Webrwanda Backend

Blog

  • Dore ubundi buzima muri Kigali #Rwanda #RwOT via @kigalitoday #rwanda #RwOT

    Uyu aratera umuti inyanya ahinga
    Uyu aratera umuti inyanya ahinga

    Umudugudu wa Kanyinya mu Kagari ka Ruhango mu Murenge wa Gisozi w’Akarere ka Gasabo, uri ahegereye igishanga cya Nyabugogo bakunze kwita ku Isiyacyenda, bitewe no kugira abaturage bamwe bifata nk’abatuye ku yindi si kuko bicuruza cyangwa bakoresha ibiyobyabwenge.

    Muri rusange ariko umwihariko wa Kanyinya (Isiyacyenda), ni uko nta modoka cyangwa moto zigerayo, ubuzima bwaho bukaba buteye nk’ubwo mu cyaro kuko batunzwe n’ubuhinzi n’ubworozi.

    Ahinga imboga agahaza umuryango akanagurisha zikamwinjiriza
    Ahinga imboga agahaza umuryango akanagurisha zikamwinjiriza

    Hari abadashobora kubona ifunguro bakwiririrwa cyangwa bararira mu gihe baba batagiye kuvoma mu kabande, gutashya inkwi, guhinga, kwahira ubwatsi bw’amatungo cyangwa kujya kuyaragira.

    Uretse ibisheke usanga benshi bagenda bavovorera mu nzira, abatuye ku Isiyacyenda ntabwo bahaha imineke, imboga cyangwa ngo barye mushikaki (brochette) z’ihene bavuye kugura ahandi, kuko ibyinshi barabyifitiye.

    Ushaka gusura Isiyacyenda agenda ku manywa kugira ngo yirinde abambuzi bitwa Abamarine, akanyura mu Gatsata hafi yo ku magaraji akambuka igishanga cya Nyabugogo, agahingukira ku mirima y’ibisheke, imboga n’urutoki mbere yo kugera mu ngo z’abaturage ku musozi uhanamye wa Gisozi.

    Muri Kigali borora amatungo magufi
    Muri Kigali borora amatungo magufi

    Udukunda Angelique w’imyaka 50 watuye ku Isiyacyenda mu myaka 23 ishize, avuga ko atunzwe n’ubuhinzi bw’imboga bumuhesha ibyo bafungura mu rugo, ariko akabasha no gusagurira isoko, ndetse akaba ari n’umworozi w’amatungo magufi.

    Udukunda agira ati “Abafite ubushobozi borora amatungo nk’ihene, inkoko, inkwavu, bakanahinga urutoki rw’imineke aho ushobora kugura ine ku mafaranga 100, bayiranguza abazunguzayi, ariko n’ibishyimbo, ibigori n’ibisheke turabihinga, ndetse n’izo mboga ziboneka hafi bakazigurisha zikabaviramo umusaruro”.

    Uwitwa Musabyimana Pauline twasanze ahetse ipompo arimo gutera umuti wica udukoko mu murima w’inyanya, avuga ko ubuhinzi ari umwuga utanga umusaruro kurusha myinshi imenyerewe muri uyu Mujyi wa Kigali.

    Mu murima we w’intambwe 15 kuri 25 yahinzemo inyanya zimuhesha amafaranga arenze ibihumbi 150 mu mezi atatu zimara kugira ngo zere, umuntu akaba yabigereranya n’igihembo cy’amafaranga nibura 1,000 ku munsi kandi aba yavanyemo izo bafungura mu rugo.

    Hirya gato na ho ahafite akarima k’idodo ahora asaruramo buri cyumweru izo agurisha nyuma yo kugaburira abagize urugo rwe.

    Musabyimana agira ati “Nirirwa mu murima nta kandi kazi mfite, kandi muri dodo nsaruramo nibura amafaranga ibihumbi birindwi buri cyumweru mu gihe cy’amezi atatu, nkongera guhinga izindi ngategereza ko zera nyuma y’ukwezi kumwe. I Kigali turahinga, uwifuza akazi araza akirirwa ahinga kugera saa sita agacyura amafaranga 1,500Frw”.

    Minisiteri y’Ubuhinzi n’Ubworozi MINAGRI ivuga ko mu bishanga by’i Kigali bitegereye imigezi minini abaturage bemerewe guhingamo, harimo icya Kabuye-Nyacyonga, Nyabugogo (mu gice cyo haruguru), UTEXRWA, Kami, Masaka na Nyandungu (kuva ruguru kugera kuri Hotel La Palisse).

    Umuyobozi mu Kigo giteza imbere Ubuhinzi n’Ubworozi (RAB) ushinzwe ishami rya Ruburizi, Norbert Sendege agira ati “Umusaruro w’imboga uva muri biriya bishanga (by’i Kigali) ushobora guhaza abatuye uyu mujyi ku rugero rwa 55-60%”.

    Hari ahameze nko mu cyaro
    Hari ahameze nko mu cyaro

    Sendege avuga ko hari amahirwe y’ishoramari mu by’imboga abaturage b’i Kigali batangiye kungukira ku bantu bava hanze y’Igihugu baje kubafasha guhinga ibyoherezwa mu mahanga, cyangwa ibigurishwa ku masoko y’i Kigali.

    source : https://ift.tt/3kc8CCN

  • Kurya inzara bifitanye isano n’uburwayi bwo mu mutwe – Impuguke #Rwanda #RwOT via @kigalitoday #rwanda #RwOT

    Ikigaragara akenshi ni uko umuntu ufite icyo kibazo ahorana ubwoba, ari byo mu Gifaransa bita ‘Anxiété’.

    Jean Michel Iyamuremye, inzobere mu buvuzi bwo mu mutwe bukoresheje ibiganiro, avuga ko ubwo bwoba akenshi butuma umuntu agira ibintu runaka akora iyo ubwo bwoba bumurimo.

    Ati “Iyo umuntu afite ubwoba atazi ikibutera akora byinshi birimo kurya inzara, guhekenya amenyo, kwipfura imisatsi, guca imyenda n’ibindi”.

    Iyamuremye avuga ko iyo umuntu arimo kurya inzara akenshi bituma asa nk’aho arimo kurwanya bwa bwoba bikagera ubwo yica ibisebe.

    Uko byorohera umuntu kurya inzara rimwe na rimwe hari ighe bitangira akiri umwana akabikurana cyangwa se bikaza akuze. Akenshi bigirana isano n’uburyo umuntu yabayeho akiri umwana.

    Ati “Uburyo umwana abaho akiri muto bugira ibice bitandukanye, aho ashyira byose mu kanwa, hakaba igice umwana yibanda ku isuku, igice gikuru umwana atangira kwita ku gitsina nk’abantu bakuru nyuma akaza kujya mu gice cyo gukina. Iyo umwana yabaye mu gice cyo gushyira byose mu kanwa ababyeyi babanye nabi, umuryango ufite ibibazo, umwana ntibimugwa neza. Iyo amaze kuba ingimbi cyangwa umwangavu ashaka kongera kuba muri bya bice by’ubwana ariko nk’umuntu mukuru, aho usanga ashaka kunywa itabi, inzoga n’ibindi mbese ashaka ibyo ashyira mu kanwa”.
    Iyamuremye akomeza avuga ko uwaciye muri cya gice neza cy’ubwana akura neza bisanzwe, ariko uwanyuze muri icyo gihe nabi usanga ashaka ibyo ashyira mu kanwa birimo n’inzara arimo guhangana n’ubwoba buri muri we atazi aho buturuka, maze agahitamo guhangana na bwo ashyira intoki mu kanwa.

    Kurya inzara bigira ingaruka zirimo kwica ibisebe, kwigaya, kugira indwara z’agahinda bitewe n’uko abona adasanzwe no kugira indwara runaka bitewe n’ibisebe (Infection) mu nzara.

    Iyamuremye Jean Michel avuga ko kurya inzara ari uburwayi bugereranywa n’ubwo mu mutwe, buvurwa na muganga mu buryo butandukanye.

    Kurya inzara bigera aho umuntu acika ibisebe ku ntoki
    Kurya inzara bigera aho umuntu acika ibisebe ku ntoki

    Avuga ko ubuvuzi bwa mbere ari ukumenya icyo kibazo, nko gusiga inzara irangi ryabugenewe (verini) kuko iyo agiye kuzirya ahita abona ko atari inzara nyazo akabireka.

    Avuga kandi ko hari abo bagira inama yo kwambara akantu mu ntoki ku buryo kamutangira igihe ashatse gushyira inzara mu kanwa.

    Iyamuremye asaba abantu babana n’abafite ibyo bibazo byo kurya inzara, kutabaha akato cyangwa ngo bababwire nabi kuko na bo ubwabo baba batazi gitera ikibimutera.

    Yongeraho ko n’ubwo akenshi abarya inzara bakamira zikajya mu nda nta bushakashatsi na bumwe buragaragaza ko izo nzara zatera ikibazo mu nda no ku buzima bwa muntu muri rusange, bitewe na aside ibamo.


    source : https://ift.tt/3j21sBQ

  • Umunyezamu Kimenyi Yves n’abo bafatanwe baricuza amakosa bakoze #Rwanda #RwOT via @kigalitoday #rwanda #RwOT

    CP Kabera arababaza impamvu bagenzi babo batarimo gushaka kwishyikiriza polisi ngo bisobanure
    CP Kabera arababaza impamvu bagenzi babo batarimo gushaka kwishyikiriza polisi ngo bisobanure

    Kimenyi yabitangarije kuri sitasiyo ya polisi ya Rwezamenyo mu Karere ka Nyarugenge, kuri uyu wa Gatandatu tariki 21 Kanama 2021, ubwo we na bagenzi be barimo Ingabire Habiba wigeze kuba miss supernatural 2017, Mutesi Fiona, Umutoni Deborah hamwe na Manzi Yvette berekagwa itangazamakuru.

    Kimenyi yafashwe ku itariki 18 Kamana 2021 nyuma y’amafoto yasakaye ku mbuga nkoranyambaga yeberekanaga bari mu birori bavuga ko byari ibyo kwitegura umwana wabo w’imfura na Muyango Claudine (Baby Shower), ariko bikaba byarakozwe mu buryo butubahirije amabwiriza yo kwirinda icyorezo cya Covid-19.

    Uyu munyezamu w’ikipe y’igihugu ndetse na Kiyovu sports, avuga ko yicuza kuba yagaragaye imbere y’itangazamakuru yambaye amapingu.

    Ati “Ndicuza kuba ndi imbere yanyu nambaye amapingu, ntanga ubutumwa nk’ubungubu. Ntabwo ari ikintu cyiza kandi nakabaye ntanga ubundi butumwa buri ‘positive’, urumva ko ari ikintu kibi ntagombye kuba ngaragaramo”.

    Kimenyi umaze kumenyekana cyane muri ruhago yo mu Rwanda avuga ko kuba yagaragara mu bikorwa bigayitse byo kutubahiriza gahunda za Leta, ari urucantege ku bijyanye n’umwuga we, gusa ngo nyuma yabyo agomba guhinduka.

    Ati “Ntibyabura kugira ngo ufate iminsi itanu ufunze umere gutya hanyuma utange indi shusho hanze, uko biri kose hari ikigabanuka ariko umuntu aba agomba guhita yegura umutwe nyine agashaka uko azongera gutanga ubutumwa bwiza no kwereka abantu ko yahindutse”.

    Ingabire Habiba wabaye miss supernatural 2017, avuga ko bakoresheje ibirori by’inshuti yabo yitegura kubyara batazi ko bitemewe.

    Ati “Nicuza ko nagiye mu birori ntazi neza ko bitemewe, ntabwo bizongera. Ubutumwa binsigiye kandi byasigira n’abandi ni uko dukwiye gukurikiza amabwiriza abayobozi bacu batubwira kandi tukirinda kugwa mu ikosa”.

    Umuvugizi wa Polisi y’u Rwanda, CP Jonh Bosco Kabera, avuga ko abafashwe bari barenze ku mabwiriza yo kwirinda Covid-19 ariko ngo hari n’abandi bataraboneka.

    Ati “Murabona ko hari batanu, hari batatu bakomeje kwihisha ariko icyo twavuga ni uko iyo wiyemeje kwica amabwiriza ukica amategeko uba wiyemeje nta mpamvu yo kwihisha polisi cyangwa gutinya y’uko igufata kubera ko ni byo uba wahisemo, kuko ubizi neza ko polisi ari urwego rushinzwe kugenzura iyubahiriza ry’ayo mabwiriza no gucunga umutekano w’abantu ndetse no kubahiriza amategeko”.

    Ati “Aba batatu batari baboneka tuzi amazina yabo, tuzi n’aho batuye kuhihisha cyangwa kwihisha ahandi ntabwo bibakuraho amakosa bakoze, twabagira inama y’uko baza bakisobanura”.

    Uretse kuba Kimenyi Yves ari umunyezamu w’ikipe y’igihugu na Kiyovu sports, yanakiniye amakipe nka APR FC na Rayon Sports.


    source : https://ift.tt/2Wawo9V

  • Ndicuza kuba ndi imbere yanyu nambaye amapingu – Kimenyi Yves weretswe itangazamakuru ari kumwe na Ingabire Habibah #rwanda #RwOT

    Umunyezamu wa Kiyovu Sports, Kimenyi Yves nyuma gufatwa na polisi akurikiranyweho kurenga ku mabwiriza ya Coronavirus n’abandi bantu batanu bari mu birori byo kwitegura umwana we n’umukunzi we bagiye kwibaruka(Baby Shower), beretswe itangazamakuru.

    Ku wa Gatatu tariki ya 17 Kanama nibwo hagiye hanze amashusho y’iki kirori cyari cyakorewe Kimenyi Yves n’umukunzi we Uwase Muyango Claudine bitegura kwibaruka imfura yabo.

    Ni ikirori byagaragaraga ko kirimo abantu benshi mu gihe gukoresha ibirori bitemewe muri iki gihe kubera ingamba zo kwirinda icyorezo cya Coronavirus.

    Nyuma y’uko amashusho agiye hanze, Polisi ikaba yarabakurikiranye maze tariki ya 19 Kanama yemeza ko yafashe Kimenyi Yves ariko n’abandi bagishakishwa.

    Mu bandi bafashwe harimo na Ingabire Habibah witabiriye Miss Rwanda 2017 na Miss Supranational 2018.

    Abafashwe bose bagera kuri 5 Polisi ikaba ivuga ko hasigaye abandi 3 kuko bose bageraga ku 8.

    Kimenyi Yves akaba yabwiye itangazamakuru ko yicuza kuba ari imbere y’itangazamakuru yambaye amapingu atanga ubutumwa bw’uko yananiranye yakabaye atanga ubundi bwubaka sosiyete nyarwanda.

    Ati “ni surprise ya Baby Shower bakoreye Muyango yo kugira ngo twitegura umwana wacu, twisanga twarenze ku mabwiriza haje abantu. Ndicuza kuba ndi imbere yanyu nambaye amapingu ntanga ubutumwa nk’ubu ng’ubu nakabaye hari ubundi butumwa bwiza nakabaye ntanga.”

    Ingabire Habibah yavuze ko yishe amategeko atabizi kuko yari azi ko ingamba zorohejwe hakaba hari ibirori byemewe, rero akaba yaraje gusanga yaribeshye, gusa ngo we yari afite icyemeo cy’uko yipimishije Coronavirus.

    Umuvugizi wa polisi wa y’u Rwanda, CP John Bosco yasabye urubyiruko kwirinda kugwa mu mutego bakarenga ku mabwiriza yo kwirinda icyorezo cya Coronavirus.

    Ibi birori bikaba byarabereye Kicukiro i Kanombe aho Kimenyi Yves na Muyango Claudine.

    Kimenyi Yves ngo aricuza ibyabaye byose

    Ingabire Habibah yavuze ko yari azi ko amabwiriza yorohejwe

    Uko ari batanu beretswe itangazamakuru

    Source : http://isimbi.rw/imyidagaduro/article/ndicuza-kuba-ndi-imbere-yanyu-nambaye-amapingu-kimenyi-yves-weretswe-itangazamakuru-ari-kumwe-na-ingabire-habibah

  • Christopher yahishuye uko KNC yamukubitiye urushyi mu modoka #rwanda #RwOT

    Umuhanzi Muneza Christopher uzwi nka Christopher yavuze ko akiri muri Kina Music yakubiswe na nyiri Radio&TV1 ,Kakooza Nkuriza Charles uzwi cyane nka KNC amuziza kumusuhuza atamureba.

    Mu kiganiro uyu muhanzi yahaye ikinyamakuru ISIMBI dukesha iyi nkuru, Christopher yavuze ko atari azi KNC, yamusanganye na Patrick Nyamitari amushyiriye Flash, amusuhuza atamureba undi ahita amukubita urushyi.

    Ati 'KNC ambabarire nta kintu mpfa na we nta n'ubwo nari muzi, ubundi uko byagenze, nari nk'iri muri Kina Music hari ibibazo twari turimo gukemura hano UTC.

    Patrick Nyamitari yari yaragiye muri Tusker Project Fame, sinibuka ibintu ukuntu byagenze gusa ntabwo nari ntwaye imodoka yanjye nari ntwaye imodoka ya Clement, arampamagara ambwira ko hari flash iri mu modoka Patrick Nyamitari aje kuyifata aho nari ndi UTC, njya mu modoka njya gufata flash nyishyira Patrick Nyamitari.'

    'Nsanga ari kumwe n'umutipe w'umupapa ntazii, yambaye aga t-shirt k'icyatsi, ndaza nsuhuza uwo mutipe ariko mfite ibintu byinshi cyane byo kubwira Patrick Nyamitari, uburyo yaririmbye, noneho uwo mutipe musuhuza ntamureba, ewana yahise ankubita urushyi ku kaboko, ndumirwa.Akimara kunkubita, naramubwiye nti hari ukuntu ibi bintu wari kubimbwira nkakumva.Sinabigira birebire.Byarambabaje.'

    Yakomeje ati 'Nahise nsubira mu nama nsanga abandi,nonehoTom[Close] andebye abona habyimbye arambaza ubaye iki? Nti hari umutipe unkubise, ati tugende umunyereke, Tom na Clement baba barahagurutse ngo bagiye kureba umuntu ukubise umwana, tuba turagiye na TMC na Platini.Tom arambaza ngo ni inde, nti ni uriya wambaye t-shirt y'icyatsi, bati ni KNC ntumuzi, bahita bamubaza kuki ukubita umwana, aho niho yankoreye mu mutwe,avuga ati ” Ndabizi ko namukubise, nakongera nkanamukubita, noneho aba ankoze mu mutwe numva namurya igipfunsi, David Bayingana aramfata bahita banyinjiza mu modoka,bati “genda”.'

    Umuhanzi Christopher yahakanye ko atigeze akundana na Miss Akiwacu Colombe gusa ngo basanzwe ari inshuti cyane kugeza ubwo bananirwa guhakana ibyavugwaga hanze.

    Umuhanzi Muneza Christopher wari umaze umwaka adasohora indirimbo yashyize hanze iyitwa Mi Casa.

    Source : https://umuryango.rw/imyidagaduro/umuziki/article/christopher-yahishuye-uko-knc-yamukubitiye-urushyi-mu-modoka

  • AMAKURU MASHYA : Ingabo z’u Rwanda ziri muri Mozambique zifashe akandi gace kari ibirindiro by’ibyihebe #rwanda #RwOT

    Ni nyuma y’igihe gito, ziriya nyeshyamba zikuwe mu birindo byazo muri kariya gace ka Mocimboa da Praia aho zahise zihungira hariya Mbau.

    Ku wa Gatanu w’iki Cyumweru nibwo igikorwa cyo gufata ako gace cyagezweho nyuma y’imirwano yari ihamaze iminsi. Yahereye mu bice bya Chinda n’ahandi.

    Ingabo z’u Rwanda zateye muri ako gace ziturutse Mocimboa da Praia izindi ziturutse Mueda.

    Kuri uyu wa Gatanu mbere y’uko zinjira Mbau, mu bilometero bitanu ni ho zatangiriye imirwano, zihahura n’ibyihebe biri hagati ya 80 na 100 habera imirwano ikomeye yarangiye ibyo byihebe bikubiswe inshuro, byinshi biricwa, nyuma imirambo 11 ni yo yagaragaye.

    Bivugwa ko hari n’abandi bapfuye nubwo imirambo yabo itagaragaye aho kuko ngo yatwawe n’abo barwanyi, bamwe bagendaga bayikurura n’imigozi.

    Mu bikoresho byafashwe harimo imbunda zo mu bwoko bwa SMG n’ibindi.

    Umuvugizi w’Ingabo z’u Rwanda, Col Rwivanga Ronald, yatangaje ko nubwo bamaze gufata kariya gace ariko akazi kagikomeje.

    Ati 'Twahafashe kandi twabakuye muri ako gace, ariko ntibivuze ko ibikorwa birangiye, birakomeje.'

    Ingabo z’u Rwanda zatangiye kurwana ku wa Kabiri, mu nzira zigenda zikabona ahantu abo barwanyi bagiye banyuza imodoka nyinshi bari bafite ubwo bahungaga bava Mocimboa da Praia.

    Mu birometero bitanu utarinjira Mbau, ingabo z’u Rwanda zasakiranye n’umutwe w’ibyihebe biri hagati ya 80-100, habera imirwano ikomeye yarangiye ibyihebe bikubiswe inshuro ndetse bihatakariza abarwanyi 11 n’ibikoresho birimo imbunda za SMG n’ibindi bikoresho.

    RDF yifashishaga imodoka nini z’intambara mu gukura ibyo biti mu muhanda, ahandi ikifashisha imashini mu kubikata. Kamwe mu duce twarimo ibiti byinshi ni ahitwa Naquitengue.

    Source : http://www.ukwezi.rw/mu-rwanda/2/article/AMAKURU-MASHYA-Ingabo-z-u-Rwanda-ziri-muri-Mozambique-zifashe-akandi-gace-kari-ibirindiro-by-ibyihebe

  • Kayumba Nyamwasa yihimuye kuri Prossy Bonabana na Sula Nuwamanya ahagarikisha SWI Umuryango bashakiragamo amaramuko #rwanda #RwOT

    Self-Worth Initiative-SWI, ni umuryango washinzwe na Sula Nuwamanya afatanyije na Prossy Bonabana ariko mu izina rya Kayumba Nyamwasa (RNC) kugirango babone uko bashakisha abayoboke n'abarwanyi ba RNC.

    Nyuma yaho Prossy Bonabana na Sula Nuwamanya bahisemo kuva muri RNC kubera ko Frank Ntwali na Kayumba Nyamwasa babasoromagaho amafaranga bakusanyije mu banyamuryango bakishyirira mubifu byabo, bahisemo gushyira imbaraga muri uwo muryango bitaga ko utegamiye kuri Leta Self-worth Initiative kugirango barusheho kubona imibereho.

    Inkuru yabaye kimomo nuko uwo muryango uri kurutonde rw'imiryango 54 yahagaritswe na Leta ya Museveni ariko bikaba byakozwe na Kayumba Nyamwasa yihimura kuri Prossy na Sula kuko bavuye muri RNC igahombya uwo muryango.

    Icyo Prossy Bonabana na Sula Nuwamanya batamenye nuko Kayumba Nyamwasa avuga rikijyana muri Uganda; bo bagize Imana babahagarikira umuryango gusa kuko utavuze rumwe na Kayumba rimwe na rimwe ahasiga ubuzima; aha twavuga nka Ben Rutabana

    Gusa nanone Kayumba ntiyakwizera Museveni kuko uyu muryango ushobora guhindurirwa izina nkuko bari babikoze bakawita Self Worth development initiative.

    Mu nkuru yacu y'ubushize twabagejejeho uburyo ba Prossy Bonabaana na Sulah Nuwamanya, bakusanije imikono ya baringa y'abiyita abapfakazi b'Abanyarwanda bafashwa n'uyu muryango kugirango udafungwa, abo ngo nibo bazajya kuvuga ko uriya muryango ubafasha ko abenshi muribo ari abapfakazi, abantu babo bashimuswe n'u Rwanda bari muri Uganda, nyamara ataribyo kuko abo babashije gusinyisha bose bafite imiryango. Gusa babahuma amaso bakabaha udushilingi two kurya kugirango babakoreshe muri izi gahunda za RNC. Ibi byakorewe I Bugolobi muri Kampala ku itariki 9/03/2020 :

    Dore urutode Rushyashya yabashije gutahura

    Ngabirano Gadiyani

    Uwimana Jowani

    Byamugisha Gadi

    Ingabire faina

    Mugisha Rewo

    Niragire Storage

    Nzabandora Muhammad

    Mukagatare Mariyamu

    Mudaheranwa Rajabu

    Nyirandimubanzi Asiya

    Nsegiyumva Abuba

    Mukandayisenga

    Ntirenganya Rewonari

    Mukeshimana Marine

    Mugisha Ibulahimu

    Mbabazi Donata.

    The post Kayumba Nyamwasa yihimuye kuri Prossy Bonabana na Sula Nuwamanya ahagarikisha SWI Umuryango bashakiragamo amaramuko appeared first on RUSHYASHYA.

    Source : https://rushyashya.net/kayumba-nyamwasa-yihimuye-kuri-prossy-bonabana-na-sula-nuwamanya-ahagarikisha-swi-umuryango-bashakiragamo-amaramuko/?utm_source=rss&utm_medium=rss&utm_campaign=kayumba-nyamwasa-yihimuye-kuri-prossy-bonabana-na-sula-nuwamanya-ahagarikisha-swi-umuryango-bashakiragamo-amaramuko

  • Uwamugezeho yamubereye umugisha; yaranzwe n’urukundo, umurava n’ubuhanga: Urwibutso ku bazi Amb. Habineza Joseph – #rwanda #RwOT

    Aya ni amagambo y’umuhanzi, umukinnyi wa filime, umusizi, umwanditsi w’ibitabo akaba n’Umunyamabanga wa Leta muri Minisiteri y’Urubyiruko n’Umuco, Bamporiki Edouard, yanditse kuri Twitter nyuma y’inkuru y’itabaruka rya Habineza Joseph wamamaye nka Joe.

    Amb Habineza Joseph ‘Joe’ wayoboye Minisiteri y’Urubyiruko, Siporo n’Umuco, akayisubiramo ari iya Siporo n’Umuco ndetse akaba Ambasaderi w’u Rwanda muri Nigeria, yatabarutse ku wa 20 Kanama 2021.

    Ni byo koko urugendo rwa muntu ku Isi ni rugufi ari na yo mpamvu uwarugenze neza, akarubanamo amahoro n’abo bari kumwe, akarangwa no gutunganira bose, iyo arusoje asiga inkuru nziza imusozi.

    Inkuru y’urupfu rwa Amb Habineza ‘Joe’ yashavuje benshi baba abo mu muryango we n’Abanyarwanda mu ngeri zose dore ko mu nshingano yakoze yaranzwe no gusabana na bose, abakomeye n’aboroheje.

    Kuri Minisitiri Bamporiki, Amb. Habineza yari umuntu usobanuye byinshi kuri we cyane ko nyuma yo kumenyana bahujwe n’akazi buri umwe yakoraga, bubatse ubucuti bugera no ku rwego rwo kuba abavandimwe.

    Mu kiganiro na IGIHE, Bamporiki yavuze ko umunsi yari amaze kurahirira inshingano arimo, yahamagaye Amb. Habineza baraganira, amubaza uko bigenda nk’umuntu wigeze kuzibamo.

    Ati “Ni minisitiri wanjye. Namumenye bwa mbere mukeneyeho ko ateza impano n’ubuhanzi bwanjye imbere, bijya bibaho ko umuntu ashobora kuba afite impano agashaka minisitiri ntamubone. Nagiye mushaka bwa mbere ndi kumwe n’Umunyamerika witwa Lee Isaac Chung tugiye gukora filime ya Munyurangabo.”

    Yakomeje agira ati “Joe yanejejwe no kubona umwana w’i Nyamasheke ari kumwe n’Umunyamerika bavuga ibya filime. Nyuma naje kumuhamagara kuri telefone yari yampaye mubwira ko ya filime yacu yabonye igihembo, aza kudufasha kubona ibyangombwa byo kujya muri Amerika gufata icyo gihembo. Bigaragaza uguca bugufi kwe.”

    Minisitiri Bamporiki yavuze ko na nyuma ibihangano byinshi yakoze, Amb. Habineza yagiye abishyigikira kandi akagira n’umwihariko wo kuba barabaye inshuti zikomeye yaba we ndetse n’abana be.

    Ati “Minisitiri Habineza, ntekereza ko ibintu bikomeye abantu bamwigiraho ni ukwiyoroshya. Izi nshingano tubamo hari ubwo usanga kenshi zikurikizwa n’ibindi bintu utibaza ngo biva hehe ariko ugasanga umuntu yahawe inshingano yishyira hejuru.”

    Yakomeje agira ati “Njye muzi nyine nk’umuntu wiyoroshya kandi wakoze mu gihe kigoye cyaba icy’umuco cyangwa siporo, agira umumaro cyane cyane muri siporo kubera ko dufite ibintu byinshi tumwibukiraho; yabashije kuzana ibyamamare by’abanyamahanga hano no kugerageza kubungabunga umuco mu gihe kitari cyoroshye.”

    Minisitiri Bamporiki avuga ko kwakira inkuru y’urupfu rwa Habineza Joe bigoranye ku muntu bari bamaze kubaka ubucuti.

    Yagize ati “Kumva ngo Habineza Joe yitabye Imana ku myaka mike, umuntu w’umunyarugwiro, umutaramyi, umunyagikundiro, umunyabigwi, umuntu wubatse izina rye […] ni ikintu utabona uko uhita uvuga.”

    Joseph Habineza ubwo yarahiriraga inshingano nka Minisitiri wa Siporo n’Umuco mu 2014

    Yavuze ko adashidikanya ko umutima wa Habineza Joe n’uburyo yabanaga n’abandi ari igihamya ko yicaye iburyo bw’Imana.

    Ati “Umutima we mwiza, impuhwe yagiraga, urukundo yagiraga, ubumuntu […] biratuma Imana twizera imuha Ijuru, natwe abizera tuzongere kumubona.”

    Umunyamakuru Karirima Aimable Ngarambe uhagarariye IGIHE i Burayi na Amerika yavuze ko aziranye na Amb. Joe Habineza kuva mu 1988.

    Muri icyo gihe bombi bakinanaga umukino w’intoki mu Ikipe ya Electrogaz Volleyball Club, ndetse ngo nyuma baje kongera gukinana mu 1994-95, muri Amasata Volleyball Club.

    Yavuze ko “Namumenye nk’umukinnyi mwiza ugendera ku kinyabupfura, uhorana umutima mwiza, kandi udashaka ko uwo bari kumwe agira irungu, agakunda guhora ashyenga, mbese yahoranaga urugwiro.”

    Yakomeje agira ati “Agakunda kugira ishyaka mu myitozo no mu mikino, bigakomeza no mu kazi yakoraga. Ndibuka ko yanze kwambara umwenda wa Electrogaz kuko wanditseho Pepsi Cola yari umuterankunga icyo gihe kugira ngo atanyuranya na Bralirwa yakoreraga, byerekana ubudahemuka yagiraga.”

    Karirima avuga ko ibi byose kandi byarangaga Habineza byanahuriranaga no kuba yari umuhanga cyane, ukunda abantu, urangwa n’ikinyabupfura no kwicisha bugufi.

    Abo mu myidagaduro bati ‘yari abisobanukiwe’

    Amb. Habineza Joseph yakoze mu myanya itandukanye by’umwihariko muri guverinoma yahawe kuyobora Minisiteri y’Urubyiruko, Siporo n’Umuco mu 2004.

    Mu 2008, igice cy’urubyiruko cyahawe minisiteri ukwayo ariko Habineza akomeza kuyobora iyiswe icyo gihe Minisiteri ya Siporo n’Umuco kugeza mu 2011. Aho yaje kugirwa Ambasaderi w’u Rwanda muri Nigeria na Ghana.

    Mu 2014, kandi yongeye kugirwa Minisitiri wa Siporo n’Umuco, aza gusimbuzwa mu 2015. Muri izi nshingano zose yakoraga zabaga zose zimuhuza n’urubyiruko by’umwihariko urubarizwa mu mikino n’imyidagaduro.

    Abahuye na we bamuzi nk’umuntu wabahaga ikaze, akumva ibitekerezo n’ubusabe bwabo kandi umunsi ku munsi agashaka ibisubizo ku bibazo bafite.

    Joseph Habineza ni umwe mu bayobozi bakundaga gusabana no kuganira n’urubyiruko cyane

    Ishimwe Dieudonné ukuriye Rwanda Inspiration Back Up itegura Miss Rwanda, ni umwe mu bahuye kenshi na Amb. Habineza ndetse amufiteho urwibutso rwo kuba yaramubereye umugisha.

    Ati “Namumenye agarutse kuba Minisitiri wa Siporo n’Umuco igihe twateguraga Miss Rwanda. Numvaga abantu bose bamukunze ariko ntaramenya uko bimeze, nyuma yaho rero twarakoranye, nza kubona uburyo ari umuntu wasabanaga n’abantu bose, akakira abantu bose.”

    Yakomeje agira ati “Ikindi kintu gikomeye ariko, yari umuhanga cyane yakundaga guhanga ibishya cyane. Ndibuka hari ibintu twajyaga tuvuga ngo ibi ntabwo twabishobora, akanga ati ’mwabikora, mugende mugerageze kandi muzabishobora’, kandi nyuma tukabikora bigakunda.”

    Ishimwe avuga ko mu by’ingenzi yibukira kuri Amb. Habineza harimo guca bugufi no kugirira akamaro umugezeho wese.

    Ati “Ni umuntu utaracaga ku ruhande, yakubwizaga ukuri. Kwitaba Imana kwe na n’ubu sindabyumva. Icyo nzi cyo ni kimwe, umuntu wese wabashije kumugeraho, yamubereye umugisha kandi aba n’isomo kuri we.”

    Yakomeje agira ati “Joe ntimwakwicarana iminota 10 nta somo uramukuraho, yageraga ku bato rero akatubwira ati ’iki kintu wagikora kandi wakigeraho’, ni umuntu utanga ubufasha aho bishoboka hose. Nongere mbisubiremo yari umuntu w’umuhanga. Ni bya bindi buri wese agira umunsi we, naboneraho n’umwanya wo kwihanganisha abana n’umuryango we wose.”

    Mushyoma Joseph [Boubou] uyobora East African Promoters (EAP) itegura ibitaramo birimo East African Party, Iwacu Muzika Festival n’ibindi yavuze ko Amb. Habineza yari umuntu wumva neza ibijyanye n’umuziki kandi agahora aharanira kuwuteza imbere.

    Ati “Murabizi kuva kera yari umugabo wabanye n’abahanzi cyane, yumvaga ibijyanye n’ubuhanzi n’ubugeni by’umwihariko, yarabyumvaga kandi ntiyasubizagayo umuntu umusanze, yakwakiraga neza cyane, agasabana akagira urugwiro.”

    Yakomeje agira ati “Yari umugabo wumvikana, wumva ibitekerezo byawe akabiha agaciro, akakugira inama. Kuri EAP by’umwihariko igihe yari Umuyobozi Mukuru wa Radiant, twarakoranye aba umwe mu bafatanyabikorwa, twazengurukanye igihugu cyose. Tubuze umuntu wumvaga ibyo dukora cyane.”

    Joseph Habineza abamuzi neza bavuga ko yari umuntu urangwa n’urugwiro

    Umuhanzi Mani Martin ni umwe mu bari mu ruhando rw’imyidagaduro n’uruganda rwa muzika muri rusange uzi neza Habineza Joe kuko mu bihe yatangiraga umuziki, byinshi Guverinoma y’u Rwanda yageneraga abahanzi mu kubafasha byanyuzwaga muri Minisiteri yari ayoboye.

    Mu kiganiro na IGIHE yagize ati “Kuri njye Joe Habineza yari umuntu w’indashyikirwa kandi bitamubuza gushyikirana na bose. Yagize uruhare runini mu rugendo rwa muzika yanjye ubwanjye no muri muzika Nyarwanda mu gihe turimo.”

    Mani Martin mu 2011, ubwo yatangiraga itsinda rimufasha kuririmba rya Kesho Band, hari benshi bumvaga bitazashoboka ko mu Rwanda umuhanzi yaririmba umuziki wa ‘Live’, ibintu abantu bari basanzwe bamenyereye mu nsengero no mu tubari gusa.

    Icyo gihe uyu muhanzi yegereye Joe Habineza, aramuganiriza amubwira uburyo yumva ashaka gukora umuziki w’umwimerere ukajya ucuranwa mu bitaramo byo mu Rwanda ariko kuri Mani Martin ngo ntiyari afite icyizere ko bizashoboka.

    Ati “Yampaye ubutumwa bukomeye bwanyongereye ingufu zo kudacika intege. Navuga ko yagize uruhare runini mu kuba mbasha gukora muzika uko nyikora ubu.”

    Yakomeje agira ati “Yarambwiye ngo ‘ikintu cyose tuzi cyashinze imizi kikarema impinduka cyatangijwe n’umuntu umwe wagize igitekerezo maze akifatanya na bake babyumvaga abandi bakazakurikira nyuma’.”

    Mani Martin avuga ko kugeza ubu iyo arebye imbaraga zaje gushyirwa mu gucuranga umuziki w’umwimerere [Live Performance] ahita yibuka amagambo yabwiwe na Joe mu myaka myinshi ishize.

    Ati “Kuri njye tubuze umuntu w’ingirakamaro.”

    Abo ku mbuga nkoranyambaga bashenguwe n’itabaruka ry’inshuti yabo ‘Joe’

    Mu batanze ubutumwa bwihanganisha umuryango wa Habineza harimo abantu ku giti cyabo, ibigo bitandukanye by’umwihariko ibishamikiye kuri Minisiteri ya Siporo, nyakwigendera yigeze kuyobora.

    Ambasade y’u Budage mu Rwanda yagize iti “Ruhukira mu mahoro Joe. Uzakumburwa. Byari iby’agaciro gukorana nawe by’umwihariko muri siporo. Twihanganishije umuryango n’abo asize.”

    RIP Joe – you will be missed. It was a pleasure and honor to work with you in particular in sports 🙏🙏🙏
    Condolences to the family and loved ones left behind. https://t.co/5TG7vXK7oq

    — German Embassy Kigali (@GermanyinRwanda) August 20, 2021

    Umunyamabanga Uhoraho muri Minisiteri ya Siporo, Shema Maboko Didier yagize ati “Mbabajwe n’itabaruka rya Joe Habineza, Roho yawe iruhukire mu mahoro y’iteka. Abanyamuryango ba Siporo bazahora bakwibuka.”

    Sadenned by the pass away of Joe Habineza,
    May Your Soul Rest In Eternal Peace. The Sport family will always remember you. pic.twitter.com/tShvbtU6oi

    — SHEMA – M. Didier (@SMDidier1) August 20, 2021

    Perezida w’Ishyirahamwe ry’Umupira w’Amaguru, FERWAFA, Nizeyimana Olivier yagize ati “Njyewe na buri munyamuryango wa FERWAFA, ababajwe n’itabaruka ry’uwahoze ari Minisitiri wa Siporo Amb Joseph Habineza.”

    Yakomeje agira ati “Abakunzi b’umupira w’amaguru bifatanyije n’umuryango we muri ibi bihe bikomeye. Ruhuka neza Joe.”

    FERWAFA President @CafuOli and everyone at FERWAFA is saddened by the passing of former Sports Minister, Amb Joseph HABINEZA.

    The football fraternity stands with his family in these despairing times.

    Rest well Joe. pic.twitter.com/cb8cdewKys

    — Rwanda FA (@FERWAFA) August 20, 2021

    Umuyobozi w’Ikigo cy’Igihugu gishinzwe Igororamuco, Mufulukye Fred yagize ati “Nihanganishije Umuryango wa Joe Habineza. Tuzahora tuzirikana ukwiyoroshya kwawe. Roho nziza yawe izahora mu mitima yacu. Uruhukire mu mahoro Joe.”

    Heartfelt condolences to Joe Habineza’s family. We will always treasure the memories of your simplicity and warmth. Your gentle soul will always be in our hearts. RIP Joe pic.twitter.com/b58hUrBWpd

    — Fred Mufulukye (@Fredrwanda) August 20, 2021

    Inkuru bifitanye isano: Amb Joseph Habineza wabaye Minisitiri yitabye Imana

    REST IN PEACE Amb. Habineza Joseph “Joe”, former Rwanda Sports Minister

    We appreciate your support on Tour du Rwanda. #RIPJOE pic.twitter.com/bPRXAfkrUj

    — Tour du Rwanda 🇷🇼🚴🏾 (@tour_du_Rwanda) August 20, 2021

    The Rwanda Cycling Federation is saddened by the death of former Sports Minister Habineza Joseph “Joe”.

    The photos are during the cocktail with HE Paul Kagame after the Tour du Rwanda 2014 triumph.#RIPJOE pic.twitter.com/3YKFdjWMPx

    — Rwanda Cycling Federation (FERWACY) (@cyclingrwanda) August 20, 2021

    RIP Joe! Sincere condolences to his family, friends and sport family in general.😭😭😭 pic.twitter.com/golCn9ilOq

    — Aimable Bayingana🇷🇼 (@Aima_Bayingana) August 20, 2021

    Igendere Nshuti yanjye nzagukumbura. Ndumva bingoye kubyakira. pic.twitter.com/o9SBrL9SYP

    — KARANGWASewase🇷🇼 (@KARANGWASewase) August 20, 2021

    At #RwandaVolleyball Family we are saddened by the passing of Hon. Joseph HABINEZA.
    His legacy in #Volleyball will stay forever.
    Our thoughts and prayers are with his family.
    RIP Joe! pic.twitter.com/5wYOlx1xNt

    — FRVB | RWANDA VOLLEYBALL FEDERATION (@RwandaVolleybal) August 20, 2021

    RIP Joe 💔 condolences to the family.

    — TOM CLOSE (@tomclosetweets) August 20, 2021

    I was 19 when i received my first ever TIP as a DJ. It was from this man.😔. pic.twitter.com/zV1kWxTi9y

    — DJ Pius (@DeejayPius) August 20, 2021

    Ambasaderi Joseph Habineza wabaye Minisitiri wa siporo n’urubyiruko mu Rwanda yitabye Imana azize uburwayi.

    Yabanje kujya kwivuriza muri Nigeria ahava akomereza i Nairobi muri Kenya ari naho yaguye. pic.twitter.com/WEvWriYY4G

    — IGIHE (@IGIHE) August 20, 2021

    Ambasaderi Habineza Joseph yasize urwibutso rutazasibangana mu bo yabanye na bo udasize n’abanyamakuru bagiranye ibiganiro bitandukanye. Aha yari muri Village Urugwiro aganira n’itangazamakuru

    source : https://ift.tt/3gmqY2L

  • Minisitiri Gatabazi yagaragaje Covid-19 nk’imbogamizi mu mikoranire y’abaturage n’abayobozi b’inzego z’ibanze – #rwanda #RwOT

    Ibi Minisitiri w’Ubutegetsi bw’Igihugu yabigarutseho mu Kiganiro kuri Radio Rwanda kuri uyu wa Gatandatu tariki ya 21 Kanama 2021 cyagarukaga ku mikoranire y’abaturage n’abayobozi b’inzego z’ibanze.

    Minisitiri Gatabazi yavuze ko ibibazo bikigaragara mu mikoranire y’inzego z’ibanze n’abaturage byatewe ahanini n’ibihe bya Covid-19 kubera ko hari bimwe mu bikorwa byakorwaga ariko biza guhagarara birimo n’inteko rusange z’abaturage.

    Yagize ati “Muri ibi bihe bya Covid-19 bimaze umwaka urenga, hari bimwe mu bikorwa byahagaze birimo inteko rusange zakorwaga buri cyumweru. Burya n’umuganda rusange na wo wahuzaga abantu bawurangiza bakaganira ku bibazo bihari bakabikemura. Uretse ibyo kandi hari n’ibindi byakorwaga birimo ibikorwa bya ‘Army week’ n’ibindi bikorwa by’iterambere.”

    Yakomeje agaragaza ko inshingano z’ingego z’ibanze zikubiye mu bukangurambaga, umutekano w’abaturage, imibereho myiza no guhangana n’ikintu cyatuma imibereho myiza yahungabana cyane ko imiyoborere mu Rwanda ishingiye ku muturage.

    Minisitiri Gatabazi yavuze ko umuturage akwiye kugira uruhare ku bimukorerwa kuko na we afite inshingano z’ibyo agomba kubahiriza.

    Ati “Abaturage bose iyo bishakamo ibisubizo burya ni igihugu kiba cyishakamo ibisubizo. Umuturage na we akwiye kwishakamo ibisubizo ariko ikibazo abaturage ntibabyumva neza. Birashoboka ko mwabona ahantu hateye nabi bo bakishakamo igisubizo, babona iriba ryapfuye mu gihe Leta itabishyize muri gahunda bo bakavuga bati reka twishyire hamwe iriba ryacu turituganye. Bashobora kubona agahanda k’umugenderano katameze neza bagasaba ko Leta ibumva ikabemerera bagakora uwo muhanda.”

    Yasabye abayobozi b’inzego z’ibanze bihutira guhutaza umuturage ko bidakwiye kandi ko uzabifatirwamo atazajya abura guhanwa by’intangarugero.

    Ati “Umuturage w’u Rwanda afite agaciro ni uw’igitinyiro. Twasabye ko niba hari umuturage utumva gahunda runaka, ko abayobozi bafatanya n’izindi nzego kumuganiriza byihariye aho kumuhutaza. Abaturage icyo bakeneye ni ugusobanurirwa, ukwigishwa no guhwiturwa ariko ntibakeneye gukubitwa ariko iyo abaturage ubasobanuriye ikintu wagitekereje utaje kukibaturaho rwose abaturage barakora.”

    Yasabye abaturage kwirinda gusuzugura ubuyobozi kuko byagiye bigaragara ko hari abantu bagaragaza ibibazo byabo mu buryo butaboneye ndetse ugasanga barasa n’abahanganye n’ubuyobozi.

    Ati “Nubwo tuvuga ko abayobozi bahohotera abaturage ariko twabonye ko hari n’abaturage bahohotera abayobozi. Turasaba abaturage na bo kugaragaza ikibazo cyabo mu buryo bwiza, no kumvira ubuyobozi kuko buba bubazaniye gahunda zibateza imbere.”

    Meya w’Umujyi wa Kigali, Pudence Rubingisa, yavuze ko iyo abaturage bagize gahunda yo kwishyira hamwe mu kwiyubakira ibikorwaremezo runaka nk’umuhanda mu mudugudu, nk’Umujyi wa Kigali ugira uko ubongerera ubushobozi.

    Minisitiri Gatabazi yagaragaje ko Covid-19 yakomye mu nkokora imikoranire hagati y’abayobozi n’inzego z’ibanze

    source : https://ift.tt/3sAlc2s

  • Ibikorwa byo gucyura abantu i Kabul birakomeje, u Buhinde bwamuritse urukingo rwa Covid-19 rudasanzwe…agezweho mu mahanga – #rwanda #RwOT

    Leta Zunze Ubumwe za Amerika zimaze gucyura abantu ibihumbi 13 mu bihumbi 18 bariyo.

    Perezida Joe Biden yatangaje iki gikorwa ari kimwe mu bigoye mu gucyura abantu byabayeho mu mateka ndetse ko atakwizeza abantu umusaruro wacyo 100%.

    Ati “Ntabwo nabizeza umusaruro wa nyuma uko uzaba umeze cyangwa se ko bizarangira nta buzima butikiye. Gusa nk’Umugaba w’Ikirenga, nabizeza ko nzakoresha ubushobozi bwose.”

    Ku rundi ruhande, umutwe w’aba-Taliban uherutse kwigarurira ubutegetsi, watangaje ko uteganya kumurika Guverinoma nshya mu byumweru bike biri imbere.

    Amerika ikomeje ibikorwa byo gucyura abaturage bayo bari i Kabul kuva umutwe w’aba-Taliban watangaza ko ufashe ubutegetsi

    U Bugereki bwashyizeho uruzitiro rwa kilometero 40 mu kwirinda ibibazo byo muri Afghanistan

    U Bugereki bwashyize ku mupaka wabwo ubutandukanya na Turikiya, uruzitiro rureshya na kilometero 40 mu kwirinda ko abimukira baturutse muri Afghanistan bakwinjira mu gihugu.

    Minisitiri ushinzwe ubusugire bw’abaturage mu Bugereki, Michalis Chrisochoidis, yatangaje ko imipaka y’igihugu cye itazigera ivogerwa.

    Kuva Aba-Taliban bafata igihugu, ubwoba bwakwiriye hose abaturage bamwe batangira gushaka uko bahunga bajya mu bihugu by’amahanga.

    U Bugereki bwavuze ko abazinjira mu gihugu mu buryo bunyuranyije n’amategeko bazasubizwa aho bavuye.

    U Bugereki bwashyizeho urukuta rutuma abanya-Afghanistan batabasha kwinjira mu gihugu

    U Buhinde bwemeje ubwoko bushya bw’urukingo rwa Covid-19 rwifashisha ADN

    Ikigo gishinzwe kugenzura imiti mu Buhinde, cyemeje urukingo rwa mbere rwa Covid-19 rukozwe hifashishijwe utunyangingo shingiro, ADN, aho rugiye kwifashishwa nk’uburyo bw’ubutabazi mu guhangana n’iki cyorezo.

    Uru rukingo rwiswe ZyCoV-D, umuntu azajya ahabwa doze eshatu zimufashe kuba yakwandura iyi virus ku kigero cya 66% nk’uko bitangazwa na Cadila Healthcare, ikigo cyarukoze.

    Iki kigo kirateganya gukora inkingo miliyoni 120 nibura buri mwaka. Mbere ubwoko nk’ubu bw’inkingo zifashisha ADN bwari bwagaragaje ko butanga umusaruro ku nyamaswa aho kuba ku bantu.

    U Buhinde bumaze gutanga doze miliyoni 570 z’inkingo bwifashishije ubwoko butatu bwazo harimo urwa Covishield, Covaxin na Sputnik V.

    Nibura 13% by’abakuze muri iki gihugu bamaze gukingirwa byuzuye mu gihe nibura 47% bo bamaze guhabwa doze imwe.

    Urukingo rushya rwa Covid-19 rwakorewe mu Buhinde rwakozwe hifashishijwe ADN

    Amerika yashyizeho miliyoni 5$ ku watanga amakuru y’aho Antonio Indjai aherereye

    Leta Zunze Ubumwe za Amerika zashyizeho miliyoni eshanu z’amadolari nk’igihembo ku muntu wese watanga amakuru yaganisha ku itabwa muri yombi rya Antonio Indjai wahoze ari umusirikare mukuru mu ngabo za Guinea-Bissau.

    Indjai ni we wayoboye Coup d’état yabaye mu gihugu cye mu 2012 mbere y’uko yirukanwa nyuma y’imyaka ibiri.

    Leta Zunze Ubumwe za Amerika mu 2013 zamushinje ibyaha bitandukanye birimo ubucuruzi bwa cocaine no gucuza intwaro.

    Ashinjwa ibyaha bitandukanye birimo iby’iterabwoba, ubugambanyi mu gucuruza cocaine n’ibindi.

    Muri Gicurasi 2012, Leta Zunze Ubumwe za Amerika zashyiriyeho Indjal inyandiko zitamwemerera gukora ingendo.

    Amerika yashyizeho miliyoni 5$ ku watanga amakuru y’aho Antonio Indjai aherereye

    source : https://ift.tt/3mmmVYm