Webrwanda Backend

Blog

  • Ibyo inzoga zakoreye uyu musore ku munsi w'ubukwe bwe birababaje. – YEGOB #rwanda #RwOT

    Umunyarwanda yaravuze ngo ' uyikura mu gacuma ikagukura mu bagabo' ,ibi nibyo byabaye kuri uyu musore wari ugiye kurushinga bikarangira asebejwe n'inzoga imbere y'abatumirwa, dore ko bagiye bamurandase nk'umwana. Amashusho y'aba bombi, umukwe n'umugeni, yasakaye ku mbuga nkoranyambaga ,agaragaza uyu musore yasinze bikomeye.Amakuru avuga ko umugeni yaraye yiteguye ubukwe bw'igitangaza n'umukunzi we, umunsi ugeze umusore agera ahari kubera ubukwe bamurandase kubera gusinda bikomeye.

    Amakuru akomeza avuga ko umusore utatangajwe amazina n'igihugu akomokamo yari yaraye asangira inzoga n'abantu b'inshuti ze baranywa ijoro ryose karahava, bwakeye ari bwo atangiye gusinda bya nyabyo. Abantu babonye ko nta bundi buryo buhari usibye kuba yajya gushyingirwa n'ubwo yasinze hakitabazwa abasore bamutwara mu maboko bakamurandata. Imiryango yari mu bukwe yakozwe n'ikimwaro kubera ubusinzi bw'umukwe.

    Src: brief

    Source : https://yegob.rw/ibyo-inzoga-zakoreye-uyu-musore-ku-munsi-wubukwe-bwe-birababaje/

  • Muhanga: Ba banyeshuri biga mu ishuli rya Kabgayi A bifurije Perezida Kagame gupfa barekuwe by'agateganyo #rwanda #RwOT

    Abanyeshuli 3  biga mu ishuri ryisumbuye rya Kabgayi A bari bakurikiranyweho ibyaha bitanu basabiwe n'ubushinjacyaha gufungurwa by'agateganyo nyuma yaho ubunganira mu mategeko yari yajuririye icyemo kibafunga by'agateganyo.

    Urukiko rw'Ibanze rwa Nyamabuye rwafashe umwanzuro wo kubafungura nyuma yuko ubunganira yari yasabye ko bafungurwa bakaburana bari hanze kubera ko ibimenyetso byashingirwagaho byose bari babifite badashobora kugira ibyo bahisha.

    Aba banyeshuri 3 bakurikiranyweho ibyaha 5 birimo; Gushyiraho umutwe w'abagizi ba nabi no kuwujyamo, gukurura amacakubiri, ingengabitekerezo ya Jenoside, kwangiza cyangwa konona ikintu cy'undi, guteza imvururu cyangwa imidugararo muri rubanda.

    Ibi byaha biteganywa kandi bigahanishwa ingingo ya: 224, 164, 204 na 186 z'itegeko no 68/2018 riteganya ibyaha n'ibihano muri rusange.

    Umunyamategeko, Me Tuyisenge Theophile wunganira bamwe muri aba banyeshuri mu iburana ry'ifunga n'ifungurwa, yaburanye avuga ko abakiriya be bakwiye kurekurwa kuko ibimenyetso byose ubushinjacyaha bukoresha bubashinja bubifite, bityo ntacyo bajya guhisha mu gihe baba barekuwe bagataha.

    Nubwo ubunganira mu mategeko yavugaga gutya, ubushinjacyaha bwo bwavugaga ko hari ibindi bimenyetso bigishakishwa bityo bakomeza gufungwa by'agateganyo, ariko birangira icyemezo kibaye icy'urukiko mu gufata umwanzuro ku ifungwa n'ifungurwa ry'agateganyo.

    Ku wa 5 Kanama 2021 nibwo urukiko rwafashe umwanzuro wo kubafungura by'agateganyo ndetse binashingira kubimenyetso n'aho iperereza rigeze. Ubushinjacyaha nabwo bwasabye ko abakekwa barekurwa, kuko busanga hashingiwe ku byagezweho, ntacyo irekurwa ryabo ryabangamira iperereza, ahubwo bufatanyije n'izindi nzego bukaba ngo buzakomeza gukurikiranira hafi abo banyeshuri.

    Aba banyeshuri uko ari 3, abahise barekurwa ni; MUHIRWA Justin wavutse mu mwaka wa 2001, HARERIMANA Oscar wavutse muri 2002 na NIZEYIMANA Danny wavutse 2002. Aba bose bagomba gukomeza gucungirwa hafi n'inzego ndetse n'imiryango yabo nyuma yuko bose basabye imbabazi mu nyandiko, nyuma yo kwandika ku ifoto y'umukuru w'Igihugu Paul Kagame  amagambo asanzwe yandikwa ku misaraba abakirisitu bashyira ku mva z'abapfuye(RIP)ndetse nandi magambo y'urukozasoni banditse mu gitabo cy'ishuli cyo kwigiramo.

    Soma hano inkuru yabanje:Muhanga: Abanyeshuri 4 bivugwa ko bifurije Perezida Kagame gupfa baburanye ku ifungwa n'ifungurwa

    Akimana Jean de Dieu

    Source : https://www.intyoza.com/muhanga-ba-banyeshuri-biga-mu-ishuli-rya-kabgayi-a-bifurije-perezida-kagame-gupfa-barekuwe-byagateganyo/

  • Fiancée wa Emmy ntacyo asize inyuma yavuze imyato Emmy ku isabukuru ye – YEGOB #rwanda #RwOT

    Umuhoza Joyce, fiancée w'umuhanzi Emmy yamuvuze imyato amurata ndetse anamushimira kuba yaremeye kumukunda. Aya magambo Joyce yayatangaje mu gihe Emmy yizihiza isabukuru ye y'amavuko akaba yanaboneyeho umwanya wo kumwifuriza isabukuru nziza.

    Joyce yanditse ibi bikurikira kuri story ya instagram ye:

    Source : https://yegob.rw/fiancee-wa-emmy-ntacyo-asize-inyuma-yavuze-imyato-emmy-ku-isabukuru-ye/

  • FERWAFA yatesheje agaciro ubusabe bwa Nishimwe Blaise n’ubwa Rayon Sports #rwanda #RwOT

    Akanama gashinzwe gukemura amakimbirane ka FERWAFA, kanzuye ko ikirego cya Nishimwe Blaise wifuza gusesa amasezerano na Rayon Sports nta shingiro gifite, ni mu gihe n’ubusabe bw’iyi kipe yifuza indishyi z’ikurikiranarubanza n’igihembo bwateshejwe agaciro.

    Tariki ya 4 Kanama umukinnyi wa Rayon Sports, Nishimwe Blaise yandikiye iyi kipe ayisaba ko yamufasha agasesa amasezerano na Rayon Sports kubera ko itubahirije ibyo bumvikanye mu masezerano y’imyaka 3 yayisinyiye muri Nzeri 2020.

    Akanama gashinzwe gukemura amakimbirane ka FERWAFA kakaba karahuje impande zombi ku munsi w’ejo hashize tariki ya 11 Kanama 2021.

    Icyo Blaise yaregaga ni uko iyi kipe imugura bumvikanye miliyoni 4, imuha miliyoni n’igice bumvikana ko andi mafaranga azayahabwa nyuma y’amezi 3(Ukuboza 2020), ntabwo byakozwe kugeza muri Nyakanga 2021 ubwo yandikiraga iyi kipe ayisaba ko bakora amasezerano mashya.

    Rayon Sports yo yavugaga ko kuba bitarakozwe byatewe n’impamvu zirimo icyorezo cya Coronavirus ariko bamwizeza ko nigicisha make bazamwishyura aho banamwishyuye mu ntangiriro z’uku kwezi kwa Kanama.

    Akanama gashizwe gukemura amakimbirane ka FERWAFA, nyuma yo kumva impande zombi, kanzuye ko ikirego Blaise wifuza gutandukana na Rayon Sports nta shingiro gifite ko hagomba gukurikizwa amasezerano basinyanye muri Nzeri 2020.

    Iki cyemezo kiravuga kiti 'ubusabe bwa Nishimwe Blaise nta shingiro bufite. Amasezerano ari hagati y’ikipe n’umukinnyi yo ku wa 8 Nzeri 2020, afite agaciro kandi nta mpamvu n’imwe ihari yumvikana yo kuyasesa.'

    Rayon Sports yari yasabye indishyi z’ikurikiranarubanza n’igihembo cy’umwavoka, aka kanama nabyo kabiteye utwatsi.

    Kagize kati 'ubusabe wa Rayon Sports bwo guhabwa indishyi z’ikurikiranarubanza n’igihembo cy’avoka, nta shingiro bufite.'

    Muri Nzeri 2020 nibwo Rayon Sports yasinyishije Nishimwe Blaise imusinyisha imyaka 3 bumvikana miliyoni 4 aho yahise yishyurwa miliyoni n’igice hasigara 2 n’igice, andi bumvikana ko azayabona mu mezi atatu ari imbere(byari kuba mu Kuboza 2020).

    Aya mafaranga ntabwo yigeze yishyurwa kugeza Kamena 2021 ubwo bamwishyuraga miliyoni n’ibihumbi ijana hasigara miliyoni n’ibihumbi 400.

    Tariki ya 15 Nyakanga 2021, Nishimwe Blaise yanditse asaba iyi kipe ko bakwicara bakavugurura amasezerano bagiranye bitewe n’uko hari igice kitubahirijwe muri yo nko mu ngingo ya 6 yayo aho yavugaga ko agomba kuba yabonye amafaranga yaguzwe bitarenze mu mezi 3 bikaba bitarakozwe.

    Rayon Sports tariki ya 29 Nyakanga yandikiye uyu musore imubwira ko ibaruwa ye bayibonye kandi ko impamvu atabonye ibyo yari agenewe kubera icyorezo cya Coronavirus, ariko ko bazirikana uburenganzira bwe ndetse ko icyorezo n’igicisha make azahita ahabwa ibyo yemerewe.

    Tariki ya 2 Kanama 2021, amakuru ISIMBI yamenye ni uko iyi kipe yaraye ibonye aya mafaranga yo kwishyura uyu mukinnyi ndetse ihita inayishyira kuri konti aho binavugwa ko Blaise yayakuyeho.

    Tariki ya 4 Kanama 2021 nubwo yari yamaze kwishyurwa, Nishimwe Blaise yandikiye ishyirahamwe ry’umupira w’amaguru mu Rwanda 'FERWAFA’ iyisaba gukemura ikibazo cye na Rayon Sports, kuko atifuza gukomezanya n’iyi kipe kuko itubahirije amasezerano bagiranye kuko muri miliyoni 4 yaguzwe yakiriye miliyoni 2 na 500 hasigaye 1 na 500, bityo akaba ashaka gusesa amasezerano.

    Nishimwe Blaise yatsinzwe mu rubanza yarezemo Rayon Sports

    Source : http://isimbi.rw/siporo/article/ferwafa-yatesheje-agaciro-ubusabe-bwa-nishimwe-blaise-n-ubwa-rayon-sports

  • 'Uko bigenda kose ndava hano ukimpaye nutakimpa ndakuvana mu kazi kanjye.' – Umwe mu bakozi batswe ruswa y'igitsina n'umuyobozi wabo yavuze uko yabakaga #rwanda #RwOT

    Bamwe mu bakobwa bakora muri kompanyi icunga umutekano izwi nka High Sec ku bitaro bya Gisenyi mu Karere ka Rubavu, basobanuye uburyo uwari umuyobozi wabo witwa Habimana Emmanuel yabakaga ruswa y'igitsina.

    Bamwe muri aba bakobwa, bavuga ko binjiye mu kazi babanje kwakwa ruswa y'igitsina mu gihe abandi bavuga ko hari abo yakaga iyo ruswa kugira ngo bahembwe.

    Umwe muri bo avuga ko ubusanzwe atuye mu bice bya Mahoko ariko ko uriya wari umuyobozi wabo yakunze kumusirisirimbaho amusaba ko baryamana kugira ngo azamwimurire hafi y'iwabo.

    Ati 'Yaraje arambwira ngo ntabwo ngomba kumuha kugira ngo anjyane hafi y'iwacu, nkavuga se ndaguha iki, akambwira ngo si igitsina se hari icyo utumva.'

    Ngo yamwizeje ko azamuha ariko akomeza kumurerega, ubundi aramunaniza amujyana ahantu hatandukanye ngo ashaka kumuhana ndetse biza no kumara amezi atatu adahembwa kimwe na bagenzi be baje kuganira bagasanga bose bahuriye ku kuba baranze ko baryamana.

    Undi mukobwa wari na mushya muri ako kazi na we ngo yamwatse ibihumbi 25 Frw by'impuzankano ndetse ngo aranayatanga ariko ngo akimara gutaha ahita amuhamagara amubwira ko akenewe ku kazi ariko ngo yasanze ari agatego.

    Ati 'Mpageze mbona ntakintu kizima ari kumbwira ahubwo akambwira ngo mwegere akajya mu bintu byo gukarisa, ari kumbwira ngo nimwegere musome…'

    Ngo yahise amubwira ko hari umumotari umuzanye kandi agomba kumusubizayo aramwemerera ariko amubwira ko mu gitondo cya kare agomba kuza kumuha ariko nabwo ntibyaba ariko aza kumuha nyirantarengwa ko bagomba kuryamana.

    Uyu mukobwa uvuga ko yumvaga atatakaza akazi, avuga ko yaje akabiganirizaho bagenzi be bakumvikana uburyo bazamufatisha ari na bwo yahitaga agenda akamwizeza ko azamuha.

    Ngo ku Cyumweru yaje kumukura ku kazi amujyana mu nzu yabagamo ariko asiga abibwiye umuyobozi, bakigerayo ngo bahita biyambura ariko bagiye kugera ku gikorwa nyirizina wa muyobozi aba arahageze.

    Avuga ko uwo muyobozi yababwiye ko batabajyana mu buyobozi bwisumbuyeho ahubwo ko bashakaga guca ku ngeso uwo mugabo.

    Ngo bwakeye ababwira ko agiye kubirukana ari na bwo bahise biyambaza Urwego rw'Igihugu rw'Ubugenzacyaha RIB rugahita rumuta muri yombi.

    Undi mugore na we uvuga ko uriya muyobozi wabo yabarembeje abasaba ko baryamana, yavuze ko hari igihe imvura yaguye akajya kugama mu nzu ye agezeyo agatangira kumukorakora ariko icyo gihe ngo ntacyabaye.

    Ikindi gihe ngo yamusanze aho yakoreraga 'arambwira ngo noneho uyu munsi uko bigenda kose ndava hano ukimpaye nutakimpa ndakuvana mu kazi kanjye.'

    Uyu mugore uvuga ko na we yamaze igihe kinini adahembwa, avuga ko abandi bakobwa bemeye kuryamana na we, bo bahembwa.

    Nikuze Josiane usanzwe ari umugore w'uriya mugabo, avuga ko yatewe impungenge n'ibirego bishinjwa umugabo we kuko yari amaze igihe igitsina cye kidafata umurego ndetse ko banabishwaniye bigatuma ata urugo.

    Uyu mugore avuga ko umugabo we yagambaniwe n'umukuriye muri iriya Kompanyi icunga umutekano mu buryo bwigenga.

    Ivomo: Ukwezi

    Source : https://impanuro.rw/2021/08/12/uko-bigenda-kose-ndava-hano-ukimpaye-nutakimpa-ndakuvana-mu-kazi-kanjye-umwe-mu-bakozi-batswe-ruswa-yigitsina-numuyobozi-wabo-yavuze-uko-yabakaga/

  • Kwizera Oliver yahamagawe mu Mavubi nyuma yo kwisubiraho, Abakinnyi 39 bahamagawe #rwanda #RwOT

    Umutoza w'Ikipe y'Igihugu Amavubi Stars, MASHAMI Vincent yahamagaye abakinnyi mirongo itatu n'icyenda (39) mu rwego rwo kwitegura imikino yo gushaka itike y'igikombe cy'isi kizabera muri Qatar 2022. Ikipe y'Igihugu igomba gukina imikino ibiri yo mu itsinda E aho rugomba gusura Ikipe y'Igihugu ya Mali hagati y'itariki ya 1 Nzeri 2021 n'itariki ya 3 Nzeri 2021 […]

    The post Kwizera Oliver yahamagawe mu Mavubi nyuma yo kwisubiraho, Abakinnyi 39 bahamagawe appeared first on Kigalinews24.

    Source : https://kigalinews24.com/2021/08/12/kwizera-oliver-yahamagawe-mu-mavubi-nyuma-yo-kwisubiraho-abakinnyi-39-bahamagawe/

  • Ku nshuro ya mbere, Riderman yerekanye abana be b'impanga. – YEGOB #rwanda #RwOT

    Umuraperi Riderman bwa mbere yerekanye ifoto igaragaza abana be babiri b'impanga aherutse kwibaruka.

    Aba bana ba Riderman na Agasaro Nadia Farida bavutse tariki 14 Kamena 2021, ariko umubyeyi wabo yabitangaje kuri uyu wa Gatatu tariki 23 Kamena 2021.

    Mu butumwa Riderman yacishije kuri Instagram, yavuze ko kuri we kubyara impanga ari ibitangaza kuko atigeze anabitekereza.

    Ati 'Mu buzima tugira inzozi tukifuza kuzigeraho, gusa hari n'ibitangaza Imana idukorera bigasa no kuzikabya nyamara ari ubuntu bw'Imana burenze ukwifuza kwa muntu.'

    Source : https://yegob.rw/ku-nshuro-ya-mbere-riderman-yerekanye-abana-be-bimpanga/

  • Gicumbi : Umugabo ukekwaho gusambanya umwana w’umuhungu w’imyaka 9 yafatiwe icyemezo cyo gufungwa #rwanda #RwOT

    Ni icyemezo cyasomwe n’urukiko rw’ibanze rwa Byumba kuri uyu wa Gatatu tariki 11 Kanama 2021 rwemeje icyifuzo cy’Ubushinjacyaha bwari bwasabiye uriya mugabo gufungwa by’agateganyo kubera impamvu zikomeye zituma hakekwa ko yakoze kiriya cyaha.

    Ubushinjacyaha dukesha iyi nkuru, buvuga uburyo uyu mugabo yisobanura ndetse n’uko yakanze umwana ngo atazabivuga bigaragaza ko icyo gikorwa yakoze abizi neza ko ari icyaha gihanwa n’amategeko.

    Icyo cyaha gikekwa kuri uyu mugabo, cyakozwe muri Gicurasi 2021, ubwo yasangaga umwana ari mu nzu aho nyirakuru yari yamukingiranye.

    Ngo icyo gihe uriya mugabo yuriye idirishya asangamo uriya mwana w’umuhungu ubundi amujyana iwe aramusambanya mu kibuno amutera ubwoba ko atagomba kuzabihingutsa.

    Umwana na we yumviye uwo mugabo akomeza kubigira ibanga ariko aza kugira uburwayi mu kibuno bituma umwana abivuga uko byagenze.

    Uyu mugabo aburana ahakana icyaha aho yemera ko yajyanye iwe uriya mwana ariko ko atigeze amusambanya ndetse akiyemerera ko ntakibazo afitanye n’uwo mwana cyangwa ababyeyi be.

    ICYO ITEGEKO RITEGANYA

    Itegeko riteganya ibyaha n’ibihano muri rusange

    Ingingo ya 133 : Gusambanya umwana

    Umuntu wese ukorera ku mwana kimwe mu bikorwa bishingiye ku gitsina bikurikira, aba akoze icyaha :

    1º gushyira igitsina mu gitsina, mu kibuno cyangwa mu kanwa k’umwana ;

    2º gushyira urugingo urwo arirwo rwose rw’umubiri w’umuntu mu gitsina, cyangwa mu kibuno cy’umwana ;

    3º gukora ikindi gikorwa cyose ku mubiri w’umwana hagamijwe ishimishamubiri. Iyo abihamijwe n’urukiko, ahanishwa igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25).

    Iyo gusambanya umwana byakorewe ku mwana uri munsi y’imyaka cumi n’ine (14), igihano kiba igifungo cya burundu kidashobora kugabanywa kubera impamvu nyoroshyacyaha.

    Iyo gusambanya umwana ufite cyangwa urengeje imyaka cumi n’ine (14) byamuteye indwara idakira cyangwa ubumuga, igihano kiba igifungo cya burundu.

    Iyo gusambanya umwana byakurikiwe no kubana nk’umugabo n’umugore, igihano kiba igifungo cya burundu kidashobora kugabanywa kubera impamvu nyoroshyacyaha.

    Iyo icyaha cyo gusambanya umwana cyakozwe hagati y’abana bafite niburaimyaka cumi n’ine (14) nta kiboko cyangwa ibikangisho byakoreshejwe, nta gihano gitangwa. Icyakora, iyo umwana ufite imyaka cumi n’ine (14) ariko utarageza ku myaka cumi n’umunani (18) asambanyije umwana uri munsi y’imyaka cumi n’ine (14), ahanwa hakurikijwe ibiteganywa mu ngingo ya 54 y’iri tegeko.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Gicumbi-Umugabo-ukekwaho-gusambanya-umwana-w-umuhungu-w-imyaka-9-yafatiwe-icyemezo-cyo-gufungwa

  • Nyuma yo kwisubiraho, Kwizera Olivier yasabye imbabazi #rwanda #RwOT

    Nyuma y’uko umunyezamu Kwizera Olivier yisubiyeho ku cyemezo cyo guhagarika umupira w’amaguru yari yafashe, yasabye imbabazi abanyarwanda abizeza ko amakosa menshi yari amaze iminsi akora atazayasubira.

    Kwizera Olivier ni umukinnyi ufite impano idashidikanywaho, gusa na none ni umwe mu bakinnyi bakunze gukora amakosa menshi mu bihe bitandukanye, byatumye agenda atakarizwa icyezere.

    Uretse gukora amakosa atuma ikipe itsindwa, benshi bamukuyeho amaboko ubwo yafungwaga tariki ya 4 Kamena 2021 akurikiranyweho gukoresha urumogi.

    Yaje gufungurwa muri Nyakanga ari nabwo yatangaje ko asezeye umupira w’amaguru burundu.

    Ku munsi w’ejo hashize ku wa Gatatu tariki ya 11 Kanama 2021, nibwo yemereye ISIMBI ko yisubiyeho kuri iki cyemezo.

    Uyu munsi abinyujije ku rukuta rwe rwa Instagram, yashimiye buri wese wamuhaye ubutumwa bumukomeza ndetse asaba imbabazi ku makosa amaze iminsi akora ko atazayasubira.

    Ati “nyuma yo kubitekerezaho, nafashe umwanzuro wo kugaruka mu kibuga nyuma gusezera. Nizera ko mfite byinshi byo gutanga yaba hanze y’ikibuga no mu kibuga, mu ikipe(club) ndetse no mu ikipe y’igihugu. Ndashimira buri wese wanyoherereje ubutumwa buntera imbaraga. Hari byinshi nakoze bitashimishije sosiyete nyarwanda, gusa ndabasezeranya ko bitazasubira ukundi, mwarakoze ku rukundo mwakomeje kungaragariza muri uri rugendo kuva ntangiye gukina umupira w’amaguru.”

    Nyuma yo kwisubiraho, bivugwa ko Kwizera Olivier ari ku rutonde rw’abakinnyi umutoza w’ikipe y’igihugu agomba kwifashisha mu mikino y’ijonjora ryo gushaka itike y’igikombe cy’Isi cya 2022 kizabera Qatar, Amavubi azakina na Mali na Kenya mu kwezi gutaha.

    Kwizera Olivier asabye imbabazi, yizeza abanyarwanda ko atazasubiramo amakosa yakoze

    Source : http://isimbi.rw/siporo/article/nyuma-yo-kwisubiraho-kwizera-olivier-yasabye-imbabazi

  • Inkuru nziza ku bakunzi b'Amavubi – YEGOB #rwanda #RwOT

    Ikipe y'igihugu y'U Rwanda Amavubi yazamutseho imyaka 10 ku rutonde ngarukakwezi rwa FIFA/Coca Cola.

    Kuri ubu Amavubi ari ku mwanya wa 127 ku isi izamutseho imyaka 10. Amavubi kandi kuri ubu ari ku mwanya wa 34 muri Africa.

    Amavubi ari ku mwanya wa 127 ku isi yose no ku mwanya wa 34 muri Africa

    Source : https://yegob.rw/inkuru-nziza-ku-bakunzi-bamavubi/