Webrwanda Backend

Blog

  • Kapiteni wa Police FC yateye ivi #rwanda #RwOT

    Kapiteni wa Police FC, myugariro Nsabimana Aimable yateye ivi asaba umukunzi we Issa Leila kuzamubera umugore , undi arabyemera.

    Nsabimana Aimable yafashe iki cyemezo ku munsi w’ejo hashize ku Cyumweru ubwo yashingaga ivi hasi agasaba umukunzi we niba yamwemera bakazashyingiranwa, igihe basigaje ku Isi bakakimara bari kumwe, undi na we ati“yego”.

    Uyu muhanga waraye ubereye kuri Sunday Park i Nyarutarama. Issa Leila asanzwe yibera muri Amerika akaba amaze igihe akundana na Nsabimana Aimable.

    Nsabimana Aimable yakiniye amakipe atandukanye arimo Marines FC yavuyemo muri 2016 yerekeza muri APR FC, batandukanye muri 2018 yerekeza muri Minerva Punjab mu Buhinde, muri 2019 yagarutse mu Rwanda asinyira Police FC akinira kugeza ubu.

    Nsabimana Aimable yambitse umukunzi we impeta ya fiançailles

    Source : http://isimbi.rw/siporo/article/kapiteni-wa-police-fc-yateye-ivi

  • Kuki umuntu akenera kwayura? #rwanda #RwOT

    Abashakashatsi b’urubuga YouTube/Vsauce rushyira ahagaragara amashusho y’ingingo zakozweho ubushakashatsi mu bya siyansi bavuga ko kwayura bidaterwa n’uko umwuka uba wabaye muke ahantu umuntu wayura aherereye, nk’uko bamwe babikeka.

    Kwayura ahubwo ngo ni nko gusubiza intege umubiri igihe wananiwe kugira ngo ukomeze gukora neza. Abo bashakashatsi banagaragaje ko ubwonko bukora nka mudasobwa ku buryo buba bukeneye igipimo cy’ubushyuhe kidahinduka kugira ngo bukore neza.

    Icyo gipimo iyo kigiye hasi cyangwa kikajya hejuru, ubwonko bw’umuntu ntibukora neza. Banavuga ko iyo umubiri wananiwe, ubushyuhe bw’ubwonko bwiyongera.

    Iyo umuntu yayura yinjiza umwuka wa 'Oxygene' unyuze mu mazuru no mu munwa. Uwo mwuka ngo ni wo ugira uruhare runini mu kugabanya ubushyuhe bw’amaraso yo mu mutwe ndetse ukanagabanya ubushyuhe bw’ubwonko.

    Kwayura ngo bimara igihe cy’amasegonda atandatu nk’uko abo bashakashatsi bakomeza babivuga. Umuntu ashobora kwayura igihe abonye undi muntu yayura, cyangwa yabitekereza gusa agahita yayura.

    Ibi ngo ni byo bituma kwayura bifatwa nk’ikintu umuntu ashobora kwanduza undi nk’uko abo bashakashatsi ba YouTube/Vsauce babivuga.

    Iyo umuntu yayura yinjiza umwuka mwinshi, ku buryo n’ibice by’amatwi byitwa Tympans bifunguka, rimwe na rimwe umuntu wayura akenera kurambura ibice by’umubiri we wese.

    src: kigalitoday.com

    [email protected]

    Source : https://agakiza.org/Kuki-umuntu-akenera-kwayura.html

  • Apôtre Gitwaza yapfushije nyina –

    Inkuru y’urupfu rw’umubyeyi wa Apôtre Gitwaza yamenyekanye mu gitondo cyo kuri uyu wa Mbere tariki 22 Gashyantare 2021. Uyu muvugabutumwa yanditse kuri WhatsApp agaragaza ko yapfushije umubyeyi, aho yagize ati “Ruhukira mu mahoro Mama, tuzagukumbura.”

    Umwe mu bantu ba hafi ba Gitwaza yabwiye IGIHE ko uyu mubyeyi yari amaze igihe arwaye.

    Ati “Yari arwariye i Nairobi muri Kenya, afite ikibazo cy’uburyo amaraso atembera mu mubiri. Yari yarivurije mu Rwanda igihe kinini, Apôtre avuga ko umuntu atamurangarana ahitamo kumwoherezayo ngo arebe ko hari icyo byatanga.”

    Uyu mubyeyi wa Gitwaza, yatangiye kurembywa n’uburwayi guhera muri Nzeri umwaka ushize.

    Ubusanzwe yitwaga Nyirabasabaga Léah yavutse mu 1935 [yari afite imyaka 86]. Yari asanzwe ari mu bashumba mu Itorero rya Zion Temple mu Gatenga. Yari afite abana barindwi n’abuzukuru n’abuzurukuza 88.

    Yari atuye mu karere ka Kicukiro mu Murenge Niboye.

    Uyu mubyeyi yitabye Imana nyuma yaho umugabo we ari nawe se wa Gitwaza yitabye Imana mu 2012. Yitabye Imana tariki ya 06 Kamena 2012 aho yapfuye azize indwara yari amaze igihe arwariye mu bitaro bya Kaminuza bya Kigali, CHUK.

    Uyu se wa Gitwaza witwaga Rév Pasiteri Andreya Kajabika, ari mu bantu ba mbere bakijijwe ubwo yahuraga n’Abamisiyoneri b’Abapantekote baturukaga mu Busuwisi, baza kubwiriza ubutumwa muri RDC.

    Apôtre Gitwaza yasabiye umubyeyi we kuruhukira mu mahoro

    Apôtre Paul Gitwaza yapfushije umubyeyi we

  • Igipimo cy’abacuruzi basonerwa avansi ku musoro muri gasutamo cyazamutseho 77% –

    Komiseri Ushinzwe Serivisi za Gasutamo mu Kigo cy’Imisoro n’Amahoro, Mwumvaneza Félicien, yavuze ko hari inyungu zitandukanye abacuruzi basigaye babona kubera kwitwara neza.

    Ati “Tubifashijwemo n’ikoranabuhanga, iyo umucuruzi ikoranabuhanga ryacu rigaragaza ko azana fagitire zemewe, ntagabanye ibiciro cyangwa ngo abyite andi mazina, icyo gihe anyuzwa mu nzira yitwa iy’icyatsi kibisi cyangwa icyo twita Gold Card Scheme.”

    Yakomeje agira ati “Indi nyungu ihari ni uko hari abo dusonera imwe mu misoro, nka 5% ya avansi ku musoro ku nyungu, ndetse n’izindi nyungu zitandukanye. Igishimishije ni uko abarenga 77% aribo baca muri iyi nzira nziza bakabona n’aya mahirwe”.

    Uyu muyobozi asobanura ko ari amahirwe bahaye abacuruzi banyuza ibicuruzwa byabo kuri za gasutamo, aho byanatumye igihe ibicuruzwa byahamagara kigabanuka cyane.

    Ku ruhande rw’Urugaga rw’Abikorera, PSF, Robert Bapfakulera uruhagarariye, ashimangira ko abatumiza n’abohereza ibicuruzwa mu mahanga bishimira uburyo imikorere ya za Gasutamo mu Rwanda imaze kuvugururwa ku kigero gishimishije ugereranyije n’imyaka yashize.

    Ati “Mbere byafataga igihe kigera ku kwezi cyangwa se n’ibyumweru kugira ngo ibicuruzwa bikorerwe isuzuma mbere y’uko bisohoka muri gasutamo, ariko ubu bifata amasaha make cyane kuri ba bandi babarizwa muri Gold Card Scheme ndetse n’iminsi mike ku bari mu bindi byiciro aribyo bita inzira y’umuhondo n’itukura kugira ngo ibicuruzwa bikorerwe isuzuma. Ibi ni ibyo kwishimira cyane”

    Bapfakulera akangurira abacuruzi bo muri iki cyiciro kibona aya mahirwe arimo no gusonerwa 5% bya avanse y’umusoro ku nyungu kuyabyaza umusaruro, kuko ukoze igiteranyo cy’amafaranga ku mwaka usanga ari menshi, intego ya PSF ikaba ko nibura umwaka wa 2021 abari mu cyiciro cyoroherezwa uyu musoro cya Gold Card Scheme bazagera kuri 90%.

    Imibare y’Ikigo cy’Imisoro n’Amahoro, RRA, igaragaza ko abacuruzi bagera ku 1000 aribo batumiza ibicuruzwa mu mahanga, naho abagera ku 1200 bo bakabyohereza hanze.

  • Umuhungu wa Rusesabagina yakumiriwe mu kiganiro nyuma yo kumenya ibikorwa bya se –

    Iki kiganiro cyari cyateguwe n’umuryango udaharanira inyungu ugamije gukora ubukangurambaga ku bibazo byibasira Afurika na Caraïbes muri Kaminuza ya Hult ishami rya Boston, Hult African Business Club.

    Hult African Business Club ikora kandi nk’urubuga rwo kuganira ku bucuruzi, umuco n’izindi ngingo zo mu mibereho ya buri munsi. Itegura ibiganiro aho batumira umuntu runaka agasangiza abandi urugendo rwe.

    Ni muri urwo rwego wari wateguye ikiganiro cyagombaga kuba ku wa 24 Gashyantare, hatumirwamo umuhungu wa Paul Rusesabagina, Trésor Rusesabagina gusa kiza gusubikwa nyuma y’uko uyu muryango umenye ibikorwa bya se.

    Rusesabagina uri mu maboko y’ubutabera bw’u Rwanda akurikiranyweho ibyaha bitandukanye by’iterabwoba ahanini yakoze binyuze mu mutwe w’iterabwoba wa FLN yashinze.

    Rusesabagina akurikiranyweho ibyaha by’iterabwoba, gutera inkunga imitwe y’iterabwoba, gushyira abana mu mitwe yitwara gisirikare, gushimuta, gutwika no kurema imitwe y’iterabwoba.

    Mu itangazo HABC yashyize kuri Instagram, yiseguya ku kuba yari yatumiye Trésor Rusesabagina muri iki kiganiro inashimira abayifashije kumenya ukuri ku bikorwa bya se.

    Riti “Nka HABC, turashimira cyane abantu benshi bari biteguye kuvuga ku bijyanye n’amakuru atari yo ayo ariyo yose, by’umwihariko ajyanye n’umugabane wacu. Turemeranya ko tutahawe amakuru atari yo gusa ko ahubwo twakoreye ku makuru make cyangwa ubushakashatsi. Ku bufatanye n’abanyeshuri bo mu bijyanye n’uburenganzira bwa muntu ku Isi, umuhango wari wari watumiwemo Trésor Rusesabagina wahagaze ndetse ntazatumirwa kugira ngo aganire n’umuryango mugari wo muri Hult.”

    “Ntitwasubitse umuhango gusa, ahubwo turashaka no guha urubuga abafite amakuru ahagije ku bibazo bijyanye n’amakuru atariyo aturuka mu mboni z’Abo mu burengerazuba bw’Isi, kugira ngo baze baganirize umuryango wa Hult.”

    Itangazo rya Hult rikomeza rigira riti “ Nk’uko dushobora kubyemeranywaho Paul agaragazwa n’abantu bo hanze ’nk’intwari k’u Rwanda’, ariko hashingiwe ku byo abantu bazi neza iki kibazo batubwiye, ibyo si ko biri. Nk’umuryango, turashaka gutangaza ibi bitari ugusaba imbabazi gusa ahubwo ari ukwifatanya n’umuryango nyarwanda.”

    Kuva Paul Rusesabagina yatabwa muri yombi Trésor Rusesabagina kimwe n’abandi bo mu muryango we ntibahwemye kugaragaza ko se arengana. Abinyujije kuri Facebook muri Nzeri 2020 uyu muhungu yashyize hanze ubutumwa avuga ko yiteguye gukora igishoboka cyose kugira ngo se arekurwe.

    Ati “Nkeneye ko mumba hafi, ubufasha bwanyu, urukundo ndetse n’amasengesho. Ubu nandika ubu butumwa ndi gutitira kubera ko ntazi niba nzongera kumubona ukundi. Mu by’ukuri sinzi niba niba nzongera kumuhobera cyangwa ngo mukoreho. Ariko rero, ngiye gukora ibyo yakabaye akora […] Ngiye kurwana kugeza ubwo mubonye imbere yanjye.”

    Trésor Rusesabagina ni umuhungu Paul Rusesabagina yabyaranye n’umugore we wa kabiri Tatiana Rusesabagina nyuma y’uko mu 1981 atandukanye n’uwari umugore we wa mbere Esther Sembeba. Uyu mugore wa mbere babyaranye abana batatu.

    Uyu muhango umuhungu wa Rusesabagina Paul yagombaga kuzatangamo ikiganiro wasubitswe

    Ikiganiro Trésor Rusesabagina (iburyo) yagombaga gutangira muri Hult African Business Club cyasubitswe

  • Apôtre Gitwaza yapfushije nyina – #rwanda #RwOT

    Inkuru y'urupfu rw'umubyeyi wa Apôtre Gitwaza yamenyekanye mu gitondo cyo kuri uyu wa Mbere tariki 22 Gashyantare 2021. Uyu muvugabutumwa yanditse kuri WhatsApp agaragaza ko yapfushije umubyeyi, aho yagize ati 'Ruhukira mu mahoro Mama, tuzagukumbura.'

    Umwe mu bantu ba hafi ba Gitwaza yabwiye IGIHE ko uyu mubyeyi yari amaze igihe arwaye.

    Ati 'Yari arwariye i Nairobi muri Kenya, afite ikibazo cy'uburyo amaraso atembera mu mubiri. Yari yarivurije mu Rwanda igihe kinini, Apôtre avuga ko umuntu atamurangarana ahitamo kumwoherezayo ngo arebe ko hari icyo byatanga.'

    Uyu mubyeyi wa Gitwaza, yatangiye kurembywa n'uburwayi guhera muri Nzeri umwaka ushize.

    Ubusanzwe yitwaga Nyirabasabaga Léah yavutse mu 1935 [yari afite imyaka 86]. Yari asanzwe ari mu bashumba mu Itorero rya Zion Temple mu Gatenga. Yari afite abana barindwi n'abuzukuru n'abuzurukuza 88.

    Yari atuye mu karere ka Kicukiro mu Murenge Niboye.

    Uyu mubyeyi yitabye Imana nyuma yaho umugabo we ari nawe se wa Gitwaza yitabye Imana mu 2012. Yitabye Imana tariki ya 06 Kamena 2012 aho yapfuye azize indwara yari amaze igihe arwariye mu bitaro bya Kaminuza bya Kigali, CHUK.

    Uyu se wa Gitwaza witwaga Rév Pasiteri Andreya Kajabika, ari mu bantu ba mbere bakijijwe ubwo yahuraga n'Abamisiyoneri b'Abapantekote baturukaga mu Busuwisi, baza kubwiriza ubutumwa muri RDC.

    Apôtre Gitwaza yasabiye umubyeyi we kuruhukira mu mahoro

    Apôtre Paul Gitwaza yapfushije umubyeyi we

    Source : http://igihe.com/amakuru/u-rwanda/article/apotre-gitwaza-yapfushije-nyina

  • Kuki abanyamakuru 'b'abanyamwuga, Judi Rever na Michela Wrong, bashinja u Rwanda ibyo badafitiye ibimenyetso? Ni ubuswa mu mwuga, cyangwa ni urwango bakomora  kuri Patrick Karegeya, wari ihabara ryabo? #rwanda #RwOT

    Aba bagore bombi ni abanyamakuru, ariko bayoborwa n'amarangamutima kurusha kuyoborwa n'ubunyamwuga. Nyamara bamwe mu 'bahanga' mu itangazamakuru, nka Judi Rever na Michela Wrong , iyo batwigisha ibijyanye n'uyu mwuga w'itangazamakuru, batubwira ko umunyamakuru mwiza ari ugendera ku bimenyetso, ukumva impande zose zirebwa n'inkuru ye,kandi akagera ahabereye ibyo agiye kuvugaho, kugirango yishirire amazeze.

    Icyo wibaza rero, ni ukumenya niba aya mahame areba  bamwe gusa, abandi, cyane cyane abanyaburayi na Amerika, bakaba bemerewe gusebanya,kubogama bigaragara, kubeshya no gutanga amategeko ku bihugu cyangwa abantu bafata nk'insina ngufi.

    Aba bagore bombi ubabajije igihe baherukira cyangwa bagereye mu Rwanda ntacyo basubiza. Mu nkuru zose n'ibitabo  Michela Wrong  na Judi Rever banditse ku Rwanda, bazishingiye ku binyoma bahabwa  n'abajenosideri n'abo mu mitwe y'iterabwoba, nka RNC, FDLR n'abandi bagizi ba nabi, utategerezaho ukuri, cyane cyane ku bivugwa ku Rwanda n'abayobozi barwo.

    Gutega amatwi abo bagome, si uko aba banyamakuru batazi ko abo bantu atari abo kwizerwa, ahubwo ni uko baba bizeye kumva ibyo amatwi yabo ashaka. Ubundi mu itangazamakuru, batubwira ko guhitamo abo uha ijambo ari bwo bunyamwuga, ushingiye ku  buhanga bihariye, ku cyizere basanganywe aho batuye cyangwa bakorera, ushingiye se ko ntaho babogamiye.

    Wasobanura ute ko umunyamakuru wandika  kuri Jenoside yakorewe Abatutsi, agendera ku buhamya bwa Théoneste Bagosora, Yohani Kambanda, Anathole Nsengiyumva, Matayo Ngirumpatse n'abandi bahamwe n'uruhare mu gutegura no gushyira mu bikorwa umugambi wa Jenoside yakorewe Abatutsi, ndetse bari mu bihano bahawe n'Urukiko Mpuzamahanga Mpanabyaha?

    Birumvikana ko umunyamakuru nka Judi Rever na Michela Wrong batayobewe ko ubuhamya bw'abajenosideri nta gaciro bukwiye kugira, ariko kubera ko abo banyamakuru bashaka gucurika amateka, ntibashobora kubaza abarokotse iyo Jenoside cyangwa abayihagaritse.  Barikirigita bagaseke, baganire n'abo babyumva kimwe, maze abarokotse Jenoside n'abatanze ubuzima bayihagarika,  bahindurwe abicanyi, abicanyi nyabo bagirwe abatagatifu.

    Igitera iseseme kurushaho ariko,  ni uburyo aba bagore  kimwe n'abo batekereza kimwe, baba n'abibwira ko tukiri mu bukoloni, maze bagatanga umurongo w'uburyo Abanyarwanda bagomba kubaho. Bagendera ku rwango bifitemo, maze bagashinja u Rwanda ibyaha, nyamara ibyo byaha iyo bikozwe iwabo byitwa ibisanzwe. Urugero ni irupfu rwa Kizito Mihigo, bagereka ku Rwanda nta kimenyetso na kimwe bashyira imbere, Banze kwemera ko yiyahuye ubwo yari muri gereza, ukaba wagirango mu bihugu byabo abafungwa basiba kwiyahura.

    Turebye nko muri Leta Zunze Ubumwe za Amerika, aho Judi Rever akomoka,  Minisiteri y'Ubutabera ivuga ko buri mwaka  umubare w'abiyahura mu magereza  uruta kure uw'abiyahura badafunze, kandi  ugahora wiyongera. Mu Bwongereza, iwabo wa Michela Wrong,   tariki 28/05/2020, uwitwa  Jamie Grierson  yasohoye inyandiko muri The Guardian ivuga ko mu magereza y'icyo gihugu abantu batari munsi ya 80 bapfuye biyahuye, mu mwaka wa 2019. Niba rero abantu nk'aba biyahura mu Bwongereza, Amerika n'ibindi bihugu ngo byakataje mu Burenganzira bwa muntu, kuki Kizito Mihigo yakwiyahura mu Rwanda ntibyemerwe,  urupfu rwe rugashakirwa uwo rugerekwaho? Aba bagore bombi basingiza Kizito Mihigo, bemeza ko ariwe munyamuziki rurangiranwa uRwanda rwatunze, bakirengagiza ko uwo bashinja urupfu rwe, ariwe wamurihiye akaminuza muri uwo muziki.

    Mu gitabo cyuzuye ibitutsi n'ibinyoma Michela Wrong yitegura gusohora yibasira Abayobozi Bakuru b'u Rwanda,  igice kivuga ubuzima bwa Kizito Mihigo cyanditswe na René Mugenzi, wamenyekanye mu guhakana no gupfobya Jenoside yakorewe Abatutsi, ndetse ubu akaba afungiye mu Bwongereza kubera ubujura. Nguwo umuntu utanga amakuru yizewe kwa Michela Wrong na Judi Rever.

    Abasoma ibyo aba bagore bombi birirwa barocangwamo bibaza ukuntu umunyamakuru witwa ko ari igihangange, ahitamo kwanduza izina rye, agambiriye gusiga icyasha iry'abandi. Ababazi neza baduhishuriye ko Judi Rever na Michela Wrong bari amahabara ya Nyakwigendera Patrick Karegeya. Aho apfiriye rero biyemeje ngo kumuhorera, dore ko urupfu rwe barugeretse ku Rwanda, bagendeye gusa ku marangamutima yabo. Ni ukwibeshya ariko, kuko Abanyarwanda bamaze imyaka myinshi mu ntambara zo kubasubiza inyuma, kubaryanisha, no kubateranya n'ubuyobozi bafitiye icyizere. Kuba baramenyereye guharabikwa rero, byabaremyemo imbaraga zo kwima amatwi amahomvu, bahitamo inzira yo kujya inama no kugira uruhare mu bibateza imbere. Judi Rever, Michela Wrong, n'abandi bagambanyi rero, muzabaze ba Filipp Reyntjens, Charles Onana, Jean-Louis Bruguière n'abandi bagome, niba intambara bamazemo imyaka  n'imyaniko barayitsinze.

    The post Kuki abanyamakuru 'b'abanyamwuga, Judi Rever na Michela Wrong, bashinja u Rwanda ibyo badafitiye ibimenyetso? Ni ubuswa mu mwuga, cyangwa ni urwango bakomora  kuri Patrick Karegeya, wari ihabara ryabo? appeared first on RUSHYASHYA.

    Source : https://rushyashya.net/kuki-abanyamakuru-babanyamwuga-judi-rever-na-michela-wrong-bashinja-u-rwanda-ibyo-badafitiye-ibimenyetso-ni-ubuswa-mu-mwuga-cyangwa-ni-urwango-bakomora-kuri-patrick-karegey/

  • URUGIYE KERA RUHINYUZA INTWARI, PEREZIDA MAGUFULI YEMEYE KO KWIRINDA COVID-19 ARI NGOMBWA. #rwanda #RwOT

    Perezida John Pombe Magufuli wa Tanzaniya, yumvikanye yivuguruza kuri uyu wa 22 gashyantare 2021, ubwo yari mu kiriziya, mu mujyi wa Dar es Salaam, aho yabwiye abantu ko ari ngombwa kwambara udupfukamunwa ariko two muri Tanzania kuko aritwo twiza.

     

    Ibi perezida Magufuli, yabibwiye abari baje gusenga, abasaba ko bakomeza ingamba zo kwirinda ikwirakwira ry'icyorezo cya Covid-19, nkuko tubikesha ikinyamakuru mpuzamahanya cy'abongereza BBC. Cyakoze yanabashishikarije gukomeza gukoresha uburyo gakondo bwo kwirinda no kwivura biyuha ibimera byabo gakondo.

    Ibi bibaye nyuma yuko umuryango mpuzamahanga wita ku buzima OMS, usabye leta ya Tanzania kugaragaza imibare y'abafite icyorezo cya covid-19, kuko abajya hanze y'igihugu bapimwa bagasanganwa iki cyorezo. Hashize iminsi muri Tanzania havugwa impfu zitandukanye z'abantu bakomeye kuko no kuwa 3 w'icyumweru gishize umunyamabanga wa leta John Kijazi yitabye Imana azize indwara itaratangajwe.

    Ku munsi wejo ku cyumweru, ubwo perezida Magufuli yatangazaga aya magambo, wari umunsi wa gatatu w'amasengesho no kwiyiriza basaba Imana ngo ibakize icyorezo cya covid-19 nkuko yari yabisabye amadini atandukanye mu gihugu

    Inkuru yanditwe na NDAYAMBAJE Felix.

    Source : https://impanuro.rw/2021/02/22/urugiye-kera-ruhinyuza-intwari-perezida-magufuli-yemeye-ko-kwirinda-covid-19-ari-ngombwa/

  • Abacuruzi barijujutira umushinga w’amabwiriza mashya ya RURA agenga ubucuruzi bwo kuri internet –

    Hashize iminsi RURA igaragaje ko ifite gahunda yo kuvugurura amabwiriza agenga ubucuruzi bwo kuri internet (e-commerce) na serivisi zo kugeza ku bakiliya ibicuruzwa. Mu busanzwe uru rwego rwagenderaga ku mabwiriza yo mu 2015.

    Nk’uko bigaragara mu mushinga w’aya mabwiriza, impamvu y’aya mavugurura ngo ni ukugira ngo habeho umurongo uboneye ugenga ubu bucuruzi ndetse no kurushaho gushyiraho ingamba zituma abantu bagirira icyizere ubu bucuruzi bwo kuri internet.

    Ku wa 29 Gashyantare RURA yakoranye inama n’abari muri ubu bucuruzi hagamijwe kubagezaho umushinga mushya w’aya mabwiriza mbere y’uko hasohoka amabwiriza ya nyuma.

    Muri uyu mushinga w’amabwiriza mashya biteganyijwe ko umuntu cyangwa ikigo gishaka gutanga izi serivisi zo kugeza ibicuruzwa runaka ku bakiliya kizajya kibanza kwishyura 3000$ byo kugura uruhushya rucyemerera gutanga izi serivisi mu gihe cy’imyaka itanu.

    Kugira ngo umuntu abone iki cyangombwa RURA izajya kandi ibanza kugenzura ko afite ubushobozi mu bijyanye n’ibikoresho, nk’imodoka na moto n’igisanduku cyo gutwaramo ibintu gifite ibirango by’icyo kigo.

    Abazajya batanga izi serivisi kandi bazajya basabwa kuba bafite ikoranabuhanga rishoboza umukiliya gukurikirana aho ibicuruzwa bye bigeze.

    Mu gihe aya mabwiriza azaba yamaze kwemezwa biteganyijwe ko nta kigo cyangwa umuntu uzongera gutanga izi servisi atabifitiye uburenganzira.

    Ibigo n’abantu basanzwe batanga izi serivisi zo kugeza ibicuruzwa ku bakiriya bagaragaje ko aya mabwiriza mashya ya RURA mu gihe yaba yemejwe ashobora gutuma ubucuruzi bwabo bujya habi ndetse bikaviramo bamwe gufunga imiryango.

    Umuyobozi w’isoko ryo kuri internet rizwi nka Murukali akaba n’Umuyobozi wungirije w’ihuriro ry’abakora ubucuruzi bwo kuri internet mu Rwanda, Yvette Uwimpaye yavuze ko aya mabwiriza mashya yabatunguye kandi akaba agonga ibikorwa byabo.

    Ati “Iryo tegeko twararibonye ariko twese risa n’aho ryadushyize mu kantu binaduca intege mu rundi ruhande ni ukuvuga ngo bashobora kuba batarabanje kureba uko uru rwego rwacu ruhagaze, abantu benshi bari mu bucuruzi bwo kuri internet ni urubyiruko, abantu badafite n’igishoro gihagije cyo kwagura ubucuruzi bwabo, ikindi ubucuruzi bwo kuri internet busa n’aho ari bushya mu gihugu nta bakiliya bahari nta soko rihari rihagije biradusaba imbaraga kugira ngo abantu babyitabire.”

    “Uba usanga 70% y’abakiliya bacu ari abanyamahanga, abo bantu nibo bake mu gihugu, isoko ni rito rwose n’izo miliyoni eshatu abenshi ntabwo tuzifite nk’igishoro, ikindi ntabwo bigeze badufasha ngo bashyireho uburyo bwo kuzamura ubucuruzi bwacu noneho tugere aho kuba twagira ubushobozi bwo kwishyura ayo mafaranga, ibi biri kuduca intege ahubwo turabona biha amahirwe abashoramari banini bashobora kuza twe tukabura isoko kubera ko twabuze ubushobozi runaka turi gusabwa na Leta.”

    Uwimpaye yavuze ko RURA nk’urwego rurebera umuguzi n’ugurisha ibyo ruri gukora byumvikana cyane ku bijyanye n’umutekano w’ibicuruzwa by’umukiliya ariko ko amafaranga yo kugura uruhushya n’ibindi bikoresho bizajya bisabwa ngo umuntu aruhabwe biri hejuru cyane.

    Biteganyije ko uyu mushinga w’amabwiriza mashya agenga ubucuruzi bwo kuri internet numara kuganirwaho bihagije uzagezwa ku bagiza Inama y’Ubutegetsi ya RURA bakawemeza.

    Mu busanzwe umuntu cyangwa ikigo cyashakaga gutangira ubucuruzi bwo kuri internet n’ubujyanye no kugeza ibintu bitandukanye kuri banyirabyo cyasabwaga kwandikisha ubu bucuruzi nk’uko bigenda no ku bundi bwose.

    Abari mu bucuruzi bwo kuri internet bagaragaje ko mu gihe aya mabwiriza mashya ya RURA yaba atangiye gukurikizwa bishobora kubangamira ubucuruzi bwabo

  • 🔴LIVE: IGITARAMO – 04: Deo MUNYAKAZI – Christophe NGOGA – Past Hortense M./IMBARAGA Z’UBUTUMWA BWIZA #rwanda #RwOT

    Source : https://agakiza.org/????LIVE-IGITARAMO-04-Deo-MUNYAKAZI-Christophe-NGOGA-Past-Hortense-M-IMBARAGA-Z-7728-7728-7728-7728-7728-7728-7728-7728-7728-7728-7728-7728-7728-7728-7728-7728.html