Blog

Ibi byagaragajwe na raporo yakozwe Komisiyo y'Ubukungu mu Muryango w'Abibumbye Ishinzwe Afurika, Ikigo cya TradeMark East Africa ndetse n'Ikigo cy'Ubushakashatsi ku Bukungu bwa Afurika (AERC).

Iyi raporo igaragaza ko muri rusange ubu bucuruzi bwiyongereye bitewe n'uko ubucuruzi hagati y'ibihugu bigize EAC bwiyongereye cyane n'ubwo ubwo ku rwego mpuzamahanga bwo bwagabanutse cyane bitewe n'uko ingendo mpuzamahanga zahungabanyijwe n'ikwirakwira rya COVID-19.

Minisiteri y'Ubucuruzi n'Inganda mu Rwanda, igaragaza ko ibyoherezwa mu mahanga byazamutseho 13.6% ugereranyije n'umwaka wa 2019.

Uku kwiyongera kwatewe n'uko ibyoherezwa mu mahanga byiyongereye, ntibishingire gusa ku ikawa n'icyayi, ahubwo hakiyongeraho imbuto, imboga, indabo ndetse no kongerera agaciro ibindi bisanzwe byoherezwa mu mahanga.

Iyi raporo iragira iti 'Imibare y'ibyoherezwa mu mahanga mu Karere yaragabanutse cyane muri Mata 2020. Gusa byatangiye kugenda bizahuka mu mezi yakurikiyeho.
Mu by'ukuri mu mezi icyenda y'umwaka wa 2020 ibihugu byinshi bigize EAC byongereye ibyoherezwa mu mahanga kurusha uko byari bimeze ugereranyije n'umwaka wa 2019.'

Umuyobozi ushinzwe Igenamigambi n'Igenzura muri Minisiteri y'Ubucuruzi n'Inganda mu Rwanda, Munyurangabo Jonas, yavuze ko ibyoherezwa mu mahanga byiyongereye bitewe n'uko ibyo u Rwanda rwohereza mu mahanga bidashingiye cyane ku mutungo kamere, nk'amabuye y'agaciro n'ibindi, ahubwo byiyongereyeho ibindi nk'imboga n'imbuto.

Yavuze ko hari isomo rinini ibihugu byo mu Karere byagakwiye kwigira ku cyorezo mu kurushaho guteza imbere ubucuruzi bw'imbere.

Munyurangabo yavuze kandi ko u Rwanda ruri gushyira imbaraga nyinshi mu kurushaho koroshya amabwiriza agenga itumizwa n'iyoherezwa ry'ibicuruzwa bijya hanze y'u Rwanda.

Umuyobozi Mukuru wa Trade Mark East Afrika, Frank Matsaert, avuga ko imibare y'ibyavuye mu bushakashatsi igaragaza ko hakenewe ubucuruzi bushingiye ku guhanga udushya ndetse na za guverinoma zigashyigikira ibikorwa by'ubucuruzi mu buryo bwagutse.

Ibyo u Rwanda rwohereza mu mahanga byiyongereyeho 13.6% mu mwaka ushize

Uyu mukinnyi afite amasezerano muri PSG azarangira mu 2022, gusa iyi kipe iri gukora ibishoboka byose kugira ngo imwongerere amasezerano, gusa bishobora kudakunda, akazaba ari ku isoko mu mpeshyi y’uyu mwaka.

Magingo aya, amakipe menshi y’i Burayi yagaragaje ko yifuza uyu mukinnyi, ariko Real Madrid niyo igaragaza imbaraga cyane kuko yamuhereye kuva yatandukana na Monaco, bityo ihaye PSG ibyo yifuza ishobora kwegukana uyu mukinnyi.

Nyuma yo kwitegereza neza ibyo uyu mukinnyi ari gukora, Ubuyobozi bwa PSG bwamaze gutangaza ko mu masezerano mashya bazasinya na Mbappe haba muri PSG cyangwa mu yindi kipe yose azerekezamo, umushahara we uzazamurwa ugashyirwa kuri Miliyoni 30 z’ama-Euros ku mwaka.

Ibinyamakuru byo mu Bufaransa, byanditse ko amakuru bifite ava imbere mu buyobozi bwa PSG, avuga ko nihaboneka ikipe yishyura Miliyoni 200 z’ama-Euros, Mbappe bazamurekura akagenda ntasinye andi masezerano, gusa nihagira ijya munsi yayo bazamwongerera amasezerano.

Gusa biragoye ko hari ikipe yakwishyura aya mafaranga yifuzwa na PSG muri ibi bihe.

Mu mpeshyi hashobora kuzabaho gutungurana, PSG irekura Mbappe nayo izana rutahizamu wa FC Barcelona Lionel Messi.

Mbappe ashobora kurekurwa mu mpeshyi akerekeza ahandi

Nyuma yo gutsindira i Camp Nou ibitego bitatu, agaciro ka Mbappe kazamutse

Pocketwifi izajya iba iri kumwe na internet y'ubuntu ingana na 30 GB, ifite ubushobozi bwo guhuza ibikoresho bigera 10 kandi igakora neza.

Airtel Rwanda izajya ihemba inashyikirize iyi pocketwifi abantu batatu buri munsi, aho izajya izana na internet y'ubuntu yihuta cyane ingana na 30GB, ku buryo izorohereza uyikoresha kubona ibyo akeneye kuri murandasi vuba bitamusabye gutegereza umwanya munini.

Ni inkuru nziza ku banyeshuri biga bakoresha internet, abakozi bagira akazi gakorerwa hanze y'ibiro, cyangwa n'abandi bose bakenera internet mu buzima bwabo bwa buri munsi.

Poromosiyo ya NkundaURwanda yatangiye tariki 14 Gashyantare, aho kuyitabira bisaba kwandika inkuru y'urukundo ukunda u Rwanda, abenegihugu barwo, ibihakorerwa, ibirutatse, serivisi zihatangirwa n'ibindi.

Iyo nkuru ukayishyira ku mbuga nkoranyambaga (Facebook, Twitter cyangwa Instagram) zawe cyangwa iza Airtel mu rurimi rwose wifuza.

Kuba umwe mu bayitsindira bisaba kuba iyo nkuru yawe yavuzweho n'abantu benshi, iriho hashtag ya #NkundaURwanda, #NoLockDownOnLove, na #LoveIsRed warangiza uga “Tagging” imbuga nkoranyambaga za Airtel RWanda.

Ukeneye ibindi bisobanuro ku byerekeye iyi poromosiyo wasura urubuga www.airtel.co.rw

Poromosiyo ya #NkundaURwanda yatangijwe na Airtel Rwanda izahemba Pocketwifi izifashishwa ahantu hose mu kazi kose

Harabura ukwezi kumwe ngo u Rwanda rukine umukino w’itsinda F na Monzambique mu gushaka itike y’igikombe cy’Afurika cya 2021, u Rwanda rukaba rufite abakinnyi 10 bakina hanze basanzwe bahamagarwa mu ikipe y’igihugu.

Ni umukino uzaba mu kwezi gutaha tariki ya 24 Werurwe 2021 ukaba uzabera i Kigali mu Rwanda.

Muri iyi nkuru turagaruka ku bakinnyi 10 basanzwe bakina hanze y’u Rwanda kandi banahamagarwa mu ikipe y’igihugu, turebe uko bahagaze mu makipe yabo.

Nta gihindutse umutoza w’ikipe y’igihugu azahamagara abakinnyi azitabaza kuri uyu mukino tariki ya 28 Gashyantare 2021.

Hari abakinnyi bamaze igihe badakina mu makipe yabo ku buryo bigoranye kuba umutoza yamuhamagara, ni mu gihe ari n’abandi bakina.

Mvuyekure Emery — Tusker FC

Ni umunyezamu w’umunyarwanda na Tusker FC yo muri Kenya. Ni we munyezamu wa mbere w’ikipe ya Tusker FC iyoboye urotonde rwa shampiyona muri Kenya n’amanota 26 mu gihe KCB ya kabiri ifite 25.

Emery Mvuyekure aheruka mu ikipe y’igihugu mu Gushyingo 2019 ubwo u Rwanda rwiteguraga umukino wa Mozambique na Cameroun mu gushaka itike ya CAN 2021 n’ubundi.

Bitewe n’uburyo benshi mu banyezamu bari bamaze igihe bitabazwa nta mikino myinshi bafite, ndetse batanahagaze neza, bishobora guha uyu munyezamu amahirwe yo kongera guhamgarwa.

Rwatubyaye Abdul — FC Shkupi

Ni myugariro wo mu mutima w’ubwugarizi ukinira ikipe ya FC Shkupi muri Macedonia, yayinjiyemo muri Mutarama 2021.

Uyu mukinnyi yinjiye muri iyi kipe avuye muri Colorado Rapids yo muri Amerika. Nta mukino n’umwe arakinira iyi kipe kuko shampiyona yabo izasubukurwa 27 Gashyantare 2021, ari kumwe n’ikipe ye barimo gukora imyitozo bitegura shampiyona.

Mu mikino 4 yo gushaka itike y’igikombe cy’Afurika cya 2021 u Rwanda rumaze gukina, uyu musore yayikinnye yose kandi ari amahitamo ya mbere y’umutoza n’ubwo aheruka gukina tariki ya 17 Ugushyingo 2020 mu mukino u Rwanda rwanganyijemo na Cape Verde i Kigali. Kuba ari bwo agihindura ikipe arimo kugerageza kwisanga mu bandi, wavuga ngo ntiyari akwiriye guhamagarwa, gusa ni umukinnyi wagaragaje ko gufata umwanya agakora imyitozo gusa bihagije gutuma ajya ku rwego rwiza, kuba yahamagarwa ntabwo bizatungura benshi.

Nirisarike Salomon – Urartu FC

Ni myugariro w’umunyarwanda umaze imyaka hafi 10 akina ku Mugabe w’u Burayi, ubu akinira Urartu FC yasinyiye ku munsi w’ejo hashize, ni nyuma yo gutandukana na FC Pyunik nayo yo muri Armenia.

Ntabwo yabashije kwitabira ubutumire bw’ikipe y’igihugu mu Gushyingo 2020 kuko yari mu kato nyuma yo kwandura icyorezo cya Coronavirus. Uyu mukinnyi usanzwe ari amahitamo ya mbere y’umutoza nta gihindutse azahamgarwa kuri uyu mukino.

Bizimana Djihad – Waasland-Beveren

Aheruka gukinira ikipe ya Waasland Beveren yo mu Bubiligi tariki ya 10 Ukwakira 2020 ubwo ikipe ye yatsindaga Sparta Petegem ibiteo 3-0, yinjiyemo asimbuye Efford ku munota wa 76, ni mu gihe aheruka kubanza mu kibuga ku mukino Anderlecht yabatsinze 4-2 tariki ya 19 Nzeri 2020 aho yikinnye iminota 65 agasimburwa na Wuytens. Akaba aheruka kugaragara ku rutonde rw’abakinnyi 18 iyi kipe yifashisha tariki ya 1 Ugushyingo 2020 mu mukino batsinzwemo na KAA Gent 4-1. Kuva icyo gihe ntarongera kugaragara ku rutonde rw’iyi kipe.

Ni umukinnyi bigoranye kuba yahamagarwa kuko n’umukino aheruka gukinira ikipe y’igihugu tariki ya 17 Ugushyingo 2020 Amavubi akina na Cape Verde ntabwo yitwaye neza. Akaba ari umwanya w’umutoza kumuha umwanya akitekerezaho.

Mukunzi Yannick – IF Sandvikens

Akinira Sandvikens IF muri Sweden mu cyiciro cya 3. Aherutse no kongerera iyi kipe amasezerano y’umwaka umwe, akaba ari umwe mu bakinnyi ngenderwaho muri iyi kipe bigoranye kumubona yicaye iyo ari muzima.

Uyu na we ni amahitamo ya mbere y’umutoza w’ikipe y’igihegu ndetse guhamgarwa kwe ku mukino wa Mozambique ntawubishidikanyaho.

Haruna Niyonzima – Yanga SC

Kapiteni w’ikipe y’igihugu y’u Rwanda ndetse unamaze gukinira Amavubi imikino myinshi, ubu akinira Yanga muri Tanzania.

Aherutse gufasha ikipe kwegukana igikombe cya Mapinduzi Cup batsinze umukeba Simba SC. Muri shampiyona ntakunze kubanza mu kibuga akenshi yinjira mu kibuga asimbuye.

Ubunararibonye bwe, Haruna Niyonzima usanzwe ari amahitamo ya mbere y’umutoza w’ikipe y’igihugu na we ntagushidikanya azitabazwa n’umutoza kuri uyu mukino.

Muhire Kevin – El Gaish

Ni umukinnyi ukina mu kibuga hagati wari usanzwe ukinira El Gaish mu Misiri, amaze igihe mu Rwanda amakuru avuga yamaze gutandukana n’iyi kipe ndetse nta kipe afite. Kuba yahamagarwa biragoye cyane ko n’ubundi yari asanzwe ari umusimbura mu ikipe y’ikipe y’igihugu.

Ally Niyonzima – Azam FC

Ally Niyonzima ntibimeze neza muri Azam FC, uyu munsi aba yabanje mu kibuga ejo agasabimbura, n’ubwo adakina imikino yose ariko asanzwe abanza mu kibuga mu Mavubi ku buryo bigoye umutoza kuba yamusiga.

Rubanguka Steve – A.E. Karaiskakis FC

Ni umusore ukinira A.E. Karaiskakis FC mu Bugereki, inshuro zose umutoza yamuhamagaye ntabwo yigeze amukoresha, kuri iyi nshuro kuba yamuhamagara atazamukoresha nabwo ntacyo byaba bimaze.

Meddie Kagere – Simba SC

Ni rutahizamu wa Simba SC muri Tanzania, akaba rutahizamu nimero ya mbere w’Amavubi, nta gushidikanya n’ubundi azaba ayoboye ubusatirizi bw’u Rwanda.