Blog

Arenga miliyoni 10 z’amafaranga y’u Rwanda niyo yagiye ku myenda ya Made in Rwanda Amavubi y’u Rwanda yagiye yambaye muri Cameroun aho yitabiriye CHAN.

U Rwanda rwahagurutse mu gitondo cyo kuri uyu wa Gatatu, saa 11h30′ zo mu Rwanda bari bageze Douala muri Cameroun aho itsinda C rizakinira ari naryo u Rwanda rurimo kumwe na Maroc, Uganda na Togo.

Mu buryo butamenyerewe, Amavubi yahagurutse yambaye imyenda ya Made in Rwanda yakozwe n’inzu y’imideli ya Moshions.

Iyi myambarire yavugishije abatari bake ku mbuga nkoranyambaga aho bamwe bishimiye uburyo Amavubi yaserutse asa ni mu gihe abandi bo babirwanyije bavuga ko bitari bikwiye kugenda bambaye nk’abanyamideli kandi bagiye gukina umupira w’amaguru.

Mu gushaka kumenya byinshi kuri iyi myambaro niba yakodeshejwe cyangwa yaguzwe, ISIMBI yagerageje kuvugana n’umuyobozi wa Moshions, Twahirwa Moses avuga ko atavuga amafaranga yaguzwe icyo yatangaza gusa ari uko yahawe ikiraka cyo kudoda imyenda kandi akabibakorera.

Moshions ikaba yarakoreye Amavubi amashati n’amapantaro bya Made in Rwanda biriho imigongo ku maboko no mu gatuza.

Ntabwo wapfa kumenya igiciro nyacyo cy’iyi myenda yatanzweho kereka ba nyiri ubwite babyitangarije, ariko ukurikije ibiciro biri ku rubuga rwa Moshions, iyi myenda yatanzweho 10.575.000 z’amafaranga y’u Rwanda.

Muri rusange babadodeye abantu 45(abakinnyi + Staff Technique). Iyo urebye ku rubuga rwayo ubona amashati badodewe yitwa ' Ntabana Inkingi Long Sleeves Shirt’ imwe iba ihagaze ibihumbi 115 by’amafaranga y’u Rwanda. Amapantaro badodowe yitwa 'Murenzi Pants’ imwe ikaba igura ibihumbi 120 by’amafaranga y’u Rwanda(ni nayo ihendutse bagira).

Buri muntu akaba yahagurutse yambaye imyenda ihagaze ibihumbi 235 by’amafaranga y’u Rwanda, abantu 45 ni 10.575.000 frw.

CHAN 2020(igiye kuba muri 2021 bitewe n’icyorezo cya Coronavirus cyatumye itaba umwaka ushize) izatangira tariki ya 16 Mutarama 2021 isozwe tariki ya 7 Mutarama 2021.

Muhadjiri na Rugwiro bambaye amashati ya ‘Ntabana Inkingi Long Sleeves Shirt’ n’amapantaro ya ‘Murenzi Pants’

Moshions niyo yambitse Amavubi, yabatwaye asaga miliyoni 10

Guverineli MUFULUKYE Fred yavuze ko mberenambere ashimira abaturage b’Intara y’Uburasirazuba uburyo bitwara mu kubahiriza ingamba zo kwirinda Corona nubwo hari bamwe bakirenga kumabwiriza, yagize ati”Mubyukuri ndashimira abaturage uburyo bariho bitwara mu kubahiriza ingamba zo kwirinda Covid-19 nubwo hari bamwe bakirenga ku mabwiriza yo kwirinda bikabaviramo guhanwa”.

Aha niho yahereye avuga ko nog nubwo tubahana ariko biratubabaza, yagize ati” ikigamijwe ntabwo ari uguhana uwarenze ku mwabwiriza kuko nubwo tubahana ariko biratubabaza kuko amafaranga acibwa umuturage warenze ku mabwiriza yakabaye amufasha mu gucyemura ibibazo by’umuryango we cg se akamufasha mukwiteza imbere”.

Guverineli yagarutse kandi no kuri bamwe mu bayobozi bafatwa barenze ku mabwiriza yo kwirinda icyorezo kandi aribo bakabaye bafasha abaturage bagifite imyumvire irihasi.

Ikindi yakomojeho nuko buri karere gafite uburyo gakangurira abaturage bako mukwirinda Corona bitewe n’imiterere yako, urugero: Nk’Uturere twa Kirehe, Nyagatare na Bugesera bitewe nuko duhana imbibi n’ibihugu by’abaturanyi abayobozi b’utwo turere bashyira imbaraga mu gukangurira abaturage kwitwararika mu gihe bahuye na bamwe mu baturage bibyo bihugu kubera ko ari ku mupaka.

Guverineli yongeye kwibutsa abaturage b’Uburasirazuba ndetse n’Abanyarwanda muri rusange ko icyorezo ntaho cyagiye gihari bityo ko buriwese agomba gukomeza kwirinda no kwitwararika cyane cyane birinda ingendo zitari ngombwa ndetse n’ibirori nabyo abantu bakabireka kuko arimwe mu intandaro yo gu kwirakwiza Covid-19.

Mubantu basanganywe Covid-19 kuruyu wa kabiri 12/2021. Kirehe habonetse abarwayi 9 Rwamagana haboneka 7 Nyagatare naho habonetse 7 mugihe mu karere ka Bugesera habonetse umurwayi umwe.

Bagabo John

Emmy akunzwe mu ndirimbo zitandukanye zirimo; ‘Ntunsige’, ‘Care’, ‘I swear’,’Uranyuze’, ‘Wabaga he’ yakoranye na Priscilla, ‘Kuki’, ‘Nyuma’ yakoranye na Kaytwo n’izindi. Kuri ubu yamaze gutera intambwe ikomeye mu rugendo rwe rw’urukundo yambika impeta umukobwa yakunze kurusha abandi bose ku Isi. Kuri uyu wa Gatatu tariki 13/01/2020 ni bwo yahamije ko yamaze gutera iyi ntambwe mu butumwa yanyujije ku rukuta rwe rwa Instagram.

Emmy yavuze ko umukobwa yambitse impeta ari we yatoranyije ndetse ahamya ko nta wundi uzamumurutira kuko yamutoranyije nta kujijinganya. Yatangaje ko yishimiye cyane iyi ntambwe bateye. Yashimiye umukunzi we Umuhoza Joyce (Hoza) kuba yaramwizeye. Yongeyeho ati “Ndagukunda Hoza”. Ubu butumwa yabwanditse munsi y’amafoto aryoheye ijisho amugaragaza ari kumwe n’umukunzi we basohokeye ku mazi ari naho yamwambikiye impeta.

REBA AMAFOTO UBWO EMMY YAMBIKAGA JOYCE IMPETA Y’URUKUNDO

Emmy na Joyce mu buryohe bw’urukundo

Joyce yishimiye kwambikwa impeta n’umusore wamurutiye abandi bose

Emmy hamwe n’umukunzi we Joyce biyemeje kuzabana iteka

Ubutumwa Emmy yanditse atangariza abantu ko yambitse impeta umukunzi we

REBA HANO ‘CARE’ INDIRIMBO YA EMMY IMAZE AMEZI 4 ISOHOTSE

Intumwa y'Umunyamabanga Mukuru w'Umuryango w'Abibumbye muri Centrafrique, Mankeur Ndiaye, yihanganishije umuryango w'umusirikare witabye Imana 'n'Ingabo z'u Rwanda hamwe na Guverinoma y'u Rwanda'.

Itangazo rya Minusca rivuga ko usibye uwo musirikare wapfuye, hari undi umwe wakomerekeye muri icyo gitero. Amakuru IGIHE yabashije kumenya ni uko uwakomeretse ari mu buryo bworoheje.

Minusca yamaganye iki gitero cyagabwe n'imitwe yishyize hamwe ya anti-Balaka, UPC, 3R na MPC ishyigikiwe na François Bozizé wigeze kuyobora iki gihugu.

Ahagana saa Yine z'igitondo mu nkengero z'Umujyi wa Bangui humvikanaga amasasu menshi, mu bice bya PK12 na PK9. Amasasu arimo ay'imbunda nini yumvikanaga kandi ku misozi iri muri utwo duce harimo uwa Koukoulou, Vodambala na Pindao.

Kugera saa Yine z'igitondo, muri ibyo bice amasasu ntiyari acyumvikana cyane ahubwo yumvikaniraga kure. Minisitiri w'Intebe wa Centrafrique, Firmin Ngrébada, yatangaje ko ari igitero cyagabwe n'abarwanyi b'ihuriro CPC (Coalition des patriotes pour la Centrafrique) ariko ko abo barwanyi bashakaga kwinjira mu Mujyi wa Bangui basubijwe inyuma.

Magingo aya, mu Mujyi wa Bangui, moto zabujijwe gukora ingendo aho zizasubukura ibikorwa ari uko hatanzwe amabwiriza mashya. Ni zo akenshi abarwanyi b'iyi mitwe bakunda gukoresha mu ngendo zabo.

Abaturage basabwe kugira uruhare mu gucunga umutekano, batanga amakuru ku bashinzwe umutekano mu gihe babonye ikintu icyo aricyo cyose kigamije kuwuhungabanya.

Ifoto igaragaza amarembo y’Ikigo cy’Ingabo z’u Rwanda ziri mu butumwa bw’amahoro muri Centrafrique

Tariki ya 11 Mutarama 2021 nibwo batawe muri yombi bazira gukoresha inyandiko mpimbano. Abaganga bafunzwe barimo umwe ukora mu bitaro bya leta byo mu Mujyi wa Kigali n'undi mugore w'imyaka 64 ufite ivuriro ryigenga.

Bose hamwe n'abo bahaye ibyo byangombwa bakurikiranyweho icyaha cyo guhimba no gukoresha inyandiko mpimbano, aho bahimbye kandi bagakoresha inyandiko zigaragaza ko bafite 'ubuzima buzira umuze'.

Ibyo byangombwa byatangwaga n'Ivuriro ryigenga riba mu Karere ka Nyarugenge, Umurenge wa Muhima, Akagari ka Nyabugogo, Umudugudu w'Ubucuruzi ku bufatanye bw'uwo muganga ukorera mu bitaro bya leta kuko biriho umukono na kashe bye.

Abafashwe bafungiye kuri Station ya RIB ya Remera, Kimironko n'iya Kacyiru mu gihe iperereza rikomeje kugira ngo hakorwe dosiye zishyikirizwe Ubushinjacyaha.

Umuvugizi w'Umusigire wa RIB, Dr Murangira B. Thierry yasabye abaturarwanda kwirinda ibyaha nk'ibi kuko uzabijyamo wese atazihanganirwa.

Ati 'RIB iributsa Abaturarwanda ko gukoresha inyandiko zitavugisha ukuri cyangwa mpimbano ari icyaha, ko itazihanganira uwo ariwe wese uzafatwa yagikoze inibutsa abantu ko ari icyaha gihanwa n'amategeko.'

Guhimba inyandiko cyangwa gukoresha inyandiko mpimbano bihanwa n'ingingo ya 276 y'itegeko riteganya ibyaha n'ibihano muri rusange. Iyo guhimba byakozwe n'umukozi wa leta mu murimo ashinzwe cyangwa n'undi ushinzwe umurimo w'igihugu; iyo abihamijwe n'urukiko ahabwa igifungo kitari munsi y'imyaka irindwi ariko kitarenze imyaka 10 n'ihazabu ya miliyoni 2 Frw ariko itarenze miliyoni 3 Frw cyangwa kimwe muri ibyo bihano.

Ni mu gihe umuntu wese uzi ko inyandiko ari impimbano, akayikoresha ku buryo ubwo ari bwo bwose aba akoze icyaha; iyo abihamijwe n'urukiko afungwa imyaka itari munsi y'itanu ariko itarenze irindwi n'amafaranga y'u Rwanda atari munsi ya miliyoni 3 Frw ariko atarenga miliyoni 5 Frw cyangwa kimwe muri ibyo bihano.