Blog

Kwitabira amarushanwa mpuzamahanga bisaba ibintu byinshi umukobwa birimo amafaranga yo kwiyandikisha, itike y'indege n'ibindi bimufashisha kwitabira. Embrace Africa ihitamo umukobwa uzitabira iri rushanwa. Ndetse agafashwa muri buri kimwe kugira ngo yitabire irushanwa mpuzamahanga aba ashaka guhatanamo.

Mu ijoro ry'uyu wa Kabiri, mu gihe abakobwa batangiye kwiyandikisha muri Miss Tourism Global, iki kigo cyatangaje ko umukobwa umukobwa wo muri Benin, Afurika y'Epfo, Uganda, Zimbabwe, Namibia hamwe na Malawi bamaze kubona itike yo kwitabira Miss Tourism Global.

Iri rushanwa rizaba hifashishijwe ikoranabuhanga mu rwego rwirinda ikwirakwira ry'icyorezo cya Covid-19 kibasiye Isi muri iki gihe. Ubu hatangijwe igikorwa cyo kwiyandikisha binyuze kuri murandasi, uko irushanwa rizagenda bizatangazwa mu minsi iri imbere.

Umunyarwandakazi uzatsinda azahabwa itike yo guhagararira u Rwanda muri aya marushanwa ku rwego mpuzamahanga. Uwemerewe kwiyandikisha asabwa kuba ari hagati y’imyaka 18 y’amavuko na 25 y’amavuko, kuba ari Umunyarwandakazi, afite uburebure butarenze 1, 64 Cm.

Iri rushanwa ryashinzwe rigamije guteza imbere ubukerarugendo. Mu 2019 iri rushanwa ryitabiriwe n'ibihugu birenga 60.

KANDA HANO UBASHE KWIYANDIKISHA MU IRUSHANWA RYA MISS TOURISM GLOBAL

Umunyarwandakazi Ndekwe Paulette wabaye igisonga cya kane cya Miss Global World uri mu bari gutegura iri rushanwa yabwiye INYARWANDA ko iri rushanwa ryaje mu Rwanda kuko bashaka ko u Rwanda rugaragara mu marushanwa menshi mpuzamahanga.

Yavuze ko kugaragara k'u Rwanda mu marushanwa mpuzamahanga bizafasha urubyiruko rw'Igihugu ndetse n'iterambere ry'Ubukerarugendo bw'Igihugu bukazamuka.

Ati 'Kuko umunyarwandakazi uzitwara neza muri iri rushanwa, imenyekana rye ryo mu ruhando mpuzamahanga riri muri bimwe bizashishikariza abanyamahanga gusura ubukerarugendo bwo mu gihugu cyacu cy’u Rwanda.'

Miss Global Tourism ufite ikamba ni umunya-Ukrainekazi witwa Kateryna yaritsindiye mu mwaka wa 2019. Ryagombaga kuba mu 2020 rirasubikwa kubera icyorezo cya Covid-19.

Amafoto y'aya marushanwa ku rwego mpuzamahanga agaragaza abakobwa b'ikimero bo mu bihugu bitandukanye bagiye bahatanira iri kamba mu bihe bitandukanye.

Umukobwa wegukana ikamba rya Miss Global Tourism ahembwa ibihumbi 10 by'amadorali, ni hafi miliyoni 10 Frw. Igisonga cya Mbere ahembwa ibihumbi 5 by'amadorali, ni hafi miliyoni 5 Frw.

Igisonga cya kabiri ahabwa ibihumbi bitatu by'amadorali naho igisonga cya Gatatu ahabwa amadorali y'Amerika 1000. Ikindi n'uko abakobwa bose bazagera mu myanya ya mbere bazahabwa ibihembo bitandukanye n'abaterankunga b'iri rushanwa.

Kateryna Kachashvili wo muri Ukraine ni we ufite ikamba rya Miss Tourism Global 2019/2020

Bamwe mu bakobwa bagiye bahatana muri Miss Global Tourism mu bihe bitandukanye

Embrace Africa yamaze gutangaza abakobwa bo mu bihugu bitandatu batsindiye kwitabira Miss Tourism Global

Hari gushakishwa umukobwa uzaserukira u Rwanda muri Miss Tourism Global 2021

Kwiyandikisha byaratangiye; iri rushanwa rya Miss Tourism Global rizabera muri China

Imodoka ya rutahizamu wa Rayon Sports n’Amavubi yahiriye modoka 16 zahiriye mu nkongi y’umuriro yafashe igaraje rya 'Pure Pro’ .

Iri garaje riherereje mu karere ka Nyarugenge, umurenge wa Rwezamenyo, rikaba ryafashwe n’inkongi y’umuriro ku gicamunsi cyo kuri uyu wa Gatatu.

Iyi modoka ya Sugira Ernest ikaba yari mu bwoko bwa RAV 4 ikaba yari ifite agaciro ka miliyoni 7.

Iri garaje rikimara gufatwa n’inkongi y’umuriro polisi yahise iza kuzimya ariko ibintu byinshi byarimo byangiritse.

Kugeza ubu icyateye iyi nkongi y’umuriro ntabwo kiramenyekana, iperereza riracyakomeje.

Igaraje ryafashwe n’inkongi y’umuriro

Polisi yahise iza kuzimya

Izi modoka zahiye ahagana Saa cyenda z’amanywa kuri uyu wa Gatatu tariki ya 17 Gashyantare 2021, ubwo iri garaje ry’uwitwa Murara Arthur riherereye mu Mudugudu wa Mumararungu, mu Kagari ka Rwezamenyo ya I ryafatwara n’inkongi

Muri izi modoka zahiye harimo ni ivatiri y’umukinnyi wa Rayon Sports Sugira Erneste ifite agaciro ka miliyoni 7 Frw.

Ikinyamakuru Igihe dukesha iyi nkuru kivuga ko abaturage babonye iyi nkongi ubwo yatangiraga, yatewe n’ibishashi by’umuriro waturutse ku bantu basudiraga imodoka zari zirimo gukorwa.

Bikorimana Abdoul yagize ati 'yatewe n’inkongi bari barimo gusudira imodoka noneho ifatwa n’inkongi, nibwo igaraje ryose ryahiye n’imodoka zose zari zirimo.'

Sugira Erneste na we yemeye ko imodoka ye yahiriye muri iri garaje anavuga ko agiye gukurikirana icyateye iyi nkongi kugira ngo ubwishingizi buyimwishyure.

Iyi nkongi ikimara gufata iri garaje, Polisi yahise izana imodoka zo kuzimya umuriro zitangira akazi kazo.

Photos : Igihe

UKWEZI.RW

Saa cyenda zo kuri uyu wa Gatatu tariki ya 17 Gashyantare 2021, nibwo iri garaje ry'uwitwa 'Murara Arthur' ryarimo imodoka 16 ryafashwe n'inkongi zirashya zirakongoka.

Muri izi modoka zahiye harimo ni ivatiri y'umukinnyi wa Rayon Sports Sugira Erneste ifite agaciro ka miliyoni 7 Frw.

Abaturage babwiye IGIHE ko iyi nkongi yatewe n'ibishashi by'umuriro waturutse ku bantu basudiraga imodoka zari zirimo gukorwa.

Bikorimana Abdoul yagize ati 'yatewe n'inkongi bari barimo gusudira imodoka noneho ifatwa n'inkongi, nibwo igaraje ryose ryahiye n'imodoka zose zari zirimo.'

Sugira Erneste yemereye IGIHE ko imodoka ye yahiriye muri iri garaje anavuga ko agiye gukurikirana icyateye iyi nkongi kugira ngo ubwishingizi buyimwishyure.

Iyi nkongi ikimara gufata iri garaje, Polisi yahise izana imodoka zo kuzimya umuriro zitangira akazi kazo.

Amakuru twamenye ni uko nta kintu na kimwe cyari muri iri garaje cyarokotse, yaba amafaranga, mudasobwa n'ibindi bikoresho byari muri iryo garaje.

Iperereza riracyakomeje kugira ngo hamenyekane icyateye iyi nkongi.

Igaraje rikimara gufatwa n’inkongi, bagerageje kuzimya ariko biba iby’ubusa

Polisi yagerageje kuzimya ariko umuriro wari mwinshi

Birakekwa ko amashanyarazi ariyo yatwitse iri garaje

Imodoka zahiye zirakongoka

Nta kintu na kimwe cyarokotse muri iri garaje

Polisi yahise ihagoboka nubwo umuriro wari mwinshi cyane

Hahiriyemo imodoka zigera kuri 16 zari ziri gukorwa

Umuhanda uzwi nko Kwa Mutwe wari wafunzwe kugira ngo inkongi ibashe kuzimywa

Uwahoze ari umunyamabanga wa Mukura VS, akaba ari perezida Ijabo Ryawe Rwanda(ihuriro ry’amarerero ya ruhago), Sheikh Habimana Hadan ari mu maboko y’Ubugenzacyaha bw’u Rwanda 'RIB’, akaba akekwaho kwinjira mu modoka y’umunyamakuru w’imikino wa B&B FM, Uwimana Clarisse akamwiba amafaranga.

Uyu mugabo akaba yaratawe muri yombi mu mpera z’icyumweru gishize ubu bujura bukimara kuba, aho RIB yamukuye iwe i Huye aho atuye mu gihe ubujura bwabereye mu Mujyi wa Kigali.

Ibi byatangajwe mu kiganiro Sports Plateau cyo kuri B&B FM Umwezi cyo kuri uyu wa Gatatu, aho Jean Luc Imfurayacu na bagenzi be bavuze uko byagenze kugira ngo uyu mukobwa yibwe.

Jean Luc yagize ati'Mu mpera z’icyumweru gishize umuntu yaradusuye hano aratwiba, tutamutumiye, ku wa Mbere turavuga ngo ntabwo turi buze kubivuga kuko bikiri mu iperereza tutica iperereza, batwibye ku wa Gatanu. Hari ibintu ubona n’amaso yawe ukumirwa.'

'Twarabibonye turumirwa twifata ku myanya ndangakumiro. Na n’ubu njyewe ntabwo ndayirekura, kuko ni ibintu biteye ubwoba kubona umuntu ufite izina nk’iry’uriya mugabo, ashobora gucurisha urufunguzo rw’imodoka, sinzi ahantu yarukuye kuko umuntu yibye ni mugenzi wacu Clarisse[Uwimana).'

Yavuze ko yaje bari mu kiganiro kuko yari yizeye ko nta munyamakuru waho bari buhahurire.

Ati'Yafunguye imodoka turi mu kiganiro mu ma saa sita hafi saa saba hano twe turimo turasesengura ibyavuye Limbe na Douala, twashyushye aha ng’aha kumbe hasi ibintu byakomeye. Ikiganiro kiraba kirarangira, mu kuza kwiba yari yambaye wenda na ecouteur yumva ko turi mu kiganiro, ku bw’amahirwe ye nta munyamakuru wa B&B FM bahuriye muri parikingi.'

Yakomeje avuga ko ikiganiro kirangiye Uwimana Clarisse yabwiye bagenzi be bakorana ko ari we uribwishyure ibyo kurya bya saa sita, babitumaho biraza mu gihe agiye mu modoka gushaka amafaranga yo kwishyura asanga isakoshi ye nta kintu kirimo.

Jean Luc yakomeje agira ati'Clarisse yaravuze ngo ndabizi neza ko amafaranga nayazanye ndetse nagombaga no kugenda nkayavunjisha(…) yari amafaranga menshi ntabwo twayavuga. Ino nzu dukoreramo ni inyubako nshya iriho camera, ku bw’amahirwe ahantu yari yaparitse imodoka hari hafi na camera.'

'ikintu kiri butungure abantu ni umuntu basanzwe bazi. Clarisse ajya kureba amafaranga ngo yishyure arayabura, ibiryo byari hariya biteretse ndabyibuka, aba mbere chocolate bariye ntibazi ikirimo kujya mbere hariya hasi.'

Ngo aya mafaranga amaze kuyabura yahise atumaho ababwira ko baba bitonze kuko amafaranga asanze bamwibye, ariko bamubwira ko bitewe n’aho imodoka ye yayiparitse bashobora kubona umuntu wamwibye kuko hegeranye na camera.

Akomeza avuga ko na bashinzwe umutekano kuri iyo nyubako bamubonye ndetse bakanavuga ko atari uwo kuri B&B ariko bagaterwa urujijo n’uburyo yafunguye imodoka kuko atakoresheje urufunguzo rusanzwe yakoresheje 'Electronical key’, bagakeka ko Clarisse ari we warumuhaye cyane ko imodoka ye bayizi.

Ati'Nta kintu kibi nko kujya kwiba mu banyamakuru. Sidick aribyabuka twamaze nk’isaha n’igice tureba, twaturutse saa tanu tureba tugeza mu masaa sita n’indi minota. Turicara turategereza bigeze saa sita n’iminota 22 umugabo aba aciyeho.'

Ngo yanyuzeho ajya muri dry cleaner asohokamo ajya muri Super Market aho yamaze iminota nk’icumi agasohokamo afite envelope.

Ati'yasohotse afite envelope ya kacye ahita yinjira mu modoka, ba bantu bashinzwe umutekano bati ni uriya ni uriya. Sidi twasanze ari inde?' Nsengiyumva Sidick yahise avuga ati'bakibivuga njyewe sinzi ikintu cyahise kinzamo numva ndikanze, ndavuga nti uyu muntu si Sheikh Hamdhan? Jean Luc na we numva aravuze ngo ariko uyu ni Sheikh Hamdhan wabaye muri Mukura, akaba perezida wa Ijabo.'

Jean Luc yakomeje agira ati'icyo gihe byari mu bitugu, yinjiye mu modoka twe turikanga ariko abo bana b’abakobwa baravuga ngo ni uyu ni uyu, basubije inyuma noheno tumubona aza, twaguye igihumure hano hasi.'

Yamaze mu modoka amasegonda 48, maze umukobwa ukora isuku kuri iyo nyubako ahamagara ushinzwe umutekano amubwira ko abonye umuntu winjiye muri iyo modoka kandi adakora kuri B&B amusaba ko yajya kureba uwo ari we, amwegereye undi ahita agenda.

Icyo gihe nibwo bahise batanga ikirego muri RIB nayo itangira kumushakisha iramufata aho yari iwe i Huye, ubu akaba ari mu maboko ya RIB.

Sheikh Hamdan Habimana ari mu maboko ya RIB akurikiranyweho ubujura

Uwimana Clarisse yibwe amafaranga menshi