Blog

Bariya banyamakuru bakubitiwe imbere y’ibiro by’ishami ry’Umuryango w’Abibumbye rishinzwe uburenganzira bwa muntu i Kampala mu murwa Mukuru w’icyo gihugu, aho Depite Robert Kyagulanyi uzwi nka Bob Wine yari yagiye kubonana n’abakozi b’iryo shami rya Loni ngo abereke uburyo uburenganzira bwa muntu bwaribaswe muri Uganda.

Igisirikare cya Uganda cyasabye imbabari nyuma y’uko iri shami ry’umuryango w’abibumbye (ONU) rishinzwe uburenganzira bwa muntu, ryamaganiye kure ibyakorewe bariya banyamakuru.

Gen Muhoozi yavuze ko igisirikare cya Uganda kigiye gufatira ibihano abakubise abo banyamakuru bose nk’uko Televiziyo NBS ibitangaza.

Yakomeje yisegura ku banyamakuru bakubiswe, avuga ko ibyo bakorewe ari ihohoterwa kuko igihugu kibizeye ko badashobora kuba abanzi b’igihugu.
Ati 'Muri abafatanyabikorwa bakomeye cyane.'

Ibi bibaye mu gihe abatuye muri icyo gihugu bakomeje kugira impungenge z’umutekano muke, kuko kuva ubwo Perezida Yoweli Kaguta Museveni yatsindaga amatora muri icyo gihugu, abatavuga rumwe n’ubutegetsi buriho bari mu mazi abira.

Bobi Wine yabwiye ishami ry’umuryango w’abibumbye (ONU) rishinzwe uburenganzira bwa muntu ko ihohoterwa ryakorewe abanyamakuru ari ikintu kimenyerewe muri Uganda kandi ko bikorwa byatanzwemo umurongo na Perezida Museveni.

Yavuze ko uretse abo banyamakuru, hari n’abarwanashyaka b’ishyaka rye benshi baburiwe irengero, akaba asanga amahanga akwiye guhagurikira rimwe agasaba Museveni kunamura icumu ndetse akava ku butegetsi ku mahoro kuko bizwi neza ko atari we watsinze amatora.

UKWEZI.RW

Data wo mu ijuru Uwiteka ashimishwa no kumva amasengesho tumubwira tubikuye ku mutima. Icyakora hari ibintu bishobora gutuma adasubiza amasengesho yacu. Ibyo bintu ni ibihe, kandi se ni iki tugomba kuzirikana mu gihe dusenga? Dore bimwe mu byo Bibiliya ivuga

'Mu gihe usenga ntukavuge ibintu bimwe ugenda ubisubiramo.' Matayo 6:7.

Uwiteka ntashaka ko tuvuga amasengesho twafashe mu mutwe, cyangwa ngo tuyasome aho yanditse. Ahubwo yifuza ko tumubwira ibituvuye ku mutima. Tekereza nawe inshuti yawe igiye ikubwira ibintu bimwe buri munsi. Inshuti nyakuri nta cyo zihishanya. Iyo dusenga tuvuga ibituvuye ku mutima, bigaragaza ko Data wo mu ijuru ari inshuti yacu.

'Murasaba, nyamara ntimuhabwa, kuko musaba mufite intego mbi.' Yakobo 4:3.

Birumvikana ko Imana itasubiza amasengesho yacu, mu gihe dusenga dusaba ibintu bidakwiriye. Urugero, Bibiliya itubuza kugira umururumba cyangwa kwemera imana y’amahirwe (Yesaya 65:11; Luka 12:15). None se umuntu ukina urusimbi aramutse asenze Imana ayisaba gutsindira amafaranga, ubwo Imana yasubiza iryo sengesho? Birumvikana ko itasubiza isengesho nk’iryo. Niba dushaka ko Imana isubiza amasengesho yacu, tugomba gusenga duhuje n’uko Bibiliya ibivuga.

'Uwiziba amatwi ngo atumva amategeko, n’isengesho rye riba ari ikintu cyangwa urunuka.' Imigani 28:9.

Mu bihe bya Bibiliya, Imana ntiyasubizaga amasengesho y’abantu batumviraga amategeko yayo (Yesaya 1:15, 16). Imana ntiyahindutse (Malaki 3:6). Niba dushaka ko Imana isubiza amasengesho yacu, tugomba kumvira amategeko yayo. None se byagenda bite niba hari amakosa twigeze gukora? Ese bishatse kuvuga ko Uwiteka atazigera atwumva? Oya rwose! Nitwicuza ibyaha twakoze kandi tugakora uko dushoboye ngo dushimishe Imana, izatubabarira.—Ibyakozwe 3:19.

'Uwegera Imana agomba kwemera ko iriho kandi ko igororera abayishakana umwete.'Abaheburayo 11:6.

Ntidusenga kugira ngo twumve tumerewe neza gusa mu gihe duhanganye n’ibibazo. Ahubwo tunasenga kugira ngo tugaragaze ko twizera Imana kandi ko tuyikunda. Umwigishwa Yakobo yaravuze ati: 'Nitudakomeza gusaba dufite ukwizera, ntitukibwire ko hari ikintu icyo ari cyo cyose tuzahabwa na Uwiteka’ (Yakobo 1:6, 7). Niba twifuza kugira ukwizera gukomeye, tugomba kwiga Bibiliya dushyizeho umwete, kugira ngo tumenye Imana neza. Nitubigenza dutyo, tuzamenya ibyo Imana ishaka kandi nidusenga tuzaba twizeye ko yumva amasengesho yacu.

source: amasezerano.com

[email protected]

Saa cyenda zo kuri uyu wa Gatatu tariki ya 17 Gashyantare 2021, nibwo iri garaje ry'uwitwa 'Murara Arthur' ryarimo imodoka 16 ryafashwe n'inkongi zirashya zirakongoka.

Muri izi modoka zahiye harimo ni ivatiri y'umukinnyi wa Rayon Sports Sugira Erneste ifite agaciro ka miliyoni 7 Frw.

Abaturage babwiye IGIHE ko iyi nkongi yatewe n'ibishashi by'umuriro waturutse ku bantu basudiraga imodoka zari zirimo gukorwa.

Bikorimana Abdoul yagize ati 'yatewe n'inkongi bari barimo gusudira imodoka noneho ifatwa n'inkongi, nibwo igaraje ryose ryahiye n'imodoka zose zari zirimo.'

Sugira Erneste yemereye IGIHE ko imodoka ye yahiriye muri iri garaje anavuga ko agiye gukurikirana icyateye iyi nkongi kugira ngo ubwishingizi buyimwishyure.

Iyi nkongi ikimara gufata iri garaje, Polisi yahise izana imodoka zo kuzimya umuriro zitangira akazi kazo.

Amakuru twamenye ni uko nta kintu na kimwe cyari muri iri garaje cyarokotse, yaba amafaranga, mudasobwa n'ibindi bikoresho byari muri iryo garaje.

Iperereza riracyakomeje kugira ngo hamenyekane icyateye iyi nkongi.

---

Muri aba barindwi, harimo abakekwaho kwiba ziriya Television n’abaziranguraga kugira ngo bazazigurishe ku bazifuza.

Umuvugizi wa Polisi y’Igihugu CP John Bosco Kabera,avuga ko abantu bakwiye kureka ibyo kwiba kuko nta nyungu zibamo, akagira inama ababikora batarafatwa cyangwa n’abashobora kubitekereza.

Yagize ati 'Abantu nibakore akandi kazi kwiba nta kintu kibamo, kandi n’abagura ibintu birinde ibitagira fagitire. Ikindi kandi abaturage bakore ibishoboka byose kugira ngo barusheho kurinda ibyabo abajura.'

CP Kabera avuga ko abazafatirwa mu bikorwa nk’ibi, polisi izakomeza kuberekana kugira ngo bacike kuri iyi ngeso mbi.

Yanibukije abashobora kuba bariwe television mu Mujyi wa Kigali ko bazaza ku kicaro cya Polisi i Remera kugira barebe ko muri ziriya haba harimo izabo.

Bayingana Jean Paul, umwe muri aba, akaba anashinjwa n’abo bafatanywe ko ari we wabatumaga kwiba dore ko asanzwe afite n’iduka rizicuruza, ntiyigeze ahakana ko yaguraga television na bariya bantu icyakora ngo ntiyarazi ko ari izi baba bibye.

Yagize ati 'Ariko aho mbimenyeye ubu nabicitse, n’abo narinzi bagurisha ibijurano ubu nabashyikirije inzego z’umutekano bamaze gufatamo babiri abandi bari gushakishwa.”

ICYO ITEGEKO RIVUGA :

Ingingo y’ 166 y’itegeko ryerekeye ibyaha n’ibihano

Igihano ku cyaha cyo kwiba :

Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

UKWEZI.RW

Umunezero ni inkingi ya mwamba ituma urushako ruramba kandi rukaba intangarugero. Inshuro nyinshi usanga abagore binubira ko abagabo babo batajya bishima, nyamara kandi bo ubwabo bafite urufunguzo rwo kubanezeza binyuze mu bikorwa bitavunaye kandi bitanga umusaruro mwiza bityo bakerekana Kristo mu rushako ndetse bakagira umuryango utekanye.

1. Guha agaciro imibonano mpuzabitsina

Nta gitangaza kinini kiri aha. Abagore bakwiye gusobanukirwa ndetse bagashyira mu nyurabwenge ko igitsina ari ikintu gikenewe cyane ku mugabo. Ariko se ibikorwa byawe byerekana ko ubisobanukiwe? Birashoboka ko wita ku bana, uteka amafunguro meza, ndetse wihanganira byinshi ugereranije n’abandi bagore uzi, ukabona ko ukora neza. Nyamara ibyo wakora byose utuzuza inshingano zo kunoza imibonano mpuzabitsina, umugabo wawe ntashobora kwishima, ahubwo wagira ibyo ugabanya ariko icyo gikorwa ukakibonera umwanya.

2.Tegura urugo rwanyu ruse neza

Iyo umugabo wawe yinjiye mu muryango, aba akeneye guhumeka neza ari murugo. Tekereza uko usuhuza umugabo wawe. Ese umwakirana uburakari cyangwa umureba mu maso ukavuga uti: “Honey! Nishimiye ko uri murugo”? Tunganya urugo rwawe rube ahantu umugabo wawe yumva yakiriwe ahumeka neza.

3. Ubaha ibyo umugabo wawe akeneye

Ni iki umugabo wawe akenera wenda ukeka ko wagabanije? Bishobora kuba imibonano mpuzabitsina, igihe wamuhaga, amafunguro wakundaga kumutegurira, cyangwa kujyana muri siporo. Ntukihagarareho mugihe umugabo wawe akubwira ibyo akeneye. Gerageza kumwumva hanyuma ukore neza kugira ngo uhaze gushaka kwe.

4. Reka umugabo wawe ayobore

Igitekerezo cyo kuganduka gifite abagore benshi mu maboko. Isezerano Rishya rivuga neza mu bice bitatu ko twe abagore tugomba kugandukira abagabo bacu nk’uko twubaha Umwami Yesu (Abefeso 5:22, Abakolosayi 3:18 1 Petero 3:1). Ibi ntibisobanura ko uhinduka itapi yo mu muryango abinjiye mu nzu bakandagizaho inkweto. Icyo bivuze ni uko wubaha uruhare rw’umugabo wawe nk’umuyobozi w’urugo. Mugihe murimo kungurana ibitekerezo, jya ureka umugabo wawe abe ari we utanga umwanzuro.

5. Gusomana buri munsi

Dore ikintu umugabo wawe azakunda rwose! Ntabwo bisaba amafaranga kandi ntibisaba igihe kirekire. Gahunda yo gusomana buri munsi bizamura umubano wawe kandi itabaza ry’ urukundo rwanyu rigahora ryaka, nk’igihe mwarambagizanyaga.

6. Ita ku isura yawe

Mugihe mwatangiriye gukundana, umugabo wawe yasanze umubiri wawe usa neza kandi ushimishije bityo isura yawe iramukurura. Noneho ubwo wubatse, ni ngombwa ko ukomeza gusa neza nawe akagukunda. Iyo ufashe umwanya wo kureba ibiro byawe no kwambara neza imbere y’uwo mwashakanye, bivugana imbaraga nyinshi. Agutekerezaho ibyiza ati: 'Nkwitayeho. Uracyari umwe rukumbi kuri njye, Ndashaka ko unyegera.

7. Ibuka umunsi mwakundaniyeho

Kwibuka ibihe byiza by’ahahise mwagiranye, bigira umumaro mwinshi ndetse bigufasha kongera kumva icyanga cy’urukundo rwanyu. Nyuma yo kwibuka umunsi mwemeranyirijweho gukundana bityo ugahora ukora ibishoboka byose byabagarura mu bihe byiza nk’ibyo.

8. Kumwenyura

Ushobora kuba warigeze kumva imvugo igira iti “Umugore wishimye, ubuzima bwishimye.” 'Happy wife, happy life' abagabo hafi ya bose barabyemera! Iyo umugore atishimye, abantu bose murugo barabimenya. Mugihe wumva guseka byagushizemo, senga usabe Yesu akugarurire ibihe byawe by’umunezero. Kumwenyura n’inseko nziza yawe mugihe uvugana n’umugabo wawe ivugana n’umutima we akaba yakubwira ati: “Nishimiye kuba narashakanye nawe. Nishimiye ubuzima bwiza hamwe nawe'.

9. Vuga neza

Ese mugihe umuntu yaba arimo gusubiramo ibintu byose ubwira umugabo wawe, byaba “amakuru akwiriye gushyirwa ku mpapuro?” Urimo kumushima no kumutera inkunga, cyangwa urimo mumunegura no kumuseby? Jya uha agaciro imbaraga z’umugabo wawe kugira ngo agushimishe kandi atunge umuryango wawe. Ntugateshe agaciro ibyo akora haba mu maso ye cyangwa ahandi. Amagambo yawe afite agaciro kuri we kuruta ay’abandi.

10. Kumvikana no kuzuzanya ku buryo bwo kurera

Abana ni umugisha uturuka ku Mana. Menya ko wowe n’umugabo wawe mutari mu makipe atandukanye cyangwa ngo mugire filosofiya zitandukanye zo kurera. Ugomba kujya mu mujyo umwe n’umugabo wawe kugira ngo mwunge ubumwe bityo mubashe guha abana banyu uburere bwiza.

Muri macye, kugira urugo rwiza rwuje umunezero birahanirwa, ni yo mpamvu umugore wese akwiye gukurikiza inama zamufasha guhorana umugabo wishimye bityo uwo murage w’ibyishimo ukazagera no mu bana babo bityo Ubwami bw’Imana bukunguka.

Source:crosswalk.com

[email protected]