Blog

Ibitego bya Danny na Byiringiro Lague bifashije APR FC gutsinda AS Arta Solar7 yo muri Djbouti ikinamo Alexander Song wakiniye Arsenal na FC Barcelona mu Bwongereza.

Wari umukino wa gicuti wa 11 APR FC yari igiye gukina yitegura umwaka w’imikino wa 2020-2021 by’umwihariko imikino nyafurika ya CAF Champions League aho izahura na Gor Mahia mu mpera z’iki cyumweru.

Umukino watangiye amakipe yombi yaba APR FC ndetse na AS Arta Solar7 bakina imipira miremire ndetse ubona ko abakinnyi batarabonana.

Ku munota wa 11 APR FC yabonye amahirwe ya mbere ku mupira Omborenga yahinduye imbere y’izamu Bizimana Yannick awuteye umunyezamu Sulait awukuramo.

Ku munota wa 13 na AS Arta Solar7 nayo yabonye amahirwe ariko Samuel ateye mu izamu Rwabugiri Umar awukuramo.

APR FC yongeye kubona Andi mahirwe ku munota wa 16 ku mupira Omborenga yahinduye imbere y’izamu ariko Danny ashyizeho umutwe umupira unyura hejuru y’izamu.

AS Arta Solar7 yakoze impinduka ku munota wa 30 Daoud wagize ikibazo cy’imvune yavuyemo hinjiramo Sodiq.

Manishimwe Djabel ku munota wa 34 yagerageje ishoti inyuma y’urubuga rw’amahina ariko umunyezamu awukuramo. Igice cya mbere cyarangiye ari 0-0.

APR FC yaje kubona igitego cya mbere ku munota wa 50 gitsinzwe na Danny Usengimana ku mupira yari ahawe na Imanishimwe Emmanuel Mangwende.

Mu gice cya kabiri APR FC yasatiriye cyane ariko kubona mu izamu biragorana.

Bizimana Yannick yahushije igitego ku munota wa 63 ku mupira yari ahawe na Mangwende agasigara arebana n’umunyezamu ariko akushyira hanze y’izamu.

Ku munota wa 72 APR FC yakoze impinduka za mbere havamo Yannick Bizimana hinjiramo Byiringiro Lague.

Uyu musore yaje kubonera ikipe ye igitego cya kabiri nyuma y’iminota 5 yinjiye mu kibuga, ni ku mupira yari ahawe na Mangwende.

Ku munota wa 83 AS Arta Solar7 yabonye kufura ku murongo w’urubuga rw’amahina ku ikosa Ange yakoreye Samuel ariko Alexandre Song ayiteye ugarurwa n’urukuta.

Kuri uyu munota Prince yahaye umwanya Anicet. Bukuru Christophe yahaye umwanya Bosco ku munota wa 87.

Byiringiro Lague yazamukanye umupira acika ubwugarizi bwa Arta Solar7 aha umupira Danny Usengimana arebana n’izamu ananirwa kuwushyira mu izamu uca hejuru yaryo. Umukino warangiye ari 2-0.

APR FC ikaba izakira Gor Mahia ku wa Gatandatu mu mukino ubanza w’ijonjora ry’ibanze rya CAF Champions League ni mu gihe umukino wo kwishyura uzaba tariki ya 5 Ukuboza 2020 muri Kenya.

AS Arta Solar7 uyu wari umukino wa kabiri ikinnye wa gicuti mu Rwanda uwa mbere yatsinzwe na AS Kigali 2-1.

APR FC itsinze AS Arta Solar7

Alexander Song n’ikipe ye ntibahiriwe n’imikino 2

Uwari wataye aya mafaranga ni uwitwa Uwizeyimana Claudine aho yayataye ku wa 12 Ugushyingo 2020, mu Muhanda wa Kigali Convention Center ujya I Remera [KCC-Remera].

Ku gicamunsi cyo kuri uyu wa Mbere tariki 23 Ugushyingo 2020, nibwo Polisi y’Igihugu yatangaje ku rukuta rwayo rwa Twitter ko Uwizeyimana yamaze gushyikirizwa amafaranga ye.

Ni amafaranga yashyikirijwe n’Umuvugizi wa Polisi, CP John Bosco Kabera.

Kandi iyi migisha yose izakuzaho, ikugereho niwumvira uwiteka. Uzagirira umugisha mu mudugudu, uzawugirira no mu mirima. Hazagira umugisha imbuto zo mu nda yawe, n’imyaka yo ku butaka bwawe, n’imbuto z’amatungo yawe, kororoka kw’inka zawe n’ukw’imikumbi yawe (Gutegeka kwa Kabiri 28:2-4).

Mu bushakashatsi bwakozwe, abantu babarirwa mu magana babajijwe iki kibazo: “Ni ikihe kintu cyiza cyakubayeho mu myaka itanu ishize?” Igitangaje, benshi babashije gusubiza bagira bati: “Ntacyo”.

Ijambo ry’Imana ridusezeranya ibyo kurya bya buri munsi, umushahara n’imigisha, nyamara abantu ntibashoboraga no kwibuka ibihe byiza Imana yabahaye ahubwo ibibazo bibahuma amaso! Mbega agahinda!

John Mason yagize ati: “Ni gake tubona ibintu uko biri. Ariko nk’uko turi abantu usanga turenza ingohe ibyiza Imana yadukoreye twibwira ko ibibazo dufite bibirusha ubwinshi. Kenshi na kenshi ibitekerezo byacu bifungirwa ahantu hamwe. Kubera gushaka umutuku, twibagirwa ubururu neza.

Mubyukuri twibanda ku gutekereza ejo hazaza, kandi Imana itubwira kwibanda kuri uyu munsi. Turashakisha ahantu hose tukajararajara, kandi igisubizo kibereye hafi yacu cyane. Niba umuntu abishaka kandi abishyize mo imbaraga, aba afite amahirwe yo kubona no kwakira ibyo Imana yamuteganyirije.

Niba umuntu abishaka kandi abishyize mo imbaraga, aba afite amahirwe yo kubona no kwakira ibyo Imana yamuteganyirije

Bibiliya itubwira neza iti: Kandi iyi migisha yose izakuzaho, ikugereho niwumvira uwiteka. Uzagirira umugisha mu mudugudu, uzawugirira no mu mirima. Hazagira umugisha imbuto zo mu nda yawe, n’imyaka yo ku butaka bwawe, n’imbuto z’amatungo yawe, kororoka kw’inka zawe n’ukw’imikumbi yawe… (Gutegeka kwa Kabiri 28:2-13).

Mubyuuri iyo wubashye kandi ukumvira Imana ubikuye ku mutima, uko byagenda kose umugisha w’Imana ukuzaho mu buryo bwose kandi nta kintu na kimwe gishobora kurogoya umugambi w’Imana. Nimucyo rero twiyongeremo imbaraga kandi dushakashake uko twamenya ibyo Umwami ashima nibwo tuzagerwa ho n’imigisha yose Imana itugenera.

Source:www.topchretien.com

[email protected]

Umuhanzi Sergeant Kabera Major Robert wamenyekanye nka ‘Sergeant Robert’ arimo gushakishwa n’inzego z’umutekano nyuma yo gukekwaho gufata ku ngufu umwana w’imyaka 15.

Amakuru dukesha ikinyamakuru Igihe, avuga ko iki gikorwa cyabaye ku wa Gatandatu tariki ya 21 Ugushyingo.

Nyuma yo gusambanya uyu mwana w’imyaka 15, byaje kumenyekana na we ahita atoroka kugeza ubu akaba ataraboneka.

Ubu inzego z’umutekano zikaba zirimo kumushakisha ngo agezwe imbere y’ubutabera abazwe ibyo akekwaho.

Ingingo ya 133 y’itegeko rigena ibyaha n’ibihano ivuga ko uhamijwe icyaha cyo gusambanya umwana ahanishwa igifungo kitari munsi y’imyaka makumyabiri ariko kitarenze imyaka makumyabiri n’itanu.

Iyo gusambanya umwana byakorewe ku mwana uri munsi y’imyaka cumi n’ine , igihano kiba igifungo cya burundu kidashobora kugabanywa kubera impamvu nyoroshyacyaha.

Iyo gusambanya umwana ufite cyangwa urengeje imyaka cumi n’ine) byamuteye indwara idakira cyangwa ubumuga, igihano kiba igifungo cya burundu.

Umuhanzi sergeant Robert ari gushakishwa n’inzego z’umutekano