Blog

RCCDN ifite abanyamuryango basaga 63 bagizwe n'imiryango itegamiye kuri Leta iharanira kurengera ibidukikije. Abo ni bo bahawe amahugurwa y'iminsi ibiri kugira ngo barusheho kumenya amasezerano u Rwanda rwasinye, icyo agamije ndetse n'uko ashyirwa mu bikorwa kugira ngo ibikorwa byabo barusheho kubikora mu murongo unoze.

Mu masezerano basobanuriwe harimo amasezerano y'i Paris mu Bufaransa agamije kwirinda imihindagurikire y'ikirere yashyizweho mu 2016 n'u Rwanda rwasinye, amasezerano yashyiriweho i Kigali azwi nka Kigali amendment, agamije kugabanya imyuka ihumanya ikirere n'andi masezerano mpuzamahanga agamije kurengera ibidukikije.

Gutanga ayo mahugurwa ku banyamuryango ba RCCDN byakozwe ku bufatanye uyu muryango usanzwe ugirana n'Ikigo cy'Igihugu gishinzwe kubungabunga Ibidukikije (REMA).

Umuhuzabikorwa wa RCCDN mu Rwanda, Faustin Vuningoma, yavuze ko bahisemo guhugura abanyamuryango babo kugira ngo bagire ubumenyi bwagutse ku masezerano mpuzamahanga aba yarasinywe mu kurengera ibidukikije arimo n'aba yaremejwe n'u Rwanda.

Ati 'Mu nshingano za RCCDN harimo no kubaka ubushobozi bw'abanyamuryango kugira ngo babashe guhangana n'ibibazo by'ibidukikije n'imihindagurikire y'ibihe babyumva neza. Ni muri urwo rwego rero twasanze kimwe mu byo badakurikirana neza ari ibiganiro n'amasezerano mpuzamahanga, aho ibihugu bihura bikaganiriramo ibintu bitandukanye ndetse bikanafata n'imyanzuro kandi iyo myanzuro ikaba igomba gushyirwa mu bikorwa n'ibihugu.'

'Amasezerano mpuzamahanga hari n'ayo u Rwanda ruba rwarasinye rero biba ari byiza ko abanyamuryango bayamenya, kugira ngo bagire uruhare mu kuyashyira mu bikorwa nk'abanyamuryango no kugira ngo bamenye n'ibyo Leta yiyemeje kandi barebe ko iri kubishyira mu bikorwa.'

Vuningoma yavuze ko nyuma y'aya mahugurwa biteze ko abanyamuryango ba RCCDN bazagenda bagasangiza bagenzi babo ubumenyi bayungukiyemo.

Ati 'Icya mbere tubitezeho ko bagenda, ibyo bahuguwemo bakabisangira n'abandi Banyarwanda, aho bakorera mu miryango itandukanye, bafite abo bakorana nabo, bakwiye kubabwira iby'aya masezerano bakabimenya noneho tukagenda ku ntambwe imwe n'andi mahanga ariko Abanyarwanda bazi icyo ayo masezerano aba agamije.'

Umukozi ushinzwe Ishyirwa mu bikorwa ry'Amasezerano Mpuzamahanga mu Kigo cy'Igihugu cyo Kubungabunga Ibidukikije (REMA), Tushabe Rachael, akaba n'umwe mu batanze amahugurwa yavuze ko kugira ubumenyi buhagije ku masezerano agaruka ku bidukikije ari ingenzi.

Ati 'Bizabafasha gushyira mu bikorwa ibyo ayo masezerano asaba mu gihugu ndetse kuganiriza aba bafatanyabikorwa biradufasha kugera ku Banyarwanda benshi kuko ni amaboko twungutse mu kubungabunga ibidukikije.'

Abahuguwe mu minsi ibiri bavuga ko bigiye kubafasha mu mirimo yabo itandukanye ndetse no kurushaho gusobanukirwa ibijyanye no kubungabunga ibidukikije.

Umuyobozi w'Umuryango w'Urubyiruko wita ku Bidukikije 'Young Volunteers for Environment', Honorine Isingizwe, yavuze ko ubumenyi bahawe ku masezerano yo kurengera ibidukikije agiye gutuma bagira uruhare mu ishyirwa mu bikorwa ryayo.

Yagize ati 'Aya mahugurwa adufitiye umumaro cyane nk'abanyamuryango ba RCCDN, kuko bidufasha kumenya ayo masezerano. Nyuma yo kuyamenya tukamenya n'uburyo u Rwanda ruyashyira mu bikorwa, bidufasha kugira uruhare mu ishyirwa mu bikorwa ry'ayo masezerano.'

Isingizwe yavuze ko bifuza ko ingamba zo ku kubungabunga ibidukikije zikwiye kujya zimenyekanishwa mu rurimi gakondo kugira ngo Abanyarwanda bose babashe gusobanukirwa nabyo, anasaba buri wese kumva ko kubungabunga ibidukikije bidafite ababishinzwe ahubwo ari ibya buri muntu.

Umukozi Ushinzwe ishyirwa mu bikorwa ry'Imishinga mu Muryango uharanira Iterambere ry'Abanyarwanda, Rwanda Development Organization, Léon Fidèle Mugisha, yashimangiye ko aya mahugurwa yaje akenewe kuko agiye kubaka ubushobozi bw'imiryango ifite aho ihurira no kubungabunga ibidukikije.

Ati 'Iyi miryango myinshi ikorana n'abaturage, twebwe icya mbere gikorwa ni ubuvugizi ku nzego bwite za Leta ku buryo ubumenyi baduhaye tububaha natwe nabo bakabugeza ku baturage. Nk'urugero niba hari uburyo umuntu akoresha mu buhinzi atangiza ibidukikije abimenye, wenda niba ari ukuvanga ifumbire y'imborera akabimenya. Umuturage rero biramugeraho kuko tugiye kubishyira muri gahunda zacu.'

Abanyamuryango ba RCCDN bavuga ko hakwiye gushyirwa imbaraga mu kwegera umuturage no kumugira inama ku bijyanye no kubungabunga ibidukikije no kwirinda ihindagurika ry'ikirere kuko hari n'aho usanga bakora ibintu batazi kandi bishobora kwangiza urusobe rw'ibinyabuzima.

Abitabiriye aya mahugurwa banyuzagamo bakandika iby’ingezi byavuzwe kugira ngo bazabashe gusobanurira abandi

Abanyamuryango ba RCCDN bahawe ubumenyi ku masezerano mpuzamahanga mu by’ibidukikije bagira n’umwanya wo gusobanuza neza aho batumvise

Abitabiriye aya mahugurwa basabwe kuzageza ku bandi ubumenyi bayungukiyemo mu bijyanye n’amasezerano atandukanye yasinywe hagamijwe kubungabunga ibidukikije

Umuyobozi w'Umuryango w'Urubyiruko wita ku Bidukikije 'Young Volunteers for Environment', Isingizwe Honorine

Bagiye bagaragaza ko hakiri impungenge mu ishyirwa mu bikorwa rya bimwe mu bivugwa n’amasezerano

Abitabiriye aya mahugurwa bafashwe ifoto y’urwibutso baniyemeza gusangiza abandi ubumenyi bungutse

Gatera Edmond yambitse impeta y’urukundo uyu mukunzi we Rugamba Geneviève bamaranye imyaka umunani bakundana dore ko binjiye mu rugendo rw’urukundo muri 2013.

Uyu musore yabikoze atunguye umukunzi we kuri iki Cyumweru tariki 25 Mata 2021 ubwo bari bageze i Huye bavuye i Nyanza gusura ababyeyi b’umukobwa.

Gatera Edmond avuga ko yari yahishe ibanga umukunzi we, ati 'nari namubwiye ko agomba gusuhuza Parrain wanjye wari waje i Huye. Yaje azi ko agiye gusuhuza Parrain atungurwa no gusanga nateguye igikorwa cyo kumusaba ko yambera umugore.'

Rugamba Geneviève na we yavuze ko kwambikwa impeta na Gatera yabyishimiye kandi yabyakiriye neza.

Ati 'Byari bikwiye, ntaho nari guhera mpakanira uwo nkunda turaziranye bihagije kandi dukundana urukundo rwa nyarwo ni iby’agaciro kwambikwa impeta na Gatera.'

Uyu musore n’umukunzi we bateye indi ntambwe y’urukundo rwabo ruganisha ku kubana nk’umugore n’umugabo, bemeza ko hatagize igihinduka bakora indi mihango y’ubukwe muri Nyakanga ubundi bakibanira bari kumwe nk’uko babyifuza.

UKWEZI.RW

Iyi mibiri 100 yashyinguwe mu cyubahiro irimo 20 yakuwe ku bitaro bya Gitwe ndetse n’indi 80 yari iri ahantu hatameze neza, ikaba yashyinguwe mu rwibutso rwa Jenoside rwa Ruhango rushyinguwemo imibiri igera ku bihumbi 20.

Mu Karere ka Ruhango ni kamwe mu duce twabereyemo ubwicanyi bukoranywe ubugome dore ko hari n’Abarundi baje gufasha Interahamwe kwica Abatutsi.

Umuyobozi w’Akarere ka Ruhango, Habarurema Valens avuga ko ubu hari abakomeje guhakana no gupfobya Jenoside Yakorewe Abatutsi bityo ko abantu bagomba kubarwanya bivuye inyuma.

Yagize ati 'Turasaba abagihakana n’abapfobya Jenoside yakorewe Abatutsi kwisubiraho kandi Abanyarwanda bakagira uruhare mu kubagaragaza bagahanwa'.

Avuga ko kuba hari imibiri ikomeje kugaragara, ari intambwe yo kwishimira kuko hari hari Abanyarwanda bamaze kurambirwa guhishira ikibi.

Yagize ati 'Birashimishije kuba Abanyarwanda benshi bariyemeje kwitandukanya n’ikibi bakavugisha ukuri kuri iriya mibiri igashyingurwa mu cyubahiro kuko ni ikimenyetso cy’uko kuvugisha ukuri n’ubumwe n’ubwiyunge bigenda bigerwaho.'

Uyu muyobozi w’Akarere avuga ko ingengabitekerezo muri Ruhango ikomeje kugabanuka kuko muri iki gihe cyo Kwibuka ku nshuro ya 27 Jenoside Yakorewe Abatutsi, habonetse igikorwa kimwe cy’ingengabitekerezo mu gihe mu myaka yatambutse byakundaga kugaragara ari byinshi.

Nkurunziza Jean Marie uhagarariye imiryango yashyinguye ababo mu Ruhango, yavuze ko kimwe mu bikomeje kuremerera abarokotse Jenoside Yakorewe Abatuti ari ukuba bamwe batazi aho imibiri y’ababo yajugunywe ngo ishyingurwe mu cyubahiro.

Agira ati 'Iyo tumenye amakuru y’ahajugunywe abacu ni ikimenyetso kigaragaza ko ingengabitekerezo ya Jenoside izajya igenda igabanuka, birashimishije kuba twari tumaze imyaka 27 tukaba dushyinguye imibiri yabonetse hirya no hino no mu bitaro bya Gitwe yabonetse tubifitiye amakuru ariko bikaba bitari byarabaye.'

UKWEZI.RW

Imibare yashyizwe hanze n’ubushakashatsi bwa UNICEF Rwanda bwo mu 2015/2016 bwakorewe ku bana 2000 bugamije kureba ihohoterwa rikorerwa abana, bwasanze 24% by’abakobwa na 10% by’abahungu barakorewe ihohoterwa rishingiye ku gitsina.

Minisiteri y’Ubutabera igaragaza ko mu 2019 yakiriye ibirego by’abana bafashwe ku ngufu barenga 5000 mu gihe mu 2018 yari yakiriye ibirego 4127.

Minisiteri y’Ubuzima iherutse gushyira hanze ubushakashatsi bwerekanye ko nibura mu Rwanda abagore n’abakobwa bagera ku bihumbi 60 bahura n’ikibazo cyo gukuramo inda buri mwaka.

Ubwo bushakashatsi bwagaragaje ko mu bagore n’abakobwa bari mu kigero cy’imyaka 15 na 44, byagaragaye ko abagera kuri 25/1000 bahura n’ikibazo cyo gukuramo inda.

Mu mibare y’inkiko iheruka gutangazwa igaragaza ko gatanya zizamuka ubutitsa kuko kugeza mu Ugushyingo 2018, hari hamaze gucibwa imanza za gatanya 1311, ni ubwikube bw’inshuro 19 ugereranyije n’umwaka wa 2017, abahanga bakaba bavugako ibyo bifitanye isano n’ubusambanyi bukabije muri iyi minsi. Bakaba bavugako 90% bituruka ku uburaya.

Imibare imenyekana nitamenyekana y’abana baterwa inda zitateguwe ni umwe mu musaruro w’abantu bamwe bamaze kumva ko ubusambanyi ari igikorwa kidafite inkurikizi.

Ikibabaje kurushaho ni uko usanga mu gihe tugezemo ubu busambanyi butakirangwa gusa mu batizera Imana ahubwo bimaze kugaragara ko na bamwe mu bakora imirimo y’imbere mu nzu y’Imana (ba Pasiteri, Padiri n’abandi ) batangiye kwandura uyu muze w’icyaha.

Biranashoboka ko waba warigeze kujya ugendera muri izo ngeso z’ubusambanyi, urabe maso ntushukwe n’ubwo buranga, kenshi umuntu akumbura ibyo yariye, akararikira ibyo yabayemo, nta cyabuza Satani kongera kukwereka ibibero by’inkumi niba uri umusore maze ugata umurongo, ubukumi bwawe buracyakenewe hagarara kigabo uteshe, usenge usabe Imana imbaraga zo kurimbura iyo kamere mbi y’ubusambanyi, ibuka aho watsindirwaga n’aho satani yagutegeraga maze uhirinde.

Wowe wirinze kuva cyera uri uwo gushimwa, nyamara Satani araguhigira ngo nawe agushyire mu rutonde rw’abasambanyi, ariko muvandimwe komera uhagarare kigabo, tumbira umusaraba uzagushoboza, ubusugi bwawe n’ubumanzi bwawe ni icyubahiro kuri wowe kandi ni n’ishimwe ku Mana, komeza ubwo butwari ntuzatatire igihango dore ko tutari n’abacu ngo twigenge kandi rwose humura uzanesha. Muhaguruke twifate, dufashe bagenzi bacu kwifata turwanye ubusambanyi twivuye inyuma, twigire ku mateka y’abatubereye akabarore maze twirengere.