Webrwanda Backend

Blog

  • Bwa mbere Davis D avuze ku mbabazi yasabwe na wa mukobwa wamufungishije – YEGOB #rwanda #RwOT

    Umuhanzi Davis D yavuze kuri wa mukobwa wamufungishije anagaruka ku mbabazi yamusabye. Ni mu kiganiro Davis D yagiranye na IGIHE Kulture.

    Nkuko Davis D yabitangaje yavuze ko yumvise amakuru ko Umukobwa wamufungishije yamusabye imbabazi ariko ntabwo yigeze areba amashusho yamusabiyemo imbabazi. Yavuze ko kandi uriya mukobwa atapanze kumuhemukira akurikije amakuru yumvise ndetse ko nta n'umugambi wabyo yari afite. Yagize ati ” Narabyumvise, ntabwo twavuganye. Uriya mukobwa ntabwo yapanze kumpemukira nta n'umugambi wabyo yari afite “.

    Uyu niwe Mukobwa wasabye imbabazi Davis D

    Davis D

    Source : https://yegob.rw/bwa-mbere-davis-d-avuze-ku-mbabazi-yasabwe-na-wa-mukobwa-wamufungishije/

  • Wari uziko kuribwa umutwe cyane bishobora kuba ikimenyetso cy'izindi ndwara zikomeye? – YEGOB #rwanda #RwOT

    Kenshi iyo umutwe ukuriye, babyitirira stress nyinshi itewe n'akazi, nyamara kuribwa umutwe kenshi bishobora kuba bituruka ku kindi kibazo gikomeye mu mubiri.

    Bimwe mu bimenyetso byo kuribwa umutwe kenshi utagomba kwirangagiza:

    1.Iyo kuribwa umutwe bigenda bihindura ubukana

    Niba wumva kuribwa umutwe bikomeye kurusha ibyo wari usanzwe umenyereye, ni ngombwa kugana ivuriro kugira ngo umenye neza ikibitera, kuko bishobora kuba biterwa n'indwara ifata udutsi duto dutwara amaraso ku bwonko yitwa aneurysm cg se anévrisme.

    2.Mu gihe kuribwa umutwe biherekejwe n'umuriro

    Iyo uribwa umutwe ariko hakaziraho n'umuriro, bishobora kuba biterwa n'indwara ikomeye yibasira ubwonko yitwa Meningitis. Bishobora no kuba kandi bitewe n'indwara yo kubyimbirwa k'ubwonko izwi nka encephalitis.

    3.Iyo uribwa umutwe w'imbere n'inyuma y'amaso

    Niba ujya wumva uribwa amaso biherekejwe no kuribwa umutwe, bishobora kuba ikimenyetso cy'indwara ya glaucoma. Akenshi iterwa n'ukwireka kw'amatembabuzi mu jisho bigatuma amaraso atahagera neza, bikaba byatera guhuma.

    4.Uburibwe bw'umutwe buturuka mu misaya

    Umutwe ukurira mu misaya cyangwa se mu ngoma z'amatwi akenshi nta gikomeye werekana. Cyereka iyo urengeje imyaka 50, kuko ho bishobora guterwa no kwangirika k'udutsi duto dutwara amaraso tuba twabyimbiwe cyane.

    5.Iyo umutwe ukurya cyane hanyuma ugahita urekera

    Uburibwe bukomeye bugenda buza, bugenda, bugaruka, ukaba wagira ngo ni nk'ikintu bagukubise, ukwiye kubwitondera cyane. Bishobora guterwa no kuvira mu bwonko, cyangwa Ikindi kibazo cyo kuva amaraso mu bice bigize ubwonko.

    Source : https://yegob.rw/wari-uziko-kuribwa-umutwe-cyane-bishobora-kuba-ikimenyetso-cyizindi-ndwara-zikomeye/

  • FERWAFA ibitegetswe yishyuye arenga miliyoni 125 uwari ushinzwe amasoko n’itumanaho #rwanda #RwOT

    Ishyirahamwe ry’umupira w’amaguru mu Rwanda(FERWAFA) ryategetswe kwishyura arenga miliyoni 125 frw Jérôme Dufourg wari usinzwe itumanaho no gushaka amasoko kubera kumwirukana ntahabwe ibyo yagombaga kubona.

    Uyu mugabo akaba yarafashije FERWAFA muri 2015 ubwo yabonaga isoko rya Bakheressa Group benshi bamenye nka Azam TV nk’umuterankunga shampiyona y’u Rwanda itanze miliyoni 2,35 z’amadorali mu gihe cy’imyaka 5 na miliyoni 10 z’amafaranga y’u Rwanda mu gikombe cy’Amahoro, aho yagombaga kwishyurwa 5% ariko ntaze kuyabona.

    Ibi byaje gutuma muri Nzeri 2018 uyu mugabo yitabaza Urukiko Rwisumbuye rwa Nyarugende aho yaje gutsinda ariko FERWAFA ihita ijuririra mu Rukiko rw’Ubujurire.

    Muri Werurwe uyu mwaka nibwo Urukiko rw’Ubujurire rwafashe umwanzuro kuri iki kirego aho rwategetse FERWAFA kwishyura uyu mugabo akabakaba miliyoni 127 z’amafaranga y’u Rwanda, harimo ibihumbi 119 by’Amadorali(118,702,500), amafaranga y’u Rwanda angana na 2,190,000 kubera kumwirukana binyuranyije n’amategeko ndetse n’utundi tuntu ku buryo bigera muri miliyoni 8.

    Umuvugizi wungirije wa FERWAFA, Jules Karangwa yemereye ISIMBI ko ari byo kandi ko nta kibazo bizateza.

    Ati “nibyo, twaratsinzwe, amafaranga yamaze kwishyurwa, kuko bahita babirangiza ku ngufu. Nta kibazo gishobora kuzagaragara mu ngengo y’imari y’umwaka utaha kuko iyo uri mu manza hari ukuntu ugenda ubiteganya nabyo.”

    Amakuru avuga ko FERWAFA yamaze kwishyura uyu mugabo muri uku kwezi kwa Nyakanga tariki ya 14.

    Muri Gashyantare 2015 nibwo FERWAFA yatangaje uyu mugabo nk’umukozi mushya wabo, baje gutandukana nyuma y’amezi 6. Ni mu gihe yari yahawe amezi 6 y’igeragezwa.

    Jerome Duforg yatsinzwe FERWAFA ndetse yamaze no kwishyurwa

    Source : http://isimbi.rw/siporo/article/ferwafa-ibitegetswe-yishyuye-arenga-miliyoni-125-uwari-ushinzwe-amasoko-n-itumanaho

  • Hanze: Umwana muto mwiza w'umunyarwanda yarijije benshi nyuma y'urupfu rwe| Benshi bigaragambije – YEGOB #rwanda #RwOT

    Abanyarwanda batuye mu gihugu cy'Ubwongereza bakoze urugendo rwamagana urupfu rw'umwana w'umunyarwanda w'imyaka 15 uherutse kwicirwa mu Bwongereza yishwe na bagenzi be. Ubu bwicanyu bukaba bwarabereye mu gace k'amajyepfo ashyira mu Burasirazuba bwo mu mujyi wa Londres.

    Nkuko Tubikesha iSano, Uyu mwana witwaga Habimana Tamim yatewe ibyuma kuya 05 Nyakanga ubwo yavaga ku ishuri agiye gutega bus akaba yarapfuye hashize iminota 45 amaze guterwa ibyuma na kariya gatsiko k'abana.

    Abanyarwand abatuye mu Bwongereza bifatanyije n'umuryango wa Habimana mu kwamagana igikorwa cy'ubwicanyi cyakorewe Habimana Tamim bakora urugendo rwerekeza aho Nyakwigendera yaterewe ibyuma ndetse bikaza kumuviramo urupfu. Bari bitwaje amafoto ya Tamim ndetse bamwe bambaye imipira iriho amafoto ye yanditseho RIP Tamim.

    Source : https://yegob.rw/hanze-umwana-muto-mwiza-wumunyarwanda-yarijije-benshi-nyuma-yurupfu-rwe-benshi-bigaragambije/

  • Inkuru ibabaje: umugabo w'uyu mugore amuca inyuma cyane ndetse anabikorera mu maso ye| Ese akore iki ko amutwitiye inda? – YEGOB #rwanda #RwOT

    Muraho, ndi umudamu ubu nkaba maranye amezi 5 yonyine mbana n'umugabo wanjye ariko agahinda mfite kararenze….arantendeka cyane agakabya mubyukuri nabuze amahoro kuko asambana kenshi nabandi bakobwa bamwe akanabazana murugo akababwira ngo njye ndi umukozi wo murugo ngo sindi madama we yewe akabajyana mucyumba cyacu nukuri…ndababaye sinzi icyo nakora kandi ndatwite inda yamezi 5 gusa…mungire inama

    Source : https://yegob.rw/inkuru-ibabaje-umugabo-wuyu-mugore-amuca-inyuma-cyane-ndetse-anabikorera-mu-maso-ye-ese-akore-iki-ko-amutwitiye-inda/

  • Davis D bwa mbere avuze ku mbabazi yasabwe na wa mukobwa w’Ikizungerezi wamufungishije #rwanda #RwOT

    Mu minsi yashize, imwe mu nkuru zaciye ibintu mu makuru y’imyidagaduro mu Rwanda, ni iy’ifungwa rya Davis D na Kevin Kade ndetse n’undi musore ukora akazi ko gufotora.

    Aba basore uko ari batatu bari bakurikiranyweho icyaha cyo gusambanya umukobwa utaruzuza imyaka 18 y’ubukure.

    Nyuma aba basore baje kurekurwa by’agateganyo nyuma y’uko habuze ibimenyetso bifatika bibashinja gukora kiriya cyaha byavugwaga ko bakoreye umukobwa witwa Kayesu Sharon wagiye gupimwa ubusugi bwe abaganga bagasanga akarangabusugi kagiye cyera.

    Davis D wavuye muri kasho agahita ashyira hanze indirimbo yise itara igaruka kuri bimwe mu byo yaboneye muri kasho, yavuze ko atarahura n’uriya mukobwa Kayesu Sharon ngo amusabe ziriya mbabazi imbonankubone gusa yazisabye mu kiganiro yagize kuri YouTube.

    Uyu muhanzi avuga ko kabone nubwo uriya mukobwa ataramwisabira imbabazi ku giti cye ariko 'Naramubabariye kuko nararebye mbona na we si we, nta mpamvu yo kumurakarira.'

    Yavuze ko uriya mukobwa atigeze agambirira kumugirira nabi ku buryo yakomeza kumwitwaramo umwikomo.

    Gusa Davis D avuga ko hari icyari kihishe inyuma y’ifungwa rye ariko kitari uriya munyarwandakazi.

    Ati 'Ameze nk’ikarita yari iri mu mukino iri gukoreshwa, nta mugambi mubi yari afite. Njye nk’umuntu mukuru biranyorohera kumenya uwanteje ikibazo n’utakinteje. We ni umuntu wari uri aho hagati ahubwo ibyabereye inyuma bamwitwaje ni byo byabaye ikibazo.'

    Source : http://www.ukwezi.rw/Imyidagaduro/Davis-D-bwa-mbere-avuze-ku-mbabazi-yasabwe-na-wa-mukobwa-w-Ikizungerezi-wamufungishije

  • Ferwafa yishyuye asaga miliyoni 120 uwari umukozi wayo nyuma yo kubitegekwa n’urukiko #Rwanda #RwOT via @kigalitoday #rwanda #RwOT

    Jérôme Dufourg wahoze ashinzwe gushaka amasoko n’itumanaho mu ishyirahamwe ry’umupira w’amaguru mu Rwanda akaza kwirukanwa nyuma y’amezi atandatu gusa, aheruka kurega iri shyirahamwe ku mafaranga avuga ko ryagombaga kumwishyura ritamuhaye.

    Uyu mugabo yareze Ferwafa avuga ko mu masezerano bari bafitanye yo guhabwa komisiyo ya 5% ku isoko yabazaniye, aho atahawe amafaranga yatanzwe na Azam TV avuga ko yagize uruhare mu gutuma isinyana na Ferwafa kuba umufatanyabikorwa werekana shampiyona y’u Rwanda mu mwaka wa 2015.

    Nyuma yo kurega Ferwafa mu rukiko rw’ibanze rwa Nyarugenge ndetse akanarutsinda, Ferwafa yaje kujuririra imyanzuro y’urukiko, bitabaza urukiko rukuru narwo ruza gutegeka Ferwafa kwishyura uyu mugabo ibihumbi 119$ (119,578,250 Frws), ndetse bakishyura n’andi 2,190,000 yo kuba yarirukanywe mu kazi hatubahirijwe amategeko.

    Jérôme Dufourg yishyuwe na Ferwafa agera kuri Miliyoni 120 Frws
    Jérôme Dufourg yishyuwe na Ferwafa agera kuri Miliyoni 120 Frws

    Mu kiganiro twagiranye na Jules Karangwa, Umuvugizi wa Ferwafa wungirije yadutangarije ko ari byo aya mafaranga Ferwafa yamaze kuyishyura nk’uko yabitegetswe n’urukiko.

    “Nk’uko mwabibonye, ni impaka zituruka kuva muri 2015 ni bwo uyu mukozi yakoreye ferwafa aza gusezererwa, hari amasezerano yamwemereraga komisiyo ya 5% ku birebana n’amasoko yazaniye Federasiyo, ni byo yajyanye mu rukiko biaburanwa kugeza ubu.”

    “Amafaranga ni ariya mwabonye, ni ibijyanye no kutubahiriza amasezerano yari yasinywe hagati y’impande zombie, ni byo byashyizwe mu bikorwa”

    Jules Karangwa kandi tumubajije niba ibi bitazatera ihungabana ry’ubukungu muri iri shyirahamwe, yadutangarije ko bitabura ariko biba biisigiye isomo ku bijyanye no kubahiriza amasezerano aba yasinywe hagati ya Ferwafa n’abakozi.

    “Bigomba guteza ikibazo kuko ni amafaranga atari make, ni ibintu baba bagomba kuvanamo amasomo kugira ngo ubutaha bijye bikorwa neza, haba mu gusesa amasezerano n’ibindi”

    Si ubwa mbere ishyirahamwe ry’umupira w’amaguru mu Rwanda riciwe amafaranga rizira kutubahiriza amasezerano bagiranye n’abakozi, aho mu minsi ishize u Rwanda rwaciwe miliyoni 198 Frw kubera gusezererera uwari umutoza w’Amavubi Jonathan Bryan McKinstry mu buryo budakurikije amategeko.


  • Imirenge yashyizwe muri Guma mu Rugo irengeje 10% by’ubwandu mu baturage #Rwanda #RwOT via @kigalitoday #rwanda #RwOT

    Minisitiri w
    Minisitiri w’Ubutegetsi bw’Igihugu, Gatabazi Jean Marie Vianney

    Yabitangaje kuri uyu wa 27 Nyakanga 2021, nyuma y’umunsi umwe gusa imirenge 50 mu gihugu cyose ishyizwe muri gahunda ya Guma mu Rugo.

    Aganira na Radio Rwanda, Minisitiri Gatabazi yavuze ko kubera kwirara kw’abaturage ku ngamba zo kwirinda ikwirakwira rya Covid-19 byatumye indwara yiyongera mu mirenge imwe n’imwe ku buryo hari aho imibare y’abandura yarenze 10%.

    Ati “Imirenge yagaragajwe yashyizwe muri Guma mu Rugo, hafi ya yose irengeje 10% by’ubwandu bwa Covid-19 mu baturage, ku buryo byari ngombwa ko ishyirwa muri Guma mu Rugo kubera ko habaye kwirara”.

    Avuga ko mu gihe abandi bari bashyizwe muri Guma mu Rugo bakoze ibishoboka ubwandu bukagabanuka.

    Yongeyeho ko kwirara kw’abaturage byatumye ubwandu bwiyongera by’umwihariko mu ntara y’Iburasirazuba buri ku 19% na ho mu Majyepfo bugera kuri 20%.

    Agira ati “Nko mu Ntara y’Iburasirazuba mu Karere ka Kayonza hari imirenge iri ku 19.6%, 15%, 12%, wajya mu Ntara y’Amajyepfo nka Ruhango, ugasanga hari za Kinazi zifite 20%, 19.7%, 18% gutyo; wamanuka ujya mu majyepfo muri za Huye na za Nyamagabe, iyo mirenge byagaragaye ko iri hejuru cyane ku buryo nta kindi cyagakozwe uretse gufasha abaturage kuba baguma mu rugo”.

    Minisitiri Gatabazi yasabye abaturage kumva ko kubashyira muri Guma mu Rugo bigamije ko Covid-19 idakomeza gusakara mu gihugu hose.

    Yasabye kandi abayobozi mu nzego z’ibanze kureba ko Guma mu Rugo yubahirizwa nyabyo, basobanurira abaturage impamvu yayo kandi batabahutaje.

    Ikindi ngo hari indi mirenge itashyizwe muri gahunda ya Guma mu Rugo nyamara ifite ubwandu burenze 5%, cyane mu Ntara y’Iburasirazuba na yo isabwa kwitwararika kugira ngo ubwandu bugabanuke.

    Yavuze ko imirenge yashyizwe muri gahunda ya Guma mu Rugo, imirimo izakomeza ari ijyanye n’ubuhinzi n’ubworozi ndetse n’ubucuruzi bw’ibiribwa kugira ngo abaturage babone uko bakomeza kubaho.


  • Rutsiro: Ubuyobozi buravuga ko habayeho uburangare mu gutanga ikizamini cya Leta umunsi wacyo utaragera #Rwanda #RwOT via @kigalitoday #rwanda #RwOT

    Mu Karere ka Rutsiro mu Murenge wa Rusebeya, ku rwunge rw’Amashuri rwa Kabona mu masaha y’Igitondo tariki ya 26 Nyakanga 2021 ubwo abanyeshuri bo mu ishuri rimwe barangiza icyiciro rusange cy’amashuri yisumbuye (Tronc commun) batunguwe no guhabwa ikizamini cy’ibinyabuzima (Biology) cyari giteganyijwe gukorwa tariki 27 Nyakanga 2021, bakaba barakibahaye mu mwanya w’ikizamini cy’ubumenyi bw’isi (Géographie).

    Abanyeshuri n’abarezi bashinzwe guhagarikira ibizamini byarabatunguye ndetse bahita bafata umwanzuro wo kugisubirana, ariko bagenzuye bansanga hari kopi imwe y’ikizamini yaburiwe irengero.

    Umuyobozi w’Akarere ka Rutsiro yemeza aya makuru, akavuga ko bahise babikurikirana ku buryo bitafatwa nko gukopera.

    Agira ati “ikizamini koko cyagejejwe mu ishuri ariko byamenyekanye ntawe uragikora gisubizwa ahabikwa ibizamini.
    Ntabwo cyakopewe kuko cyahise kibikwa kandi niba hari uwagize icyo abona, hafashwe ingamba, abarimu n’abanyeshuri bari muri icyo cyumba bagumishijwe ku ishuri bazataha iki kizamini kirangiye kugira ngo hatagira ukundi babigenza.”

    Ayinkamiye avuga ko ibyabaye harimo uburangare kuko mbere yo gutanga ikizamini hagomba kuba igenzura, avuga ko ababigizemo uruhare bazakurikiranwa.

    Ati “Habayemo uburangare, ubundi mbere y’uko ikizamini gitangwa hagomba kuba igenzura, kuri iki kibazo rero hazakorwa igenzura kandi ababigizemo uruhare bazabihanirwa.”

  • Ibiri mu ndirimbo ya Juno Kizigenza nta kindi gihe byagaragaye mu Rwanda #rwanda #RwOT

    Aya mashusho agaragaramo umukobwa wambaye imyenda imugaragaza ikimero cye dore ko hari aho aba yambaye imyenda y’imbere gusa ubundi azunguza umubyimba we.

    Uyu mukobwa unyuzamo agatamba uyu muziki, akaraga umubyimba we mu buryo budasanzwe bushobora gukurura bamwe bafite kwihangana gucye ku bijyanye na cya gikorwa cy’abakuze.

    Iyi ndirimbo Please Me yavugishije benshi ubwo uyu muhanzi yasohoraga integuza yayo y’ifoto y’umukobwa wicaye kuri moto wambaye imyenda y’imbere.

    Please me cyangwa se Nshimisha mu Kinyarwanda, yumvikanamo amagambo yo gusaba umukobwa kumuha ibyishimo birimo ibisanzwe ndetse n’ibyishimo byo mu buriri.

    Ubwo hasohokaga iriya nteguza itari isanzwe, bamwe barahagurutse bavuga ko abahanzi bakomeje kototera umuco nyarwanda.

    Icyo gihe Umunyabanga wa Leta Muri Minisiteri y’Umuco n’Urubyiruko ushinzwe Umuco, Bamporiki Eduoard yagize icyo abivugaho.

    Icyo gihe yagize ari 'Abarwayi bazavurwa, abanyabyaha bazafungwa. Umuco wacu ntupimirwa mu bwomanzi. Umuco uturana n’imico n’ingeso, ntimugahungabane ngo byacitse kubera umwe watannye, gusa gucyaha ni ibyatwese.'

    Uyu muhanzi Juno Kizigenza uri mu bagezweho muri iyi minsi, yari aherutse gushyira hanze indirimbo yakoranye na Ariel Wayz na yo yagarutsweho cyane dore ko yanakurikiye ibikorwa byo kuyamamaza birimo kwerekana ibere ry’uriya mukobwa.

    AMAFOTO YAKUWE MU MASHUSHO Y’IYI NDIRIMBO

    UKWEZI.RW

    Source : http://www.ukwezi.rw/Imyidagaduro/Ibiri-mu-ndirimbo-ya-Juno-Kizigenza-nta-kindi-gihe-byagaragaye-mu-Rwanda