Webrwanda Backend

Blog

  • Ntibisanzwe:ku myaka 19 umutwe we upima ibiro ijana|aterurwa n'abantu bane|umuryango wose ugiye gushira. – YEGOB #rwanda #RwOT

    Nyiraminani Devotha ni umukobwa w'imyaka 19 y'amavuko ufite uburwayi budasanzwe aho bivugwa n'ababyeyi be ko umutwe we ushobora kuba upima ibiro 100 dore ko aterurwa n'abantu batatu.

    Ubwo Afrimax Tv yasuraga uyu muryango  batuye mu murenge wa Nyanza mu karere ka Gisagara.Ni umuryango ukennye hakiyongeraho ibibazo by'abana babo bafite uburwayi bukomeye.Aba babyeyi batangaje ko uyu Devotha yavutse afite umutwe usanzwe ariko yagera mu mezi atatu agatangira kugira ibiro byinshi ,aho yapimaga ibiro 10.Uburwayi bwarakomeje ndetse zimwe mu ngingo ze ziba pararize ,aho atashoboraga kwihindukiza.Ababyeyi be bavuga ko bamuvuje ,ubushobozi bukabashirana gusa ngo n'ubu aracyavuzwa.Bavuga ko uyu mukobwa kumuterura aho aryamye bisaba abantu batatu kubera ubunini bw'umutwe we.

    Si iki kibazo cyonyine uyu muryango ufite kuko bafite undi musore ufite uburwayi bwo mu mutwe,aho bavuga ko arya cyane ndetse kubona ibimuhagije bibagora.Bavuga ko abandi bana babo bubatse na bo batameze neza harimo abafite nabo uburwayi mbese umuryango wose urimo ubu burwayi bukomeye kandi budasobanutse.Basoza basaba ubufasha burimo kubona ibyo kurya,imyambaro ndetse no kubona ubushobozi bwo kuvuza aba bana babo.

    Batanze numero ya telefone, uwashaka kubaha ubufasha yakoresha:+250786163256

    Leave your vote

    Comments

    0 comments

    Source : https://yegob.rw/ntibisanzweku-myaka-19-umutwe-we-upima-ibiro-ijanaaterurwa-nabantu-baneumuryango-wose-ugiye-gushira/

  • Muhanga : Mayor yavuze ko imibiri yabonetse kuri ADEPR-Gahogo ntaho ihuriye n’abahiciwe #rwanda #RwOT

    Umuyobozi w’Akarere ka Muhanga Kayitare Jacqueline avuga ko kuva ku wa Mbere w’iki Cyumweru batangira igikorwa cyo gushakisha imibiri, bamaze kubona umubiri w’umuntu umwe bigaragara ko ateranye n’indi y’abantu benshi yangiritse cyane.

    Kayitare avuga ko imbiri 9 iteranye n’indi minshi bigoranye kumenya umubare bitewe n’uko yangiritse, ikaba yarabonetse kuva ku ikubitiro hariya ku Rusengero hamenyekana ko hiciwe abantu, ari ikimenyetso ko hiciwe Abatutsi benshi.

    Yasabye abafite amakuru y’aho indi mibiri iri kuyatanga kuko ifite ahandi yajyanywe, nay o ikaboneka igashyingurwa mu cyubahiro.
    Ati 'Twabonye imibiri y’abantu ituzuye, abaturage bafite amakuru bayaduhe.'

    Uyu Muyobozi yavuze ko abiciwe i Gahogo ku Rusengero babanje kuvanwamo imyambaro bambikwa ubusa.

    Ati 'Umubare twatekerezaga si wo twabonye, gusa dutegereje imyanzuro y’inzego zitandukanye kugira ngo hafatwe icyemezo kindi.'

    Kayitare avuga ko amakuru nagaragaza ko aho Urusengero ruteretse ndetse n’aho inyubako z’abaturage ziri hari imibiri, hazasenywa hakazabukwa ikindi gihe imibiri ihari yashyinguwe.
    Perezida wa IBUKA mu Karere ka Muhanga, Rudasingwa Jean Bosco avuga ko kuba n’iyi mibiri mikeya ibashije kuboneka ari intambwe bishimira kubera ko hashize imyaka 27 abantu bazi amakuru barayahishe.

    Rudasingwa yavuze ko amakuru bari bahawe bayakiriye, ariko bigaragara ko atuzuye.

    Yagize ati 'Tugiye gufatanya n’inzego zitandukanye kugira ngo dukomeze dushakishe ahari imibiri tukanizera ko abayafite bayatanga.'

    Umushumba w’Ururembo rwa Nyabisindu, Past Nimuragire Jean Marie Vianney avuga ko mu bintu byose biriho, nta cyarusha umuntu agaciro bityo ko bagize amahirwe bakabona imibiri mu nyubako ziri aha n’Urusengero rurimo zasenywa ariko imibiri igakurwamo.

    Ati 'Twahaye abaturage telefoni kugira ngo baduhe amakuru mu ibanga turategereje.'

    Ubwo twateguraga iyi Nkuru, inzego z’Akarere, abahagarariye IBUKA, n’Abayobozi b’Itorero ADEPR bahise bakora inama kugira ngo harebwe ikigiye gukurikiraho.

    Amakuru Umuseke ufite ni uko, abo muri ADEPR babonye imibiri 8 mbere bashatse kuyihisha baregwa mu Bugenzacyaha, ubu barekuwe by’agateganyo.

    Gusa umwe muri bo witwa Habimana Adrien yatorotse ubutabera, bamwe mu baturage bahamya ko ari we washatse gutanga amakuru bamwe mu bo bakorana baranga.

    Ubuyobozi bw’Akarere ka Muhanga buvuga ko igikorwa cyo gushyingura mu cyubahiro, imibiri imaze kuboneka kizaba ku wa 02 Mata 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Muhanga-Mayor-yavuze-ko-imibiri-yabonetse-kuri-ADEPR-Gahogo-ntaho-ihuriye-n-abahiciwe

  • Mineduc iri kubaka ibikoni mu bigo by’amashuri bizatwara asaga miliyari 7Frw –

    Ibi bikoni biri kubakwa ku mashuri yo hirya no hino mu gihugu mu rwego rwo korohereza bimwe mu bigo by’amashuri bitabonaga uko bitekera abana saa Sita. Bizuzura bitwaye 7 944 000 000 Frw.

    Ibi byatangwajwe n’Umunyamabanga wa Leta muri Minisiteri y’Uburezi Ushinzwe Amashuri Abanza n’Ayisumbuye, Twagirayezu Gaspard, ku wa Kabiri tariki ya 23 Werurwe 2021, mu muhango wo kwizihiza umunsi nyafurika wo kugaburira abana ku ishuri wabereye ku Rwunge rw’Amashuri rwa Kayanga mu Murenge wa Rutunga mu Karere ka Gasabo.

    Twagirayezu yavuze ko iki gikorwa kiri muri gahunda yo gufasha ibigo kugira ngo bijye bibona aho bitegurira n’aho bigaburirira abana babyigamo, cyane ko byagaragaye ko kuri ubu abanyeshuri benshi bafatira ifunguro rya saa sita mu mashuri.

    Yavuze ko kugaburira abana ku ishuri bibafasha cyane kuguma mu ishuri no gukurikira amasomo yabo neza, aboneraho gusaba ababyeyi gushyigikira iyi gahunda bafasha ibigo by’amashuri kugira ngo bibone uko bigaburira abana.

    Ati “Gahunda ihari ni uko buri mwana abona ifunguro ku ishuri. Icya kabiri, hafashwe gahunda y’uko abana bazajya barya ku ishuri uhereye ku ncuke ariko kugira ngo iyi gahunda igere kuri bose, harasabwa ibikorwaremezo byinshi. Mwabonye ibirimo gukorwa nko kubaka ibikoni, gahunda y’ukuntu abantu bagura ibiryo n’uburyo ababyeyi bakwiye kujya babifashamo abana.”

    Yongeyeho ko iyi gahunda izafasha abana gushobora kuguma mu ishuri no kubona intugamubiri zihagije kugira ngo bakure neza.

    Umuyobozi w’Urwunge rw’amashuri rwa GS Kayanga, Nahayo Clemence, yavuze ko kuba abana barira mu mashuri ari ikibazo.

    Ati “Nibyo abana baracyarara mu mashuri kubera ibibazo by’ahantu ho gufatira amafunguro, kuba rero Leta iri kubaka ibikoni ni byiza kuko tugiye kujya tubona ahantu heza ho gutekera no kugaburira abana.”

    Ubusanzwe Leta y’u Rwanda yishyurira buri munyeshuri 56 Frw kugira ngo abashe kurya ku ishuri saa sita, urundi ruhare rugatangwa n’ibigo bigamo n’ababyeyi b’abana, uretse ko benshi batari babyumva neza.

    Biteganyijwe ko abana b’incuke n’abo mu mashuri abanza bo mu Rwanda bazatangira gahunda yo kujya barya ku bigo bigamo nyuma y’uko ibi bikoni bisaga ibigumbi 2 000 bizaba bimaze kuzura.

    Ibi bikoni byubatswe mu mashuri mashya yose ari kubakwa cyangwa amaze igihe gito yubatswe, byubatswe kandi mu mashuri atanga uburezi bw’imyaka 12, amashuri afitanye imikoranire na Leta ku bw’amasezerano ndetse n’amashuri yandi byagaragaye ko akeneye ibi bikorwaremezo.

    Gahunda yo kugaburira abana ku ishuri yitezweho kuzamura umusaruro w’abanyeshuri

    Mu bigo byinshi by’amashuri, hari kubakwamo ibikoni bizajya bitekerwamo ifunguro ry’abanyeshuri

    Mu ishuri rya GS Kayanga ryo mu karere ka Gasabo, igikoni MINEDUC iri kubakamo kigiye kuzura

    Umunyamabanga wa Leta muri Minisiteri y’Uburezi, Twagirayezu Gaspard, yemeza ko ibikoni biri kubakwa nibyuzura, bizatuma umusaruro w’abanyeshuri uzamuka

  • Papa Francis yagabanyije imishahara y’aba-cardinal kubera Covid-19 –

    BBC yatangaje ko ubusanzwe aba-cardinal bakorera i Vatican n’ababa i Roma, bahembwa 5.900$, (miliyoni 5.8 z’amafaranga y’u Rwanda) bagahabwa n’aho gutura. Ariko kubera ihungabana ry’ubukungu Vatican iri guhura naryo, bagiye kujya bakurwaho 10% ku mishahara yabo guhera muri Mata 2021.

    Abapadiri n’abandi bihayimana bo bazagabanyirizwa imishahara hagati ya 3% na 8%, ndetse iby’uko bari kuzongezwa byabaye bihagaritswe kugeza muri Werurwe 2023.

    Iri hungabana ry’ubukungu ryatewe no gufunga inzu ndangamurage z’i Vatican na Bazilika ya St Peter, zasurwaga n’abatari bake, aho mu mwaka wa 2019 zasuwe na miliyoni esheshatu z’abantu ndetse zikinjiza akayabo.

    Ibaruwa yaturutse i Vatican yagize iti “Kugira ngo ubukungu bwa Vatican butazahungabana mu gihe kiri imbere, birasaba ko dufata ingamba ubu, muri izo ngamba kandi harimo n’izerekeye imishahara y’abakozi.”

    “Izi ngamba zifashwe nyuma y’uko habaye ikibazo mu byerekeye ubuzima cyatejwe n’ikwirakwira rya Covid-19, yahagaritse aho leta ya Vatican yakuraga amafaranga.”

    Iyi baruwa yakomeje ivuga ko indi mpamvu y’uku gukata imishahara y’aba-cardinal ari ukugira ngo abalayiki bakora i Vatican badatakaza akazi kabo.

    Umuvugizi wa Leta ya Vatican yabwiye Reuters ko abalayiki bahakora barimo, abapolisi, abakora isuku, abazimya inkongi, n’abandi batazigera bagabanyirizwa imishahara kubera ko bamwe bafite imiryango kandi babaho ubuzima bubasaba gukoresha amafaranga menshi kuruta abihayimana.

    Inzobere mu by’ubukungu ikora i Vatican yatangaje ko kugira ngo ubukungu bwa Kiliziya Gatulika bugume ku murongo ikeneye gukoresha nibura miliyoni 47.2 z’amadolari.

    Biteganyijwe ko bazagira igihombo cya miliyoni 50 z’amayero uyu mwaka. Byitezwe kandi ko uyu mwaka amafaranga binjiza azagabunakaho 30% ugereranyije n’ayo binjije mu 2020.

    Amafaranga Kiliziya Gatulika yinjiza ava mu mitungo yayo, mu bikorwa yashoyemo imari, ndetse n’inkunga ihabwa.

    Papa Francis yagabanyije imishahara y’aba-Cardinal kugira ngo hatagira abakozi batakaza akazi kabo

    Mbere ya Covid-19, Bazilika ya St Peter yabaga ishagawe n’abantu

  • Clare Akamanzi yanenze ababona ubufatanye bw’u Rwanda na Arsenal nko gusesagura –

    Aya masezerano agamije kumenyekanisha u Rwanda binyuze muri gahunda ya ‘Visit Rwanda’ kugira ngo abanyamahanga basure u Rwanda, kumenyekanisha isura nyayo y’igihugu ndetse na gahunda y’ibikorerwa mu Rwanda, Made in Rwanda.

    Kuva aya masezerano yasinywa, hari abatarayakiriye neza bavuga ko u Rwanda nk’igihugu gikennye kitakabaye gitanga amafaranga menshi mu masezerano nk’aya.

    Ku ikubitiro mu banenze aya masezerano barimo Abadepite b’u Buholandi ndetse n’ikinyamakuru Daily Mail cyavuze ko u Rwanda rwahawe miliyoni “62£ yavuye mu misoro y’Abongereza, rugahamo Arsenal FC miliyoni 30£ kandi ari igihugu gikennye”, nubwo byamaganiwe kure n’Ikigega cy’Abongereza gishinzwe Iterambere Mpuzamahanga, DFID.

    Mu nkuru Umuyobozi Mukuru w’Urwego rw’Igihugu rw’Iterambere, RDB, Clare Akamanzi, yatambutse mu kinyamakuru The Independent ku wa 24 Werurwe, yagaragaje ko ubukerarugendo ari rumwe mu rwego rwinjiriza igihugu amafaranga menshi.

    Yavuze ko nko mu 2019 urahare rw’amafaranga yaturutse mu bikorwa by’ubukerarugendo ku musaruro mbumbe w’igihugu rwanganaga na 10,3% kandi ko bwatanze akazi ku bantu ibihumbi 160.

    Yavuze ko iterambere ry’ubukerarugendo, u Rwanda rurikesha ibyiza nyaburanga rufite, amahoro n’umutekano ndetse n’ibikorwaremezo bifasha ba mukerarugendo byagiye bishyirwaho.

    Yavuze ko mu rwego rwo gukurura ba mukerarugendo ndetse no guhindura imyumvire itariyo bamwe bafite k’u Rwanda bitewe n’amateka yarwo hakenewe gushorwa imari mu gukora imenyekanishabikorwa, anemeza ko ariyo mpamvu u Rwanda rwinjiye mu bufatanye na Arsenal na Paris Saint Germain.

    Ati “Iyi niyo mpamvu ubufatanye bwacu n’amakipe y’umupira w’amaguru nka Arsenal na Paris Saint Germain ari ishoramari ry’ingirakamaro, batuzanira amahirwe ntagereranywa yo kwerekana ibyiza by’igihugu cyacu, kuvuguruza ibitekerezo bitari byo no kwereka Isi ishusho y’ukuri y’u Rwanda, igihugu cy’icyizere, ubwiza buhambaye ndetse n’amahirwe atabarika. “

    Ntiyemeranya n’abanenga ubu bufatanye

    Clare Akamanzi yavuze ko atameranya n’abanenga iri shoramari ahanini bashingiye ku kuba u Rwanda ari igihugu kikiri mu nzira y’iterambere kitakabaye gishora amafaranga mu bikorwa nk’ibi.

    Ati “Abashaka kujora ikoreshwa ry’inkunga z’amahanga rimwe na rimwe bafata ubu bwoko bw’ishoramari mu ishusho ya kera bishyizemo ko Guverinoma z’ibihugu bya Afurika zisesagura. Ibi ntaho bihuriye n’ukuri.”

    “Iyo bikozwe neza, inkunga ziha ibihugu bizakira ubushobozi bwo gukora ishoramari ribyara inyungu zigera ku mu baturage bacu. U Rwanda n’ibindi bihugu nk’icyacu barajwe ishinga no kuba ubukungu bwacu bwakwigenga bukava ku gushingira ku bufasha bw’amahanga, ndetse mu gukoresha amafaranga ibi tubitekerezaho.”

    Yongeyeho ati “Gushora imari mu bukerarugendo ni bumwe mu buryo bwizewe bwo gukurura ishoramari, no kwagura ubukungu mu buryo burambye, hibandwa ku nyungu z’abaturage bacu”.

    Yavuze ko gukorana na Arsenal byatumye u Rwanda rurushaho kumenyekana. Ati “Umupira wa Arsenal uriho ikirango cya ‘Visit Rwanda’ ku kaboko ku munsi ubonwa na miliyoni z’abantu hirya no hino ku Isi ndetse n’ibikorwa by’imenyekanishabikorwa biba ku bufatanye n’aya makipe abiri, uhereye ku ngendo z’abakinnyi zigamije kumenyekanisha ubwiza bw’ikawa n’umuco by’igihugu, mu buryo buhoraho bigera ku barenga miliyoni.”

    Inyungu z’amasezerano ya Arsenal na PSG

    Umuyobozi wa RDB, Clare Akamanzi, muri iyi nkuru yakomeje agaragaza ko kuva u Rwanda rwasinyana amasezerano na Arsenal na Paris Saint Germain, hari byinshi rwungukiyemo cyane cyane ibijyanye n’ubukerarugendo ndetse no kumenyekanisha igihugu mu mahanga.

    Ati “Nk’urugero, inkuru zirenga 1000 zaranditswe ku bijyanye no gutangiza ubufatanye bwacu na Arsenal. Uruzinduko rwa David Luiz mu Rwanda narwo rwatumye hakorwa inkuru zibarirwa mu 100, zereka ababarirwa muri miliyoni 3,5 amateka y’igihugu, umuco ndetse n’ubukerarugendo.”

    “Ibyashyizwe ku mbuga nkoranyambaga bijyanye n’uko yakiriye kubona ingagi zo mu misozi ndetse no guhura n’abana b’Abanyarwanda bakina umupira w’amaguru byageze ku bandi bantu binyongera miliyoni 4.1. Ibi bikorwa byongereye imbaraga ibyo dukora ndetse n’inyungu yaturutse muri uku kumenyekanisha ibintu binyuze mu itangazamakuru yarenze ishoramari u Rwanda rwashyize muri ubu bufatanye.”

    Uretse kuba u Rwanda rwaramenyekanye kandi rukabikuramo amafaranga, Akamanzi yavuze ko ubufatanye u Rwanda rufitanye na Arsenal ndetse na Paris Saint Germain bwatumye n’umubare w’abasura u Rwanda wiyongera.

    Ati “Ibijyanye n’inyungu ku bukerarugendo nabyo birigaragaza. Nyuma y’umwaka umwe hasinywe amasezerano y’ubufatanye na Arsenal, amafaranga ava mu bukerarugendo yiyongereyeho 17%. By’umwihariko umusaruro wabyo wigaragaje mu Bwongereza ndetse no hirya no hino mu Burayi: ba mukerarugendo baturutse i Burayi biyongereyeho 22% mu mwaka wakurikiye itangizwa ry’ubufatanye.”

    “Uyu musaruro mwiza ufasha mu iterambere ry’ubukungu, ugatanga amafaranga ashorwa mu zindi nzego z’ibanze, bigakura mu bukene ababarirwa mu bihumbi ndetse bikongerera n’imbaraga abaturage.”

    Binyuze mu bufatanye u Rwanda rufitanye na Arsenal, abakinnyi bayo basura u Rwanda bakarumenyekanisha. Aha David Luiz yasuhuzanyaga n’Umuyobozi Mukuru wa RDB, Clare Akamanzi

    Binyuze muri ubu bufatanye David Luiz wa Arsenal yasuye u Rwanda asangiza abandi ibyiza yarubonyemo

  • Papa Francis yategetse ko imishahara ya ba Karidinali igabanywaho 10% #rwanda #RwOT

    Ubusanzwe Karidinali uba i Roma ahembwa ibihumbi 5,9 USD kandi agahabwa aho gutura.

    Kuva mu kwezi gutaha kwa Mata 2021 iyi mishahara izagabanywaho 10% kubera kwirinda ibibazo by’amikoro bishobora kuzaterwa n’ingaruka z’icyorezo cya COVID-19.

    Iari gabanyirizwa kandi rizagera no ku Bihayimana (Abasaseridoti n’ababikira) kuko imishahara yabo na yo izagabanywaho hagati ya 3% n’ 8%.

    Ibiro bya Papa byanditse ibaruwa ivuga ko mu rwego rwo kwirinda ihungabana ry’ubukungu bwa Vatican, 'birasaba ko dufata ingamba ubu, muri izo ngamba kandi harimo n’izerekeye imishahara y’abakozi.'

    Iyi baruwa ikomeza igira iti 'Izi ngamba zifashwe nyuma y’uko habaye ikibazo mu byerekeye ubuzima cyatejwe n’ikwirakwira rya Covid-19, yahagaritse aho leta ya Vatican yakuraga amafaranga.'

    Izi ngamba kandi zigamije gufasha abandi bantu bafite akazi i Vatican kugira ngo batazabura akazi mu minsi iri imbere. Muri abo bantu barimo abakora isuku, abapolisi n’abandi bose bahakora.

    UKWEZI.RW

    Source : http://www.ukwezi.rw/Mu-mahanga/Iyobokamana/article/Papa-Francis-yategetse-ko-imishahara-ya-ba-Karidinali-igabanywaho-10

  • Dr Martin yavuze ko Fondation ya Rusesabagina yagiraga uruhare mu kotsa igitutu amahanga ndetse yanafashije mu gutanga amakuru menshi afifitse yifashishijwe mu ngirwa raporo yitwa Mapping Report #rwanda #RwOT

    Umutangabuhamya w'Umunyamerika Dr Michel Martin wigisha ibijyanye no kwita ku baturage ni we mutangabuhamya watanzwe n'ubushinjacyaha wasobanuye uburyo yahuye na Rusesabagina ndetse n'uburyo bakoranye ari umukorerabushake muri Foundation ya Rusesabagina. Paul Rusesabagina Hotel Rwanda Foundation ifite icyicaro mu mujyi wa Chicago muri Leta yitwa Illinois. Yavuze ko hari byinshi yabwiwe ku Rwanda kugeza n'ubu afata nk'uburyo bwo guhakana Jenoside yakorewe Abatutsi kuko iteka byabaga bigizwe n'Imigambi yo gukomeza gahunda ya Jenoside basize batarangije.

    Dr Michel yavuze ko mu kwezi k'Ukwakira mu mwaka wa 2009, we na Rusesabagina ni bwo bahuriye muri restaurant muri Chicago. Yamusabye kumubera umukorerabushake ndetse arabyemera nta mananiza kuko yumvaga bimunyuze; muri iyo kipe yaninjijemo umwe mu banyeshuri be bimenyerezaga umwuga yakomeje avuga ko Paul Rusesabagina yavugaga ko yarwanye ku Batutsi batabarika bari muri Mille Collines muri Jenoside akaba ariyo turufu yashyiraga imbere n'ubwo bizwi ko byari ibihimbano, Paul Rusesabagina yagendaga avuga hose ko ari we watumye Abahutu b'abahezanguni batabica.

    Ku wa 15 Gashyantare 2010, uwari Ambasaderi w'u Rwanda, James Kimonyo yashinje Paul Rusesabagina gukorana na FDLR ariko abari bayirimo baramusetse. Icyo gihe Paul Rusesabagina yagaragaje ko ari uburyo Leta y'u Rwanda igerageza kumuharabika ndetse ko igisirikare cy'u Rwanda kiniga ubwisanzure, kandi inyandiko ye yavugaga ko leta yamunzwe na ruswa, ijyana abantu gusura urwibutso rwa Jenoside nko kwiyerurutsa gusa

    Dr Michel Martin yavuze ko amakuru yose yari yarahawe, yamenye ukuri kwayo yigereye mu Rwanda akareba uko abarutuye babayeho asanga Umuryango wa Rusesabagina wari ugamije gukuraho ubutegetsi bw'u Rwanda. Yongeyeho ko hari bamwe bamwandikiye bamusaba kumufasha, umwe mu bayobozi yanditse inyandiko avuga ko yemeye kuba umuhamya mu rubanza nk'uko yafashije izindi mpunzi.

    Hotel Rwanda Rusesabagina Foundation yavugaga ko yiyemeje gufasha imfubyi n'abapfakazi kugira ubuzima bwiza ariko nta bikorwa bifasha abo bantu wari ufite. Yakomeje gutangaza ibitamaza Rusesabagina avuga ko yari arajwe ishinga no kuvana Perezida Kagame ku butegetsi ari cyo cyari ki muri mu bwonko

    Yavuze ko hari igihe umwunganizi mu mategeko umwe w'Umunyamerika Peter Erlinder wafashwe ariko abakozi n'abimenyereza umwuga muri Hotel Rwanda Rusesabagina Foundation babwira gushyira igitutu ku buyobozi ngo arekurwe. Dr Martin yavuze ko Foundation ya Rusesabagina yanagiraga uruhare mu kotsa igitutu amahanga ndetse yanafashije mu gutanga amakuru menshi afifitse yifashishijwe mu ngirwa Mapping Report.

    Nyuma Dr Martin yagize impungenge ku mikorere ya Rubingisa na Rusesabagina mu mwaka wa 2009, yatije Rubingisa mudasobwa ye ariko ayimusubiza irimo emails zitandukanye ariko zishobora kwisiba nyuma y'igihe runaka; yarazifashe arazibika. Izo email zanditswe n'abantu batandukanye.
    Muri 2011, uyu mutangabuhamya yabonye inyandiko zivuga ku by'amafaranga yanyujijwe kuri Western Union n'abakoranaga na FDLR, ndetse aza no kujya gusaba kuzisemurirwa, Ati 'Byari ibiganiro 33 hagati y'abantu batandukanye kandi zabaga zamenyeshejwe Nayigiziki Jerome, Rusesabagina Paul. Izo emails zivuga umubare w'amafaranga, yagombaga kohererezwa FDLR; urugendo rwa Rusesabagina ajya muri Afurika y'Epfo guhura na Murwanashyaka Ignace. Harimo amakuru yerekeranye uko intwaro zizagurwa ndetse n'igikorwa cyo kugurisha inkweto zagombaga guhabwa abatishoboye.''

    Muri izo nyandiko hari izivuga ko hakenewe ibihumbi 500$ yo gutangira umugambi wo gutera u Rwanda wabo mu mezi atanu ya mbere kugira ngo batangire akazi kabo. Icyo gihe ni bwo hatangiye gutekerezwa niba hari ibisasu bishobora guterwa ahantu cyangwa ibyahanura indege.

    Muri icyo gihe bemeranyije ko hazajya hatangwa amafaranga hifashishijwe abantu 15 ndetse bageze aho hatekerezwa kwifashisha inzira inyura muri Tanzania mu gufasha abarwanyi kujya mu myitozo. Dr Martin yavuze ko akimara gutandukana na PDR Ihumure yatewe ubwoba ko azicwa. Ati 'Mu 2014, abanyamuryango ba PDR Ihumure banyoherereje tweets nyinshi zimbwira ko ndi maneko wa Kagame. Bambwiraga ko bazanyica ndetse banandikiye umukoresha wanjye kuko bashakaga ko banyirukana.''

    Mu gukomeza ubuhamya Dr Michel yagize ati'Igihe namenye ko nakoreraga abajenosideri, byashoboraga kuba byoroshye, bikanarinda ubuzima bwanjye. Mu gutegura ubu buhamya, nibajije icyatumye nkomeza gukora ibyo nakoraga. Sindi umunyapolitiki, ibyo nahisemo gukora bishobora kudasobanuka ku bantu benshi. Icyamfashije gukurikirana ibyo nakoze ni uko ndi umubyeyi. Abagore n'abana ni bo bagirwaho n'ingaruka zikomeye z'ubugizi bwa nabi mu Isi.'

    Urugereko rwihariye rw'Urukiko rukuru ruburanisha Ibyaha Mpuzamahanga n'ibyambukiranya imipaka rwasoje iburanisha nyuma yo kumva umutangabuhamya Dr Martin Michel wakoze muri Hotel Rwanda Rusesabagina Foundation nk'umukorerabushake.

    The post Dr Martin yavuze ko Fondation ya Rusesabagina yagiraga uruhare mu kotsa igitutu amahanga ndetse yanafashije mu gutanga amakuru menshi afifitse yifashishijwe mu ngirwa raporo yitwa Mapping Report appeared first on RUSHYASHYA.

    Source : https://rushyashya.net/dr-martin-yavuze-ko-fondation-ya-rusesabagina-yagiraga-uruhare-mu-kotsa-igitutu-amahanga-ndetse-yanafashije-mu-gutanga-amakuru-menshi-afifitse-yifashishijwe-mu-ngirwa-raporo-yitwa-mapping-report/

  • Gatsibo: Barasaba kubakirwa ishuri ry’imyuga nyuma yo kugezwaho umuriro w’amashanyarazi bwa mbere –

    Ni umuriro bagejejweho mu mpera z’umwaka ushize, kuri ubu aba mbere bakaba baratangiye kuwubyaza umusaruro aho bamwe batangiye gusudira ibyuma, hazanwa imashini zidoda zikoresha amashanyarazi n’ibindi.

    Impinduka mu mibereho y’abaturage babonye amashanyarazi

    Bamwe mu baturage bo mu Murenge wa Gasange babwiye IGIHE ko nyuma yo kubona umuriro w’amashanyarazi kuri ubu hari serivisi bataboneraga muri uyu Murenge batangiye kubahonera, abatangiye kuwubyaza umusaruro bo bavuze ko kuri ubu ibyo bakoraga inyungu yiyongereye nyuma yo kugezwaho umuriro w’amashanyarazi.

    Twizerimana Theoneste yavuze ko amaze kubona mu Murenge wa Gasange hagejejwe umuriro, ngo yahise agura imashini itera imitako ku myenda y’abagore kuko ikoresha umuriro, ubusanzwe ngo abashakaga gushyira imitako ku myenda ngo bajyaga kuyikoresha i Kigali.

    Ati “Ubu abakoreshaga i Kigali bari kuza hano tukabakorera, niba mbere narakoreraga nk’ibihumbi 50 ubu yabaye nka 70 kubera umuriro, umukiliya araza tukamuterera tugahita tumuha umwenda we.”

    Niyikiza Israel we usanzwe ukomoka mu Karere ka Ngoma yavuze ko yumvise kuri radiyo ko muri uyu Murenge hagejejwe umuriro w’amashanyarazi bwa mbere ahitamo kujya kuhacururiza ibikoresho bitandukanye birimo telefone, radiyo n’ibindi.

    Umuyobozi w’ikigo Nderabuzima cya Gasange, Irambona Xavier, yavuze ko mbere hari serivisi batatangaga ariko ubu bazitanga neza ku baturage.

    Ati “Hari serivisi yo gukingira tutatangaga umunsi ku munsi kuko twakoreshaga imirasire ugasanga nta buryo bufatika bwo kubika inkingo, twazibikaga i Kiziguro tukajya kuzifata ku munsi wo gukingira ugasanga biratudindiza mu gutanga serivisi nziza ku batugana, ikindi hari ibizamini bya laboratwari tutakoraga rimwe ugasanga ibyo bizamini turajya kubikoresha ku bitaro ariko ubu turabyikorera.”

    Barifuza ishuri ry’imyuga ryafasha abana babo

    Nyuma y’uko muri uyu Murenge hagejejwe umuriro, abaturage baravuga ko leta yabafasha kuhageza ishuri ry’imyuga ngo kuko hari abakoresha imashini zibaza, abasudira n’abadozi bataragira ubumenyi.

    Mbonyimana Gad yavuze ko nyuma y’uko babonye amashanyarazi, urubyiruko rwinshi rwifuza kwiga gusudira rugakura amaboko mu mifuka, yavuze ko nkawe ari umukanishi ariko habonetse ishuri ry’imyuga ashobora kubyiga neza ku buryo abikora kinyamwuga.

    Munyambo Vincent we yagize ati “Inaha ni njye uzi gusudira gusa nabyigiye i Rwamagana akenshi rero kuko mba mfite ibintu byinshi ndi gukora simbona umwanya wo kwigisha urubyiruko, habonetse ishuri rero ryafasha benshi rikanadufasha mu gutuma urubyiruko rwinshi rubona akazi.”

    Umunyamabanga Nshingwabikorwa w’Umurenge wa Gasange, Ndayisenga Jean Claude, asanga muri uyu Murenge hakenewe ishuri ry’imyuga ngo kuko andi mashuri ahari ku bwinshi, yavuze ko usanga hari urubyiruko rwinshi rukora imyuga itandukanye irimo ubudozi, gusudira, kubaza bitari ibya kinyamwuga agasanga ishuri rihageze ryatuma babikora neza.

    Umunyamabanga Nshingwabikorwa w’Akarere ka Gatsibo, Nankunda Jolly, yabwiye IGIHE ko ishuri bagiye gutekereza uburyo ryazashyirwa mu ngengo y’imari y’imyaka iri imbere asaba abaturage kuba bakoresha amashuri y’imyuga ari mu yindi mirenge bahana imbibi.

    Uyu muyobozi yavuze ko uko ubushobozi buzajya buboneka ariko ibikorwa remezo bitandukanye bizajya bibageraho ariko ko byose leta itabihagereza mu mwaka umwe.

    Abaturage basaga 42% nibo bagerwaho n’umuriro w’amashanyarazi mu gihe ibikorwa byo kuwukwirakwiza bigikomeje kugira ngo nibura mu 2024 uzabe ugera ku baturage bose 100%.

    Nyuma yo kwegerezwa amashanyarazi, barasaba ishuri ry’imyuga kugira ngo babone ubumenyi bwo kuwubyaza umusaruro

    Hagejejwe amaradiyo na telefone mu gihe mbere bajyaga kubigura i Kigali

    Imashini zidoda zifashisha amashanyarazi zagejejwe muri uyu Murenge

    Agasantere ka Gasange kuri ubu abagatuye barishimira ko kagejejwemo amashanyarazi

  • LIVE: Ubuhamya bwa Habiyaremye Noël wahoze muri FDLR ku buryo yakoranye na Rusesabagina (Amafoto na Video) –

    Urubanza ruregwamo Rusesabagina ruburanishwa n’Urugereko rwihariye rw’Urukiko rukuru ruburanisha Ibyaha Mpuzamahanga n’ibyambukiranya Imipaka ruherereye mu Karere ka Nyanza. Ruri kubera mu Cyumba cy’Urukiko rw’Ikirenga ku Kimihurura mu kwirinda ikwirakwira rya Coronavirus.

    Kuri uyu wa Kane biteganyijwe ko urubanza rukomeza humvwa undi mutangabuhamya w’Ubushinjacyaha.

    Rusesabagina Paul wikuye mu rubanza ku munsi wa kabiri nabwo ntiyagaragaye mu rukiko.

    UKO IBURANISHA RIRI KUGENDA:

    09:32: Habiyaremye yavuze ko yatangiye gukorana na Paul Rusesabagina mu ntangiriro za 2008 kugera mu 2009 afatirwa mu Burundi.

    Habiyaremye yavuze ko yafashwe amaze kuganira n’abantu batandukanye ariko akenshi yavuganaga n’abashobora kwifatanya na bo mu ishyamba.

    09:23: Habiyaremye yavuze ko yari mu mugambi wo gutera igihugu ari muri FDLR. Yasobanuye ko aganira na Rusesabagina yamubwiye ko inzira yose yakunda kugira ngo habeho impinduka mu gihugu zakwifashishwa.

    Yakomeje avuga ko Rusesabagina yamubwiraga ko “Ni yo byananirana hakoreshwa imbaraga.’’

    -  Uko Habiyaremye yahuye akanakorana na Rusesabagina

    Habiyaremye Noël yavuze ko yahuye na Nsengiyumva Appolinaire Minani Innocent baganira ku bijyanye na politiki n’igisirikare.

    Muri iki gihe ni bwo yongeye guhuzwa na Paul Rusesabagina baganira ku byerekeye n’aho yari ari. Icyo gihe yari yaramubwiye ku byerekeye ishyaka rye PDR Ihumure.

    Minani yaje kumubwira ko mu mugambi we akeneye abarwanyi ndetse ahabwa inshingano zo gushaka ingabo.

    Ati “Ibikoresho bya gisirikare kandi bihenze byasabaga amafaranga ariko Rusesabagina yambwiye ko atari ikibazo bihari.’’

    Rusesabagina yagiye amwoherereza amafaranga mu byiciro bitandukanye.

    Yavuze ko yanakoranye na Col Mbiturende Tharcisse, ndetse na we yabahuje na Rusesabagina baravugana.

    Ati “Icyo gihe tuvugana sinari nzi ko avugana na Ingabire. Ntekereza ko yagendaga abagarira yose atazi irizera mbere. Twakomeje kuvugana numva twajyana muri iyo gahunda.

    Mbiturende yamubwiye ko afite gahunda yo kujya mu Burundi, amubwira ko afitanyeyo gahunda na Gen Adolphe Nshimirimana wari ukuriye Iperereza.

    Ati “Nabibwiye Rusesabagina. Yavuye Lusaka ajya Dar es Salaam mu gihe Mbiturende yavuye mu Majyaruguru ya Kivu anyura i Nairobi bahurira muri Tanzania.

    Kubera ibyangombwa byabo byari byarangiye basabye Rusesabagina kubaha amafaranga, abaha 2000$ abicishije kuri Minani mu Bubiligi.

    Ayo mafaranga yakiriwe na Mbiturende, nyuma yaho yohereje andi mafaranga 1000$.

    Habiyaremye yahise ajya Kigoma gushaka ibyangombwa kuko we yari umuturage wa RD Congo.

    Mbiturende yaje kumusanga Kigoma berekeza mu Bujumbura aho bahuriye na Gen Adolphe bamusaba ubufasha bwo kubona ibikoresho, ndetse u Burundi bukabafasha kugera mu Rwanda.

    Ati “Yatubwiye ko abanza kuvugana na bagenzi be anatwizeza ko umushinga ari mwiza. Twabibwiye Rusesabagina ko umushinga washimwe.’’

    Habiyaremye yabwiye Rusesabagina ko bakeneye telefoni zifashisha satellite kugira ngo bajye bashobora kuganira. Icyo gihe yamuhaye 1870$ n’andi 900$ yoherejwe biciye muri Western Union.

    Ubwo bajyaga mu Bujumbura gufata ayo mafaranga, Habiyaremye na Mbiturenge bafashwe n’ubuyobozi bw’u Burundi boherezwa mu Rwanda banyujijwe ku Akanyaru.

    -  Ubuhamya bwa Habiyaremye Noël wahoze muri FAR akaza no kwinjira muri FDLR

    Habiyaremye Noël ukomoka mu Murenge wa Gahengeri mu Karere ka Rwamagana mu Ntara y’Uburasirazuba. Yavutse ku wa 25 Ukuboza 1968.

    Yafunzwe imyaka itatu n’igice, ahamijwe ibyaha bifitanye isano no kuba mu mutwe w’iterabwoba.

    Yagiye muri FAR mu 1991, aza kuva mu Rwanda ajya muri Centrafrique aho yaje kuva ajya muri Congo. Icyo gihe ageze muri RDC yagiye mu mutwe wa ALIR ya kabiri.

    Mu 2000, hamaze kuvuka umwuka mubi yafashe umwanzuro wo kujya mu ishyamba.

    Icyari ALIR mu 2005 yahindutse FDLR hagamijwe kuyobya amarari kuko ibyaregwaga byari byinshi.

    Habiyaremye wakurikiranaga amakuru mu bitangazamakuru yumvaga abanyapolitiki batandukanye barimo na Paul Rusesabagina.

    Yagiye mu Bubiligi ahura n’uwitwa Rubingisa, yaje kumutumira amubwira gahunda afite, yumva gahunda ye ni nzima.

    Baje kuvugana kuri telefoni amubwira ko ayoboye batayo, anamubwira ko hari ibyo yamufasha.

    08:46: Ubushinjacyaha bwasabye ko iburanisha ryatangira humvwa undi mutangabuhamya.

    08:44: Inteko iburanisha igeze mu rukiko, urubanza rugiye gutangira kuburanishwa.

    KANDA HANO UREBE ANDI MAFOTO MENSHI

    Amafoto: Igirubuntu Darcy

  • Komanda yarambwiraga ati” Wakoze ubusa, uzira n’ubusa!” Ubuhamya bwa Ap. Masasu wafungiwe ubutumwa bwiza #rwanda #RwOT

    Ku itariki 29 Werurwe 2021, ubwo umushumba w’itorero Evangelical Restoration Church Apotere Joshua Masasu yabwirizaga mu itorero rya Kimisagara, yahuguye abakristo ko batagomba kunyeganyezwa n’iminsi n’ibigeragezo bizanwa n’ibihe. Ababwira ko ahubwo bakwiye guhora bishimiye muri Kristo Yesu iminsi yose.

    Aha ni ho yanakomoje ko benshi mu bakristo basigaye bagushwa n’ubusa bakava mu byizerwa ati” Abarokore bo muri iyi minsi babakoraho gake gusa, akaba yagiye!”

    Hagati mu nyigisho uyu mushumba yatanze ubuhamya bwe avuga ukuntu yafungiwe ubutumwa bwiza, mu mboni y’ ijambo ry’Imana.'Ziva imbere y’abanyarukiko zinejejwe n’uko zemerewe gukorwa n’isoni bazihora iryo Zina ( Kristo Yesu)' Ibyakozwe n’Intumwa 5:41.

    Yatangiye agira ati” Mu yandi magambo isoni baguhora Kristo ni impamvu y’umunezero ukomeye, aho kuba impamvu y’agahinda!

    Mu 1995 baramfunze i Butare Madamu yari atwite inda nkuru, ( inda ya Karebu). Maze njya kwigisha i Butare, Ngaho yeeee! Polyvalente ndabwirije, mvuye polyvalente njya mu cyumba kitwa Orga 54 home y’abakobwa. Ndabwirije, ndashyushye cyane ndabwirije! Abahinduka, nkora ibiterane iminsi 5.

    Bukeye ndangije ndimo kwitegura kuza Kigali, mbona abantu batuje baraje kunshaka barambwira ngo nitabe ku biro, ngezemo nsangamo umugabo wayoboraga iby’ Affaire sociale muri kaminuza maze arantuka. Buri munota akantuka kuri Mama, arantuka …umugabo ati' Ntawe ufite akuma ngo tuvane uyu mwanda mu nzira?' Akuma muri 1995 gasobanuye byinshi! Aratuka, aratuka!

    Arambwira ngo waje gukora iki wowe? Ndamubwira ngo naje kwigisha(Kubwiriza). Ahamagara undi muyobozi banjyana ku muyobozi (banjyana iwe), arandeba arambwira ' Ni wowe Masasu?' nti yego, 'warize' nti yego, ' wize ibiki?' ndamubwira. Ati' Ahaaa, waje kwica muri kaminuza?, uri umunyarwnda se?'…

    Iryo jambo ryarambabaje kuko nari maze imyaka 35 muri Congo bambaza( mpora nivuguruza) ko ndi umucongomani, none no mu Rwanda barambaza ko ndi umunyaRwanda!

    Mugenzi we aramubwira ngo’ Ntabwo ari umunyarwanda ni umushi, kubera mvuka Cyangugu, noneho baramvuga baranyendereza. Baranjyana bankubita muri Kasho iminsi 5, nari nambaye igikote cy’ikijakete abanyeshuri bakajya baza kundeba ku mugoroba, bakazana uturyo, abanyeshuri b’ i Butare bakaza kundeba bazanye amata.

    Ubwo bakadusohora buri mu gitondo badushyira ku murongo bakatubaza:' Wowe bakubeshyera iki?', akavuga ibyo bamubeshyera, bangeraho bakambaza ' Wowe bakubeshyera iki? Nkabasubiza nti' Ntabwo bambeshyera njyewe, baranziza ukuri! Nagiye kwigisha muri kaminuza barangije baramfunga'.

    Maze ubwo Komanda agaseka' Wowe wakoze ubusa, uzira n’ubusa!'.Icyo gihe ku munsi wa kane ndayemo baza kunsura( Papa Gedeon, Gatera, nyakwigendera Munyentwari) baraza baransohora. Hanyuma Munyentwari yaravuze ngo ntabwo bari bunzane mu rugo, baranzana Kimisagara( twari tukiri hariya kuri Maison des jeunes). Uko nsa uko n’ijakete uko, hanyuma turaza mu isaha 1 n’iminota 20, Kimisagara igiye gusohoka nka sasita ibura igice tuba turinjiye.

    Nsanga incuti yanjye umuvandimwe Meshake, niwe wayoboraga araza ati ' Yewe Masasu sha, urahirwa waraducuze wowe urafungwa nka Pawulo!' Nahise mubona ababaye cyane ko namucuze, mu yandi magambo icyo namucuze ngo ni ukuba nagiye muri Prison, ngo kuva yavuka ntarafungirwa ubutumwa bwiza'

    'Ziva imbere y’abanyarukiko zinejejwe n’uko zemerewe gukorwa n’isoni bazihora iryo Zina( Kristo Yesu)' Ibyakozwe n’Intumwa 5:41. Mu yandi magambo isoni baguhora Kristo ni impamvu y’umunezero ukomeye, aho kuba impamvu y’agahinda!

    Kurikira hano impuguro n’ubuhamya bwa Apotre Joshua Masasu

    [email protected]

    Source : https://agakiza.org/Komanda-yarambwiraga-ati-Wakoze-ubusa-uzira-n-ubusa-Ubuhamya-bwa-Ap-Masasu.html