Blog

Mu Mujyi wa Genève hagiye gushyirwaho umushahara fatizo ungana n'amadolari 25 ku isaha asaga ibihumbi 24 Frw, aho bivugwa ko mu gihe uzaba umaze kwemezwa azaba ariwo uri hejuru ku Isi.

Source : https://igihe.com/amakuru/mu-mahanga/article/i-geneve-hagiye-gushyirwaho-umushahara-fatizo-usumba-indi-yose-ku-isi

Kuva umuntu wa mbere ufite icyorezo cya Covid-19 yagaragara mu Bushinwa mu mpera za 2019, iki cyorezo cyatangiye gukwirakwira hirya no hino ndetse umubare w'abacyandura buri munsi ntusiba kwiyongera kugeza aho ubu babarirwa muri miliyoni 34.9.

Source : https://igihe.com/covid-19/article/abanduye-covid-19-barasatira-miliyoni-35

Fabien Banciryanino wahoze ari intumwa ya rubanda muri manda yashize, apfungiwe muri gereza/gasho k'ibiro by'igipolisi gishinzwe iperereza (BSR). Ni nyuma y'aho afatiwe mu gitondo cyo kuri uyu wa 02 Ukwakira 2020 nk'uko byemezwa n'uwahafi cyane mu muryango we.

Banciryanino, yafunzwe amaze kubuzwa gukoresha ikiganiro n'abanyamakuru, aho yashakaga kwamagana/kwiyamiriza amakuru yamuvuzweho ku rubuga rwa YouTube y'uko yatyogeje/yubahutse umukuru w'igihugu, ivyo yamirira kure.

Fabien Banciryanino azwi cyane ko atarya umunwa mu gutangaza ibitekerezo bye mu nama y'intumwa za rubanda yabaga arimo, byanengaga ubutegetsi bwa Nyakwigendera Perezida Pierre Nkurunziza.

Yarwanije integuro y'itegeko ryemerera uturusho/ibizagenerwa Bwana Nkurunziza igihe azaba yavuye ku butegetsi, byageze aho uwahoze ayoboye iyo nama nshingamateka Pascal Nyabenda amwita 'ikihebe'.

Ku wa gatanu, amaze kugezwa muri BSR, bimwe mu byo yashinjwe ni 'gushaka gutembagaza/guhirika ubutegetsi kandi ko yarwanije Leta yahahora' nk'uko uwo mu muryango wiwe wa hafi yabibwiye BBC dukesha iyi nkuru.

Ntacyo igipolisi cy'u Burundi kiratangaza ku mugaragaro kuri ibyo bivugwa n'uwo muntu wegereye umuryango wa Bwana Banciryanino.

Imvano y'ifatwa rya Bwana Banciryanino, ni ikete/urwandiko ryo ku wa 29 Nzeri uyu mwaka wa 2020, yandikiye komiseri mukuru ushinzwe ibiro by'inyamiramabi i Bujumbura, amusaba kumushakira umunyamakuru avuga ko yamubeshyeye mu kinyamakuru gikorera ku rubuga rwa YouTube.

Mw'iryo kete, Banciryanino avuga ko uwo munyamakuru yamwambitse ibara/yamubeshyeye ko yashize isoni umukuru w'igihugu, ibyo avuga ko atakubahuka.

Uyu wo mu muryango wiwe utifuje gutangazwa, yabwiye BBC ko Bwana Banciryanino yafashwe n'umukuru wa Zone Ngagara asanzwe abamo, Imelde Ndikuriyo, amusanze imuhira, ari kumwe n'abapolisi.

Ati: ' Yafashwe inyuma y'aho asabiye ikiganiro n'abanyamakuru, yari yanditse ikete asaba uruhusha kugira ngo abibeshuze. Yamubujije ico kiganiro aca aramufata'.

Umuryango wiwe ubona ko ibyo yagirizwa bidafashe, na cyane ko harimo ibyo yavugiye mu nama nshingamateka.

Uyu wegereye umuryango wiwe avuga ati: 'Ibintu umuntu avugiye mu nama nshingamateka ntibishobora kumukurikirana, kuko ni iciyumviro ciwe kiba kiri ku mugaragaro'.

Avuga kandi ko 'yagirijwe ko 'ari umurwanyi' kandi atari umurwanyi, kandi ko yavuze y'uko umukuru w'igihugu atazomutwarana/atazamuyoborana, ko azomurwanya nk'uko yarwanije uwundi'.

Bwana Banciryanino, yashikanywe kuri BSR isaha zitatu z'igitondo, ahita aza kwumvirizwa isaha cumi n'imwe z'umugoroba, ahejeje/arangije kumvirizwa ahita yinjizwa agasho nk'uko uyu wo mu muryango wiwe abivuga.

Munyaneza Theogene / intyoza.com

Source : http://www.intyoza.com/intumwa-ya-rubanda-i-burundi-ifunzwe-ishinjwa-gushaka-guhirika-ubutegetsi/

Uwera Perpetue ni umwe mu barezi babirambyemo kuko yamaze imyaka 42 yigisha mu mashuri abanza, ahamya ko akunda uwo mwuga kuko wamufashije muri byinshi birimo kwibeshaho no kurera abana be ndetse no kubaha uburere bwuzuye.

Source : https://igihe.com/amakuru/u-rwanda/article/urugendo-rwa-uwera-wamaze-imyaka-42-ari-umwarimu

Leta ya Misiri yerekanye ku mugaragaro amasanduku 59 aherutse kuvumburwa mu Majyepfo y'Umurwa Mukuru, Cairo, bikekwa ko amaze imyaka isaga 2500.

Source : https://igihe.com/amakuru/utuntu-n-utundi/article/misiri-herekanywe-amasanduku-59-amaze-imyaka-2500

Judi Rever uri mu banyamahanga bazwiho guhakana no gupfobya Jenoside yakorewe Abatutsi mu 1994 mu Rwanda, yikuye mu gikorwa gitegurwa mu gushimira abanyamakuru bagize uruhare mu kwandika inyandiko no gutangaza inkuru mu bihugu biri mu ntambara.

Source : https://igihe.com/amakuru/u-rwanda/article/judi-rever-yokejwe-igitutu-yikura-mu-gikorwa-gishimirwamo-abanyamakuru-b

Umunyezamu mushya wa Kiyovu Sports, Kimenyi Yves, wagizwe kapiteni wa mbere w'iyi kipe, yavuze ko yashimishijwe no kugirirwa iki cyizere ndetse yizeye ko we na bagenzi be bazagera ku ntego ikipe yihaye zo gutwara igikombe cya Shampiyona.

Source : https://igihe.com/imikino/football/article/imbamutima-za-kimenyi-yves-wagizwe-kapiteni-wa-kiyovu-sports

Butera Andrew umukinnyi ukomeye wa APR FC ukina hagati mu kibuga , yaraye akorewe ibirori byiza byo kwizihiza isabukuru y'imyaka 27 y'amavuko.

Kuri uyu wa Gatandatu tariki 3 Ukwakira, abakinnyi n'abatoza b'ikipe ya APR FC batunguye kapiteni wabo wungirije ariwe Butera Andrew bamukorera isabukuru y'amavuko, akaba ari ibintu byamushimishije byo ku rwego rwo hejuru.

Umuhango wo kwizihiza isabukuru y'amavuko ya Butera Andrew, watangiye saa mbiri n'igice z'ijoro ukaba wari uyobowe na kapiteni Manzi Thierry.

Butera Andrew, aganira n'urubuga rwa APR FC yatangaje ko igikorwa cyo kumukorera isabukuru cyamushimishije cyane, ndetse akaba yanavuze ko ari ku nshuro ya mbere akorewe iki gikorwa kuva yagera muri iyi kipe y'Ingabo z'Igihugu.

Yagize ati:

'Ndishimye cyane kuba bagenzi banjye banteguriye ndetse bakankorera igikorwa nk'iki, ni ibintu ntigeze nkorerwa n'abandi bakinnyi bagiye basimburana muri iyi kipe'.

'kuba iyi  kipe ibinkoreye ni igihamya cyerekana urukundo bagenzi banjye bamfitiye, byerekana ugushyira hamwe n'ubumwe dufitanye kandi kuzatugeza ku ntego zacu kuko abashyize hamwe nta kibananira.'

Butera yatangiranye na gahunda yo gukinisha abana b'abanyarwanda ikipe y'ingabo z'igihugu yatangiye mu mwaka wa 2012, aho yayigezemo afite imyaka 19 gusa, ni kapiteni wungirije Manzi Thierry ndetse akaba anitabazwa kenshi mu ikipe y'igihugu Amavubi.

Manzi Thierry yari yishimiye gusagira na Butera

Umutoza Mohamed Adil na Pablo Morchon nabo bari bahari

Source : https://impanuro.rw/2020/10/04/umukinnyi-wa-apr-fc-butera-andrew-yakorewe-ibirori-bya-gatangaza-_-reba-amafoto-yuko-byari-bimeze/