n'ibindi.

Qatar kandi iri gufatanya n'u Rwanda mu ishoramari rijyanye n'ubwikorezi, cyane cyane mu mushinga w'Ikibuga cy'Indege cya Bugesera, aho Qatar Airways ifitemo imigabane ingana na 60%.

Muri Mutarama 2025, Perezida Kagame yavuze ko hari byinshi biri gukorwa bijyanye n'amasezerano u Rwanda rwasinyanye na Qatar mu kubaka Ikibuga Mpuzamahanga cy'Indege cya Bugesera no kugura imigabane ingana na 49% muri RwandAir, kandi ko ibyinshi bigeze ahashimishije.

Kuri uyu wa Gatatu tariki 12 Gashyantare 2025, ni bwo Perezida Kagame yasoje uruzinduko rw'akazi muri Qatar, aho yageze ku mugoroba wo ku wa 11 Gashyantare.

Umukuru w'igihugu n'abo bari bajyanye, baherekejwe n'Umunyamabanga Mukuru muri Minisiteri y'Ububanyi n'Amahanga ya Qatar, Dr. Ahmed bin Hassan Al Hammadi, ndetse na Ambasaderi w'u Rwanda muri Qatar, Igor Marara Kayinamura, ku Kibuga cy'Indege Mpuzamahanga cya Hamad.

Perezida Kagame yakiriwe na Emir wa Qatar Sheikh Tamim bin Hamad Al Thani

Aba bakuru b’ibihugu baganiriye ku mubano mwiza usanzweho hagati y’ibihugu byombi n’ubufatanye mu nzego zitandukanye

Perezida Kagame yageze i Doha ku wa 11 Gashyantare mu ruzinduko rw’akazi

Perezida Kagame yarangije uruzinduko rw’akazi muri Qatar kuri uyu wa 12 Gashyantare 2025

Itangazo ryaturutse mu Biro bya Minisitiri w'Intebe kuri uyu wa 11 Gashyantare 2025, ryatangaje ko abakomeretse bahise bajyanwa ku bitaro bitandukanye bakaba bari kwitabwaho n'abaganga.

Ryakomeje riti “Guverinoma iratanga ubufasha bukenewe ku miryango yabuze ababo no ku bakomerekeye muri iyi mpanuka.”

Iyi mpanuka yabaye kuri uyu wa Kabiri tariki 11 Gashyantare 2025. Ni iya bisi nini ya sosiyete International Express, yavaga mu Mujyi wa Kigali yerekeza mu Mujyi wa Musanze, bivugwa ko yari itwaye abagera kuri 52.

Umuvugizi wa Polisi y'u Rwanda, ACP Rutikanga Boniface yabwiye IGIHE ko iyo modoka yarenze umuhanda ikagwa mu manga muri metero zigera kuri 800.

Ati 'Yarenze umuhanda rero igwa munsi yawo hafi metero 800 uvuye ku muhanda, murabizi ko hariya ari mu misozi.'

Guverinoma y'u Rwanda yibukije abatwara ibinyabiziga kubahiriza amategeko n'amabwiriza byo mu muhanda.

Itangazo ryakomeje riti “Tuributsa abakoresha umuhanda, cyane cyane abatwara ibinyabiziga, kubahiriza amategeko n'amabwiriza bigenga imikoreshereze y'umuhanda kugira ngo hirindwe impanuka zihitana ubuzima bw'abantu.”

Bisa nk'agahu gatambuka mu maso y'abakinnyi ba Rayon Sports kuko akenshi usanga baba umukino bawufite ariko kurya inka n'umurizo bikanga, ikisanga itsinzwe igitego nta muntu n'umwe wabikekaga.

Reka dufate umwaka wa 2025

Kuva umwaka wa 2025 watangira, ikipe ya Rayon Sports imaze gukina imikino 4, harimo uwa shampiyona yatsinzemo Police FC ibitego 2-0, uwo batsinzwemo na Mukura ibitego 2-1, nyuma mu mikino y'igikombe cy'Amahoro banganya na Police FC igitego kimwe kuri kimwe ariko basezererwa kuri penaliti, ndetse mu mukino wa mbere wo kwishyura wa shampiyona wabaye mu cyumweru gishize banganya na Musanze FC ibitego 2-2. 

Rayon Sports mu 2025 mu mikino ine imaze gukina, ifite amanota 4 kuri 12, ikaba imaze gutakaza amanota 8.

Rayon ifite impera z'umukino ziteye impungenge

Ikipe ya Rayon Sports imaze gutsindwa ibitego 5 mu mikino 4 imaze gukina mu 2025. Ibi bitego 5, bine muri byo Rayon Sports yabitsinzwe mu mpera z'umukino haba mu gice cya mbere cyangwa umukino ugana ku musozo mbese bongeyeho iminota y'inyongera.

Rayon Sports imaze imikino 3 idatsinda 

Ubwo ikipe ya Rayon Sports yatsindwaga na Mukura ibitego 2-1 ibitego 2, byose byagiyemo mu minota y'inyongera y'igice cya mbere harimo igitego cya Jordan Nzau Dimbumba yatsinze ku munota wa 45+2 ndetse na Niyonizeye Fred watsinze ku munota wa 45+5.

Ntabwo byatinze ku mukino wakurikuyeho, Rayon Sports yahuye na Police FC mu mikino y'igikombe cy'Ubutwari,iyobora uyu mukino ndetse ibona igitego mu gice cya kabiri hakiri kare. Umusifuzi w'umukino yongeyeho iminota 5 ikipe ya Police FC ibona igitego cyo kunganya ku munota wa 90+2, isezererwa kuri penaliti.

Nkaho ibyo bidahagije, mu mpera z'icyumweru gishize, Rayon Sports yahise yakira Musanze FC mu mukino ufungura imikino yo kwishyura. Uyu mukino warangiye ari ibitego 2-2.

Uyu mukino Rayon Sports yabanje igitego mu mpera z'igice cya mbere, gusa nayo yaje gutsindwa igitego cya mbere mu minota y'inyongera y'igice cya mbere cyatsinzwe na Sunday Inemest ku munota wa 45+7. Rayon Sports yake kubona igitego cya kabiri gusa ku munota 89 umukino urimo guhumuza, Rayon Sports yaje gutsindwa igitego cyo kunganya cyatsinzwe na Adeaga Adeshola.

Ni iki kiri gutuma Rayon Sports yamburirwa mu minota y'inyongera?

Iyo usesenguye neza uburyo Rayon Sports yagiye itsindwamo ibitego 4 muri 5 imanaze gutsindwa muri uyu mwaka, usanga imwe mu mpamvu nyamukuru ari ukuva mu mukino bya hato na hato.

Urebye nk'umukino wabereye i Huye, bamwe mu bakinnyi ba Rayon Sport mu mitwe yabo bumvaga ko bagiye kujya mu karuhuko ndetse bakaza bakina neza igice cya kabiri, ndetse bigendanye n'uko bari bamaze iminsi bitwara bumvaga nta kipe yapfa kubatsinda ndetseko ko ibyananiye andi makipe Mukura atariyo yabikora mu minota yari yongeweho.

Musanze FC yabarishije nabi ikipe ya Rayon Sports mu mpera z’icyumweru gishize 

Ikindi umuntu yavuga kandi, ni uko Rayon Sports kuva yatandukana na Eyabongs wayongereraga imbaraga, kuri ubu umukino ujya kurangira nta nkuru abakinnyi hafi ya bose ubona barushye ndetse bavuye mu kibuga

Izamu Rayon Sports rifite icyuho

Kuri ubu, uburambe ndetse n'ubushobozi buke bw'imitoreza ya Mazimpaka Andre nabyo byatangiye gutanga ibimenyetso kuko urebye mu izamu rya Rayon Sports urasanga umuzamu Khadime Ndiyaye ibigize umunyezamu byose yarabitakaje haba ikinyabupfura ndetse n'umusaruro w'ikibuga usanzwe.

Mu mikino 13 ya shampiyona ya 2024/25 Rayon Sports yakinnye muri 2024 yatsinzwemo ibitego 4, naho imikino 3 ya shampiyona imaze gukina muri 2025 imaze gutsindwamo ibitego 4

Ku wa 15 Mutarama1967, NFL yatangiye gutegura imikino ya Super Bowl icyo gihe yitwa AFL-NFL World Championship Game igahuza amakipe aba yitwaye neza muri 'confrence' ebyiri zitandukanye. Ayo makipe aturuka muri American Football Conference (AFC) and the National Football Conference (NFC).

Ku ikubitiro, The Green Bay Packers yatsinze the Kansas City Chiefs ibitego 35-10.

Nyuma yo gushyiraho uyu mukino uhuza amakipe aba yitwaye neza kugira ngo haboneke umwami wa ruhago yo muri Amerika, hatekerejwe n'uburyo bwo gushyiraho umuziki hanyuma abantu bakareba umukino ariko bakanaryoherwa n'umuziki.

Band y’abanyeshuri bakora akarasisi bakanacuranga bo muri Leta ya Arizona niyo yabaye iya mbere mu mateka, itanga ibyishimo ku bitabiriye uyu mukino. Bacuranze umuziki mu mukino hagati hanyuma benshi banyurwa nabyo.

Nyuma yo kubona ko ari byiza, byakomeje muri uwo mujyo ariko bigeze mu mwaka wa 1993, habaye agashya handikwa amateka mashya y'uko ibi birori biba hagati mu mukino byarebwe cyane.

Icyo gihe, umunyabigwi Michael Jackson niwe waririmbye, hanyuma ibyo birori bye bikurikirwa ndetse birebwa n'abantu barenga Miliyoni 133.4. Icyo gihe, ibi birori byahagurukije Isi yose bihangwa amaso n'amahanga yose.

Nyuma y'imyaka 32 harabuza uwaca aka gahigo ka Michael Jackson, Kendrick Lamar uheruka kwegukana ibihembo bine bya Grammy, yakuyeho aka gahigo akomeza kwemeza Isi yose.

Uyu mugabo uheruka gutaramira i Kigali ku wa 06 Ukuboza 2023, yaciye aka gahigo ka Michael Jackson aho we igitaramo yakoze muri uyu mukino cyarebwe n'abarenga Miliyoni 133.5.

Ibi byemejwe n'abategura iyi mikino (NFL) urubuga rwa Apple Music na Roc Nation. Mu butumwa banyujije ku mbuga nkoranyambaga zabo, bagize bati 'Twaciye agahigo na none'.

Utu duhigo twose Kendrick Lamar akomeje guca, ari kudukesha indirimbo 'Not like Us' yakoze mu rwego rwo kwibasira mugenzi we Drake. 

Mu Ukuboza 2023, Kendrick Lamar yataramiye i Kigali

Igitaramo Kendrick Lamar yakoze muri Super Bowl, cyaciye agahigo ko kurebwa cyane

Nyuma y’imyaka 32, agahigo ka Michael Jackson kavuyeho

Kuva The Ben yatangira gukorana indirimbo n'abahanzi bo muri Tanzania, ibihangano bye byagiye bitanga umusaruro, unahereye ku ndirimbo 'Why' yakoranye na Diamond. 

Iyo ugiye ku mbuga zitandukanye zumvirwaho umuziki nka Shazam, bigaragara ko indirimbo ye na Marioo ariyo iyoboye izindi muri Tanzania muri iki Cyumweru. 

Izindi mbuga zo zigaragaza ko indirimbo ye na Marioo iri ku mwanya wa Kabiri, mu ndirimbo zigezweho muri Tanzania, nyuma ya 'Looking For Love' y'umuraperi Darassa na Mbosso.

Iyi ndirimbo iri mu zigize Album 'Plenty Love' The Ben yashyize ku isoko tariki 31 Mutarama 2025. Ndetse, aherutse gutangaza ko yayiherekeresheje uruherekane rw'ibitaramo azakorera muri Cabnada, birimo ibizagera mu Mujyi wa Ottawa n'ahandi.

Uyu muhanzi anagaragaza ko azataramira mu bihugu bitandukanye byo ku Mugabane w'u Burayi, ndetse azataramira muri Uganda no mu Mujyi wa Kigali.

Muri iki gihe, The Ben ari kubarizwa muri Canada mu gihe ari kwitegura uruhererekane rw'ibitaramo bye. Yerekeje muri Canada anyuze muri Tanzania, kuko ariho yari amaze iminsi mu bikorwa birimo n'indirimbo yakoranye na Diamond.

Knox Beat wakoze indirimbo nyinshi kuri Album ye, aherutse kubwira InyaRwanda, ko atari we watangiye ikorwa ry'indirimbo 'Baby', ahubwo yahawe amahirwe yo kuyirangiza.

Gahunda y'ibitaramo bye, igaragaza ko azataramira mu Mujyi wa Montreal ku wa 14 Gashyantare 2025 ku munsi wa Saint Valentin, azakomeza ibitaramo bye mu Mujyi wa Ottawa ku wa 15 Gashyantare 2025, azataramira mu Mujyi wa Toronto ku wa 21 Gashyantare 2025, asoreze mu Mujyi wa Edmonton ku wa 22 Gashyantare 2025.

Album ya The Ben riho indirimbo 12 zirimo: Inkuta z’umutima, My Name yakoranye n’umuraperi Kivumbi King, Ni Forever na True Love yahimbiye umugore we, Plenty yakomoyeho ijambo yitiriye Album ye, Nana, Icyizere yakoranye na Uncle Austin, Better, Baby yakoranye na Marioo uri mu bakomeye muri Tanzania, Isi, For You ndetse na Madona.

Indirimbo ifite iminota micye ifite iminota 2 n’amasegonda 22′, ni mu gihe ifite iminota minshi igejeje iminota 4 n’amasegonda 3′.

Bigaragara ko iyi Album yagiye hanze bigizwemo uruhare na Sosiyete y’umuziki ya ONErpm bamaze igihe kinini bakorana yashoye imari mu bikorwa bye. Umubare munini w’indirimbo ziri kuri iyi Album zakozwe na Producer Knoxbeat, kuko afiteho uruhare rungana na 58.3%.

The Ben asobanura ko Albu ye yayise 'Plenty Love' kubera urukundo yeretswe n'abafana. Ati “Urugendo rwanjye rw’umuziki ngerageje kubona ahantu naruramburira ntabwo nabona aho kururamburira ngo rurangiye mu bijyanye n’urukundo. Urukundo nakiriye kuva natangira uru rugendo rw’umuziki ruri ku kigero cyo hejuru ku buryo ntabasha kubona uko mbisobanura. Mu by’ukuri birenze urugero.”

Yavuze ko guhitamo izina ry’iyi Album, yagendeye ku ndirimbo ye ‘True Love’; kuko yafashe ijambo ‘Love’ aryongera kuri ‘Plenty’ biba ‘Plenty Love’.

KANDA HANO UBASHE KUMVA ALBUM 'PLENTY LOVE' Y'UMUHANZI THE BEN 

The Ben yatangaje ko yashimishijwe n'umusaruro wavuye mu ndirimbo 'Baby' yakoranye na Marioo    

Marioo ukurikirwa na Miliyoni 5.6 ku rubuga rwa Instagram aherutse kugaragaza ko yatewe ishema no gukorana na The Ben kuri Album ye    

Indirimbo 'Baby' iyoboye urutonde rw'indirimbo 200 zigezweho mu gihugu cya Tanzania

KANDA HANO UBASHE KUMVA INDIRIMBO ‘BABY’ THE BEN YAKORANYE NA MARIOO

“>

Yafashwe ku mugoroba wo kuri uyu wa Mbere tariki ya 10 Gashyantare, ubwo yari amaze kwarura litiro zigera kuri 30 zayo, yitegura guteka indi muri melase yifashishaga ingana na litiro 80.

Umuvugizi wa Polisi mu Ntara y'Iburasirazuba, Superintendent of Police (SP) Hamdun Twizeyimana, yavuze ko uyu musore yafatiwe mu mudugudu wa Gahwaji I, akagari ka Kibenga mu murenge wa Mayange, biturutse ku makuru yatanzwe n'abaturage.

Yagize ati: 'Abaturage batanze amakuru ahagana ku isaha ya saa Kumi ko uriya musore atekeye Kanyanga mu nzu. Bakimara kubona ayo makuru ku bufatanye n'inzego z'ibanze, abapolisi bahise bajyayo, basanga koko uwo musore amaze kwarura litiro 30 zari mu majerekani abiri, yitegura no guteka iyindi, niko guhita atabwa muri yombi.'

SP Twizeyimana yongeye kuburira abishora mu gukora no gucuruza ibiyobyabwenge kubireka bagakura amaboko mu mifuka bagakora ibibateza imbere.

Yagize ati: 'Ibiyobyabwenge birimo urumogi, Kanyanga n'izindi nzoga zitujuje ubuziranenge uretse kuba byangiza ubuzima, ni n'intandaro y'ibyaha bihungabanya umutekano w'abaturage nk'ubujura, gukubita cyangwa gukomeretsa, ihohoterwa rishingiye ku gitsina n'irikorerwa abana n'ibindi. Turaburira abakibyishoramo ko babireka, bagakora imirimo yemewe ishobora kubateza imbere kuko bidashobora kubahira na busa.'

Yashimiye abatanze amakuru yatumye iriya Kanyanga ifatwa itarakwirakwizwa mu baturage, asaba abaturage muri rusange gukomeza ubufatanye mu kwicungira umutekano bakumira ibyaha.

Uwafashwe n'ibikoresho yafatanywe yifashishaga yashyikirijwe Urwego rw'ubugenzacyaha (RIB) kuri sitasiyo ya Mayange, Kanyanga yafatanywe imenerwa mu ruhame nyuma yo kwibutsa abaturage ingaruka zayo ku buzima.

Iteka rya Minisitiri no. 001/moh/2019 ryo ku wa 04/03/2019 rigena urutonde rw'ibiyobyabwenge n'ibyiciro byabyo, rishyira inzoga zikozwe mu buryo budakurikije ibisabwa n'amabwiriza y'ubuziranenge mu biyobyabwenge byoroheje.

Ingingo ya 263 y'Itegeko no.68/2018 ryo ku wa 30/08/2018 riteganya ibyaha n'ibihano muri rusange, ivuga ko; Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranyije n'amategeko, aba akoze icyaha gihanishwa igihano cy'igifungo kitari munsi y'imyaka 7 ariko kitarenze imyaka 10 n'ihazabu y'amafaranga y'u Rwanda atari munsi ya miliyoni 5 ariko atageze kuri miliyoni 10, ku biyobyabwenge byoroheje.

Uyu musore yafatiwe mu cyuho atekeye kanyanga mu rugo