Blog

Amb. Dr Richard Sezibera, umwe mu bantu bane bagizwe Intumwa zihariye z'Umuryango w'Ibihugu bikoresha Icyongereza, Commonwealth, ndetse akaba ari no mu barwanye urugamba rwo kubohora u Rwanda no guhagarika Jenoside yakorewe Abatutsi mu 1994, ni we Mushyitsi Mukuru muri iki kiganiro n’urubyiruko kiri bube hifashishijwe ikoranabuhanga kuva saa Munani z’amanywa ku isaha yo muri Canada.

Kaneza Sheja uri bususutse abari bukurikire iki kiganiro yamenyekanye mu ndirimbo ‘Kagame karambe’

Ni ikiganiro cyateguwe mu rwego rwo kwizihiza ku nshuro ya 27 Umunsi Mukuru wo Kubohora u Rwanda. Cyateguwe n’umuryango w’abanyarwanda baba mu gihugu cya Canada, gitumirwamo umuhanzi Kaneza Sheja na Inzora group (abacuranzi) nk’abari butaramire abari bwitabire iki kiganiro. Mu banyacyubahiro bari batumiwe iki kiganiro bari bunagire ubutumwa batanga ku rubyiruko ruri bwitabire, harimo Dr. Richard Sezibera ndetse na Amb. Prosper Higiro uhagarariye u Rwanda muri Canada.

Kaneza Sheja uri buririmbe muri iki kiganiro, afite izina rikomeye mu muziki nyarwanda, akaba yaramamaye mu ndirimbo ‘Kagame karambe’. Mu kiganiro na InyaRwanda.com, Kaneza yateguje abari bukurikire iki kiganiro kuza kumva indirimbo zibakumbuza inganzo yari ku rugamba rwo kubohora u Rwanda. Ati “Icyo nabateguza ni uko ndibubakumbuze inganzo yari ku rugamba mu gihe cyo kubohora u Rwanda, nk’uko twabitojwe na bamwe bari bari ku rugamba rwo kubohora igihugu barimo Massamba Intore wantoje”.

Iki kiganiro kiraba mu masaha macye ari imbere

Iki kiganiro agiye kuririmbamo, yagituye abantu bose babaye ku rugamba rwo kubohora igihugu anagitura abanyarwanda bose muri rusange. Ati “Iki gitaramo ngituye ababaye ku rugamba bose rwo kubohora igihugu, n’abanyarwanda bose”. Yavuze ko afite ishema ryo kuba yaratojwe ubutore na bamwe mu bari ku rugamba rwo kubohora igihugu barimo Massamba Intore. Yavuze ko ari mu myiteguro yo gushyira hanze indirimbo nshya yo kwibuka intwari zatabarukiye ku rugamba rwo kubohora u Rwanda. Ati “Ndi guteura indirimbo yo kwibuka intwari zatabarutse ku rugamba”.

Dr. Sezibera watumiwe nk’Umushyitsi mukuru muri iki kiganiro n’urubyiruko ruba mu gihugu cya Canada, yavutse tariki 5 Kamena 1964, ni umwe mu barwanye urugamba rwo kubohora u Rwanda no guhagarika Jenoside yakorewe Abatutsi mu 1994. Yize amashuri ya Gisirikare mu bihugu birimo Leta Zunze Ubumwe za Amerika. Ni umuganga wabyigiye, yabaye Visi Perezida w'Inama Rusange ya OMS, anaba kandi Perezida wa Komite Nyafurika ya OMS. 

Dr. Richard Sezibera niwe mushyitsi mukuru muri iki kiganiro n’urubyiruko

Dr. Sezibera yabaye mu nzego z'ubuyobozi z'Ihuriro Mpuzamahanga rishinzwe Inkingo, GAVI (Global Alliance for Vaccine). Yabaye Intumwa yihariye (Special Envoy) ya Perezida Kagame mu Karere k'Ibiyaga Bigari, Umudepite mu Nteko Ishinga Amategeko y'u Rwanda kuva mu 1995 kugeza mu 1999, Umusenateri kuva mu 2016 kugera mu 2018. Dr Sezibera yahagarariye u Rwanda ku rwego rwa Ambasaderi muri Leta Zunze Ubumwe za Amerika, Argentine, Mexique na Brésil. 

Dr. Richard Sezibera yabaye kandi Umunyamabanga Mukuru w'Umuryango wa Afurika y'Uburasirazuba, kuva mu 2011 kugeza mu 2016. Mu 2018, yagizwe Minisitiri w'Ububanyi n'Amahanga n'Ubutwererane, aza gusimburwa mu Ugushyingo 2019. Kuri ubu ni umwe mu bantu bane bagizwe Intumwa zihariye z'Umuryango w'Ibihugu bikoresha Icyongereza, Commonwealth.

Kaneza Sheja yateguje abantu kuza kumva indirimbo zibakumbuza inganzo yari ku rugamba rwo kubohora igihugu

Kaneza Sheja kuri Instagram ndetse no kuri Youtube yitwa ‘Kaneza Sheja Official’

Luke yaciye uduhigo mu bagabo iy'isi ifite bafite imbaraga gusa byaje kurangira bigaragaye ko ari ibintu biri mu turemangingo tw'umuryango kuko murumuna we nawe yaje kuzamuka kugera ageze ku bigwi bya mukuru we aranabimusubya.

Yavutse kuwa 22 Ugushyingo 1984 afite imidali n'ibigwi mu isi mu marushanwa yabanyembaraga b'ibizigira n'ibigigira by'umwihariko mu gihugu cy'amavuko cye cya Scotland mu gace ka Ivergordon yatsindiye inshuro zigera kuri eshanu umudali wo ku rwego rw'igihugu mu marushanwa y'abagabo b'igitinyiro n'imbaraga.

Luke Stoltman ubitse imidali itanu mu marushanwa y'abanyembaraga mu gihugu cya Scotland

Mu  busanzwe yaba mbere nyuma y'ibigwi bye nk'umunyembaraga akora mu nganda zitunganya amavuta byaje kurangira murumuna we amize izina ry'uyu mugabo benshi mu nshuti zabo nkumuryango batangira kujya bamuhamagara 'Tom's Brother' bivuze umuvandimwe  wa Tom mu kimbo cy'izina rye Luke.

Yagize ibihe byiza kugera  n'ubu mu mwaka wa 2019 yashyizwe ku mwanya wa 7 mu bagabo b'imbaraga no muri 2021 niwo ariho, areshya na metero 1.91 afite ibiro 160.

Umunya Scotland Tom Stoltman wambaye umudali w'abagabo bafite imbarga ku isi ku myaka 27

Ni mu gihe murumuna we afite metero 2.03 n'ibiro 174 Tom murumuna wa Luke niwe uhagaze ku mwanya wa mbere unambaye umudali wa 2021 nk'umugabo w'ibizigira n'imbaraga.

Tom afite imyaka 27 kuko yavutse kuwa 30 Gicurasi 1994 avukira nawe mu gace ka Invergordon mu gihugu cya Scotland. Yegukanye umudali kuwa 20 Kamena 2021 mu marushanwa rurangiranwa yari abaye ku nshuro ya 44 .  

Tom StoltmanAbavandimwe babairi umukuru uri kumwanya wa 7 n’umuto uri ku mwanya wa 1 mu banyembaraga batuye isi

Rose Manfere, ufite ikamba rya Miss Tanzania kugeza ubu, yatunguwe no kumenya ko atariwe uzitabira Miss World ahagarariye igihugu cye, ntiyamenye igihe bamusimburije yabibonye mu binyamakuru agwa mu kantu. Rose yahise yegera Minisiteri ishinzwe iby'abahanzi atanga ikirego ngo abashe gusobanukirwa ihohoterwa yakorewe.

Rose Manfere 

Abategura Miss Tanzania bari bamaze gutangaza ko mu Kuboza 2021 bazohereza igisonga cya mbere Juliana Rugumisa muri Puerto Rico muri Miss World ahagarariye igihugu. Iki cyemezo cyababaje Miss Rose wari kuzajyayo. Anyarukiye ku mbuga nkoranyambaga ze ashimangira ko agomba kwitabaza inzego zibishinzwe kuba yarasimbujwe atabimenyeshejwe atazi n'icyatumye abategura Miss Tanzania bamwamagana.

Mu nkuru ya Citizen yerekana ko Miss Rose kuba yarasimbujwe ahanini ari uko yakoze amakosa yatumye bamwima amahirwe yo gusohokera igihugu kuko atari indakemwa nk'uko Azama Masango umuyobozi mukuru wa Miss Tanzania abivuga. 

Kandi Ezeri mwene Yoshuwa umutware w’i Misipa, akurikiraho asana ikindi gice cyerekeye ahazamuka hajya mu bubiko bw’intwaro z’intambara, aho inkike ihetera. Nehemiya:3:19

Yesu ashimwe!

Dukomeje kwiga Igitabo cya Nehemiya uyu munsi turareba ububiko bw’intwaro zintambara.

Nkuko tubisomye Abisiraheli bagiraga ububiko bw’intwaro z’intambara Nehemiya naho yarahasuye asanga harasenyutse naho ategeka ko hasanwa.

Ububiko bw’intwaro bwari bumaze iki ku Bisiraheli ? Ni izihe ntwaro barwanishaga? Kuki Nehemiya yategetse ko naho hasanwa? Kurikira

Abacamanza: 13: 19

Icyo gihe nta mucuzi wari ukiboneka mu gihugu cyose cya Isiraheli kuko abafirisitiya bavuze bati ” Tujye tubuza abaheburayo kwicurishiriza inkota n’amacumu.

Nkuko tubisomye, hari igihe cyageze Abisiraheli bakena intwaro zo kurwanisha Abafirisitiya bakajya babuza Abisiraheli kwicurishiriza intwaro , ibyo bituma mu bubiko bw’intwaro hasigara ubusa.

Abisiraheli bagiraga ububiko bw’intwaro kandi byatumaga nta mwanzi ubatera ngo abaneshe , Kandi intwaro barwanishaga twazumvise haruguru” ni inkota n’amacumu.

Inkota bisobanura ijambo ry’Imana kandi Bibiliya ivuga ko rifite imbaraga kandi rikagira ubugi buruta ubw’inkota zose rigahinguranya ndetse kugeza ubwo rigabanya ubugingo n’umwuka , rikagabanya ingingo n’umusokoro kandi rikabangukira kugenzura ibyo umutima wibwira ukagambirira. Abaheburayo: 4:12

Intwaro ya kabiri barwanishaga (Icumu) nkuko twabisomye.

Ubusanzwe icumu ubasha kuritera umuntu uri kure ukamwica atarakwegera, ibi mu Bisiraheli byasobanuraga kurwanya icyaha kikiri kure kitarakwegera mu yandi magambo bivuze (kwirinda) ngizo intwaro 2 barwanishaga.

Abafirisitiya rero bamaze kubabuza gucura intwaro ngo basigaranye intwaro zidafite umumaro arizo ibihosho, ibihabuzo, isuka , imipanga , ingobe n’ibindi byose bajyaga gutyaza mu bafiritiya kuko nta matyazo y’ibyo yabaga muri Isiraheli.

Aha rero wakwibaza nawe uko Isiraheli yari imeze itakigira intwaro bivuze ko uwashakaga kuhatera wese yahateraga akahatsinda kuko batari bafite uburyo bwo gukumira ibitero byumwanzi kandi batagira intwaro

Ngaho ibaze nawe , ese mu bubiko bw’itwaro haracyarimo intwaro? Ese urikurwanisha iyihe ntwaro? Mbibutse ko na Yesu aterwa na Satani yarwanishije inkota ari ryo Jambo ry’Imana (Handitse ngo) niyo yatsindishije Satani.

Nehemiya rero asanga nta bubiko bw’intwaro bukiba muri Isiraheli asaba ko basana Kandi Abisiraheli bakongera bagacura intwaro z’intambara.

Isuzume urebe intwaro ufite nusanga ububiko bw’intwaro burimo ubusa usabe Data yongere agusubize intwaro wahoze urwanisha kuko tukiri ku rugamba.

Muhabwe umugisha n’Uwiteka.

Ev Innocent.

Nyuma y’iminsi bivugwa ko umukunzi wa Kimenyi Yves, Uwase Muyango Claudine atwite, byashimangiwe n’ifoto ye yagiye hanze imugaragaza ko yenda kwibaruka.

Urukundo rwa Kimenyi Yves na Muyango rumaze imyaka irenga 2, ni urukundo rwavuzwe cyane mu itangazamakuru bitewe n’uburyo umwe agaragariza undi amarangamutima cyane ko bose ari n’ibyamamare mu Rwanda.

Kuva muri Gashyantare 2021 nibwo byatangiye guhwihwiswa ko uyu mukobwa yaba atwite inda ya Kimenyi ariko ntabwo impande zombi zigeze zishaka ko bijya mu itangazamakuru.

Uyu munsi hakaba hasohotse ifoto y’uyu mukobwa wabaye Nyampinga uberwa n’amafoto muri Miss Rwanda 2019, imugaragaza akuriwe yenda kwibaruka imfura ye na Kimenyi Yves, umunyezamu wa Kiyovu Sports uheruka kumwambika impeta ya fiancailles muri Gashyantare 2021.

Kanama 2019 nibwo urukundo rwabo rwamenyekanye, ni nyuma y’iminsi mike Kimenyi atandukanye n’uwari umukunzi we Didy d’Or, gusa ngo abantu babimenye we na Muyango babimazemo iminsi byaramaze gufata indi ntera.

Muyango ari hafi kwibaruka imfura ye na Kimenyi

Aherutse kumwambika impeta ya fiancailles

Ikipe y’igihugu y’abari n’abategarugori yakinaga ijonjora ryo gushaka ikipe y’igikombe cy’Afurika mu mukino Basketball kizabera muri Cameroun mu kwezi kwa Nzeri 2021, yasoje ku mwanya wa 3 ni mu gihe Kenya ari yo izahagararira akarere ka 5 mu gikombe cy’Afurika, ni nyuma yo kwegukana igikombe itsinze Misiri amanota 99 kuri 83.

U Rwanda rwatakaje aya mahirwe nyuma y’uko rwaraye rutsinzwe na Kenya mu mukino wa ½, uyu munsi rwahataniye umwanya wa 3 na Sudani y’Epfo yaraye itsinzwe na Misiri mu irushanwa ryaberaga muri Kigali Arena.

Mu mukino w’umwanya wa 3, u Rwanda rwatsinze Sudani y’Epfo amanota 83-56. Agace kambere karangiye ku manota 31 y’u Rwanda kuri 14 ya Sundani y’Epfo.

Agace ka kabiri u Rwanda rwagatsinze amanota 23 kuri 9, aka gatatu ni Sudani yagatsinze ku manota 16 ku 8 ni mu gihe aka nyuma u Rwanda rwagatsinze ku munota 20 kuri 17.

U Rwanda rwatsinze Sudani rwegukana umwanya wa 3 mu makipe 4

Hahise hakurikiraho umukino wa nyuma ari na wo watanze ikipe igomba kwitabira iki gikombe, wahuje Kenya na Misiri. Kenya niyo yaje kwegukana umwanya wa mbere itsinze amanota 99 kuri 83 ya Misiri.

Uduce tubiri tubanza twatsinzwe na Kenya, aka mbere ku manota 29 kuri 24, aka kabiri 21 kuri 18.

Agace ka 3 amakipe yombi yanganyije 27 kuri 27, ni mu gihe Kenya yatsinze agace ka nyuma ku manota 22 kuri 14.

Victory Reynolds wa Kenya ni we waje gutorwa nk’umukinnyi w’irushanwa.

Misiri yari yizeye ko iri buyisubire

Abakinnyi ba Misiri bagerageje biranga

Bayitsinze banayirusha

Byari ibyishimo bikomeye kuri Kenya

Victory ni we wabaye umukinnyi w’irushanwa

Ni kenshi abantu batungurwa kumva umuntu badakomoka mu gihugu kimwe avuga ururimi rw’iwabo, cyane iyo uri mu gihugu cy’amahanga ukumva umuntu uvuga ururimi rw’iwanyu ubyibazaho, ibi nibyo byabaye kuri Haruna Niyonzima ubwo bamwe mu bafana ba Yanga bazaga kumusezeraho bazanye ibyapa byanditseho Ikinyarwanda.

Ku wa Kane w’iki cyumweru tariki ya 15 Nyakanga 2021, Yanga yakoze umuhango wo gusezera kuri Haruna Niyonzima utazakomezanya n’iyi kipe umwaka utaha w’imikino, ndetse binavuze ko atazayigarukamo nk’umukinnyi.

Ni nyuma y’imyaka 8 yakiniye iyi kipe ndetse akayifasha kwitwara neza muri Tanzania byatumye agira igikundiro cyinshi.

Bamwe mu bafana baje gusezera kuri uyu mugabo, bakaba baraje bitwaje icyapa cyanditseho mu Kinyarwanda, bamushimira ibyiza byose yabakoreye.

Bati “Murakoze cyane Haruna Niyonzima.”

Haruna Niyonzima yinjiye muri iyi kipe muri 2011 avuye muri APR FC, kuva yayigeramo bagiranye ibihe byiza, kugeza muri 2017 bari bamaze kwegukana ibikombe 4 bya shampiyona( 2012—13, 2014—15, 2015—16 na 2016—17), bitatu bya Community Shield Cup inshuro 3(2013, 2014 na 2014), kimwe cya FA Cup 2015-16, kimwe cya Mapinduzi Cup(2020) ndetse na CECAFA 2012.

Bazanye icyapa cyanditse mu Kinyarwanda

Bamusezeyeho neza

Sadoki mwene Imeri akurikiraho asana ahateganye n’inzu ye, na Shemaya mwene Shekaniya umukumirizi w’ irembo ry’iburasirazuba, akurikiraho asana. Nehemiya: 3:29

Yesu ashimwe,

Uyu munsi turareba irembo ry’iburasirazuba

Iri rembo riri mu marembo make atarasanwe ahubwo yari agihagaze atarigeze asenywa.

Iri rembo ry’iburasirazuba ryari rifite amateka akomeye cyane kubw’ubuhanuzi bwagiye burivugwaho ndetse n’ibyagiye biriberamo byinshi.

Umwami wacu Yesu Kristo yinjira i Yerusalemu mbere yo gupfa, yinjiriye muri iri rembo ry’iburasirazuba, ahetswe n’icyana cy’indogobe, rubanda basasa imyambaro mu nzira ndetse bazunguza amashami bati Hozana hahirwa uje mu izina ry’Uwiteka!

Iri rembo ryongera kutwibutsa ko Kristo ari Umwami kandi azagaruka kwima ingoma ye nkuko yasize avuze ko azagaruka.

Ese muri make kugaruka kwa Kristo kongera kutwibutsa iki twebwe abamwizera? Kubera iki ari ngombwa ko Kristo agaruka?

Kugaruka kwa Kristo kuvuze gusohorezwa isezerano ku bizera by’ukuri, kandi kutwibutsa kuba maso tumutegereje.

Ni ngombwa ko Kristo agaruka kugira ngo amurikire Data itorero maze twimane na we. Ndetse birakwiriye ko aza kugira ngo Ijambo ry’Imana risohore.

Mu mwaka w’ 1517 , Ubwami bwa Ottoman buyobowe n’Umwami witwa Suleiman, bwagerageje kuburizamo ubuhanuzi buvuga ku kugaruka kwa Mesiya, uwo mwami ategeka ko basiba iri rembo ry’iburasirazuba ndetse anashyira irimbi imbere y’iri rembo kugira ngo hatazagira uhanyura!

Ariko Imana ishimwe ko aho kuburizamo umugambi w’Imana, yarushijeho gusohoza icyo Umuhanuzi Ezekiyeli yahanuye!

Ezekiel: 44:1-3

Maze angarura mu nzira y’irembo ry’ubuturo bwera riri inyuma ryerekeye i Burasirazuba, ariko ryari ryugariwe. Nuko Uwiteka arambwira ati 'Iri rembo rihore ryugariye, ntirikugururwe kandi ntihakagire umuntu urinyuramo, kuko Uwiteka Imana ya Isirayeli yarinyuzemo ni cyo gituma rihora ryugariye. Umwami ni we uzahicara, afungurire imbere y’Uwiteka kuko ari umwami. Ajye yinjira anyuze mu nzira y’ibaraza ry’iryo rembo, kandi nasohoka abe ari yo anyuramo.'

Bene Data, dusoza, ndabibutsa ko Kristo azagaruka. Ese uriteguye? Witeguye kuzimana nawe ingoma ye? Ongera witekerezeho.

Duhore turi maso dukenyeye kuko tutazi umunsi cyangwa igihe! Hahirwa umugaragu shebuja azaza agasanga akiri maso!

Gusohora kw’ibyahanuwe byerekana ko igihe kiri gushira. Tugumye kuba maso tumenye ibyo bimenyetso bigaragaza kuza kwa Kristo Umwami wacu. Amen.

Ibihe byiza tuzakomeza.

Ev Innocent .