Blog

Reka turebere hamwe zimwe muri zo n’ibisobanuro byazo:

Umuriro

Aka kamenyetso gakoreshwa igihe umuntu ashaka kwerekana ko ashimishijwe n’igikorwa kibaye cyangwa kigiye kuba (haraza gushya/hahiye), cyangwa se kwerekana ko wishimiye umuntu runaka bitewe n’uko agaragara cyangwa ibikorwa bye.

Isura icuramye

Natebyaga, nikiniraga, sinari nkomeje.

Isura ifite amaso y’udukubo

Gushiguka, gukuka umutima kubera ibibaye (ibyago/urupfu)

Inguge yipfutse amaso

Ngize isoni z’ibyo mbonye, sinshobora gukomeza kubireba.

Inguge ipfutse umunwa

Ngize isoni z’ibyo mvuze cyangwa nanditse.

Inguge ipfutse amatwi

Sinemera ibyo numvise, sinshaka no kubyumva.

Inzara barimo gusiga vernis

Ibyo uvuze (wanditse) ntacyo bimbwiye, nta n’icyo byampinduraho.

Umuntu urimo kubyina

Ndi mu byishimo, ndashaka kujya kubyina nkanezerwa.

Ikiganza kirambuye mu kirere

Hagarara! Rekera aho! Ntugire icyo urenzaho! Mu yandi magambo ni STOP! Iki kiganza hari abagikoresha mu butumwa bwo gusuhuzanya ariko si byo.

Ikiganza kinyeganyega

Iki kiganza ni cyo cyagenewe gukoreshwa mu mwanya w’ubutumwa bwo gusuhuzanya.

Ikiganza kirambuye mu kirere

Simbizi pe! Sinzi uko nabisobanura.

Isura n’ibiganza bireba iruhande

Ni uko bimeze, wabyemera utabyemera nta kindi nabikoraho.

Isura ifite amaso gusa

Mbuze icyo mvuga, ndaruciye ndarumira (ururimi)

Igikanka (amagufa y’umutwe)

Ibi birenze ukwemera, ndapfuye!

Akarahuramuriro (electric plug)

Icyo wakenera cyose nakikubonera.

Isura ita inkonda

Amerwe aranyishe (ndashaka kurya), cyangwa se ndakwifuza (umugore/umugabo). Ishobora no gukoreshwa n’umuntu werekana ko yasagutswe n’inzoga (gusinda).

Biracyaza…

Nelson Mandela

Iryo gurishwa riteganyijwe kubera i New York, rikoreshejwe n’inzu itegura za cyamunara yitwa Guernsey’s Auction, urugurisha akaba ari Christo Brand, wahoze ari umurinzi wa Mandela muri iyo gereza.

Minisitiri wa Afurika y’Epfo ushinzwe Umuco, Nathi Mthethwa, yavuze ko nta biganiro byabanje kubaho na Leta.

Yagize ati “Uru rufunguzo ni urw’abaturage ba Afurika y’Epfo, ntabwo ari umutungo bwite w’undi muntu”.

Inzu Guernsey’s itegura cyamunara itangaza ko iyo cyamunara iteganyijwe kuba ku itariki ya 28 Mutarama 2022, igamije gukusanya amafaranga yo gushyiraho ubusitani bw’urwibutso ndetse n’inzu ndangamurage iruhande rw’aho Mandela ashyinguye.

Mandela, intwari y’igihugu muri Afurika y’Epfo, yamaze imyaka 18 afungiye muri gereza yo kuri Robben Island mu myaka 27 yafunzwe, nyuma Brand yahindutse inshuti ya hafi ya Mandela.

Iyo gereza ikomora izina ryayo ku nyamaswa zizwi nka ‘seals’ zahoze ziba kuri icyo kirwa ku bwinshi, robben ni izina ry’izo nyamaswa mu rurimi rw’Igiholandi.

Mandela yafunguwe mu 1990 ubwo Afurika y’Epfo yatangiraga urugendo rwo kuva mu butegetsi bw’ivanguramoko bwa apartheid, urugendo rwarangiye mu 1994 ubwo habaga amatora ya mbere ahuriwemo, Mandela agatorerwa kuba Perezida wa mbere w’umwirabura muri icyo gihugu, aho yategetse manda imwe, ava ku butegetsi mu 1999. Yitabye Imana mu 2013 afite imyaka 95.

Havugimana usanzwe ari umwarimu ku ishuri ribanza rya Karangazi mu Karere ka Nyagatare, yatawe muri yombi tariki ya 24 Ukuboza 2021, ubwo yari ku kigo nderabuzima cya Bugeshi asanganywe icyangombwa cy’uko yikingije kandi bitarabayeho.

Havugimana aganira na Kigali Today yemeye ko yakoze amakosa abizi.

Agira “Twakoze ikosa ryo kugura ikarita itemewe, kugira nemererwe kwinjira mu bukwe. Nzi neza ko ari ikosa kuko ntikingije ntanipimishije.”

Akomeza avuga ko iyo karita yayiguze amafaranga 1000Frw n’umuntu wari uzifite i Musanze aho yari yagiye mu bukwe.

Ati “Banze ko twinjira mu bukwe, abafite amafaranga bakipimisha, njyewe ntayo nari mfite, ubwo nari ku gipangu bakinze. Haje umusore afite amakarita ane, atubwira ko twayagura tukagaragaza ko twikingije”.

Havugimana asobanura ko iyo karita yamufashije mu gihe abarimu basabwa kwikingiza abatabikoze bakava mu mirimo.

Ubwo ku wa 24 Ukuboza 2021 yajyaga kwikingiza Covid-19, yasanze ku kigo nderabuzima abantu babaza impamvu batashyizwe muri system, maze na we agira amatsiko yo kubaza.

Ati “Nagize amatsiko njyayo, bambaza niba nanjye narikingije mbereka ikarita yanjye, umuganga wayibonye yibajije ukuntu bankingiye inkingo mu byumweru bibiri kandi bigomba iminsi 24, bambura muri system banyibazaho.”

Havugimana avuga ko yakomeje kubazwa yemera ko yayiguze ajyanwa ku buyobozi.

Umuvugizi wa Polisi mu Ntara y’Iburengerazuba, CIP Bonaventure Twizere Karekezi, avuga ko Havugimana azashyikirizwa ubugenzacyaha akurikiranyweho icyaha cyo gucura imyandiko mpimbano, atanga ubutumwa busaba abantu kwikingiza n’abafite impapuro mpimbano bakazishyikiriza ubuyobozi.

Ati “N’ubwo amabwiriza ya Leta asaba abantu kwerekana ko bikingije Covid-19 kugira ngo bahabwe servisi, ntibivuze ko bagomba gukora ibyaha byo guhimba inyandiko zibyerekana kuko abazabikora cyangwa abazabifatirwamo bazahanwa. Turakangurira abatarikingiza kubyitabira ndetse bakubahiriza amabwiriza yo kwirinda ikwirakwira rya Covid-19, birinda inzira zose zibaganisha gukora ibyaha nk’ibi.”

Icyo cyaha Havugimana agihamijwe n’urukiko yahanishwa igifungo cy’imyaka iri hagati y’itanu (5) n’imyaka (7), n’izahabu y’amafaranga abarirwa hagati ya miliyoni eshatu na miliyoni eshanu.

Ibi nabyumvanye abantu benshi batandukanye babyinubira ndetse bamwe bakaniyama abatarabikora ngo ntibibeshye ngo babifurize umwaka mwiza, kandi bari bamaze igihe kinini batabavugisha, nza kwibaza icyo byaba binatwaye aribwo abikoreye.

Ubusanzwe hari abantu baba baziranye, ariko badakunda kuvugana kenshi wenda bitewe n’uko nta bintu byinshi bibahuza, ariko ibyo bitavuga ko baba bataziranye ku buryo haba ikintu kidasanzwe nko gusoza umwaka akibuka ko na mugenzi we yawusoje akabyishimira, ndetse akanamwifuriza kuzasoza amahoro undi bagiye gutangira.

Ubundi abantu bose bigirira ibibazo bigiye bitandukanye, ku buryo kujya ubona umwanya wo kuvugisha abantu bose muziranye cyane cyangwa buhoro bitakorohera umuntu.

Ibi bigatuma hari abo bavugana kenshi n’abandi bavugana gahoro bibaye ngombwa. Ariko kuba abantu bagiye gusoza umwaka biba ari ikintu kinini ku buryo umuntu wafashe umwanya akakwibuka mu bo yishimira ko basozanyae umwaka amwifuriza kuzasoza no kuzahirwa mu wundi ukurikiyeho, biba ari igikorwa cyiza undi yakwishimira.

Ikindi gihari, iyo uvuze ngo mwari mumaze igihe mutavugana, ubwo bisobanuye ko nawe utaba waramuvugishije, ariko ubwo umwe akaba ari we ubaye mubi nibura unakwibutse muri izo mpera z’umwaka, akanakwifuriza ishya n’ihirwe mu mwaka utangiye.

Gusoza umwaka ugatangira undi ni ibidasanzwe, kandi ibyo abantu babifatira umwanya nyine iyo umwaka urangiye, kuko nibwo uba umenye ko muwusoje, rero umuntu kuba yarakuvugishije kenshi cyangwa gake, numva bitaba imbogamizi yo kuba agutekereje akakwifuriza kuzagira umwaka mwiza ukurikiyeho.

Hari n’ababisanisha n’amasano bafitanye, cyangwa umumaro runaka yumva kanaka yari kumumarira, ku buryo iyo atabikoze uko we yumva yari kubikora aba yumva adakwiriye kumwifuriza umwaka mushya muhire, cyangwa gushimishwa n’uko ari muzima basozanye umwaka. Nyamara kwishimira ko uriho, ni iby’agaciro kuko ubuzima buzima ni cyo gishoro cya mbere.

Yaba amagambo nyiri ubwite yiyandikiye, yaba amagambo y’undi yabonye ahantu akayakunda akaba ariyo yifashisha akwifuriza umwaka mushya muhire, numva yose ari meza umuntu yakagombye guha agaciro. Naho utahetukaga kukuvugisha akakwibuka umwaka urangiye, ubwo nibura numva unamugaye, wamugaya gutinda ariko ntumugaye guhera.

Burya aba yabikoze neza kuko aba ari igihe cy’umuntu cyo kwicara agasuzuma. Ubwo kuba uza mu rutonde rw’abantu azi atekereje, n’ubundi uba uri uw’agaciro kuri we.

Reka nsoze nifuriza abakunzi bacu, Umwaka mushya muhire wa 2022, cyane cyane abakunda inkuru nandika. Uzababere uw’ibyiza.

Iki ni igitekerezo cy’umunyamakuru Mukazayire Immaculée Youyou

Ku gicamunsi cyo ku wa Kabiri tariki 7 Ukuboza 2021 nibwo Dr Nsanzimana yahagaritswe nk'uko bigaragazwa n'itangazo ryaturutse mu Biro bya Minisitiri w'Intebe.

Umuvugizi wa RIB, Dr Murangira B. Thierry, yemereye IGIHE ko iperereza ryatangiye gukorwa kuri Dr. Sabin Nsanzimana ariko ntiyatangaje ibyaha uyu muyobozi akurikiranyweho ku bw'impamvu yise iz'iperereza.

RBC ni kimwe mu bigo binini mu rwego rw'ubuzima mu Rwanda. Gifite Diviziyo 13 kandi buri imwe ifite inshingano zihariye zijyanye no kubungabunga ubuzima bw'abenegihugu.

Hari amakuru avuga ko ibyaha Dr Nsanzimana akurikiranyweho bifitanye isano n'umutungo w'iki kigo ayobora.

Bibarwa ko ku mwaka RBC ikoresha ingengo y'imari ishobora kugera kuri miliyari 15 Frw, irimo n'amafaranga aturuka mu baterankunga no mu yindi miryango mpuzamahanga.

Mu batera inkunga RBC harimo nka USAID, Global Fund, Clinton Foundation, Enabel, Banki y'Isi, Unicef n'abandi.

Akenshi umuyobozi w'ikigo nka RBC, mu miyoborere yacyo, nta hantu ahurira n'amafaranga keretse iyo bishingiye ku byemezo afata nk'uyobora ikigo.

Muri Nyakanga 2019 ni bwo Dr Sabin Nsanzimana yagizwe Umuyobozi Mukuru wa RBC asimbuye Dr Condo Jeannine.

Dr Sabin Nsanzimana uyobora RBC yahagaritswe by’agateganyo

Minisitiri Bamporiki Edouard yashimye abantu bose bamwifurije isabukuru y’amavuko barimo abakozi b’ikigo cy’Igihugu cy’itangazamakuru RBA.

Ni mu butumwa yanyujije ku rukuta rwe rwa Twitter mu masaha macye ashize.

Ubutumwa bwa Minisitiri Bamporiki Uwayo Edouard ashima abamwifurije isabukuru y’amavuko.

Mu busanzwe Bamporiki yavutse tariki 24 Ukuboza 1983, avukira i Nyamasheke mu Ntara y'Uburengerazuba, ari naho yaje kwiga amashuri abanza ndetse n'ayisumbuye. Yakuze akunda cyane kwandika cyane cyane imivugo, aho yagendaga yitabira amarushanwa atandukanye mu bigo by'amashuri.

Afite imyaka 11 gusa y'amavuko, yakoze umuvugo witwa 'Iyo badatsembwa tuba dutwenga' ari nawo watumye amenyekana nk'umusizi akiri umwana. Nyuma amaze kuba umusore, yagiye abona umwanya wo kuvuga imivugo mu birori bitandukanye byo ku rwego rw'igihugu, nko ku munsi mukuru w'Intwari n'indi minsi mikuru itandukanye.

Bamporiki Edouard yari asanzwe akunda kumva cyane ikinamico 'Urunana' akiri muto, akayikunda cyane ndetse akifuza kuba yabasha nawe kuba umwe mu bakinnyi b'Urunana. Mu mwaka wa 2003, nibwo yashakishije aho umushinga utegura Urunana ukorera, arahamenya maze agezeyo arabinginga ngo bareke ajye akina n'iyo batamuhemba ariko akaba umwe mu bakinnyi, aza kubyemererwa maze ahabwa umwanya wo gukina yitwa Tadeyo.

N'ubwo abantu bagiye bumva Tadeyo akina ari umusaza mukuru ndetse ufite abana bakuru n'abuzukuru, yari muto cyane kuko icyo gihe yari afite imyaka 20 gusa y'amavuko, ndetse abantu bakinaga byumvikana ko ababereye umubyeyi mu ikinamico Urunana harimo abamurutaga cyane.

Mu bindi bijyanye n'ubuhanzi, Bamporiki Edouard yakunze kugaragara mu mafilime atandukanye ndetse ahabwa ibikombe n'ibihembo bitandukanye muri sinema, haba mu zo yagiye akina z'abandi ndetse no mu zo yagiye yandika akanazikinamo. Muri filime yagaragayemo harimo iyitwa 'Munyurangabo' y'umugabo witwa Isaac Chung ukomoka muri Amerika, iyitwa 'Rwanda take two' ya Pia nawe ukomoka muri Amerika, 'Kinyarwanda' ya Ismael afatanyije na Eric Brown n'iyitwa 'Imitoma' ya Kwezi John.

Mu mafilime yanditse ku giti cye akanakinamo harimo iyitwa 'Ukuri kuri he' ndetse na 'Long Coat' (Ikote rirerire), hamwe n'izo yagiye akinamo z'abandi akaba yaragiye atumirwa mu maserukiramuco y'amafilime atandukanye mu bihugu by'u Burayi na Amerika. Mu mwaka wa 2006, yitabiriye Iserukiramuco ry'amafilime rya Cannes mu gihugu cy'u Bufaransa, muri 2010 yitabira iserukiramuco  I Rotterdam mu Buholandi, muri 2011 yitabira iserukiramuco muri Turukiya ryitwa 'Crimes and punishment'. Mu mwaka wa 2011 kandi yitabiriye irindi serukiramuco muri Heart Land  muri Leta Zunze Ubumwe za Amerika.

Mu bijyanye n'ibihembo, muri 2008 yabonye igihembo yakuye i New York muri Leta Zunze Ubumwe za Amerika, akaba yarahembewe kwandika filime nziza (Best Script) ubwo yandikaga Filime 'Long Coat', iyi ikaba ari filime yagaragayemo abahanzi b'abanyarwanda nka Miss Channel, Mani Martin n'umukinnyi Jimmy Gatete. Muri 2011, yabonye igihembo cy'umukinnyi mwiza (Best Actor) mu iserukiramuco rya Heart Land.

Hon. Bamporiki ni umwe mu bahanzi b'abahanga beza yaba mu bijyanye na filimi n’ubwanditsi

Nyuma y'ubuhanzi mu byiciro bitandukanye, Bamporiki Edouard mu mwaka wa 2013 yatorewe kuba Intumwa ya rubanda, ubu ni umudepite mu Nteko Ishinga Amategeko y'u Rwanda. Bamporiki ni umugabo wubatse, akaba yarambikanye impeta y'urudashira na Uwingabire Claudine, tariki ya 18 Ukuboza 2010.

Kuva yaba umudepite mu mwaka wa 2013, Bamporiki Edouard yanakomeje ibikorwa bye by'ubuhanzi, dore ko yakomeje kumvikana mu ikinamico Urunana nka Tadeyo, akaba yaratangarije ibyo we yemeje, ko gutanga ubutumwa mu bihangano nabyo ari ukuba Intumwa ya rubanda.

Mu bijyanye n’amashuri, bamporiki Edouard yagiye yiga amasomo atandukanye mu bihugu bitandukanye, harimo amasomo ajyanye na sinema aho yize i Burayi ahitwa Plague ibijyanye na sinema, aza no kwiga muri Leta Zunze Ubumwe za Amerika ibijyanye no kubaka amahoro no kurwanya amakimbirane.

Yinjiye muri Politike mu mwaka wa 2013

Afite impamyabumenyi y'icyiciro cya kabiri cya kaminuza yakuye muri Kaminuza yigenga ya Kigali (ULK).  Mu mwaka wa 2013 nibwo yatorewe kujya mu Nteko Ishingamategeko y'u Rwanda nk'umudepite.

Bamporiki n’umugore we aha hari mu biruhuko by'abagize Guverinoma byo muri Kanama 2021

Ubwo yari akiri mu Nteko Ishingamategeko nk'umudepite, nibwo yamuritse igitabo yise 'Mitingi Jenosideri, Imbundo, Imbarutso y'imbunda yarimbuye imbaga' hari mu mwaka wa 2017 mu muhango witabiriwe n'abarimo Madamu wa Perezida wa Repubulika, Jeannette Kagame.

Mu mwaka wa 2019, yaje kugirirwa icyizere na Nyakubahwa Perezida wa Repubulika Paul Kagame, ashyirwa muri Minisiteri y'Urubyiruko n'Umuco nk'Umunyamabanga wa Leta muri iyi Minisiteri, umwanya yashyizweho avuye ku Ubuyobozi bw'Itorero ry'Igihugu.

Madamu Jeannette Kagame ni umwe mu bitabiriye imurikwa ry’igitabo cya Minisitiri Bamporiki hari mu mwaka wa 2017 

Ni umwe mu bahanga mubyo bakora kandi bagira ubusabane bwa kinyarwanda budasanzwe
 

Papa Francis yahamagariye amahanga kunga ubumwe mu guhashya Covid-19

Ibyo yabisabye ku wa Gatandatu taliki 25 Ukuboza 2021, nk’uko bisanzwe mu butumwa yageneye abitabiriye igitambo cya misa ya Noheli, ku kibuga cya Bazilika ya Mutagatifu Petero i Vatikani.

Yagaragaje ko isi ikeneye gushyira hamwe hagahuzwa imbaraga mu gushaka ibisubizo mu mibanire, by’umwihariko muri iki gihe isi ihanganye n’icyorezo cya Covid-19, ndetse ko nta cyagerwaho mu gihe abantu bahisemo kuba ba nyamwigendaho.

Papa Francis yanagaragaje ko yababajwe n’ibyabereye mu bihugu birimo Siriya, Yemeni na Iraki ,ibyo yise 'amakuba akomeye’, ndetse kandi yatanze umuburo wo kwirinda intambara n’ihohoterwa bishobora kwaduka muri Ukraine.

Uwo muyobozi yerekanye kandi ko ku rwego mpuzamahanga mu gihe hatabayeho inzira y’ibiganiro, hari ibyago byinshi by’uko bizajya biganisha mu guca inzira za bugufi mu gukemura ibibazo, aho guhitamo inzira ziganisha ku nyungu z’igihe kirekire.