Webrwanda Backend

Blog

  • Gatsibo: Abaturage 54 bafatiwe mu bukwe barenze ku mabwiriza yo kwirinda Covid-19 –

    Aba baturage bafashwe kuri uyu wa Gatandatu ahagana saa Saba z’amanywa mu Mudugudu wa Kinihira mu Kagari ka Gakorokombe mu Murenge wa Muhura.

    Umunyamabanga Nshingwabikorwa w’Umurenge wa Muhura, Rugengamanzi Steven, yabwiye IGIHE ko amakuru bayahawe n’abaturage ko hari abantu barenze ku mabwiriza yo kwirinda icyorezo cya COVID-19.

    Yagize ati ” Amakuru twayahawe n’abaturage. Batubwiye ko hari ahantu hari kubera umuhango wo gusaba no gukwa barengeje umubare w’abantu bagenewe kwitabira iyo mihango, twasanzeyo abantu barenga ijana bariruka dufata 54 ari nabo twajyanye kwigisha no kubaca amande.”

    Gitifu Rugengamanzi yavuze ko buri muturage watashye ubukwe yaciwe amande angana 10 000 Frw naho abateguye ubukwe buri ruhande rwaciwe 100 000 Frw kugira ngo bibabere isomo ubutaha bajye bubahiriza amabwiriza aba yashyizweho.

    Uyu muyobozi yasabye abaturage kwirinda icyorezo cya COVID-19 bakubahiriza amabwiriza aba yashyizweho na Minisiteri y’ubuzima ngo kuko kuyarengaho bishobora gutuma bakwirakwiza iki cyorezo.

    Ati ” Nk’abari baje gusaba bari baturutse mu wundi Murenge wa Murambi, bashobora kuzana icyo cyorezo cyangwa bakagisubizayo bakagikwirakwiza mu bandi baturage ugasanga handuye benshi, twabigishije kandi batwemereye ko batazasubira.”

    Si ubwa mbere mu Murenge wa Muhura hafatirwa abantu bari mu mihango y’ubukwe kuko mu mezi make ashize nabwo hari hafatiwe abandi baturage barenze ku mabwiriza yo kwirinda COVID-19.

    Abafashwe bari bakoresheje imihango yo gusaba no gukwa bihabanye n’amabwiriza yo kwirinda Covid-19

    Baciwe amande banagirwa inama ngo batazasubira

  • Abantu barindwi bamaze kwitaba Imana nyuma yo guhabwa urukingo rwa AstraZeneca mu Bwongereza #rwanda #RwOT

    Mu gihugu cy'u Bwongereza, abantu barindwi nibo bamaze gupfa kubera ivura ry'amaraso ryabaye nyuma yo guterwa urukingo rwa AstraZeneca, nkuko bitangazwa n'ikigo gishinzwe imiti muri iki gihugu.

    Ibi bibaye nyuma y'aho habonekeye abantu bakeya bagize ikibazo cy'amaraso avura bamaze guterwa uwo rukingo. Kugera kuwa 24 z'ukwa gatatu 2021, mu bantu bangana na miriyoni 18 bari bamaze guhabwa uru rukingo, 30 muri bo nibo bagize iki kibazo cy'ivura ry'amaraso.

    Hagati aho, ishami rya ONU rishinzwe kwita ku buzima ku isi OMS/WHO hamwe n'ishyirahamwe ry'u Bulayi rishinzwe imiti, yombi avuga ko inyungu z'uru rukingo zisumba kure ingaruka rushobora kugira.

    Umuvugizi wa AstraZeneca avuga ati: ' Ubuzima bw'Umurwayi nico kintu dukomeza gushyira imbere'. Abahanga hamwe n'abashinzwe gusuzuma iby'imiti ku isi barimo bariga nimba uru rukingo ari rwo koko rutera iri vura ry'amaraso, urugero bishobora kuba, n'inkurikizi ku mugambi wo gukingira.

    Aya makenga niyo yatumye ibihugu bimwe na bimwe birimo; Ubudage, Ubufaransa, Ubuholandi hamwe na Canada, bifata icyemezo cy'uko uru rukingo ruhabwa abasaza n'Abakecuru gusa.

    Imibare yashyizwe ahagaragara n'ikigo gishinzwe kwiga ku by'imiti mu Bwongereza MHRA yerekana ko abantu 22 aribo bagize ibibazo by'ivura ry'amaraso mu bwonko, bizwi nka thrombose du sinus veineux cérébral (cyangwa cerebral venous sinus thrombosis,CVST).

    Nk' uko BBC ibitangaza ivuga ko hari abandi bantu umunani nabo basanze bafite ibimenyetso bishobora gutuma amaraso yabo avura. Mu butumwa murabyo (e-mail) ikigo MHRA cyoherereje cyamenyesheje ko 'abantu barindwi bapfuye'.

    Izi ngorane kandi zimaze kugaragara no mu Budage, aho abantu 31 ari bo bagize ikibazo cyo kuvura kw'amaraso, icyenda bakaba barapfuye, ku bantu miriyoni 2.7 bahawe urukingo rwa AstraZeneca, abenshi muri bo bakaba ari abagore bakiri bato. Iki nicyo cyatumye kuwa kabiri w'iki cyumweru Leta ifata icyemezo cyo kwanga ko ruterwa abakiri bato.

    None se uru rukingo rwaba arirwo rutera ibi bibazo?

    Kugeza magingo aya, ntabwo birasobanuka. Mu ntangiriro z'iki cyumweru, ikigo gishinzwe imiti ku mugabane w'u Burayi (EMA) cyavuze ko nta kibyemeza ariko ko bishoboka. Iki kigo kirimo kiriga nimba iri vura ry'amaraso ari inkurikizi y'uru rukingo cyangwa se nimba ari ikintu kindi cyari gisanzwe bikaba uguhurirana.

    Hagati aho, umuhanga mu bijyanye n'ubuzima bw'abantu, Prof. Linda Bauld wo muri kaminuza ya Edinburgh, yabwiye BBC ko iki kibazo ari 'ikintu kitahise kigaragara', agashimangira ko kugeza ubu nta 'cyemeza nimba koko ari ingaruka z'uru rukingo'.

    Agira abantu inama yo gukomeza kwitabira gahunda yo kwikingiza, akongeraho ati: 'Covid yonyine ubwayo ishobora gutuma amaraso avura, kandi bishoboka ko ibi ari bimwe mu birimo gutuma tubona ibi bintu'.

    Muri kino gihe, isi yose ikomeza isuzuma neza aya makuru, ariko ibisobanuro nyabyo bishobora gufata igihe kitari gito.

    Source : https://impanuro.rw/2021/04/04/abantu-barindwi-bamaze-kwitaba-imana-nyuma-yo-guhabwa-urukingo-rwa-astrazeneca-mu-bwongereza/

  • Abantu 7 bamaze gupfa nyuma yo guhabwa urukingo rwa AstraZeneca mu Bwongereza #rwanda #RwOT

    Mu gihugu cy'u Bwongereza, abantu barindwi nibo bamaze gupfa kubera ivura ry'amaraso ryabaye nyuma yo guterwa urukingo rwa AstraZeneca, nkuko bitangazwa n'ikigo gishinzwe imiti muri iki gihugu. Hafashwe icyemezo cy'uko abakiri bato bataruhabwa, ahubwo rugahabwa abasaza n'Abakecuru. Hari n'ibindi bihugu iki kibazo cyagaragayemo nk'Ubudage.

    Ibi bibaye nyuma y'aho habonekeye abantu bakeya bagize ikibazo cy'amaraso avura bamaze guterwa uwo rukingo. Kugera kuwa 24 z'ukwa gatatu 2021, mu bantu bangana na miriyoni 18 bari bamaze guhabwa uru rukingo, 30 muri bo nibo bagize iki kibazo cy'ivura ry'amaraso.

    Hagati aho, ishami rya ONU rishinzwe kwita ku buzima ku isi OMS/WHO hamwe n'ishyirahamwe ry'u Bulayi rishinzwe imiti, yombi avuga ko inyungu z'uru rukingo zisumba kure ingaruka rushobora kugira.

    Umuvugizi wa AstraZeneca avuga ati: ' Ubuzima bw'Umurwayi nico kintu dukomeza gushyira imbere'. Abahanga hamwe n'abashinzwe gusuzuma iby'imiti ku isi barimo bariga nimba uru rukingo ari rwo koko rutera iri vura ry'amaraso, urugero bishobora kuba, n'inkurikizi ku mugambi wo gukingira.

    Aya makenga niyo yatumye ibihugu bimwe na bimwe birimo; Ubudage, Ubufaransa, Ubuholandi hamwe na Canada, bifata icyemezo cy'uko uru rukingo ruhabwa abasaza n'Abakecuru gusa.

    Imibare yashyizwe ahagaragara n'ikigo gishinzwe kwiga ku by'imiti mu Bwongereza MHRA yerekana ko abantu 22 aribo bagize ibibazo by'ivura ry'amaraso mu bwonko, bizwi nka thrombose du sinus veineux cérébral (cyangwa cerebral venous sinus thrombosis,CVST).

    Hari abandi bantu umunani nabo basanze bafite ibimenyetso bishobora gutuma amaraso yabo avura. Mu butumwa murabyo (e-mail) ikigo MHRA cyoherereje BBC dukesha iyi nkuru, cyamenyesheje ko 'abantu barindwi bapfuye'.

    Izi ngorane kandi zimaze kugaragara no mu Budage, aho abantu 31 ari bo bagize ikibazo cyo kuvura kw'amaraso, icyenda bakaba barapfuye, ku bantu miriyoni 2.7 bahawe urukingo rwa AstraZeneca, abenshi muri bo bakaba ari abagore bakiri bato. Iki nicyo cyatumye kuwa kabiri w'iki cyumweru Leta ifata icyemezo cyo kwanga ko ruterwa abakiri bato.

    None se uru rukingo rwaba arirwo rutera ibi bibazo?

    Kugeza magingo aya, ntabwo birasobanuka. Mu ntangiriro z'iki cyumweru, ikigo gishinzwe imiti ku mugabane w'u Burayi (EMA) cyavuze ko nta kibyemeza ariko ko bishoboka. Iki kigo kirimo kiriga nimba iri vura ry'amaraso ari inkurikizi y'uru rukingo cyangwa se nimba ari ikintu kindi cyari gisanzwe bikaba uguhurirana.

    Hagati aho, umuhanga mu bijyanye n'ubuzima bw'abantu, Prof. Linda Bauld wo muri kaminuza ya Edinburgh, yabwiye BBC ko iki kibazo ari 'ikintu kitahise kigaragara', agashimangira ko kugeza ubu nta 'cyemeza nimba koko ari ingaruka z'uru rukingo'.

    Agira abantu inama yo gukomeza kwitabira gahunda yo kwikingiza, akongeraho ati: 'Covid yonyine ubwayo ishobora gutuma amaraso avura, kandi bishoboka ko ibi ari bimwe mu birimo gutuma tubona ibi bintu'. Muri kino gihe, isi yose ikomeza isuzuma neza aya makuru, ariko ibisobanuro nyabyo bishobora gufata igihe kitari gito.

    Munyaneza Theogene / intyoza.com

    Source : https://www.intyoza.com/abantu-7-bamaze-gupfa-nyuma-yo-guhabwa-urukingo-rwa-astrazeneca-mu-bwongereza/

  • Rubavu: Abantu 37 bafatiwe hafi y’ikiyaga cya Kivu barenze ku mabwiriza yo kwirinda Covid-19 –

    Bafashwe kuri uyu wa Gatandatu ahazwi nko kuri Saga Bay na Nirvana barimo kubyina barenze ku mabwiriza. Abo Polisi yasanze batarenze ku mabwiriza ntacyo babatwaye.

    Umuvugizi wa Polisi mu ntara y’uburengerazuba Chief Inspector of Police Karekezi Bonaventure yabaganirije abasaba guhindura imyumvire kuko icyorezo kigihari.

    Ati “Batugiriye inama inama yo kwirinda imyidagaduro, n’ugiye muri Hôtel akajyayo yipimishije. Urebye abantu bahafatiwe hariya ni urubyiruko, niba mubyinana kuriya muba muzi ko uwo mwegeranye ari muzima. Iki cyizere kiva hehe? Nk’urubyiruko nitwe twakabaye twubahiriza amabwiriza’’.

    Yakomeje agira ati “Hari abibeshya ko urukingo rwabonetse ariko nta kwirara amabwiriza aracyakomeza. Nta kujya ahari abantu benshi kuko niho haba hari ibyago byo kwandura kuko icyorezo kigenda mu mwuka. Igihugu kirabakunda izi ngamba ntabwo ari uguhana ni ukubungabunga umutekano w’abaturage.”

    Kuya 10 Gashyantare 2021 Polisi yo mu Karere ka Rubavu nabwo yafashe abantu 103 bari kunywera inzoga muri restaurant iri hafi y’ikiyaga cya Kivu mu Karere ka Rubavu. Mbere yaho nabwo tariki 21 Ugushyingo 2020 Polisi y’u Rwanda ikorera mu karere ka Rubavu yafashe abantu 76 barimo kunywa inzoga babyina mu tubyiniro dutandukanye barenze ku mabwiriza yo kwirinda icyorezo cya Covid-19.

    Benshi mu bafashwe ni urubyiruko rwari ruri kwishimisha rwarenze ku mabwiriza yo kwirinda icyorezo

    Abafashwe bagiriwe inama bacibwa n’amande

    Abafashwe ni abo Polisi yasanze barenze ku mabwiriza yo kwirinda Covid-19

  • Rubavu: Abantu 37 bafatiwe hafi y'ikiyaga cya Kivu barenze ku mabwiriza yo kwirinda Covid-19 – #rwanda #RwOT

    Bafashwe kuri uyu wa Gatandatu ahazwi nko kuri Saga Bay na Nirvana barimo kubyina barenze ku mabwiriza. Abo Polisi yasanze batarenze ku mabwiriza ntacyo babatwaye.

    Umuvugizi wa Polisi mu ntara y'uburengerazuba Chief Inspector of Police Karekezi Bonaventure yabaganirije abasaba guhindura imyumvire kuko icyorezo kigihari.

    Ati 'Batugiriye inama inama yo kwirinda imyidagaduro, n'ugiye muri Hôtel akajyayo yipimishije. Urebye abantu bahafatiwe hariya ni urubyiruko, niba mubyinana kuriya muba muzi ko uwo mwegeranye ari muzima. Iki cyizere kiva hehe? Nk'urubyiruko nitwe twakabaye twubahiriza amabwiriza''.

    Yakomeje agira ati 'Hari abibeshya ko urukingo rwabonetse ariko nta kwirara amabwiriza aracyakomeza. Nta kujya ahari abantu benshi kuko niho haba hari ibyago byo kwandura kuko icyorezo kigenda mu mwuka. Igihugu kirabakunda izi ngamba ntabwo ari uguhana ni ukubungabunga umutekano w'abaturage.'

    Kuya 10 Gashyantare 2021 Polisi yo mu Karere ka Rubavu nabwo yafashe abantu 103 bari kunywera inzoga muri restaurant iri hafi y'ikiyaga cya Kivu mu Karere ka Rubavu. Mbere yaho nabwo tariki 21 Ugushyingo 2020 Polisi y'u Rwanda ikorera mu karere ka Rubavu yafashe abantu 76 barimo kunywa inzoga babyina mu tubyiniro dutandukanye barenze ku mabwiriza yo kwirinda icyorezo cya Covid-19.

    Benshi mu bafashwe ni urubyiruko rwari ruri kwishimisha rwarenze ku mabwiriza yo kwirinda icyorezo

    Abafashwe bagiriwe inama bacibwa n’amande

    Abafashwe ni abo Polisi yasanze barenze ku mabwiriza yo kwirinda Covid-19

    Source : http://igihe.com/amakuru/u-rwanda/article/rubavu-abantu-37-bafatiwe-hafi-y-ikiyaga-cya-kivu-barenze-ku-mabwiriza-yo

  • Siriya: Abantu 125 bakekwaho iterabwoba bafatiwe mu nkambi ya Al _ Hol #rwanda #RwOT

  • Ingabo zishyigikiwe na Leta zunze ubumwe z'Amerika muri Siriya y'amajyaruguru ashyira uburasirazuba, zirishimira ibyo zimaze kugeraho mu guhashya ibikorwa by'abarwanyi b'umutwe w'iterabwoba wa leta ya cy' Isilamu mu gace karangwamo inkambi nini yabavanywe mu byabo muri icyo gihugu. Gusa baravuga ko ikibazo kitararangira.

    • Abategetsi b'umutwe w'ingabo zishyize hamwe n'abashinzwe umutekano muri ako karere batangaje iherezo ry'icyo bise 'icyiciro cyambere cyo kubumbatira amahoro mu nkambi y'abakuwe mu byabo ya al-Hol'. Iyo nkambi igizwe n'amahema acumbikiye abantu bagera ku 62,000 yabaye isoko n' indiri y'ibikorwa bya leta ya cy'Isilamu.

    Ibi bikorwa byakozwe n'abasirikare 5,000 basaka ihema ku rindi, byatumye hafatwa abantu 125 bakekwaho kuba abarwanyi b'umutwe wa leta ya cy'isilamu.

    Abategetsi bavuze ko abantu 20 mu batawe muri yombi ari abakuru b'amaselire bayoboye ibikorwa byo kwicira abantu ku mugaragaro byakunze kwibasira al-Hol kuva uyu mwaka utangiye , nkuko VOA ibitangza .

    Umuvugizi w'ingabo zishinzwe umutekano muri ako gace, Ali al-Hassan, kuri uyu wa Gatanu tariki 02 Mata 2021, yatangaje ko abenshi mu barwanyi ba leta ya cy'Isilamu bihisha muri iyo nkambi nk'abasivili, bagamije kwisuganya no gutegura ibikorwa byabo.

    Gusa Ali al-Hassn yatangaje ko ibikorwa bya leta ya cy'Isilamu muri iyi nkambi bitarangiye.

    Ifoto yakoreshejwe haruguru yakuwe kuri VOA

    Source : https://impanuro.rw/2021/04/04/siriya-abantu-125-bakekwaho-iterabwoba-bafatiwe-mu-nkambi-ya-al-_-hol/

  • Kayonza: Uruhinja rw'amezi atatu rwatoraguwe mu murima rwapfuye – #rwanda #RwOT

    Uru ruhinja rwabonetse ku mugoroba wo kuri uyu wa Gatandatu tariki ya 3 Mata 2021 mu Mudugudu wa Gitega wa mu Kagari ka Nyawera mu Murenge Mwili.

    Umunyamabanga Nshingwabikorwa w'Umusigire w'Umurenge wa Mwili, Ndabazigiye Jean Damascene yabwiye IGIHE ko uru ruhinja rwabonwe n'abaturage batuye hafi aho, bakaba ngo barusanze ruzingazingiye mu myenda rwapfuye.

    Yagize ati ” Amakuru yatanzwe n'abaturage bayaha urwego rw'Akagari nako karatumenyesha duhita tuhagera, twasanze uwo mwana yashizemo umwuka, urebye afite nk'amezi atatu. Kuri ubu turi gushakisha uwahamutaye.”

    Ndayizigiye yavuze ko uwo mwana bamutaye ahazwi nko mu rwuri rwa Minagri mu isambu nini y'iyi Minisiteri iri muri uyu Murenge. Yavuze ko ngo bakurikije ibimenyetso babonye bigaragara ko uwo mwana bahamutaye kuri uyu wa Gatandatu, bakaba bagishakisha amakuru ngo bamenye niba uwamuhataye ari we wamwishe cyangwa niba yamuzanye yapfuye.

    Ati ” Ubu turimo gushakisha amakuru yo kumenya umubyeyi gito cyangwa undi muntu wese waba wakoze ibyo, kugira ngo akurikiranwe n'amategeko.Twashakishije mu midugudu ihegereye ariko abaturage batubwiye ko abafite abana bato bose bakibafite, gusa turacyashakisha urugo ku rundi.”

    Kuri ubu umurambo w'uru ruhinja wajyanywe ku bitaro bya Gahini kugira ngo hakorwe isuzuma hamenyekane uburyo uru ruhinja rwishwe n'abamwishe.

    Source : http://igihe.com/amakuru/u-rwanda/article/kayonza-uruhinja-rw-amezi-atatu-rwatoraguwe-mu-murima-rwapfuye

  • Menya ibintu 7 ushobora kwicuza mu buzima bwawe mu gihe utabyigishije umwana wawe #rwanda #RwOT

    Rimwe na rimwe ababyeyi bananirwa kumenya neza uko bigisha abana babo mu buryo bukwiye, wenda ku bw'impamvu zimwe na zimwe zirimo nko kutababa hafi buri gihe ngo babitegereze babigishe ibyo bakwiye kumenya.

    Ababyeyi nibo barimu bambere byanashoboka bakaba ikitegererezo cy'abana.

    Kunanirwa kwigisha no kurera abana bawe neza, kenshi birangira byangije ubuzima bwabo bwose, bikabagiraho ingaruka, nabo iyo igihe kigeze baricuza kandi bakabona intambwe ubuzima bwabo bwapfiriyeho n'uwabigizemo uruhare.

    Uyu munsi tugiye kubaganiriza ku bintu 7 byibuze wakwigisha umwana wawe, ibyo wowe mubyeyi ushobora kwirengagiza ukazicuza igihe waba utarabimwigishije.


    1. Igisha abana gusenga: Kwigisha abana Iyobokamana bibarinda imyitwarire mibi, bikabigisha kubaha, kwizera, kuba inyangamugayo, n'izindi ndangagaciro

    Nta dini na rimwe uzasanga ryemera agasuzuguro, urugomo, kwiba cyangwa ubundi buryo bwo kubaho butarimo umuco, butemewe muri sosiyete.

    Kunanirwa kwigisha umwan wawe kuba uwo mu idini runaka, bishobora kugutera kwicuza nyuma, kuko umwana utagira aho asengera byoroshye guhura n'ingaruka zikomoka ku myitwarire mibi, kandi igihe kiragera rwose ukarambirwa imico ye mibi agaragaza muri sosiyete

    2. Ereka abana abanzi bawe: Ereka abana bawe umuntu uwo ariwe wese mutabana neza, ni ngombwa ko umwana amenya abanzi bawe, kuko niba abanzi bawe bakubuze bajya ku mwana wawe bakamwihimuriraho, tubibona mu ma filimi ariko no mu buzima busanzwe bibaho.

    Kwereka abana abanzi bawe, bizabafasha kuko igihe cyose bahuye n'abantu nk'abo bazamenya kwirinda ibibazo byose byabakomokaho nko gushimutwa.

    3. Igisha umwana wawe kuvugisha ukuri: Abana bose barabeshya, ariko niyo kaba ari akantu gato ntikagomba kuba impamvu yo beshya kuko iyo utwo tuntu twisubiramo kenshi amaherezo bihinduka ikintu k'ingenzi kuri we 

    Igisha umwaka akamaro ko kuvugisha ukuri, kwigisha umwana kuvugisha ukuri binagaragaza akamaro k'inshingano zawe, kwizera no kwitaho.

    Kubeshya bishobora guhinduka akamenyero kabi, igihe umwana abona ko aribwo buryo akoresha ngo yikure mu bibazo, nubona umwana wawe abeshye, mukosore mu buryo butaziguye kandi umuce intege kutazabisubira.

    4. Igisha umwana kugusangiza amabanga: Abantu bakuru benshi bigisha abana kubika amabanga, nta kibi baba bakoze. Ariko wibuke ko hari umubare muto w'abantu babi, kugira ngo bagere ku ntsinzi yabo ari uko banyura kubana bakababitsa amabanga mabi y'umwijima kenshi ugasanga ari n'ikintu kibi babakozeho, ni byiza kwigisha umwana ibanga ariko ukanamwigisha kugusangiza amabanga ye yose kugira ngo hato na hato utazisanga mu kwicuza amazi yarenze inkombe.

    5. Igisha umwa wawe iby'umusingi w'ubuzima: Igisha umwana akamaro k'ibyo abona mu buzima,akamaro ko kwiga, akamoro ko gushyingirwa n'ibindi, ibi bizamufasha kwirinda gukora amakosa yazamubabaza mu buzima bwe nawe bikazatuma wicuza.

    Abana bamwe ntibaba bumva akamaro k'ibintu runaka, ugasanga ntiyumva impamvu ajya mu ishuri, ntibasobanukirwe impamvu agomba kwifata kugeza ashyingiwe, gerageza kwigisha umwa bimwe mu bintu shingiro mu buzima.

    6. Kwigisha umwana ibijyanye n'imibereho y'urubyiruko rushobora kuyoberamo: Iyo umwana akura agana mu bugimbi cyangwa mu bwangavu  hari ibintu byinshi biba byoroshye ko byamuyobya  nko kunywa inzoga, itabi harimo n'ibiyobyabwenge, gukurikira udutsiko tubi n'ibindi bisamaje bizangiza ejo haza habo.

    Igisha abana bawe ibyo byose byabashora mu ngeso mbi batabizi, bereke ingero, ubumvishe ko ibyo ari bibi ku bakiri bato, Gutsinwa kubibigisha bazabijyamo babikurane birenge igaruriro, bizatume wicuza.

    7. Igisha umwana umuco wo kuzigama: Kuzigama amafaranga ni bimwe mu by'ingenzi byubaka ubutunzi no kugira umusingi w'amafaranga utekanye, hari benshi bamenye kuzigama binyuze mu kugerageza amahirwe kubera kwigiswa n'imibereho. Ni byiza ko ubyigisha umwana wawe akiri muto akabikurana.

    Sangiza abandi babyeyi iyi nkuru

    Source : https://impanuro.rw/2021/04/04/menya-ibintu-7-ushobora-kwicuza-mu-buzima-bwawe-mu-gihe-utabyigishije-umwana-wawe/

  • Kayonza: Uruhinja rw’amezi atatu rwatoraguwe mu murima rwapfuye –

    Uru ruhinja rwabonetse ku mugoroba wo kuri uyu wa Gatandatu tariki ya 3 Mata 2021 mu Mudugudu wa Gitega wa mu Kagari ka Nyawera mu Murenge Mwili.

    Umunyamabanga Nshingwabikorwa w’Umusigire w’Umurenge wa Mwili, Ndabazigiye Jean Damascene yabwiye IGIHE ko uru ruhinja rwabonwe n’abaturage batuye hafi aho, bakaba ngo barusanze ruzingazingiye mu myenda rwapfuye.

    Yagize ati ” Amakuru yatanzwe n’abaturage bayaha urwego rw’Akagari nako karatumenyesha duhita tuhagera, twasanze uwo mwana yashizemo umwuka, urebye afite nk’amezi atatu. Kuri ubu turi gushakisha uwahamutaye.”

    Ndayizigiye yavuze ko uwo mwana bamutaye ahazwi nko mu rwuri rwa Minagri mu isambu nini y’iyi Minisiteri iri muri uyu Murenge. Yavuze ko ngo bakurikije ibimenyetso babonye bigaragara ko uwo mwana bahamutaye kuri uyu wa Gatandatu, bakaba bagishakisha amakuru ngo bamenye niba uwamuhataye ari we wamwishe cyangwa niba yamuzanye yapfuye.

    Ati ” Ubu turimo gushakisha amakuru yo kumenya umubyeyi gito cyangwa undi muntu wese waba wakoze ibyo, kugira ngo akurikiranwe n’amategeko.Twashakishije mu midugudu ihegereye ariko abaturage batubwiye ko abafite abana bato bose bakibafite, gusa turacyashakisha urugo ku rundi.”

    Kuri ubu umurambo w’uru ruhinja wajyanywe ku bitaro bya Gahini kugira ngo hakorwe isuzuma hamenyekane uburyo uru ruhinja rwishwe n’abamwishe.

  • Igitego cya Drogba cyahagaritse intambara ya… – #rwanda #RwOT

    Byari mu mikino yo gushaka itike y'igikombe cya Afurika cyabereye muri Ghana mu 2008, ubwo Cote d'Ivoire yatsindaga Madagascar ibitego 5-0, byatsinzwe na  Saloman Kalou, Yaya Touré, Didier Drogba na Arouna Koné watsinzemo bibiri, bituma iki gihugu gikatisha itike yo kuzakina igikombe cya Afurika mu mikino itatu gusa yari imaze gukinwa n'amanota 9/9.

    Inkuru ikomeye icyo gihe ntabwo ari ibyabereye mu kibuga, ahubwo ibyabereye hanze yacyo byagize ingaruka ku buzima bw'igihugu cyose.

    Drogba wakiniraga ikipe ya Chelsea yo mu Bwongereza, ari na kapiteni w'ikipe y'igihugu, yasabye ko umukino wagombaga kubera mu mujyi wa Abidjan wimurwa ukajyanwa mu majyaruguru y'iki gihugu mu mujyi wa Bouaké, ahabarizwaga inyeshyamba z'aba-Islam barwanyaga Leta yari iyobowe n'Abakiriitu, yari imaze imyaka itanu rwarabuze gica.

    Icyo gihe muri iki gihugu hari uguhangana gukomeye hagati y'amadini (Islam n'abakirisitu) ndetse n'umwiryane hagati y'amoko atandukanye.

    Icyo gihe inyeshyamba zarebye umukino ziri kumwe n'ingabo za Leta muri Sitade imwe, amoko atandukanye yarebanaga ay'ingwe nayo yashyize hasi ibyo guhangana bose bahurira ku ikipe y'igihugu bayishyigikira ntacyo basize inyuma.

    Iki cyabaye ikimenyetso gikomeye mu mateka ya Cote d'Ivoire, ubwo ikipe y'igihugu yahuzaga abaturage barebanaga ay'ingwe, ndetse n'inyeshamba zarwanyaga Leta zishyira intwaro hasi zishyigikira ikipe y'igihugu zifatanyije n'ingabo za Leta.

    Icyo gihe intambara yarahosheje abaturage babana mu mahoro ndetse baratekana, ibyari amasasu no guhohotera abaturage bihindukamo ibyishimo by'igihugu cyose.

    Kuva icyo gihe uyu mukinnyi wavukiye Abidjan, yahise ahinduka impirimbanyi y'amahoro, ajya mu mitwe ya rubanda ndetse afatwa nk'intwari mu gihugu no ku Isi hose.

    Drogba yakiniye ikipe y'igihugu ya Cote d'Ivoire imikino 105 atsinda ibitego 65. Akaba ariwe rutahizamu w'ibihe byose muri iki gihugu.

    Mu makipe umunani yose Drogba yakiniye mu buzima bwe yayakiniye imikino 679 ayatsindira ibitego 297, muri ayo makipe yose Chelsea niyo yakiniye imikino myinshi anayitsindira ibitego byinshi kuko mu myaka 10 yayimazemo yayikiniye imikino 381 atsinda ibitego 164.

    Drogba yatumye inyeshyamba zarwanyaga Leta zishyira intwaro hasi zishyigikira ikipe y’igihugu

    Drogba afatwa nk’impirimbanyi y’amahoro ku Isi

    Drogba arashaka kuyobora Ishyirahamwe ry’umupira w’amaguru muri Cote d’Ivoire

    Source : https://inyarwanda.com/inkuru/104530/igitego-cya-drogba-cyahagaritse-intambara-yamasasu-yari-imaze-imyaka-itanu-104530.html