Blog

Umukinnyi wa filime nyarwanda Rosine Bazongere ari mu gahinda nyuma y’uko umwe mu bakobwa bibumbiye mu muryango wa ‘Her Friends’ yashinze apfushije umwana yokejewe n’amazi ashyushye.

Her Friends ni umuryango ugizwe n’abakobwa babyaye batarashaka abagabo(batewe inda zitateganyijwe), bibumbiye hamwe kugira ngo bajye bafashanya mu buzima bwa buri munsi ndetse bafashe n’abandi bahuye n’ibibazo nk’ibyabo.

Uyu muryango washinzwe na Rosine Bazongere umaze kwandika izina rye cyane mu ruganda rwa sinema nyarwanda.

Aganira na ISIMBI, yavuze ko muri uyu muryango bagize ibyago umwe mu bakobwa babana muri uyu muryango agapfusha umwana we nyuma yo kotswa n’amazi ashyushye akajywana mu bitaro ariko agahita yitaba Imana.

Ati“uwo mukobwa yabyaye abana babiri b’impanga, umwe rero ari ku kazi umukozi aramuhamagara aramubwira ngo umwana amazi aramwokeje, bamujyana kwa muganga, mu bitaro yamazemo iminsi nk’itatu bahita batubwira ko yitabye Imana.”

Avuga kuri uyu mukobwa wapfushije umwana, yavuze ko nyuma yo gutwita ababyeyi b’umukobwa bahise bafungisha umuhungu kuko umukobwa atari yujuje imyaka y’ubukure kandi yaranifuzaga kumufasha, ikibabaje ni uko uyu mukobwa iwabo baje no kumwirukana.

Ikiganiro na Rosine Bazonmgere

Rosine ni we washinze umuryango Her Friends

Kuri uyu wa Gatandatu ni bwo habaye umukino wa nyuma usoza shampiyona ya Basketball, aho igikombe cyaje kwegukanwa na Patriots itsinze REG amanota 76-61, ni umukino wakurikiwe na Perezida wa Repubulika Paul Kagame.

Nyuma y’uko ibikorwa by’imikino mu Rwanda bisubukuwe aho byari byarahagaze muri Werurwe 2020 kubera icyorezo cya Coronavirus, ku ikubitiro shampiyona ya Basketball niyo yabimburiye indi mikino, ikiba yari imaze iminsi irindwi ribera muri Kigali Arena mu muhezo, uyu munsi yasojwe mu bagabo no mu bagore.

Mu bagabo umukino wa nyuma wagezweho na REG yasezereye APR BBC muri ½, ni mu gihe Patriots yasezereye RP-IPRC Kigali.

Uyu mukino wa nyuma ukaba wakurikiranywe na Nyakubahwa Perezida Paul Kagame ndetse akaba ari inshuro ya kabiri yitabiriye isozwa rya shampiyona ya Basketball mu Rwanda.

Patriots BBC iftie igikombe cya Shampiyona giheruka, yegukanye n’icy’uyu mwaka nyuma yo gutsinda REG BBC amanota 76-61.

Cyabaye igikombe cya kane cya Shampiyona iyi kipe ya Patriots BBC yegukanye, ni nyuma yo kwegukana icya 2016, 2018na 2019.

Umwanya wa gatatu mu bagabo wegukanywe na RP-IPRC Kigali itsinze APR BBC amanota 87-79.

Mu bagore, igikombe cya Shampiyona cyegukanywe na The Hoops Rwanda itsinze RP-IPRC Huye WBBC amanota 68-63 mu gihe umwanya wa gatatu wegukanywe na Ubumwe WBBC itsinze APR WBBC amanota 67-52.

Nyuma yo gusoza shampiyona, u Rwanda ruritegura kwakira imikino yo mu matsinda A, B na D yo majonjora yo gushaka itike ya Afrobasket 2021 izitabirwa n’amakipe 16, ikabera i Kigali hagati ya ya tariki ya 24 Kanama n’iya 5 Nzeri 2021.

Perezida Kagame(hagati), Mugiwza Desire akaba perezida wa FERWAFA(ibumoso), na Minisitiri wa Siporo, Aurore Mimosa(iburyo) bakurkiranye umukino Patriots yatsinzemo REG

Perezida Kagame ari kumwe na Minisitiri wa Siporo, Madame Aurore Mimosa bakurikiranye umukino wa nyuma

Abakinnyi REG yifashishije

Abakinnyi Patriots yifashishije

Patriots yasubiriye REG iyitwara igikombe cya shampiyona

Patriots yisubije igikombe cya shampiyona

Mu bagore cyegukanywe na The Hoops Rwanda

Myugariro wa Kiyovy Sports, Irambona Eric avuga ko ari amahirwe kuri we kuba agiye kongera gutozwa n’umutoza Karekezi Olivier muri Kiyovu Sports kuko ari umutoza mwiza kandi ukunda abakinnyi be.

Nyuma yo gutandukana Rayon Sports, Irambona Eric yasinyiye Kiyovu Sports, akaba yarahuriyeyo n’umutoza Karekezi Olivier wigeze kumutoza muri Rayon Sports muri 2017 kugeza mu ntangiriro za 2018.

Nyuma y’imyitozo ya mbere yabaye uyu munsi, Irambona Eric yavuze ko ari amahirwe kuri we kongera gutozwa na Karekezi Olivier.

Ati'Olivier[Karekezi] ni umutoza ukunda abakinnyi be cyane, akunda kubabona bishimye, ni amahirwe gutozwa n’umutoza nka Karekezi abo yatoje barabizi, nanjye ni ikintu cyanshimishije ku nshuro ya kabiri kuba nakongera guhura na Karekezi.'

Avuga ko mu ikipe umwuka umeze neza, buri mukinnyi wese yishimye kuko bongeye gukina umupira nyuma y’igihe kirekire, ndetse bizeye ko bazaha ibyishimo abakunzi ba Kiyovu Sports.

Karekezi Olivier umutoza mushya wa Kiyovu Sports, ubwo yageraga ku myitozo y’uyu munsi

Irambona Eric avuga ko Karekezi Olivier ari umutoza mwiza

Uyu mukobwa yerekanye Daddy Andre nk’umusore bitegura ku rushinga mu birori byabaye ku wa 23 Ukwakira 2020, mu rugo rwa Nyinawabo ruherereye ahitwa Kireka.

Daddy Andre abinyujije ku rukuta rwa Twitter, yavuze ko kuri ubu ari umwe na Nina Roz ndetse yashimishijwe n’uko yamweretse ababyeyi.

Ati 'Kandi babiri bazaba umwe. Urukundo ni ikintu cyiza none uyu munsi nishimiye ko umukunzi wanjye yanjyanye kunyereka ababyeyi.'

Uyu muhanzikazi ubusanzwe ni umunyarwandakazi dore ko umubyeyi we umwe [Papa we] ndetse n’abandi bo mu muryango we bakomoka mu Rwanda nk’uko akunze kubitangaza mu itangazamakuru.

Nina Roz amaze gukora indirimbo nyinshi zirimo 'Anayinama, Olumya Bano, Munda Dala, KYOYOOYO, Billboard (Kipande).

Ni umwe mu bahanzi bagezweho muri Uganda by’umwihariko akaba aririmba mu njyana zitandukanye zirimo Reggae, afro dancehall ndetse na afro-pop.

Yatangiye umuziki nk’umwuga mu 2016, aho yakundaga gukorera muri Label ya TNS [Team No Sleep] ibarizwamo abahanzi barimo Pallaso, Sheebah na King Saha.

Mu 2017, nibwo yasinye muri Boom Bark Records ari naho yahuriye na Daddy Andre amukorera indirimbo yise 'Omuliro’ yamumenyekanishije cyane, ndetse mu 2018, aza gukora indi ndirimbo yise 'Olumya Banno’ yakozwe na Nessim.

Uyu muhanzikazi yaje kuva muri Boom Bark Records mu ntangiro z’uyu mwaka wa 2020, atangira gukorana na Sure Events aho bamufasha mu bikorwa bye bya muzika.

Uyu munsi ikipe ya Kiyovu Sports yatangiye imyitozo yitegura umwaka w’imikino wa 2020-2021.

Nyuma y’uko ku munsi w’ejo hashize abakinnyi ba Kiyovu Sports bapimwe icyorezo cya Coronavirus, uyu munsi batangiye umwiherero ndetse banakora imyitozo ya mbere.

Ni imyitozo yabereye ku kibuga cya Mumena aho iyi kipe n’ubundi isanzwe ikorera imyitozo,ikaba yayobowe n’umoza mukuru Karekezi Olivier.

Imyitozo y’uyu munsi ikaba yibanze mu kongerera ingufu abakinnyi bitewe n’igihe bari bamaze badakina.

Iyi kipe ikaba icumbitse kuri hoteli imwe mu Kiyovu aho izahava ku munsi w’ejo yerekeza ku Ruyenzi aho umwiherero nyirizina izawukorera, gusa izajya iza kwitoreza ku Mumena.

Rutahizamu Babuwa Samson wavuye muri Sunrise mu myenda ya Kiyovu Sports

Myugariro mpuzamahanga w’u Murundi, Ngando Omar n we ni mushya muri Kiyovu Sports

Irambona Eric wavuye muri Rayon Sports, yitwezwe kuzafasha Kiyovu Sports

Abakinnyi bose bameze neza

Ngando Omar mu myitozo imwongerera ingufu

Umutoza Karekezi Olivier ubwo yinjiriga ku kibuga cya Mumena yabanje kubahiriza yo kwirinda icyorezo cya Coronavirus

Abakinnyi ba Kiyovu byitezwe ko ejo bazajya mu mwiherero ku Ruyenzi

Uyu munsi bahereye ku myitozo yongera imbaraga

AMAFOTO: UWIHANGANYE Hardy