Webrwanda Backend

Blog

  • Yarabutswe umukobwa w'ikizungerezi ,atangira kumwikinishirazaho abantu bifata ku munwa. – YEGOB #rwanda #RwOT

    Uyu mugabo utatangajwe amazina yatumye abantu bifata ku munwa nyuma yo kumara iminota 2 yose yikinishiriza ku mugore wari wibereye muri super market yihahira.

    Ibi byabereye muri Zimbia aho camera zagaragaje umugabo ukuze ari inyuma y'umugore wari ugiye guhaha yashyize ukuboko mu ipantaro yikinisha yitegereza uburanga bw'uyu mugore.

    Icyatunguranye kandi ni uburyo uyu mugabo wikinishirije kuri uyu mugore hafi iminota ibiri, ari umuntu ukuze. Uyu mugore we ntiyegeze amenya ibyabaye kuko yakomeje guhaha nk'ibisanzwe ntiyanitaye ku mugabo umuri inyuma igihe kinini.

    Leave your vote

    Comments

    0 comments

    Source : https://yegob.rw/yarabutswe-umukobwa-wikizungerezi-atangira-kumwikinishirazaho-abantu-bifata-ku-munwa/

  • Covid-19 yahitanye umuntu umwe mu Rwanda abandi 104 barayandura #rwanda #RwOT

    Minisiteri y'ubuzima yatangaje ko umuntu umwe yahitanywe na COVID-19 bituma umubare w'abamaze kwicwa n'iki cyorezo ugera kuri 298 mu Rwanda,abanduye bo biyongereyeho 104. Abarembye ni batanu, naho abakize ni 99.

    Hakingiwe abantu 297.

    Amakuru yose kuri Covid-19 mu Rwanda

    Habonetse abanduye bashya:104
    Abanduye bose:21,210
    Hakize:99
    Abakize bose:19,540
    Hapfuye:1(Umugabo w'imyaka 77 witabye Imana i Kigali )
    Abamaze gupfa bose:298
    Abakirwaye:1,372
    Abarembye:5
    Abakingiwe bashya:297
    Abamaze gukingirwa kuva 05/3/2021:348,926

    Ikigo cy'igihugu cy'Ubuzima mu Rwanda, RBC, cyatangaje ko kuri uyu 24 Werurwe 2021, cyasoje icyiciro cya mbere cy'abahabwa urukingo rwa COVID-19, nyuma y'uko abantu 348 629 bakingiwe na rumwe mu nkingo ziri gutangirwa mu Rwanda, ari zo Pfizer-BioNTech na AstraZeneca.

    RBC yasabye abantu bose bahawe urukingo rwa Covid-19 kwitegura kuzahabwa urwa kabiri nyuma y'uko iminsi yagenwe irangiye, kuko iyo umuntu atewe inkingo ebyiri ari bwo aba yiyubatsemo ubudahangarwa buhagije.

    Hagati aho, igihe bizatwara kugira ngo umuntu ahabwe urukingo rwa kabiri ntikiramenyekana neza. Mbere y'uko inkingo zitangira gutangwa, ubushakashatsi bwari bwerekanye ko umuntu wahawe urukingo rwa AstraZeneca, agomba guhabwa urwa kabiri mu minsi 28 nyuma yo guterwa urwa mbere, gusa ubushakashatsi bushya buherutse gusohoka mu kinyamakuru Lancet, bwerekanye ko umuntu ashobora guterwa urukingo rwa kabiri nyuma y'ibyumweru 12, bigatuma yubaka ubudahangarwa bwo kwirinda Covid-19 ku kigero cya 82%.

    Nyuma y'iminsi 22 kugera kuri 90 umuntu ahawe urukingo rwa mbere rwa AstraZeneca, umubiri we wubaka ubudahangarwa bwo kurwanya Covid-19 ku kigero kiri hagati ya 60% na 76%, mu gihe umuntu uhawe inkingo ebyiri mu gihe kiri munsi y'ibyumweru bitandatu, umubiri we wubaka ubudahangarwa bwo guhangana na Covid-19 ku kigero cya 54% gusa.

    Ibi kandi ni na ko bimeze ku rukingo rwa Pfizer-BioNTech, kuko ubushakashatsi bwa vuba bwerekana ko umuntu ashobora gutegereza akazaterwa urukingo rwa kabiri nyuma y'ibyumweru 12, aho kuba iminsi 21 nk'uko byari biteganyijwe mbere. Mu gihe cy'ibyumweru bine umuntu ahawe urukingo rumwe rwa Pfizer-BioNTech, umubiri we wubaka ubudahangarwa bwo kwirinda Covid-19 ku kigero kiri hagati ya 57% na 61%.

    Kubera izi mpamvu rero, ntibiramenyekana neza igihe u Rwanda ruzatangira gutanga icyiciro cya kabiri cy'inkingo ku bantu bahawe urukingo rwa mbere. Birashoboka ko u Rwanda rwashingira ku bushakashatsi bwa mbere rugatanga urukingo rwa kabiri nyuma y'iminsi 21 ku bahawe urukingo rwa Pfizer-BioNTech, cyangwa iminsi 28 ku bahawe urukingo rwa AstraZeneca.

    Icyamaze kumenyekana ni uko nyuma y'ubu bushakashatsi bushya, ibihugu byinshi biri guhitamo gushyira intera ndende hagati y'inkingo ebyiri, kugira ngo urukingo rwa mbere rubanze ruhabwe abantu benshi, maze urwa kabiri ruzatangwe nyuma kandi rwongera ubudahangarwa ku bantu baruhawe.

    Inkingo zatanzwe muri iki cyiciro cya mbere mu Rwanda ni 342 960 zatanzwe muri gahunda ya Covax, zirimo 240 000 za AstraZeneca na 102 960 za Pfizer-BioNTech. Hari kandi inkingo 50 000 zatanzwe n'u Buhinde, mu gihe hari izindi nkingo 1 000 zari zaratanzwe mbere yazo zose.

    U Rwanda ruteganya kuzakoresha miliyoni 124$ zo kugura inkingo, ndetse byitezwe ko mu minsi ya vuba ruzabona miliyoni 47$ zo kuba rwifashisha mu kugura inkingo zikenewe kugira ngo abaturage 60% bazakingirwe bitarenze umwaka utaha, bityo icyorezo cya Covid-19 kirandurwe burundu mu Rwanda.


    Source : http://umuryango.rw/amakuru/mu-rwanda/ubuzima/article/covid-19-yahitanye-umuntu-umwe-mu-rwanda-abandi-104-barayandura

  • Isomo ry'ubuzima:uyu mukobwa yasutsweho aside na papa we ashaka ngo apfe|byamugize icyamamare ubu abayeho neza. – YEGOB #rwanda #RwOT

    Uyu mukobwa witwa Anmol yabuze nyina ubwo yari afite amezi abiri gusa, kuko nyina yaje guhitanwa n'ibikomere bikabije by'ubushye yatewe n'iyi aside yamenweho n'umugabo we. uyu mugore kandi uretse nibyo mbere yo gupfa yarwaniriye umwana we 'Anmol' utaruzi ibiri kuba maze aside hafi ya yose yari kugwa k'umukobwa we aramwitangira imumenekaho niko gupfa gutyo.Kuri ubu uyu mukobwa yabaye icyamamare abayeho neza.

    Anmol Rodriguez yerekana imideli

    Uyu mugabo wari se w'uyu mwana ngo yabikoze ashaka kwikiza uwari umugore we ndetse n'umwana yari afite ariwe w'uyu turi kuvugaho. Uyu mwana nyuma yaho arokotse igitero yagabweho na se ngo yamaze imyaka 5 mu bitaro bamuvura ubushye bwa aside, ntibyari byoroshye kubaho kuri we ariko yaje kurokoka ndetse arakira nyuma aza kubona ikigo cy'imfubyi cyagiye kumurera mu mujyi wa Mumbai mu buhinde.

    Kubera ukuntu yitaweho n'abantu atazi kugeza akuze ubu nawe ubuzima bwe yabuhariye gusura ibigo by'imfubyi bitandukanye ngo yereke bose urukundo yakunzwe n'abagiraneza. Ubwo yaratangije amashuri yahuye na byinshi bimuca intege birimo nk'amazina bamwitaga bijyanye n'imiterere y'umubiri ndetse n'amagambo anyuranye bamuvugagaho ateye agahinda, gusa we avuga ko ibi yari yarabirenze afite umutima ukomeye.

    Kuri ubu Anmol w'imyaka 26, yerekana imideli (model), agakina filime, ndetse akaba yarashinze ikigo kirengera abarokotse ibitero bya aside. Umunsi umwe uyu mukobwa yaravuze ati: 'aside burya ntiyarangiza ubuzima bwacu, ishobora guhidura amasura yacu ariko ntiyakwica ubugingo bwacu. Inyuma tuba twahindutse ariko imbere tuba tukiri babandi. Dukwiye kwakira uko turi kandi tukabaho tunezerewe'

    Leave your vote

    Comments

    0 comments

    Source : https://yegob.rw/isomo-ryubuzimauyu-mukobwa-yasutsweho-aside-na-papa-we-ashaka-ngo-apfebyamugize-icyamamare-ubu-abayeho-neza/

  • Musanze: Babangamiwe n'abiba ibikoresho byubakishijwe imva – #rwanda #RwOT

    Bamwe mu batuye muri aka gace bavuga ko batewe impungenge z'uko abiba ibi bikoresho bashobora kuba babijyana mu bupfumu kuko hari n'abiba imisaraba ikozwe mu biti.

    Abaganiriye na TV1 bo bavuga ko hari n'ababifata bakajya kubigurisha mu mujyi ahagurishishirizwa ibyuma bishongeshwa bigakorwamo ibindi bikoresho bamwe bita inyuma cyangwa injyamani.

    Umwe mu baturage yagize ati 'Twumva bavuga ngo imisaraba y'abantu bapfuye, ngo iyo ugiye kwiba umusaraba ukawurambika ku nzu nyirayo ntabwo akumva'.

    Undi muturage yavuze ko iyo anyuze hafi y'iri rimbi nijoro abona amatoroshi y'abantu baba bari kumurika mu mva, ntamenye ibyo barimo.

    Umuyobozi w'Akarere ka Musanze ushinze imibereho myiza, Kamanzi Axelle, yemereye IGIHE ko hari abantu bajya bajya muri iryo rimbi bakiba ibikoresho byubakishijwe imva.

    Ati ' Nibyo mu minsi yashize byagaragaye ko hari abantu biba ibikoresho byo mu rimbi rya Bukinanyana, ni irimbi tutagikoresha ariko ibyagaragye ni abantu biba imisaraba y'ibyuma, ba bandi bacuruza injyamani. Twabifatiye ibyemezo dufatanyije n'Umurenge wa Cyuve ko naho twazajya tuharinda kubera ko ari ahantu haba hashyinguwe abantu, ni ahantu hakwiye kubahwa. Ntabwo ari ahantu ho kujya gukorera ibintu nk'ibyo cyane ko bariya bantu bacuruza ibyuma tubafata nk'ubuzerererezi bushyira ubujura.'

    Yakomeje avuga ko bigoye kwemeza ko ababyiba babijyana mu mihango y'ubupfumu kuko nta muntu bari bafata ngo ababwire ko ariho yari abijyanye.

    Abaturiye irimbi rya Bukinanyana bagaragaje ko babangamiwe n’abiba ibikoresho byubatse imva

    Source : http://igihe.com/amakuru/u-rwanda/article/musanze-babangamiwe-n-abiba-ibikoresho-byubakishijwe-imva

  • Miss Ingabire Grace yatangaje icyatumye yambara ikanzu igaragaza amatako ye ikavugisha benshi. – YEGOB #rwanda #RwOT

    Ku wa gatandatu ushize tariki 20 Werurwe 2021 nibwo hatowe Nyampinga w'u Rwanda, aho Miss Grace Ingabire ari we wegukanye iri kamba.Gusa nyuma y'uwo muhango abantu benshi kuri Twitter batangiye kuvuga ko ikanzu ya Miss Grace itari imukwiriye ,ndetse biteza impaka ndende.

    Kuri ubu ,Miss Grace mu kiganiro yagiranye na INYARWANDA yatangaje ko amakanzu we n'ibisonga bye bambitswe batayipimye mbere, kuko hashingiwe ku burebure n'ingano ya buri umwe bemeza iyo umwe yambara.

    Yagize ati '…Ntabwo baba bazi abantu baribuhitemo (Abateguye amakanzu yo kwambara). Baba bazanye amakanzu atatu yonyine, rero twagiye bavuga iyi ng'iyi kubera ko ari nto yakwira uyu nguyu muto. Iyi ngiyi kuko irimo hagati yakwira uyu wo hagati. Iyi ngiyi kubera ko ari nini ho gato yakwira uyu nguyu munini. Ariko bakanazitudoreraho kubera ko nyine ntabwo twari twipimye.'

    Uyu Miss yavuze ko kandi ababambitse amakanzu bakoze uko bashoboye kugira ngo basubire ku rubyiniro mu gihe gito bari bafite; kandi ko icyangombwa kuri bo ari uko bakoze ibyo bari bashoboye bakabasha kwegukana ikamba.

    Miss Grace ati 'Noneho nyine bagarageza uko bashoboye vuba kugira ngo dusubire ku rubyiniro. Noneho tugezeyo, urumva ntabwo nari ndi kwibona ariko niyo mpamvu kubera ukuntu nyine byari bimeze mu rwambariro turi kwirukanka, amakanzu ntabwo twipimye ntabwo baba bazi umuntu uri butsinde. Ntabwo nabitenzeho kubera ko numvaga ntakundi nyine byari kugenda. Ariko navuga ko nyine icyangombwa ari uko twakoze ibyo dushoboye.'

    Leave your vote

    Comments

    0 comments

    Source : https://yegob.rw/miss-ingabire-grace-yatangaje-icyatumye-yambara-ikanzu-igaragaza-amatako-ye-ikavugisha-benshi/

  • Urayeneza Gérard nyiri Kaminuza ya Gitwe yakatiwe gufungwa burundu #rwanda #RwOT

    Mu isomwa ry'urubanza ryamaze hafi amasaha 6, kuri uyu wa kane taliki 25 Werurwe 2021 Urukiko rwisumbuye rwa Muhanga rwahanishije igifungo cya burundu Urayeneza Gérard rumuhamije kuba icyitso mu cyaha cya Jenoside n'icyaha cyo kuzimiza cyangwa gutesha agaciro ibimenyetso cyangwa amakuru byerekeye Jenoside.

    Urubanza rwasomwe hifashshijwe ikoranabuhanga, icyumba cy'iburnisha kirimo abategereje umwanzuro mu gihe abaregwa bo barikurikiraniraga muri Gereza ya Muhanga aho bafungiye.

    Muri uru rubanza urukiko rwaahanishije kandi igifungo cya burundu Munyampundu Leon Alias Kinihira na Ruganiza Benjamin wafunguwe by'agateganyo bikaba bivugwa ko yaba yarahise atoroka ubutabera. Bahamijwe icyaha cya Jenoside n'icyaha cyo kuzimiza cyangwa gutesha agaciro ibimenyetso cyangwa amakuru byerekeye Jenoside.

    Abandi baregwa hamwe na Urayeneza barimo Rutaganda Dominique, Nyakayiro Samuel na Nsengiyaremye Elisé, buri wese yakatiwe igifungo cy'imyaka umunani nyuma yo guhamwa n'icyaha cyo kuzimiza cyangwa gutesha agaciro ibimenyetso cyangwa amakuru byerekeye Jenoside n'ihazabu ya 750.000 Frw.

    Urukiko kandi rwategetse ko Urayeneza Gérard, Munyampundu Léon alias Kinihira na Ruganiza Benjamin bafatanyije, guha Uwera Marie Grace indishyi z'akababaro zingana na miliyoni 9 Frw n'indishyi mbonezamusaruro miliyoni 3 Frw.

    Abarimo Rutaganda Dominique, Nyakayiro Samuel na Nsengiyaremye Elisé na bo bategetswe guha Uwera Marie Grace indishyi z'akababaro zingana na miliyoni 2.4 Frw.

    Urayeneza, Munyampundu na Ruganiza bategetswe guha Mukamazimpaka Marie Chantal indishyi z'akababaro zingana na miliyoni 4 Frw n'indishyi mbonezamusaruro miliyoni 3 Frw.

    Mukamazimpaka kandi urukiko rwategetse ko Rutaganda, Nyakayiro na Nsengiyaremye bamuha indishyi z'akababaro zingana na miliyoni 2.4 Frw.

    Urukiko rwisumbuye rwa Muhanga rwanzuye ko Urayeneza, Munyampundu Léon na Ruganiza baha Ndagijimana Jimmy indishyi mpozamarira za miliyoni 8 Frw. Uyu kandi yanasabiwe guhabwa indishyi z'akababaro zingana na miliyoni 2.4 Frw azatangwa na Rutaganda, Nyakayiro na Nsengiyaremye.

    Urayeneza na bagenzi be bahanishijwe gufungwa burundu kandi bategetswe guha Semavenge Cyprien indishyi mpozamarira zingana na miliyoni 4 Frw n'indishyi mbonezamusaruro ya miliyoni 3 Frw. Aba bose banategetswe bafatanyije guha Tuyishime Eric indishyi mpozamarira zingana na miliyoni 4 Frw n'indishyi mbonezamusaruro miliyoni 3 Frw.

    Urukiko kandi rwategetse ko Rutaganda, Nyakayiro na Nsengiyaremye bafatanyije bazaha Tuyishime Eric indishyi z'akababaro zingana na miliyoni 2.4 Frw.
    Rwananzuye ko Urayeneza, Munyampundu na Ruganiza guha Ndatsikira Ribakare Eric indishyi mpozamarira zingana na miliyoni 2.5 Frw.

    Urayeneza, Munyampundu na Ruganiza bafatanyije bategetswe guha Mahene Byiringiro Jean Paul indishyi mpozamarira zingana na miliyoni 2.5 Frw.

    Aba uko ari batatu kandi bategetswe guha Mugwaneza Valérie indishyi mpozamarira zingana na miliyoni 8 Frw n'imbonezamusaruro miliyoni 3 Frw.

    Urukiko rwanzuye ko batatu mu bareze basaba indishyi z'akababaro barimo Mukasahaha Ruth, Murindabyuma Isidore na Mutamuriza Florence ntibazazihabwa kuko batigeze bagaragaza amasano yabo n'abo basabira indishyi. Urukiko rwari rwasabye ko bagomba kugaragaza ibimenyetso byerekana ko bafitanye isano.

    Ubushinjacyaha bwari bwasabiye Urayeneza, Munyampundu na Ruganiza igifungo cya burundu mu gihe Nsengiyaremye, Rutaganda Dominique na Nyakayiro Samuel bwari bwabasabiye imyaka icyenda n'ihazabu ya miliyoni 1 Frw kuri buri wese.

    Abaregwa bose baburanye bahakana ibyaha bashinjwa, bakavuga ko ari ibintu byateguwe n'abantu ku giti cyabo bagamije kubafungisha.

    Abaregwa bakimara gusomerwa icyemezo cy'urukiko, bose bahise bakijuririra. Umucamanza Nkundakozera Jean Marie Vianney yabibukije ko bafite iminsi 30 yo gutanga ubwo bujurire bwabo.

    NB: Mu kwandika iyi nkuru hifashishijwe n'iyanditswe n'Igihe

    Source : http://umuryango.rw/amakuru/mu-rwanda/article/urayeneza-gerard-nyiri-kaminuza-ya-gitwe-yakatiwe-gufungwa-burundu

  • Musanze: Babangamiwe n’abiba ibikoresho byubakishijwe imva –

    Bamwe mu batuye muri aka gace bavuga ko batewe impungenge z’uko abiba ibi bikoresho bashobora kuba babijyana mu bupfumu kuko hari n’abiba imisaraba ikozwe mu biti.

    Abaganiriye na TV1 bo bavuga ko hari n’ababifata bakajya kubigurisha mu mujyi ahagurishishirizwa ibyuma bishongeshwa bigakorwamo ibindi bikoresho bamwe bita inyuma cyangwa injyamani.

    Umwe mu baturage yagize ati “Twumva bavuga ngo imisaraba y’abantu bapfuye, ngo iyo ugiye kwiba umusaraba ukawurambika ku nzu nyirayo ntabwo akumva”.

    Undi muturage yavuze ko iyo anyuze hafi y’iri rimbi nijoro abona amatoroshi y’abantu baba bari kumurika mu mva, ntamenye ibyo barimo.

    Umuyobozi w’Akarere ka Musanze ushinze imibereho myiza, Kamanzi Axelle, yemereye IGIHE ko hari abantu bajya bajya muri iryo rimbi bakiba ibikoresho byubakishijwe imva.

    Ati “ Nibyo mu minsi yashize byagaragaye ko hari abantu biba ibikoresho byo mu rimbi rya Bukinanyana, ni irimbi tutagikoresha ariko ibyagaragye ni abantu biba imisaraba y’ibyuma, ba bandi bacuruza injyamani. Twabifatiye ibyemezo dufatanyije n’Umurenge wa Cyuve ko naho twazajya tuharinda kubera ko ari ahantu haba hashyinguwe abantu, ni ahantu hakwiye kubahwa. Ntabwo ari ahantu ho kujya gukorera ibintu nk’ibyo cyane ko bariya bantu bacuruza ibyuma tubafata nk’ubuzerererezi bushyira ubujura.”

    Yakomeje avuga ko bigoye kwemeza ko ababyiba babijyana mu mihango y’ubupfumu kuko nta muntu bari bafata ngo ababwire ko ariho yari abijyanye.

    Abaturiye irimbi rya Bukinanyana bagaragaje ko babangamiwe n’abiba ibikoresho byubatse imva

  • Miss Ingabire Grace yavuze icyatumye yambara ikanzu igaragaza amatako ye ikavugisha benshi #rwanda #RwOT

    Kuri ubu ,Miss Grace mu kiganiro yagiranye na INYARWANDA yatangaje ko amakanzu we n'ibisonga bye bambitswe batayipimye mbere, kuko hashingiwe ku burebure n'ingano ya buri umwe bemeza iyo umwe yambara.

    Yagize ati '…Ntabwo baba bazi abantu baribuhitemo (Abateguye amakanzu yo kwambara). Baba bazanye amakanzu atatu yonyine, rero twagiye bavuga iyi ng'iyi kubera ko ari nto yakwira uyu nguyu muto. Iyi ngiyi kuko irimo hagati yakwira uyu wo hagati. Iyi ngiyi kubera ko ari nini ho gato yakwira uyu nguyu munini. Ariko bakanazitudoreraho kubera ko nyine ntabwo twari twipimye.'

    Uyu Miss yavuze ko kandi ababambitse amakanzu bakoze uko bashoboye kugira ngo basubire ku rubyiniro mu gihe gito bari bafite; kandi ko icyangombwa kuri bo ari uko bakoze ibyo bari bashoboye bakabasha kwegukana ikamba.

    Miss Grace ati 'Noneho nyine bagarageza uko bashoboye vuba kugira ngo dusubire ku rubyiniro. Noneho tugezeyo, urumva ntabwo nari ndi kwibona ariko niyo mpamvu kubera ukuntu nyine byari bimeze mu rwambariro turi kwirukanka, amakanzu ntabwo twipimye ntabwo baba bazi umuntu uri butsinde. Ntabwo nabitenzeho kubera ko numvaga ntakundi nyine byari kugenda. Ariko navuga ko nyine icyangombwa ari uko twakoze ibyo dushoboye.'

    Source : http://umuryango.rw/imyidagaduro/article/miss-ingabire-grace-yavuze-icyatumye-yambara-ikanzu-igaragaza-amatako-ye

  • Kayirebwa Marie Paul wabaye Miss Popularity 2… – #rwanda #RwOT

    Mu kiganiro yagiranye na INYARWANDA Kayirebwa Marie Paul yavuze ko iri kamba ryamushimishije cyane ku buryo na n’ubu agisaraye kubera gusakuza cyane bivanze n'ibyishimo. Ati: “Aho nari ngeze narahishimiye ku bwanjye naravugaga ngo Imana imfashije nkagera mu mwiherero ndaba natsinze:

    Ngize amahirwe ndakomeza, bari guhamagara icumi ba mbere nari ndi kumva ndi hafi yo guta umutwe, ndi kuvuga ngo ndasigaye ariko nkagira icyizere kubera ko hari abandi, njya kubona mbona barampamagaye ako kanya nahise mbura uko nifata, niyo bahita bambaza ikibazo ako kanya sinari kugishobora’.

    Uyu mukobwa witabiriye iri rushanwa atari ku nshuro ye yambere yavuze ko urugendo rwe rutangira ari inshuti ze zamugiriye inama yo kongera gusubiramo, agira amahirwe akomeza no mu bakobwa 20 bagiye mu mwiherero. 

    Akigera mu mwiherero yavuze ko ari ibintu byamutunguye cyane ndetse akomeza kwiyegereza abandi cyane atangira kumenyerana n'abandi bakobwa batandukanye. Ku nshuti ze za hafi cyane yavuze ko abakobwa yisanzuragaho cyane ari Akariza Amanda na Ishimwe Sonia. 

    Ku bijyanye no kuba hari abavuga ko kujya mu mashusho y'indirimbo atari indangagaciro yagize ati “Ikibi ni ukubikora utazi icyo ugamije utazi intego wihaye ariko iyo ubikoze uzi neza ko ari akazi, kandi nyuma y’akazi ukihesha agaciro, ukagumana icyubahiro cyawe wihaye ibintu byose bigenda neza''.

    Kayirebwa Marie Paul yatangaje ko atazongera kujya mu mashushu y’abahanzi

    Yagiriye inama abakobwa bagenzi be ababwira ko buri wese yagakwiriye gukora akazi yivumvamo agakora ibintu kuko abikunda atiganye abandi. Ku bijyanye no kujya mu mashusho y'indirimbo yavuze ko kujya mu mashusho y'indirimbo byari akazi yakoraga kugira ngo abone amafaranga yo kwifashisha ariko ubu yabonye ubufasha (support) bityo ko kuri ubu bitakunda kubera inshingano zitandukanye afite zishobora kumwinjiriza kuruta uko indirimbo zamwinjiriza.

    Yavuze ko agiye kwita ku mushinga we kandi yiteguye kuwukora neza cyane. Icyakora yatangaje kujya mu mashusho y’indirimbo ari ibintu yakuze akunda kandi abonye umwanya yakongera akabikora. Zimwe mu ndirimbo yagiye agaragaramo twavugamo nka; We Don't care ya Meddy, Rj The Dj na Rayvanny bo muri Tanzania, Ikinyafu ya Bruce Melody na Kenny sol, Solo ya Nel Ngabo na Niko yaje y'umuhanzi Chris Hart.

    Yagaragaye mu mashusho y’indirimbo ‘Ikinyafu’ ya Bruce Melody

    Yagaragaye mu mashusho y’indirimbo ‘We don’t care’ ya Rj The Dj ft Meddy na Rayvany

    Yagaragaye mu mashusho ‘Niko yaje’ ya Chris Hart

    Yagaragaye mu mashusho y’indirimbo ‘Solo’ ya Nel Ngabo

    Miss Marie Paul yavuze ko atazongera kugaragara mu mashusho y’indirimbo

    Kayirebwa Marie Paul yabaye Miss Popularity ahembwa 1,800,000 Frw na MTN 

    Source : https://inyarwanda.com/inkuru/104259/kayirebwa-marie-paul-wabaye-miss-popularity-2021-yatangaje-ko-atazongera-kwifashishwa-mu-m-104259.html

  • Maj. (Rtd) Mudathiru yakatiwe igifungo cy'imyaka 25 – #rwanda #RwOT

    Kuri uyu wa Kane nibwo Urukiko rwa Gisirikare rwatangaje umwanzuro warwo mu rubanza Maj. (Rtd) Mudathiru yaregwagamo hamwe na bagenzi be 31 bashinjwaga kuba mu mitwe ya P5 na FLN.

    Mu baburanishijwe n'uru rukiko harimo itsinda ry'abantu 25 barangajwe imbere na Rtd Major Mudathiru Habib, baregwa kwinjira mu mutwe w'ingabo utemewe wa P5; kugambirira kugirira nabi ubutegetsi buriho; kugirana umubano na Leta y'amahanga bigiriwe gushoza intambara, kurema umutwe w'abagizi ba nabi no gucura umugambi wo gukora icyaha cy'iterabwoba.

    Harimo n'irindi tsinda ry'abantu batandatu rifatwa nk'irirangajwe imbere na Pte Muhire Dieudonné, umusirikare muri RDF, riregwa ibyaha byo gutoroka igisirikare, ubufatanyacyaha mu kugambirira kugirira nabi ubutegetsi buriho cyangwa kubuhirika hakoreshejwe intambara cyangwa izindi mbaraga, kurema umutwe w'abagizi ba nabi no koshya abandi kuwujyamo, no kugira uruhare mu bikorwa by'ishyirahamwe rikora iterabwoba.

    Abasirikare batanu b'u Rwanda baregwa muri iyi dosiye ni Pte Muhire Dieudonné, Corporal Kayiranga Viateur, Corporal Dusabimana Jean Bosco, Private Igitego Champagnat na Private Ruhinda Jean Bosco watorotse igisirikare, wakurikiranwe adahari.

    Ubushinjacyaha bwari bwasabiye Mudathiru igifungo cya burundu, gusa urukiko rwavuze ko yaburanye yemera ibyaha, akemera n'ubufasha yagiye ahabwa n'abandi bantu barimo inzego z'igisirikare cy'u Burundi.

    Rwavuze ko kandi mu iburana rye yemeye ko yatoje abarwanyi ba P5 abaha imyitozo itandukanye ya gisirikare n'uburyo bagomba kwitegura kugaba ibitero k'u Rwanda.

    Rushingiye ku buryo yagiye yiregura, rwamukatiye igifungo cy'imyaka 25, cyo kimwe n'abandi bareganwa hamwe barimo Pte Ruhinda Jean Bosco utarigeze agaragara imbere y'urukiko cyo kimwe na Pte. Muhire Dieudonné.

    Uwitwa Nsanzimana Patrick we yakatiwe igifungo cy'imyaka 20 cyo kimwe na Lubwama Suleiman, Umunya-Uganda wari mu baregwa. Abandi baregwa 18 bakatiwe imyaka 15 mu gihe umwe yagizwe umwere ku byaha byose.

    Uwitwa Nsanzimana Patrick we yakatiwe igifungo cy'imyaka 20 cyo kimwe na Lubwama Suleiman, Umunya-Uganda wari mu baregwa. Abandi baregwa 18 bakatiwe imyaka 15 mu gihe umwe yagizwe umwere ku byaha byose. Hari kandi batanu bakatiwe igifungo cy'imyaka umunani, babiri muri bo kubera impamvu nyoroshyacyaha igihano kigirwa imyaka itanu.

    Muri iri tsinda harimo kandi Corporal Dusabimana Jean Bosco wakatiwe igifungo cy'umwaka n'amezi atandatu ku bwo kutamenyesha umugambi w'icyaha cy'ubugome no kwamburwa amapeti yose ya gisirikare.

    Umumotari witwa Nzafashwanimana Richard wari mu baregwa we yakatiwe imyaka ine nyuma yo guhamwa n'icyaha cyo kuba icyitso mu gutorokesha abasirikare.

    Maj. (Rtd) Mudathiru yakatiwe igifungo cy'imyaka 25

    Source : http://igihe.com/amakuru/u-rwanda/article/maj-rtd-mudathiru-yakatiwe-igifungo-cy-imyaka-25