Blog

Anyuze ku rukuta rwe rwa Instagram, uyu mukinnyi ufatwa nka nimero ya mbere ku Isi, yasangije abamukurikira ifoto igaragaza ko we n'umugore we bagiye kongera kwibaruka impanga ku nshuro ya kabiri, arangije yandika munsi ubutumwa bugira buti:

'Twishimiye kubamenyesha ko twitegura kwibaruka impanga. Imitima yacu yuzuye urukundo, tubategerezanyije amatsiko menshi'.

Ni ku nshuro ya kabiri Cristiano na Georgina bagiye kwibaruka impanga, nyuma ya Eva na Matteo bavutse mu 2017.

Tariki ya 08 Kamena 2017, nibwo Cristiano yibarutse impanga ku nshuro ya mbere, akaba yarabyaye impanga y'umuhungu n'umukobwa, Eva na Matteo, bakaba barakurikiraga Cristiano Jr uyu mukinnyi atabyaranye n'umugore we Georgina Rodriguez.

Ntabwo izi mpanga ari izo Cristiano yabyaranye na Georgina n'ubwo bari bari kumwe babana, ahubwo babyawe n'uwababatwitiye (surrogate).

Nyuma Cristiano na Georgina bahise bibaruka umwana wa mbere hagati yabo,  umukobwa witwa Alana Martina, bituma uyu mukinnyi magingo aya amaze kubyara abana bane, barimo abakobwa babiri n'abahungu babiri.

Cristiano agiye kwibaruka impanga ku nshuro ya kabiri nyuma ya Eva na Matteo bavutse mu 2017

Matteo na Eva nizo mpanga za mbere za Cristiano

Umuryango wa Cristiano Ronaldo

Cristiano na Geordina baritegura kwibaruka impanga

Iki kiganiro cyabereye muri Marriott hotel kuri uyu wa Kane tariki 28 Ukwakira 2021. Mitwa kaemba Ng’ambi, umuyobizi mukuru wa MTN Rwanda yabanje gusaba uhagarariye imari muri iki kigo, uhagarariye ishami rya MTN Mobile Money, ndetse n’uhagarariye tekinike kubanza kugira icyo bavuga bakagaragaza uko ibintu bihagaze muri uyu mwaka.

Mitwa umuyobozi mukuru wa MTN

Mark Nkurunziza ushinzwe imari muri iki kigo, yavuze ko iki gihembwe cya gatatu [amezi 9] ukigereranyije n’icy’umwaka ushize babara bagasanga barungutse abandi bafatabuguzi ibihumbi magana atanu; muri aba, ibihumbi magana ane akaba aribo bakoresha internet. Kugeza ubu abafatabuguzi ba MTN mu Rwanda, yagaragaje ko ari miliyoni esheshatu na magana ane mu gihe muri aba abakoresha internet imaze iminsi ivugwamo ibibazo ari miliyoni 2 .

Mark Nkurunziza ushinzwe imari muri MTN

Yaboneyeho gutangaza ko iki kigo muri uyu mwaka kinjije miliyari ijana na mirongo itatu n’enye wakuramo ayo batanze mu kunoza akazi, imisoro  n’ibindi ugasanga iyo bagereranyije n’umwaka ushize bariyongeyeho 9%, bakaba bahagaze kuri miliyari 14 n’ibice bine.

Iki kiganiro kitabiriwe n’abanyamakuru batandukanye 

Musugi Jean Paul uhagarariye ishami rya MTN Mobile Money, nawe yavuze ko bageze kuri byinshi muri iki gihembwe cya gatatu birimo ibijyanye na serivise z’inguzanyo, kwiteganyiriza, iza bank  n’ibindi bifasha abanyarwanda ndetse yongeraho ko bifuza no kwagura izi serivise.

Musugi Jean Paul 

Gakwerere Eugene ishinzwe ibya tekiniki, atabiciye ku ruhande yavuze ko uyu mwaka batangiye bafite ibibazo nka bitatu, arabigaragaza ati”Uyu mwaka twatangiye dufite ibibazo nka bitatu harimo ko uhamagara umuntu ntimuvugane neza wamuhamagara byacamo bigacika, wakoresha internet ntiyihute”. Ibi bibazo yagaragaje atabiciye ku ruhande, byabereye imbogamizi zikomeye abafatabuguzi ba MTN Rwanda muri uyu mwaka ndetse bigera n'aho RURA  ibaha igihe ntaregwa cyo kubikemura.

Gakwerere Eugene ushinzwe ibya tekinike muri MTN Rwanda

Muri iki kiganiro, umunyamakuru wa Inyarwanda.com yabajije Gakwerere Eugene igihe ibi bibazo bizakemukira ndetse amusaba no kugaragaza igihe ntarengwa. Mu gusubiza  Eugene yagize ati”Twagize ibibazo bitandukanye nk'uko nabikubwiye, harimo nk’icyo ngicyo cyo guhamagara, hari no guhamagara bigacika, hari ahatagera rezo ni ukuvuga ko bisaba ko umuntu 'yidepurasa' akajya ahandi cyangwa se akurira igiti nk’uko abantu bajya babivuga,  hakabamo na internet igenda buhoro. Ibyo ni ibibazo twamaze kubona tubifatira ingamba, ikizere naguha nk'uko ubajije ni uko ngira ngo nawe umbere ambasaderi ku banyarwanda ibyo bibazo ni amateka”.

Yakomeje agira ati” Ngira ngo nta n'ubwo bigera umwaka utaha, turagera ku musozo w’uno mwaka ku kigero cya 80% bikemutse ariko umwaka utaha njye ndakibaza niba nzaba nkifite akazi! Umwaka utaha rwose ni amateka ibi bibazo tuvuga, yaba abantu bagihagarara ku musozi, burira ibiti abinjira  mu cyumba kimwe cyangwa se muri salon kugirango babashe guhamagara. Ibyo ni amateka kugeza nibura mu kwezi kwa gatandatu k’umwaka utaha, bizaba ari amateka “.

Yashimangiye ko ibibazo byari byabaye babifatiye ingamba ati” Ibibazo byose byari byabaye ni ibibazo tekinike bibaho ariko n’ingamba twamaze  gufata tubifashijwemo n’abandi bafatanyabikorwa nka kiriya kigo bita RURA n’abandi nka minisiteri y’ikoranabuhanga ” . Yashimangiye ko bafata izi ngamba bihaye igihe cy’amezi 18 ku buryo mu kwezi kwa 6 umwaka utaha ibi bibazo bizaba byakemutse burundu.

Eugene niwe wabajijwe ibibazo byinshi bishingiye ku 'marezo' acika na internet

Undi munyamakuru ibi yabihuje n’amatariki ntarengwa RURA yari yatanze ibasaba gukemura ibibazo nk’ibi twagarutseho bitarenze tariki 29 Ukwakira 2021 muri Kigali, amubaza niba barubahirije ibyo basabwe. Yamusubije avuga ko muri Kigali ibyo  basabwe byakozwe ati”i Kigali niho twashyize imbaraga ibyo twakoze byo ni byinshi atari ukuvuga gusa ko dukora, tujyana na ririya tangazo rya RURA rya 29 z’ ukwa 10 tubikorere abanyarwanda. Ntabwo tubikorera ama deadline”.

Yemeje ko bamaze kuzenguruka imirenge 35 yo mu mugi wa kigali bashakisha aho ibibazo biri, bakaba barasanze hakenewe iminara mishya 34 bakaba bari kuvugana na RURA kugira ngo ibahe ibyangombwa ku buryo mu kwezi kwa gatandatu iyi minara izaba yaruzuye. Cyakora kugeza ubu, yavuze ko hari byinshi bimaze gukorwa ati”Kuva uyu mwaka utangiye kugeza uyu munsi hakozwe ibintu byinshi kugira ngo dukemure ibi bibazo. 

Ibyakozwe rero harimo gusakaza iminara hirya no hino uyu munsi wa none tumaze kongeraho iminara 103 ubwo ndavuga muri kigali yaba muburasirazuba, iburengerazuba, no mu majyepfo no mu manjyaruguru tumaze kongera ubushobozi bw’iminara isanzwe kugira ngo abafatabuguzi bacu babone serivise nziza ku minara igera ku 180 ubwo ni ukuvuga iminara yari isanzweho tuyongerera ubushobozi”.

Yavuze ko ibi byakozwe kubafatabuguzi bafite telefone zigezweho ndetse yongeraho ko n'abafite izisanzwe babazirikanye bakongerera ubushobozi iminara igera kuri 82. Yibukije abantu ko mu bindi bavuguruye ari ibijyanye na 4G asaba buri wese ufite telefone ijyanye n’igihe kugana ahari ishami rya MTN bakamuhindurira agahabwa SIM card ya 4G kugira ngo arusheho kubona internet yihuta.

Muri iki kiganiro ibyagarutsweho cyane ni ibijyanye n’ibibazo bya internet na rezo zicikagurika ariko byose bavuze ko bigiye kuba amateka.

Abanyamakuru batandukanye bibanze kuri ibi bibazo by’ama rezo na internet, aha uyu yabazaga ibijyanye n’ama rezo akunze gucika ahegereye imipaka

Bamwe mu bakozi ba MTN bari bahari 

Izina Vanessa Simbi rizwi cyane n’abakunzi b’indirimbo zegereza abantu intebe y’Imana, zimwe ziba zituje, zimwe umuntu aririmba arimo kuganira n’Imana basa nk’abari kumwe ari babiri akayibwira buri kimwe cyose ayishimira, ni zo ubundi bita indirimbo zo ‘kuramya Imana’ (Worship Songs), zikaba zitandukanye n’izo guhimbaza Imana (Praise songs). Bene izo ndirimbo ziramya Imana, ni wo mwihariko wa Vanessa Simbi, zikaba zarabimburiwe na ‘Wowe mwiza’ yakoranye na Patient Bizimana.

“Wankundiye iki wowe, wankundiye wowe, mwiza. Muri wowe nta nenge, wisakaye ubwiza, urera. Ni iki kigutera kwifuza kuba hafi yanjye. Uko bwije n’uko bukeye ni ko urukundo rwawe n’imbabazi zawe bihora byiyongera ku buzima bwanjye, warakoze kuntoranya,..Wanciye iki Mwami? Mbere y’uko Isi ibaho burya njyewe nariho mu mugambi wawe, …” Ayo ni amwe mu magambo agize indirimbo ye ‘Wowe mwiza’ imaze kurebwa n’abarenga ibihumbi 18 ku rubuga rwa Youtube.

Vanessa Simbi yamamaye mu ndirimbo ‘Wowe mwiza’

Nyuma y’uko ashyize hanze indirimbo ye ‘Wowe mwiza’ yagiye hanze mu mwaka wa 2016 ikakirwa neza, Vanessa Simbi usigaye utuye i Burayi mu gihugu cy’u Bufaransa, yaje kumara igihe kinini atumvikana mu muziki bitewe n’uko yahinduye ubuzima agashaka umugabo bikamusaba kubanza kwita ku rugo no kurera abana nk’uko yabidutangarije ubwo yatugezagaho iyi ndirimbo ye nshya ‘Ntabwo wahindutse’. 

Muri iyi ndirimbo ye nshya y’iminota 6 n’amasegonda 2 yanditse mu 2013 ariko akaba ayisohoye mu 2021, Vanessa aririmbamo ko n’ubwo yaca mu muriro ntacyo yaba kuko ari kumwe n’Imana kandi akaba ari ko yategetse, ati “Ntabwo wahindutse, uracyakora uko biri kose, rya jambo wavuze rizasohora uko biri kose. (…) Wowe utajya ubeshya, ntabwo ubeshya, wowe utananirwa, urizerwa”. Ni indirimbo irimo agashya ko kuba isozwa n’isengesho ry’amasegonda hafi 60 ry’umuntu wumvikana ashimira Imana ko isohoza ijambo yavuze. 

Vanessa Simbi yatangarije InyaRwanda.com byinshi kuri iyi ndirimbo

Mu kiganiro na InyaRwanda.com, Vanessa yatangiye agira ati “Iyi ndirimbo nasohoye nayanditse muri 2013, nabanje kumva ari ya magambo ‘ntabwo wahindutse uracyakora uko biri kose’ anjemo, kubera ibihe nari ndi kunyuramo. Mu by’ukuri sinzi niba nawe ubizi kwa kundi umara igihe usengera ikintu ariko utabona inzira byacamo, ukajya wiyibutsa ibitangaza Imana yagukoreye kera cyangwa ibyo usoma muri Bibiliya ariko wumva utazi inzira uzasubirizwamo”.

Yakomeje ati “Ni uko byari bimeze, maze mbona Imana ikoze icyo kintu nari maze imyaka 2 nsengera, ndatangara pe. Ni aho mu by’ukuri navuga ko indirimbo yatangiriye, noneho ngenda nongeraho andi magambo n’ibindi bice by’indirimbo ngamije kuvuga ko ibyo umuntu yacamo byose, n’ubwo byatinda cyangwa yaba atabona inzira, Imana yo ishobora byose ntakiyinanira, uko yahoze ni ko iri, ni ko izahora. Ibasha gukora ibyo yasezeranye. Iki akaba ari na cyo nifuza ko umuntu wese uyumva ashikama ku masezerano Imana yamuhaye kuko Imana ari iyo kwizerwa”.

Ku bijyanye no kuba yari amaze igihe kinini yicisha irungu abakunzi b’indirimbo ze, nawe yabyemeye avuga ko amaze igihe adakora umuziki anasobanura imbogamizi yahuye nazo. Aragira ati “Mu by’ukuri ni byo, nari maze igihe kinini nta kintu nkora mu muziki ku bw’impamvu nyinshi. Mu zo navuga harimo kurera abana bato, buri mubyeyi agira uburyo bwe, njyewe rero nasaga n’uwahagaritse ibindi bikorwa byose uretse akazi, kugira ngo ndere abana banjye turi kumwe buri gihe. Kuva rero batangira kujya kw’ishuri, nahise mvuga ko bikwiye gusubira mu gikorwa cy’umuziki, njyewe nkunda kubyita umuhamagaro”. 

Simbi yateguje abakunzi be izindi ndirimbo nshya mu bihe bya vuba

Simbi Vanessa yavuze ko ubu afite umwanya wo kuririmbira Imana n’ubwo atari munini cyane kuko azajya abifatanya n’izindi nshingano z’akazi. Ati “Rero nkaba rwose mpari ubu, wenda sinavuga buri gihe, buri mwanya ko mba ndi mu bikorwa by’umuziki kubera n’izindi nshingano z’akazi gasanzwe, ariko nkaba mbizeza ko ntazongera kumara igihe kinini nta kintu mbagejejeho mu byo Imana izanshoboza. Ubu ndashima Imana cyane ku bw’iyi ndirimbo “Ntabwo wahindutse” numva ko iziye igihe”. 

Vanessa Simbi yavuze ko afite izindi ndirimbo azagenda ashyira haze – ibisobanuye ko atazongera kumara igihe nk’icyo yari amaze atumvikana mu muziki. Ati “Nkaba mfite izindi ndirimbo nzagenda nshyira hanze mu minsi iri imbere. Ariko ngomba gufatira umwanya wo gutegura neza, urabizi ko gukora umushinga unoze bisaba kubifatira umwanya”. Iyi ndirimbo ye nshya yayinyujije ku rukuta rwe rwa Youtube yise Simbi Vanessa. Yakiriwe neza n’abatari bacye barimo uwitwa Kalimba Sharon wasabiye umugisha mwinshi uyu muhanzikazi bitewe n’uburyo iyi ndirimbo ye yamukoze ku mutima.

REBA HANO INDIRIMBO ‘NTABWO WAHINDUTSE’ YA SIMBI VANESSA

REBA HANO ‘WOWE MWIZA’ YA SIMBI VANESSA

Kuva mu gitondo cyo kuri uyu wa Kane tariki 28 Ukwakira 2021, Tom Close ari kwakira ubutumwa bw'abantu mu ngeri zitandukanye bamwifuriza isabukuru nziza y'amavuko y'imyaka 35.

Ni isabukuru isanze yari amaze kwiyubaka hafi mu nguni zose z'ubuzima. Muri muzika, ari kwitegura gusohora Album. Mu buzima busanzwe, aherutse kwimukira n'umuryango we mu nzu yubatse i Nyamata.

Mu bantu bamwifurije isabukuru nziza ku isonga hari umugore we wifashishije konti ye ya Instagram kuri uyu wa Kane tariki 28 Ukwakira 2021, yandika avuga yagize amahirwe adasanzwe yo kurushinga na Tom Close.

Ati 'Isabakuru nziza shema ryanjye. Imana izandinde kurengwa ngo nibagiwe amahirwe nagize”. Avuga ko indangagaciro Tom Close afite zituma ahora yifuza kumubyarira. 

Ati 'Umutuzo, ubwenge n’ubuhanga bikuzuye bituma mpora nifuza ku kubyarira kugira ngo Isi tuyuzuze abameze nkawe.'

Yasabye Imana gukomeza guha umugabo we 'ibyiza byose' amwibutsa ko amukunda. Ati 'Ndagukunda cyane”. Imyaka umunani irashize Tom Close arushinze na Ange Tricia. Muri iyo myaka bibarutse abana bane, ariko hari undi umwana biyemeje kurera. 

Ange Tricia yabwiye Tom Close ko ibyiza bimuranga bituma ahora yifuza kumubyarira abameze nkawe

 Kuri uyu wa Kane, Tom Close yizihije isabukuru y'imyaka 35 y'amavuko