Blog

Nk’uko byari byitezwe uwari umutoza mukuru w’ikipe y’igihugu Amavubi, Mashami Vincent yongerewe amasezerano y’umwaka.

Mashami Vincent yongerewe aya masezerano nyuma y’imyaka ibiri n’igice ari umutoza mukuru w’ikipe y’igihugu y’umupira w’amaguru.

Amasezerano ye yarangiye ku wa 11 Gashyantare, hakaba hari hasigaye impande bireba, ishyirahamwe ry’umupira w’amaguru 'FERWAFA’ na Minisiteri ya Siporo 'MINISPORTS’ ko zicara zigafata umwanzuro niba agomba kongerwa amasezerano cyangwa hashakwa undi hashingiwe kuri raporo.

Amakuru avuga ko FERWAFA yatanze raporo y’uko umutoza Mashami akwiye gusimbuzwa hagashakwa hashingiwe ku musaruro we ariko MINISPORTS imuhemba ibitera utwatsi.

Kuva mu mpera z’icyumweru gishize byari byitezwe ko Mashami atangarizwa abanyarwanda ko ari we ugiye gukomeza gutoza Amavubi ariko ntibyakorwa kuko hari ibyari bitaranozwa mu masezerano ye aho hari abo bakoranaga yashakaga ko nabo bongererwa amasezerano.

Ku gicamunsi cyo kuri uyu Gatatu, FERWAFA ikaba yasohoye itangazo rivuga ko Mashami Vincent yongerewe amasezerano y’umwaka ari umutoza mukuru w’Amavubi.

Biteganyijwe ko Mashami ahita ahamagara abakinnyi b’ikipe y’igihugu bazajya mu mwiherero kwitegura imikino 2 u Rwanda ruzakina yo gushaka itike y’igikombe cy’Afurika cya 2021, hari uwo ruzakiramo Mozambique tariki ya 24 Werurwe 2021 n’uwo rizasuramo Cameroun tariki ya 31 Werurwe 2021.

Mu myaka ibiri n’igice amaze ari umutoza w’ikipe y’igihugu, Mashami Vincent yakinnye imikino 23 atsindamo 5, anganya 11 atsindwa 7.

Itangazo rya FERWAFA rivuga ko Mashami yangerewe amasezerano

Mashami Vincent yongerewe amasezerano y’umwaka

Hari hashize iminsi havugwa amakuru ko Mashami ashobora kuba yongerewe amasezerano y’umwaka umwe, na Minisiteri ya Siporo ariko inyandiko ibihamya ikaba itari yakagiye hanze.

Mashami yangeye kuragizwa Amavubi nk’umutoza mukuru. 

Amasezerano uyu mutoza yahawe azatangirana n’akazi k’umukino wo gushaka tike y’igikombe cya Afrika kizabera muri Cameroun, uyu mukino ukaba uzaba tariki 24 Werurwe 2021, ndetse agakurikizaho umukino azasuramo igihugu cya Cameroun tariki 30 Werurwe 2021.

Kuva mu 2018 Mashami Vincent ni we mutoza mukuru w’ikipe y’u Rwanda iri ku mwanya wa 133 ku Isi.

Mu gitondo cyo kuri uyu wa Gatatu tariki ya 3 Werurwe 2021 ni bwo u Rwanda rwatangiye kwakira inkingo za Coronavirus, icyiciro cya mbere hakiriwe 240.000 za AstraZeneca mu gihe icya kabiri cyakiriwe ari iza Pfizer zingana na 102.960.

U Rwanda ni cyo gihugu cya mbere muri Afurika cyakiriye inkingo za Pfizer zitanzwe muri gahunda ya Covax kuko ibindi byose bimaze kugerwaho n'urukingo (ni ukuvuga Ghana na Côte d'Ivoire) byahawe urwa AstraZeneca.

Izi nkingo za Pfizer zakiriwe na Minisitiri w'Ubuzima, Dr Ngamije Daniel, hamwe n'abayobozi batandukanye barimo Ambasaderi w'Umuryango w'Ubumwe bw'u Burayi mu Rwanda, Nicola Bellomo.

Uru rukingo ni rumwe mu zimaze gukorwa zifite ubushobozi bwo hejuru mu kurinda umuntu kuba yakwandura iki cyorezo. Ubushakashatsi bwagaragaje ko rwizewe ku kigero cya 95%. Rubikwa ahantu hari ubukonje bwa degere Celsius -70, mu gihe ryamadolari 20, ni hafi ibihumbi 20 Frw.

Ubwo yakiraga icyiciro cya mbere cy'inkingo za AstraZeneca mu gitondo cyo kuri uyu wa 3 Werurwe 2021, Minisitiri w'Ubuzima, Dr Ngamije Daniel, yavuze ko urugamba rwo gukingira Coronavirus mu Rwanda rwatangiye.

Ati 'Umugambi ni uko dukingira Abanyarwanda bangana na miliyoni 7,8, bivuze ko rero urugendo rutangiye rwo kwakira inkingo uko ziboneka, muzi ko ibihugu byinshi bizishaka ariko igihugu cyacu kirakora uko gishoboye kugira ngo inkingo ziboneke tubashe gukingira abanyarwanda vuba dusubire mu murimo, ibya Guma mu Rugo tubivemo ahubwo dusubire ku kazi.'

U Rwanda rufite gahunda yagutse yo gukingira abantu bagera kuri 30 ku ijana mu mpera za 2021 ikagera kuri 60 ku ijana by'abaturage bose mu mpera za 2022. Aba mbere bazahabwa inkingo ni abakozi bashinzwe ubuzima, abandi bakozi bafite ibyago byo kwandura, abasaza, abafite indwara zitandura, impunzi, abagororwa n'abarimu.

Inkingo zagejejwe mu Rwanda guhera kuri uyu wa Kane zizatangira gukwirakwizwa mu gihugu cyose, abazazihabwa bazajya bamenyeshwa hanyuma bajye ku Bigo Nderabuzima ubundi bazihabwe nk'uko biteganywa.

Ku wa Gatanu, tariki ya 5 Werurwe 2021 ni bwo igikorwa cyo gukingira kizatangira, abazahabwa urukingo mu ba mbere bagiye guhabwa ubutumwa, aho bizajya bikorwa binyuze ku rwego rw'akarere no mu zindi nzego z'ibanze.

Kanda hano urebe andi mafoto menshi

Indege yari itwaye inkingo ubwo yageraga ku Kibuga Mpuzamahanga cya Kigali, i Kanombe

Abakiriye inkingo kimwe n’abazigejeje aho zijyanwa bari bafite akanyamuneza

Abayobozi bitabiriye iki igikowa bategereje ko inkingo

Iki gikorwa cyitabiriwe n’abayobozi mu nzego zitandukanye

Urukingo rwa Pfizer ni rumwe mu zimaze gukorwa zifite ubushobozi bwo hejuru mu kurinda umuntu kuba yakwandura iki cyorezo

U Rwanda ni cyo gihugu cya mbere muri Afurika cyakiriye inkingo za Pfizer zitanzwe muri gahunda ya Covax

Amafoto: Muhizi Serge

Mu myaka itatu ishize umukamo w'amata mu nka zo mu Karere ka Rwamagana wari litiro 30 000 ku munsi ariko kuri ubu umukamo umaze kugera kuri litiro 38 000 ku munsi nyuma yaho aborozi bigishijwe uburyo bajya bagaburira inka ubwatsi buzongerera umukamo.

Aba borozi bigishijwe binyuze mu Kigo cy'Igihugu gishinzwe Ubuhinzi n'Ubworozi (RAB) ku bufatanye n'umushinga ugamije guteza imbere ubworozi (RDDP) hakaba harashyizweho ishuri ry'aborozi mu murima, mu kiraro no mu rwuri.

Muri iri shuri haba harimo abafashamyumvire baba barahuguwe, ubundi bagakora amatsinda abumbiyemo aborozi bo mu midugudu no mu tugari dutandukanye, bakigishwa uburyo bita ku nka zabo.

Muri aya matsinda bahugurwa ku gufata neza inka ku buryo yongera umukamo, bigishwa uburyo bakurikirana ubuzima bw'inka, uburyo bahingamo ubwatsi butandukanye bugamije kongera umukamo n'ibindi byinshi bituma inka yitabwaho ikongera umukamo.

Nzirasanaho Jean Claude uturuka mu Murenge wa Karenge mu Kagari ka Byimana avuga ko ataratangira kwigishwa ku kuntu yakwita ku nka ze ngo yiyororeraga ibimasa yumva ko arizo nka zamuha umusaruro kuruta izamuha amata.

Ati 'Nyuma yo kwigishwa nafashe inka imwe nakamagamo litiro imwe n'igice ku munsi nyitaho neza nyiteza intanga none ubu nyikuramo litiro zirindwi mbikesha ubumenyi naherewe mu mahugurwa.'

Yakomeje agira ati 'Ubu umuryango wanjye ubona amata ahagije kandi no ku isoko nkajyanayo, mfata litiro eshatu tukazikoresha mu rugo, izindi litiro enye zikajya ku isoko nibura urumva ko ku nka imwe ku munsi nyibonaho 800 Frw.'

Kampirwa Jeannette uturuka mu Murenge wa Rubona mu Kagari ka Karambi we yavuze ko atarahabwa amahugurwa ku kongera umukamo ngo yavuye kuri litiro imwe agera kuri litiro eshanu.

Ati 'Nari mfite inka ebyiri, imwe ikamwa litiro imwe none ubu ngeze kuri litiro eshanu kandi ndacyakomeza kongera umukamo ari nako nkangurira na bagenzi banjye kwita kun ka zabo.'

Umukozi uhagarariye Umushinga ugamije guteza imbere Ubworozi bw'inka zitanga Umukamo witwa Rwanda Dairy Development Project (RDDP) mu Karere ka Rwamagana, Tuyishime Vestine, avuga ko kimwe mu byo bishimira harimo no kuba barigishije aborozi bakanabaha ubwatsi bwongera umukamo, yavuze ko kuri ubu aborozi bamenye neza ko kugira ngo inka iguhe umukamo uyitaho nk'umuntu.

Ati 'Ubundi muri rusange abantu bari bamenyereye kugaburira inka mu buryo budatanga umusaruro bazigaburira imitungo none ubu bamenye ko inka bayivangira ibinyamusogwe, mu matsinda bari barimo twabahaga imbuto z'ubwatsi bwongera umukamo bakabuhinga ndetse bakanaha bagenzi babo imbuto.'

Tuyishime yavuze ko abenshi mu borozi umukamo wabo wiyongereye bakava ku gukama amata yo kunywera mu muryango bakagera ku kugurisha ku isoko ari nako iwe mu rugo haboneka amata menshi anafasha umuryango mu kurwanya imirire mibi.

Umuyobozi w'Akarere ka Rwamagana, Mbonyumuvunyi Radjab, yashimye uburyo uyu mushinga wa RDDP wafashije abahinzi mu kubona imbuto nyinshi z'ubwatsi bwiza butanga umusaruro.

Yavuze ko uretse ubwatsi, aborozi banashyikirizwa imiti mu buryo bworoshye ndetse asaba abataribumbira mu matsinda kwegera bagenzi babo bagafatanya kongera umukamo.

Kuri ubu amatsinda atanu yagaragaje gukora neza akongera umukamo mu buryo bugaragara yahawe ibihembo birimo ingorofani, amasanduku yifashishwa mu gufunga ubwatsi bwumye kugira ngo bubikwe neza, bote, imyambaro, ibikoresho byifashishwa mu gupima ifumbi, gupima umuriro, gupima ibilo by'inka n'ibyifashishwa mu gukurikirana ubuzima bw'inka ihaka.

Umuyobozi w’Akarere ka Rwamagana, Mbonyumuvunyi Radjab, yashimiye umushinga RDDP ku nkunga umaze gutera aborozi

Tuyishime Vestine uyobora RDDP mu Karere ka Rwamagana yavuze ko mu byo bishimira harimo kuba barafashije aborozi gutera ubwatsi bwongera umukamo

Aborozi b’indashyikirwa bashimiwe

Clarisse yabwiye INYARWANDA ko yabanye n'abantu bafite ubumuga bw'uruhu inkuru zabo zimukora ku mutima, cyane ubwo yari akiri umunyamakuru.

Atanga urugero akavuga ko hari umubyeyi wabyaye abana bafite ubumuga bw'uruhu ahabwa akato ndetse n'abo bana kandi nyamara ari abana bashoboye bafite ahazaza heza cyane.

KANDA HANO WUMVE INDIRIMBO “NJYE NA WE” YA CLARISSE KARASIRA NA PATRICK

Avuga ko kuva icyo gihe yatekereje gukora indirimbo yumvikanisha ko buri wese akwiriye agaciro muri sosiyete.

Ati 'Natekereje cyera kuzakorana indirimbo n’umuhanzi wamfasha kwamamaza ubwo butumwa, iyi ndirimbo ije nibuka ko hari umuhanzi Patrick usanzwe ari inshuti yanjye, tubiganiraho ntiyazuyaza turayikora.'

Akomeza ati 'Patrick ni umuhanzi w’umuhanga nifuza ko yagera kure hashoboka akarenga n’u Rwanda akogera, kuko nzi indirimbo ze yihimbiye zivuga ku bumuntu nziza cyane.'

Muri iyi ndirimbo aba bahanzi bombi, bumvikanisha ko urukundo ruruta byose kandi rutagira umupaka.

Ni indirimbo y'urukundo yumvikanisha abantu babiri bakundana, umwe abwira undi ko yahiriwe no kumugira kandi ko bombi ari paradizo y'Imana.

'Njyewe na we' niyo ndirimbo ya mbere Clarisse Karasira asohoye kuri Album ye yise 'Mama Africa', nyuma ya Album yise 'Inganzo y'umutima' yakubiyeho indirimbo 18.

Abantu batandukanye bamaze kureba iyi ndirimbo ku rubuga rwa Youtube, bavuze ko iyi ndirimbo kandi ko barushijeho gushyigikira urugendo rw'umuziki rwa Clarisse.

Abandi bavuga ko umuhanzi Patrick akwiye gushyigikirwa kuko afite impano yihariye yo kuririmba.

Mu buryo bw'amajwi (Audio) iyi ndirimbo 'Njye na we' yakozwe na Producer Clement the Guitarist n'aho amashusho (Video) yatunganyijwe na AB Godwin.

Umuhanzikazi Clarisse Karasira yahuje imbaraga na Patrick ufite ubumuga bw’uruhu mu ndirimbo ivuga ko buri wese agombwa agaciro muri sosiyete

Clarisse Karisira yavuze ko yabonye uburyo abafite ubumuga bahabwa akato, yiyemeza kuririmba agaragaza ko buri wese akwiye kwemerwa muri sosiyete iyo ari yo yose

KANDA HANO UREBE AMASHUSHO Y’INDIRIMBO “NJYE NA WE” YA CLARISSE KARASIRA

“>