Webrwanda Backend

Blog

  • Abafana b’umupira w’amaguru bemerewe kugaruka ku kibuga #Rwanda #RwOT via @kigalitoday #rwanda #RwOT

    Mu gihe amwe mu ma Federasiyo arimo iya Volleyball ndetse n’iya Basketball zamaze guhabwa uburenganzira bwo kwinjiza abafana ku mikino mpuzamahanga bitegura mu minsi iri imbere, ubu no mu mupira w’amaguru bamaze guhabwa uburenganzira.

    Abafana b
    Abafana b’Amavubi bemerewe kuzareba umukino uzayahuza na Kenya

    Ubu burenganzira Ferwafa yamaze guhabwa na Minisiteri ya Siporo, ni ubwo kwemerera abafana kureba umukino uzahuza ikipe y’igihugu y’u Rwanda ndetse na Kenya mu gushaka itike y’igikombe kizabera muri Qatar.

    Mu kiganiro cy’imikino cya Televiziyo Rwanda cyabaye kuri uyu wa Gatanu,Minisitiri wa Siporo Munyangaju Aurore Mimosa, yatangaje ko Ferwafa yasabye ko abafana bakwemererwa kugaruka ku kibuga kandi bamaze kubaha ubwo burenganzira.

    Yagize ati “Twatangiye kwakira ubusabe bwa za federasiyo, na federasiyo y’umupira w’amaguru (FERWAFA) na bo twabonye ubusabe bwaho hirya y’ejo, tubwigaho. Inama twabagiriye cyangwa se igisubizo twari twabahaye ni uko abafana bazaba bahari ariko ingamba twashyizeho ni izituma Abanyarwanda tubarinda, umutekano wabo cyane cyane n’ubuzima bwabo.”

    Amavubi agiye kongera gukinira imbere y
    Amavubi agiye kongera gukinira imbere y’abafana

    Minisitiri Munyangaju kandi yavuze ko hari ibikiri gusuzumwa kugira ngo ingamba zo kwirinda COVID-19 zizakurikizwe

    Yakomeje agira ati “Icyo tutararangiza kwigaho dufatanyije hamwe, iby’ibanze byaremewe, ariko tugomba gushyiraho izo ngamba tuziganiriye na bo, zo kumenya ngo harajyamo abafana bangana gute? Ese Stade yakira abantu bangana gute? Ese barakoresha ubuhe buryo kuko urugero nko muri Arena [ya Kigali], barakoresha e-ticketing [kugura amatike hakoreshejwe ikoranabuhanga];”

    “Ese noneho kuri stade tuzakoresha ubwo buryo? Niba buhari abe ari bwo dukoresha kugira ngo dushyireho ingamba zose zishobora gutuma nta muntu ushobora kwandurira kuri stade cyangwa abe yahagirira ikibazo. Kuba ufite urukingo ntibivuze ko utarwara, ntibivuze ko utakwanduza.”

    Kugeza ubu amakuru aturuka muri Ferwafa avuga ko kugeza ubu nyuma yo guhabwa uburenganzira bwo kwakira abafana icyakurikiyeho ari ukubimenyesha FIFA nayo ikazaba uburenganzira bwa nyuma kuko ari yo itegura iyi mikino


    source : https://ift.tt/383XItk

  • Muhanga: Abahawe amashanyarazi ya Nyabarongo barifuza ko yakongererwa ingufu #Rwanda #RwOT via @kigalitoday #rwanda #RwOT

    Umuriro uva ku rugomero rwa Nyabarongo wageze ku batuye akagari ka Rwigerero, gusa bifuza ko wakongerwa ingufu
    Umuriro uva ku rugomero rwa Nyabarongo wageze ku batuye akagari ka Rwigerero, gusa bifuza ko wakongerwa ingufu

    Ababonye ayo mashayanyarazi bavuga ko n’ubwo bacana bagakorera ahabona bakaba baraciye ukubiri n’imyotsi y’udutadowa, banayabyaza umusaruro mu ishoramari nko kwigurira ibyuma bisya bakabasha kwinjiza amafaranga abaturage na bo bakabona iyo serivisi hafi.

    Umwe mu bacururiza ku gasante ka Rwigerero ucuruza ifu y’ubugari avuga ko nyuma yo kubona ayo mashanyarazi bategereje igihe kirekire bayumva ahandi, ubu bungutse igihe bakoreshaga bajya gushesha imyumbati kure kandi bakishyura ikiguzi cya mazutu ikoresha ibyuma.

    Agira ati “Ubu dufite inyungu nyinshi kuko yaba twebwe abacuruzi twahembaga abajya gushesha, ubwo ni na ko tuzamura ibiciro ku bakiriya bacu bikaba byatuma tutanagurisha neza n’uguze akagura ahenzwe bitewe no kutagira amashanyarazi ariko ubu cyarakemutse”.

    Yongeraho ati “Inyungu ya mbere ni uko tutagikora ingendo ndende tujya gushesha, ubu ikilo kimwe ni 250frw twongeragaho igihembo cya 20frw, twazana ifu tukagurisha 400frw. Ariko ubu turagurisha 350frw twarungutse n’abaturage barungutse, amasaha yo gukora na yo yariyongereye”.

    Icyakora abavuga ko iyo icyuma yisya cyatse usanga amatara y’abaturage ataka neza ahubwo ahumbaguza bakifuza ko ingufu zayo zakongerwa kugira ngo nihagira n’uzana ibikoresho byo kwagura ishoramari abashe gukora.

    Nzambaza Florent ufite icyuma gishya avuga ko mbere y’uko umuriro ugera mu kagari ka Rwigerero mu Murenge wa Mushishiro bakoraga urugendo rwa kilometero ebyiri, bari mu icuraburindi, abana biga nabi, ariko ibyo byabaye amateka kuko byose byakemuwe no kubona amashanyarazi.

    Avuga ko gukoresha mazutu byongeraga ikiguzi cyo gushesha kuko iyo bakoreshaga nk’iy’ibihumbi 30 ku kwezi, ubu bakaba bakoresha iy’ibihumbi bitarenze 10frw, abakaba bifuza ko ingufu z’umuriro ukiri muke zakongerwa.

    Agira ati “Tugira impungenge z’uko tuzanye irindi shoramari ryo kubaza no gusudira bitashoboka kuko umuriro utongerewe, iyo twakije icyuma kimwe amatara arahumbaguza bongeye ingufu z’amashanyarazi bya byiza kurushaho”.

    Umuyobozi w’Akarere ka Muhanga, Kayitare Jacqueline, avuga ko ubu umuriro uri kwegerezwa ahari ibikorwa remezo n’inyubako za Leta nko ku masoko, inyubako z’utugari n’imirenge, ndetse no kuwugeza mu baturage batari bawufite.

    Abacuruza ifu y
    Abacuruza ifu y’ubugari bavuga ko bagabanyije ibiciro kubera ko amashanyarazi yabagezeho

    Avuga ko ku murenge wa Mushishiro mu kagari ka Rwigerero amashanyarazi yahageze aturutse ku rugomero rwa Nyabarongo, kandi ko niba hari ingufu nke hagiye gushakwa uko zakongerwa kuko icya mbere ari ukuba uhagera.

    Agira ati “Umurenge wa Mushishiro uhagaze neza mu kugira umubare w’abagerwaho n’amashanyarazi kubera ruriya rugomero rwa Nyabarongo, nicyo kihitirwaga kuwuhageza naho kuba hagaragara ikibazo cy’ibikoresho bidatanga muriro uhagije ibyo byakurikinarwa na byo bigasimbuzwa icy’ingenzi ni ukuba icyo gikorwa remezo kihagera”.

    Kayitare avuga ko nibura ingo hafi 50% zifite umuriro w’amashanyarazi, harimo n’imirenge ikibona ayo mashanyarazi mu mirenge itayagiraga namba nk’uwa Kibangu.


    source : https://ift.tt/3sAKNbv

  • MINISPORTS yemereye abafana kongera kugaruka ku bibuga by'umupira w'amaguru #rwanda #RwOT

    Umukino uheruka kurebwa n'abafana n'uwabaye kuwa 14 Werurwe 2020 ubwo hatangazwaga ko hari umurwayi wa mbere wa COVID-19 wabonetse mu gihugu.

    Nyuma y'aho Guverinoma y'u Rwanda yahise ihagarika abafana kuza ku bibuga bya ruhago ariko ubu bashobora gukomorerwa kubera ko inkingo zabonetse ndetse hakaba hari amabwiriza azashyirwaho yo kwirinda.

    Mu kiganiro yagiranye na Televiziyo Rwanda ku wa Gatanu, Minisitiri wa Siporo, Munyangaju Aurore Mimosa, yatangaje ko bamaze kwemerera FERWAFA kugarura abafana kuri stade.

    Ati 'Twatangiye kwakira ubusabe bwa za federasiyo, na federasiyo y'umupira w'amaguru (FERWAFA) na bo twabonye ubusabe bwabo hirya y'ejo, tubwigaho. Inama twabagiriye cyangwa se igisubizo twari twabahaye ni uko abafana bazaba bahari,bemerewe, kubera ingamba twashyizeho ni izituma Abanyarwanda tubarinda, umutekano wabo cyane cyane n'ubuzima bwabo.'

    Minisitiri Munyangaju yashimangiye ko nubwo bamaze gutanga ubwo burenganzira bwo kugarura abafana ku kibuga, hakiri kwigwa uburyo bizakorwamo kuko bitandukanye no mu yindi mikino, aho Kigali Arena ifite uburyo bw'ikoranabuhanga bukoreshwa mu kugura amatike.

    Ati 'Icyo tutararangiza kwigaho dufatanyije hamwe, iby'ibanze byaremewe, ariko tugomba gushyiraho izo ngamba tuziganiriye na bo, zo kumenya ngo harajyamo abafana bangana gute? Ese Stade yakira abantu bangana gute? Ese barakoresha ubuhe buryo kuko urugero nko muri Arena [ya Kigali], barakoresha e-ticketing [kugura amatike hakoreshejwe ikoranabuhanga];'

    'Ese noneho kuri stade regional tuzakoresha ubwo buryo? Niba buhari abe ari bwo dukoresha kugira ngo dushyireho ingamba zose zishobora gutuma nta muntu ushobora kwandurira kuri stade cyangwa abe yahagirira ikibazo. Kuba ufite urukingo ntibivuze ko utarwara, ntibivuze ko utakwanduza.'

    Muri Volleyball na Basketball, aho u Rwanda rugiye kwakira amarushanwa ya mbere akomeye muri Afurika, abafana bemerewe kujya kureba imikino muri Kigali Arena, ni abipimishije COVID-19 kandi bafite ibisubizo byo mu masaha 48 bigaragaza ko ari bazima.

    Source : https://umuryango.rw/imyidagaduro/imikino/article/minisports-yemereye-abafana-kongera-kugaruka-ku-bibuga-by-umupira-w-amaguru

  • Amafoto y'abanyarwandakazi yatwitse kurusha ayandi muri iki cyumweru – YEGOB #rwanda #RwOT

    Muri iki cyumweru turimo kugana ku musozo, abanyarwandakazi batandukanye babinyujije ku mbuga nkoranyambaga bakoresha basangije ababakurikirana amafoto atandukanye. Hano twabakusanyirije amwe mu mafoto y'abanyarwandakazi yatwitse kurusha ayandi kuri instagram.

    1. Miss Nishimwe Naomie

    2. Miss Umwaliwase Claudette

    3. Shaddyboo

    4. Rosine Bazongere

    5. Martina Abera

    6. Miss Uwase Sangwa Odile

    7. Niyomubyeyi Noella (Fofo)

    8. Miss Umunyana Shanitah

    9. Miss Pamella Uwicyeza

    10. Miss Umukundwa Clemence (Cadette)

    Source : https://yegob.rw/amafoto-yabanyarwandakazi-yatwitse-kurusha-ayandi-muri-iki-cyumweru-4/

  • Miss Umunyana Shanitah yasoje amasomo ya Kami… – #rwanda #RwOT

    Uyu mukobwa ari mu banyeshuri 1 406 bahawe impamyabumenyi n'impamyabushobozi na Kaminuza ya UTB mu muhango wabaye hifashishijwe ikoranabuhanga ku wa Kane tariki 19 Kanama 2021.

    Shanitah wasoje amasomo y'igihe gito ajyanye n'ibyo gukora mu ndege, yashyize amafoto kuri konti ye ya Instagram amugaragaza mu mwambaro w'abasoje amasomo ya Kaminuza, n'andi ari kumwe n'abavandimwe be ndetse na Nyina. Shanitah yanditse avuga ko 'kwihangana bitera kunesha.'

    Mu kiganiro aherutse kugirana n'itangazamakuru, Prof.Dr. Kabera Callixte, Ph. D Umuyobozi Mukuru wa Kaminuza ya UTB, yavuze ko icyorezo cya Covid-19 cyadutse mu Rwanda muri Werurwe 2020, muri Gicurasi 2020 bitegura gutanga impamyabumenyi ku banyeshuri bari basoje amasomo, bituma basubika uwo muhango.

    Avuga ko byasabye ko bategereza kugira ngo bazakore uyu muhango bashingiye ku mabwiriza yo kwirinda Covid-19.

    Umuyobozi w'iyi Kaminuza yavuze ko ubushakashatsi baherukaga gukora mbere ya Covid-19 bugaragara ko 85% by'abarangiza amasomo yabo babona akazi.

    Akomeza ati 'Amakuru dufite ni amakuru ya mbere ya Covid-19 nabyo bigiye bitandukana. Iyo ufashe abiga 'Degree Program' muri aya mashami yose usanga abarenga 85% baba bafite akazi. Iyo ni imibare ya mbere ya Covid-19.'

    'Naho abiga muri gahunda y'Imyuga n'Ubumenyingiro barengaho gato 95% baba bafite akazi bakora.'

    Yavuze ko uretse ababona akazi, mu 2018 UTB yari ifite abanyeshuri 46 bashinze kompanyi bikorera ku giti cyabo. Avuga ko 'muri kompanyi 10 zikomeye mu Rwanda harimo ebyiri z'abanyeshuri bize muri UTB'.

    Avuga ko imyigishirize yo muri iyi Kaminuza, ariyo ituma umunyeshuri asoza amasomo ye azi neza kwiyandikira umushinga ubyara inyungu kandi akanawubonera abaterankunga.

    Uyu muyobozi yavuze ko ubukerarugendo ari kimwe mu byakomwe mu nkokora na Covid-19, ariko ko ashingiye ku ngamba ziri gufatwa bafite icyizere cy'uko abanyeshuri babo bazaba mu ba mbere bazahabwa akazi ku isoko ry'umurimo.

    Ati 'Uko ubukungu bugenda bwisubiranya butezwa imbere, izi ngamba zo guhashya icyorezo zishyirwa mu bikorwa turizera y'uko nanone abanyeshuri bacu bazaba mu ba mbere bazabona akazi ugereranyije n'izindi 'sector' cyane cyane ko ari imwe muri 'sector' Leta y'u Rwanda yagiye itera inkunga no muri iki gihe cya Covid-19.'

    Mu Ishami ry'Amahoteli n'Ubukerarugendo no muri 'Vocation Traing Program' abakobwa basoje amasomo barangana na 62% naho abahungu ni 38%.

    Mu ishami ry'Ikoranabuhanga n'Ubucuruzi harangije abakobwa 28% naho 72% ni abahungu.

    Umunyana Shanitah wabaye igisonga cya mbere cya Miss Rwanda 2018 yasoje amasomo ya Kaminuza Miss Shanitah yavuze ko 'kwihangana bitera kunesha' Shanitah n'abavandimwe be bishimira intambwe yateye mu buzima bwe Umunyana Shanitah yabaye Miss Supranational Rwanda 2019, ndetse ni we waserukiye u Rwanda muri Poland

    Source : https://inyarwanda.com/inkuru/108785/miss-umunyana-shanitah-yasoje-amasomo-ya-kaminuza-108785.html

  • Niyonizera akeneye abasemura filime ye Za Nd… – #rwanda #RwOT

    Kuri uyu wa 20 Kanama 2021, ni bwo Niyonizera abinyujije muri sosiyete yashinze yise Judy Entertainment Ltd yatangiye igikorwa cyo gushakisha abahanga mu ndimi bazamufasha gushyira mu Cyongereza n'Igifaransa filime ye.

    Filime 'Za Nduru' iri kuri Paji 250, ndetse ifite season 5 zigizwe na episode 12. Ishingiye ku bakinnyi babiri, aho umwe aba ari umuhanzi wakuriye mu buzima bwiza n'undi ufite impano ariko wahuye n'urucantege rw'igihe kinini.

    Mu bakinnyi b'imena muri iyi filime harimo Rwamukwaya Theoneste [Widdle] ahatanye mu irushanwa ry'umuziki The Next Pop Star, umuraperi Fight P [Moshi] na Judithe Niyonizera [Lena] washoye imari muri iyi filime akaba anayikinamo.

    Hari kandi Uwamahoro Phoebi [Cindy] wahatanye muri Miss Rwanda 2019, Irunga Longer, Habiyakare Muniru, Sibomana Daniel [Mabombe], Shaloom Mutabazi, Pamela Ikirezi [Kelia], Danon Fraterne Musoni [Clever].

    Mu kiganiro na INYARWANDA, Niyonizera Judith yavuze ko amaze iminsi mu biganiro na Televiziyo Mpuzamahanga zimusaba gushyira mu Cyongereza no mu Igifaransa filime ye 'Za Nduru' kugira ngo babone kujya bayerekana.

    Uyu mugore yavuze ko byatumye yiyemeza gushaka abazamufasha gushyira iyi filime mu ndimi z'amahanga.

    Akomeza ati 'Twabonye ubusabe bwinshi kuri Televiziyo zo hanze zitandukanye badusaba ko twayishyira mu rurimi rw'Icyongereza no mu Igifaransa. Turasaba umuntu wese waba uzi neza izi ndimi kutwegera.'

    Niyonizera Judith yavuze ko gushaka gushyira filime ye mu ndimi z'amahanga (Dubbing), ari nabyo byatumye atakiyitambutsa kuri Youtube. Avuga ko mu minsi iri imbere azatangaza aho iyi filime izajya igaragara.

    Uyu mugore ubarizwa muri Canada yashimye abantu bose bakunze iyi filime, avuga ko bakomeje guharanira kuyivugurura bijyanye n'ibyifuzo by'abantu bayireba.

    Ati 'Abantu bayakiriye neza cyane mu buryo ntari niteze nanabashimira cyane abayirebye, abatayireba nabo nkaba mbashishikariza kuyireba. Kuko ni filime yakoranywe ubuhanga yaba mu mashusho, yaba amajwi, yaba abakinnyi ni abahanga, ibintu byose ni byiza.

    Niyonizera yavuze ko bitewe n'ubusabe bwa Televiziyo Mpuzamahanga, byatumye iyi filime atakiyitambutsa kuri Youtube 

    Niyonizera ari gushaka abazamufasha gushyira mu ndimi z'amahanga filime ye yise 'Za Nduru'  

    Iyi filime y'uruhererekane 'Za Nduru' itambuka kuri Tv10

    REBA HANO AGACE GAHERUKA NYUMA KA FILIME 'ZA NDURU' YA NIYONIZERA JUDITH

    “>

    Source : https://inyarwanda.com/inkuru/108782/niyonizera-akeneye-abasemura-filime-ye-za-nduru-kugira-ngo-itambuke-kuri-televiziyo-mpuzam-108782.html

  • Nizzo yatangaje umujyanama we ateguza Album – #rwanda #RwOT

    Yamugaragaje kuri uyu wa Gatanu tariki 20 Kanama 2021, ubwo yasinyaga amasezerano ya miliyoni 20 Frw yo kwamamaza ikinyobwa K. Vant mu gihe cy'umwaka umwe.

    Mu kiganiro n’itangazamakuru, Nizzo yavuze ko afitanye imikoranire ihoraho na Baributsa Rodrigue bitari kuri iyi kontaro yasinye nk'umuhanzi ku giti cye.

    Yavuze ko Rodrigue ari 'umuntu dukorana mu buzima busanzwe' ku bw'akazi biyemeje, kandi ko ari amahirwe kuri benshi kuba bamenye umujyanama we.

    Baributsa yavuze ko ahagarariye sosiyete y'umuziki ya Urban Music Group inabarizwamo umuhanzi Nizzo. Avuga ko bashimira abahagarariye ikinyobwa K. Vant bahisemo ko bakorana, kandi biteguye gusohoza neza inshingano.

    Uyu mujyanama yavuze ko bazakora uko bashoboye bakamamaza iki kinyobwa. Avuga ko atatinya kuvuga ko Nizzo ari umuhanzi mpuzamahanga wabashije kujya mu bihugu bitandukanye byo ku Isi, kandi akahakorera ibikorwa bitandukanye birimo n'amashusho meza y'indirimbo.

    Baributsa yavuze ko imbaraga zamushoboje ibyo ntaho zagiye, kandi ko n'impano ye igityaye. Avuga ko icyerekezo bihaye ari uko Nizzo agera kure hashoboka.

    Ndetse ko hari byinshi bari gutegura birimo na Album ya Nizzo igomba gusohoka mu minsi iri imbere.

    Asaba abantu kubashyigikira mu rugendo rw'umuziki wabo n'ibindi. Ati 'Ibyiza biri imbere. Hari amatunda meza ari imbere, mutegereze.'

    Nizzo yatangaje ko Baributsa Rodrigue ari we mujyanama we mu muziki Baributsa yavuze ko hari Album y'indirimbo ya Nizzo bazasohora mu minsi iri imbere

    Source : https://inyarwanda.com/inkuru/108784/nizzo-yatangaje-umujyanama-we-ateguza-album-108784.html

  • Rutahizamu Jacques Tuyisenge yasabye aranakwa #rwanda #RwOT

    Rutahizamu wa APR FC n’Amavubi, Jacques Tuyisenge yasabye anakwa Musiime Recheal Jordin bari basanzwe babana.

    Ni umuhango wabaye ku munsi w’ejo hashize ku wa Gatanu tariki ya 20 Kanama 2021 ubera mu Karere ka Kicukiro mu murenge Ndera.

    Nyuma y’uyu muhango bakaba bahise berekeza mu Burengerazuba bw’u Rwanda mu Karere ka Rubavu ahagomba kubera indi mihango yose y’ubukwe isigaye.

    Ikaba iri bube uyu munsi ku wa Gatandatu tariki ya 21 Kanama 2021 aho bari busezerane imbere y’Imana hanabeho umuhango wo kwiyakira ku bantu bake batumiwe nk’uko amabwiriza yo kwirinda icyorezo cya Coronavirus abiteganya.

    Tariki ya 18 Gashyantare 2021, Jacques Tuyisenge na Jordon bari basezeranye imbere y’amategeko, ndetse ubukwe bwabo buba bwarabaye muri Gashyantare ariko kubera icyorezo cya Coronavirus leta yahise ihagarika ubukwe ntibwaba.

    Nyuma yo gukora ubukwe, bitetanganyijwe ko Jacques Tuyisenge ejo ku Cyumweru azarara mu mwiherero w’ikipe y’igihugu Amavubi akomezanye n’abandi kwitegura imikino ibiri yo mu itsinda E mu gushaka itike y’igikombe cy’Isi Amavubi azakinamo na Mali tariki ya 1 Nzeri na Kenya tariki ya 5 Nzeri.

    Jacques Tuyisenge n’abari bamwambariye

    Source : http://isimbi.rw/siporo/article/rutahizamu-jacques-tuyisenge-yasabye-aranakwa

  • Ihere ijisho Shalon umukobwa ukozeho ibyamamare! 3 barafunzwe, Kwizera Olivier yirukanwa mu mwiherero(AMAFOTO) #rwanda #RwOT

    Manzi Shalon, ni izina ririmo kuvugwa cyane mu myidagaduro, ni nyuma y’uko abahanzi babiri bafunzwe kubera we, none n’umunyezamu w’ikipe y’igihugu Amavubi, Kwizera Olivier akaba yasezerewe mu mwiherero kubera ikiganiro yaraye agiranye n’uyu mukobwa kuri Instagaram.

    Shalon Manzi uzwi nka Shazz.91 ku mbuga nkoranyambaga, bwa mbere yumvikanye mu myidagaduro ubwo hafungwaga abahanzi Kevin Kade, Davis D n’umufotozi Habimana Thierry kubera we.

    Hari muri Mata 21, Habimana Thierry yafunzwe azira kuba yarasambanyije Shalon tariki ya 19 Mata 2021 ubwo yamutahagana bavuye mu birori ngo agiye kumucumbikira kuko amasaha yari yabafashe, bararanye ku buriri bumwe, ibyo byose bikaba ataruzuza imyaka y’ubukure.

    Davis D yaregwaga icyaha cy’ubufatanyacyaha mu gusambanya uyu mwana utarageza imyaka y’ubukure(icyo gihe niko byavugwaga) aho byabereye iwe mu rugo bigakorwa na Kevin Kade, ngo uyu mukobwa akihagera Davis D yarasohotse abaha rugari, byabaye tariki ya 18 Mata 2021.

    Yongeye kugaruka mu itangazamakuru mu ntangiriro z’uku kwezi aho yagaragaye mu mashusho y’indirimbo ya Jules Sentore yitwa 'Iyizire’, uyu muhanzi yatangiye kuvugirwaho n’abantu bamubwira ko yakoresheje umwana utarageza imyaka y’ubukure ko nareba nabi ari bufungwe.

    Shalon Manzi yakoze mu mitwe ya benshi nyuma y’uko Kwizera Olivier baraye bagiranye ikiganiro cya 'Live’ kuri Instagram yirukanwe mu mwiherero w’Amavubi yarimo, ni mu gihe bitegura imikino 2 yo gushaka itike y’igikombe cy’Isi cya 2022 u Rwanda ruzakinamo na Mali na Kenya mu kwezi gutaha.

    Shalon yakozeho Kwizera Olivier yirukanwa mu mwiherero

    Davis D(ibumoso) na Kevin Kade(iburyo) baherutse gufungwa bazira uyu mukobwa

    Shalon Manzi umukobwa ushinjwa kugwisha ibyamamare mu mutego

    Ni umukobwa wavuzwe cyane guhera muri Mata uyu mwaka

    Ateye neza ubanza ari nabyo bituma guhakanira ibi byamamare bigorana

    Abagera kuri 4 bamaze kwisanga mu bibazo kubera we

    Ni umukobwa wavugishije benshi ubwo bavugaga ko atarageza imyaka y’ubukure

    Shalon Manzi bamwe batangiye kugirwa inama yo kuba bamugendera kure

    Source : http://isimbi.rw/imyidagaduro/article/ihere-ijisho-shalon-umukobwa-ukozeho-ibyamamare-3-barafunzwe-kwizera-olovier-yirukanywe-mu-mwiherero-amafoto

  • Amb Joseph Habineza wabaye Minisitiri yitabye Imana – #rwanda #RwOT

    Amakuru yizewe agera kuri IGIHE, avuga ko yarari kwivuriza i Nairobi muri Kenya, akaba yitabye Imana kuri uyu wa 20 Kanama 2021, nyuma y’iminsi ibiri ashyizwe mu bitaro.

    Mu cyumweru gishize, Joe Habineza yari yavuganye na IGIHE ubwo yizihizaga imyaka 33 arushinze. Yavuze ko yishimiye kuba amaze iyi myaka yose abana n’umugore we.

    Yagize ati “Iyi myaka isobanuye ibintu byinshi cyane, ariko iby’ingenzi ni ugukundana no kwihanganirana!”

    Habineza Joseph yavukiye mu Karere ka Kamonyi mu Ntara y’Amajyepfo tariki 3 Ukwakira 1964. Nubwo yamenyekanye muri Politiki, mbere yaho yabanje gukora mu bigo bitandukanye byigenga.

    Joseph Habineza yakoreye uruganda rwa Heineken i Kinshasa, mu 1994-1998, ndetse aza no kuba Umuyobozi ushinzwe ikoranabuhanga muri Heineken muri Nigeria, mu 1998-2000.

    Yatangiye imirimo ya politiki mu Rwanda mu mwaka wa 2004 ubwo yari avuye muri Nigeria, ahita agirwa Minisitiri w’Urubyiruko, Siporo n’Umuco icyo gihe bikaba byari bigikomatanyijwe.

    Muri 2008, igice cy’urubyiruko cyahawe minisiteri ukwayo ariko Habineza akomeza kuyobora iyiswe icyo gihe Minisiteri ya Siporo n’Umuco kugeza muri 2011 ubwo yeguraga.

    Muri 2008, igice cy’urubyiruko cyahawe minisiteri ukwayo ariko Habineza akomeza kuyobora iyiswe icyo gihe minisiteri y’Umuco na Siporo kugeza muri 2011 ubwo yeguraga.

    Nyuma yaje guhabwa inshingano nshya zo guhagararira u Rwanda muri Nigeria na Ghana.

    Ku wa 24 Nyakanga 2014 yongeye kugaruka muri Guverinoma yari iyobowe na Anastase Murekezi nka Minisitiri w’Intebe; asubira na none ku kuba Ministeri w’Umuco na Siporo, umwanya yamazeho iminsi 183 kuko ku gicamunsi cyo ku wa 24 Gashyantare 2015 yasimbujwe.

    Mu Ugushyingo 2016, Ambasaderi Joe Habineza yatangiye kwikorera ku giti cye, akora ubucuruzi bwa makaroni yahaye izina rya ‘Pasta Joe’ zakorwaga n’uruganda rwo mu Misiri rwitwa ‘Antoniou’.

    Mu 2019 yagizwe umuyobozi Mukuru wa Radiant Yacu Ltd, ikigo cy’ubwishingizi cyihaye intego yo gufasha n’ababukeneye ariko bafite amikoro aciriritse. Uwo mwanya yawuvuyeho muri Kanama 2020.

    Joseph Habineza ubwo yarahiriraga inshingano nka Minisitiri w’Umuco na Siporo mu 2014

    Joseph Habineza ni umwe mu bayobozi bakundaga gusabana no kuganira n’urubyiruko cyane

    Aha ni mu 2014 ubwo Joseph Habineza yasubizwaga muri Guverinoma

    Joseph Habineza abamuzi neza bavuga ko yari umuntu urangwa n’urugwiro

    Mu 2013 ubwo Joseph Habineza yaganiraga na Perezida Kagame, aho bari bitabiriye umwiherero w’abayobozi bakuru

    Ambasaderi Habineza ubwo yaganiraga n’itangazamakuru muri Village Urugwiro

    Aha ni mu mwaka wa 1988 ubwo Joseh Habineza yakoraga ubukwe

    Iyi ni ikipe ya Electrogaz Volley-ball club mu 1989 ubwo bari bari kuri Stade Nyamirambo de Kigali ( Uhereye inyuma ibumoso ugana iburyo hai: Antoine Sebalinda, Joe Habineza, Kagabo, Sosthene, Coach Jean Paul, Karirima Aimable, Rudandi, Kayumba & Nkusi Gérard)

    Guhera mu buto bwe, Habineza yari umuntu uha abato n’abakuru umwanya, abakene n’abakize babanaga

    Ambasaderi Habineza yitabye Imana nyuma y’igihe gito yizihije isabukuru y’imyaka 33 amaranye n’umugore we

    Aha Ambasaderi Habineza n’umuryango we bari kumwe na Perezida Kagame

    source : https://ift.tt/3y5jDe7