Blog

Sugira Ernest rutahizamu w’Amavubi watsinze igitego cta 3 cyahesheje ikipe y’igihugu itike ya 1/4 cya CHAN 2020, yabajijwe icyo avuga ku mukobwa wamusabye ko yamutera inda mu kwishimira intsinzi yahesheje u Rwanda, maze atangaza ko icyo kibazo adashobora kugisusubiza. Ubwo ikiganiro cyari gikomeje, Kapiteni wa Rayon Sports, Rugwiro Hervé, yumvikanye arimo kubwira Sugira ati 'Umwana ni umugisha'. 

Ubutumwa Noella yanyujije kuri Twitter asaba Sugira kuzamutera inda

Sugira Ernest yakomeje kugaragaza gushidikanya kwinshi aho yaneruye akavuga ko ibintu byo ku mbuga nkoranyambaga bigoye kubiha agaciro bitewe n’uko hari abiyitirira izo mbuga bakandika ibyo bashaka. Umuvugizi wa Rayon Sports, Nkurunziza Jean Paul, baganiraga kuri shene ya You Tube ya Rayon Sport yitwa Rayon Sports Tv, yongeye kumubaza ati 'Uramumwimye?', Sugira asubiza ati:

Oya, nta kintu ntangaje, mpisemo kwifata. Biriya ni ibyo ku mbuga nkoranyambaga ntabwo wabiha agaciro cyane, ngo ugire ikintu ubivugaho, ushobora gusanga ari undi wamwiyitiriye, akiyitirira ririya zina.

Sugira yabwiwe ko uyu mukobwa Noella abyiyemerera (ko nta muntu wamwiyitiriye ku mbuga nkoranyambaga), nuko Sugira ati 'Ubwo butumwa ntabwo nabubonye. Ubwo hari impamvu yabyanditse, ntabwo muzi amaso ku maso, ndakeka na we atarambona. Simbizi (yavugaga ko atabizi niba bazabonana).

UMVA HANO UKO NOELLA IZERE YABWIYE INYARWANDA TV  

Izere Noella, aherutse gutangariza InyaRwanda ko kwemerera umwana Sugira Ernest yabitewe n'amarangamutima kuko yarikiniraga. Icyakora ukurikije ugushidikanya Sugira Ernest afite wakwemeza ko bombi bahuye hari ikintu kizima byatanga yaba kumenyana na cyane ko bataziranye amaso ku maso ndetse no kuba bagira ibindi binyuranye bahuriramo aho Sugira ashobora no kuba umukunzi w’umuziki wa Noella Izere nk’uko nawe amufana bikomeye muri ruhago.

Noella Izere yasabye Sugira ko yamutera inda

Sugira Ernest yirinze kugira byinshi atangaza ku mukobwa wamusabye kumutera inda

Noella Izere akora umuziki mu njyana Gakondo

REBA HANO INDIRIMBO ‘IKIRUTIBINDI’ YA NOELLA IZERE

Muri iyi minsi abahanuzi b’ibinyoma bakomeje kwiyongera uko bukeye n’uko bwije, aho birara muri rubanda bagahanura ibishingiye ku mayeri yabo bagamije kurya imitungo y’abantu ndetse no kwigwizaho abayoboke. Ariko bazabona ishyano ababeshyera Imana ngo yavuze kandi itavuze. Birakwiye ko abantu basobanukirwa bene ayo mayeri kugira ngo duhashye abo banzi b’umusaraba.

Mu bindi bihugu biroroshye kubona umuntu ufunguka agatanga ubuhamya bw’ibyamubayeho, mu mubano we n’umuhanuzi ariko mu Rwanda siko bimeze. Ni gake cyane umuntu ashobora kukwizera akavuga n’akari imurori ku nkuru nk’izo cyane ko ishobora kumugiraho ingaruka.

Umwe mu bayoboke b’itorero rikorera mu Mujyi wa Kigali yavuze uko yatekewe imitwe n’abahanuzi, akazinukwa burundu kongera kubatega ugutwi.Mu magambo magufi yagize ati 'Umuhanuzi yampanuriye ambwira ngo mfate umunyu nywuterere ku mabati, ngo birirukana ibirozi bari banterereje. Nkibita mu gutwi nibutse ko umunyu iyo uwushyize ku mabati abora cyangwa agatoboka, ndabireka. Banzaniye ibintu bacukura inzu, bashaka kwerekana ko bazi ibirimo nabyo ndabibona.”

Kuva icyo gihe ngo yahuzwe burundu abantu bamuhanurira nyuma yo guhura n’abagerageje kumutekaho umutwe ntibyabahira.

Amasezerano y’ibyiza yahumye abantu amaso, byorohereza abahanuzi

Pasiteri wo mu Itorero ADEPR yasobanuye ko Isi igeze mu bihe aho abantu bita icyiza ikibi, ikibi bakakita icyiza kandi ntibibatere isoni.

Yagize ati 'Abandi bigwizaho ababahanurira ibyiza gusa ariko ntibakomoze ku kureka ingeso mbi zabo, iteka kandi ntibatana no kwigwizaho ababigisha inyigisho zijyanye n’irari ry’imitima yabo zibabwira amahoro kandi nta mahoro y’umunyabyaha, bose baragana mu gucirwaho iteka.”

Ubuhanuzi bugusha ku byiza, bwizeza abantu ko nta teka bazacirwaho burayobokwa cyane kandi bukundwa n’ab’ingeri zose.

Yakomeje avuga ko buri wese yishakira icyamumenyekanisha ku buryo anatanga ubuhanuzi yatumwe n’abandi cyangwa na we yishakira indamu bigatuma avuga ibyiza bijyanye n’ibyo yifuza mu mutima we.

Ati 'Turi kwakira abahanura basenyana (bavuguruzanya) bati 'Imana ivuze ibi kuri COVID-19′, abandi bati 'murabeshya. Abana mu gakiza ni bo bari kubibabarizwamo cyane kuko abantu bibahejeje mu rungabangabo.”

Uyu muvugabutumwa agaragaza ko bakwiye kwigisha no guhugura abavugira mu ruhame bakumvwa kugira ngo hagabanywe abayobya rubanda nyamwishi.

Gukodesha abarwayi no kubahererekanya

Kimwe mu byemeza abayoboke ko umuhanuzi bakurikiye ari muzima ni uko avuga ibintu bikaba.

Iturufu ikomeye benshi bakoresha ni iyo gukiza indwara zitandukanye kugera no ku guhagurutsa abafite ubumuga cyangwa bahanzweho n’imyuka mibi aho n’ufite imbago ashobora kuyita hasi agatambira Imana.

Amakuru afitiwe gihamya ni uko hari bamwe mu bavugabutumwa bajya mu byaro bya kure bakavanayo abantu wakwita ko ari beza mu kwigana imico y’abandi, akiyerekana nk’ufite ubumuga nyamara ari muzima ahubwo yabaye igikoresho cyo kwemeza rubanda.

Benshi muri bo usanga bahuriweho ku buryo bashobora no guhererekanywa, bagakora nk’abanyabiraka bishyurwa, bagakorerwaho ibitangaza.

Ikusanyamakuru ku muntu

Niba warateraniye aho bahanurira uzi ibibazo umuhanuzi aba abaza umuntu baganira. Turaziranye? Si ubwa mbere umbonye? Nigeze nguhamagara? Hari umuntu wo mu muryango wanyu tuziranye? Uhereye aha wakwibaza impamvu y’ibi bibazo.

Niba ukoresha imbuga nkoranyambaga nka Twitter, Facebook, Instagram na WhatsApp, uzi neza nk’amakuru wasangije abagukurikira mu cyumweru gishize.

Ntibyansaba kubanza gusenga ay’irindwi ngo menye ko wishimye cyangwa ubabaye, kureba ayo magambo cyangwa amafoto watangaje byaba ishusho y’uko ubayeho.

Ubu rero ni bumwe mu buryo bwifashishwa mu bihugu byateye imbere aho usanga abahanuzi baba bafite ababashakira amakuru hanyuma akaba ariyo yifashishwa mu guhanura. Aho imbuga nkoranyambaga zitifashishijwe ni ho hitabazwa ibiganiro nk’ibyo kuri telefoni cyangwa gutemberera ahantu runaka.

Umwe mu bavugabutumwa yavuze ko hari ubwo umuhanuzi aba aziranye n’umuntu amufiteho amakuru akabura uko amwinjirira, agakoresha mugenzi we bakanoza umugambi wo guhura, akamuhanurira ibyo bavuganye, baziranyeho.

Gusaba igitambo cy’amafaranga

Ubuhanuzi bwakirwa mu buryo butandukanye ndetse hari n’ababufata nko gushaka indonke, kenshi ubwo urabuhabwa bugahera, ukazategereza ugaheba.

Ibi byanatumye busigwa ikizinga ndetse bamwe mu bashimangira ko babisigiwe bambikwa umwambaro w’ubutekamutwe muri rubanda.

Iwacu mu Rwanda,abo bahanuzi bitwa n’abasatuzi bitewe n’uburyo babifatanya n’ivugabutumwa.

Abasatuzi bafatwa nk’abigisha Bibiliya baca hejuru ahubwo bacuruza ijambo ry’Imana, bavuga ko 'Ituro riremereye cyangwa gutamba Isaka wawe' biguhesha imigisha bigatuma bahanurira aho bageze hose.

Abasatuzi barimo abahanzi n’abapasiteri baniyita 'Ibiharamagara’, 'Ibifaru’, 'Intare zo mu rusengero’, 'Bitinze bizasohora’, 'Umwami w’Akarago’ n’andi.

Akenshi usanga basaba abantu amafaranga ngo baje kubasengera ku buryo bashobora no kubahanurira ibiteye ubwoba ariko bakabizeza ko Imana ishobora kubikuraho bisengewe.

Mu Ugushyingo 2018, Bishop Rucyahana uyobora Komisiyo y’Ubumwe n’Ubwiyunge yavuze ko abayoboke badakwiye kwemera guha abashumba n’abavugabutumwa amafaranga ngo babasengere.

Yagize ati 'Numva ko hari abashyira amaturo imbere bakavuga ko bagomba gutura ndetse bakavuga ngo tanga amafaranga aya n’aya tugusengere. Iyo ni ruswa.'

Iterabwoba ryo kurekwa n’Imana

IGIHE yamenye ko bamwe mu bahanuzi iyo bagiye gusura umuntu bifuza guhanurira hari ubwo bitwaza ibintu bagera iwe bakabishyira mu gipangu cyangwa mu nzu nko mu ntebe, bakazagaruka bavuga ko hari ibyo Imana yaberetse.

Umwe mu bo byabayeho yavuze ko 'iyo utabaye amaso aho unasabwa ituro ryo kwihumanura kandi ukaritanga.’

Ikinamico mu gushyingira n’umurindi mu gusenya ingo

Inkuru twatangiriyeho yerekana umwe mu bakobwa wasambanyijwe n’umupasiteri we, amushukishije icyo kunywa yavugaga ko kimukiza igifu.

Benshi mu rubyiruko bifuza kubaka urugo na bo bakagira umuryango uzabitirirwa.
Hari ibikorwa nk’ubukomisiyoneri aho umukobwa cyangwa umuhungu bavugana n’abahanuzi bakabahuza n’abo bifuza kubana, bigatwererwa ko 'Imana yavuze’ inashyigikiye uwo mushinga nyamara ari amarangamutima n’inyungu bishakira.

Abahanuzi kandi batungwa agatoki ku gukoresha imbaraga z’icyizere bagirirwa mu gusambanya abakobwa n’abagore bababeshya ko bari kubakuraho imivumo na karande zibazitira kugera ku byiza.

Ibi rimwe na rimwe ni byo bivamo gusenyuka kw’ingo cyangwa umuhanuzi akaba yanasaba abashyingiranywe gutandukana kuko nta mugisha uri mu rugo rwabo.

Uburyo rukumbi abayoboke b’amatorero bazitwara imbere y’abakozi b’Imana bashobora kubagusha mu mutego wo kubizeza ibishobora kudasohora ni ukubakira ku ijambo ry’Imana no kudakururwa n’ababizeza ibintu by’ibitangaza.

Muri macye birakwiye ko abantu b’Imana bava mu rungabangabo bashyirwamo n’abahanuzi b’ibinyoma hanyuma bakizera Imana kuko Yo ubwayo ishobora gukora yavuze cyangwa se itanavuze. Mubyukuri abantu ntibagashidukire ababahanurira bajye basaba Imana Umwuka w’ubugenzuzi hanyuma babashe guhagarara mu murimo neza.

source:igihe.com

[email protected]

Byari biteganyijwe ko Tour du Rwanda 2021 yari gukinwa hagati ya tariki ya 21-28 Gashyantare, ariko muri Mutarama Ishyirahamwe ry’umukino wo gusiganwa ku magare mu Rwanda ‘FERWACY’ ritangaza ko nyuma yo kugisha inama inzego zitandukanye za Leta ryafashe umwanzuro wo kuryimura.

Ni icyemezo cyatangajwe tariki ya 15 Mutarama 2021, nyuma yo kureba uburyo COVID-19 ihagaze mu bice bitandukanye by'Isi bikagaragara ko bishobora kubangamira imitegurire myiza ya Tour du Rwanda.

FERWACY yatangaje ko irushanwa ryimuriwe ku wa 2-9 Gicurasi ariko amatariki mashya akabanza kwemezwa na UCI. Ibinyujije ku rukuta rwa Twitter, Tour du Rwanda yatangaje ko aya matariki yemejwe bidasubirwaho. Yagize iti 'Twishimiye gutangaza ko UCI yemeje amatariki mashya ya Tour du Rwanda, ku wa 29 Gicurasi 2021''.

Tour du Rwanda yabaye mpuzamahanga kuva mu 2009 ubwo yegukanwaga na Adil Jelloul. Irushanwa riheruka, Tour du Rwanda 2020 ryatangiye tariki 23 Gashyantare rigera tariki 1 Werurwe 2020 ryegukanwa na Natnael Tesfatsio ukomoka muri Eritereya ku mwanya wa kabiri haza umunyarwanda Moise Mugisha.

Irushanwa ry’uyu mwaka rizaba ku nshuro ya 13 kuva ryaba mpuzamahanga, rizaba kandi ribaye ku nshuro ya gatatu riri ku rwego rwa 2.1, aho ryitabirwa n'amakipe akomeye aturutse ku migabane itandukanye.

Amakipe 15 niyo yamaze kwemeza ko azitabira Tour du Rwanda 2021:

Amakipe y'Ibihugu (3): Rwanda, Algérie na Ethiopia.

Amakipe yo ku migabane (7): Benediction Ignite Team (Rwanda), SAC (Rwanda), Pro Touch (Afurika y'Epfo), Bike Aid (u Budage), Vino Astana Motors (Kazakhstan), TSG (Malaysia) na Medellin (Colombia).

Amakipe yabigize umwuga (5): Team Novo Nordisk (USA), B&B Hotel (France), Androni Giocattoli (Italie), Total Direct Energie (France), Israel Cycling Academy (Israël).

Amakipe azahagararira u Rwanda akomeje imyiteguro

Tour du Rwanda ni rimwe mu marushanwa akurura Abanyarwanda mu bice bitandukanye by’igihugu

Umunya-Eritrea Tesfazion Nathnael niwe wegukanye irushanwa ry’umwaka ushize

Yabivuze kuri uyu wa Gatatu tariki 10 Gashyantare 2021 mu kiganiro n’Itangazamakuru cyagarutse ku rugendo rw’Amavubi mu irushanwa ry’igikombe cya Africa cy’abakina imbere mu bihugu (CHAN2020).

Mashami Vincent utoza iyi kipe y’Igihugu yagarukiye muri 1/4 cy’irangiza, amasezerano ye nk’umutoza mukuru ari kugana ku musozo.

Amasezerano ageze ku musozo mu gihe ikipe y’Igihugu igomba gukina imikino mu kwezi gutaha na Cameroon ndetse na Mozambique yo gushaka tike yo kwerekeza mu gikombe cya Africa kizaba umwaka utaha.

Bamwe mu bakurikiranira hafi iby’umupira w’amaguru mu Rwanda bavuga ko Mashami akwiye kongererwa amasezerano kuko yitwaye neza muri CHAN 2020 mu gihe hari n’abandi bavuga ko adakwiye gutoza ikipe nkuru kuko ubusanzwe ngo umutoza utoza ikipe y’Igihugu y’ab’imbere atari we utoza ikipe y’Igihugu ya rusange.

Rurangayire Guy, Umuyobozi wa Siporo muri Minisiteri ya Siporo, yavuze ko izi mpaka zose zizashira mu gihe cya vuba.

Yagize ati 'Mashami ntabwo ari kampara, nta nubwo ikipe y’Igihugu yamuzirikiweho, nibaza ko mushobora gutegereza, igihe nikigera umutoza azatangazwa, ari gushakwa.'

Uyu muyobozi muri MINISPORTS kandi avuga ko umutoza w’Ikipe y’Igihugu azamenyekana vuba ku buryo Amavubi azakina na Mozambique, azaba yamenyekanye.

Mashami Vincent na we yavuze ko 'nta mahirwe menshi mfite yo gukomeza aka kazi kuko sinjye ugatanga kandi si njye ukiha, wenda wowe ni ko ubibona ariko si ko njye mbibona.'

Yasubizaga umunyamakuru wari uvuze ko yagiye agera kuri zimwe mu ntego ze ku buryo byamuha amahirwe yo gukomeza gutoza Ikipe y’Igihugu.

UKWEZI.RW

Ni mu isesengura ryabaye kuri uyu wa Kabiri tariki 09 Gashyantare ubwo Ministeri y’Ubutegetsi bw’Igihugu n’iy’Uburezi zatangaga ibisobanuro ku bibazo by’imicungire y’abarimu mu mashuri abanza, ayisumbuye n’ay’imyuga byagaragajwe muri raporo ya NPSC ya 2019-2020.

Abadepite bagize Komisiyo y’Imibereho y’Abaturage bagarutse cyane ku kibazo cy’amakosa agaragara mu micungire y’abakozi b’abarimu, kuko harimo benshi bashyirwa mu myanya batujuje ibisabwa bibemerera gukora uwo mwuga.

Akomeje kubazwa n’abagize iyi komisiyo anasabwa n’igihe ntarengwa cyo kuba ibi bibazo byakemutse, Minisitiri w’Uburezi, Dr Valentine UWAMARIYA yavuze ko biriya bibazo birabareba.

Yagize ati 'Nk’iki cyo kiratureba ntabwo twacyigurutsa. Nemeza ko ntacyatunanira ariko nonaha kuba navuga ngo turatanga igihe ntarengwa, njye ku ruhande rwanjye ntabwo nshaka kubeshya gusa nemeza ko ubwo bushake buhari.'

Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage, Nyirarukundo Igantienne nawe n’ubwo yasabye ko bahabwa igihe ngo babe bakemuye iki kibazo, avuga ko ntawagakwiye kurenga ku mategeko ahari yanditse kandi bigira ingaruka ku ireme ry’uburezi.

Yagize ati 'Ikintu cyo gukurikiza amategeko kandi yanditse asobanutse nanjye ndumva kihutirwa kandi koko bigira ingorane kuko ntituragera aho kubera ngo ariko uyu ibyo yahembewe yatanze umusaruro ? Abana barize bamenye ibyo bagombaga kumenya ? Ese ntacyatakaye bazamenya ejo kandi baragombaga kukimenya uyu munsi ?'

Ny’uma y’ibi bisobanuro, Hon.MUHONGAYIRE Christine uyobora Komisiyo y’Imibereho y’Abaturage, yasabye izi ministeri gukora uko zishoboye amezi atatu ibi bibazo by’imicungire itanoze y’abarimu bikaba byavugutiwe umuti.

Yagize ati 'Mu by’ukuri tubahaye amezi atatu kugira ngo ibi byose bizabe byarangiye ; aba barimu bazabe babonye amabaruwa abashyira mu kazi, abandi dossier zamaze kuzuzwa, ndetse n’abagomba kugaragaza za Equivalence zabo aho zikenewe bazitanze.'

Mu bugenzuzi bwakozwe na ko Komisiyo y’Abadepite Ishinzwe imibereho y’Abaturage, basanze uturere twa Nyagatare na Nyamagabe ari two tuza imbere mu kugira abarimu benshi badafite dosiye, mu gihe uturere twa Ngororero, Ruhango na Bugesera ari two dufite abarimu benshi bafite dosiye zituzuye.

Iyi raporo kandi igaragaza ko mu turere 11 twakorewemo igenzura ku barimu ibihumbi 23 617 harimo 1 566 batagira dosiye, mu gihe 8 813 bafite dosiye zituzuye.

UKWEZI.RW

Nzirorera wavutse afite ubumuga bwo kutavuga yabaye mu buzima bushaririye kugeza aho bamwitaga umusaza kandi ari umusore ndetse na we yageze aho yitakariza icyizere akajya ahunga indorerwamo kugira ngo atabona uburyo yabaye umusaza, ariko Imana yaramuzahuye imusubiza itoto ndetse imwubakira urugo.

Nzirorera yavutse ku babyeyi banywaga inzoga n’itabi ari na byo byaje kumugira ho ingaruka yo kuvuka atameze neza asa n’ushaje. Yabaye muri ubwo buzima kugeza mu 1994 ubwo genocide yabaga hanyuma bagahungira Saint Famille, icyo gihe yari afite imyaka 4 ariko kuko atari azi kugenda cyangwa kuvuga yaburanye n’umuryango we aza kwisanga muri Congo mu kigo cy’imfubyi, aribwo abazungu bamwitayeho ndetse baramuvura arakira abasha kugenda no kuvuga.

Igihe cyarageze agaruka mu Rwanda umuryango we uramwakira ndetse ajya mu ishuri. Aho yigaga yari ikirara azwi ku izina rya Mushinwa na Kanyombya ariko umunsi umwe ari ku ishuri bagiye mu materaniro bahamagaye abihana na we arahaguruka baramusengera ariko yumva ari nk’ibisanzwe yikomereza nta cyo bimubwiye.

Burya iminsi iba myinshi igahimwa n’umwe, haje kugera igihe arakizwa by’ukuri nk’uko abisobanura ati:

'Umunsi umwe nagiye gusengera i Gacuriro ku rusengero rwa ADEPR ku mudugudu wa Rugarama, nagiyeyo bisanzwe ngezeyo ndavuga ngo sindi bwicare imbere batandondora. Mubyukuri nari ngiye kureba uko abarokore berekwa bakarondora abantu kuko numvaga mbifitiye amatsiko. Ngezemo, Imana yamfatiyemo umuntu abwiriza ijambo rivuga ngo Imana yarahabaye, arasobanura avuga abo Imana yarindiye muri Congo, nahise numva ari njyewe avuze. Naratsinzwe mfukama hasi baransengera mfata icyemezo mba ndakijijwe.

Kuva icyo gihe Imana yatangiye kunsura ikanyereka ubuzima nabayemo bwose kandi Ikambwira ko nzaba umukozi wayo kandi izangirira neza. Natangiye ivugabutumwa ndi umukene nta myenda mfite, ndibuka ko umuntu yampaye ipantalo ya forongo y’abagore imfashe cyane, noneho nayambara ngiye gusenga maze bampa kubwiriza abantu bagaseka ngataha nzi ko bafashijwe naho ari ipantalo nambaye'.

Igihe cyarageze Nzirorera Imana imubwira ko Imushyize mu ishuri aho abantu bazamwandikaho amazina menshi ariko nyuma ikazamutabara, arabisobanura agira ati: 'Imana yanyibwiriye ko ninjiye mu ishuri kandi ko nzasaza ngahinduka muzehe nakagenda nunamye. Icyo gihe nari mfite imyaka makumyabiri ariko bitewe n’inzara narakugendeye ndasaza koko bakajya bavuga ko mfite imyaka 70 bitewe n’uko nkimara gukizwa famille yanjye yari abagatulika bamvaho.

Ndibuka umunsi umwe nagiye kubwiriza Nyabisindu inzara yaranyishe ariko nasenze Imana irambwira ngo ndakugaburira. Nagezeyo rero batera intebe y’urubaho yegamiye ku gikuta bavuga bati: 'Uyu musaza atagwa hasi'. Umuhanuzi umwe yarahagurutse arampeka anzengurukana ampanurira ubukwe abantu bose bakeka ko avangiwe kuko nari muzehe, mu kunshyira hasi rero nibwo narwaye isereri bitewe no kunzengurukana anshyize hasi, isereri yahise imfata kubera inzara nikubita hasi. Batangiye kunsengera bazi ko ari imyuka mibi ariko nababwiye ko ari inzara maze bangurira amata n’irindazi ngarura ubuyanja.

Namaze guhembuka bampa umwanya nigisha ijambo ry’Imana ndetse mbabwira ko ndi umusore barumirwa bakajya bibaza icyo nabaye kuko ku myaka 22 nari mfite ibiro 35. Mubyukuri nabaye mu buzima bwo gusaza kugeza ubwo bagenzi banjye b’abavugabutumwa n’abahanzi bangiriye inama ngo mugihe cyo kwivuga sinzajye mvuga ko ndi umusore kuko igihe ndimo kitabinyemerera.

Mu gihe nari ngize imyaka 26 Imana yankoreye ubukwe mfite ibiro 40, aho ngaho Imana yari imaze kungaburira naratangiye kuzahuka. Mubyukuri ubukwe bwanjye bwari amateka kuko nabukoze nta faranga na rimwe mfite muri 2016. Narambagije nta kintu mfite ariko Nsenga Imana nyibwira ngo isange umukobwa imwemeze n’ubwo yabanje kubyanga kuko nari narashaje, ariko Imana yageze aho iramwemeza yemera kunkunda.Twaragendanaga bagaseka cyane yewe no mugihe cyo kwerekanwa mu rusengero i Batsinda, abantu barasetse barakumbagara.

Imbaraga z’Imana zirahambaye, Imana yatangiye kunyambika mugihe ubukwe bwari bwegereje ikajya ikoresha abantu bakampa imyenda ariko inyima amafaranga ku buryo buri bucye ubukwe buba nasaze kuko abantu bose nari nizeye bari bamaze kumvaho abemeye kuntwerera bamaze kumpinduka nsigaye njyenyine,ariko Imana yashakaga ko ntazirata imbaraga z’abantu.

Kuwa gatanu saa kumi n’imwe z’umugoroba nibwo ijwi ry’Imana ryambwiye ngo ngiye kugukorera igitangaza. Abantu batangiye kumapamagara bantwerera, abanzanira intebe, igitanda n’amafaranga menshi ndayarunda. Ikindi kandi Imana yagiye mu muryango irabemeza mugitondo cy’ubukwe bazindutse bakora inama baraza bantahira ubukwe kuko babonye ibyo Imana inkoreye baravuga bati 'Uyu muntu yasenze Imana '.

Nzirorera arashima Imana yamurinzer ikemera ko aca mu ishuri ryayo kandi ikamurinda ntave mu nzira yayo. Muri 2019 nibwo Imana yamwunamuye nk’uko yari yarabimusezeranyije atangira kugenda yemye, abantu baratangarira uburyo yabaye umusore. Kugeza ubu Imana yaramuzahuye asigaye afite ibiro 60. Kugeza Imana imaze kumugeza mu bihugu bitandukanye nka Kenya, Uganda n’ahandi abwiriza ubutumwa bwiza ndetse atanga ubuhamya bw’Ibyo Uwiteka yamukoreye. Murumva rero ko Imana irinda ijambo ryayo kugeza irisohoje'.

source:zaburi nshya

[email protected]

Nyuma y’ibyavuzwe by’uko Madame Kankindi Alida Lise wari uyoboye ikipe yagiye muri Cameroun mu ishuranwa rya CHAN 2020 ko yaba yaritwaye nabi ndetse agashyamirana n’itangazamakuru, yahakanye ibi avuga ko wenda bagowe n’uburyo babayemo bitewe n’ingamba zo kwirinda iki cyorezo.

Ikipe y’igihugu y’u Rwanda yahagurutse mu Rwanda tariki ya 13 Mutarama 2021 yitabiriye irushanwa rya CHAN 2020 ryabereye muri Cameroun kuva tariki ya 16 Mutarama — 7 Gashyantare 2021, gusa u Rwanda rwaviriyemo muri ¼ rwageze mu i Kigali tariki ya 3 Gashyantare 2021.

Muri iyi minsi yamaze muri iki gihugu, hagiye habaho kugongana kw’inzego nk’uko bamwe mu banyamakuru bariyo babitangaje aho Kankindi Alida Lise wari uyoboye 'delgation’ yagiye abahutaza mu kazi kabo ndetse hakabaho no gushyamirana.

Hari ukubabwira imvugo zikakaye, ko abanyamakuru ari abanyamatiku atatuma n’umwana we arikora.

Gushyamirana na bamwe mu banyamakuru, kubatandukanya n’ikipe no kwigwizaho inshingano akazambura abari basanzwe bazikora.

Gusiga umunyamakuru arwariye muri hoteli ntibanayishyure bo bakerekeza Limbe bikaba ngombwa ko bamufatira n’ibindi.

Uyu mu munsi mu kiganiro n’itangazamakuru cyagarutse ku rugendo rwo muri CHAN 2020, Kankindi Alida Lise wari uyoboye 'delegation’, yemeje ko hari ibitaragenze neza.

Ati' Ikibazo cy’imyenda cyagaragaye siko twabyifuzaga. Umunyamakuru wamaze iminsi 4 cyangwa 5 mu bitaro ntabwo twabyifuzaga. Ibibazo byabaye mu banyamakuru ntabwo ariko twabyifuzaga ariko byose byabaye ku bw’umutekano.'

Yavuze ko ikipe yagiye mu bihe bidasanzwe by’icyorezo ko n’ingamba zagombaga kuba zidasanzwe, rimwe na rimwe ushobora gusanga ari cyo kibazo cyabayeho n’aho nta muntu n’umwe afitanye na we ikibazo cy’umwihariko.

Ati'Twagiye mu bihe bidasanzwe, dushyiraho ingamba zidasanzwe. Ubundi ubusanzwe abanyamakuru babanaga n’ikipe nk’umwe muri bo, muri ibi bihe rero abanyamakuru ntabwo twari kubazirikira muri Hoteli kuko bagombaga gukora akazi kabo, hari felied bagombaga kujyamo, Press conference kandi rimwe na rimwe umuntu aba agomba kwita ku kazi agakaza ingamba, rero ntabyabaye ku bw’ikibazo umuntu afitanye n’undi bwite.'

Yahakanye yivuye inyuma ko nta munyamakuru n’umwe bigeze babangamira mu kazi ke nk’uko byatangajwe.

Ati'Ntabwo navuga ngo twabangamiye abanyamakuru mu kazi kabo, ntawashatse kujya mu myitozo ngo abuzwe, ntawashatse interview ngo ayibure bityo rero sinavuga ko hari umunyamakuru wabangamiwe mu kazi.'

Ku burwayi bw’umunyamakuru Jean Luc Imfurayacu warwaye akaguruka n’irushanwa ritarangiye, yavuze ko ntawigeze yanga kumwitaho kuko n’ibitaro byarishyuwe.

Ati'Uburwayi bwa Jean Luc yararwaye iminsi ya mbere ajya mu bitaro, yamazemo iminsi mike ariko ibitaro byarishyuwe, CAF yarabyishyuye nta kibazo cyabayemo uretse imiti yaguzwe ku ruhande kandi nitwe twayiguze.'

Ku byo kumusiga muri Hoteli itishyuwe akagomba kwitabaza inshuti iba muri iki gihugu, yavuze ko bagiye Limbe ahagombaga kubera umukino wa Togo, bahavuye ku Cyumweru basiga Jean Luc muri hoteli agomba gutaha ku wa Mbere, hoteli ngo yanze ko bishyura kuko umunsi wari utararangira kandi amafaranga yose yari ku ikarita.

Ati'Gufatirwa na hoteli ntabwo ari byo, twagiye Limbe agomba gutaha ku wa Mbere. Tujya guhagaruka Douala tugiye Hoteli yatubwiye ko tutakishyura ibintu bitarakoreshwa kuko ashobora kugira ibindi afata. Yasigaranye na Dr. Higiro, kuko uburyo twagombaga kwishyura nabwo twari tujyanye nabwo(ikoranabuhanga), dusaba Dr kohereza iyo facture muri FERWAFA bakishyura iryo joro barayemo, niko byagenze, gusa ku wa Mbere hano(mu Rwanda) byari umunsi w’Intwari ntabwo bari bakoze rero twashatse umuntu Douala arayishyura bamwishyura ku wa Kabiri.'

Inkuru bifitanye isano wasoma: Operation Kigali — Douala — Limbe: Ibitaravuzwe! Urugendo rutoroheye abanyamakuru ba siporo(CHAN2020)

N’ubwo avuga ko Jean Luc yaje tariki ya 1 Gashyantare 2021, umunsi w’Intwari sibyo kuko icyo gihe Jean Luc yari amaze icyumweru ari mu Rwanda kuko yaje tariki ya 25 Mutarama 2021.

Ku ruhande rwa MINISPORTS yavuze ko ibyabaye byose muri uru rugendo hari isomo byabasigiye rizabafasha mu minsi iri imbere harimo no gusubira mu masezerano y’abafatanyabikorwa ku buryo nta kibazo kizongera kugaragara.

Abanyamakuru bari CHAN 2020 bavuga ko batorohewe bitewe n’uwari ubayoboye

Lise yahakanye ibyo yashinjwe n’itangazamakuru byose

Byatangajwe n’Ishyirahamwe ry’umukino w’amagare mu Rwanda (FERWACY) ryasohoye itangazo rimenyesha ko iri siganwa rizaba muri ariya matariki mu gihe ryagombaga kuba muri uku kwezi kwa Gashyantare turimo ariko rikaza gusubikwa kubera ingamba zo kwirinda icyorezo cya COVID-19.

Ubwo ryasubikwaga, ishyirahamwe ry’Umukino wo gusiganwa ku magare mu Rwanda (FERWACY) ryari ryatangaje ko iri rushanwa ryimuriwe by’agateganyo kuri ariya matariki n’ubundi yemejwe uyu munsi.

Ubuyobozi bwa Tour du Rwanda bwemeje ko bitakiri iby’agateganyo ko aya matariki yemejwe n’ishyirahamwe ryo gusiganwa ku magare ku Isi (UCI) mu buryo bwa burundu.

Ubutumwa bwatambutse kuri Twitter, bugira buti 'Turabamenyesha ko UCI yemeye amatariki mashya mashya ya Tour du Rwanda, ni hagati ya tariki 02-09 Gicurasi 2021.'

Iri rushanwwa mpuzamahanga risanzwe rifite abakunzi batari bacye mu Rwanda, umwaka ushize ryari ryegukanywe n’Umunya-Eritrea, Natnael Tesfazione waritwaye Umunyarwanda Mugisha Moise waje ku mwana wa kabiri.

UDUCE TUZAKINWA N’INDEHSYO YATWO :

1. Agace ka Mbere : Kigali Arena- Rwamagana (ibilometero 115,6)
2. Agace ka Kabiri : Kigali- Huye (ibilometero 120.5)
3. Agace ka Gatatu : Nyanza- Gicumbi (ibilometero 171,6)
4. Agace ka Kane : Kimironko – Musanze (ibilometero 123,9)
5. Agace ka Gatanu : Nyagatare- Kimironko (ibilometero 149,3)
6. Agace ka Gatandatu : Kigali (KBC)- Kigali (Mont Kigali) (ibilometero 152.6)
7. Agace ka Karindwi : Kigali (Nyamirambo)- Mont Kigali ( ITT- ibilometero 4.5)
8. Agace ka Munani : Kigali (Canal Olympia)- Kigali (Canal Olympia) (ibilometero 75,3)

UKWEZI.RW

Umuyobozi wa Siporo muri Minisiteri ya Siporo, Rurangayire Guy avuga ko harimo gushakwa umutoza w’ikipe y’iguhugu n’aho ibyo kongerera amasezerano Mashami Vincent ngo si we kampara mu Mavubi ndetse ngo ntiyanamuzirikiweho.

Amasezerano y’umutoza w’ikipe y’igihugu Amavubi, Mashami Vincent ararangira ku munsi w’ejo tariki ya 11 Gashyantare 2021.

Mu kiganiro n’itangazamakuru cyagarukaga ku rugendo rw’ikipe y’igihugu muri CHAN 2020, Umuyobozi wa Siporo muri Minisiteri ya Siporo, Rurangayire Guy yabajijwe niba umutoza Mashami azahabwa amasezerano mashya cyangwa niba hazashakwa undi.

Yavuze ko Mashami atari we mutoza kampara mu ikipe y’igihugu, bityo ko abantu bakwiye gutegereza byinshi bazabimenya mu minsi iri imbere.

Ati' Mashami ntabwo ari kampara, nta n’ubwo ikipe y’Igihugu yamuzirikiweho, nibaza ko mushobora gutegereza, igihe nikigera umutoza azatangazwa, ari gushakwa.'

Yavuze ko umutoza azamurikwa mbere y’uko u Rwanda rukina na Mozambique mu kwezi gutaha kwa Werurwe mu gushaka itike y’igikombe cy’Afurika cya 2021.

Mashami Vincent we avuga ko yumva nta cyizere yifitiye cyo kuba yakongera kuragizwa iyi kipe nk’umutoza mukuru.

Ati'Amahirwe menshi urakoze kuyampa, ariko icyo nakubwira ni uko nta mahirwe menshi mfite yo gukomeza aka kazi kuko sinjye ugatanga kandi si njye ukiha, wenda wowe ni ko ubibona ariko si ko njye mbibona.'

Mashami Vincent yagizwe umutoza mukuru w’ikipe y’igihugu muri Kanama 2018, aho yasinye umwaka umwe nyuma y’aho agahabwa mezi 6 yarangiye muri Gashyantare 2020 ubwo yongererwaga undi mwaka.

Icyo gihe yasabwe kubona itike ya CHAN no kurenga amatsinda yayo(ibi yabigezeho), yari yasabwe kubona byibuze amanota 4 mu mikino 2 yo gushaka itike y’igikombe cy’Afurika, gusa byaranze aho afite amanota 2 mu mikino 4. Muri rusange amaze gutoza imikino 23 yatsinzemo 5, atsindwa 7 anganya 11.

Mashami nta mahirwe yiha yo gukomeza inshingano zo gutoza Amavubi