Blog

Kayirebwa Marie Paul [Keesha] wagaragaye mu ndirimbo 'Ikinyafu’ y’umuhanzi Bruce Melodie, avuga ko atapfa kuvuga amafaranga yahawe ariko ari menshi ahagije.

Uyu mukobwa ukunda kugaragara mu mashusho, yanagaragaye mu ndirimbo ya Meddy na Otile yitwa Dusuma, yavuze ko mu ndirimbo Ikinyafu yajyanyweyo na Meddy Saleh.

Aganira n’ikinyamakuru ISIMBI, yavuze ko ubu nyuma y’uko indirimbo isohotse ubu hari abasigaye bamwita akabandi.

Ati'ubu hari abantu basigaye babimpamagara ngo akana k’akabandi cyangwa akambwira ngo nzagukubita ikinyafu. Gusa ngira ngo biba ari ukunkinisha ntabwo baba bakomeje.'

Ku mafaranga yishyuwe na Bruce Melodie ngo ntiyayavuga ariko ngo ni amafaranga menshi arahagaije.

Ati'Oya sinayavuga uzamubaze, gusa ni menshi arahagije.Yego ni hafi muri ayo wari uvuze(miliyoni).'

Avuga ko mu rugo iwabo bamaze kumubona mu ndirimbo bamubwiye ko yabikoze neza ikibazo ari amagambo y’indirimbo gusa.

Nk’uko tubikesha urubuga Forbes, Elon Musk yamaze kuva ku mwanya wa mbere w’umuherwe ku Isi, nyuma yo guhomba mu munsi umwe agera kuri Miliyari 13.5 z’amadorali, ubu akaba atunze angana na Miliyari 176.2 z’amadorali – ibimushyira ku mwanya wa kabiri nyuma ya Jeff Bezos wamaze kwisubiza umwanya wa mbere. 

Jeff Bezos nyiri Amazon, niwe uyoboye urutonde rw’umuherwe wa mbere ku Isi kugeza aka kanya nk’uko bishimangirwa na Forbes, atunze agera kuri Miliyari 182.1 z’amadorali, gusa nawe yahombye agera kuri Miliyari 3.6 z’amadorali ku mafaranga yari asanzwe atunze.

Jeffrey Preston Jorgensen (Jeff Bezos) yavukiye ahitwa Albuquerque, muri New Mexico ku ya 12 Mutarama 1964, umuhungu wa Jacklyn na Ted Jorgensen. Igihe yavukaga, nyina yari umunyeshuri w'imyaka 17 mu mashuri yisumbuye naho se yacuruzaga amagare. 

Ababyeyi be bamaze gutandukana, nyina yashakanye na Miguel “Mike” Bezos bimukira muri Cuba muri Mata 1968. Nyuma gato y’ubukwe, Mike yareze Jorgensen w’imyaka ine, aza gufata akazina ka Bezos. Uyu muryango wimukiye i Houston, muri Texas, aho Mike yakoraga nka injeniyeri muri Exxon nyuma yo kubona impamyabumenyi yakuye muri kaminuza ya New Mexico.

Jeff Bezos yize amashuri abanza ya River Oaks i Houston kuva mu mwaka wa kane kugeza mu wa gatandatu. Bezos yakunze kwerekana inyungu za siyansi n’ubuhanga mu ikoranabuhanga, yigeze gutabara abavandimwe be ubwo bari bahuye n'ikibazo cy'amashanyarazi amashanyarazi mu cyumba cye.

Uyu muryango wimukiye i Miami, muri Floride, aho Bezos yize amashuri yisumbuye ya Miami Palmetto iri hafi ya Pinecrest, muri Floride. Igihe Bezos yari mu mashuri yisumbuye, yakoraga kwa McDonald nk’umutetsi utegura ifunguro rya mu gitondo. Yitabiriye gahunda yo guhugura abanyeshuri muri kaminuza ya Floride, atsindira igihembo cya Silver Knight mu 1982.

Yize muri kaminuza ya Princeton mu ishami rya ‘Bachelor of Science in Engineering degree (B.S.E.)’ mu bijyanye n’amashanyarazi n’ubumenyi bwa mudasobwa, yari Perezida w'umutwe wa Princeton w'abanyeshuri bashinzwe ubushakashatsi n'iterambere.

Jeff Bezos yaje kuba umuherwe cyane ubwo yashingaga, Amazon mu mpera za 1994 mu rugendo rwambukiranya imipaka kuva mu mujyi wa New York kugera i Seattle. Amazon ni Sosiyete yatangiye icuruza binyuze kuri Murandasi mu bicuruzwa bitandukanye. Kugeza ubu ni isosiyete nini yo kugurisha kuri interineti ku isi, ikaba kandi isosiyete nini ya interineti yinjiza amafaranga menshi, itanga amasoko manini ku isi itanga na serivisi z'ibikorwa remezo binyuze mu ishami ryayo rya Amazon.

Bezos, muri 2015 yashoye imari mu isanzure binyuze mu kigo cye kitwa Blue Origin. Isosiyete ifite gahunda iri imbere yo gutangiza icyogajuru cyo mu kirere cy'ubucuruzi. Yaguze kandi ikinyamakuru kinini cyo muri Leta Zunze Ubumwe za Amerika cyitwa Washington Post mu 2013 ku madolari miliyoni 250, Bezos akora ishoramari ritandukanye abinyujije mu kigo cye cy'ishoramari cya Bezos Expeditions.

Jeff Bezos, ubu magingo aya niwe muherwe wa mbere ku isi, aho abarirwa Miliyali 182.1 mu madorali y'amerika, mu ibarura ry'uyu mwaka wa 2021 mu kwezi kwa Mutarama. Ni umwanya yisubije wari umazeho iminsi ine na Elon Musk wawugiyeho ku wa Gatanu w’icyumweru gishize. Bezos afite abana bane. Mu 2019 yatandukanye n'umugore we nawe w’umuherwekazi, Mackenzie Scott.

Ni amahano yabaye mu ijoro ryakeye ahagana saa tanu z'ijoro mu Mudugudu w'Umurinzi mu Kagari ka Bwana mu Murenge wa Munyiginya.

Amakuru agera ku IGIHE ni uko uyu muryango wabanaga mu buryo butemewe n'amategeko bakaba barabyaranye abana babiri, ngo bakundaga kugirana amakimbirane akenshi bakungwa mu nama z'imidugudu, abaturage bavuga ko bari bamaze igihe buri umwe aba ukwe ariko ngo muri iyi minsi bari bariyunze.

Umunyamabanga Nshingwabikorwa w'Umurenge wa Munyiginya, Niyomwungeri Richard, yabwiye IGIHE ko yabimenye ahagana saa tanu z'ijoro ubwo umuturage yamuhamagaraga akamubwira ko muri iyo nzu hari guturukamo umwotsi bigaragara ko ishobora kuba irimo gushya.

Ati 'Nahise njyayo na Dasso tugezeyo dusanga hariyo abaturage batabaye baturanye, twasanze iyo nzu nta n'amashanyarazi ifite tubajije abaturage batubwira ko umugabo ashobora kuba ariwe wayitwitse, twakomeje gushaka uko tubatabara dusanga umugore byarangiye yapfuye ariko umugabo atarashiramo umwuka.'

Gitifu yakomeje avuga ko bahise bahamagara imbangukiragutabara mu gihe irimo kuza yenda kuhagera ngo hahise haza abasore babiri bafite umujinya bafite n'imihoro.

Ati 'Abari aho twese twahise dukwirwa imishwaro mu mwanya muto tuhagarukanye na polisi dusanga wa mugabo baramutemaguye, abaturage batubwira ko bikozwe na musaza w'umugore we ngo kuko ashinja uwo mugabo kumwicira mushiki we, ngo yabikoze kugira ngo nawe bajyane.'

Gitifu yakomeje avuga ko mu baturage batanze ubuhamya bavuze ko uretse gutema uwo mugabo ngo yanatemye nyina w'uwo musore mu bitugu.

Ababjijwe niba abo basore atari bo batwitse iyo nzu yabihakanye avuga ko baje nyuma ngo baza bavuga ko uwo mugabo ariwe baje kwica ngo kuko nawe yabiciye mushiki wabo, ngo bakaba babikoze bihimura. Ngo inzu yari yamaze gushya kare na mushiki wabo yahiriye mu nzu.

Uyu muyobozi yavuze ko mu nzu yahiye ngo hari harimo abana batatu barimo babiri b'uyu muryango ariko ngo bose nta n'umwe wagize icyo aba.

Ati ' Abana bari bari mu nzu ni batatu barimo babiri babyaye n'undi umwe wari waje kubasura bose twabakuyemo ari bazima nta na kimwe babaye, ibyangiritse bindi twabonye ni imyenda n'ibindi bikoresho byo mu nzu.'

Gitifu yakomeje avuga ko kuri ubu bagiye gukoresha inama abaturage babahumurize ndetse ngo iperereza rikaba rikomeje kugira ngo hamenyekane ukuri ku cyaba cyateye inkongi y'umuriro.

Yifashishije urukuta rwa Twitter, Minisitiri Busingye Johnston, yatangaje ko iperereza ryatangiye kuri iki kibazo. Ati 'Ikibazo cyabereye Rwamagana,Umurenge wa Munyiginya, Umudugudu wa Umurinzi mu ijoro ryakeye, kirimo gukurikiranwa n'inzego zibishinzwe. Dutuze iperereza rikorwe, tuze kumenya neza ukuri. Iperereza no kwemeza ibyabaye kuri Twitter tubireke. Ababuze ababo Imana ibahe kwihangana.'

Ku rundi ruhande, Urwego rw'Igihugu rw'Ubugenzacyaha, RIB, rwatangaje ko rwataye muri yombi uwitwa Semana Emmanuel w'i Rwamagana, akurikiranweho icyaha cyo gukomeretsa bikomeye Rumanzi Egide bimuviramo urupfu ndetse ko yanakomerekeje Mukakalisa Annonciata.

Ikibazo cyabereye Rwamagana,Umurenge​ wa Munyiginya, Umudugudu w’Umurinzi mw’ijoro ryakeye, kirimo gukurikiranwa n’inzego zibishinzwe.

Dutuze iperereza rikorwe, tuze kumenya neza ukuri.

Iperereza nokwemeza ibyabaye kuri Twitter tubireke.

Ababuze ababo Imana ibahe kwihangana.

— Busingye Johnston (@BusingyeJohns) January 12, 2021

---