Icyishatse Hervé ukinira REG BBC yambitse impeta umukunzi we, Niwenshuti Mignone, nyuma yo kumwemerera kuzamubera umugore.
Iki gikorwa cyabereye ku Muhima ku Cyumweru, tariki ya 31 Ukwakira 2021.
Icyishatse ukina asatira muri REG BBC, yasabye Niwenshuti Mignone kuzamubera umugore na we arabimwemerera, amwambika impeta.
Source : https://yegob.rw/umukinnyi-wa-reg-bbc-yambitse-impeta-umukunzi-we-amafoto/
Umugabo wo muri Peru birashoboka ko azamara imyaka 5 muri gereza azira kubuza imbwa ebyiri kugira ibyo zikorera.
Nk'uko amakuru abitangaza, uyu mugabo uzwi ku izina rya Gabriel, akaba agurisha ikawa ku nkombe z'umuhanda yabujije nkana imbwa gutera akabariro maze azitera amabuye.
Amakuru avuga ko yazikurikiranye akazitera amabuye igihe cyose imbwa y'ingabo yagerageje gutera akabariro. Uyu mugabo ashobora kuba yarabikoze kugirango yishimishe ariko banyiri izo mbwa bahise bagana iyo murukiko.
Source : https://yegob.rw/biratangaje-ashobora-gufungwa-imyaka-5-azira-kubuza-imbwa-2-gutera-akabariro/
Amezi abiri arashize umuhanzi munjyana ya Hip hop, Tuyishime Joshua yitabye Imana, ni inkuru yashavuje benshi mubakunzi b'umuziki mu Rwanda.
Nyuma y'amezi abiri uyu muhanzi yitabye Imana, umugore we babyaranye umwana mukuru, ari mubagaragaje agahinda afite kubwo kubura umugabo babyaranye umwana w'umukobwa ari nawe mfura ya Jay Polly.
Mu magambo y'icyongereza n'igifaransa Afsa wiyita Fifi Mama Cristal yagize ati 'I really miss this hondesome niggaz Joshua ,the guy use to call me my ka small size fify de fleur ça va ? à cause de toi je suis devenue maman crystal ! merçi pour tout my dear friend !2 mois déjà !it's crazy how time flies !thanks for everything i will always appreciate ngufite ku mutima.Allah akwagurire imva ashyiremo urumuri Allahuma Amiina ya Rabi '
Source : https://yegob.rw/uwabyariye-jay-polly-imfura-ye-yongeye-gushengurwa-nagahinda/
Umukecuru w'imyaka 70, umugabo we yitwa Malhdari akaba afite imyaka 75. Bombi batuye mu cyaro cya Mora mu gace kitwa Gurujat mu gihugu cy'u Buhinde bibarutse umwana wabo nyuma yimyaka 45 barabuze urubyaro.
IVF ni ikoranabuhanga rifasha ababyeyi bafite ibibazo byo kuba badasama mu buryo busanzwe aho umugore ategurwa, agahabwa imiti kugira ngo amagi ashobora kuvamo umwana aboneke. Nyuma yo kuboneka avanwa mu mubiri we agashyirwa muri Laboratoire. Nyuma yaho ahuzwa n'intanga z'umugabo, agasubizwa muri nyababyeyi y'umugore, umwana agatangira kwirema mu nda nk'ibisanzwe akagenda kura mbese umugore agatwita muri rusante ari nako byagenze kuri uyu mucekuru w'imyaka 70.
Iyo hifashishijwe ubu buryo kugira ngo umugore atwite bisaba ko akurikiranwa cyane kugira ngo iki gikorwa kibashe gutanga umusaruro. Jivunben Rabari w'imyaka 70 wari ugiye gusaza atabyaye, amakuru avuga ko ari we wasabye umugabo we nawe w'umusaza rukukuri ko bajya kugerageza uburyo bwa IVF bakareba ko babona umwana none Imana yarabasubije ubu bafite ikibondo bakaba baribarutse mu kwezi gushize.
Source : https://yegob.rw/biratangaje-ku-myaka-70-umukecuru-yibarutse-umuhungu/
Umugabo w'umuzungu yarize nk'umwana muto nyuma yo gutuburirwa n'umusore ukiri muto w'umwirabura wamuriye amafaranga yifashishije uburyo bw'ikoranabuhanga.
Uyu muhungu muto utaramenyekana yifashishije imbuga nkoranyambaga maze atuburira umuzungu.uyu muzunzu yavuze ko umuhungu yamwabuye amafaranga ye,ndetse asangiza videwo igaragaza ibiganiro bagiranye.Umuzungu akaba yasabaga ko yasubizwa amafaranga ye.
Source : https://yegob.rw/umuzungu-yarize-nkuruhinja-nyuma-yo-gutuburirwa-numuhungu-muto-wumwirabura-video/
Kuri uyu wa Kabiri tariki ya 02 Ugushyingo 2021, Primus National League yari yakomeje hakinwa imikino y'umunsi wa kabiri, yarangiye Kiyovu Sport ihawe isomo rya ruhago ndetse inahabwa ubutumwa ko umujyi wa Kigali uyobowe na AS Kigali nyuma yo gutsindwa ibitego 4-0.
Nyamara Kiyovu Sport yari yatangiye ica amarenga ko ishobora kuza kwitwara neza muri uyu mukino aho mu minota itatu ya mbere rutahizamu Emmanuel Okwi yabonyemo uburyo bubiri bwo gufungura amazamu ariko ntibyamukundira.
Guhera ubwo AS Kigali yahise icurika ikibuga ndetse inakosora byihuse amakosa yari akozwe na Kiyovu Sport, aho ku munota wa 6' Aboubakar Lawal yakaragiye umupira Haruna Niyonzima wahise atera ishoti riremereye afungura amazamu, atsindira AS Kigali igitego cya mbere.
Nyuma y'iminota ibiri gusa, Haruna yasunikiye umupira Dennis Rukundo wari wacunze uko umunyezamu Kimenyi Yves ahagaze, atsinda igitego cya kabiri, wavuga ko ari amakosa ya Kimenyi wari wasohotse cyane agata izamu.
Mu gihe Kiyovu yibazaga ibiyibayeho mu minota umunani gusa, inagerageza gukosora kugira ngo igaruke mu mukino, Ishimwe Christian yazamuye umupira n'ukuguru kw'imoso awutereka ku mutwe wa Lawal wahise atsinda igitego cya gatatu cya AS Kigali ku munota wa 16.
Imibare yahise ibana myinshi umutoza Haringingo Francis wa Kiyovu Sport kuko ikipe ye yari imaze gutsindwa ibitego byinshi kandi hakiri kare.
Ku munota wa 22' Mugheni Fabrice wakinaga mu kibuga hagati muri AS Kigali yagize ikibazo cy'imvune mu ivi, asimburwa na Niyibizi Ramadhan wanigaragaje mu minota yari isigaye y'umukino.
Kiyovu Sport yagerageje gukina neza yubaka kugira ngo irebe ko yakwishyura ibitego yatsinzwe ariko ntibiyikundire.
Ku munota wa 31 Ntwari Fiacre wari mu izamu rya AS Kigali yarokoye iyi kipe ku mupira wazamukanwe neza na Okwi awuhindurira mwenewabo Muzamiru Mutyaba, awuteye mu Nguni Fiacre awukuramo.
Aba bagande bakomeje kotsa igitutu ubwugarizi bwa AS Kigali ariko iminota 45 y'igice cya mbere irangira nta gitego babonye ahubwo binjijwe 3.
Kiyovu yatangiye igice cya kabiri isatira, ikoresha impande zayo cyane, ihiga uburyo bwose yabona igitego ariko ibyo bagerageje byose birabangira, ntihagira ikivamo.
Kimenyi Yves wagaragaje urwego ruri hasi n'amakosa menshi muri uyu mukino, yongeye gukora ikosa ryatanze igitego ku munota wa 84' ubwo yatangaga cadeaux kuri Niyibizi Ramadhan watsinze igitego cya kane cya AS Kigali, cyashyize akadomo ku cyizere cy'abafana ba Kiyovu cyo kwishyura ibitego batsinzwe n'ubwo n'ubundi byari bigoye ko babikora.
Sugira Ernest winjiye mu kibuga asimbura yagerageje amahirwe y'igitego cya gatanu umukino ugana ku musozo, ariko ishoti rikomeye yateye rigarurwa n'igiti cy'izamu.
Iminota 90 y'umukino yarangiye AS Kigali yegukanye amanota atatu itsinze mukeba wayo Kiyovu Sport ibitego 4-0, inicara ku mwanya wa mbere muri shampiyona igeze ku munsi wa kabiri, aho ifite amanota 6/6.
Ku munsi wa gatatu wa Primus National League uzakinwa nyuma y'umwiherero w'ikipe y'igihugu, AS Kigali izakina na Gorilla FC, mu gihe Kiyovu Sport izakina na Police FC.
Mu yindi mikino yabaye, Mukura yanganyije na Gasogi United 1-1 mu karere ka Huye, mu gihe Gorilla yanganyije na Marines FC 1-1.
Imikino iteganyijwe kuri uyu wa Gatatu;
Rutsiro FC vs Rayon Sports
Police FC vs Espoir FC
Gicumbi FC vs Etoile de l'EST
Bugesera FC vs Etincelles
APR FC vs Musanze FC
AS Kigali yanyagiye Kiyovu Sport 4-0 mu mukino w’abakeba b’i Kigali
Umugabo w'imyaka 49 y'amavuko, witwa Shepherd Chiwara, yapfuye azize kunywa akarenza urugero ibinini bimufasha mu gutera akabariro n'umukunzi we.
Shepherd Chiwara wo mu Mudugudu wa Marowa muri Nyazura mu gihugu cya Zimbabwe yapfiriye mu rugo rw'umukunzi we, Stella Mafarachisi, nyuma y'amasaha atatu atera akabariro.
Mafarachisi ni we wabimenyesheje abapolisi mu masaha ya bukeye bwaho ndetse nta gikomere cyagaragaye ku mubiri we.
Umuvugizi w'igipolisi mu ntara ya Manicaland, Assistant Inspector Wiseman Chinyoka, yemeje ibyabereye mu Mudugudu wa Maurendi mu ijoro ryo ku wa gatandatu ushize.
Yavuze: 'Turashobora kwemeza ko Shepherd Chiwara yasuye umukunzi we, Stella Mafarachisi kandi yamaranye igihe nawe mbere yuko bajya kuryama ahagana saa 11h'.
'Yakangutse ahagana mu gicuku arimo kubabara mu gatuza. Ubuzima bwe bwarushijeho kumera nabi apfa nyuma y'isaha imwe n'igice'.
'Mafarachisi yihutiye kujya kuri sitasiyo ya Polisi ya Nyazura aho yatanze raporo. Nta bikomere byabonetse ku mubiri'
Source : https://yegob.rw/umugabo-yanyweye-ibinini-byo-gutera-akabariro-none-dore-uko-byamugendekeye/
Bahavu Jeannette umukinnyi wa filime nyarwanda ukomeye washakanye na Ndayikengurukiye Fleury baritegura kwibaruka imfura yabo, avuga ko atewe ubwoba n’umunsi w’ibise kuko bamubwiye ko biryana cyane ndetse ko nta kintu bigereranywa.
Bahavu wakinnye muri filime zitandukanye nka City Maid yakinnyemo yitwa Diane, ubu afite filime ye bwite yitwa Impanga akinamo yitwa Kami.
Muri Gashyantare uyu mwaka nibwo we na Fleury bakoze ubukwe, mu minsi mike ishize nibwo bahishuye ko batwite bitegura kwakira imfura yabo.
Mu kiganiro n’ikinyamakuru ISIMBI, Bahavu yirinze gutangaza niba umwana atwite ari umuhungu cyangwa umukobwa ariko ngo minsi ya vuba abantu bazabimenya, gusa kwibona atwite ni ibintu byamushimishije cyane.
Ati 'Biba ari ibintu bishimishije cyane, kwibona utwite ufite amatsiko y’umwana uzaza, aba ari ibintu byiza.'
Agaruka ku munsi umuteye ubwoba mu bihe bye byo gutwita, yavuze ko ari umunsi w’ibise kuko yabwiwe ko biryana kurusha ibindi bintu bibaho.
Ati 'Kuzajya ku bise, uwo munsi untera ubwoba, mba numva ari ibintu biteye ubwoba, biteye ubwoba, ngo nta kintu ushobora kumva kiryana nkacyo, ngo umusonga uroroha, ngo biraryana cyane.'
Umugabo we Ndayikengurukiye Fleury ngo ajya amuhumuriza akamubwira ko ari ubwoba akamuha n’ingero z’ababyeyi babyaye abana benshi aho amubwira ko iyo biba biryana batari kwemera kubabyara.
Bahavu Jeannette akaba yavuze ko nyuma yo kubyara ari bwo azajya i Burundi aho umugabo we avuka bagiye gusura kwa sebukwe na nyirabukwe.
Uyu mugore ukuzwe cyane muri Sinema Nyarwanda akaba yanasinye amasezerano yo kwamamaza imyambaro idodwa n’iduka ry’imideli rya Sina House.
Ku ncuro ya kabiri, ikiganiro Isango na Muzika cya Radiyo Isango Star kigiye kongera guhemba abitwaye neza mu byiciro bitandukanye by'imyidagaduri hano mu Rwanda nk'uko umwaka ushize wa 2020 bari babigenje gusa uyu mwaka hakaba harimo izindi mpinduka.
Uku gushimira abahanzi ndetse n'ibindi bice bitandukanye by'imyidagaduro mu Rwanda biteganyijwe kuzaba tariki ya 26 Ukuboza 2021 nk'uko abategura ibi bihembo babigaragaje binyuze mu kirango cy'amamaza iki gikorwa.
Nk'uko ku ncuro ya mbere byagenze hahembwa ibyiciro bitandukanye birimo Best Male Artist, Best Female Artist, New Artist, Best Song of The Year, Best Audio Producer, Best Video Producer, Best Gospel Artist, Best Actor na Best Actress uyu mwaka kandi ngo haziyongeraho ikiciro cy'injyana ya R&B, Hip hop, Afrobeat, Gakondo ndetse n'icy'indirimbo nziza ikozwe mu buryo bw'amashusho.
Mu begukanye ibihembo by'umwaka wa mbere byateguwe n'ikiganiro cya Isango na Muzika harimo Gratien Niyitegeka, Beatha Mukakamanzi (Maman Nick), Element (Best audio producer ), Meddy Saleh(Best video Director), Bruce Melodie(Best male Artist), Alyn Sano(Best female Artist ), Juno Kizigenza(New Artist ), Igare ya Mico the Best(Best song 2020), Israel Mbonyi(Best gospel).
Ikiganiro Isango na Muzika, gitambuka kuri Radio Isango Star ivugira kuri 91.5 FM ndetse no 105.5 FM kikaba gitambuka buri munsi kuva kuwa mbere kugeza kuwa gatanu uhereye ku isaha ya saa cyenda kugeza ku saa kumi n'imwe n'igice.
The post Ikiganiro 'Isango na Muzika' cya Radiyo Isango Star kigiye gutanga ibihembo ku nshuro ya kabiri appeared first on RUSHYASHYA.
